شكر الجميع الا جنوده !!!!!!!!!

[ابلة هدى]

فى لقائه على قناة الحياة لتكريم أوائل الثانوية العامة ..
توجه سعادة سيادة نيافة جلالة السيد الوزير الغالى ولو ان اسم غالى ده بينرفزنى بس هو غالى وبيفكرنى فعلاً بغالي ;)
المهم توجه سعادة نيافة الخ الخ الخ انتم ادرى منى بكلمات التبجيل والإحترام والتـــــــــــــقدير
وبالذات التقدير دى لأنها موضوعنا الأساسى

ما أطولش عليكوا قولولى طولى

شكر سعادة الوزير الـــــــــغالـــــــــي الجيش لقيامه بتأمين لجان الإمتحانات

قلت لنفسي عنده حق ربنا يخليلنا الجيش ودايماً فى حب مصر اللهم آمين
واعتدلت وقلت نحن القادمون :9:
فشكر الــــــــــــــــــــــشرطة مشدداً على قيامها بدور كبير هذا العام أكثر من كل عام

فقلت ماشى يمكن تعبوا السنة دى لظروف البلد مع علمى ان سعادة الشرطة كانت وظيفتها دائماً أثناء الامتحانات هو شرب الشاي والذى منه :9:
لكن يئست ؟؟ حزنت ؟؟ زعلت ؟؟ أبداً قلت لنفسى احنا الجايين
هيقول والسادة المعلمين دورهم طوال العام ووقوفهم باللجان بكل رجولة كأسود فى الخيام


فشكر اللجان الشعبية لدورها فى تأمين اللجان

ونحن بدورنا نشكرهم كلهم :p
المهم خاااب ظنى ولم يذكرنا سعادة نيافة جلالة الوزير :rolleyes:
طيب فين الموضوع
الموضوع اتضح وكل شيجٍ انجشفٍ وبان خاصةَ تــــــــقدير ســـــــــعادة الــــــــــوزير لجنوده

ألم تلاحظوا أنه أول ما شكر شكرنا :16: نحن المعلمون جنوده
والحرس الأول فى العملية التعليمية
نحن الذين تعرض بعض زملاء لنا للترهيب بل للضرب بالأسلحة البيضاء

لكن لم يحل ذلك بينهم وبين أداء عملهم !!
المعلمون الذين بدونهم لم يكن لموسم امتحانات الثانوية العامة ان تقوم له قائمة !!
المعلمون الذين هم حجر الأساس لتأمين وتسيير عملية الإمتحانات
بل خروج موسم تعليمي ناجح خاصةً فى هذه الظروف الصعبة !!

المهم شـــــــــــــــــــــــــكراً لتقديرك الدائــــــــــــــــــــــــــــم لــــــــــــــجنودك
يا ســـــــــــــــــــــــــــــــــعادة الــــــــــــــــــــــــــــــــــــــــــــــوز ير :9:

[شريف]

و الله يا استاذة هدى بقيت مؤمن جدا
ان المدرس مهان و يهان فقط في الدول المتخلفة
أما في دول العالم الاول
فكرامته مصانة و محفوظة دائما

معلش ... ماتاخديش في بالك
من امتى و المدرس واخد وضعه فى مصر
عشان حد يهتم بيه دلوقتي و يشكره
سواء وزير و لا غفير

الوزير ده كنا نظن فيه خيرا
لكن واضح ان الكراسي في مصر
فيها مرض معين معدي
بيصيب اي حد يقعد عليها

مرض اللامبالاة و البرود
و تلاقي الواحد منهم كده علي قلبه مراوح

و لا حاسس بحد
في مصرنا العزيزة
ماتدقيش علي حاجة يا استاذة هدي
سيبي نفسك خالص كده
و استسلمي للاحداث

و سدي ودنك و غمضي عينك
و ماتنتظريش حاجة من حد في البلد دي

و ده مش تشاؤم
تشاؤم ايه
ده واقع مفروض علينا

و كم ذا بمصر من المضحكات و لكنه ضحك كالبكا


شكرا يا استاذة هدي
نورتي بيتك

[جمال سراج]

حاجة محزنة فعلا
وزارة دايما ممنهاش الرجا
فى كل عهد تلاقيها وزارة الغلابة
الوزير فيها بيعامل منتسبى وزارته بكل ألاطه
تتصورى مرة حضرت مؤتمر فى مدينة التعليم ب6 أكتوبر وكان فيه وزير سابق ( بهاد الدين) المهم سألته سؤال
ليه المعلم فى كل مكان مدان بأى وبكل الأحوال
يعنى كتير من أولياء الأمور بيتبلوا عالمدرسين وعند التحقيق لازم يدينوا المعلم
ولازم لجان متابعة وظيفتها المنظرة على المدرسين وكل همها البدلات اللى بياخدوها
المهم السؤال عجب الناس فسقفوا
قام دا اتجنن وبكل ألاطة رد قال للناس بتضحكوا على ايه
ما هما اللى بيجبوه لنفسهم
تتصوروا رد معالى الوزير
وزير آخر كان معاده الساعة 10 انتظرناه لحد 1.30 عشان يقعد 5 دقايق بكل كبرياء ودون احترام لا للوقت ولا للناس اللى بتسافر يومين من الصعيد مثلا عشان تنتظر سعادته

يبدو انه قاعدة حضرتك اتعودوا عليها
وزارة الناس المحترمة اللى ممكن ياخدوا فوق الدماغ وميقولوش لا
فى حين انها كانت ممكن تبقى مشكلة مثلا لو الناس كانت اضربت عن امتحان مهم زى الثانوية العامة أو الدبلوم مثلا

ربنا ييسر الحال يا أستاذة هدى
شرفتى القسم العام ويارب تنوريه دايما بمشاركاتك الجميلة
خالص احترامى

[دعاء شديد]

نورتى المنتدى والله
ويارب دايما منوراه
والبدايه قويه كده
ايوه كده الموضوعات الي تفتح النفس

ندخل بقى فى الموضوع
معلش استحملينى شويه
لان انا ضد مبدأ اللوم على طرف واحد
وان كان هذا الطرف مخطئ بلا ادنى شك

لكن
لا ننكر ان وزارة التربيه والتعليم
بها فئة لا تدرى شيء عن التربيه ولا التعليم
فئة تلاقها كده متنحه ومبلمة ولا على بالها اى حاجه
متعرفش يعنى ايه كرامه وشخصيه المدرس فى الفصل
متعرفش يعنى ايه "درس خصوص" مش معناه ان الطالب استرى المدرس
لااااااااااااااااااااا معناها ان الطالب محتاج معلومات منك
خارج وقت المدرسه ... الي بيسموه فى اى وظيفه "اوفر تايم"
ولا هو حلال فى اى مكان وحرام ع المدرس

لكن مع الاسف مع الالم حولوا كلمه "درس خصوصى"
لشيء سيئ جدا ووصمه عار واستغلال
ومن هنا منحنى الكرامه بدأ فى الهبوط

قله من المعلمين هم اصحاب شخصيات قويه قياديه
ولا يتهاون سواء فى الحصه المدرسيه او درس خصوصى

الي عايزه اقوله اذا كان الوزير متجاهل شكر المعلمين
واذا كان متجاهل الاهتمام بهم مهنيا وادبيا

فلان هناك فئة منهم متجاهل سمو الرساله التى تقدمها
هناك فئة محتقره وظيفتها ... وظيفه المعلم

استاذتى
جميع اطراف العمليه التعليميه تحتاج
لاعاده هيكله فكريه اللهم الا قله قليله
امثال حضرتك وباقى المعلمين ذوى العقول الناضجه
الوزير
المعلمون
الطلاب
اولياء الامور

فى انتظار حوار
لان الموضوع فى كتير يتقال

[ابلة هدى]

و الله يا استاذة هدى بقيت مؤمن جدا
ان المدرس مهان و يهان فقط في الدول المتخلفة
أما في دول العالم الاول
فكرامته مصانة و محفوظة دائما

معلش ... ماتاخديش في بالك
من امتى و المدرس واخد وضعه فى مصر
عشان حد يهتم بيه دلوقتي و يشكره
سواء وزير و لا غفير

الوزير ده كنا نظن فيه خيرا
لكن واضح ان الكراسي في مصر
فيها مرض معين معدي
بيصيب اي حد يقعد عليها

مرض اللامبالاة و البرود
و تلاقي الواحد منهم كده علي قلبه مراوح

و لا حاسس بحد
في مصرنا العزيزة
ماتدقيش علي حاجة يا استاذة هدي
سيبي نفسك خالص كده
و استسلمي للاحداث

و سدي ودنك و غمضي عينك
و ماتنتظريش حاجة من حد في البلد دي

و ده مش تشاؤم
تشاؤم ايه
ده واقع مفروض علينا

و كم ذا بمصر من المضحكات و لكنه ضحك كالبكا


شكرا يا استاذة هدي
نورتي بيتك


فعلاً المعلم لايهان الا عند عقول متخلفة رجعية لاتعرف التقدم والتطور واهمية العلم
وكما يقولون النبى مهان عند قومه !!!!!

أما الوزير ده فهو حكايتنا احنا وصدمتنا احنا:patch_swit:
كل ما أفتكر اما عملوا تغيير وزارى وشالوا الوزارة
وانا قاعدة أدعي وأقول "يارب .. يارب ..يارب
وزيرنا يفضل يارب
ده راجل كان محترم اوى وبيحترم المعلمين جداً
وعاوزينه يرجع الوزارة عشان يعمل حاجة للمعلم
ويعدل قانون الكادر المايل
وحاجات كتيييير كنت بأحلم بيها برجوعه

وياريته مارجع ولا عتبها تانى

وعندك حق المفروض ما أدقش ولا أخبط :33:
اللى عند ربنا هو المنتظر والأبقى

لكن تعمل ايه ف حرقة دمى
والله قعدت متغاظة اعمل ايه ف الوزير اللى ماعبرناش ده؟؟!!
يلا الله يسامحه:patch_pleur1:

والمنتدى منور بوجودك ووجود مشرفيه وأعضائه
ويارب دايماً منور بيكم

[ابلة هدى]

حاجة محزنة فعلا
وزارة دايما ممنهاش الرجا
فى كل عهد تلاقيها وزارة الغلابة
الوزير فيها بيعامل منتسبى وزارته بكل ألاطه
تتصورى مرة حضرت مؤتمر فى مدينة التعليم ب6 أكتوبر وكان فيه وزير سابق ( بهاد الدين) المهم سألته سؤال
ليه المعلم فى كل مكان مدان بأى وبكل الأحوال
يعنى كتير من أولياء الأمور بيتبلوا عالمدرسين وعند التحقيق لازم يدينوا المعلم
ولازم لجان متابعة وظيفتها المنظرة على المدرسين وكل همها البدلات اللى بياخدوها
المهم السؤال عجب الناس فسقفوا
قام دا اتجنن وبكل ألاطة رد قال للناس بتضحكوا على ايه
ما هما اللى بيجبوه لنفسهم
تتصوروا رد معالى الوزير
وزير آخر كان معاده الساعة 10 انتظرناه لحد 1.30 عشان يقعد 5 دقايق بكل كبرياء ودون احترام لا للوقت ولا للناس اللى بتسافر يومين من الصعيد مثلا عشان تنتظر سعادته

يبدو انه قاعدة حضرتك اتعودوا عليها
وزارة الناس المحترمة اللى ممكن ياخدوا فوق الدماغ وميقولوش لا
فى حين انها كانت ممكن تبقى مشكلة مثلا لو الناس كانت اضربت عن امتحان مهم زى الثانوية العامة أو الدبلوم مثلا

ربنا ييسر الحال يا أستاذة هدى
شرفتى القسم العام ويارب تنوريه دايما بمشاركاتك الجميلة
خالص احترامى


المعلم مادام اتحول للشئون القانونية لازم ياخد حكم
وكأن إدانة المعلم هى الحكم !!
لا أعلم لماذا لا يحول معلم للشئون القانونية وياخد براءة ابداً
بالفعل وضعت يدك على موضوع فى الصميم يحتاج منا لفتحه بكل وضوح
واتخاذ خطوات قوية لإنهائه

تعرف حضرتك ان موظف الملفات بعتلى جواب للمدرسة ان ملفى ناقص
واضطريت أسافر واتعب عشان استكمل الملف وفى النهاية الغلط طلع عند سعادة الموظف
المهم طلبت منه بعد ما تعبنى اصور ورقة بملفى بضمان بطاقتى من أمام الإدارة وارجع الورقة لحضرته حالاً
تعرف الأستاذ اللى دوخنى لاستكمال أوراقى حضرته "رفض" بكل اصرار رغم تحدثى معه بكل ذوق!!
قلت له :"اوك .. مادام بتحب تمشى القانون انا هاطلب الورقة رسمى وانت كمان تتحاسب رسمى ع الورق اللى دوختنى عليه وهو عندك فى مكتبك وانت باهمالك كنت مضيعه"!!
قال اللى انت عاوزة تعمليه اعمليه !!
وقد كان وارسلت شكوى مكتوبة بما حدث للشئون القانونية
تعرف المحقق عمل ايه؟؟
جانى وقال ايه اثباتك على انه ارسلك بطلب الأوراق مايمكن بتتبلى عليه ؟!!
قلت له لأ وطلبت من الإدارية بالمدرسة اصل الجواب اللى حضرته بعته !!
المحقق قاللى :عندك حق بس ده غلبااان وعشان خاطرى ورجاء خاص ومش عارف ايه
تتنازلى عن الشكوى دي واى خدمة والورق لأ الملف كله هنصورهولك
واللى انتِ عاوزاه وعشان خاطري بلاش الشكوى دي !!!
قلت له : آسفة انا متمسكة بحقى لأنه كان انسان قليل الذوق
انا كلمته بالذوق وتغاضيت عما تسبب فيه لي من تعب وتكاليف
لكنه لم يقدر ما فعله ولا حقى فيما أطلب انا اطلب تصوير شهادة من "ملفي" !!!!!!!!!!!!1

المهم عندما وجد اصرارى وقلت له ان لم تحقق سأصعد الموقف فالمحقق حضرته طلب من الإدارية((الاحتفاظ بالخطاب المرسل وعدم منحى أييييييييييي صورة منه ))!!
وزملائى الطيبين صعب عليهم استعطاف المحقق
وحايلونى ومعلش ياهدى
انتِ طيبة والراجل غلط
وحرام يتأذى ولاده هيتظلموا
وحرام ومش عارفة اييييييييه وبتاع
وتحت الضغط وافقت على ان اسامحه!!!!

رأيتم الفارق بين التحقيق مع المعلم وإداري بالإدارة

فكرتنى ليه بس يا أستاذ/جمال :43:

[ابلة هدى]

نورتى المنتدى والله
ويارب دايما منوراه

ده نورك يا قمر
لا حرمنى الله منكم جميعاً يا أعز الزملاء

والبدايه قويه كده
ايوه كده الموضوعات الي تفتح النفس

ندخل بقى فى الموضوع
معلش استحملينى شويه
لان انا ضد مبدأ اللوم على طرف واحد
وان كان هذا الطرف مخطئ بلا ادنى شك

لكن
لا ننكر ان وزارة التربيه والتعليم
بها فئة لا تدرى شيء عن التربيه ولا التعليم
فئة تلاقها كده متنحه ومبلمة ولا على بالها اى حاجه
متعرفش يعنى ايه كرامه وشخصيه المدرس فى الفصل
متعرفش يعنى ايه "درس خصوص" مش معناه ان الطالب استرى المدرس
لااااااااااااااااااااا معناها ان الطالب محتاج معلومات منك
خارج وقت المدرسه ... الي بيسموه فى اى وظيفه "اوفر تايم"
ولا هو حلال فى اى مكان وحرام ع المدرس

لكن مع الاسف مع الالم حولوا كلمه "درس خصوصى"
لشيء سيئ جدا ووصمه عار واستغلال
ومن هنا منحنى الكرامه بدأ فى الهبوط


عندك كل الحق وأتفق معكِ تماماً تماما
لكن أختلف معك ان هذه ليست نقطة البداية
نقطة البداية فى رأيي عندما تدنت رواتب المعلمين فوجدوا أنفسهم مضطرين للدروس الخصوصيةد
بحلوها ومرها ، بربحها وعبئها
فنظرة الدونية لقيمة التربية والتعليم التى هى المبدأ والمنتج للإنسان
هى التى انتجت راتب متدنى وبالتالى أشعرت المعلم بالإحتياج وألجأته للدروس الخصوصية


قله من المعلمين هم اصحاب شخصيات قويه قياديه
ولا يتهاون سواء فى الحصه المدرسيه او درس خصوصى

الي عايزه اقوله اذا كان الوزير متجاهل شكر المعلمين
واذا كان متجاهل الاهتمام بهم مهنيا وادبيا

فلان هناك فئة منهم متجاهل سمو الرساله التى تقدمها
هناك فئة محتقره وظيفتها ... وظيفه المعلم

استاذتى
جميع اطراف العمليه التعليميه تحتاج
لاعاده هيكله فكريه اللهم الا قله قليله
امثال حضرتك وباقى المعلمين ذوى العقول الناضجه
الوزير
المعلمون
الطلاب
اولياء الامور

فى انتظار حوار
لان الموضوع فى كتير يتقال




تمام الله ينور دكتورة / دعاء
أتفق معك بالفعل الجميع يحتاج إعادة هيكلة
ان لم تكونوا لها فمن يكون؟؟
ان لم يكن لها أمثالكم من المعلمين المتفتحين والمثقفين فمن يكون؟؟
زيدينا من آرائك الخصبة فنحن لها مشتاقون
لا حرمنا الله من علمك ولا عقلك اختى الفاضلة