شريف
16-07-2011, 04:02 PM
سالخير ...
على رأي نوره :)
حلمت امبارح حلم غريب ... هوا مش غريب اوى يعنى ... بس هحكيلكم عليه ... مش هحكيلكم عليه أوى يعني ... بس هحاول ... صلوا ع النبى ... نمت امبارح و انا مهموم و مشغول ... و بفكر و مخى كلبظ من كتر التفكير ... و شوفت ايه بقا ؟ قال ايه يا اخويا ... قال انا قاعد فى وسط صالة كبيرة ... هيا مش كبيرة أوى يعنى ... بس محترمة كده ... و قال ايه بقا ... خير اللهم اجعله خير ... هوا مش خير اوى يعنى ... قال ايه ... الصالة دى مليانة اقفاص كبيرة الحجم ... هيا مش كبيرة اوي ... بس ضخمة بصراحة ... و قال ايه ... الاقفاص دى مليانة قطط ... مقفول عليها بالضبة و المفتاح و محبوسة ... لا عارفة تاكل عدل ولا تشرب و لا تعيش ... و حوالين الاقفاص كلاب كتير ... بس الغريب ان الكلاب كانت حرة مش في اقفاص و رايحة جاية براحتها و بتشرب اللبن و تاكل السمك اللي هوا اصلا بتاع القطط ... لا و ايه كمان ... الكلاب كان معاها مفاتيح الاقفاص اللي فيها القطط ... و مستمتعة بحبس القطط ... و انا عمال اقول فى عقل بالي ... مال ياخويا القطط دي مستكينة كده و ساكتة و حتي ما بتنونوش ... طب حتي تعترض ... مافيش ... المهم الحلم طول اوي لحد ما حسيت ان الليل عدا و النهار هيشقشق ... و برضه القطط مش عايزة تاخد خطوة .... و إذ فجأة شوفت تلات اربع قطط كده هاجوا مرة واحدة و قعدوا يكسروا فى الاقفاص ... راحت الكلاب مهوهوة عليهم بصوت عالي ... هوا مش عالي اوي يعني ... المهم ... الكام قطة دول قعدوا ينونوووا ... و يخبطوا في القفص اللي هما فيه و الكلاب عينها لمعت و قعدت تهوهو بجنون لحد ما التلات اربع قطط دول كسروا سقف القفص بتاعهم ... الكلاب ما سكتتش ... طلعوا يجروا علي القطط عشان يعضوهم ... و التلات اربع قطط برضه ما سكتوش ... قعدوا يصرخوا و ينونوووا و طلعوا يجروا علي كل الاقفاص فتحوها ... الكلاب اول ما شافوا المنظر ده ... ططلعوا يجروا و اترعبوا .... و التلات اربع قطط راحوا يطلعوا باقي القطط المستكينة المضروبة علي قفاها من الاقفاص ... في حين ان قطة من التلات اربع قطط طلعت تجري ورا كام كلب و بالفعل مسكت عدد لا بأس بيه منهم ...و حبسوهم في قفص .... علي اساس بعد كده يسالوهم عملوا كده ليه و كانوا بيعذبوا القطط ليه .... المهم مرت الايام ... هيا مش مرت اوي يعني ... ماتنسوش ان انا بحلم ... و عدت الليالي يوم ورا يوم و ليلة ورا ليلة ... و قال ايه يا اخويا يطلعلك قط من اللي كانوا مضروبين علي قفاهم و ما بينطقوش خالص اسمه (( دلدول )) ... يقف في وسط الصالة يصرخ و يزعق و عايز يبقا زعيم القطط ... و قعد يقول ... من النهاردة مافيش قطط ... انا القطط ... انا القطط ... احنا اللي رفعنا عنكم ذل الاقفاص ... احنا اللي حررناكم من الكلاب ... و إن و لعل و ربما و حيثما و بينما .... و قعد يرطم بالفصحي كده ... و يقول ... اقفاصنا ... حركتنا الشعبية ... طلعنا من الاقفاص ... تسقط الاقفاص ... احموا صالتكم ... نحن وحوش الصالة ... و سوف ندغدغ الكلاب دغديغا .... و لسوف تكون حركتنا الشعبية رمزا للبتاع ... و لقد عبرنا عن تحالف قوى القطط ... و لن يجرؤ كلب على الهوهوة بعد الان .... و لسوف نسجنهم جميعا في الاقفاص ... هوا مش و لسوف اوي يعني ... بس يلا المهم راح طلع قط بقا اسمه مشمش ... اللى كان فعلا قط دكر من التلات اربع قطط اللي كسروا قفصهم و كان الراعي الرسمي لحركة القطط و تحريرهم بالفعل ... طلع القط مشمش و راح ماسك القط دلدول من قفاه و قاله : ايه ياض يا بن الهبلة ؟ انت هتعيش علينا ولا ايه ؟ انت عبيط ياض ؟ انت نسيت نفسك ؟ مش فاكر لما كنت بتعمل بى بي علي روحك لما تسمع كلب واحد منهم يهوهو ؟؟؟؟؟؟ حركة ايه و تحالف ايه ؟؟؟ انت كنت قاعد في قفصك ... بسلطاتك ببابا غنوجك ... في ركن كده زي الاهبل و لا كان ليك حس ... نسيت ولا تحب افكرك ... فاكر الكلب ظاظا اللي كنت بتبوس ايده كل يوم و بتقشرله السمك بتاعنا عشان ياكله ؟؟؟؟؟؟؟
و عنها و راح القطط كلهم ملمومين علي دلدول عشان عارفينه بق بتاع كلام و بس ... و قلعوه هدومه بلبوص ... و ربطوه فى نخلة في قلب الصالة ... هيا مش نخلة اوي يعني ... و لسوعوه بالكرباج علي قفاه ...و قطعوا الحبل اللي هوا مربوط فيه في اعلي النخلة ... و راح وقع من فووووووووووووووووق
و إذ فجأة ألاقي نفسي واقع من ع السرير و الشمس ضاربة في عيني
انا مش كاتب الموضوع ده الا عشان حاجة واحدة بس
عشان حد منكو يفسر لي الحلم ده
و لو سمحتوا
مالاقيش واحد يقولي : مبروك ... هتتكسي
او واحد تاني يقولي : انت بس تلاقيك كانت راسك عريانة
لا يا جماعة ... عايز تفسير منطقى
هوا مش منطقى اوي يعني :)
على رأي نوره :)
حلمت امبارح حلم غريب ... هوا مش غريب اوى يعنى ... بس هحكيلكم عليه ... مش هحكيلكم عليه أوى يعني ... بس هحاول ... صلوا ع النبى ... نمت امبارح و انا مهموم و مشغول ... و بفكر و مخى كلبظ من كتر التفكير ... و شوفت ايه بقا ؟ قال ايه يا اخويا ... قال انا قاعد فى وسط صالة كبيرة ... هيا مش كبيرة أوى يعنى ... بس محترمة كده ... و قال ايه بقا ... خير اللهم اجعله خير ... هوا مش خير اوى يعنى ... قال ايه ... الصالة دى مليانة اقفاص كبيرة الحجم ... هيا مش كبيرة اوي ... بس ضخمة بصراحة ... و قال ايه ... الاقفاص دى مليانة قطط ... مقفول عليها بالضبة و المفتاح و محبوسة ... لا عارفة تاكل عدل ولا تشرب و لا تعيش ... و حوالين الاقفاص كلاب كتير ... بس الغريب ان الكلاب كانت حرة مش في اقفاص و رايحة جاية براحتها و بتشرب اللبن و تاكل السمك اللي هوا اصلا بتاع القطط ... لا و ايه كمان ... الكلاب كان معاها مفاتيح الاقفاص اللي فيها القطط ... و مستمتعة بحبس القطط ... و انا عمال اقول فى عقل بالي ... مال ياخويا القطط دي مستكينة كده و ساكتة و حتي ما بتنونوش ... طب حتي تعترض ... مافيش ... المهم الحلم طول اوي لحد ما حسيت ان الليل عدا و النهار هيشقشق ... و برضه القطط مش عايزة تاخد خطوة .... و إذ فجأة شوفت تلات اربع قطط كده هاجوا مرة واحدة و قعدوا يكسروا فى الاقفاص ... راحت الكلاب مهوهوة عليهم بصوت عالي ... هوا مش عالي اوي يعني ... المهم ... الكام قطة دول قعدوا ينونوووا ... و يخبطوا في القفص اللي هما فيه و الكلاب عينها لمعت و قعدت تهوهو بجنون لحد ما التلات اربع قطط دول كسروا سقف القفص بتاعهم ... الكلاب ما سكتتش ... طلعوا يجروا علي القطط عشان يعضوهم ... و التلات اربع قطط برضه ما سكتوش ... قعدوا يصرخوا و ينونوووا و طلعوا يجروا علي كل الاقفاص فتحوها ... الكلاب اول ما شافوا المنظر ده ... ططلعوا يجروا و اترعبوا .... و التلات اربع قطط راحوا يطلعوا باقي القطط المستكينة المضروبة علي قفاها من الاقفاص ... في حين ان قطة من التلات اربع قطط طلعت تجري ورا كام كلب و بالفعل مسكت عدد لا بأس بيه منهم ...و حبسوهم في قفص .... علي اساس بعد كده يسالوهم عملوا كده ليه و كانوا بيعذبوا القطط ليه .... المهم مرت الايام ... هيا مش مرت اوي يعني ... ماتنسوش ان انا بحلم ... و عدت الليالي يوم ورا يوم و ليلة ورا ليلة ... و قال ايه يا اخويا يطلعلك قط من اللي كانوا مضروبين علي قفاهم و ما بينطقوش خالص اسمه (( دلدول )) ... يقف في وسط الصالة يصرخ و يزعق و عايز يبقا زعيم القطط ... و قعد يقول ... من النهاردة مافيش قطط ... انا القطط ... انا القطط ... احنا اللي رفعنا عنكم ذل الاقفاص ... احنا اللي حررناكم من الكلاب ... و إن و لعل و ربما و حيثما و بينما .... و قعد يرطم بالفصحي كده ... و يقول ... اقفاصنا ... حركتنا الشعبية ... طلعنا من الاقفاص ... تسقط الاقفاص ... احموا صالتكم ... نحن وحوش الصالة ... و سوف ندغدغ الكلاب دغديغا .... و لسوف تكون حركتنا الشعبية رمزا للبتاع ... و لقد عبرنا عن تحالف قوى القطط ... و لن يجرؤ كلب على الهوهوة بعد الان .... و لسوف نسجنهم جميعا في الاقفاص ... هوا مش و لسوف اوي يعني ... بس يلا المهم راح طلع قط بقا اسمه مشمش ... اللى كان فعلا قط دكر من التلات اربع قطط اللي كسروا قفصهم و كان الراعي الرسمي لحركة القطط و تحريرهم بالفعل ... طلع القط مشمش و راح ماسك القط دلدول من قفاه و قاله : ايه ياض يا بن الهبلة ؟ انت هتعيش علينا ولا ايه ؟ انت عبيط ياض ؟ انت نسيت نفسك ؟ مش فاكر لما كنت بتعمل بى بي علي روحك لما تسمع كلب واحد منهم يهوهو ؟؟؟؟؟؟ حركة ايه و تحالف ايه ؟؟؟ انت كنت قاعد في قفصك ... بسلطاتك ببابا غنوجك ... في ركن كده زي الاهبل و لا كان ليك حس ... نسيت ولا تحب افكرك ... فاكر الكلب ظاظا اللي كنت بتبوس ايده كل يوم و بتقشرله السمك بتاعنا عشان ياكله ؟؟؟؟؟؟؟
و عنها و راح القطط كلهم ملمومين علي دلدول عشان عارفينه بق بتاع كلام و بس ... و قلعوه هدومه بلبوص ... و ربطوه فى نخلة في قلب الصالة ... هيا مش نخلة اوي يعني ... و لسوعوه بالكرباج علي قفاه ...و قطعوا الحبل اللي هوا مربوط فيه في اعلي النخلة ... و راح وقع من فووووووووووووووووق
و إذ فجأة ألاقي نفسي واقع من ع السرير و الشمس ضاربة في عيني
انا مش كاتب الموضوع ده الا عشان حاجة واحدة بس
عشان حد منكو يفسر لي الحلم ده
و لو سمحتوا
مالاقيش واحد يقولي : مبروك ... هتتكسي
او واحد تاني يقولي : انت بس تلاقيك كانت راسك عريانة
لا يا جماعة ... عايز تفسير منطقى
هوا مش منطقى اوي يعني :)