كشك الثورة

[نعمه محمود]

كشك الثورة
طبعا الثورة غيرت حاجات كتير فى مصر كفاية انها طهرت اللبلد من الفساد
لكنها غيرت معاها حاجات جوانا بس للأسوأ منها عدم احترام القانون – ضياع هيبة الدولة
هحكى لكم حكاية واقيعه من أرض الواقع
فى واحد بيبيع فاكهة على الرصيف كده هى مصدر رزقه بيفرش كل يوم بكرتونة تفاح أو فراولة
وأهى ماشية والناس بتشترى منه ومفيش مشاكل إلا بعض المناوشات بينه وبين شرطة المرافق كل كام يوم تنتهى بصلح قصير الأمد مقابل كام كيلو فاكهة لحد كده جميل ماقلناش حاجة
المهم من كام اسبوع كده لقيت أنوار كتير على الرصيف اعتقدت ان فى فرح عادى
المهم لما قربت اكتشفت انه مش فرح لا ده افتتاح كشك الثورة المهم بقول لعمو الفكهانى
مبروك كويس انك عرفت تجيب ترخيص للكشك عمو فكهانى ضحك كده وقالى انتى طيبة أوى يابنتى مفيش تراخبيص دلوقتى اللى بيقدر على حاجة يعملها واللى يطول حاجة ياخدها عملت كده ..:1::1:.......
قلت له ازاى بس قالى هقولك سر الخلطة : احشرى اسم الثورة فى اى حاجة هتتفتح لها كل الأبواب المقفولة
قلت له إزاى بس ده تعدى على الطريق العام وكده انت بتاخد حق الناس اللى بتستخدم الرصيف ومتقدرش تمشي فى نهر الشارع خاصة انه شارع رئيسي
قالى بصي يا مدام محدش هيقدر يقرب لمسمار هنا وإلا هيبقي عدو الثورة
دى ثورة ياهانم مش لعب عيال
وهو ده فهم الراجل البسيط للثورة وزيه ملايين المصريين البسطاء اللى محتاجين حد يوعيهم
ايه هى حقوقهم وواجباتهم
ايه اللى ليهم وايه اللى عليهم
منتظرة آرائكم وتعليقاتكم

[دعاء شديد]

هههههههههههههههههههههههه
وربنا انتى عسل
الراجل بيقولك الي يطول حاجه ياخدها
انتى تقوليله تعدى على حقوق الناس
وايه كمان مش تسكتى
لاااااااااااااااااااا
تقوليلوا نهر الطريق
ههههههههههههههههههههههه

يا نعمه دلوقتى "ثورة" بقت كلمه السر
الاخد بالتار فى احياء القاهره الشعبيه
"علشان الثورة اديتهم حريتهم"

الطلبه معترضه وبتتكلم فى المناهج وبتبجح
"علشان الثورة حررتهم من الخوف من الاستاذ"

الناس الي ساكنين فى مسكن بنوا اوض زياده
"علشان الثورة اديتهم فرصه يوسعوا على نفسهم"
ههههههههههههههههههههههه

يا نعمه عند مدرسه شبرا الاعداديه
لاقيت اعلان على الحائط تحفه
كل معدى عليه اموت من الضحك
"عريس لقطه لبنت الثورة"
تخيلى حتى دى الثورة تدخلت فيها

بجد هم يبكى وهم يبكى برده
حاسه ان الثورة دى بقت عامله زى هايبر وكارفور كده
ستجى ما يسرك عندنا وفى عروض كمان

لاااااااااااااااااااا انا لسه هكمل
الموضوع كبير اصله
وهطلع شحنه الغضب فيه

وعلى فكره مش هقولك شكرا
على ده دورك الطبيعى

[نعمه محمود]

هههههههههههههههههههههههه
وربنا انتى عسل
الراجل بيقولك الي يطول حاجه ياخدها
انتى تقوليله تعدى على حقوق الناس
وايه كمان مش تسكتى
لاااااااااااااااااااا
تقوليلوا نهر الطريق
ههههههههههههههههههههههه

يا نعمه دلوقتى "ثورة" بقت كلمه السر
الاخد بالتار فى احياء القاهره الشعبيه
"علشان الثورة اديتهم حريتهم"

الطلبه معترضه وبتتكلم فى المناهج وبتبجح
"علشان الثورة حررتهم من الخوف من الاستاذ"

الناس الي ساكنين فى مسكن بنوا اوض زياده
"علشان الثورة اديتهم فرصه يوسعوا على نفسهم"
ههههههههههههههههههههههه

يا نعمه عند مدرسه شبرا الاعداديه
لاقيت اعلان على الحائط تحفه
كل معدى عليه اموت من الضحك
"عريس لقطه لبنت الثورة"
تخيلى حتى دى الثورة تدخلت فيها

بجد هم يبكى وهم يبكى برده
حاسه ان الثورة دى بقت عامله زى هايبر وكارفور كده
ستجى ما يسرك عندنا وفى عروض كمان

لاااااااااااااااااااا انا لسه هكمل
الموضوع كبير اصله
وهطلع شحنه الغضب فيه

وعلى فكره مش هقولك شكرا
على ده دورك الطبيعى


هههههههههه معلش كنت خايفة يتهمنى انى من اعداء الثورة ههههههههه
اه تخيلى الناس خدت الجناين اللى فى الاحياء الجديدة وكبرت العمارات تصورى
المهم بخصوص اعلان عريس بنت الثورة
ده مكتوب على كل المدارس ومحطات المترو
ههههههههههههههه
حبيبة شافته على مدرستها دخلت اشتكت للسير
ههههههههههه

[دعاء شديد]

هههههههههه معلش كنت خايفة يتهمنى انى من اعداء الثورة ههههههههه
اه تخيلى الناس خدت الجناين اللى فى الاحياء الجديدة وكبرت العمارات تصورى
المهم بخصوص اعلان عريس بنت الثورة
ده مكتوب على كل المدارس ومحطات المترو
ههههههههههههههه
حبيبة شافته على مدرستها دخلت اشتكت للسير
ههههههههههه


لا وايه كمان مكتوب على المدارس
مدرستك هى ميدان التحرير
يا سلاااااااااااام

ناقص يقولوا كمان
كتابك هو الافتات بتاعت الثورة

ولو مدرسك مش عاجبك
اعتبره الرئيس وطالب بخلعه

بجد بقت مهزله

[نعمه محمود]

لا وايه كمان مكتوب على المدارس
مدرستك هى ميدان التحرير
يا سلاااااااااااام

ناقص يقولوا كمان
كتابك هو الافتات بتاعت الثورة

ولو مدرسك مش عاجبك
اعتبره الرئيس وطالب بخلعه

بجد بقت مهزله


هههههههههه اه ماهو عشان كده العيال طول النهار فى الحوش

[عماد عبد الستار]

والله الموضوع غيظني جداً، الله إيه حكاية الأكشاك الكتيرة إلي طفحت مرة واحدة، أمر غريب وعجيب، هلي الناس أذكياء، لأنهم فكروا في هذه الفكرة، كل واحد يعمل كشك مخالف، وفي أي حتة، ويسميه كشك(25 يناير) وإلي مش عجبه يشرب من .................. ، وإلا يبقي ثورة مضادة، ومعادي للثورة، ويا ويله يا سواد ليله.
ولكن أعتقد أن ذلك لن يدوم طويلاً، إن شاء الله ترجع الأمور إلي مسارها الصحيح، وعلي الباغي تدور الدوائر.
شكراً علي الطرح الجميل للموضوع.

[نعمه محمود]

والله الموضوع غيظني جداً، الله إيه حكاية الأكشاك الكتيرة إلي طفحت مرة واحدة، أمر غريب وعجيب، هلي الناس أذكياء، لأنهم فكروا في هذه الفكرة، كل واحد يعمل كشك مخالف، وفي أي حتة، ويسميه كشك(25 يناير) وإلي مش عجبه يشرب من .................. ، وإلا يبقي ثورة مضادة، ومعادي للثورة، ويا ويله يا سواد ليله.
ولكن أعتقد أن ذلك لن يدوم طويلاً، إن شاء الله ترجع الأمور إلي مسارها الصحيح، وعلي الباغي تدور الدوائر.
شكراً علي الطرح الجميل للموضوع.
عندك حق يااستاذ عماد دلوقتى لو واحهت حد بخطأه خاصة لو كان من اللى بتمسحوا بالثورة
تبقي فلول وخاين وعميل
وطبعا طالما حط صك الغفران ولزق اسم الثورة يبقي خلاص محدش هيقرب له
اتمنى معك أن تعود الأمور لمسارها الصحيح
شكرا مرورك نورت موضوعى

[حبيبه المصريه]

موت على نفسى من الضحك
موضوع عسل من ام حبيبه الغاليه
هو اعلان العريس عندكم كمان
ده شكله فيرس سريع الانتشار
اصله شوفته عندنا ازبهليت
وموت على نفسى من الضحك
فعلا اى كارثه يعملوها ويقولولك الثوره
كارثه بقى من يومين ماشيه عادى
وفى طريقى حديقه عامه
عااااادى بشوفها كل ما اعدى من المكان ده
شجر وخضره ومظلات ومراجيح للاطفال
يعنى شغل حلوووووو للى عاوز يخرج ولاده
من غير مايتكلف
ماهى حديقه عامه مفتوحه للجميع
الكارثه بقى وانا ماشيه لمحت ايه ؟؟؟؟؟؟؟؟
شويه شباب استولوا على نص الحديقه
بلطجه طبعا
وعملو ايه ؟؟؟؟؟؟؟
فرشوها كام كرسى خيرزان
وكام ترابيزه وراحوا حاطيين تليفزيون
وخلاص بقت كافيتريا خاصه
وياسلام خوص بقى يغطى الوجه
الى ناحية الشارع
عشان اللى جوه ياخد راحته
مهزله بجد
فعلا مخالفات بفظاعه تحت اسم الثوره

[نعمه محمود]

موت على نفسى من الضحك
موضوع عسل من ام حبيبه الغاليه
هو اعلان العريس عندكم كمان
ده شكله فيرس سريع الانتشار
اصله شوفته عندنا ازبهليت
وموت على نفسى من الضحك
فعلا اى كارثه يعملوها ويقولولك الثوره
كارثه بقى من يومين ماشيه عادى
وفى طريقى حديقه عامه
عااااادى بشوفها كل ما اعدى من المكان ده
شجر وخضره ومظلات ومراجيح للاطفال
يعنى شغل حلوووووو للى عاوز يخرج ولاده
من غير مايتكلف
ماهى حديقه عامه مفتوحه للجميع
الكارثه بقى وانا ماشيه لمحت ايه ؟؟؟؟؟؟؟؟
شويه شباب استولوا على نص الحديقه
بلطجه طبعا
وعملو ايه ؟؟؟؟؟؟؟
فرشوها كام كرسى خيرزان
وكام ترابيزه وراحوا حاطيين تليفزيون
وخلاص بقت كافيتريا خاصه
وياسلام خوص بقى يغطى الوجه
الى ناحية الشارع
عشان اللى جوه ياخد راحته
مهزله بجد
فعلا مخالفات بفظاعه تحت اسم الثوره
الله يسعد أيامك ياحبيبة
هنقول ايه تخيلى الاعلان اللى على المدارس ده لوبنت بدافع الفضول اتصلت
ايه اللى ممكن يحصل ؟؟؟
اما بقي بخصوص الحديقة العامة اللى اتحولت كافيه
ده طبيعى عشان نرفه عن شباب الثورة اصلهم تعبوا بردو
هههههههههههههههه نورتينى ياقمر

[جمال سراج]

هههههههههههههههههههه
عسل يا نعمة
البلطجة والفوضى والتسيب والتحول معرفش هل دا الشعار الجديد للثورات ولا إيه
ايه الهبل اللى بقوله دا

قصدى يعنى المفهوم الحديث للثورة النظام والنظافة والضمير والاتقان واحترام الحقوق والواجبات وعدم استغلال ظروف البلد

كل ما تقابلى أى حد الوقتى باعتبار ان دا فرده يقولك أنا عضو ائتلاف الثورة كنوع من الفردة والبلطجة
سيدتى ... يبدو اننا ا عاوزين ثورة زى الأيام الأولى للثورة التى حافظ فيها الكبير على الصغير
والشاب على الشيخ والفتاه
وتآلف الجميع وتضامن واقتسم قوت اليوم من قطع البسكويت والعيش الحاف على الرغم من تضخيم الإعلام الذى لا زال منافقا ويدعمه المتحولين!!!! مع اختلاف الخطاب السياسى
قلتيها انتى فى موسم المتحولين
يلا
ربنا يسترها معانا
تسلمى يا نعمة على موضوعاتك الساخرة والجميلة
احترامى لكى وللجميع

[شريف]

أيتها الثورة
كم من جرائم ترتكب باسمك

ما هي دي ثقافة الضجيج يا نعمه
قطاع كبير اوي م الشعب المصري لا يهمه ثورات
و لا يهمه سياسة و لا احزاب و لا يهمه حتي يعرف المفهوم الحقيقي للحرية
و لا الحوارات السياسية الساخنة في برامج التوك شو و المصطلحات المكعبلة
كل اللي يهمه انه ياكل و يشرب
و يلاقي اخر النهار لقمة ياكلها مع عياله


برغم اني ضد اي حد يتمسح في الثورة و يتمحك فيها
الا ان الراجل الفكهاني اياه ده
انا عاذره

و اعذر اي حد بيقلب عيشه و بيدور علي قوت ولاده بالحلال
حتي لو غلط غلطات قانونية من بتاعة اشغال الطريق العام و الكلام ده

فالقانون الأصم ... مش المفروض يمشينا في كل الاحوال و يفرض سطوته
للقانون روح ..

انا شايف ان ارتكاب خطأ اشغال الطريق
أهون بكتير من جرائم السرقة و السطو المسلح و البلطجة

و كل ده متاح دلوقتي و بسهولة للفكهاني ده
فربنا يقدره علي انه يكسب لقمة عيشه بالحلال فعلا في الزمن ده

مسألة كشك الثورة و الكلام ده
فده استهبال طبعا
و كتير ركبوا الموجة بشكل مستفز و مفجع
بس الشعب المصري ذكي و الله و بيفهم و بيميز ده من ده

تسلم ايدك يا نعمه
وحشتنا اوي موضوعاتك
و بقينا بندور عليها زي ما بندور علي ابرة في كوم قش

بالله عليكي ما تحرمينا موضوعاتك في العام و في المنتدي كله

[نعمه محمود]

هههههههههههههههههههه
عسل يا نعمة
البلطجة والفوضى والتسيب والتحول معرفش هل دا الشعار الجديد للثورات ولا إيه
ايه الهبل اللى بقوله دا

قصدى يعنى المفهوم الحديث للثورة النظام والنظافة والضمير والاتقان واحترام الحقوق والواجبات وعدم استغلال ظروف البلد

كل ما تقابلى أى حد الوقتى باعتبار ان دا فرده يقولك أنا عضو ائتلاف الثورة كنوع من الفردة والبلطجة
سيدتى ... يبدو اننا ا عاوزين ثورة زى الأيام الأولى للثورة التى حافظ فيها الكبير على الصغير
والشاب على الشيخ والفتاه
وتآلف الجميع وتضامن واقتسم قوت اليوم من قطع البسكويت والعيش الحاف على الرغم من تضخيم الإعلام الذى لا زال منافقا ويدعمه المتحولين!!!! مع اختلاف الخطاب السياسى
قلتيها انتى فى موسم المتحولين
يلا
ربنا يسترها معانا
تسلمى يا نعمة على موضوعاتك الساخرة والجميلة
احترامى لكى وللجميع


تعرف يامستر جمال أنا حاسه إن الثورة فى بدايتها طلعت أجمل ماعند الشعب المصرى
لكن بكل أسف لوقتى بتخرج أسوأ مالدينا من بلطجة وفتونة وفهلوة
أما بقي بخصوص الائتلافات فحدث ولا حرج من كام يوم واقفة فى الشارع بشترى حاجة لقيت خناقة بين سواق ميكروباص وراكب
السواق بيقول للراكب انت ماتعرفنيش انا عضو ائتلاف 22 يناير آه البلد مش سايبة
يانها هو بقي فيه 22 يناير كمان هههههههههههه
ولا هو احنا مكتوب علينا نغمة انت ماتعرفش انا مين
شعب يموت فى المنظرة هههههههههه
نورتنى يامستر
دايما ردودك منورة القسم العام

[نعمه محمود]

أيتها الثورة
كم من جرائم ترتكب باسمك

ما هي دي ثقافة الضجيج يا نعمه
قطاع كبير اوي م الشعب المصري لا يهمه ثورات
و لا يهمه سياسة و لا احزاب و لا يهمه حتي يعرف المفهوم الحقيقي للحرية
و لا الحوارات السياسية الساخنة في برامج التوك شو و المصطلحات المكعبلة
كل اللي يهمه انه ياكل و يشرب
و يلاقي اخر النهار لقمة ياكلها مع عياله


برغم اني ضد اي حد يتمسح في الثورة و يتمحك فيها
الا ان الراجل الفكهاني اياه ده
انا عاذره

و اعذر اي حد بيقلب عيشه و بيدور علي قوت ولاده بالحلال
حتي لو غلط غلطات قانونية من بتاعة اشغال الطريق العام و الكلام ده

فالقانون الأصم ... مش المفروض يمشينا في كل الاحوال و يفرض سطوته
للقانون روح ..

انا شايف ان ارتكاب خطأ اشغال الطريق
أهون بكتير من جرائم السرقة و السطو المسلح و البلطجة

و كل ده متاح دلوقتي و بسهولة للفكهاني ده
فربنا يقدره علي انه يكسب لقمة عيشه بالحلال فعلا في الزمن ده

مسألة كشك الثورة و الكلام ده
فده استهبال طبعا
و كتير ركبوا الموجة بشكل مستفز و مفجع
بس الشعب المصري ذكي و الله و بيفهم و بيميز ده من ده

تسلم ايدك يا نعمه
وحشتنا اوي موضوعاتك
و بقينا بندور عليها زي ما بندور علي ابرة في كوم قش

بالله عليكي ما تحرمينا موضوعاتك في العام و في المنتدي كله


ثقافة الضجيج
مصطلح حلو أوى يعبر عن حالنا وواقعنا بكل تأكيد وطبعا كله كوم وحوارات التوك شو كوم تانى
الواحد بقى حاسس انه بيتفرج على خناقة على الهوا ويخلص البرنامج ماتلاقيش نفسك طلعت بجملة مفيدة
أما بخصوص الراجل الفكهانى فالمسأله مش اشغال طريق أبدا المشكله إنه فعلا أجبر الناس انها تنزل تمشي فى وسط العربيات
واستقطع جزء من الرصيف وجار على حق الناس اللى اضطروا يمشوا فى وسط خطر السيارات فى شارع رئيسي
وطبعا متفقة معاك تماما ان اشغال الطريق يهون أمام جرائم السرقة والبلطجة والاغتصاب التى ترتكب جهارا نهارا
بقولك أيه تشاركنى ونفتح مركز دروس خصوصية الثورة ونسميه الثورة سنتر هههههههههه
نورتنى ياشريف
ربنا مايحرمنا من وجودك

[جمال سراج]

انا عضو ائتلاف 22 يناير آه البلد مش سايبة

هههههههههههههههههههههه
موتينى مالضحك يا نعمة
ملكيش حل

[موناليزا]

استاذه نعمه ماشاءالله عبرتي عن اللي بيحصل بالظبط

ههههههه ربنا يبارك قلمك دايما

وكمان الله علي الردود والله مالاقيه اي شئ اضيفه

ممكن احكي لحضرتك موقف بسيط



قلت بصوا ياولاد انا هعمل تقويمين في اسبوع واحد علشان الحق لان المنهج كبير

والوقت صغير يانهار ابيض التلاميذ هاجت

لا ميس مش هينفع ازاي و عملوا هيصه

المهم بعد مناقشة المدرس الاول اتفقنا علي تقويم واحد

فقلت للتلاميذ افرحهم بقي

لقيتهم في نفس واحد
هييييييييييييييييه اذن تحقق مطالب الثوره

ضحكت وسكت

اصلها بقت كلمة السر علي راي اختي دعاء



تسلم ايديك استاذه نعمه

[نعمه محمود]

استاذه نعمه ماشاءالله عبرتي عن اللي بيحصل بالظبط

ههههههه ربنا يبارك قلمك دايما

وكمان الله علي الردود والله مالاقيه اي شئ اضيفه

ممكن احكي لحضرتك موقف بسيط



قلت بصوا ياولاد انا هعمل تقويمين في اسبوع واحد علشان الحق لان المنهج كبير

والوقت صغير يانهار ابيض التلاميذ هاجت

لا ميس مش هينفع ازاي و عملوا هيصه

المهم بعد مناقشة المدرس الاول اتفقنا علي تقويم واحد

فقلت للتلاميذ افرحهم بقي

لقيتهم في نفس واحد
هييييييييييييييييه اذن تحقق مطالب الثوره

ضحكت وسكت

اصلها بقت كلمة السر علي راي اختي دعاء



تسلم ايديك استاذه نعمه


ههههههههه شفتى اهو التلامي الصغيرين استفادو كمان من الثورة
تعرفى انا بقالى اكتر من اسبوع منزلتش الشارع
واضطريت انزل النهاردة والله ياموناليزا من كتر بلطجة السواقين انا كنت حاسة انى نسيت السواقة
تخيلى ركنت على اليمين وعاملة انتظار اتفاجىء ان سواقين الميكروباص قفلوا عليا الطريق
ولاعزاء للقانون

[mr.osama]

You can see links before reply
السيرفر مزدحم جداً
من فضلك اعد تحميل الصفحة بعد قليل


أولاً: أحييكي أ/ نعمه على الموضوع ..
ثانياً: هذا الموضوع
(أشغال معظم الحدائق وتحت الكباري وفي الممرات وفي الشوارع التي بها أقبال على الشراء تواجد عدد لا حصر له من الأكشاك والتروسيكلات والعربات الكارو وأي شيء عليه بضائع للبيع)
كان قد لفت نظري كما لفت أنظار الآخرين ..
فقمت بمناقشته مع أقاربي ..
وأعتقد بكلامك ده واتفاق الجميع أقول أنه يحدث في معظم محافظات مصر
بل يمكننا القول جميعها ..
وكانت وجهه نظري هي:
أن يعمل هؤلاء جميعاً في عمل شريف بدلاً من أن يتجهوا للسرقة والبلطجة ..
وقلت أنه على الدولة توفير الأماكن البديله لهؤلاء والتي تساعدهم على العمل يعني مش يبنوا لهم محلات في الصحراء مثلاً ويقولوا أدي أحنا وفرنا لكم المكان اشتغلوا .. لا .. يبحثوا عن أماكن عليها أقبال يعني فيها ناس ..
يعني دور الدولة هنا التنظيم الجيد وتسهيل وتوفير التراخيص اللازمة لهم ..

فين المجالس المحلية ومجالس المدينة والمحافظين و .... و .......؟

إذا ما كل واحد راعى ضميره وعمل لمصلحه وخدمه رعيته لكان لبلدنا شأن آخر ..

"كلكم راع وكل راع مسئول عن رعيته"

[heroman222]

هههههههههههههههه والله فعلا حاجه تضحك جداااا
هما الناس كده ما يصدقوا اى شئ ويلصقوا اسمه فى كل شئ
ولكن هذا لا يمنع ان الثورة حدث تاريخى والكل فخور به
وللعلم الثورة كانت 25 يناير وليست 22 يناير اعلم
انكم تعلمون ذلك ولكنى تعجبت وافتكرت ان تاريخ الثورة
اتغير ولا حاجه لكم كل الشكر

[نعمه محمود]

You can see links before reply
السيرفر مزدحم جداً
من فضلك اعد تحميل الصفحة بعد قليل


أولاً: أحييكي أ/ نعمه على الموضوع ..
ثانياً: هذا الموضوع
(أشغال معظم الحدائق وتحت الكباري وفي الممرات وفي الشوارع التي بها أقبال على الشراء تواجد عدد لا حصر له من الأكشاك والتروسيكلات والعربات الكارو وأي شيء عليه بضائع للبيع)
كان قد لفت نظري كما لفت أنظار الآخرين ..
فقمت بمناقشته مع أقاربي ..
وأعتقد بكلامك ده واتفاق الجميع أقول أنه يحدث في معظم محافظات مصر
بل يمكننا القول جميعها ..
وكانت وجهه نظري هي:
أن يعمل هؤلاء جميعاً في عمل شريف بدلاً من أن يتجهوا للسرقة والبلطجة ..
وقلت أنه على الدولة توفير الأماكن البديله لهؤلاء والتي تساعدهم على العمل يعني مش يبنوا لهم محلات في الصحراء مثلاً ويقولوا أدي أحنا وفرنا لكم المكان اشتغلوا .. لا .. يبحثوا عن أماكن عليها أقبال يعني فيها ناس ..
يعني دور الدولة هنا التنظيم الجيد وتسهيل وتوفير التراخيص اللازمة لهم ..

فين المجالس المحلية ومجالس المدينة والمحافظين و .... و .......؟

إذا ما كل واحد راعى ضميره وعمل لمصلحه وخدمه رعيته لكان لبلدنا شأن آخر ..

"كلكم راع وكل راع مسئول عن رعيته"

اتفق معك تماما مستر أسامة فى ضرورة ايجاد عمل لهؤلاء
ويكون عمل منطقى يعنى مش أقولهم روحوا ازرعوا الصحرا مثلا
لا هما عاوزين مثلا مشروع وليكن مجمع تجارى لصغار البائعين
ويكون فى مكان شعبي مثلا وبكده نحاول نقضى على مشكلتهم وان كنت اعلم ان بعضهم لن يرضي بهذا الحل ولن يترك الشارع
شكرا مستر أسامة على ردك نورت الموضوع



اما بخصوص السيرفر اللى على طول مشغول ان شاء الله يوم 1/7 نتخلص من الشخص اللى مش عاوز يغير السيرفر

[نعمه محمود]

هههههههههههههههه والله فعلا حاجه تضحك جداااا
هما الناس كده ما يصدقوا اى شئ ويلصقوا اسمه فى كل شئ
ولكن هذا لا يمنع ان الثورة حدث تاريخى والكل فخور به
وللعلم الثورة كانت 25 يناير وليست 22 يناير اعلم
انكم تعلمون ذلك ولكنى تعجبت وافتكرت ان تاريخ الثورة
اتغير ولا حاجه لكم كل الشكر

اكيد طبعا الثورة كانت يوم 25 يناير
بس ده واحد مش عارف اصلا الثورة كانت ايمتى وبيدعى انه عضو احد الائتلافات ماهى دى بدل انت ماتعرفش انا مين
دى بقت موضة قديمة من النظام البائد
الجديد هو انت ماتعرفش انا عضو فى ائتلاف ايه