المساعد الشخصي الرقمي

مشاهدة النسخة كاملة : بعيدا عن الادارة



نعمه محمود
07-07-2011, 09:08 PM
الموضوع ده خطر على بالى بمناسبة القسم الجديد وموضوعات دعاء اللى فيها إحصائيات
تدحض أى اتهامات للإدارة باحتكار القسم العام وأنا اصلا معترضة على كلمة احتكار
المسألة أبسط من كده بكتير القصة ومافيها إن فى شخص عنده الشجاعة والقدرة إنه يكتب وشخص تانى بيتكسف يكتب أو معندوش المهارة وده مش معناه إن اللى بيكتب خلاص بقى صحفى أو كاتب كلنا هواة ولسنا نمتهن الكتابة أو نتخذها حرفة
اللى عاوزة أوضحه إن عضو مجلس الإدارة او المشرف او الإدارى فى أى منتدى
هو فى الاصل عضو زى أى شخص فى المنتدى من حقه يعبر ويكتب ويناقش
حتى لو كان من مؤسسي المنتدى يعنى ليه حقوق وعليه واجبات الاعضاء
,منقدرش نقوله ماتكتبش فى العام لأنك إدارى ومش يصح تحتكر القسم العام
! إزاى نقول كده هل ده منطق أو عدل ؟؟؟؟؟؟ وهو أصلا لم يحتكره ولم يمنع أحد من الكتابة فيه
لازم ياجماعه نعرف ان اى شخص فينا بيكتب فى القسم العام بيكتب لكونه عضو فى بوابة التعليم المصرى
ولو أنتو شايفين إن فى اسماء بعينها هى اللى بتكتب فى العام نرجوكم تساعدونا لأن الموضوع ده


مرهق لنا ومحتاجين نشوف كل يوم ابداعات للأعضاء
إحنا نفسنا كل يوم نشوف عضو جديد بيكتب لإننا عندنا مشاغل تانية فى الإدارة بتضغط على أعصابنا وبتبقى محتاجة تركيز
نحن نرحب بكل قلم جرىء لديه القدرة على التواصل ونأمل فى ظهور أمل جديد كل يوم

دعاء شديد
07-07-2011, 09:23 PM
الخلط ده فعلا مشكله
يعنى الواحد علشان يكتب بحريه
وميبقاش اسمه ادارى وبيكتب غصب عن الناس
ادامه حاجه من اتنين

يا اما كل ما يجى يكتب
يشيل اللون والصلاحيات قبل ما يدخل اى قسم

يا اما يسجل بعضويه جديده
باسمه برده بس مالهاش اى صلاحيات
:patch_balon:
ايه رايك ؟؟؟؟؟؟؟؟؟

نعمه محمود
07-07-2011, 09:39 PM
تصدقى فكرة والله ودى تمنع الحزازيات
هههههههههههه بس خلى بالك ساعتها هيقولوا بيحتكروا العضويات

موناليزا
07-07-2011, 10:22 PM
تسمحيلي استاذتي نعمه اشكرك علي وجهة نظرك الجميله

ممكن اقول شهادة حق متواضعه بمناسبة احتكار القسم العام
وخاصه اني عضوه
لما دعاء عملت موضوعات المحاكمات وفي مره من المرات

وهي بتحاكم احد المشرفين سابقا
طبعا بعد مناقشاتكم كنت انا خط وسط لان كنت لسه راجعه بعد غياب

وكمان اتحولت لمحاكمه بس طلعت براءه يااخوانا الحمد لله

اقترحت لصاحب التهمه مايلي

ده نص اللي قلته في مشاركه في موضوعه
بتاريخ 26/ 5

بس انا هقول وجهه نظر علي اد الحال

يااستاذ س حضرتك عرضت دفاعك

وطبعا وكيل النيابه عرض وجههة نظره

انا بقي هقف في خط الوسط واقلك ابدا من تاااااااني

اعتبارا من بعد ثورة يناير خليها بقي بداية تغييييييييييييير

وابدا اعرض موضوعاتك وافكارك في القسم

ومن حقك بعد كده توجه الاتهام اذا وجدت التقصير وعدم المتابعه

وربنا يستر وانا متحاكمش تاني

وكان الرد طبعا من قبل دعاء كاإداريه

كالتالي


اقتراح حلو جدا جدا جدا
ويا ريت لو يبقى تقليد من تقاليد المنتدى
على الاقل هنضمن التواصل دايما مع بعض


يعني كان فيه نيه للتواصل بين الاعضاء والاداره
يعني يحصل نوع من الهارموني بس بايجابيه
وفعلا حصل
وكله تجاوب من قبل الطرفين

لكن dropال اللي حصل ده

بصراحه ليه !!!!!!!!!!!؟؟؟؟؟؟؟؟


ده شهادة حق كان لازم اقولها

ولا اخشي غير خالقي
م
علش يااستاذه نعمه اتكلمت كتير وعلي فكره اول مره تحصل
بس كان لازم اقول

كل سنه وحضرتك طيبه

المهندس هشام كمال الدين
07-07-2011, 10:31 PM
كلام جميل محدش يقدر يقول حاجه عنه
لازم كلنا نكون قلم جرئ وأمل جديد ونتعرف على باقي الأقلام
تحياتي لمجهوداتكم

نعمه محمود
07-07-2011, 10:40 PM
شكرا لتشجيعك ياباشمهندس
وبالله عليك ماتحرمنا من موضوعاتك الشيقة
بما فيها من سخرية من واقع مرير نحياه جميعا
لاحرمنا الله من ابداعاتك

غادة عبدالسلام
07-07-2011, 10:41 PM
تمام يا نعمة صح متفرقش خالص كون كاتب الموضوع ادارى او عضو
هى قدرة جميلة على التواصل نشجعها للجميع
وننتظر المزيد من ابداعاتكم بجد
وما شاء الله
فلول وفلافيل ومحتكرين ههههههههههههههه والبقية تأتى

نعمه محمود
07-07-2011, 10:56 PM
معلش ياموناليزا ردك مكنش ظاهر عندى الا بعد مانزلت الرد على الباشمهندس
والحمد لله شهد شاهد من أهلها أشكرك جدا يا أميرة يا اسم على مسمى على ردك الموثق بالتواريخ ربنا مايحرمنا منك يا قمر
اعتذر مرة تانية عن عدم الرد بالترتيب

شريف
07-07-2011, 11:01 PM
عايز برضه اقول يا نعمة
اضافة لكلامك الرائع ده
ان احنا كمعلمين بنكتب هنا من كبتنا
توارثنا الصمت و الكبت
إرث كبير علي ظهورنا
طوال السنين اللي فاتت
كان صعب حد يتكلم بحرية
عشان كده بدأنا ننطلق في الكتابة
مش منظرة و لا حب ظهور و لا غرور و لا لينا عمود في الاهرام
بنكتب فيه كل يوم
داحنا بنكتب في حتة موضوع في حتة قسم عام
في حتة نقطة في بحر النت
معقولة يستنكروا علينا ده كمان !!!!

و زي مانتي قولتي فعلا
هيا مسألة قدرات
بس اللي يضايقك و يغيظك
ان اللي مش عايز او مش قادر او مكسل يكتب
بيتهم النشطاء انهم مسيطرين
و واخدين حبوب الشجاعة
و المنتدي مقتصر عليهم
ليه يا عم الحاج ؟
هوا انت يعني لو جيت تكتب في العام
موضوع يصلح انه يكون في القسم العام
هيتحذف ليه ؟
مش هنتناقش فيه ليه يعني
مش هنرد فيه ليه ؟
ده شرف لينا والله انضمام اي عضو جديد
ليه الظن السئ ... مش عارف
شكرا يا نعمة
و بتمني من كل واحد عنده فكر و راي ما يستخسروش
عشان ننمي ثقافة الحوار
و ابداء الرأي
بدون سلبية

نعمه محمود
07-07-2011, 11:04 PM
ماهو ياريت ياغادة كل الناس تبص للموضوع بحيادية زيك كده
نورتينا ياقمر ومنتظر موضوعاتك على أحر من الحر
مفيش هروب مش عشان فلول هتتبرى منهم
بس ايه رأيك فى لواحظ ههههههههه

نعمه محمود
07-07-2011, 11:10 PM
اتفق معك تماما ياشريف بالظبط زى ما أنت قلت
اخيرا لقينا متنفس نعبر فيه عن افكارنا مش اكتر
وطبعا نتمنى كل يوم عضو واتنين وعشرة يكتبوا
مش عاوزين حد يرمى تهمة ويجرى
احنا مش ملايكة واللى شايفنا مقصرين ممكن يناقشنا
شكرا ياشريف

غادة عبدالسلام
08-07-2011, 12:04 AM
ربنا يخليكى يا نعمة
وربنا ما يحرمنا من موضوعاتك الشيقة
وزى ما قلتى مش كل الاعضاء عندهم ملكة سرد الموضوعات بطلاقة
بنعرف نرد بس ونقول راينا فى لواحظ القمممممممممممممممر

هههههههههههههه

موناليزا
08-07-2011, 02:34 PM
معلش ياموناليزا ردك مكنش ظاهر عندى الا بعد مانزلت الرد على الباشمهندس
والحمد لله شهد شاهد من أهلها أشكرك جدا يا أميرة يا اسم على مسمى على ردك الموثق بالتواريخ ربنا مايحرمنا منك يا قمر
اعتذر مرة تانية عن عدم الرد بالترتيب

ولا يهمك يااستاذه نعمه ربنا يبارك فيك

ربنا يهدينا يارب دايما علي الطيبه

ويصلح احوالنا جميعا

تجريبي
10-05-2015, 10:23 AM
تمام جدا