طب و ربنا .. و ربنا كمان مرة ــــ لانيمك م المغرب يا صين

[شريف]

دي طبعا جملة قالها هنيدي
في فيلم من افلامه
قالها بعزم ما عنده ...
و هوا اصلا كان لسه
مضروب علي قفاه من لحظات

عارف انت العالم دي؟

الشخص ((( البُقّ )))
الشخص (( الهجاااص ))

اللي تلاقيه نافخ صدره و بيزعق
و عامل فيها اميتاباشناب
و هوا أول واحد في الليلة ياخد علي قفاه
لما يحمر و يبقا عريض أد كدهو



إذا كان كاتب مشهور ..
يقولك لقد و حيثما و ربما
و مقاله صفر ع الشمال
إذا كان مدرس ... تلاقيه كاتب علي حيطان الشوراع ملك الكيميا .
احمد زويل الفيزيا ...
امبراطور التاريخ .
إذا كان دكتور ...
يحطلك كام شهادة و صورة مضروبة
و هوا بيسلم ع المحافظ
إذا كان قانوني مشهور ... يقولك دانا وتد ... مستحيل اتشال
و تلاقيه في اول تعديل وزاري
خد علي قفاه برضه
أو واحد عامل نفسه مثقف
و الالقاب الكتير اللي بنسمع عنها
و هوا حمار البعيد
دماغه فاضية

إن الرجل ليُنْشَر له من الثناء ما يملأ ما بين السموات و الارض
و لا يساوي عند الله جناح بعوضة !!

الناس تمدحه ... و يبقا عندهم مقدس
و عند ربنا
ما يساويش جناح ذبابة !!!!!!!
يااااااااه علي سذاجة عقول الناس
اللي بتمجد في بهايم !!



دور كده في شريط حياتك
هتلاقي بلالين منفوخين كتييييييييييير
و لو معاك ابرة ...
تبقا ناصح و بشكة بسيطة
كام بالونة منهم تنتهي

خلاص ... مبقاش في حاجة اسمها تواضع
المعظم بقا منفوخ ...
بلالين بلالين بلالين
منفوخين .. منفوخين ... منفوخين

طب علي مين .. علي مين .. علي مين ؟
و الله ما فرقتش كتير

زمامير زمامير زمامير
مابنسمعش لبعض كتير
سامعين او مش سامعين
و الله ما فرقتش كتير

يا تري ... ده اللي جايبنا لورا ؟؟

[دعاء شديد]

اه طبعا
ده جايبنا ورا وهيفضل مجرجرنا لورا
اصل مينفعش كل واحد يعد عايش على انقاض انجازات الماضى
انا مش ضدد ان الواحد يفتخر بأى شيء مميز انجزه فى حياته
لكن ارفض انه يعيش على ذكرى انجاز فقط

اعرف واحده من النوع ده
وتعد تقول انا عملت واشتغلت وكنت
وعمرى مسمعتها بتقول حاجه على الوقت الحالى
وعلى تخطيط لانجاز معين ناويه عليهيعنى من الاخر بيبقوا "محلك سر"
وده بيخلينى اشك بصراحه فى صدق الانجازات نفسها
يعنى ممكن فعلا تكون جات معاهم بالحظ

مهو على راي المثل
"الحظ لما يآتى بيخلى الاعمى ساعاتى"

ربنا يرحمنا من البلالين دى

[جمال سراج]

تسجيل إعجاب يا مستر
فعلا المنظرة دى بقت موضة أو بلاش موضة لا طول عمرها فى بلادنا شغالة
تتصور مرة طالب بالجامعة بيناقش الدكتور فى محاضرة ولسانه فلت وقال يا أستاذ مش يا دكتور - رد عليه الهايف أبو مخ فاضى واداله موشح فى الأخلاق رغم إن الطالب اعتذر وأجزم ان أخلاقه أفضل 100 مرة من اخلاق هذا الهايف
على فكرة الكلام دا مشفتوش غير فى مصر
لما زرت بره كل الناس محترمه نتيجة لاتقانها للعمل وشفتهم بيعملوا حفلة للعامل البسيط فى الجامعة وبينادوا بعض بالاسم الأول دون تكبر
المهم بعد دا كله عندنا مثلا --- أستطيع أن أجزم مثلا فى شغلتنا أنه لو مدرس ثانوى مثلا شاطر ومتقن لعمله فهو أفضل فى مادته من وجهة نظرى من واحد معاه دكتوراه وبيدرس فى الجامعة احد فروع المادة ووخدها منظرة

كمان تلاقينا نهتم اوى بالاسماء لدرجة انه مثلا ممكن واحد يدرس طب وتلاقيه بيشتغل تاجر او واحد معاه هندسة وتلاقيه فلاح او عنده سوبر ماركت بس يموت وتناديله يا دكتور او يا باش مهندس

إنتا فكرتنى بموقف مضحك على طبيب من النوع دا كان بيمشى فى الشارع وطريقة مشيه أشبه بالمشية العسكرية
أحد الأصدقاء علق على مشيته قدام شوية اصحاب كثير وقال انتوا عارفين فى كل رافعة ايد ونزلتها وهو ماشى بيقول ايه
قلنا بيقول ايه --- قال -- بيقول : أنا دكتور أنا دكتور
ههههههههههههههههههههههه
المهم جميل جدا التقدير والاحترام المتبادل وأجمل منه التواضع لله لانه هتتحاسب عليه وعند ربنا هنتحاسب على اتقان عملنا أيا كان طالما عملا شريفا
ومش هنتحاسب أبدا على نوع العمل طالما انه شريف و لا يخالف شرعا
شكرا يا مستر شريف
موضوع زى العسل
خالص الود

[ياسر الدقاق]

فعلاً يا أستاذ شريف مش جايبنا لورا إلا المنظره والكلام الفاضي
يعني عندك مثلاً عمالين نتغني بماضينا وإن إحنا فراعنه وإحنا وإحنا ومفيش أي تقدم
حتي عندك مثلاً في مجال الرياضة إحنا الرواد وإحنا الأوائل إحنا ......... وعمالين نخسر من طوب الأرض
ودا طبعاً ينطبق علي الأشخاص كمان
يعني مثلاً أنا أعرف شخص غير متعلم نهائياً ودا مش مشكلة لكن المشكلة إنه بيتكبر علي كل إل يقابلة
وحتي بيعامل المتعلمين بتأفف غريب ومش عارف إيه السبب
بصراحة الحاجات دي بتفرس
ياريت يكون إل بيعمل كده علي حق حتي الناس تلاقي له أعذار
لكن التكبر والمنظره لا تكون إلا مش شخص فارغ من الداخل
كما قلت كالبالون
ربنا يستر
ويجعله عامر
موضوع كالعادة متميز

[دعاء شديد]

تسجيل إعجاب يا مستر
فعلا المنظرة دى بقت موضة أو بلاش موضة لا طول عمرها فى بلادنا شغالة
تتصور مرة طالب بالجامعة بيناقش الدكتور فى محاضرة ولسانه فلت وقال يا أستاذ مش يا دكتور - رد عليه الهايف أبو مخ فاضى واداله موشح فى الأخلاق رغم إن الطالب اعتذر وأجزم ان أخلاقه أفضل 100 مرة من اخلاق هذا الهايف




اسمحلى يا شريف
انا هعلق على الجزء ده بس
وكلامى ليس دفاعاً بقدر ما توضيح للصورة
او بمعنى ادق ما وراء الصورة

علشان الواحد وصل للقب دكتور
بيطلع عينه وعين اهله وبيتمرمط على حق ربنا
وده الكل بدون استثناء
لكن الفرق
فى واحد نفسيته مش بتكون سويه
وبيتعرض للذل والاهانات وحاجات كتير سيئة
وبيتطاطى وبيتخرس على ميقدر ياخد حرف "د"
وبالتالى التكوينه دى
بيكون اللقب عندها غالى اوى وصعب تتجاهله
هو شايف انه دفع التمن غالى اوى

فى نوع تانى نفسيته الحمد لله كويسه
بيقابل نفس الضغوط ... لكن
لا يقبل الاهانه انما بيتنازل وبيتمرمط
وبيشرب المر مجات مجات
ده مش بيفرق معاه اللقب الا لو حد حاول يهينه

فصعب تحكم على النوع الاول انه هايف
لااااااااااااااا هو مسكين اتبهدل
فاللقب بالنسبه له حياة ووجود ودرع امان
عنده فوبيا غياب اللقب
بيعتبر عدم التلفظ باللقب نفسيا يعنى
هيعرضه تانى للاهانه والذل

بس انت عارفنى الحمد لله والله اكتر حاجه بكرها اللقب
بس دى كلمه حق من قلب قلب الواقع
ههههههههههههههههههههههههههههههه

[جمال سراج]

اسمحلى يا شريف
انا هعلق على الجزء ده بس
وكلامى ليس دفاعاً بقدر ما توضيح للصورة
او بمعنى ادق ما وراء الصورة

علشان الواحد وصل للقب دكتور
بيطلع عينه وعين اهله وبيتمرمط على حق ربنا
وده الكل بدون استثناء
لكن الفرق
فى واحد نفسيته مش بتكون سويه
وبيتعرض للذل والاهانات وحاجات كتير سيئة
وبيتطاطى وبيتخرس على ميقدر ياخد حرف "د"
وبالتالى التكوينه دى
بيكون اللقب عندها غالى اوى وصعب تتجاهله
هو شايف انه دفع التمن غالى اوى

فى نوع تانى نفسيته الحمد لله كويسه
بيقابل نفس الضغوط ... لكن
لا يقبل الاهانه انما بيتنازل وبيتمرمط
وبيشرب المر مجات مجات
ده مش بيفرق معاه اللقب الا لو حد حاول يهينه

فصعب تحكم على النوع الاول انه هايف
لااااااااااااااا هو مسكين اتبهدل
فاللقب بالنسبه له حياة ووجود ودرع امان
عنده فوبيا غياب اللقب
بيعتبر عدم التلفظ باللقب نفسيا يعنى
هيعرضه تانى للاهانه والذل

بس انت عارفنى الحمد لله والله اكتر حاجه بكرها اللقب
بس دى كلمه حق من قلب قلب الواقع
ههههههههههههههههههههههههههههههه


إنتى دخلتينى ودخلتى نفسك فى شجر
أنا بقول زلة لسان - الطالب أخطأ سهوا ولم يكن يقصد
جرى إيه يا دكتورة
دا احنا بنقول ان غحنا أم المنظرة
يعنى السباك والميكانيكى بنقول يا باشمهندس والحلاق يا دكتور
وربما بنقول له عن قصد وليس بغرض السخرية
فما بالك باللى معاه دكتوراه أصلا!!!!!!!!!!!

اللى اقصده قصر العقل - واحد زى دا عنده قصور عقلى ومش طالع عينه زى ما قلتى انتى لانه لو طالع عينه كان تواضع وفهم ان جت مع الطالب دا غصب عنه
سيادتك تعرفى ان احنا فى مصر بنقول للطالب اللى لسه متعين معيد يا دكتور
منظرة بردو واكيد هو واحنا بيبقى عارف انه احنا بنقولها منظرة
هو يعنى كان اخد الدكتوراه

المهم سيادتك عندك حق فى انه بيطلع عينه على ما ياخد الدكتوراه لكن كتير بياخدها وهو ميعرفش حاجة - أعلم انه كتير بيشيل الشنطة للدكتور عشان ينال الرضا واعلم انه كتير بيوصل للاساتذة الكبار من الابواب الخلفية واعلم انه فيه ناس قمة الشطارة والكفاح وبيطلع عينها
كل دا فى مصر

ما قصدته هو حته التعالى مع خطأ غير مقصود بالمرة انما لو عالمنظرة فاحنا غالبا أمها وأبوها
ولو حب الدكتور دا إنه يتقاله يا سيادة اللوا المستشار المهندس الريس وكيل الوزارة الوزير ......... كل دول مع بعض هنقوله
كله مشى حال يا دكتورة
طبعا بجانب المنظرة بيمشى الإحترام يعنى ودا مطلوب يعنى لما بقول للميكانيكى يا باشمهندس ممكن دا ينم عن الاحترام لانه ممكن فعلا يكون مهندس بشهادة وممكن يكون بيتقن شغله افضل فعلا من اللى معاه هندسة وهكذا
احنا زى ما بتمنظر كتير انما فيه عرف واحترام خصوطا بين اوساط المتعلمين أو أوساط المتعلمين زى ما بيقولوا يعنى مفيش عاقل هيقبل انه يقول لاستاذ الجامعة يا أستاذ لان العرف انه يتقال له يا دكتور

تحياتى يا دكتورة
ومتأسف لو الموقف مش عجبك أكيد كل حد له وجهة نظر وأكيد بردو صح بحسب المواقف الحاصلة
شكرا

[دعاء شديد]

إنتى دخلتينى ودخلتى نفسك فى شجر
أنا بقول زلة لسان - الطالب أخطأ سهوا ولم يكن يقصد
جرى إيه يا دكتورة

ما قصدته هو حته التعالى مع خطأ غير مقصود بالمرة انما لو عالمنظرة فاحنا غالبا أمها وأبوها
ولو حب الدكتور دا إنه يتقاله يا سيادة اللوا المستشار المهندس الريس وكيل الوزارة الوزير ......... كل دول مع بعض هنقوله

تحياتى يا دكتورة
ومتأسف لو الموقف مش عجبك أكيد كل حد له وجهة نظر وأكيد بردو صح بحسب المواقف الحاصلة
شكرا



طيب الاول صباح الخير

بعد كده مفيش اى شجار ان شاء الله

والموقف مضايقنيش على فكره والله
اطلاقا مطلقا
كل الحكايه انى حبيت اوضح
ان اخينا جناب الداكتور الي اتكلمت عنه
مريض مش سوى
وبيعتبر اللقب هو مصدر التعالى والمنظره على الناس
ومبيقبلش ان حد يتجاهل لقبه

لكن وانا هزعل ليه
هههههههههههههههههههههه
ربنا ميجيب زعل

على فكره
والله انا مكرهتش فى حياتى اد اللقب ده

[شمس بياض]

اخى الغالى شريف

على فكرة
انا دخلت الموضوع متوقعه
حاجه تانيه خالص حقيقى
قلت فعلا
شريف عنده خطه
او برنامج او فكرة هايقولها
لمنافسه الصين تعليميا
او نهوضا بالعمليه التعليميه او الصناعيه
روشته علاجيه
ونفكر معاه
وكل واحد يقول اللى عنده
واستخدم مقوله هنيدى لجذب القراء
لكن
المرة طلعت بالونه
وعلى العموم
البلالين مسيرها فى يوم هاتفرقع لوحديها
اجلا ام عاجلا
لكن العيب علينا احنا
اللى بنصنع البلالين دهيت وللاسف بنصدقها
ربنا يولى من يصلح فى جميع الاماكن
ونسيت اقولك رشحت نفسك فى النقابه ولا لع ؟؟؟؟؟؟؟؟؟؟؟؟؟؟؟؟؟؟؟؟