المساعد الشخصي الرقمي

مشاهدة النسخة كاملة : مطلوب القبض علي التالي ذكر اسمه( مفاجأه ) للمثول امام النيابه للتحقيق معه


موناليزا
28-06-2011, 12:56 AM
قررنا نحن نيابة بوابة التعليم المصري


القبض علي المتهم



استر يارب وعديها علي خير







:24:


(((((((( مستر شريف)))))))




حصري علي بوابة التعليم المصري

طبعا الاول كل سنه وحضرتك طيب يامتهم
طبعا استاذي الفاضل لازم حفظ الالقاب في هذه التجليات:12:
حاجه كده علشان الايام المباركه اللي احنا فيها



للتحقيق معه في التهم المنسوبه اليه



وبما اننا نيابة مابعد ثورة يناير


اي عضو يتفضل ان يوجه اي اتهام او سؤال للمتهم
علي الرحب والسعه اصل احنا نيابه اهليه


بس خدوا بالكم اصله مسجل خطر وغير عادي كمان


بس مسجل خطر في نبض قلمه



تفضل حالا المثول امام وكيل النيابه

































































بص بقي خد بالك يامستر وكيل النيابه شرير اوي


وبيمشي جنب الحيط :23:
دعاء شديد
28-06-2011, 12:59 AM
هههههههههههههههههههه
الله
شريف متهم
وهنفرح فيه
يوووووووووووووووو اقدص هندافع عنه

موناليزا
ربنا معاكى المتهم غير عادى
وتقريبا مش هيحتاج محامى ده هو بـ 100 محامى

مفاجاه حلوه
وفى انتظار المتهم
شريف
28-06-2011, 01:24 AM
ايه المفاجأة الحلوة دي
ربنا ما يحرمنا منك يا اميرة
انا هقول أميرة
مش هحط قبلها الف و لا استاذة
منا لما باجي انادي علي اختي مابقولهاش يااستاذة
و في نفس الوقت بكره التكليف اوي والله
يعني اللي يدخل يقول شريف عادي من غير استاذ و لا مستر و لا بتاع
ده شرف ليا يا أميرة

انا جاهز للتحقيق في اي وقت
و مقدم اقرار بالذمة المالية
و هدفع الضرايب اللي عليا بسرعة قبل ما تاخدوا بالكم

و شكرا يا دعاء علي حماسك
و ربنا ما يحرمني منكم
دعاء شديد
28-06-2011, 01:44 AM
شريف
طبعا انا صعب ادافع عنك
لانى مصدقت بصراحه
ههههههههههههههههههههههههههه
شر من اجل الشر

اول تهمه
انت متهم بإخفاء موضوعات من القسم العام
بحجه انها موضوعاتك
علما بان الموضوع مجرد منزل القسم العام اصبح ملك
كل مشارك برأى فيه

ومن ثم ... انت ايضا متهم
بإخفاء مشاركات الاعضاء فى موضوعات
مع سبق الاصرار والترصد

بس
شريف
28-06-2011, 02:01 AM
يا ساتر استر يارب
دي قضية أمن دولة

و النبي شكلي هيتحكم عليا بالاعدام رميا بالبسكويت

هههههههههههههههههه

بصي يا ستي
صلي ع النبي

أنا اعترض علي كلمة (( اخفاء )) و بقدم التماس للمحكمة
بحبسك 24 ساعة هههههههههههههههههه من أولها كده
هوا مش اخفاء يا دعاء ... ده مجرد نقل للموضوعات

و ده بعمله احيانا
أو دايما ( زي ما تحبي )

لتلات اسباب رئيسية يمكن مقنعين بالنسبة لي :

1- لانعاش الاقسام الاخري اللي في غرفة الانعاش مدفونة تحت
لاني بكتب في موضوعات مختلفة ممكن تتناسب مع اقسام تانية كتير
فببدأ اكتب الموضوع في العام عشان الناس تناقش فيه و تشوفه و المنتدي يبقا فيه حركة
و بعدين لما بينتهي الحوار بحاول اشوف قسم انسب و ابقا ضربت عصفورين بحجر

2- لاني بكتب موضوعات كتير ربما اكتر من اي حد في القسم العام
فعشان مايبقاش استئثار أو ربما كمان عشان مايبقاش في ملل من موضوعات شريف الكتير
بضطر انقل الموضوعات التي قتلت بحثا ... و مافيش اقبال عليها ... منعا للملل ليس اكثر

3-أحيانا انقل موضوع لانه بيطلع دمه تقيل مثلا من وجهة نظري
او لم يلق الاعجاب او الاستحسان من الجمهور ههههههههههههه
و دي يمكن صفة اساسية فيا
اني ببحث دايما عن الكمال
و ان الموضوع يعجب الكل
و ده طبعا مستحيل
فدايما بعد كل موضوع احس اني مقصر في حاجة
هيا ايه ؟ معرفش؟
يمكن مثالية زيادة عن اللزوم
او وسوسة زيادة

بس لما بنقل موضوع ... تاكدي ان عندي فكرة جديدة او موضوع جديد
فبستحقر الموضوع القديم
هههههههههههههههههههههههه

طبعا قد تكون الاسباب غير مقنعة لكتير
بس بالنسبة لي مقنعة جدا

و بالنسبة لتهمة اخفاء مشاركات الاعضاء
فدي طبعا تهمة كيدية ههههههههههههههههه
لا تمت للواقع بصلة
لاني مبحذفش الموضوع
انا بنقله
فالمشاركات موجودة و ماختفتش
بس في قسم تاني ربما يكون انسب

انا حاسس انك مصدقتي و هتوريني ايام بني في المحاكمة دي
هههههههههههههههههههه

لا انا مش معترف بحاجة و بطلب المحامي بتاعي
و في نهاية البرنامج اطلب
اسمع اغنية ست الحبايب يا حنانا ننتي
دعاء شديد
28-06-2011, 02:13 AM
على فكره كل المتهمين زيك
مش بيعترفوا الا لما يجى منصور
ههههههههههههههههههههههه

لكن دفاعك عن نفسك هو نفسه الاتهام
يعنى انت معترف انك لا تضع الموضوعات
فى القسم المناسب من الاول


وتنزلها كلها فى العام وبعدين تنقلها قسمها المناسب
يعنى
ليه اصلا من الاصل مش بتنزل الموضوعات فى مكانها
وتبقى نشط القسم بالحوار مش بالموضوع الجديد الي اتنقل
فقط ؟؟؟؟؟؟؟؟؟

يعنى تهم خفيفه لطيفه
شريف
28-06-2011, 02:22 AM
ههههههههههههههههههههههه
هوا انا هعرف اسد ادامك ؟
بس سؤال وجيه و منطقي أحييكي عليه

بس من غير محامي ولا حاجة هعرف اقنع المحكمة

بصي يا دعاء

في موضوعات تناسب اكتر من قسم
و موضوعاتي في العام
اعتقد انها من النوعية دي

يعني لو شوفتي اخر موضوع
او اتنين ليا
هتلاقيهم مناسبين للقسم العام
و لاقسام اخري

تقدري تقولي موضوعات مرنة
و اكيد احنا اداريين و عندنا خبرة كبيرة
و نقدر نحدد القسم المناسب
و الا ... ازاي ننقل للناس موضوعاتهم للاقسام المناسبة
و احنا مش عارفين نصنف الموضوعات تبعا للاقسام ؟

المسألة كلها يا دعاء
تتلخص في اننا
كاداريين و مسئولين عن منتدي زي ده
يمكن تفكيرنا بيختلف عن الاعضاء اللي مش عليهم اي مسئولية و امانة تجاه المنتدي
دايما بنفكر في رفعة المنتدي
و دايما ناعيين الهم
و دايما بيصعب علينا الاقسام الميتة
فبالتالي
تفكيري في النقطة دي قد يختلف كتير عن اي عضو غير مسئول

فبيبقا لينا اعتبارات محدش بيفكر فيها غيرناو انا من منطلق مسئوليتي
بحس اني مقصر
و مطلوب مني انشط الاقسام التانية
طبعا الوقت ما بيكفيش
و لا عملنا كل اللي بنتمناه
و لا نصه و لا ربعه حتي

بس اهو بنحاول

و عموما
اتحداكي تطلعي موضوع اتنقل
مايناسبش القسم العام

أن أن أاااااان

ههههههههههههههههه
Mr:M.Kamal
28-06-2011, 02:43 AM
اية الجمال والنور دا كلة والله ما قصرتوا
منور سيادة المتهم والسادة الاعضاء اللذاذ والسيد وكيل النيابة

انا ليا فترة كبيرة ما بدخلش المنتدى بس لما لقيت الاستاذ شريف حبيبى وحبيب قلبى

قلت لازم ادحرج التماسى

منورين المحكمة
شريف
28-06-2011, 02:48 AM
اية الجمال والنور دا كلة والله ما قصرتوا
منور سيادة المتهم والسادة الاعضاء اللذاذ والسيد وكيل النيابة

انا ليا فترة كبيرة ما بدخلش المنتدى بس لما لقيت الاستاذ شريف حبيبى وحبيب قلبى

قلت لازم ادحرج التماسى

منورين المحكمة


يا حبي منور وواحشنا جدا
و ماينفعش غيابك ده

و باين عليك هترجع طرة تاني
و نحاكمك علي غيابك

منور يا جميل
محمود عبدالمجيد مرزبان
28-06-2011, 02:51 AM
أولاً نحيي الأستاذة الفضلي صاحبة الموضوع علي هذه الدعابة الظريفة والتي تبرذ بعض الأشياء التي يتميز بها العضو في كتابته ويكون متهما بها في بعض الأحيان .

وبما أننا في صدد توجيه إتهام للمدعو ((الأستاذ شريف ) ...... فأتقدم ببلاغ لسيادتكم ضد الأستاذ شريف (( بالعمل علي قلب نظام النظريات والعمل علي إحداث نظريات جديدة في المجتمع مما يؤدي إلي حدوث تشويش فكري لدي القاريء .

لذا .. أطالب سيادته بمحاكمة عاجلة وتبريره لما يقدمه لنا .
شريف
28-06-2011, 02:58 AM
أولاً نحيي الأستاذة الفضلي صاحبة الموضوع علي هذه الدعابة الظريفة والتي تبرذ بعض الأشياء التي يتميز بها العضو في كتابته ويكون متهما بها في بعض الأحيان .





وبما أننا في صدد توجيه إتهام للمدعو ((الأستاذ شريف ) ...... فأتقدم ببلاغ لسيادتكم ضد الأستاذ شريف (( بالعمل علي قلب نظام النظريات والعمل علي إحداث نظريات جديدة في المجتمع مما يؤدي إلي حدوث تشويش فكري لدي القاريء .





لذا .. أطالب سيادته بمحاكمة عاجلة وتبريره لما يقدمه لنا .


هههههههههههههههه
منور يا استاذ محمود والله
و شرفتنا
حتي لو اتهمتني بمليون تهمة

بس علي فكرة
استحداث نظريات جديدة دي مش تهمة
المفروض اخد عليها جايزة نوفل زي زويل

و براءة اختراع كمان
ههههههههههههههههههه

تسلم ايدك .. ربنا يبارك في عمرك
استاذنا الغالي
محمود عبدالمجيد مرزبان
28-06-2011, 03:16 AM
بعد الإطلاع علي الدستور وعلي القانون رقم(( 1+1=3)) من النظرية الميكافيلية وبعد الإطلاع علي النظرية المطاطية وجدنا أن النظريتان كل منهما لايقابل الثاني .

لذلك حكمنا عليه عند تقديمه لأي نظرية جديدة أن يقدم لنا .. المعطيات ___ والبرهان ___ والمطلوب إثباته في ذات النظرية التي سوف يستحدثها وإلا سوف يحرم من كتابة أي نظرية وسوف نطبق عليه أي نظرية يستحدثها حتي يذوق وبال إستحداثه
ههههههههههههه هههههههههههه ههههههههههه
غادة عبدالسلام
28-06-2011, 03:03 PM
موضوع جميل ولذة بجد ربنا يديم روح الدعابة الجميلة
شريف
28-06-2011, 04:31 PM
بعد الإطلاع علي الدستور وعلي القانون رقم(( 1+1=3)) من النظرية الميكافيلية وبعد الإطلاع علي النظرية المطاطية وجدنا أن النظريتان كل منهما لايقابل الثاني .

لذلك حكمنا عليه عند تقديمه لأي نظرية جديدة أن يقدم لنا .. المعطيات ___ والبرهان ___ والمطلوب إثباته في ذات النظرية التي سوف يستحدثها وإلا سوف يحرم من كتابة أي نظرية وسوف نطبق عليه أي نظرية يستحدثها حتي يذوق وبال إستحداثه
ههههههههههههه هههههههههههه ههههههههههه

ههههههههههههههههه
زي العسل يا استاذ محمود
بس علي فكرة
النظرية المطاطية مش انا مخترعها و لا مكتشفها
دي كلها نظريات موجودة و تجارب حياتية يمكن مابناخدش بالنا
منها و نركز فيها ... بس هيا واقع
مطلب اساسي ان كل واحد فينا يتحول الي مطاط
و يتمتع بالمرونة و ما يصلبش رايه

اشكر لك مرورك الباسم الجميل استاذ محمود نورتنا
شريف
28-06-2011, 04:34 PM
موضوع جميل ولذة بجد ربنا يديم روح الدعابة الجميلة
جميل بيكي يا استاذة غادة
ربنا يخليكي

طب مش هتنفعينا بتهمة ؟
اصل انا احب التهم اوي
هههههههههههه
غادة عبدالسلام
28-06-2011, 04:45 PM
ربنا يخليك يا شريف وتسعدنا دوما بموضوعاتك الشيقة
ولا تقلق موكلة دعاء هى شطورة وعليها تهم فى الصميم
(الشعب يريد توكيل دعاء فى الدفاع عن شريف )
وعجبى
نعمه محمود
28-06-2011, 05:01 PM
ازيك ياشريف منور الموضوع
اسمح لى اوجه لك أول تهمة وهى تقصيرك فى حقنا لانك بطلت تعمل الموضوعات الحوارية
اللى كانت بتطلع كل اللى جوانا كانت بتبقى فرصه حلوة للاعتراف من غير ولا قلم
شريف
28-06-2011, 05:05 PM
ربنا يخليك يا شريف وتسعدنا دوما بموضوعاتك الشيقة
ولا تقلق موكلة دعاء هى شطورة وعليها تهم فى الصميم
(الشعب يريد توكيل دعاء فى الدفاع عن شريف )
وعجبى
هههههههههههههههههه
ماشي يا استاذة غادة
سلطي عليا من لا يرحم
ههههههههههههههه
شريف
28-06-2011, 05:08 PM
ازيك ياشريف منور الموضوع
اسمح لى اوجه لك أول تهمة وهى تقصيرك فى حقنا لانك بطلت تعمل الموضوعات الحوارية
اللى كانت بتطلع كل اللى جوانا كانت بتبقى فرصه حلوة للاعتراف من غير ولا قلم
حمدلله ع السلامة يا نعمة أولا
و يارب عمر و حبيبة يقوموا كده بالسلامة و بالشفاء التام باذن الله

بالنسبة للموضوعات الحوارية
ههههههههههههههههههههه

دنا اكتر واحد بيعمل موضوعات ف العام
بخاف اعمل موضوعات اكتر من كده لاتشتم و اتطرد بره المنتدي
ههههههههههههههههه

عموما عنيا
انتو تأمروا بس

نورتي الدنيا يا نعمة
دعاء شديد
28-06-2011, 05:20 PM
ربنا يخليك يا شريف وتسعدنا دوما بموضوعاتك الشيقة
ولا تقلق موكلة دعاء هى شطورة وعليها تهم فى الصميم
(الشعب يريد توكيل دعاء فى الدفاع عن شريف )
وعجبى


هههههههههههههههههههههههههه
وحشتينا يا غادة

عموما متقلقيش التهم كتير
المهم تفضلى منورانا علطول
حبيبه المصريه
28-06-2011, 05:22 PM
مرور ترحيب بحضرتك


بس عندى سؤال صراحه
مش لقياله اجابه من زمان


ليه حضراتكم زوجاتكم
مش مشتركات معنا فى المنتدى ؟؟؟


يعنى مدام مستر محمد عباس / مدام مستر جمال سراج
مدام مستر أشرف السيد / مدام مستر شريف راغب
مدام مستر هشام / مدام مستر أسامه


حتى لو بأسماء مستعاره
تجنبا للحساسيه
يعنى اعتقد ان منهم معلمات
والمنتدى بالأصل تعليمى
وحضراتكم كمان
من المؤسسين للمنتدى


هو حضراتكم معترضين ؟؟


هنقول منشغلين
طيب مفيش دخول موسمى حتى


بما إن حضرتك من ضمنهم ممكن تجاوب
شريف
28-06-2011, 05:50 PM
نورتي يا استاذة حبيبة
سؤال جميل و وجيه

هقول لحضرتك

بالنسبة لي
فالمدام (( بفضل الله )) مالهاش في التكنولوجيا نهائي
مكانتش ضمن أولوياتها نهائي في الحياة

متعتها الوحيدة
سماع الراديو
عشان كده اتعلمت حاجات كتير جدا من برامج الراديو
و ما شاء الله عندها خبرة واسعة في امور الحياة
و مخها يوزن بلد

يعني الموضوع زي ما تقولي هوايات
و الكمبيوتر بالنسبة لها فضلا عن النت
مالهاش تقل عليه

انما طبعا مش انا اللي رافض
بالعكس
انا سعيت كتير اني اعلمها تستخدم الكمبيوتر
حتي عشان شغلها
بما انها مدرسة انجليزي زيي

لكن يمكن بتستخسر الوقت اللي هتقعده ع الكمبيوتر
او يمكن هوا ده تفكيرها

و بالتالي
فالمقابل لده
انها ست بيت ممتازة من الدرجة الاولي
او اللي قبل الاولي كمان
و عندها قدرة رهيبة علي ادارة شئون الحياة
و التفكير لتلاتين سنة قدام

كنت عملتلها عضوية قبل كده ع المنتدي
و دخلت و قرات موضوعاتي وقتها

و كتبت ردين تلاتة
و بعدها الموضوع انتهي بالنسبة لها

لكن طبعا بدأت تعرف اهمية الكمبيوتر و النت
لما طلبت حاجات و شغل ليها و عملتهولها
اعترفت بفضله ... لكن برضه ... مايشغلش بالها انها تتعلمه

بس ... مش اكتر من كده

شكرا جزيلا استاذة حبيبة
شمس بياض
28-06-2011, 06:16 PM
موضوع اروع اختنا موناليزا
وفعلا اللهم لا شماته ولا توقعنا
ابدا بين ايدى المحاكم لامحامين ههه
ولا قضاة ولا حتى سكرتير نيابه
تحب تستعين با ابو اسلام هههههههههه
هو تليفون واحد وهايجى بمساعديه لحد عندك

الاول قبل ما قول اتهامى احب اعبر عن فرحتى بمثول ابناء الاستاذة نعمة للشفاء تمم شفاهم على خير
ثانى اتهامى بقى
الاستحواذ
حضرتك مستحوذ على الاعضاء
بمعنى
ان
اى حد من اعضاء المنتدى
مش ممكن يشوف موضوع لحضرتك ولا يدخلشى يقراه حتى لو احتفظ
بتعليقه بينه وبين نفسه
ايه ياترى السر ؟؟
المهندس هشام كمال الدين
28-06-2011, 07:12 PM
أهلا بصديقي العزيز المتهم البريئ
بصراحه انا مش مقتنع بردك علي الأخت حبيبه بخصوص
عدم أشتراك المدام في بوابة التعليم المصري.
الأسباب التي ذكرتها مش كافيه.... أعمل ايه حاسس
أن الاسباب الحقيقيه عندك............قول ..قول
أتكلم يا أبن الشعب..........وخصوصا أنك تقضي وقت كبير علي النت
أتكلم بصراحه أنا أخوك الكبير وممكن أفبدك بمشوره
دنا برضو خبره وصاحب سوابق..ومع هذا أنا معاك هتبقي كتمه في البيت وكمان علي النت........... دا حرام والله.
شمس بياض
28-06-2011, 07:18 PM
أهلا بصديقي العزيز المتهم البريئ
بصراحه انا مش مقتنع بردك علي الأخت حبيبه بخصوص
عدم أشتراك المدام في بوابة التعليم المصري.
الأسباب التي ذكرتها مش كافيه.... أعمل ايه حاسس
أن الاسباب الحقيقيه عندك............قول ..قول
أتكلم يا أبن الشعب..........وخصوصا أنك تقضي وقت كبير علي النت
أتكلم بصراحه أنا أخوك الكبير وممكن أفبدك بمشوره
دنا برضو خبره وصاحب سوابق..ومع هذا أنا معاك هتبقي كتمه في البيت وكمان علي النت........... دا حرام والله.

ليه كده بسى يا باشمهندس بقا احنا كاتمين على نفس الرجاله ماطول الوقت قاعدين على الفيس بو ك
كان يوم ماطلع له شمس يوم ماخترعوه

سؤال اخر موجه للاستاذ شريف ؟؟
هو حضرتكحنبلى ليه قوى كده بتزعل وبتتنرفز وترد سواعى بعصبيه زايده على من انت مخالف لهم اى غير موافق على تصرفاتهم وكتاباتهم او افكارهم؟؟
شريف
28-06-2011, 07:53 PM
الاستحواذ
حضرتك مستحوذ على الاعضاء





ده مش اتهام ... ده مجاملة رقيقة منك
طبعا لا استحواذ ولا حاجة
دنا غلبان
اعتقد ان في ناس كتير هنا يا استاذتنا
بتكتب و برضه موضوعاتها تنال اعجاب الجميع
مش انا بس
و الله انا اقل واحد فيهم
أخجلتم تواضعنا


هو حضرتكحنبلى ليه قوى كده بتزعل وبتتنرفز وترد سواعى بعصبيه زايده على من انت مخالف لهم اى غير موافق على تصرفاتهم وكتاباتهم او افكارهم؟؟

دي عندك حق فيها
اصل انا ليا جذور صعيدية
ههههههههههههههههههه

مابحبش البرود ولا الباردين
و يمكن عشان ردودي واضحة و قاطعة شوية
فبتتفهم انها حنبلية

بس عايز اقولك حاجة
العصبيين دول عندهم أطيب قلوب والله
انا لو حد دبحني و بعدين قاللي كلمة حلوة
او اعتذار ... بيبقا ولا كأنه عمل حاجة

يعني بسامح بسرعة
و اعتقد طبعا ان القلوب
الصافية (( العصبية ))
أفضل بكتير من الباردين اللي
بينتقموا من تحت لتحت
قابلتهم كتير

شكرا اختي العزيزة
نورتي الموضوع
تسلم ايدك
نعمه محمود
28-06-2011, 07:59 PM
الاول قبل ما قول اتهامى احب اعبر عن فرحتى بمثول ابناء الاستاذة نعمة للشفاء تمم شفاهم

الحمد لله رب العالمين شكرا اختى الغالية على سؤالك
شريف
28-06-2011, 08:03 PM
[/COLOR][/SIZE]
[/QUOTE]


أهلا بصديقي العزيز المتهم البريئ
بصراحه انا مش مقتنع بردك علي الأخت حبيبه بخصوص
عدم أشتراك المدام في بوابة التعليم المصري.
الأسباب التي ذكرتها مش كافيه.... أعمل ايه حاسس
أن الاسباب الحقيقيه عندك............قول ..قول
أتكلم يا أبن الشعب..........وخصوصا أنك تقضي وقت كبير علي النت
أتكلم بصراحه أنا أخوك الكبير وممكن أفبدك بمشوره
دنا برضو خبره وصاحب سوابق..ومع هذا أنا معاك هتبقي كتمه في البيت وكمان علي النت........... دا حرام والله.



حبيب قلبي
واحشني والله يا باشمهندس
اهو كده الموضوع نور فعلا

لا خالص والله
هيا دي الاسباب فعلا
علي فكرة المدام عقلها كبير اوي
و كتير بتبقا قاعدة جنبي و انا بكتب و كتير بتقرا موضوعاتي
و بناقشها فيها
يعني رايها بدل ما بتكتبه بتقولهولي
و احيانا اقتبس من كلامها و اضيفه لموضوعي

يعني في ديمقراطية
و توك شو

و بعدين بالنسبة للوقت اللي بقعده ع النت
فده مش معناه اني منفصل عن البيت و الدنيا
بالعكس ... انا احيانا ببقا قاعد موجود في المنتدي و بتكلم مع المدام
في نفس الوقت
و احيانا كتير ببقا موجود في المنتدي او ع النت و سايب الجهاز و بعمل حاجة تانية خالص

اصل انا لسه مبتدئ في الجواز

لو عندك انت مواقف قوووووول
عشان انا بموت في حكاويك
هههههههههههههههههه
[/CENTER]
دعاء شديد
28-06-2011, 08:18 PM
هههههههههههههههههههههههه
انا حاسه انى فى مسلسل رأفت الهجان
المتهم محدش عارف يثبت عليه اى تهمه
مدوخ كل البوليس الانترنتى والبوليس الفضائى

صحيح
ايه ده فين اصلا وكيل النيابة ... ده عايز يتحقق معاه تانى بق
شريف
28-06-2011, 08:38 PM
اصل انا مش من فلول النظام يا دعاء
و لا كاسب كسب غير مشروع الحمد لله
ورقي كلو سليم
هههههههههههههههه

دوري علي تهمة معرفش افلفص منها
موناليزا
28-06-2011, 08:44 PM
هههههههههههههههههههه

الله
شريف متهم
وهنفرح فيه
يوووووووووووووووو اقدص هندافع عنه


موناليزا
ربنا معاكى المتهم غير عادى
وتقريبا مش هيحتاج محامى ده هو بـ 100 محامى


مفاجاه حلوه

وفى انتظار المتهم




هو واضح انه غير عادي
بس ربنا كريم هههه
دعواتك بقي لو عايزه تهم
منوره ياغاليه والله
موناليزا
28-06-2011, 08:51 PM
ايه المفاجأة الحلوة دي

ربنا ما يحرمنا منك يا اميرة
انا هقول أميرة
مش هحط قبلها الف و لا استاذة
منا لما باجي انادي علي اختي مابقولهاش يااستاذة
و في نفس الوقت بكره التكليف اوي والله
يعني اللي يدخل يقول شريف عادي من غير استاذ و لا مستر و لا بتاع
ده شرف ليا يا أميرة


انا جاهز للتحقيق في اي وقت
و مقدم اقرار بالذمة المالية
و هدفع الضرايب اللي عليا بسرعة قبل ما تاخدوا بالكم


و شكرا يا دعاء علي حماسك
و ربنا ما يحرمني منكم




ايه ده لالالالالالالا انا وكيل نيابه براحه شويه البراءه مش بالساهل كده
ههههه اصل لساني مش عارف يقول غير يامستر شريف
انا يشرفني اكون اختك طبعا وزي ماتحب اختك الصغيره او الكبيره
ما نتحرم من ذوقك يامتهم
طبعا بنعتذر منكم لاني مادخلت بس معلش تتعوض ان شاءالله
منور حضرتك النيابه العامه وربنا

وان شاءالله هنبدا الاتهامات هي خفيفه بس لكن ان شاءالله تكون مفيده
موناليزا
28-06-2011, 08:55 PM
س1 : بم تفسر يعني علل


مستر شريف كان قنبله مدويه في البوابه ومازال طبعا

وفجاه ومن دون سابق انذار قرر ان يترك البوابه وطبعا كانت

محط استغراب ولكن عدتم بعدها بموضوع في كل فتره ثم بدا الانطلاق مره اخري

؟؟؟؟؟؟؟؟؟؟؟؟
شريف
28-06-2011, 09:05 PM
اه ... السؤال ده كان من التوقعات المرئية بتاعتي
اللي ذاكرتها امبارح قبل الامتحان
ههههههههههههههه
و الله يا اميرة ببساطة شديدة
روحت ازور والدتي مرة
لاقيتها تعبانة فحسيت بتقصير كبير ناحيتها
مع اني بزورها بانتظام و اختي دلوقتي معاها و بتراعيها
بس برضه حسيت بتقصير جامد
و كنت ساعتها كمان في وقت امتحانات
و مكونتش عايز حاجة تعطلني عن الحاجتين دول
الشغل ... و والدتي
فعملت موضوع في العام
عشان اقلل من دخولي و اركز في المهم
و بالفعل
قعدت حوالي شهر
كل يوم عندها
و عملت حاجات كتير الحمد لله انا شخصيا فرحت بيها اوي
و بعدها بدأت الاجازة طبعا
و عملت جدول كمان لزيارتها ثابت
و طبعا المنتدي بيجري في دمنا
اوعي تصدقي لو قولت في يوم اني اقدر امشي
حاولت كتير والله مقدرتش
حتي في الموضوع اللي كتبت فيه اني مش هخش تاني
في الموضوع ده نفسه قلت اني عارف اني مش هقدر
و فعلا مقدرتش
بس بمزيد من تنظيم الوقت
الدخول اثناء الاجازة مافيهوش مشكلة
فرجعت تاني
و بخش نت من البيت عندي لو انا في البيت
او من عند والدتي لو انا عندها
و الدنيا بدأت تتظبط شوية

بس كده
موناليزا
28-06-2011, 09:34 PM
اه ... السؤال ده كان من التوقعات المرئية بتاعتي




اللي ذاكرتها امبارح قبل الامتحان
ههههههههههههههه
و الله يا اميرة ببساطة شديدة
روحت ازور والدتي مرة
لاقيتها تعبانة فحسيت بتقصير كبير ناحيتها
مع اني بزورها بانتظام و اختي دلوقتي معاها و بتراعيها
بس برضه حسيت بتقصير جامد
و كنت ساعتها كمان في وقت امتحانات
و مكونتش عايز حاجة تعطلني عن الحاجتين دول
الشغل ... و والدتي
فعملت موضوع في العام
عشان اقلل من دخولي و اركز في المهم
و بالفعل
قعدت حوالي شهر
كل يوم عندها
و عملت حاجات كتير الحمد لله انا شخصيا فرحت بيها اوي
و بعدها بدأت الاجازة طبعا
و عملت جدول كمان لزيارتها ثابت
و طبعا المنتدي بيجري في دمنا
اوعي تصدقي لو قولت في يوم اني اقدر امشي
حاولت كتير والله مقدرتش
حتي في الموضوع اللي كتبت فيه اني مش هخش تاني
في الموضوع ده نفسه قلت اني عارف اني مش هقدر
و فعلا مقدرتش
بس بمزيد من تنظيم الوقت
الدخول اثناء الاجازة مافيهوش مشكلة
فرجعت تاني
و بخش نت من البيت عندي لو انا في البيت
او من عند والدتي لو انا عندها
و الدنيا بدأت تتظبط شوية


بس كده



اولا
بارك الله في والدتك وكتب لها الصحه والعافيه
شفاها الله وعفاها من كل سوء



يعني السؤال كان متوقع هههه
طب الحمد لله
اجابتكم مفيده ماشاءالله في الاسئله وفيها اتزان


و دبلوماسيه







س2 -يعني مش مؤمن بفكرة ادمان النت والضعف امامه؟













س3ده سؤال من باب الترفيه عن المتهم

ماشاءالله حضرتك كتبت كتير


وان شاءالله هضع لحضرتك السؤال القادم في المشاركه الجايه يامستر
كم ولد في الصورة؟؟؟؟


You can see links before reply
دعاء شديد
28-06-2011, 09:41 PM
ههههههههههههههههههههه
الله السؤال ده حلو اوى
عد بقى يا شريف
عد عد على مهلك
وممكن تجيب اصحابك كمان يعدوا معاك
هههههههههههههههههههههههه

احنا مستنين
شريف
28-06-2011, 09:53 PM
اولا
بارك الله في والدتك وكتب لها الصحه والعافيه
شفاها الله وعفاها من كل سوء



يعني السؤال كان متوقع هههه
طب الحمد لله
اجابتكم مفيده ماشاءالله في الاسئله وفيها اتزان


و دبلوماسيه







س2 -يعني مش مؤمن بفكرة ادمان النت والضعف امامه؟

انا مؤمن ان عقل الانسان اقوي من كل العقول الالية و يقدر يتحكم في نفسه كويس اوي و ينظم وقته و حياته











س3ده سؤال من باب الترفيه عن المتهم

ماشاءالله حضرتك كتبت كتير


وان شاءالله هضع لحضرتك السؤال القادم في المشاركه الجايه يامستر
كم ولد في الصورة؟؟؟؟


You can see links before reply




ههههههههههههههههههه
هههههههههههههههههههههههههه

تصدقي انا مش عاجبني في العالم دي كلها
غير الواد ابن اللذينا اللي ولا علي بال اهله
قاعد مدلدل رجله و بيهزها و بيلعب ف راسه
ههههههههههههههههههههههه

طبعا انا مش شايف ولا ولد في الصورة
دول قرود ولاد التيييييييييت دول

انا فضلت متابع واحد منهم يطلع و ينزل زي الفرقع لوز
لغاية ما دخل صلاح سالم

كل ما احاول أعد
تيجي لي دوخة و غممان نفس
هههههههههههههههههههه

زي العسل يا اميرة
موناليزا
28-06-2011, 10:02 PM
ههههههههههههههههههه
هههههههههههههههههههههههههه


تصدقي انا مش عاجبني في العالم دي كلها
غير الواد ابن اللذينا اللي ولا علي بال اهله
قاعد مدلدل رجله و بيهزها و بيلعب ف راسه
ههههههههههههههههههههههه


طبعا انا مش شايف ولا ولد في الصورة
دول قرود ولاد التيييييييييت دول


انا فضلت متابع واحد منهم يطلع و ينزل زي الفرقع لوز
لغاية ما دخل صلاح سالم


كل ما احاول أعد
تيجي لي دوخة و غممان نفس
هههههههههههههههههههه


زي العسل يا اميرة



الله يكرمك
هههههههه ربنا يستر خدوا بالكم



طب لو قلت لمستر شريف

الصوره ده ممكن تشوف من خلالها مين او توصف بيها حال معين؟
موناليزا
28-06-2011, 10:06 PM
س4 ليه مستر شريف مش بيحرك بقية الاقسام بنفس جودة القسم العام

وطالما هما ماشاءالله مهتمين بموضوعاتك اكيد هيروحوا الاقسام التانيه ؟
شريف
28-06-2011, 10:12 PM
و الله يا اميرة انا شايف الصورة دي بطريقتين

1- كل واحد بيضرب التاني في ضهره ... و ده حال مصر دلوقتي ... كل واحد ناجح بيتضرب في ضهره فبيفشل و يضرب اللي قدامه في ضهره و هكذا ... مجتمع لا يتقدم ... بيعملوا نفس الحاجات الغلط كل يوم و لغباءهم للاسف بيتوقعوا نتيجة مختلفة .... زي الاضرابات و الاعتصامات ... و الفئويات ... بيستمروا فيها و متوقعين نتيجة مختلفة ان مصر تتقدم او انهم يعرفوا في يوم ياخدوا مطالبهم اللي بيطالبوا بيها و هما ما بيشتغلوش .

2- شايف في الصورة دي (( بالنسبة للاستمرارية و الاصرار بلا كلل او ملل )) شايف الصين و النمور الاسيوية اللي مابيملوش من الشغل و الصناعة و الانتاج و محاولة النجاح حتي و لو بعد مليون محاولة فاشلة
شريف
28-06-2011, 10:17 PM
س4 ليه مستر شريف مش بيحرك بقية الاقسام بنفس جودة القسم العام

وطالما هما ماشاءالله مهتمين بموضوعاتك اكيد هيروحوا الاقسام التانيه ؟



و الله بصراحة مش بلاقي نفسي الا في القسم العام
و للاسف حالة عامة في المنتديات التعليمية كلها
تلاقي الاقسام التانية
غير القسم العام ميتة
نادر جدا اللي بيدخلها
فمش عايز اصاب بالاحباط انا كمان
و اشعر بالملل و اقلدهم
و ما ادخلش انا كمان
نوعية موضوعاتي بتبقا بنسبة كبيرة مناسبة للقسم العام
و ده تقصير مني فعلا
ماقدرش انكر
بس طالب العفو
و ربنا يسهل ان شاء الله
و نعمل حملة في المنتدي
لانعاش الاقسام الاخري

تاعبينك معانا يا اميرة
تسلم ايدك علي اسئلتك
الرائعة الشابة الشيك
شريف
29-06-2011, 04:37 PM
أعتقد كفاية كده يا جماعة و انا جاهز لأي محاكمة
و لتنفيذ أي حكم عادل يقضي به قضاء المنتدي النزيه
عشان نعطي الفرصة للاخرين يتحاكموا هما كمان
موناليزا
29-06-2011, 04:57 PM
و الله بصراحة مش بلاقي نفسي الا في القسم العام
و للاسف حالة عامة في المنتديات التعليمية كلها
تلاقي الاقسام التانية
غير القسم العام ميتة
نادر جدا اللي بيدخلها
فمش عايز اصاب بالاحباط انا كمان
و اشعر بالملل و اقلدهم
و ما ادخلش انا كمان
نوعية موضوعاتي بتبقا بنسبة كبيرة مناسبة للقسم العام
و ده تقصير مني فعلا
ماقدرش انكر
بس طالب العفو
و ربنا يسهل ان شاء الله
و نعمل حملة في المنتدي
لانعاش الاقسام الاخري


تاعبينك معانا يا اميرة
تسلم ايدك علي اسئلتك
الرائعة الشابة الشيك




والله ده من ذوق حضرتك


عفونا عنكم خلاص في السؤال ده


بس لسه في واحد كمان قبل مانختم المحاكمه
موناليزا
29-06-2011, 05:05 PM
أعتقد كفاية كده يا جماعة و انا جاهز لأي محاكمة

و لتنفيذ أي حكم عادل يقضي به قضاء المنتدي النزيه
عشان نعطي الفرصة للاخرين يتحاكموا هما كمان




معلش تعبناكم يامتهم

هو فاضل سؤال كمان وبعد كده هيصدر الحكم










س5 - ليه مستر شريف في موضوعاته لما بيبقي فيه ردود مثاليه وساعات بتكون مثاليه اوي
وممكن تكون فوق طاقة اي بشر عادي
بيكون رده عليها دبلوماسي او ممكن نقول
هروب من الاختلاف مع الرد مش لعيب فيكم؟؟؟؟؟؟؟


بس نحب نعرف ايه وجهة النظر
يعني ممكن توضحلنا السبب
شريف
29-06-2011, 05:09 PM
لا بجد مش فاهم السؤال اوي
أنا برد بدبلوماسية و بهرب من الخلاف ؟
هههههههههههههههه

مش مصدق التهمة دي
او تقريبا يمكن مافهمتش السؤال صح
طب ممكن تقوليه بصيغة تانية او توضيحه بأمثلة
موناليزا
29-06-2011, 05:29 PM
هههههههههههههه
مش بتهرب من الخلاف
حضرتك فهمتني غلط

ابسطهالك شويه

علي فكره ده مجرد احساس خاصي بيا

انا ساعات بلاقي بعض الردود من مشاركين في موضوعات مستر شريف بتكون مثاليه

يعني ممكن تكون اقرب للخيال مش واقعيه

ولان مستر شريف واقعي

فبشعر ان حضرتك لما تلاقي الرد مش واقعي او مش في طاقة البشر العادي

بترحب بالمشاركه بدبلوماسيه

بس ميكونش ده الرد اللي انت عايزه

عكس لما الرد يعجبك بتتجاوب معاه

علي فكره ده مجرد احساس قارئ


يعني مش تهمه ده سؤال من تلميذه صغيره

عايزه تفهم النظريه بس ايه ؟ ويارب يكون واضح المره ده
حبيبه المصريه
29-06-2011, 05:34 PM
و بالتالي
فالمقابل لده
انها ست بيت ممتازة من الدرجة الاولي
او اللي قبل الاولي كمان
و عندها قدرة رهيبة علي ادارة شئون الحياة
و التفكير لتلاتين سنة قدام




الموضوع مش إن التكنولوجيا من الاولويات
بقدر إن احتياجات العمل
خليتنا نحتك ونتعامل مع التكنولوجيا
وطبعا لان الواحد بيحب يخلص شغله بنفسه
فكان الاحتكاك بالتكنولوجيا احتكاك مباشر
ما شاء الله
هى كده شخصيه أجدر إننا نتعرف عليها
نتمنى إننا نتشرف بيها فى يوم من الأيام
تحياتى لها
موناليزا
29-06-2011, 05:41 PM
و الله يا اميرة انا شايف الصورة دي بطريقتين



1- كل واحد بيضرب التاني في ضهره ... و ده حال مصر دلوقتي ... كل واحد ناجح بيتضرب في ضهره فبيفشل و يضرب اللي قدامه في ضهره و هكذا ... مجتمع لا يتقدم ... بيعملوا نفس الحاجات الغلط كل يوم و لغباءهم للاسف بيتوقعوا نتيجة مختلفة .... زي الاضرابات و الاعتصامات ... و الفئويات ... بيستمروا فيها و متوقعين نتيجة مختلفة ان مصر تتقدم او انهم يعرفوا في يوم ياخدوا مطالبهم اللي بيطالبوا بيها و هما ما بيشتغلوش .


2- شايف في الصورة دي (( بالنسبة للاستمرارية و الاصرار بلا كلل او ملل )) شايف الصين و النمور الاسيوية اللي مابيملوش من الشغل و الصناعة و الانتاج و محاولة النجاح حتي و لو بعد مليون محاولة فاشلة





سبحان الله تصوركم دقيق
وفي محله

ربنا يصلح الحال
كل من نقول البلد هتهدي تقوم تاني


بس التصور التاني هايل جدا
فعلا هما نمور واسود كمان
موناليزا
29-06-2011, 05:56 PM
انا نسيت ارحب بكل ضيوف المحاكمه بعتذر جدا

بجد شرفتوا المحاكمه
تشرفت بمروكم والله دعاء واستاذتي نعمه
واختي شمس بياض
وحبيبه المصريه
والاستاذ محمد
والباشمهندس هشام كمال والاستاذ محمود

دايما ان شاءالله تجمعكم في البوابه


نورتونا باسئلتكم الجميله والمفيده
شريف
29-06-2011, 06:02 PM
ده ممكن يحصل نادرا جدا يا اميرة
انما في الغالب لما بختلف في الرأي مع حد بحب اتناقش معاه جدا
و يبقا في حوار
مابسكتش يعني

شكرا يا اميرة تسلم ايدك
موناليزا
29-06-2011, 06:14 PM
طبعا بعد الاطلاع قررننا نحن وكيل نيابة بوابة التعليم المصري

براءة مستر شريف واستاذي طبعا براءه ساطعه وقاطعه

نظرا لان اجابته واقعيه وجميله

انا بشكر حضرتك جدا جدا مستر شريف

علي تلبية الدعوه ده كرم منكم والله

وبشكركم علي روحكم الطيبه في الموضوع وطبعا

النيابه تتفضل وتعطيكم يامستر هدية الموضوع وهتكون سياسه متبعه في النيابه
عندنا ان شاءالله


مجموعة تلاوات نادره للشيخ عبد الباسط ان شاءالله تعجبوكم

بس كده انا ليا عندكم سؤال

اتفضلوا


سورة الاسراء


You can see links before reply (You can see links before reply)



سورة الرعد


You can see links before reply (You can see links before reply)



سورتي المدثر والقيامة


You can see links before reply (You can see links before reply)



أخر القمر والرحمن وبعض السور من جزء عم والفاتحة


You can see links before reply (You can see links before reply)


سورة الأنبياء


You can see links before reply (You can see links before reply)


قصار السور


You can see links before reply (You can see links before reply)



سورة يوسف


You can see links before reply (You can see links before reply)


سورة المائدة


httYou can see links before reply (You can see links before reply)


المزمل والانفطار


You can see links before reply (You can see links before reply)



التوبة


You can see links before reply (You can see links before reply)



وان شاءالله اعوضهالك يادعاء دمتم جميعا بكل خير
والي لقاء اخر مع متهم اخر
موناليزا
29-06-2011, 06:17 PM
ده ممكن يحصل نادرا جدا يا اميرة



انما في الغالب لما بختلف في الرأي مع حد بحب اتناقش معاه جدا
و يبقا في حوار
مابسكتش يعني


شكرا يا اميرة تسلم ايدك




تقريبا كده انا مش عارفه اوصل سؤالي يامستر
بس علي العموم تسلم علي ردك
انا افتكرتك طلعت فاصدرت الحكم في المشاركه السابقه
بجد انا بشكر حضرتك جدا
نعمه محمود
29-06-2011, 07:33 PM
انا عاوزة اشكر موناليزا على ادارتها للحوار واشكر شريف على اجاباته
تحية كبيرة اوى ليكم ودايما منورين القسم العام
جمال سراج
01-07-2011, 08:01 PM
منور يا مستر شريف
منورين كلكم
وشكرا لموناليزا وهذه المفاجئة الجميلة مع عملاق المنتدى وفاكهته الجميلة مستر شريف
الحقيقة مستر شريف أكاد ألمح شخصيته من خلال روائعه ومشاركاته الثرية
لكنى أود لو حدثنا عن فلسفته فى الحياة وفى الحب وفى العمل أيضا
كما أود أن يمتعنابنبذةعن أهم المراحل فى حياته ووقفات النفس المؤثرة فى شخصيته العظيمة
نعلم عن مستر شريف التواضع الجم والأدب الراقى فى الحوار والثقافة الرفيعة والفكر العالى والصالح
وهذا لا يتأتى من فراغ ولكن لابد لذلك من تنشئة سليمة وتربية عالية فهلا حدثنا عنها
بارك الله لك سيدى وأسعد حياتك دوما وجعلها زهوا وخيرا وبركة
خالص تحياتى لك
وأيضا ليتقبل الجميع عظيم تقديرى
شريف
02-07-2011, 06:21 PM
شكرا يا اميرة علي هديتك الرائعة تسلم ايدك و يارب تفضلي دايما منورة المنتدي و شكرا علي موضوعك و اسئلتك الجميلة
الأمبراطور عمر
02-07-2011, 06:26 PM
هههههههههههههههههههههههههههههه
شريف
02-07-2011, 06:58 PM
شكرا جزيلا استاذ جمال علي مجاملتك العطرة الكلام طبعا كتير عليا جدا لدرجة اني اتخضيت لا شخصية عظيمة ولا حاجة يا مستر العظمة لله هنيجي ايه في ثقافتكم و اسلوبكم وبلاغتكم ...أؤمن ان الحياة لا تعطي أحد ما لا يستحق بمعني ... أن الذين يتغنون بأن (( الله رب قلوب )) و ان الاعمال بالنيات ... و قد صدقوا قولا و لكن فسدت النوايا و الاعمال أؤمن أنهم لن يأخذوا من الله ما لا يستحقون _ إلا بفضل كرمه_ فالبعض يعتقد ان الرزق سيأتيه و هو متكئ على اريكته و أن الحياة ستزدهر فجأة بدون سابق تعب او سعي أو عمل لان الرزق مكتوب ... ! نعم ... الله قادر ان يعطي بغير حساب و بدون سبب او عمل و لكن من حكمته البالغة ... أنه جعل لكل شئ سبباً ... فهو القادر أن يغير وجه العالم و لكن لماذا خلق لنا عقولاً مادامت ملائكة الرزق ستتكفل بالأمر دونما عناء منا ؟ !!! لم تتقدم دول العالم الاول - دنيويا - إلا بالأخذ بالاسباب ... و عن القدر ... يظن البعض ان الله مادام قد كتب كل أقدارنا في اللوح المحفوظ و قد جف القلم فليس عليهم عمل و لا اجتهاد و لا سعي ! و هؤلاء هم الفشلة أصحاب الاخفاقات الكبري في الحياة و مواطني دول العالم الثالث قاطني عشوائيات العقول الخربة... أما عن الحب : فإيماني لن يتزحزح أنه لن ينجح أحد في عمل و لا في حياة إذا خلت حياته من الحب فهو شمعة الحياة التي تنير كل طرقاتها ... و بدونها يسير أحدنا أعمي حيث لا نور أشعر بالارتياح النفسي عندما أعمل و أعيش في مكان أحب من فيه و أحب ما أقوم بعمله فيه و متي شعرت بغير ذلك ... لن تجدني هنالك ... و أما عن العمل : فلست معلما مثاليا و لم أحقق ألقاب كالتي يكتبونها علي جدران الشوارع و لكني أعشق بشدة مهنتي ... لدرجة انني استمتع و ترتفع معنوياتي جدا أثناء موسم العمل و العكس صحيح و كم اقتنعت بمقولة القائل : حب ما تعمل لكي تعمل ما تحب ... و عودا الي شخصيتي العظيمة !! هههههههههههههه فقد ابتسمت كثيرا عندما قرأت هذه العبارة و لو قالها لي أحد الاصدقاء سأشك انه يسخر مني ففضلا عن انني لا أمت للعظمة.. بصلة أدين لله ... أن العظماء في دنيانا هذه نادرون كندرة اليواقيت أراهم في الانبياء و الرسل الذين غيروا مجري التاريخ و تجاهلتهم الموسوعات و الكتب التاريخية و المؤرخون عبر العصور عن عمد... فقد كان الانبياء دوما يأتون بما لا تشتهي أنفس عُبَّاد الهوي و برغم هذا غيروا التاريخ و أثروا في أمم و صنعوا امبراطوريات أسلمت لله و أعظمهم الحبيب صلي الله عليه و سلم أعظم رجال التاريخ و في نظري ... لا يستحق غيرهم لقب عظيم.... بالطبع أتفهم نيتك و مقصدك لكن فضلا عن هذا فأنا (( صفر علي الشمال )) بالنسبة لحضراتكم جميعا جزاك الله خيرا علي حسن ظنك بي أريد فقط أن أقول أن والدي أطال الله في عمره يعشق القراءة و كتابة الشعر و الثقافة عموما و إجادة كل شئ يقوم بعمله جيل رائع تعلمت منه الخط الجميل و القراءة و كتابة الشعر و الاهتمام بالفصحي برغم انه يعشق الانجليزية و يعلمها لنا منذ الصغر و هو المحفز الرئيسي لي للتخصص في تدريس الانجليزية لكنه له خواطر جميلة اتطلعت عليها في اوراقه و أراني اياها و تعلمت منه الكثير.. اسف علي الاطالة ..عاجز لساني عن وصف مشاركتك الجميلة استاذ جمال ..لا حرمنا الله روعة مداخلاتك
شريف
02-07-2011, 07:16 PM
شكرا يا نعمة علي البوكيه الجميل ده للموضوع ... المنتدي منور بيكي والله
شمس بياض
02-07-2011, 10:10 PM
أريد فقط أن أقول أن والدي أطال الله في عمره يعشق القراءة و كتابة الشعر و الثقافة عموما و إجادة كل شئ يقوم بعمله جيل رائع تعلمت منه الخط الجميل و القراءة و كتابة الشعر و الاهتمام بالفصحي برغم انه يعشق الانجليزية و يعلمها لنا منذ الصغر و هو المحفز الرئيسي لي للتخصص في تدريس الانجليزية لكنه له خواطر جميلة اتطلعت عليها في اوراقه و أراني اياها و تعلمت منه الكثير
جزاه الله خيرا والد حضرتك ليت كل الاباء يكونون عونا لابنائهم على طاعتهم وعلى صنع رجال يفخر بهم التاريخ
ابلة هدى
05-07-2011, 01:00 PM
اطلب اثبات حضورى "كشاهد اثبات " فى التهمة الأولى

معلش استاذ/شريف
انت اخى بالفعل لكن شهادة الحق واجبة :24:

بالفعل يا جماعة معروف عن الأستاذ/شريف حب نقل المواضيع
والبحث فى الأقسام
وقضاء الوقت الطويل والبحث المضنى لإعادة ترتيب المواضيع وتوزيعها على الأقسام

لا أنسى كيف قضى الوقت الطويل فى ترتيب المواضيع فى قسم الكادر بالبوابة

استيقظنا على ثورة بالقسم
خير يا جماعة ؟؟!!!!!:13:
اتاري الشعلة والنشاط الشهير باسم /شريف
سهر الليالى لإعادة ترتيب البيت

هذه شهادة اثبات وكلمة حق
ودلالة على صدق عمل ونشاط نحتسبه فى المتهم المدان :27:
شريف
05-07-2011, 02:56 PM
شكرا استاذة شمس و شكرا لاختي الغالية ابلة هدي و ربنا يجازيكي كل خير تسلم ايديكم