الحلقة الرابعة ... الأستاذة / لمضة ... و المحاور الأستاذ / غلباوي [الأرشيف] - المنتديات التعليمية

شريف

14-06-2011, 07:46 PM

السلام عليكم

يا مساء اللماضة

معلش ... أصل ضيفتنا النهاردة

في برنامجكم (( معلش احنا بنتحاور ))

تتمتع بقدر كبير من اللماضة

لمضة .... بس لذيذة

بلطجية شوية You can see links before reply ... بس دمها خفيف

ما بتسيبش حقها .. You can see links before reply ... بس انسانة

حساسة جدا و عصبية .... بس صبورة برضه

عقلانية أوي .... بس دماغها لاسعة أحيانا You can see links before reply

محللة من الدرجة الأولى ...

بس ساعات تحليلها

بيبقا أصعب من الموضوع نفسه You can see links before reply

أستاذة في الفلسفة .... بس تفهمها بسرعة

مودية جدا .... بس قلبها أبيض

قطة ممكن تهبشك

لو رخمت عليها في مواضيعها ...

بس جدعة

بصراحة ... انسانة فيها كل المتناقضات البشرية

المتقوقعة في أعماق المحيط الاطلنطي You can see links before reply

و مادام الضيفة لمضة

يبقا لازم المحاور يكون غلباوي

و الا ... مش هيعرف يسلك معاها

دي شبراوية يا با

أكيد عرفتوها طبعا

إنها

دعاء شديد

انا مش هسألها لوحدي يا جماعة

معلش

عشان ممكن نتعصب علي بعض

و نولعلكوا في القسم العام

انا عايزكوا بأسئلتكوا

توروها النجوم في عز الليل

يلا مين هيبدأ بسؤال شديد ... لدعاء شديد ؟؟؟

جمال سراج

14-06-2011, 07:56 PM

مرور عالسريع للترحيب
بالدكتورة دعاء
المرح - خفة الدم - الثقافة - الفلسفة الجميلة - الوعى
النصاحة - الدهاااااااااااء
استلقى وعدك
بس مش الوقتى
منورة ومنور يا مستر شريف
ونعمل تعميم ونقول منورنا كلكوا كلكوا
دا ترحيب سريع سريع بس

شريف

14-06-2011, 07:58 PM

مستر جمال

ماينفعش مرور ع السريع

انا بطالبك انك تاخد تارك منها

ههههههههههههههههه

جمال سراج

14-06-2011, 08:05 PM

مستر جمال

ماينفعش مرور ع السريع

انا بطالبك انك تاخد تارك منها

ههههههههههههههههه

مش تقلق يا مستر
استعنت بالله

-1-
إيه أحلامك اللى حققتيها؟ وإيه اللى لسة ؟
وعشان تحققيها هتعملى إيه ؟
جاوبى - بينى - أفصحى
يلا

حبيبه المصريه

14-06-2011, 08:08 PM

شفتى الدهاء طالعه ازاااااااااااااى
ربنا معاكى يا بنتى
منصوره ان شاء الله

نعمه محمود

14-06-2011, 08:25 PM

المقدمة لوحدها تحفة ياشريف
دايما مبدع أما الضيفة ربنا يعينا ويعينك عليها يارب
ويعدى الاسبوع ده على خير من غير اى خسائر فى الارواح

ياسر الدقاق

14-06-2011, 10:20 PM

أهلاً يا أهلاً يا دكتورة دعاء
طبعاً لا جدال ولا نقاش علي أوصاف الدكتورة دعاء
ويكفي بوابة التعليم المري وجود مثل الدكتورة دعاء شديد بين أعضائها
بس بصراحة أنا مشفق عليها من الأسئلة
لأني عارف إن في كتيييير عايزين ينتقموا
علشان كده مش هسأل
ربنا يعينك يا دكتورة

دعاء شديد

14-06-2011, 10:24 PM

السلام عليكم

يا مساء اللماضة
معلش ... أصل ضيفتنا النهاردة
في برنامجكم (( معلش احنا بنتحاور ))
تتمتع بقدر كبير من اللماضة
لمضة .... بس لذيذة
بلطجية شوية You can see links before reply ... بس دمها خفيف
ما بتسيبش حقها .. IMG]You can see links before reply[/IMG] ... بس انسانة
حساسة جدا و عصبية .... بس صبورة برضه

عقلانية أوي .... بس دماغها لاسعة أحيانا You can see links before reply
محللة من الدرجة الأولى ...
بس ساعات تحليلها

بيبقا أصعب من الموضوع نفسه You can see links before reply
أستاذة في الفلسفة .... بس تفهمها بسرعة
مودية جدا .... بس قلبها أبيض
قطة ممكن تهبشك
لو رخمت عليها في مواضيعها ...

بس جدعة
بصراحة ... انسانة فيها كل المتناقضات البشرية
المتقوقعة في أعماق المحيط الاطلنطي You can see links before reply
و مادام الضيفة لمضة
يبقا لازم المحاور يكون غلباوي
و الا ... مش هيعرف يسلك معاها
دي شبراوية يا با
أكيد عرفتوها طبعا
إنها
دعاء شديد
انا مش هسألها لوحدي يا جماعة
معلش
عشان ممكن نتعصب علي بعض
و نولعلكوا في القسم العام
انا عايزكوا بأسئلتكوا
توروها النجوم في عز الليل
يلا مين هيبدأ بسؤال شديد ... لدعاء شديد ؟؟؟

بقى كده انا متقوقعه فى المحيط الاطلنطى
هههههههههههههههههههههه
لا صدقنى انا متشعبطه فى البؤرة

لا بجد
ايه الكلام الكتي عليا ده
ده انا معرفتنيش يا راجل
هههههههههههههههههه
بس تصدق هغير رايي فيا

اما بخصوص النجوم والليل
فالي خايف ان النجوم مش تطارده
ميحاولش يتهور ويسألنى
انا بحذر وانتوا من الاحرار بقى

ميرسى يا شريف على المقدمه الحلوة دى
وميرسى مقدما لكا حد هيشرفنا وينورنا فى الموضوع

دعاء شديد

14-06-2011, 10:29 PM

مرور عالسريع للترحيب
بالدكتورة دعاء
المرح - خفة الدم - الثقافة - الفلسفة الجميلة - الوعى
النصاحة - الدهاااااااااااء
استلقى وعدك
بس مش الوقتى
منورة ومنور يا مستر شريف
ونعمل تعميم ونقول منورنا كلكوا كلكوا
دا ترحيب سريع سريع بس

هههههههههههههههههههه
عاد لينتقم ولا ايه
عموما حقك والله يا مستر
محدش يقدر يلومك
بس
ميرسى على كلام حضرتك ورايك وبجد كتير عليا
بس حلو اوى موضوع الدهاء ده ... سوسه يعنى
هههههههههههههههه

نورت يا مستر بس يا ريت
وحضرتك جاى متجيبش معاك كلمه دكتورة دى

دعاء شديد

14-06-2011, 10:31 PM

مستر جمال
ماينفعش مرور ع السريع
انا بطالبك انك تاخد تارك منها
ههههههههههههههههه

بقى كده
هههههههههههههههههههه
اوكيه

دعاء شديد

14-06-2011, 10:36 PM

شفتى الدهاء طالعه ازاااااااااااااى
ربنا معاكى يا بنتى
منصوره ان شاء الله

هههههههههههههههههههههه
منصورة الغربيه ان شالله جرجا
ولا بيهمنا بعون الله

دعاء شديد

14-06-2011, 10:39 PM

أهلاً يا أهلاً يا دكتورة دعاء
طبعاً لا جدال ولا نقاش علي أوصاف الدكتورة دعاء
ويكفي بوابة التعليم المري وجود مثل الدكتورة دعاء شديد بين أعضائها
بس بصراحة أنا مشفق عليها من الأسئلة
لأني عارف إن في كتيييير عايزين ينتقموا
علشان كده مش هسأل
ربنا يعينك يا دكتورة

ربنا يخليك يا مستر ياسر
ده شرف ليا اصلا ان حضرتك تنور الموضوع
بس اتمنى واطمع ان حضرتك تسال كمان
ويا ريت
اى لقب الا دكتورة

حبيبه المصريه

14-06-2011, 10:41 PM

You can see links before reply

دعاء أنا سبقت وجبتلك
عيش وبرجر
لربما يعتقلوكى و لا حاجه
لكى الله يا بنتى

منورررررره يا جميل الموضوع

دعاء شديد

14-06-2011, 10:41 PM

المقدمة لوحدها تحفة ياشريف
دايما مبدع أما الضيفة ربنا يعينا ويعينك عليها يارب
ويعدى الاسبوع ده على خير من غير اى خسائر فى الارواح

ههههههههههههههههههههه
تفتكرى هيمر كده بسلام
لا اظن

عموما خليكى امورة وكونى معايا
متبقيش مع الناس التانين
انتى حلوه

دعاء شديد

14-06-2011, 10:50 PM

مش تقلق يا مستر
استعنت بالله

-1-
إيه أحلامك اللى حققتيها؟ وإيه اللى لسة ؟
وعشان تحققيها هتعملى إيه ؟
جاوبى - بينى - أفصحى
يلا

يا معين
استعنى ع الشقا بالله
انا احلامى كتير جدا ... تقدر تقثول احلام وطالعلها حياة
بس اهم الاحلام الي حققتها
انى اتعينت بسلك التدريس وده حلم فضلت احلمه
10 سنين
الحلم التانى انى حققت حلم ابويا وامى
انهم يشوفوا حد من ولادهم ناجح زى مبيتمنوا
بس تقريبا هم ندموا دلوقتى
هههههههههههههههههههههه

الاحلام الي لسه محققتهاش
انى اتجوز عن قصه حب
ودى حاجه بايد ربنا مقدرش اعمل حاجه غير انى ادعيه وبس

بحلم ان يكون ليا اسلوب مميز فى التدريس
بيعتمد على مشاركتى انا وطلابى فى وضع المنهج
وبدأت فعلا لكن فى صعوبه رهيبه

بحلم انى طول ما انا على قيد الحياه افضل احلم
علشان احس بوجودى
لان الاستسلام للواقع اول طريق تدمير الحياة
وتحويلها لعيشه صعبه وشاقه جدا

ماشى

موناليزا

14-06-2011, 10:56 PM

ايه ده والله مامصدقه عيوني

دعاء الغاليه

منوره يادعاء والله انت قدها وقدود

ولا يهمك وربنا يعينك علي المضمون واللامضمون

انا بقي هروح اجيب اسئله واجي ماشي :18:

جمال سراج

14-06-2011, 11:02 PM

رجعت تانى
أهلا يا دعاء
خدى نفسك - خليكى ريلاكس
بعدين كملى
-2-
هل تحبين ذاتك بشدة ؟
يعنى من الآخر فيكى للأنانية ولا لا

-3- إيه رأيك فى التعارف والصداقة من النت ... هل الصداقة المباشرة رأى العين أفضل ولا متفرقش؟

-3- بتتمزجى من موضوعات مين عندنا فى المنتدى -- أقصد الموضوعات الحوارية
ومن يحاور بعنف وببراعة؟ ومن يجيد التعبير بلباقة وبتوصيف للموضوع ؟
ومن يستطيع الهروب بدهاء ويطلع كسبان مالحوار ويكلك بالكلام مالآخر ومتخديش معاه حق ولا باطل
-4-
فى كلمات بسيطة ودون مجاملة --- انتقدى حوارات هؤلاء ومود الموضوعات لو كان فيه نقد - إنما الجانب الحلو عارفينه وهل تعجبك ردودهم وتوقيتاتها -
جمال سراج ... بدأت باسمى عشان عاوز نقد مش مديح وأفورة !!!
نعمة محمود
حبيبة المصرية
أفنان أحمد
شريف
موناليزا
أسامة
محمد عباس
أشرف السيد
دعاء شديد
مع حفظ الألقاب للجميع

كفاية كدا الوقتى وأكيد راجع تانى
يلا خدى وقتك

دعاء شديد

14-06-2011, 11:03 PM

You can see links before reply

دعاء أنا سبقت وجبتلك
عيش وبرجر
لربما يعتقلوكى و لا حاجه
لكى الله يا بنتى

منورررررره يا جميل الموضوع

ميرسى يا حبيبه على ذوقك
وان شاء الله اردهولك يوم ميستجوبوكى
عن قريب
هههههههههههههههههههههههههههه

جمال سراج

14-06-2011, 11:09 PM

مقاطعة معلش
البت الحلوة العسل اللى حطاها موناليزا فى توقيعها دى واكلة الجو خالص
ههههههههههههههههههه
بجيبها عشان اتفرج عليها ومش بعرف أعمل حاجة
ههههههههههههههههه
حاجة تهوس
ايه يا موناليزا دا
بتعملوا الكلام دا ازاى
ههههههههههههههههههههه

دعاء شديد

14-06-2011, 11:10 PM

ايه ده والله مامصدقه عيوني
دعاء الغاليه
منوره يادعاء والله انت قدها وقدود
ولا يهمك وربنا يعينك علي المضمون واللامضمون
انا بقي هروح اجيب اسئله واجي ماشي :18:

هههههههههههههههههههههههه
بقى كده هتروحى تجيبى اسئله
حتى انتى يا موناليزا
عموما انتى سمعتى انهارده بنفسك
اللامضمون ههههههههههههههه
علشان تتاكدى بنفسك
منورة يا قمر

نعمه محمود

14-06-2011, 11:11 PM

مساء الجمال انا دخلت بس عشان اشكر مستر جمال عامل احلى واجب
والله ما جصرت
عاوزين من ده كتير
اوعى تاخدك بيها هوادة او رحمة

دعاء شديد

14-06-2011, 11:12 PM

مستر جمال
انا هجاوب على السؤال وربنا يعينى
بس عايزه فرختين مشويين بعدها
هههههههههههههههههه
ماشى يا مستر

دعاء شديد

14-06-2011, 11:15 PM

مساء الجمال انا دخلت بس عشان اشكر مستر جمال عامل احلى واجب
والله ما جصرت
عاوزين من ده كتير
اوعى تاخدك بيها هوادة او رحمة

كده يا نعمه
كل اعوانك خانوكى يا دعاء
رباااااااااااااه انصرنى عليهم
آمين
يسر لي الاجابه على اسئلتهم
آمين
ههههههههههههههههههههه
ولا يهمنى
على فكره
هستناكى تحت البيت
بس

حبيبه المصريه

14-06-2011, 11:15 PM

نبدأ بسؤالين

السؤال الأول

الدموع بتعنى إيه لدعاء ؟؟؟
وإمتى دعاء دموعها تنزل وإدام مين ؟؟؟

السؤال الثانى :-

بعيدا عن الدراسه والكتب
والابحاث والطلبه والشغل

دعاء بتلاقى نفسها فين ومع مين ؟؟؟

احتمال اكرر الزياره
معلش بقى استحملى غلاستنا

جمال سراج

14-06-2011, 11:18 PM

مساء الجمال انا دخلت بس عشان اشكر مستر جمال عامل احلى واجب
والله ما جصرت
عاوزين من ده كتير
اوعى تاخدك بيها هوادة او رحمة

يا نعمة متفهمنيش صح
ههههههههههههههههههه
والله أنا لا غلاوى ولا بخلص ولا حاجة
ههههههههههههههه
تحت أمرك مش تقلقى
اللى بيحب حد يقولى وأنا أعمل معاه الواجب عن حق

جمال سراج

14-06-2011, 11:24 PM

مستر جمال
انا هجاوب على السؤال وربنا يعينى
بس عايزه فرختين مشويين بعدها
هههههههههههههههههه
ماشى يا مستر

شوفى
أجلى الفرختين دول لبعدين
لكى ما تبغين
دابحين رومى النهاردة
إيه رأيك
هههههههههههههههههههههههههههههه
كل برنجاناية والتانية فى حجم البطيخة
رومى بحق ولا كلمة

نعمه محمود

14-06-2011, 11:24 PM

كده يا نعمه
كل اعوانك خانوكى يا دعاء
رباااااااااااااه انصرنى عليهم
آمين
يسر لي الاجابه على اسئلتهم
آمين
ههههههههههههههههههههه
ولا يهمنى
على فكره
هستناكى تحت البيت
بس

أى خدمة ياسلام
هو انا فى ديك الساعه يادعاء

موناليزا

14-06-2011, 11:27 PM

هههههههههههههههههههههههه
بقى كده هتروحى تجيبى اسئله
حتى انتى يا موناليزا
عموما انتى سمعتى انهارده بنفسك
اللامضمون ههههههههههههههه
علشان تتاكدى بنفسك
منورة يا قمر

ههههههههه

هو انا اقدر يافندم

انا هبقي مع دعاء مش علي دعاء

اه انا سمعت فعلا ربنا يعينك بجد ده مورستان

في اللامضمون ربنا يستر

دعاء شديد

14-06-2011, 11:28 PM

-2-
هل تحبين ذاتك بشدة ؟
يعنى من الآخر فيكى للأنانية ولا لا
اكيد طبعا فى اوقات بكون انانيه
انا مش ملاك
خصوصا فى الشيكولاته مبعرفش حد
ههههههههههههههههههههه بهرج طبعا
الجد بقى
اه مر موقف فى البيت اختلط فيه حقى بشويه انانيه
وانا مش بسيب حقى ... للاسف
فاضطريت اكون انانيه وانتصرت

-3- إيه رأيك فى التعارف والصداقة من النت ... هل الصداقة المباشرة رأى العين أفضل ولا متفرقش؟
انا دايما بقول ان الانسان الصح الصادق السوى
مش بيفرق فى الواقع عن النت
وبعدين الحمد لله انا اتعرفت على اجدع ناس واحسنهم من ع النت
الفرق ان علشان تعتبرهم اصدقاء
بتاخد وقت اطول ... وعند نقطه محدده
ولازم تنتقل بهم لعالم الواقع
ام بشكل صوتى عن طريق التليفون
او الرؤيه بالعين عن طريق المقابله

ومدام فيه حدود واحترام ومراعاة لربنا
تقولى عالم افتراضى تقولى واقع
ان شالله صداقه مع ناس فى بلاد الواء الواء

وربنا حرام كده انا جوعت

موناليزا

14-06-2011, 11:30 PM

أى خدمة ياسلام
هو انا فى ديك الساعه يادعاء

ههههههه

مين الديك ده يااستاذه نعمه

عسل والله

نعمه محمود

14-06-2011, 11:34 PM

شوفى
أجلى الفرختين دول لبعدين
لكى ما تبغين
دابحين رومى النهاردة
إيه رأيك
هههههههههههههههههههههههههههههه
كل برنجاناية والتانية فى حجم البطيخة
رومى بحق ولا كلمة

طيب ممكن اعزم نفسي عندكم على الغدا بشرط تعملوا الرومى مسقعه
والله نفسي فيها

جمال سراج

14-06-2011, 11:40 PM

طيب ممكن اعزم نفسي عندكم على الغدا بشرط تعملوا الرومى مسقعه
والله نفسي فيها

شوفى يا دعاء
طعمتى الناس فى الرومى اللى عندنا
ههههههههههههههههههههه
مكنوش ديكين قصدى بربجانتين !!!!!!!!!!
ماشى يا نعمة بشرط
تقولى بسرعة برنجانتين برنجانتين 20 مرة فى فى 3 دقايق
هههههههههههههههههههههه
تشرفى طبعا يا نعمة - بس كدا
يا سلام نجبلك رومى نمساوى كمان مالمخطط
ههههههههههههههه

حبيبه المصريه

14-06-2011, 11:46 PM

السؤال الثالث

دعاء خدت من والدتها إيه ؟؟؟ وخدت من والدها إيه ؟؟؟

السؤال الرابع

إمتى دعاء تنسحب عن الساحه
وتكتفى بالمتابعه من خلف الستار ؟؟؟
وسؤالى ده فى الحياه عامة

السؤال الخامس

صفى دعاء عند الغضب بالتفصيل ؟؟؟

من المحتمل
زياره ثالثه ورابعه وخامسه
اااااااستعدى

دعاء شديد

14-06-2011, 11:49 PM

-3- بتتمزجى من موضوعات مين عندنا فى المنتدى -- أقصد الموضوعات الحوارية
ومن يحاور بعنف وببراعة؟ ومن يجيد التعبير بلباقة وبتوصيف للموضوع ؟
ومن يستطيع الهروب بدهاء ويطلع كسبان مالحوار ويكلك بالكلام مالآخر ومتخديش معاه حق ولا باطل

*لا مش موضوعات حد معين
انما اسلوب التناول والفكره من الاساس
والتفاعل مع المشاركات والحوار

* حوار مع عنف وبراعه "شريف" بلا منافس
ممكن يرزع الي ادامه فى الحوار بازازة مثلا ههههههههههههه

* اللباقه بجد وبدون مجامله "افنان - حبيبه - نعمه"
ههههههههههههههههه تحس فى ردودهم بشياكه بجد

* الهروب بدهاء هههههههههههههه "جمال سراج"
يلففك بقى جوله حول العالم وميرحكش فى الاجابه

موناليزا

14-06-2011, 11:51 PM

مقاطعة معلش
البت الحلوة العسل اللى حطاها موناليزا فى توقيعها دى واكلة الجو خالص
ههههههههههههههههههه
بجيبها عشان اتفرج عليها ومش بعرف أعمل حاجة
ههههههههههههههههه
حاجة تهوس
ايه يا موناليزا دا
بتعملوا الكلام دا ازاى
ههههههههههههههههههههه

هههههههه اتفضلها يامستر جمال

والله ماتغلي علي حضرتك

هي ساعات بتخايلني انا كمان وتخليني معملش حاجه

ده شغل اسمه علي ما اذكر بروميديا حاجه زي كده

ممكن حضرتك تعملها خلفيه او شاشة توقف

دعاء شديد

14-06-2011, 11:55 PM

على فكره انا هغلق الموضوع
لما اخلص ردود
هههههههههههههههههههههه
ايه انتوا مصدقتوا

والغلباوى
طبعا كتب الموضوع واختفى بقى
ماشى

دعاء شديد

14-06-2011, 11:58 PM

أى خدمة ياسلام
هو انا فى ديك الساعه يادعاء

ههههههههههههههههههههههههههه
لا طبعا انتى مش فى ديك الساعه
انا الي بقيت فى العشه يا قطه

دعاء شديد

14-06-2011, 11:59 PM

شوفى يا دعاء
طعمتى الناس فى الرومى اللى عندنا
ههههههههههههههههههههه
مكنوش ديكين قصدى بربجانتين !!!!!!!!!!
ماشى يا نعمة بشرط
تقولى بسرعة برنجانتين برنجانتين 20 مرة فى فى 3 دقايق
هههههههههههههههههههههه
تشرفى طبعا يا نعمة - بس كدا
يا سلام نجبلك رومى نمساوى كمان مالمخطط
ههههههههههههههه

والله يا مستر البرنجان ده
اجمل واشهى من مليون رومى
ويجعله عامر

دعاء شديد

15-06-2011, 12:04 AM

مستر جمال انا هاجل اخر جزء من سؤال حضرتك
لما اركز كويس وارتب كده

جمال سراج

15-06-2011, 12:07 AM

ايه دا
احنا لحقنا
ماشى ماشى

شريف

15-06-2011, 12:08 AM

بكل عنف

حبيت بس أدحرج التماسي

و بكل رقة و براحة اهو من غير عنف

بقول : منورين

و أسئلتكم جامدة طحن

go on

جمال سراج

15-06-2011, 12:13 AM

بكل عنف

حبيت بس أدحرج التماسي

و بكل رقة و براحة اهو من غير عنف

بقول : منورين

و أسئلتكم جامدة طحن

go on

عسل والنعمة
أنا عاوز أكافئك
بتحب الرومى
هههههههههههههههههه
انت فين يا رااااااجل
دى لما تشوفك مش هتسيبك غير بأعضاء مجلس الأمن الدائمين
بتوع النووى
هههههههههههههههههه
نورت يا مستر

دعاء شديد

15-06-2011, 12:23 AM

حبيبه المصريه

السؤال الأول

الدموع بتعنى إيه لدعاء ؟؟؟
وإمتى دعاء دموعها تنزل وإدام مين ؟؟؟

الدموع عندى قمه الألم الي مقدرش اعبر عنه لانها من اقرب الناس

ولما بتنزل ادام حد ببقى مع الحد ده دعاء التى لا يعرفها احد
اكتر واحده شافت دموعى "نعمه"
هههههههههههههههههههههه
شافتها وسمعتها وحكيتلها عنها
محرمتهاش من حاجه

دعاء بتلاقى نفسها فين ومع مين ؟؟؟
بلاقى نفسى اوى فى اسكندريه وبلا منازع ومنافس

نعمه وشريف
ممكن ابقى معاهم فى اى حاله

باقى الحالات بقى
يعنى لو مخنوقه مثلا وعايزه اخرج من الخنقه بلا محاسبه على كل كلمه
افضل ابقى فى وسك عيلتى

لما احب استرجع قوتى وانى اقدر اعمل طافع لنفسى بقوه
احب اكون مع اصحابى من ايام الجامعه ربنا ميحرمنى منهم

لما احب انفصل عن العالم
مع الاطفال بقى واوعى سنما الاطفال واحلى جو

لو محتاجه اغير المود خالص
مع عيلتى الصغننه ماما وبابا بقى
لانى مبقدرش ازعل ادامهم

يا رب الاجابه تكون كاويسه

دعاء شديد

15-06-2011, 12:26 AM

بكل عنف

حبيت بس أدحرج التماسي

و بكل رقة و براحة اهو من غير عنف

بقول : منورين

و أسئلتكم جامدة طحن

go on

هههههههههههههههههههههههه
العنف ده مقصود بيه القدره على الحوار
فى احلك الظروف
وموضوع الازازه ده على سبيل الدعابه
ههههههههههههههههه

انما للحق
انت فى كل اسلوب متميز ومتفرد وبارع فعلا
كاتب ساخر
ناقذ لاذع
رؤية ثاقبه

بس برده
استعد للمفاجاه الي هنتقم منك بيها
هههههههههههههههههههههه

دعاء شديد

15-06-2011, 12:27 AM

عسل والنعمة
أنا عاوز أكافئك
بتحب الرومى
هههههههههههههههههه
انت فين يا رااااااجل
دى لما تشوفك مش هتسيبك غير بأعضاء مجلس الأمن الدائمين
بتوع النووى
هههههههههههههههههه
نورت يا مستر

ده انا ناويه على نيه
ماشى يا بشر

دعاء شديد

15-06-2011, 12:29 AM

ايه دا
احنا لحقنا
ماشى ماشى

ههههههههههههههههههههه
لا والله ابدا
كل الحكايه ان السؤال ده تخبيط فى الناس
فعايز تركيز علشان ملاقيش نفسى
محظورة

نعمه محمود

15-06-2011, 12:49 AM

ههههههه

مين الديك ده يااستاذه نعمه

عسل والله

:10: ههههههههههه ده ديك البرابر يامونى

شريف

15-06-2011, 01:29 AM

هههههههههههههههههه

دا نورك يا استاذ جمال
اسئلتك في الجون يا زعيم المنتدي
استمر ... عشان انا بموت في الاسئلة القوية دي

انا عارف انك تقصدني انا بالعنف
ههههههههههههههههههه

عندك حق ... انا فعلا عنيف ... بس في الحق والله
و انت كمان يا مستر لما حاجة بتضايقك مابتسكتش
ههههههههههههههههههه

و دي حاجة كويسة علي فكرة
هما كده الرجالة

اومال نبقا رجالة ازاي؟

يمكن انا كده عشان بكره السلبية
و بكره الرجالة النَيّة
اللي دمهم مش حامي

يمكن انت يا مستر بتتعصب برضه و بيبقا في سنة عنف
لكن بحكمة
و يمكن انا معنديش الحكمة دي

بس بجدانا ببقا معجب جدا بالنوعية دي
اللي في دم بيجري في عروقه

عشان كده بحترمك و بتعجبني ردودك

لازم طبعا يبقا في قوة و عنف
و مجانس و ترابيس و عضلات

اومال ايه
هههههههههههههههههههه

شريف

15-06-2011, 01:34 AM

هههههههههههههههههههههههه
العنف ده مقصود بيه القدره على الحوار
فى احلك الظروف
وموضوع الازازه ده على سبيل الدعابه
ههههههههههههههههه

انما للحق
انت فى كل اسلوب متميز ومتفرد وبارع فعلا
كاتب ساخر
ناقذ لاذع
رؤية ثاقبه

بس برده
استعد للمفاجاه الي هنتقم منك بيها
هههههههههههههههههههههه

عادي يا دعاء
رحرحي براحتك في الموضوع
انتي بتبرري كلامك ليه

انا فعلا عنيف و عندي انفلات امني
هههههههههههههههههه
مش محتاجة انكار يعني
انا بعترف من أول قلم
ههههههههههههههههههه

و بعدين ماله العنف؟
دانا بموت فيه
هههههههههههههههه

احيانا بيبقا مطلوب
بس بشياكة يعني مش بقلة ادب
و هوريكي بقا هنا العنف علي حق
دانتي هتشوفي ايام مووووووووووف

دعاء شديد

15-06-2011, 01:38 AM

عادي يا دعاء
رحرحي براحتك في الموضوع
انتي بتبرري كلامك ليه

انا فعلا عنيف و عندي انفلات امني
هههههههههههههههههه
مش محتاجة انكار يعني
انا بعترف من أول قلم
ههههههههههههههههههه

و بعدين ماله العنف؟
دانا بموت فيه
هههههههههههههههه

احيانا بيبقا مطلوب
بس بشياكة يعني مش بقلة ادب
و هوريكي بقا هنا العنف علي حق
دانتي هتشوفي ايام مووووووووووف

عنيف عنيف عادى جدا
عنف تلاقى
رخامه تلامى
احيانا رزاله ههههههههههههههه

وحلو الموف لون لطيف

دعاء شديد

15-06-2011, 05:27 AM

السؤال الثالث
دعاء خدت من والدتها إيه ؟؟؟ وخدت من والدها إيه ؟؟؟

اقولك
من ماما
اخدت نص قدرتها على العطاء
هى عندها قدره ما شاء الله للعطاء بلا حدود
حتى مع الناس الي متستاهلش
ودايما تقول انا بعامل ربنا
انا مقدرتش اخد غير القدره على العطاء
لمن يستحقون فقط

اخدت منها كيفيه معامله الزوج بحب

اتعملت منها ازاى اقف جنب حد فى اى ازمه
وازاى لو الازمه دى جوا البيت محدش بره يعرف اصلا

ده اهم الحاجات

اما بابا
فانا 90% منى بابا حتى العنين الصغيره
هههههههههههههههههههههه
بينى وبينه حاله خاصه كده وتفاهم من نوع غريب

علمنى الثقه فى الحوار والحوار اصلا
علمنى اتحمل مسئوليه القرار
علمنى ازاى انجح

بصى من الاخر التكوينه العقليه كونها بابا

برده انا بقولك باختصار
لانى لو اتكلمت بالتفصيل
من فضلك اشترى حته ارض ع النت
وابنيلى منتدى ههههههههههههههه

من بابا وماما مع بعض
اتعلمت معنى البيت بالحب
وده مصدر ذل ليا انا واخواتى
هههههههههههههههههههه
بابا تحديدا بيذلنا بانه
البيت عندنا اساسه حب واننا فى نعمه
مقارنه ببيوت تانيه كتير

ولذلك انا معرفش اتعامل ولا اتواجد فى مكان مفيهوش حب

الحمد لله
ربنا يخليهوملى يا رب ويديهم الصحه
واشيلهم فوق اسى وفى عنيا

دعاء شديد

15-06-2011, 05:43 AM

السؤال الرابع
إمتى دعاء تنسحب عن الساحه
وتكتفى بالمتابعه من خلف الستار ؟؟؟
وسؤالى ده فى الحياه عامة

(((فى حاله ان الموضوع والاشخاص يهمونى )))
لا للاسف مبقدرش
حتى لما فكرت ابقى متفرجه مقدرتش
لكن هقولك
انا افضل احاول لحد متنفذ كل محاولاتى
ده و نفذت ... انا بتكلم بجد
لو حصل كده مبتفرجش
بتعامل فى وسط الاحداث
(((اذا الموضوع والاشخاص ميهمونيش)))
بكتفى بالنصيحه
او تقديم المساعده على اد مقدر

السؤال الخامس
صفى دعاء عند الغضب بالتفصيل ؟؟؟

هههههههههههههههههههههههه
المتحولون
كأنى واحده متعرفش يعنى ايه ضحك
وايه رد فعل الغضب متفارت
بدايه من التعبير عنه بتقطيع الورق
الى ان تظهر اسوأ دعاء ممكن تعرفيها
بجد انا بكره انها تظهر
لان غضبى بيبقى وحش اوى اوى اوى

اااااااستعدى
من المحتمل
زياره ثالثه ورابعه وخامسه

تنورى يا حبيبه طبعا
بس خدى بالك
كل واحد ليه يوم ... ها
وانا مبسيبش حقى
هههههههههههههههههههههههههه
لا خدى راحتك ده انا طيبه جدا

زهره المدائن

15-06-2011, 03:12 PM

احم احم دستور

منورة الحوار يا شابة

ربنا يكون في عونكم ...من اجاباتها النارية

زهره المدائن

15-06-2011, 03:19 PM

السلام عليكم ورحمة الله وبركاته
بعيد عن اي مجاملات
فعلا حوار شيق جدا
متميز وبارع ديما يا مستر شريف
ربنا يزيدك ويبارك فيك
وطبعا احسنت الاختيار
بضيفة جريئة ...متفائلة ....مرحة
كل حاجه حلوة بجد فيها
ماشاء الله عليها
طبعا الجميع سألها اسئلة كتير
واجاباتها الله اكبر عليها
اجابات في الجووووووووووووووون
من الاخر يعني مش لاقيه اسئلة ليها
ههههههههههههههههههههههه
ممكن اتفرج بس واستمتع من بعيد
وربنا يجعله عاااااااااااااااااااااااااااااااااامر

شريف

15-06-2011, 05:28 PM

دعاء هانم

are you ready
؟

بمناسبة الرحلة ان شاء الله

و بما ان أفكارك المطرقعة لا تنتهى

قوليلنا أفكار مطرقعة نعملها

أو حاجات مجنونة ممكن تعمليها في الرحلة

؟

شريف

15-06-2011, 05:29 PM

السلام عليكم ورحمة الله وبركاته
بعيد عن اي مجاملات
فعلا حوار شيق جدا
متميز وبارع ديما يا مستر شريف
ربنا يزيدك ويبارك فيك
وطبعا احسنت الاختيار
بضيفة جريئة ...متفائلة ....مرحة
كل حاجه حلوة بجد فيها
ماشاء الله عليها
طبعا الجميع سألها اسئلة كتير
واجاباتها الله اكبر عليها
اجابات في الجووووووووووووووون
من الاخر يعني مش لاقيه اسئلة ليها
ههههههههههههههههههههههه
ممكن اتفرج بس واستمتع من بعيد
وربنا يجعله عاااااااااااااااااااااااااااااااااامر

ربنا يخليكي يا زهرتنا

و ان شاء الله تنورينا في يوم في البرنامج بتاعنا

و مش هتلاحقي م الاسئلة

ههههههههههههههههه

ربنا ما يحرمنا منك أبدا

و يطمنا عليكي دايما

دعاء شديد

15-06-2011, 05:46 PM

دعاء هانم

are you ready ؟

بمناسبة الرحلة ان شاء الله
و بما ان أفكارك المطرقعة لا تنتهى
قوليلنا أفكار مطرقعة نعملها
أو حاجات مجنونة ممكن تعمليها في الرحلة؟

yes , go on

بخصوص الرحله والطرقعه والجنان
خلينى امخ مخ كده موخميخه
وتبفى مفائجه

دعاء شديد

15-06-2011, 05:48 PM

احم احم دستور
منورة الحوار يا شابة
ربنا يكون في عونكم ...من اجاباتها النارية

ده نورك يا قمر
بس مرورك لوحده مش كفايه
ههههههههههههههههههه
لازم تشتبكى معانا

شريف

15-06-2011, 05:49 PM

طب بمناسبة الطرقعة

احكي علي أكتر حاجة مطرقعة عملتيها في حياتك

دعاء شديد

15-06-2011, 11:53 PM

طب بمناسبة الطرقعة
احكي علي أكتر حاجة مطرقعة عملتيها في حياتك

مره كنت على اخرى ومش طايقه دبانه تعدى من ادامى
قلت اول حد هيقرر يقتحم الوقت ده وانا مخنوقه كده
هياخد نصيبه من رخامتى بس بشكل غير عادى
وفعلااعز صديقاتى اتصل .... اول مقالت الو
رحت قايلالها
"دعاء مش موجوده غورى بعد متسيبى الي عايزه تقوليه بعد
الصفارة .... ورحت انا الي مصفرة "
ههههههههههههههههههههههههههههه
طبعا طلعت ارخم منى
وراحت ردهالى فولارا وقالت رسالتها بقى

متخليش ( .... ) دى ترد عليا تانى
وراحت قافله

هههههههههههههههه
بعد كلمنى واديتنى الي فى نصيب من لسانها

يعنى حد يقولك هى دى الطرقعه
اقوله وهى دى سلوك معتاد
ههههههههههههههههههههه

عموما انا بشوف ان الطرقعه
اى حاجه يعملها اى حد وهو حاسس انها غير عاديه
او مش سلوكه الطبيعى

بس

نعمه محمود

16-06-2011, 12:31 AM

بصي يادعاء انا محبتش أدخل بايدى فاضية
سؤال منى وسؤال من عمر أفندى
سؤالى عن الأمل
ايه مساحة الأمل فى حياة دعاء وايمتى دعاء تفقد الأمل وليه
وهل دعاء مقاتلة من اجل الوصول لاهدافها ولا فقط بتعمل اللى عليها

اما سؤال عمر بقى
بيقولك ايه سر تمسك ب (رانى )
نفسي اعرف بتحبى فيه ايه

حبيبه المصريه

16-06-2011, 12:45 AM

اجابات بمنتهى الصراحه
يعنى العقل والدك
والعاطفه والدتك
احلى تركيبه على فكره

بس تعرفى كل بنت بأبيها معجبه
خصوصا لما يكون مثل اعلى بحق
تعرفى التركيبه دى بتبقى متوازنه جداا
وبتكتسبى حاجات حلوه منهم
ربنا يخليهوملك يارب
ودايما تشيليهم فى عينك وفوق راسك
ويفرحوا بيكى دايما

محمد بن عباس

16-06-2011, 01:03 AM

منورة يا دعاء يا بنتى الله يكون فى عونك وتحية خاصة للأستاذ العبقرى شريف

والأسئلة بقى لدعاء

1- ما معنى الحياة الحقيقى عند دعاء

2- الجميع يتفق على عبقريتك بدون مجاملة وبعدك نظرك الرهيب ممكن بقى نعرف الإنسان ممكن يتعلم العبقرية ولا يكتسبها ولا ده رزق من عند ربنا

3- لو حبانا نسمع من دعاء نصيحة ممكن تقوللينا إيه

4- تخيلى نفسك يا دعاء فى وسط ميدان التحرير وهتنادى بأعلى صوتك ممكن نعرف هتنادى على مين وتقولى إيه

5- كيف ترى دعاء ثورة 25 يناير

6- ممكن نعرف من وجهة نظرك 5 شخصيات مؤثرين بجد فى حياتك

دعاء شديد

16-06-2011, 01:05 AM

بصي يادعاء انا محبتش أدخل بايدى فاضية
سؤال منى وسؤال من عمر أفندى
سؤالى عن الأمل
ايه مساحة الأمل فى حياة دعاء وايمتى دعاء تفقد الأمل وليه
وهل دعاء مقاتلة من اجل الوصول لاهدافها ولا فقط بتعمل اللى عليها

مساحة الأمل 99% من مساحة الحياة عندى

انا فقدت الامل مره واحده فى حياتى
لما كل الطرق اتسدت فى وشى وبشكل يقتل
وكان نتيجتها وحشة اوى
لانى يأست من رحمة ربنا "استغفر الله العظيم"
بس ربنا احن واكرم واعتبرته درس عمرى
واتعلمت مفقدش الامل تانى نوهائى

لا الحمد لله مقاتله وتقدرى تقولى انى واخده فرقه صاعقه
هههههههههههههههههه

اما سؤال عمر بقى
بيقولك ايه سر تمسك ب (رانى )
نفسي اعرف بتحبى فيه ايه

ههههههههههههههههههههه عسل يا عمر افندى
اكتر حاجة بتخلينى احب رانى وخصوصا بطعم الخوخ
قطعه الفاكهه الي بتفضل فى الاخر
مبسبهاش وافضل وراها لحد ماكلها وانتصر على الرانى
هههههههههههههههههههههههههه
ماشى يا عمر
اول مره هشوفك هجيبلك 3 رانى وكلهم خوخ
بس

دعاء شديد

16-06-2011, 09:17 PM

منورة يا دعاء يا بنتى الله يكون فى عونك وتحية خاصة للأستاذ العبقرى شريف
والأسئلة بقى لدعاء

1- ما معنى الحياة الحقيقى عند دعاء

استاذ محمد منور والله
واسئله فى الجون وفعلا يحتاج كل سؤال مشاركه
واستحملوا بقى

اقول لحضرتك معنى الحياه الحقيقى عندى
الحياة = الحب
يعنى
الحمد لله عندى قدرة انى اعبر لكل الي بحبهم حواليا بشكل مستمر
كل الي حواليا ... هههههههههههههههه ويا ريت عاجبهم
اتخنق اوى وممكن توصل للبكا لو حسيت للحظه
ان حد من الي حواليا الحب قل ما بينا
معرفش اتعامل وانا بكره او حتى حاله مشاعر سلبيه
الي هى لا حب ولا كره ................ بالنسبه لى موت

وطبعا بكون متوقعه من الي حواليا ردود افعال كويسه
ولما مش بلاقيها ... يا نهار طين بقى
الافكار السودا تبقى ايه متعدش
ههههههههههههههههههههههه اه والله
خلاص انا شكلى تقلت عليهم
يمكن كانوا بيجاملونى
اكيد انا عملت حاجه زعلتهم فتخنقوا منى
واسأل بقى مش اسكت لااااااااااااااا
اكتشف ان الدنيا عادى ولا على بالهم حاجه
هههههههههههههههه

ولما افوق كده وارجع لعقلى ... افتكر ان الناس مش زى بعضها
واذا انا اقدر احب واعبر طول الوقت
فى ناس مش كده ... وارجع بقى اتعامل وانا حاسه بالحياة انها رجعت تانى

واسوأ فترات حياتى الي مكنتش قادرة احب فيها الي حواليا
تحديدا مرحله ثانوى ... كنت كارهه المدرسه بمدرسينها والطلبات
هههههههههههههههه وكرهت نفسى والله لفترات فى التلات سنين دول

بس الحمد لله ربنا ميعديش اوقات زيها تانى ابدا
الغريب انى حتى لما بكره بكره بحب ههههههههههههههههه
يعنى ببقى حاسه انى بكره على حق من قلبى فبحب اعبر اوى عن كرهى
بمزاح وروقان كده كره كره يعنى

دى الحياة الحقيقية عندى حاله حب مستمرة ولا تنضب

دعاء شديد

16-06-2011, 09:32 PM

2- الجميع يتفق على عبقريتك بدون مجاملة وبعدك نظرك الرهيب ممكن بقى نعرف الإنسان ممكن يتعلم العبقرية ولا يكتسبها ولا ده رزق من عند ربنا

ربنا يخليك يا استاذ محمد
انا كده هتغر ومحدش هيعرف يكلمنى
بشكل عام هى كل الي حضرتمك قلته
لانها قدرة على التعامل فى قلب الحياة ومع الاحداث
تحتاج ايه بقى :
* المحيطين * تنظيم الافكار * التفكير كثيرا * عدم استبعاد اى شيء عن الحدوث

اوضح بقى لحضرتك
اول واهم حاجه انها فعلا رزق من عند ربنا
بعد كده قدرة الانسان نفسه على الاستفاده من النعمه دى
وكمان المحيطين ودول دورهم مهم جدا
لان لو محدش وثق فى الشخص وسمعه
هتبان قدرته دى ازاى
مفيش حد بينجه فى رؤية الامور الا بمساعده ومسانده الي حواليه
ودى كانت النعمه التانيه الي ربنا انعم عليا بيها ... الي حواليا

والي ساعدنى اكتر دراستى لان كلها اساسها تنظيم الافكار
مع استكمال الدراسه فبقى ده التفكير مستمر

كمان مفيش حاجه مستبعده انها تحصل او تكون ممكنه
المحصله النهائية رؤيه كامله الي حد ما قريبه للصواب فى معظم الاوقات
لاننا بشر ومش دايما صح

3- لو حبانا نسمع من دعاء نصيحة ممكن تقوللينا إيه

لا تيأس من رحمه الله ... فمن يتقى الله يجعل له مخرجا

4- تخيلى نفسك يا دعاء فى وسط ميدان التحرير وهتنادى بأعلى صوتك ممكن نعرف هتنادى على مين وتقولى إيه

هنادى على ربنا
وهقوله
يا رب
اتقيتك لتجعل لى مخرجا
فإن لم اجد المخرج الذى اتمناه
فإتقاءك خير مخرج

حرام عليكوا والله

دعاء شديد

16-06-2011, 09:53 PM

5- كيف ترى دعاء ثورة 25 يناير

هلخص الي شايفاه بشكل عام فى عبارة واحده
زى الي رقصوا ع السلم

ولو حضرتك تحب شرح مفصل ... تحت امرك

6- ممكن نعرف من وجهة نظرك 5 شخصيات مؤثرين بجد فى حياتك

طبعا لكن احب انوه لحاجه
ارجو ان محدش ياخد عليا الكلام الي هقوله ضدى

1- بابا وماما وانا بعتبرهم شخص واحد

2- الدكتور الي حضرت مناقشه الدكتوراه بتاعته
والي غيرت مجرى حياتى كلها
علما بانى معرفوش ولا اتعاملت معاه لحد انهارده

3- نعمه ... ومن غير اى مجاملات
نعمه اقتحمت جدار محدش من كل الي حواليا قدر يعمله
عمر محد قدر يعرف اى مشكله عندى الا لو انا قلت
ومقلش كل حاجه ووقت محب اقول
نعمه كسرت كل الحواجز بضربه رجل
وكانها مصممه انها تعد جوا قلبى
وهى الي تقرر مين يعد معاها ومين لأ
ههههههههههههههههههههههه
انا بقول ده بشكل مرح كده لانى لو هتكلم جد
فضولى المنتدى بقى واحكيلكوا

4- ربنا
كانت علاقتى بربنا وبكل صراحه عاديه جدا
الصلاة وكان عادى لو مصليتش ضهر ولا عصر
والصوم فى رمضان وشوال ووقفه العيد الكبير
والتسبيح حسب الظروف
علاقه عاديه جدا ... وطبعا النتيجه الطبيعية
انى يأست من رحمه ربنا فى وقت
مش بحب اتكلم عن الفتره دى لانها وحشة
وفجأه وبدون مقدمات حسيت ان ربنا بيطبب عليا
بيقولى انا احن واكرم وثقتى ان كبشر
قدرتك ع التحمل مهما زادت ... ضعيفه
انا الله
من يومها تبدل الحال وثقتى فى ربنا مالهاش حدود
فى اصعب اصعب اصعب اللحظات الي مرت عليا
مبقتش اقول غير يا رب

5- شخصيه ربنا حطها فى طريقى
علشان تعلمنى ازاى اؤدى حق ربنا صح
يعنى علمتنى الشخصيه دى
ان الآذان يأذن ... اصلى وبدون تفكير
يعنى مستناش ... ولانى مكنتش كده
اتفتحلى سكه مع ربنا كان اول مره امشيها بجد

بس

حبيبه المصريه

16-06-2011, 10:06 PM

الاستاذه موناليزااااا
فين الاسئله حضرتك ؟؟؟
منتظرينها على فكررره

الاستاذه / زهره
مينفعش نتفرج من بعيد
عاوزين كام سؤال كده لدعاء يخبلها

على فكره يا دعاء
أنا منتظره النقد بتاعى
بتاع سؤال مستر جمال
زى ما تقولى كده نفسى اسمع نقد بجد
وما تقلقى
بنثق فى رؤيتك على فكره

دعاء شديد

16-06-2011, 10:17 PM

الاستاذه موناليزااااا
فين الاسئله حضرتك ؟؟؟
منتظرينها على فكررره

الاستاذه / زهره
مينفعش نتفرج من بعيد
عاوزين كام سؤال كده لدعاء يخبلها

على فكره يا دعاء
أنا منتظره النقد بتاعى
بتاع سؤال مستر جمال
زى ما تقولى كده نفسى اسمع نقد بجد
وما تقلقى
بنثق فى رؤيتك على فكره

ههههههههههههههههههههه
ماشى يا حبيبة ... لكى يوم
صدقينى سؤال مستر جمال صعب
وكل شويه اعد اقرا السؤال والاسماء واتخض والله
بس من عنيا هجاوب قبل الفجر ان شاء الله

منورة يا حبيبه ربنا ميحرمنا منك

موناليزا

16-06-2011, 10:52 PM

الاستاذه موناليزااااا
فين الاسئله حضرتك ؟؟؟
منتظرينها على فكررره

ههههه

من عيوني ياحبيبه والله ما ارفض ابدا

والله هي تعبت في الحوار ولكن طلع لينا درر

وبجد في حاجات عجبتني اوي

ربنا يديمها عليها يارب

ده دعاء الغاليه :patch_lov:مينفعش كده اسيبها من غير سؤال:42:

موناليزا

16-06-2011, 11:03 PM

دعاء ممكن بعد الحوار الجميل والشيق ماينتهي في الاخر تقوللينا

حسيتي بايه بعد الحوار ده ؟ وياريت بالتفصيل الممل

واستفدت منه بشئ طبعا علي وجه العموم اما الخاص فهيدا خاص بيكي؟

وايه السؤال اللي كنت متوقعاه انه يتسأل ليكي ولكن لم يسأل بعد؟

وختاما بدي توجهي رساله لكل محبي المنتدي

زهره المدائن

17-06-2011, 12:47 AM

[B][FONT=Georgia][SIZE=5][COLOR=darkred]الاستاذه / زهره
مينفعش نتفرج من بعيد
عاوزين كام سؤال كده لدعاء يخبلها

على فكره يا دعاء
أنا منتظره النقد بتاعى
بتاع سؤال مستر جمال
زى ما تقولى كده نفسى اسمع نقد بجد
وما تقلقى
بنثق فى رؤيتك على فكره

اعمل ايه بس يا حبيبة
الكل بيسال الاسئلة اللي بكون مجهزاها لدعاء
وبصراحة مش بلاقي اسئلة تليق بيها
زي ما انت عارفه دي شمعة الموقع

دعاء شديد

17-06-2011, 03:42 AM

مستر جمال
اسفه جدا لتاخيرى فى الرد
بس فعلا سؤال محير وقوى ... وحان وقت الرد عليه

-4-

فى كلمات بسيطة ودون مجاملة --- انتقدى حوارات هؤلاء ومود الموضوعات لو كان فيه نقد - إنما الجانب الحلو عارفينه وهل تعجبك ردودهم وتوقيتاتها -
جمال سراج ... بدأت باسمى عشان عاوز نقد مش مديح وأفورة !!!
نعمة محمود
حبيبة المصرية
أفنان أحمد
شريف
موناليزا
أسامة
محمد عباس
أشرف السيد
دعاء شديد
مع حفظ الألقاب للجميع

كل الاسماء السابقه اكن لهم احترام ومحبه
تمنعنى انى اتجرأ وانتقد حد منهم
صعب جدا جدا
لكن
علشان محدش يقول انى دبلوماسيه واتهربت من الاجابه
هرد ... هقول ايه بقى يا ترى ؟؟؟؟؟؟؟؟؟؟؟
كل دول يمكنهم ان يعطوا اكثر للمنتدى

لانهم اصحاب فكر ورأى ولابد من حمل امانه الكلمه
واتاحتها ... لعل احد يستفيد منها فله ثواب المعلومه وثواب من استفاد

لان كل واحد يعطى بقسم او قسمين
وهو يستطيع ان يعطى فى اغلب انحاء المنتدى

ههههههههههههههههههههه
ادينى جاوبت

دعاء شديد

17-06-2011, 03:46 AM

دعاء ممكن بعد الحوار الجميل والشيق ماينتهي في الاخر تقوللينا
حسيتي بايه بعد الحوار ده ؟ وياريت بالتفصيل الممل
واستفدت منه بشئ طبعا علي وجه العموم اما الخاص فهيدا خاص بيكي؟
وايه السؤال اللي كنت متوقعاه انه يتسأل ليكي ولكن لم يسأل بعد؟
وختاما بدي توجهي رساله لكل محبي المنتدي

حاضر
هجاوب بعد كل الاسئله متخلص
وقبل ماخد مشاركاتى وكيبوردى واجى ماشيه

نورتى يا قمر

دعاء شديد

17-06-2011, 03:49 AM

اعمل ايه بس يا حبيبة
الكل بيسال الاسئلة اللي بكون مجهزاها لدعاء
وبصراحة مش بلاقي اسئلة تليق بيها
زي ما انت عارفه دي شمعة الموقع

نورتى يا جميله
بس لا ممكن لازم تسألى سؤال
اومال تعدى كده وخلاص لالاالالال

جمال سراج

17-06-2011, 10:27 AM

وكدا بقا دخلتينا فى المضمون والامضمون بتاعك
وبكدا يبقى هأكتفى بأسئلتى اللى عدت دى بدون زعل طبعا

شريف

17-06-2011, 11:29 AM

صباح الخير علي الجميع

اليوم الرابع من اسبوع الحوار مع دعاء

و ملاحظ انها بتكروت أحيانا و بتجاوب بدبلوماسية احيانا اخري

و الكلام ده ماينفعش طبعا

مطلوب منك يا دعاء تجاوبي باستفاضة علي سؤال استاذ جمال سراج

مش عيب اننا نبقا مراية لبعضنا

ده سؤال مطلوب منك

و السؤال بتاعي بقا بيقول :

مازال في ناس كتير علي وجه الارض

لا يؤمنون بوجود الله

لو قابلتي واحد منهم

و حبيتي ببساطة توصليه للطريق الصحيح

هتقوليله ايه و هتقنعيه ازاي ؟

حبيبه المصريه

17-06-2011, 01:51 PM

ههههههههههههههههههههه
ماشى يا حبيبة ... لكى يوم
صدقينى سؤال مستر جمال صعب
وكل شويه اعد اقرا السؤال والاسماء واتخض والله
بس من عنيا هجاوب قبل الفجر ان شاء الله

منورة يا حبيبه ربنا ميحرمنا منك

تسلم عينك ياغاليه
بس دعاء منوره موضوع زى ده
يبقى لازم نكون معاها شريرين
خلاص خدى حقك منى لما تشوفينى
يارب دايما منورانا كده وفى الخير متجمعين

حبيبه المصريه

17-06-2011, 01:54 PM

ههههه

من عيوني ياحبيبه والله ما ارفض ابدا

والله هي تعبت في الحوار ولكن طلع لينا درر

وبجد في حاجات عجبتني اوي

ربنا يديمها عليها يارب

ده دعاء الغاليه :patch_lov:مينفعش كده اسيبها من غير سؤال:42:

تسلم عيونك ياغاليه
هى الحكايه كلها
إننا عاوزينك دايما بينا ومنورانا
ربنا يديم بينا كل خير

حبيبه المصريه

17-06-2011, 02:01 PM

اعمل ايه بس يا حبيبة
الكل بيسال الاسئلة اللي بكون مجهزاها لدعاء
وبصراحة مش بلاقي اسئلة تليق بيها
زي ما انت عارفه دي شمعة الموقع

مكنش العشم يا نون النسوه
منتظرين أسئله برضه
شكلك كده يا زهره هنقرر عليكى غرامه
ونرشحك الضيفه الجايه
وزى ما دعاء حكمت

بس لا ممكن لازم تسألى سؤال
اومال تعدى كده وخلاص لالاالالال
يبقى خلاص منتظرين السؤال

حبيبه المصريه

17-06-2011, 02:06 PM

مطلوب منك يا دعاء تجاوبي باستفاضة علي سؤال استاذ جمال سراج

مش عيب اننا نبقا مراية لبعضنا

ده سؤال مطلوب منك

هو بصراحه سؤال صعب
مش كل الناس ممكن تتقبل النقد
عن نفسى بتقبل بصدر رحب
أكيد غيرى ممكن ياخدها بزعل
وعليه ممكن نعفيها من الاجابه
بعد إذن صاحب السؤال

دعاء شديد

17-06-2011, 03:16 PM

ان شاء الله يمشى بس
خضرة وشلبى
"الي مععرفهومش دوا جنى وادهم ولاد اخويا"
واكون معاكوا وارد على الكل

حبيبه المصريه

17-06-2011, 05:11 PM

أختم تواجدى فى الموضوع
لأتيح لغيرى التواصل
وأهديكى من صميم قلبى
تلك الكلمات وصلتنى رسائل

ما أروع وفاء و دعاء الاحبة

يمسح عن النفس الشقاء و يجعل المودة شذاء

و يحيل الهم الى ضياء و يحيطك بالدعاء

جعل الله العافية لباسكم و المغفرة ساركم

و السعادة طريقكم و التوفيق رفيقكم
******
من احب الله اتسع قلبه لحب الناس
و من احبه الله احبه الناس
اعطاك الله ما تمنيت و اجابك بما دعيت
و رزقك ما رجوت
و غفر لك و لوالديك

دمتى بالخير دوما

المهندس هشام كمال الدين

17-06-2011, 07:24 PM

أهلا بالأخت العزيزه د/ لمضه
اولا تحياتي لشخصكم الكريم
وسبيني بقي أسألك وارخم عليكي شويه... وهنشوف اللماضه هتنفع ولا لأ
مطلوب الإجابه بمصداقيه وشفافيه......... ومتخافيش من حد
1- أولا.. عايزين نعرف رأيك بعمل المرأه عموما وهل تواجدها بمنزلها أفضل حفاظا عليها.
2- ثانيا.. ما رايك بدور أعضاء مجلس الإدارة بالمنتدي ومن هو ديكتاتور المجلس من وجهة نظرك.
3- ثالثا.. عضو غير مرغوب به في المنتدي... هل تحاولي تغيير سلوكه أم تكتفي بإيقافه أم تمارسي عليه الضغط لكي يترك المنتدي من نفسه.
كفايه رخامه بقي ونغير الأسئله
4- ايه حكايه راني معاكي وهل أنتظر علبه هدية منك في رحلة الأسكندريه أشمعنى عمر.
5- جاهزه لأسئلة مسابقات الرحله ولا هتعتذري عن الأشتراك بها.
6- من هم نجوم المنتدي من وجهة نظرك مع ذكر نبذه عن كل منهم.
كفايه كده ولي عوده.

دعاء شديد

17-06-2011, 08:48 PM

صباح الخير علي الجميع

اليوم الرابع من اسبوع الحوار مع دعاء

و ملاحظ انها بتكروت أحيانا و بتجاوب بدبلوماسية احيانا اخري

و الكلام ده ماينفعش طبعا
السؤال بتاعي بقا بيقول :
مازال في ناس كتير علي وجه الارض
لا يؤمنون بوجود الله
لو قابلتي واحد منهم
و حبيتي ببساطة توصليه للطريق الصحيح
هتقوليله ايه و هتقنعيه ازاي ؟

شوف هتقولى صباح الخير
هرد اقولك
مساء النور ... وانا هخاف

بخصوص الكروته وربنا ابدا
دنا عايزه غدوة حلوه ان شاء الله لما نروح اسكندريه

نيجى بقى للاجابه على سؤال
وده موقف والله حصل من كم يوم فعلا
حد منهم كان بيقولى ان حجابى مدته انتهت
ههههههههههههههههههههه
طبعا العقليات دى لو دخلت معاهم فى نقاش انت الخسران

فقلتلها قصه حجابى اصلا متخليش صلاحيته تنتهى
وبدأ احكى لوحده تانيه ازاى اتحجبت

طبعا اتقطع كلامى واتغلوش عليه
واتقالى ايه انتى عايزه تقنعيها تتحجب
وقفلت الكلام وغلوشت وانتهى الحوار

الناس دى اصلا مش بتديك فرصه تتحاور معاهم
ههههههههههههههههههههههه
يا راجل دول شايفنا متخلفين بيعوجوا بقهم لما يعرفوا
ان حد فينا صايم او نقول هنروح نصلى

انك لا تهدى من احببت ولكن الله يهدى من يشاء
انا عارفه ان دى سلبيه منى
بس للاسف احيانا لو دخلت معاهم فى حوار
هيتطاولوا ع الدين وسلوكياتنا وهتتقلب عاركه

دعاء شديد

17-06-2011, 08:50 PM

هو بصراحه سؤال صعب
مش كل الناس ممكن تتقبل النقد
عن نفسى بتقبل بصدر رحب
أكيد غيرى ممكن ياخدها بزعل
وعليه ممكن نعفيها من الاجابه
بعد إذن صاحب السؤال

ربنا يخليكى يا حبيبه
انتى كده جبتى المفيد

دعاء شديد

17-06-2011, 08:53 PM

أختم تواجدى فى الموضوع
لأتيح لغيرى التواصل
وأهديكى من صميم قلبى
تلك الكلمات وصلتنى رسائل

ما أروع وفاء و دعاء الاحبة

يمسح عن النفس الشقاء و يجعل المودة شذاء

و يحيل الهم الى ضياء و يحيطك بالدعاء

جعل الله العافية لباسكم و المغفرة ساركم

و السعادة طريقكم و التوفيق رفيقكم
******
من احب الله اتسع قلبه لحب الناس
و من احبه الله احبه الناس
اعطاك الله ما تمنيت و اجابك بما دعيت
و رزقك ما رجوت
و غفر لك و لوالديك

دمتى بالخير دوما

ميرسى جدا يا حبيبه لدعواتك ولمشاعرك الرقيقه الصادقه
واتمنى ان تتواجدى وغير مسموح ليكى بعدم التواجد
هههههههههههههههه
انتى منورانا ومشرفانا ال متتواجديش ال
ده كلام ... منتظراكى

دعاء شديد

17-06-2011, 09:08 PM

أهلا بالأخت العزيزه د/ لمضه
اولا تحياتي لشخصكم الكريم
وسبيني بقي أسألك وارخم عليكي شويه... وهنشوف اللماضه هتنفع ولا لأ
مطلوب الإجابه بمصداقيه وشفافيه......... ومتخافيش من حد

اهلا اهلا اهلا منور يا بشمهندس
وحاضر هجاوب بكل شفافيه وصدق والله
ومن غير مخاف من حد
ههههههههههههههههههههه
بس لما الكتاكيت الي عندى يمشوا
علشان اركز

omelbatal

17-06-2011, 09:34 PM

السلام عليكم:
تسمحوا لى أولا إنى أنضم ليكم فى الحوار الشيق الممتع اللى بيوضح مدى عمق الصلة بين أعضاء المنتدى وأنا حبيت أشارك معاكم .

إيه الموضوع ياأخت دعاء هوالكل شادد عليك السلخ ليه؟ عموما ماتقلقيش أنا جنبك أول لما تتزنقى .............
حاولى تخرجى لأنى مش هأقدر أعمل حاجة.هههههههههههههههاخلع منك بسرعة :40:

دعاء شديد

17-06-2011, 09:43 PM

السلام عليكم:
تسمحوا لى أولا إنى أنضم ليكم فى الحوار الشيق الممتع اللى بيوضح مدى عمق الصلة بين أعضاء المنتدى وأنا حبيت أشارك معاكم .

إيه الموضوع ياأخت دعاء هوالكل شادد عليك السلخ ليه؟ عموما ماتقلقيش أنا جنبك أول لما تتزنقى .............
حاولى تخرجى لأنى مش هأقدر أعمل حاجة.هههههههههههههههاخلع منك بسرعة :40:

منوره يا ام البطل

mr.osama

17-06-2011, 10:10 PM

بصراحة كان نفسي أكون معاكم في البرنامج الجميل ده من زمان .. وعارف اني مقصر ولم أشارك في حلقاته الثلاث السابقة وبأعتذر لأبطالها والمحاورين .. وكويس أني لحقت الحلقة الرابعة .. وعلشان مش ابقى رخم مش هسأل سؤال جديد .. بس أطلب الاجابة على سؤال مستر جمال اللي لا أعتقد أنه حد من الموجودين فيه هيزعل من توجيه نقد له طالما نقد بدون تجريح وطبعاً لا أعتقد انك ممكن تجرحي في حد يعني نقدك سيكون من وجهه نظرك وفي مصلحة من تنتقديه .. وعن نفسي لا أمانع في نقدي وأظهار عيوبي والتي منها تقصيري الشديد في الفترة الأخيرة بالمنتدى لأسباب كثيرة ..

omelbatal

17-06-2011, 10:16 PM

منوره يا ام البطل

( دا نورك ياجميل )وقلبى معاك بس على فكرة أساتذة الفلسفة مابيغلبوش ،إسألينى أنا ،أخويا الكبير موجه عام
فلسفة وتعابنا معاه.

omelbatal

17-06-2011, 10:27 PM

(("ادخلوا مصر إن شاء الله آمنين" صدق الله العظيم
دعوة لإنشاء حزب جديد .. أو تنفيذ حلم قديم بتكوين رابطة للمعلمين)) ده اقتباس من mr. osama

أنا موافقة على الأقتراح ده ،جميل جداااااااااااااااااااا

دعاء شديد

18-06-2011, 04:57 PM

1- أولا.. عايزين نعرف رأيك بعمل المرأه عموما وهل تواجدها بمنزلها أفضل حفاظا عليها.

طبعا تواجدها فى البيت افضل بكتير
ولما تكون ام واعيه ومصحصحه كده لنفسها
بيبقى ده صمام امان لجوزها وولادها
يعنى بتبقى مركزه معاهم بدرجه عاليه
وتقدر تلاحظ بسهوله اى تصرف غريب او سلوك غيبر عادى
وبالتالى تقدر تلحق اى شيء غلط قبل ميحصل

كمان بتكون صافيه الذهن بدرجه كبيره
فتقدر تستوعب ولادها وتسمعهم ويبقوا اصحاب
اكتر منهم ام واولادها

لكن حضرتك خد بالك انا قلت شرط انها تكون واعيه ومصحصحه
وطبعا مش الكل كده دلوقتى
مش كتير بيقدروا يستفيدوا من التكنولوجيا
يعنى غساله تغسل ... وآلات فى المطبه تساعدها
(مش زى زمان كان الطماطم بتتعصر يدوى)
بقى متاح للغالبيه ان واحده تيجى تنضف البيت

المفروض كل دى حاجات تخليها اكثر راحه
فتاخد بالها من بيتها وعيالها بقى
لكن من النماذج الي حواليا
بحس بحاله غباء مستعصيه
كتر الراحه بتعملهم راحه فى العقول كمان

ولذلك انا بأشفق على نعمه مثلا
لانها فى طبعها المنزلى زى أمى
رغم انى امى ست بيت ونعمه بتشتغل
بس عارف
مش مستسلمين للراحه
تحس انهم بيطلعوا شغل من تحت الارض
مع اهتمامهم بالاولاد

يعنى الخلاصه
الاصل والاصح انها تعد فى البيت
بشرط ان يكون عقلها شغال
بتعرف تشغل وقتها علشان متحسش بالملل
وتتفرغ لانها تأرف جوزها ههههههههههههههههههههههه

دعاء شديد

18-06-2011, 05:14 PM

2- ثانيا.. ما رايك بدور أعضاء مجلس الإدارة بالمنتدي ومن هو ديكتاتور المجلس من وجهة نظرك.
طبعا مفيش ادارة ناجحه 100%
واكيد فى نسبه قصور ... لكن فى ادارة متميزه
وعلشان تتأكد حضرتك من ان كلامى مش غرور
بيبقى الارقام خير دليل
يعنى ببدأ اقارن وده مش عيب
بعد سنه احنا يقينا كم عضو مقارنه ... واشوف منتديات اخرى بعد سنه بقت كم عضو

احد العيوب الي الكل بينتقدها ان القسم العام اكتر قسم شغال
انا بشوف انه ميزه قويه جدا
لان القسم ده هنا غير منقول موضوعاته
باقلام الاعضاء بافكارهم وحوارات وده موجود مش بألف
لكن ده وبقولها بثقع مش موجود فى منتديات كتير
كل الاقسام فيها شغاله

بس عن نفسى بهتم بالكيف فى حاجات وبالكم فى حاجات
الكيف ... للموضوعات والحوارات
الكم ... فى معدل زياده عدد الاعضاء

اما بخصوص الديكتاتور
الحمد لله مفيش ... وحضرتك كنت معانا واكيد هتتاكده من كلامى
لكن المجلس عندنا فى اتفاق غير معلن
ان كل مجموعه بتهتم جزء محدد
وان بدا ان حد مثلا بيمشى كلامه فى موضوع معين
فده لانه اختصاصه هو
والي بيحكم شغلنا كلنا حاجه وحده بس
اننا متفقين على الرغبه فى التميز

3- ثالثا.. عضو غير مرغوب به في المنتدي... هل تحاولي تغيير سلوكه أم تكتفي بإيقافه أم تمارسي عليه الضغط لكي يترك المنتدي من نفسه.

ده بيتوقف على ايه سبب عدم الرغبه فى وجوده
وكل واحد هو الي بيفرض ازاى نعامله
يعنى واحد متجاوز وطويل اللسان .... مينفعش غير ايقاف
واحد منافق وجواه سواد وبيمثل عليك ... كم موضوع حلوين كده يكره نفسه ههههههههههههههه
واحد معندوش كياسه فى التعامل ويأرفك .... ده ممكن توجه سلوكه مدام الاصل طيب ومحترم

كفايه رخامه بقي ونغير الأسئله

لا والله اطلاقا مطلقا
اسئله كلها ذكاء

دعاء شديد

18-06-2011, 05:53 PM

4- ايه حكايه راني معاكي وهل أنتظر علبه هدية منك في رحلة الأسكندريه أشمعنى عمر.
ههههههههههههههه
حكايه رانى زى حكاية مشروبات كتير معايا
بزهق وبحب انوع المشروبات
وحظ عمر وقت متعرفت على رانى جديد
كنت بشوف عمر كتير ههههههههههه
بس اكتشفت ان عمر متخانق مع رانى

وبخصوص اسكندريه ان شاء الله
اجيب رانى ... ونعملها مسابقه
مين الي هيتحدى قطعه الفاكهه الاخيره وهياكلها

5- جاهزه لأسئلة مسابقات الرحله ولا هتعتذري عن الأشتراك بها.
لا معاكم ان شاء الله

6- من هم نجوم المنتدي من وجهة نظرك مع ذكر نبذه عن كل منهم.
نجوم المنتدى
كل عضو شارك فى حوار جاد برأى سديد
كل صاحب موضوع مفيد
كل ناقل موضوع مهم ومفيد
كل مدرس لم يبخل بملازمه ومعلوماته ع طلاب المنتدى
كل مدرس وفر من وقته للغرفه الصوتيه

كفايه كده ولي عوده
فى انتظار حضرتك
وربنا يستر من الاسئلة الي جايا

دعاء شديد

18-06-2011, 05:57 PM

بصراحة كان نفسي أكون معاكم في البرنامج الجميل ده من زمان .. وعارف اني مقصر ولم أشارك في حلقاته الثلاث السابقة وبأعتذر لأبطالها والمحاورين .. وكويس أني لحقت الحلقة الرابعة .. وعلشان مش ابقى رخم مش هسأل سؤال جديد .. بس أطلب الاجابة على سؤال مستر جمال اللي لا أعتقد أنه حد من الموجودين فيه هيزعل من توجيه نقد له طالما نقد بدون تجريح وطبعاً لا أعتقد انك ممكن تجرحي في حد يعني نقدك سيكون من وجهه نظرك وفي مصلحة من تنتقديه .. وعن نفسي لا أمانع في نقدي وأظهار عيوبي والتي منها تقصيري الشديد في الفترة الأخيرة بالمنتدى لأسباب كثيرة ..

يشرفنى ان حضرتك تسأل يا مستر اسامه
وبخصوص الاجابه ع السؤال
فانا وضحت فى مشاركه سابقه وجهة نظرى
وكمان قلت سبب عام يخص الجميع
واعتقد ان السبب ده يعتبر نقد
يعنى مثلا
فين موضوعات مستر اسامه فى العام ؟؟؟؟
فين مناقشاتك فى الموضوعات ؟؟؟؟؟؟
منتظرينها ودايما منورنا يا مستر اسامه

دعاء شديد

18-06-2011, 06:01 PM

( دا نورك ياجميل )وقلبى معاك بس على فكرة أساتذة الفلسفة مابيغلبوش ،إسألينى أنا ،أخويا الكبير موجه عام
فلسفة وتعابنا معاه.

بس انا مش استاذه فلسفه
انا دكتوراه فى تكنولجيا المعلومات والتوثيق
بس غاويه فلسفه
مره تانيه
نورتى الموضوع

شريف

18-06-2011, 06:04 PM

بمناسبة تكنولوجيا المعلومات و التوثيق

ايه اللي جذبك يا دعاء للمجال و الدراسة دي؟

يعني من حبك للمذاكرة ساعات بقول لنفسي

هوا يعني الاقسام و المجالات و الدراسات خلصت م الدنيا

و مش فاضل غير علوم المكتبات و تكنولوجيا المعلومات دي ؟؟

دعاء شديد

18-06-2011, 06:33 PM

بمناسبة تكنولوجيا المعلومات و التوثيق
ايه اللي جذبك يا دعاء للمجال و الدراسة دي؟
يعني من حبك للمذاكرة ساعات بقول لنفسي
هوا يعني الاقسام و المجالات و الدراسات خلصت م الدنيا
و مش فاضل غير علوم المكتبات و تكنولوجيا المعلومات دي ؟؟

اقولك
انا بموت فى المذاكره بشكل غريب ... ده اولا
نيجى بقى للتخصص
باختصار هو له حكايه هجيبهالك من اخرها
انا اخترت القسم ده بمفردى بقرار منى لوحدى
وكان مفاجأه للكل والله حتى بابا وماما

لما دخلت القسم وتحديدا فى سنه تانيه
حبيته جدا لدرجه الغرام
كنت ببقى سعيده وانا بذاكر المواد بتاعته
وطبعا اتفرض علينا 3 سنين مكتبات
ومن بين المواد كان فى مواد وثائق كنت بحبها جدا
متعه انك تقرا وثيقه لا فيها نقط والحروف بتعرفها بصعوبه
وقمه التحدى انك تكتب النص كامل وصح
والحمد لله كنت متفوقه فيها

وفى اخر السنه كان لازم نختار شعبه
مكتبات - وثائق - تكنولوجيا معلومات
وطبعا انا كنت اتمنى وثائق
بس كان لازم اصلح غلطتى واسيب القرار لبابا وماما
وهم اختاروا تكنولوجيا المعلومات

الغريب فى القسم ده
ان بيساعد على تنظيم التفكير بشكل رهيب
تقدر تتعامل مع كل التخصصات وطبعا حسب الكفاءه
يعنى تقدر تتعامل مع مكتبات ومعلومات طب وهندسه وزراعه وحقوق
وتنظمها بشكل يسمه للناس الاستفاده منها بسهوله
تخيل قدره رهيبه رغم ان فى كتير بيستهتروا بالتخصص ده

لكن اتعلمت
كل ما انا احترمت تخصصى وقدرته وحسيت باهميته
فرضت ع الناس احترامه وعدم الاستهتار بيه
لانى بقدر اوصل اهميته حتى لو مش من ضمكن اهتمامتهم

بس

فتخيل كده انك تحب المذاكره وكمان التخصص الي بتذاكره

المهندس هشام كمال الدين

18-06-2011, 06:47 PM

ماذا أقول بعد كل ما قيل
وأنا من هذا المزنق بعد فشلي في حل صفة اللماضه
لا يسعني إلا أن أشكرك على هذه الردود الرائعة
متمنيا لكي دوام التوفيق ومن دكتوراه الى دكتوراه.
تحياتي.

دعاء شديد

18-06-2011, 06:55 PM

ماذا أقول بعد كل ما قيل
وأنا من هذا المزنق بعد فشلي في حل صفة اللماضه
لا يسعني إلا أن أشكرك على هذه الردود الرائعة
متمنيا لكي دوام التوفيق ومن دكتوراه الى دكتوراه.
تحياتي.

مش هعتب ده جواب نهائى
وفى انتظار مرور حضرتك وتشريفك

شريف

18-06-2011, 07:38 PM

الإفراط في التواضع يجلب المذلة

التكبر علي المتكبر صدقة

هل تؤمني بالاقوال دي ؟؟؟؟؟

دعاء شديد

18-06-2011, 07:52 PM

طبعا الناس هى الي خلتى اؤمن بالكلام ده

للاسف التواضع مش نافع مع بعض الناس

فالكبر على اهل الكبر صدقه

شريف

18-06-2011, 07:59 PM

ايه ده ... هيا قلبت غم كده ليه
هههههههههههههه

طب سؤال كمان

ايه اكتر منتدي عجبك غير بوابة التعليم المصري

و ايه نشاطك علي النت بالتفصيل ؟

غتاتة بقا

دعاء شديد

18-06-2011, 08:51 PM

ايه ده ... هيا قلبت غم كده ليه
هههههههههههههه
ايه نشاطك علي النت بالتفصيل ؟
غتاتة بقا
[/COLOR]

اولا ربنا ميجيب غم

ثانيا تعمل ايه الغتاته مع الماده الخام للرخامه
ههههههههههههههههههههههههههه

ثالثا اقولك
الجزء الترفيهى ... المزرعه طبعا
والتواصل مع صحباتى

الجزء الجد بقى
بعمل حاجه غريبه استغلالا للتكنولوجيا والسموات المفتوحه
اى موضوع بدور ع النت كتير لحد مزهق الموضوع نفسه
وبعدين ابدأ ارتب افكارى فيه وانظمها كده
واتكل على الله وانزل المكتبات المصرية المأسوية
وابد رحله الشقا للبحث عن المصادر
بس كمان
فى مصادر ع النت موثوق فيها طبعا
وبتبقى حظ لما اعرف اوصلها

ايه اكتر منتدي عجبك غير بوابة التعليم المصري

منتدى تعليم اون لاين
فى حاجات كتير مختلفه ... بس اسمحلى احتفظ بيها لنفسى
يعنى محدش يسألنى عنها

المنتدى ده خلانى افكر فى فكره كده
هى منها طرقعه على تحدى
بس فعلا تجربه جديده
هى ايه بقى

انى اكتب موضوعات هناك
لكن بشرط
موضوعات جديده غير موضوعات بوابه التعليم المصرى
يعنى مش هنقل من نفسى

انا هتحدى نفسى وده على مستويين
الاول الموضوعات الجديده المختلفه عن هنا

التانى ان موضوعاتى الي كتبتها مثلا من سنتين
هعيدها لكن بخبرة انهارده واسلوبى الي اتعدل كتير
من وجهة نظرى بعد سنتين
اكيد هتكون مختلفه

دعاء شديد

18-06-2011, 08:53 PM

سؤال بقى للكل

ايه رأيكوا فى الفكره الي طرحتها فى المشاركه السابقه
تحدى النفس ؟؟؟؟؟؟؟؟؟؟؟

واحب اعرف الاراء بصراحه

شريف

18-06-2011, 09:11 PM

بصراحة فكرة روعة يا دعاء
كنا بنتحايل علي الناس عشان ما ينقلوش موضوعات
دلوقتي هنتحايل عليهم ما ينقلوش حتي من نفسهم
ههههههههههههههههههه

هيا صعبة شوية و مجهدة علي بعض الناس
بس علي هواة الكتابة امثالنا ... حاجة سهلة اوي

ده الواحد عنده مقدرة يكتب اربعة و عشرين ساعة متواصلة في موضوعات مختلفة

بس فكرة تحفة

شريف

18-06-2011, 09:13 PM

اللي بعده

ايه اول خمس حاجات هتعمليهم لو معاكي ثروة حسني مبارك

ههههههههههههههههههه

يعني بتاع سبعين مليار دولار

و ماتقوليليش هجيب راني

دعاء شديد

18-06-2011, 09:15 PM

بصراحة فكرة روعة يا دعاء
كنا بنتحايل علي الناس عشان ما ينقلوش موضوعات
دلوقتي هنتحايل عليهم ما ينقلوش حتي من نفسهم
ههههههههههههههههههه

هيا صعبة شوية و مجهدة علي بعض الناس
بس علي هواة الكتابة امثالنا ... حاجة سهلة اوي

ده الواحد عنده مقدرة يكتب اربعة و عشرين ساعة متواصلة في موضوعات مختلفة
بس فكرة تحفة

الحمد لله
ادى اول تشجيع

بجد تنفيذها هيبقى رائع

موناليزا

19-06-2011, 12:14 AM

You can see links before reply

ب ن ق و ل م س ا ء م ع ط ر ب ا ل ك ر ي ز

و ر ب ن ا ي د ع ا ء