هنتكلم كده كتير؟؟؟؟؟ [الأرشيف] - المنتديات التعليمية

مشاهدة النسخة كاملة : هنتكلم كده كتير؟؟؟؟؟

نعمه محمود

10-07-2011, 11:22 PM

النهاردة فات على الثورة تقريبا 7 شهور
ولسه بنتكلم معملناش أى حاجة غير الكلام !!!!!!!!
اللى مؤيد للثورة عمال يتكلم وسايب شغله
واللى رافض بردو بيتكلم عشان يثبت صحة رأيه
طيب آخرة الكلام أيه؟؟؟ هنقضيها كلام؟
حال البلد واضح أنه مش هيستقر بسهولة
حالة الصراع السياسي والفكرى اللى موجودة
مش هتنتهى ببساطة ومع ذلك احنا لسه بنتكلم
بقى فى حالة احتقان كبيرة بين أطياف الشعب
محدش عاوز يسمع رأى حد
ولا حد عنده استعداد يتناقش
اتقسمت البلد بين ثوار وفلول
نسينا مصر!!!!!!!
طيب مين يبدأ ؟ مين ياخد الخطوة الأولى؟
النخبة !!! اللى بيسموا نفسهم النخبة دول
للأـسف هدفهم حب الظهور وبعدين مين اللى انتخبهم
بأى حق بلاء الأسوانى يكون من النخبة
ألا بئست هذه النخبة ومين فوضهم للكلام باسمنا
ارتبطت لدى فكريا كلمة النخبة بكلمة العلمانيين
خلاص دول مش هيقدموا حاجة لمصر
دول بيدور على نفسهم وبس
ده دورنا احنا ودى بلدنا
عايشين فيها وولادنا هيكبروا فيها
انما النخبة معاها جواز سفر تقدر
تسافر بيه فى اى وقت
انما احنا ملناش وطن تانى
احنا مش قليلين عدديا ولا فكريا
لماذا لا نتبنى خطة تنمية لكل حى ومدينة
كل مدينة يتعمل فيها مجلس استشارى
عمله تطوعى ويضم خيرة عقول المدينة
( وده ميكونش له علاقة بالمجالس المحلية)
يفكروا ازاى يطوروا الموارد ويوجدو فرص عمل
ويطبق نفس الكلام على المستويات الأصغر فى الاحياء والشوارع
المدارس تبقى منارات لنشر العلم
والمساجد والكنايس تعلم الناس اصول التعايش الصحيح
نبنى بلدنا بادينا لان محدش هيبنيها لينا
نتعب شوية ونشوف حاجة تشغلنا عن الكلام
كلنا بلا استثناء سواء كنا مع أو ضد الثورة
مقدمناش غير الكلام قاعدين نتحاور ونجادل
محدش فينا فكر بكر أولادنا هيعيشوا إزاى
كام مصنع اتقفل وكام عامل قعد فى البيت؟
ليه مانعملش صناديق استثمارية للمشروعات الصغيرة
( وتكون ملهاش علاقة بالصناديق الموجودة بالفعل
تكون حاجة زى التكافل الاجتماعى كده)
لو كل واحد قادر اتبرع بمبلغ واعتبره زكاة مال
حاجات كتير ممكن نعملها ونقدمها لمصر
مش عاوزين نتكلم أكتر من كده
تعبنا كلام ومفيش جديد
نفسي نشتغل وننتج ونقدم شيء
أكبر من الكلام

شريف

10-07-2011, 11:43 PM

قبل ما ارد على موضوعك

اعرف الاول

انتى ثوار و لا فلول ؟؟؟؟؟؟؟؟

معلش عشان بابا محرج عليا ماتكلمش مع حد فلول

هههههههههههههه

بصى يا نعمة

رأيى الشخصى

حلا لكل المشاكل المصرية المتأصلة المتعمقة فى جذور و لغاليغ الارض المصرية

هفضل أنادى بأعلى صوتى

عايزين شخص ملهم

قائد عبقرى

زعيم

يتبنى مشروع قومى

_ ولا بلاش يتبنى دي _ عشان التبني حرام

يبقا عنده حلم ! لتلاتين سنة ادام

و لا بلاش تلاتين دي عشان بقيت اتشائم م الرقم ده

يبقا عنده قضية و هدف

قوي ... ثائر على كل حاجة غلط ... عنده نخوة

نخوة علي مصر .... العريانة أدام دول العالم

و الأوضة مفتوحة عليها

عايزين قائد يغطيها

و الاغرب و الاصعب

اننا عايزين شعب

أه والله محتاجين شعب تاني

ناس لها صفات خاصة

مش عارف اوصفلهملك

بس تقريبا تقريبا

زي الشعوب الصينية و اليابانية كده

ذلف الانوف

صغار العيون

وجوههم كالمجان المطرقة

للأسف

بنتمني نكون واحد علي مليون

من تركيبتهم العقلية الفذة

الشعوب دي عمري ما شوفتها بتتكلم

و لا بتطلع اشاعات و لا تصريحات

الناس دي بتشتغل و بس

و الله يا نعمة عندك مليون حق

احنا بقينا شعب رغااااااااااااااااااااااااااااااااي جداا

اساتذة في الكلام

عايزين حلم نلتف كلنا حواليه

و نبطل نتكلم ... نفسي يخترعوا اي وسيلة

تخلي البق يتقفل طول النهار

و يتفتح بس علي مواعيد الاكل بس

و دوا الضغط !!!

تسلم كيبورداتك
و ماوسك ... و شاشتك
و البروسيسور كمان

جمال سراج

10-07-2011, 11:49 PM

فعلا لازم نتجاوز كل الخلافات ونفوق لمصالح البلد قبل ما تقف خالص
لازم مرونة فى التعامل وطبعا فيه فرق بين المرونة والتخلى عن الحقوق
صحيح فيه حقوق ومطالب مشروعة لكن لابد من وجود آليات للمطالبة بها أبسطها الذوق وعدم تعطيل العمل وعدم تشجيع الشعب أو فئة الموظفين على الأقل على العصيان المدنى
زى ما حصل اليوم إنه بعض الشباب قفل مجمع التحرير عنوة وقوة وادى للموظفين أجازة وحرضهم على عدم العمل !!!!!!!!!!!!!!
بأى حق هذا
إذا لابد من الحزم
زى ما فيه مطالب وحقوق فيه واجبات أبسطها منعطلش الناس عن مصالحه
أما اللى شايف نفسه فاضى أو عاوز يستعرض شبابه أو يعيش حفلات سمر مفيش مشكلة مع نفسه بعيد عن تعطيل المصالح
كمان نقطة الأمن والبلطجة اللى شغالة على ودنه والخوف إن الواحد يكلم إبنه بعد كدا يلاقيه بيتبلطج عليه من كتر اللى بنشوفه
لازم نحاول نشيل الفجوة بين الشعب ورجال الشرطة الشرفاء
فى الماضى كانوا يحمون النظام الوقتى الوضع اتغير - ادوهم فرصة وعيب قوى إن احنا نعمم ونقول كلهم بلطجية أو ... أو ..........
لا لا
هناك منهم شرفاء وليس الآن فقط
حتى فى العهد الماضى كان منهم الشرفاء وهم أغلبية ولا شك فى هذا
زى ما حضرتك بتقولى أستاذة نعمة ياريت نبطل كلام بقا ونشوف حالنا عشان البلد تمشى
لأن الوضع غير مبشر بالمرة
وأرى أنه لابد على الحكومة من حزم أمورها مع كل من يخالف
مثال بسيط هناك قانون صدر حديثا يحول كل من يتظاهر معطلا للعمل للمحاكمة وتم تطبيقه فعلا على بعض العاملين بهيئة قناة السويس وأخذوا فعلا أحكام --- لماذا لا يتم العمل بالمثل مع الشباب الفاضى اللى بيعطل الموظفين عن أعمالها فى التحرير وفى مجمع التحرير وفى ميناء الأدبية بالسويس والعين السخنة
لابد من ردع تلك الأمور
وكفى الحكومة تنازلات لأن الشباب دول كتير منهم فاضى وبيستعرض نفسه
ويمكن فرحان بعضو ائتلاف أو حزب أو جماعة أو حركة
أرى أن الأفعال أقوى تأثيرا من الأقوال
العمل ثم العمل ثم العمل
كما أنه على الحكومة فى ذات الوقت أن تسرع فى محاكمة المعتدين على الشهداء وأن توفر لمصابيهم العلاج المناسب والحياة الكريمة وأن تسارع بمحاكمة فعلية وليست دعائية فارغة لناهبى أموال الشعب وثرواته حتى تهدأ الأمور وتعود لنصابها السليم
أتمنى لمصر السلامة والعبور إلى بر الأمان فى هذه المحنة العظيمة التى تمر بها
خالص احترامى لفكرك الناضج أستاذة نعمة وعقلك الكبير وحسك الوطنى الرائع كما تعودنا منكى دائما
ودى واحترامى للجميع

بيروني

11-07-2011, 02:55 AM

شريف

11-07-2011, 07:39 AM

كلام بجد زى الفل
ولا غبار علية اطلاقا
لكن ودى نحظ تحتها مليون خط
وبصراحة مش هعرف ازوق كلامي
ويمكن كلامي ميعجبكوش
بس زى ما بيقولوا
كل واحد بيعجبه عقله
كلام زى الفل
نسأل حد له شهيد مات برصاص الغدر
حد حس بحرقة فراق اخوه او ابوه او قريب
بجد دى حاجة تبكي لما القتله يتسابوا بقرار محكمة
طيب لية واية السبب فى الافراج عنهم
غموض شائع فى كل اركان مصر المحروسة
لو واحد قلبه انحصر على شهيد
كان لازم يصرخ مش يتكلم بس
يصرخ ويقول ليه
لية الشعب يتحاكم محاكمة فى خمس دقايق
ويتحكم علية محاكمة عسكريه
والقاتل يخرج بكل بساطة بدون ذكر سبب واحد مقنع
وتلاقى محاكمة الساسة بطيئة وممله
الهدف اية
علشان ننسي
ننسى مين زهرة ولادنا واخوتنا
وقى الاخر تقول دة مجرد كلام و هنضيع مصر
يا جماعة مصر هضيع لو سكتنا
لازم نصرخ ونقول حق الشهيد
وحق بلد اتنهبت 30 سنه
وحق فلوس وسلطة وضغط وحرمان
حق لقمة عيش كتير من شعبنا مات فى الطابور
لازم نصرخ ونقول

حق الشهيد حق الشهيد حق الشهيد حق الشهيد حق الشهيد حق الشهيد

لسة بدرى يا مصر يا محروسة
لسة بدرى عليكى لما ترجعى ام الدنيا
لما ناخد حقنا وحق الشهيد
لسة بدرى عليكى لما تتخلصى من فلول بتهدك
بتحبط شعبك
فلول وكله اكله فول
فلول وعقلول غيبه عنهم
ان مصر هترجع قريب جدا
اقرب ما يتصورا
وساعتها هتقول الفلول
فين ايام اكل الفول

اسمحولى يا جماعة بالمداخلة

أنا برضه بأيدك جدا جدا إلي مالا نهاية
بس عايز اسأل سؤال
انت ليه فهمت الموضوع علي انه فلول في فلول !!!!!
طب تعالي كده ندور علي نقطة اتفاق
علشان نوصل لخطوط عريضة ثابتة نتفق عليها

عنوان الموضوع ايه ؟؟
عنوان الموضوع :
((هنتكلم كده كتير؟؟؟؟؟ ))

ليه مانفهمش برضه من العنوان
ان من ضمن اللي صاحبة الموضوع تقصده بالعنوان و بالموضوع
انه ممكن يكون معناه برضه :

هنتكلم كده كتير و مش هنحاكم الفاسدين ؟
هنتكلم كده كتير و هنتباطأ فى محاكمة القتلة ؟
هنتكلم كده كتير و نفضل نتهم بعض ..
ده بالفلول و ده حزب وطني و ده بالعمالة و ده بالثورة المضادة
هنتكلم كده كتير و نفضل ضايعين و عاطلين ؟؟

طب ليه مناخدش حقنا و احنا بنشتغل؟
ليه الشعب المصري اتعود انه يفكر في حاجة واحدة بس
و يوقف الدنيا عشانها ؟

يعني هنعمل مظاهرات مثلا عشان يبقا في محاكمات سريعة
ماشي ... حلو اوي
بس هنعمل مظاهرات بس
مش هنعمل حاجة تانية
مش هنشتغل و لا ناكل و لا نشرب و لا ننتج و لا حتي نستحمي
طب ليه ؟
ماتعترض ياعم زي مانت عايز
بس خلي باقي جوانب حياتك و حياة البلد تمشي
و ماتوقفش المراكب السايرة
يعني تطالب بمحاكمة قتلة الشهداء
و تدمر اقتصاد بلد ؟
تطالب بمحاكمة قتلة الشهداء
و تقفل قناة السويس ؟ مش كفاية السياحة اللي اتخربت ؟
تطالب بمحاكمة قتلة الشهداء
و تقتل انت بحماقتك مليون واحد عيان في بيته
اطفال و شباب و شيوخ
بسوء التغذية و قلة العمل و مافيش فلوس
لان حال البلد وقف عشان حضرتك بتطالب بمطلب معين ؟
( طبعا بوجه خطابي بشكل عام مش لحضرتك )

أوك مطلبك عادل ... و عادل جدا ... لأ و كلنا كمان بنطالب بيه
لأ ... و كلنا كمان مش هنسيبه الا لما يتنفذ
و نار اهالي الشهداء تبرد ... بالقصاص العادل

مين يختلف علي كده ؟؟؟
اختلافنا مع بعض في الوسيلة مش في الهدف
ايه المانع لما اطالب و بالحاح شديد برضه
بالانتقام للشهداء
بس و مصر واقفة علي رجليها مش واقعة
يعني عشان اطلب حاجة أبوظ مليون ألف حاجة ؟؟

الغريب بقا
ان اي حد دلوقتي بينادي بالتعقل
و بينادي بعدم تعطيل مصالح البلد
و ينادي بالحفاظ علي اقتصاد مصر
يبقي ابن كلب فلول

نكبر مخنا بقا و نبطل السذاجة دي
و نبطل نتهم بعض بالتهم المعلبة دي
و نبطل نعمل فيها ابطال مصر
و الناس اللي يعني خلاص مقضياها ميدان تحرير

نبطل نشخصن المسألة شوية
و نبص لحال البلد بقا

نشتغل بقا
ننتج بقا
نتحرك بقا
نبطل رغي بقا
و كلام بقا
و منظرة بقا
و نبطل نعمل فيها الثوار اللي محصلوش
مع ان اغلب اللي بيرغي و بيتكلم و عامل نفسه فكيك اوي
و خطيب الثورة
كان اعد في بيتهم ايام الثورة
ياما مستخبي تحت اللحاف
يا اما بره مصر اصلا

فكفاية بقا نغني علي بعض

و تعالوا نتفق علي اي حاجة
ننطلق منها
للطريق الوحيد اللي هيوقف مصر علي رجلها

ألا و هو العمل

العمل بس

مش الكلام

ليس بأمانيكم ولا أماني أهل الكتاب
من يعمل سوء يجز به ولا يجد له من دون الله وليا ولا نصيرا

مش بالاماني و الاحلام و احنا قاعدين ع البسطة في الهوا ادام البيت

يارب نفوووووووووووووووق بقا

حبيبه المصريه

11-07-2011, 11:10 PM

شوفى يا أم حبيبه
الوضع صعب جدااااا
وفعلا المرحله الإنتقاليه
بحاجه لرجال على قدر تلك المرحله
لا أعيب فى الدكتور عصام شرف
بل هو شخص خلوق محترم جليل
ولكن فعلا مصر فى تلك الفتره
لا ينفع فيها نظام الطبطبه والحنيه
لابد من حزم وقبضه قويه لنتخطى المرحله بسلام
لكنى أشعر ان الدكتور عصام شرف مقيد فى حدود
بمعنى غير مسموح له بصلاحيات عامه
تتيح له من تحقيق ما يريد
والدليل قبوله استقالة يحيى الجمل
ثم رفض المجلس الاعلى قبول الاستقاله
أرى أن تلك المرحله تحتاج رجال مفتوحة الصلاحيات
حتى تعمل بتحقيق الاهداف

الوضع صعب جدااااااااا
لا اعرف لما سياسة التباطؤ
لبعض الموضوعات الهامه والحيويه
التى تدل على ان الثوره ما ضاعت هباء منثورا
ولا اعرف لما لا نتحرك الا فى اطار ضغط شعبى ؟؟؟
ولا اعرف لما هؤلاء الوزراء
ما حققوا شيئا من فتره توليهم موقعهم ؟؟
ولما لا يحاسب رئيس مجلس الوزراء

والمجلس العسكرى كل وزير لم يحقق شيئا فى منصبه
لما نغيره بمن يحقق وينجز
ولما أصبح الشارع هو مكاننا الدائم المستديم ؟؟؟
ولما اصبح الصوت العالى هو المحرك والمؤثر للاحداث ؟؟
ولما نصل بالامور الى حالة الانفجار ؟؟؟
ولما اصبحنا شعب بلا حاكم او رابط
يفعل ما يأتى بباله دون تفكر او تعقل ؟؟

أسئله كثيررررررررره لم اجد لا اجابات

الوضع غير واااااضح بالمره
نسأل الله ان يزيح عنا الغمه
وان تنتهى تلك الايام على خير
وان يحفظ مصر وشعبها من شر الفتن
ما ظهر منها ومابطن
صدقينى لو قلت لكى
اتمنى انتخابات الرئيس القادم اليوم قبل غد
حتى يعود الاستقرار مصر
سلمت يداكى
ودمتى بالخير دوما

دعاء شديد

11-07-2011, 11:39 PM

رايي
ان كل الي حاصل من اعتصامات
وراه يد خفيه تريد تأجيل اى انتخابات
حتى يرتب كل صاحب مصلحه اوراقه
لينال جزء من التورته ... ولذلك

هيفضل الكلام شغال لان الكلام
بيجيب استفزاز ... ومعلومات غلط
والنتيجه ناس بتحاول تفهم ناس
وناس جرى ع التحرير

ربنا يصبر اهالى الشهدا
واكبر تكريم ليهم من المولى سبحانه وتعالى
انهم نالوا شرف "الشهاده"
والحريه لها تمن غالى ... هم كانوا تمنها

ومش معنى كده نسيب حقهم
بس نستقر ونطالب بالقصاص
نختار الراجل الصح الي يحكمنا
ونطمئن للهيئة المعاونه له
ووقتها نقول "حق دم الشهيد" و"القصاص"

نستقر ويبقى المناخ نوعا ما طبيعى
لان الي بيحكموا وبيحققوا بشر
زيي وزيك
صعب اقولهم اشتغلوا بشكل طبيبعى
وكل الظروف غير طبيعيه

هيئوا الظروف الي تضمن الحد الادنى من الهدوء
وبعدين نحاسب كل واحد

لكن للاسف اشعر بشيء مخيف
ان حق الشهداء ستار تحتفى وراءه النوايا الحقيقيه

الكلام مش هيخلص الا لما
المصالح تتظبط وتتصالح

حبيبه المصريه

12-07-2011, 02:36 PM

رايي
ان كل الي حاصل من اعتصامات
وراه يد خفيه تريد تأجيل اى انتخابات
حتى يرتب كل صاحب مصلحه اوراقه
لينال جزء من التورته ...

براااااااافو عليكى يادعاء
فتحتيلى جبهه ما كنتش فى بالى خااااااالص
فعلا دى اكيد ايادى العلمانيين والليبراليين
والحزب البائد

ومن لا يريد استقرار للبلد
اللى عاوزينها دايما فى خراب وفوضى
ومن هو عكس نتيجة الاستفتاء
واللى خايفيين من دخول الاسلاميين سباق الرئاسه

وبقت موضه والشعب استحلاها

تسلم ايدك وعقلك