من غير ياميش... ممكن نعيش

[المهندس هشام كمال الدين]

السلام عليكم ورحمة الله وبركاته
كل سنة وحضراتكم بخير


You can see links before reply
رمضان على الأبواب شهر القرآن. شهر التقرب الى الله بالأعمال الصالحة. صيام وصلاة وقيام.
وتأتي مع رمضان عادات ليس معها معنى مثل ياميش رمضان
هالني ما قرأت اليوم أن مصر قد أستوردت ياميش العام الماضي
بما يقدر 100 مليون دولار منتجات للياميش.
اما هذا العام ومع زيادة عالمية في أسعار تلك السلع قدرت بنحو 40 % فقد احجم معظم التجار عن شراء الياميش ليس فقط لأرتفاع ثمنه ولكن أيضا خوفا من أعمال البلطة التي تهدد تجارتهم
والسؤال هنا:
هل نستطيع تغيير ثقافتنا الأستهلاكيه
بمعى أخر إيه اللي هيصل لو لم نشتري الياميش هذا العام في ظل ظروف الحروب المنتشره في بلاد كانت تشتهر بإنتاج تلك البضائع
يعني بعيدا عن التقشف كفايه البلح مش لازم فستق وجوز ولوز
وكاجو وعين جمل البلد مش ناقصه وأحنا كمان.
بس تعرفوا اللي صعبان عليا بجد ... ماما عفاف
المسكينه مش عارفه تأكل بيتزا وريش وكما هيبقي ياميش كمان
أدي اللي جابته الثورة.
دعوة من القلب لمقاطعة شراء الياميش هذا العام
ومطلوب من الرجاله ميسمعوش كلام الستات في الموضوع ده
يعني تقولك .. نشتري نصف كيلو من كل نوع .... أوعي
هتقولك عشان العيال... ولا أكنك سامع
ولا أنتم ايه رأيكم في الحكاية ديه؟

[دعاء شديد]

قبل اى حاجه بجد
نورت القسم العام

نرد بقى ع الموضوع

اما ثقافة الاستهلاك
ده معتقد بيجرى فى دم الناس
ويلاقوع لللاستهلاك ده مليون حجة
:11:
نجيب كميه بسيطه كده ... طيب ليه يعنى ؟؟؟؟؟؟؟
(صيامك مش هيقبل من غير الكميه دى )
:30:
علشان العيال ... مش هيموتوا من غير ياميش ؟؟؟؟؟؟؟؟
(مش هيسبوا البيت يعنى علشان مفيش مكسرات
:9:
عيب نقدم الحاجه من غير مكسرات ... ليه عيب
ربنا مش هيحاسبنا يعنى لو الرز ابو لبن معليهوش مكسرات
هههههههههههههههههههههه
هو هو برده الرز ابو لبن
:D
ومش بس المكسرات
قبل رمضان بفتره تلاقى الناس
بتخزن كميه حاجات ويقولوا ايه
علشان الواحد بيبقى صايم ومش هيقدر ينزل كل يوم
ههههههههههههههههه
وتلاقيه نازل كل يوم وبيشتورا برده
:41:
انا اؤيد وبكل قناعه
مفيش ياميش وهنعيش هنعيش

[نعمه محمود]

السلام عليكم ورحمة الله وبركاته
كل سنة وحضراتكم بخير


وعليكم السلام ورحمة الله وبركاته
كل سنة وحضرتك بكل صحة وسعادة

رمضان على الأبواب شهر القرآن. شهر التقرب الى الله بالأعمال الصالحة. صيام وصلاة وقيام.
وتأتي مع رمضان عادات ليس معها معنى مثل ياميش رمضان
هالني ما قرأت اليوم أن مصر قد أستوردت ياميش العام الماضي
بما يقدر 100 مليون دولار منتجات للياميش.
اما هذا العام ومع زيادة عالمية في أسعار تلك السلع قدرت بنحو 40 % فقد احجم معظم التجار عن شراء الياميش ليس فقط لأرتفاع ثمنه ولكن أيضا خوفا من أعمال البلطة التي تهدد تجارتهم
أكتر حاجة بتستفزنى هى قصة الياميش والطوابير اللى بتبقي واقفة عليه رغم إنى بشتريه
لكن مجبرة ههههههههه أتعجب من هذه الطوابير فى بلد يشكو الفقر والبطالة

هل نستطيع تغيير ثقافتنا الأستهلاكيه
بمعى أخر إيه اللي هيصل لو لم نشتري الياميش هذا العام في ظل ظروف الحروب المنتشره في بلاد كانت تشتهر بإنتاج تلك البضائع
يعني بعيدا عن التقشف كفايه البلح مش لازم فستق وجوز ولوز
وكاجو وعين جمل البلد مش ناقصه وأحنا كمان.
للاسف اشك فى تغيير ثقافتنا الاستهلاكية كنت فاكرة ان السنة دى محدش هيهتم اوى بالياميش
لقيت سوبر ماركت مشهور جنب بيتى بيجهز الشادر والناس بتستعجله وبيقولوا للسيلزمان انتو أتأخرتوا فى عرض الياميش السنة دى



دعوة من القلب لمقاطعة شراء الياميش هذا العام
ومطلوب من الرجاله ميسمعوش كلام الستات في الموضوع ده
يعني تقولك .. نشتري نصف كيلو من كل نوع .... أوعي
هتقولك عشان العيال... ولا أكنك سامع
ولا أنتم ايه رأيكم في الحكاية ديه؟
انا مع حضرتك فى الدعوة دى بس ياريت تكلم الحكومة عندى لانه هو اللى بيصر مش أنا ههههههههههه
اقولك كفاية ربع كيلو مش هنكتر هههههه
كل سنة وحضرتك طيب

[شريف]

و الله يا هندسة انا لسه كاتب في موضوع ليا من شويةان الاعياد في مصر و المناسبات علي اختلاف انواعها ... كلها مرتبطة بالاكل .... حتي شهر العبادة اللي اصلا الصوم فيه و الخشونة و الصبر هما الاساس ! ... بيني و بينك ... مين ده الراجل الحمش اللي يعرف يقول لمراته لا ... او يقدر يقاوم زنها ؟ ده الستات لما بتطلع في دماغهم حاجة ... بتضطر تنفذ و انت قافل بقك عشان ترحم نفسك من الزن و الالحاح و الصداع ... تعالي نعمل حملة ع الفيس بوك ...لا للياميش ... و لا للستات أصلا هههههههههه ... و نسمي يوم الخميس الجاي ... جمعة اللا ميش ... يعني جمعة اللاياميش .... خلاص يعني ... حبكت جوز و لوز و بندق و فستق ... ماله البلح باللبن ع الفطار ... و كفاية اوي قمر الدين ... و الله اسراف مالوش لازمة ... طب تصدق بالله ... انا عندي حاجات بالهبل فضلت من رمضان اللي فات و باظت و اترمت ... انا بأيدك يا باشمهندس ... و معاك في الدعوة دي ... زنجة زنجة بيت بيت دار دار ... ثورة ثورة ثورة ... نورت العام يا جميل ... و الله القسم العام نور ... و فكرة الموضوع زي الفل ...

[المهندس هشام كمال الدين]

قبل اى حاجه بجد
نورت القسم العام

نرد بقى ع الموضوع

اما ثقافة الاستهلاك
ده معتقد بيجرى فى دم الناس
ويلاقوع لللاستهلاك ده مليون حجة
:11:
نجيب كميه بسيطه كده ... طيب ليه يعنى ؟؟؟؟؟؟؟
(صيامك مش هيقبل من غير الكميه دى )
:30:
علشان العيال ... مش هيموتوا من غير ياميش ؟؟؟؟؟؟؟؟
(مش هيسبوا البيت يعنى علشان مفيش مكسرات
:9:
عيب نقدم الحاجه من غير مكسرات ... ليه عيب
ربنا مش هيحاسبنا يعنى لو الرز ابو لبن معليهوش مكسرات
هههههههههههههههههههههه
هو هو برده الرز ابو لبن
:D
ومش بس المكسرات
قبل رمضان بفتره تلاقى الناس
بتخزن كميه حاجات ويقولوا ايه
علشان الواحد بيبقى صايم ومش هيقدر ينزل كل يوم
ههههههههههههههههه
وتلاقيه نازل كل يوم وبيشتورا برده
:41:
انا اؤيد وبكل قناعه
مفيش ياميش وهنعيش هنعيش


شكرا مرورك د/ دعاء
بس لو جينا للحق كلامك كله حق
لو فهمنا رمضان وفهمنا قيمة الهدية الربانيه في شهر رمضان
لما أضعنا الأموال على المؤكولات وخصوصا انه شهر صيام وما أضعنا دقيقة واحدة في هذا الشهر
ولادركنا أنه يراد منا ضياع الأجر وأعتبار رمضان شهر التسامر والمسلسلات والخيمات الرمضانية
والسهر على أنغام الموسيقى والرقص وان الشعار الرسمي له:
مسلسلاتك عندنا السنه ديه.
يارب نشغل عقلنا شويه ونقاطع هذه التفاهات المسماه ياميش
ومتنسيش يا دكتوره لو الموقع عمل فطار جماعي هذا العام افتكري تعمللنا أرز بلبن بالمكسرات
عوضا عن علبه الراني......طبعا فاهمه..

[دعاء شديد]

ومتنسيش يا دكتوره لو الموقع عمل فطار جماعي هذا العام افتكري تعمللنا أرز بلبن بالمكسرات
عوضا عن علبه الراني......طبعا فاهمه..

ههههههههههههههههه يا خبر ابيض
والله نسيت خالص
يا شماتت ابله ظاظا فيا
لأ بجد مش عارفه نسيت ازاى واصلا كان المفروضش انها مناسبه
عموما تتعوض ان شاء الله

[المهندس هشام كمال الدين]

وعليكم السلام ورحمة الله وبركاته
كل سنة وحضرتك بكل صحة وسعادة

أكتر حاجة بتستفزنى هى قصة الياميش والطوابير اللى بتبقي واقفة عليه رغم إنى بشتريه
لكن مجبرة ههههههههه أتعجب من هذه الطوابير فى بلد يشكو الفقر والبطالة

للاسف اشك فى تغيير ثقافتنا الاستهلاكية كنت فاكرة ان السنة دى محدش هيهتم اوى بالياميش
لقيت سوبر ماركت مشهور جنب بيتى بيجهز الشادر والناس بتستعجله وبيقولوا للسيلزمان انتو أتأخرتوا فى عرض الياميش السنة دى



انا مع حضرتك فى الدعوة دى بس ياريت تكلم الحكومة عندى لانه هو اللى بيصر مش أنا ههههههههههه
اقولك كفاية ربع كيلو مش هنكتر هههههه
كل سنة وحضرتك طيب

ليه كده يا حكومه دا انتي اللي حاسه بالموازنه العامه
ومصممه ترفهي شعبك...خلاص بقي ياريت الحكومه متنساش بقيه الشعب المتقشف.
نورتي الموضوع

[المهندس هشام كمال الدين]

و الله يا هندسة انا لسه كاتب في موضوع ليا من شويةان الاعياد في مصر و المناسبات علي اختلاف انواعها ... كلها مرتبطة بالاكل .... حتي شهر العبادة اللي اصلا الصوم فيه و الخشونة و الصبر هما الاساس ! ... بيني و بينك ... مين ده الراجل الحمش اللي يعرف يقول لمراته لا ... او يقدر يقاوم زنها ؟ ده الستات لما بتطلع في دماغهم حاجة ... بتضطر تنفذ و انت قافل بقك عشان ترحم نفسك من الزن و الالحاح و الصداع ... تعالي نعمل حملة ع الفيس بوك ...لا للياميش ... و لا للستات أصلا هههههههههه ... و نسمي يوم الخميس الجاي ... جمعة اللا ميش ... يعني جمعة اللاياميش .... خلاص يعني ... حبكت جوز و لوز و بندق و فستق ... ماله البلح باللبن ع الفطار ... و كفاية اوي قمر الدين ... و الله اسراف مالوش لازمة ... طب تصدق بالله ... انا عندي حاجات بالهبل فضلت من رمضان اللي فات و باظت و اترمت ... انا بأيدك يا باشمهندس ... و معاك في الدعوة دي ... زنجة زنجة بيت بيت دار دار ... ثورة ثورة ثورة ... نورت العام يا جميل ... و الله القسم العام نور ... و فكرة الموضوع زي الفل ...

لا للستات أصلا
ايه الكلام الكبير ده
هو رمضان يبقي رمضان من غير الستات.... مش تفهمني غلط
أنا بقصد هما اللي بيعملوا الفطار ونخلي النداء ده بعد رمضان
كل سنه وحضرتك طيب
ورمضان كريم

[حبيبه المصريه]

هو حضرتك عندك حق طبعا
بس صراحه هى ثقافة مجتمع
يعنى برضو هيشترو
والحجج كتير
اصله شهر فى السنه والناس كلها كده
وبعدين يعنى نحرم الولاد ليه

امال لزمتنا ايه
يتفرجوا يعنى على ولاد الناس فى العزومات
وحتى من غير عزومات
مينفعش الخشاف من غيره طبعا
ولا الكنافه والقطايف من غيره
هو يسمع كنافه وقطايف
يجيب على طول مش هيحلى وياكل
والا مفيش كنافه وقطايف خالص
نعملها ازاى يعنى ساده كده
ولا العزومات لوحدها كارثه من الكوارث
عزمنى فلان على صنفين
لازم اعزمه على اربعه وخمسه
يقول عليا ايه مش لاقى اكل
الكلام كتير جداااااااا فى الموضوع

وبقى رمضان اكل وشرب وعزومات
ومسلسلات وخيم رمضانيه اكتر منه عباده
بس برضه احنا اللى بنختار خط سيره
هيبقى ازاى فى بيت كل واحد فيها


موضوع جميل شكرا لحضرتك

[جمال سراج]

كل سنة والجميع بخير
الحقيقة يا بشمهندس هشام الوضع فى بلدنا محير جدا
فى مصر أغنيا كتير جدا أكتر مما تتصور
وفى مصر فقر رهيب لدى الغالبية من الشعب
ولا توجد وسطية للأسف بالرغم أن تلك الطبقة يجب أن تكون الأكبر
أما طبقة الأغنياء فبالرغم من أن هناك كثيرين ملتزمين وينفقون ويؤدون زكاة مالهم ويكثرون من صدقاتهم خلال الشهر الكريم إلا أن الغالبية منهم تتمنظر وتتباهى وتتعالى
وفى مصر نجد إعلاما يخدم هذه الطبقة بدرجة كبيرة الآن
سواء دراما تليفزيونية واستعراض لموديلات الأزياء نهاية بالمأكلولات والمشروبات والحلويات وغيرها
أما عن الأغلبية من الفقراء فالياميش فى عرفهم يتمثل فى القليل من التمر ومعه ربما شوية جوز الهند وزبيب
ودا إلى حد ما بيقدروا يوفروه مع الصعوبة
وزى ما قالوا الناس الوضع هو بيفرض علينا نمشى ازاى
يعنى تلاقى ولاد الناس بتاكل بشراهة وتلاقى التليفزيون بيعرض أنواع الأطعمة والمكسرات وكأننا ملناش فايدة فى الدنيا إلا الأكل زى البهايم وخلاص
لكن ان جت على غالبية الناس فيكفيهم طبق فول مدمس بردو وشوية سلطة مع قليل من التمر والماء
وهناك ناس كتير متفرقش معاها لا يمييش ولا بتاع ولا بتبصله اصلا ويمكن متعرفش الانواع الكتير اللى موجودة ولا اسمائها طبعا لضيق اليد وأيضا دى نعمة من ربنا
وفى الآخر سيدى محصلة بعضها والله دا زى دا
المهم نستشعر روح الشهر الفضيل ونشعر باحساس الفقراء ودا الغرض من الصيام أصلا
لكن زى ما قلت الناس كتير بتبقى معزورة وربما اللى بيجيب الياميش والكلام دا بيبقى مجبر نتيجة لالحاح الأطفال اللى طبعا مش عارفين الدنيا ماشية ازاى
ربنا يصلح أحوالنا ويهدينا للخير ويعين الجميع عالدنيا الفاسدة
وأكيد من غير ياميش نقدر نعيش
شكرا سيدى
كل عام أنت والجميع بغاية الصحة
تحياتى

[المهندس هشام كمال الدين]

ا/ جمال سراج........ أ/ حبيبه
كل سنه وأنتم طيبين
شاكر مروركم الجميل راجيا الله ان يبلغكم رمضان وتنعموا بروحانياته وتظفروا بمغفرة من الله ورضوانه
بس برضوا حاولوا تقللوا من شراء الياميش
اهي محاوله لتوفير عملة صعبه للبلد في هذه الظروف
عاشت مصرنا حرة ...والله هم بلغنا رمضان.