المساعد الشخصي الرقمي

مشاهدة النسخة كاملة : الدم يغلى فى عروقى



أسامة حسن
23-06-2011, 05:46 PM
الأخوة الكرام/ المعلمون المساعدون
السلام عليكم ورحمة الله وبركاته
عندما تكاثرت الأخبار التى تؤكد أن تثبيت المعلمين المساعدين الذين اجتازوا الامتحان الأخير سيكون على درجة معلم مساعد وبدأت الاجراءات فى بعض المحافظات مثل الشرقية، وصارت المعلومات مؤكدة أحسست أن الدم يغلى فى عروقى .
إخوتى الكرام، وبعد خمسة أشهر على الثورة يكاد اليأس يعصف بالجميع وكأنها كانت احتفالا برحيل عصابة ومجئ عصابة.
ألم نحصل على كل الشهادات التى طلبت منا، ألم نجتز كل الاختبارات التى وضعت لتعرقل طموحنا ، ألم نلتهم كل المذكرات والكتب، ألم نقدم الأوراق والأختام، ألم نطع نظارنا وموجهينا ومدرسينا، ألم نطاطى لريح المديرين العاتية ولسماجة الزملاء الخائبة( أنت اسمك لسا مكتوب بالقلم الرصاص ،) ، ألم نفعل كل ذلك وأكثر من ذلك .
إخوتى، تعالوا نتعاهد أننا لن نرضى بالفتات بعد اليوم ، ولن يكتبوا أسمائنا بالرصاص بعد اليوم، وأننا نرضى بالرصاص على قلوبنا ولانرضى به على أسمائنا.
تعالوا أقترح عليكم أشياء إن اقتنعتم بها وإلا ناقشونى فيها :-
1- أرجو من كل من يقرأ هذا الكلام أن يرد عليه بأى رد ولا يكتفى بمجرد القراءة وخاصة على البند ثالثا منها.
2- عندما يعرضون عليك التثبيت على وظيفة معلم مساعد ارفض بكل حسم ولا تخشى ضياع حقك فقد تغير الحال ولن تعود الساعة إلى الوراء أبدا .
3- ما رأيكم لو اجتمعنا جميعا فى وقفة احتجاج أمام وزارة التعليم يوم الثلاثاء القادم 27 / 6 لنعلم الجميع رفضنا هذا المبدأ وأننا أصحاب حق وقضية، وتكون وقفة فى مظهر متحضر وبأسلوب راق تليق بمعلمين أصحاب رسالة.
4- لكل منا زملاء لا يتعاملون مع الانترنت وعلينا واجبا أن نشركهم معنا ونحثهم على الاهتمام، وكلهم أخيار ولكن عن قلة وعى قد تجد بعضهم لا يهتم فعليك أن تدعهم وسيجيبونك لأنها قضيتهم كما أنها قضيتك.
5- جارى دراسة الأبعاد القانونية لهذا الأمر، وتأسيس صفحة على الفيس بوك لنتجمع فيها

تامر عبدالحميد
23-06-2011, 07:28 PM
اوافقك الراى تماما يا استاذ اسامة ولابد ان نكف عن السلبية وان نكون ايجابيين لان الوقت ليس فى صالحنا ونقف وقفة جادة ضد صور الاستهتار والكيل بمكيالين وسادعو كل زملائى لهذه الوقفة الاحتجاجية يوم 27/6 حتى نحصل على حقوقنا أسوة بزملائنا

أسامة حسن
23-06-2011, 08:04 PM
يا جماعة يوم الثلاثاء هو 28 /6 ، آسف لهذا الخطأ غير المتعمد وهو يوم الوقفة بإذن الله

أسامة حسن
23-06-2011, 08:06 PM
الثلاثاء 28 / 6 يوم الوقفة بإذن الله تعالى

علا رضا
23-06-2011, 11:48 PM
" لن يضيع حق وراءه مطالب " نرجو من كل الاخوة المعلمين المساعدين الحفاظ على حقوقنا فلابد لنا ان نطالب بحقوقنا كخريجى جامعات لماذا درسنا فى الجامعات وتخرجنا منها وتحملنا كل هذا الضغط اثناء الدراسة والامتحانات ؟ يجب علينا ان نحافظ على حقوقنا التى ضاعت منذ زمن بعيد آن الأوان ان نطالب بها فانا ارى من وجهة نظرى انه يجب تعيين كل المعلمين المساعدين ومن بعد ذلك تعيين المعلمين منذ تخرجهم من الكلية لا بعد هذا الذل والضغط لماذا يفعلوا فينا ذلك ؟اذا كان عدد المعلمين قد زاد ولم يعينوا أحد فلماذا يفتحوا الكليات إذن يغلقوها أحسن وأفضل لنا ولهم نحن نحس بعدم أمان بسبب كل هذه الإجراءات التى نطالب بها اخيرا يمكننى أن أقول "إن الله معنا"

مدرسة علوم
24-06-2011, 10:12 AM
يعنى هو ايه اللى فاضل تانى علشان نتعين معلم
ده الدفعة اللى قبلنا اتعينوا على الرغم ان فيهم نسبة كبيرة جدا ماكملوش الشروط

سامح سواح
24-06-2011, 12:08 PM
بيني وبينك انا بدات اياس من البلد دي المحترم فيها حقه بيضيع يعني لازم وقفة وثورة وهتافات علي شان ناخد حقنا في بلدنا انا عندي اقتراح افضل نترك الوظائف الي مش جايبة همها ونشتغل حرامية زي العصابة الي كانت ماسكة البلد زمان والعصابة بتاعة النهاردة ،اضرب الاعور عاي عينه................

أسامة حسن
25-06-2011, 12:05 AM
إلى كل الخوة اللى بضحكوا على أنفسهم بموضوع الثانوية العامة ومدى انشغال الوزارة بيها ، والله لو الوزارة مشغولة بيها لهذه الدرجة تبقى وزارة فاشلة ؛ لأن المفروض دى وزارة. عارفين يعنى أيه وزارة ؟ ! يعنى إدارات ووكلاء وزارة وقطاعات ومعنى إنها تحتاس بالثانوية العامة لهذه الدرجة يبقى يعوض ربنا.
وكمان إذا كنا عاوزين نلغى حتة إن الثانوية دى بعبع عند الطلبة وأولياء الأمور والوزارة مش عارفة تلغيها داخل الوزارة يبقى برده يعوض ربنا.
وبعدين سيادة الوزير مينفعش يصدر القرار دلوقتى ويبدأفى تنفيذه بعد الثانوية يعنى، يا جماعة فوقوا قبل الندم

مدرسة علوم
26-06-2011, 09:19 AM
انهم وزارة فاشلة و حكومة فاشلة ده الطبيعى اللى العالم كله عارفه ..
لكن خلينا معاهم و نشوف يعنى اكيد ليهم اخر و هو ده اللى احنا مستنينه

misdodo
27-06-2011, 12:50 AM
السلام عليكم
اناعضوه جديده معاكوا واول يوم اشوف المنتدى واشترك فيه وعجبتنى الفكره وانا زيكوا بردوا من الناس الى امتحنت فى 1/4 والحمدلله نجحت بس مفيش لحد دلوقت اى قرارات صدرت
بخصوص تعينا ولا على درجه معلم مساعد ولا على اى شىء اصلا ولازم فعلا يكون لينا وقفه عشان اكتشفت ان مفيش حاجه بتحصل الا بالمظاهرات والتجمع على راى واحد

ahmdd12975
28-06-2011, 07:09 AM
جزاكم الله تعالى خيرا