شريف
06-07-2011, 04:58 PM
فى حب معشوقتي مصر ... أتحدث
.............
سافِر أى بلد ف العالم .. لِف الدنيا .. عيش و هاجر سنتين تلاتة كندا .. فرنسا .. أمريكا ... غصب عنك هترجع .. و الله البلد دى فيها حاجة غير طبيعية .. ثورة بقا ... بلطجة ... فلول .. فساد ... ترابها بيجري فى دمنا ... كل اللى سافروا بره و رجعوا قالوا كده ... و يعرفوا قيمتها كويس اوي ... هتلاقي فين في العالم ... عربية فول حواليها 18 واحد بيفطروا بكل حب و نفسهم مفتوحة ... هتلاقي فين ف العالم ... الحسين و السيدة .. و الشيشة التفاح ؟ You can see links before reply هتلاقي فين ستات زي ستات مصر بطعم البلدي هههههههه ... هتلاقي فين ساندوتش صاروخ فول علي طعمية علي بطاطس علي برنجان علي سلطة اوطة و طحينة في رغيف بلدي و تتسطل بعدها ؟؟ ... هتلاقي فين في العالم ريحة الفسيخ في شم النسيم ... هتلاقي فين في العالم مجموعة شباب واقفين ع الطريق في رمضان يوقفوك بعربيتك و يفطروك بالعافية ... و بكل حب ... هتلاقي فين موائد الرحمن و اللمة و البامية و اللوبيا و هوبر اللحمة و الرز ابو شعرية .... هتلاقي فين في العالم كوباية شاي في الخمسينة بعد أكلة عملتلك حموضة ؟ .... هتلاقي فين ناس سهرانين و شوارع زحمة و ونس و ناس بتحب بعض ... هتلاقي فين محلات فاتحة طول الليل ... هتلاقي فين كورنيش و نيل تتمشي عليه و تشم احلي هوا ... هتلاقي فين ناس قلوبها علي قلوب بعض ... هتلاقي فين لما تكبر و تعجز واحد يقوملك في الاتوبيس و يسندك و يقعدك مكانه بكل ود ... هتلاقي فين راجل بيغير ع الحريم ؟ ... هتلاقي فين بليلة و كحك و بصل اخضر و كنافة و قطايف ... هتلاقي فين في العالم فانوس رمضان ... هتلاقي فين خير رمضان ؟ ... هتلاقي فين في العالم واحد بيسلم علي ناس و بالاحضان و كلهم مايعرفوش بعض ... هتلاقي فين شاب يشيلك ابنك و يمسك ايدك و يشيلك شنطتك و انت طالع الميكروباص ؟ ... هتلاقي فين اموات بيصرفوا علي أحياء ... (( الفراعنة و الاهرامات و السياحة )) ... هتلاقي فين ريحة الشوارع العتيقة بتاعة وسط البلد ؟ ... هتلاقي فين عربية لب و عربية حمص بالشطة و عربية ترمس ...هتلاقي فين الحواوشي والشكشوكة والكشك والملوخية بالأرانب والمسقعة وكشري التحرير اللي ف اسكندرية ومحشي الكرنب وطاجن العكاوي والكبدة الاسكندراني ... هتلاقي فين ناس يتعرفوا علي بعض و يتصاحبوا كمان في اقل من ثواني في اسانسير و لا ف مصلحة حكومية و لا في اشارة مرور و لا في طابور عيش ...هتلاقي فين في العالم كوكو الضعيف ؟ You can see links before reply هتلاقي فين الإفيه بتاع الشعب المصري و خفة الدم ف احلك المواقف ... عارف .. هتقولي البلد مش عارف ايه و الدنيا بايظة ... بس برضه ... و الله ما في احلي من مصر ... و شوارعها و حواريها و ناسها و أرضها ... و الله عمرك ما هترتاح بره مصر حتي لو البلد بتولع ...
و علي رأي أيمن بهجت قمر ...فيها حاجة حلوة . حاجة حلوة بينا حاجة كل ما تزيد زيادة فيها إنة .. فيها نية صافية .فيها حاجة دافية .. حاجة بتخليك تثبت فيها سنة سنة ..مصــــر هى الصبح بدرى.مصـــر صوت الفجر يدن ..سوبيا . فول . طعمية .كشرى. دوم . بطاطا سخنة جداااا
مصــــر اول يوم العيد .عيدية .بمب ولبس جديد
ميكروباص واتوبيس ومتروو . حفلة تلاتة فى سينما مترو ...موائد الرحمن . و فانوس رمضان . مسلم فى بيت مسيحى فطرووا ...ترنيمة لايقة على تخت غنى . تأييلة العصرية ولمة على الطبلية ..فى مصر مولد السيدة والذكر والهيصة وركعتين بركة فى السيدة نفييسة ..والمشى ع الكورنيش . دى تتعبك ولا بتسيبها .. تحيرك برضه حاببها على بعضها كدا بعيوبها حتة منك
.............
سافِر أى بلد ف العالم .. لِف الدنيا .. عيش و هاجر سنتين تلاتة كندا .. فرنسا .. أمريكا ... غصب عنك هترجع .. و الله البلد دى فيها حاجة غير طبيعية .. ثورة بقا ... بلطجة ... فلول .. فساد ... ترابها بيجري فى دمنا ... كل اللى سافروا بره و رجعوا قالوا كده ... و يعرفوا قيمتها كويس اوي ... هتلاقي فين في العالم ... عربية فول حواليها 18 واحد بيفطروا بكل حب و نفسهم مفتوحة ... هتلاقي فين ف العالم ... الحسين و السيدة .. و الشيشة التفاح ؟ You can see links before reply هتلاقي فين ستات زي ستات مصر بطعم البلدي هههههههه ... هتلاقي فين ساندوتش صاروخ فول علي طعمية علي بطاطس علي برنجان علي سلطة اوطة و طحينة في رغيف بلدي و تتسطل بعدها ؟؟ ... هتلاقي فين في العالم ريحة الفسيخ في شم النسيم ... هتلاقي فين في العالم مجموعة شباب واقفين ع الطريق في رمضان يوقفوك بعربيتك و يفطروك بالعافية ... و بكل حب ... هتلاقي فين موائد الرحمن و اللمة و البامية و اللوبيا و هوبر اللحمة و الرز ابو شعرية .... هتلاقي فين في العالم كوباية شاي في الخمسينة بعد أكلة عملتلك حموضة ؟ .... هتلاقي فين ناس سهرانين و شوارع زحمة و ونس و ناس بتحب بعض ... هتلاقي فين محلات فاتحة طول الليل ... هتلاقي فين كورنيش و نيل تتمشي عليه و تشم احلي هوا ... هتلاقي فين ناس قلوبها علي قلوب بعض ... هتلاقي فين لما تكبر و تعجز واحد يقوملك في الاتوبيس و يسندك و يقعدك مكانه بكل ود ... هتلاقي فين راجل بيغير ع الحريم ؟ ... هتلاقي فين بليلة و كحك و بصل اخضر و كنافة و قطايف ... هتلاقي فين في العالم فانوس رمضان ... هتلاقي فين خير رمضان ؟ ... هتلاقي فين في العالم واحد بيسلم علي ناس و بالاحضان و كلهم مايعرفوش بعض ... هتلاقي فين شاب يشيلك ابنك و يمسك ايدك و يشيلك شنطتك و انت طالع الميكروباص ؟ ... هتلاقي فين اموات بيصرفوا علي أحياء ... (( الفراعنة و الاهرامات و السياحة )) ... هتلاقي فين ريحة الشوارع العتيقة بتاعة وسط البلد ؟ ... هتلاقي فين عربية لب و عربية حمص بالشطة و عربية ترمس ...هتلاقي فين الحواوشي والشكشوكة والكشك والملوخية بالأرانب والمسقعة وكشري التحرير اللي ف اسكندرية ومحشي الكرنب وطاجن العكاوي والكبدة الاسكندراني ... هتلاقي فين ناس يتعرفوا علي بعض و يتصاحبوا كمان في اقل من ثواني في اسانسير و لا ف مصلحة حكومية و لا في اشارة مرور و لا في طابور عيش ...هتلاقي فين في العالم كوكو الضعيف ؟ You can see links before reply هتلاقي فين الإفيه بتاع الشعب المصري و خفة الدم ف احلك المواقف ... عارف .. هتقولي البلد مش عارف ايه و الدنيا بايظة ... بس برضه ... و الله ما في احلي من مصر ... و شوارعها و حواريها و ناسها و أرضها ... و الله عمرك ما هترتاح بره مصر حتي لو البلد بتولع ...
و علي رأي أيمن بهجت قمر ...فيها حاجة حلوة . حاجة حلوة بينا حاجة كل ما تزيد زيادة فيها إنة .. فيها نية صافية .فيها حاجة دافية .. حاجة بتخليك تثبت فيها سنة سنة ..مصــــر هى الصبح بدرى.مصـــر صوت الفجر يدن ..سوبيا . فول . طعمية .كشرى. دوم . بطاطا سخنة جداااا
مصــــر اول يوم العيد .عيدية .بمب ولبس جديد
ميكروباص واتوبيس ومتروو . حفلة تلاتة فى سينما مترو ...موائد الرحمن . و فانوس رمضان . مسلم فى بيت مسيحى فطرووا ...ترنيمة لايقة على تخت غنى . تأييلة العصرية ولمة على الطبلية ..فى مصر مولد السيدة والذكر والهيصة وركعتين بركة فى السيدة نفييسة ..والمشى ع الكورنيش . دى تتعبك ولا بتسيبها .. تحيرك برضه حاببها على بعضها كدا بعيوبها حتة منك