(( معلش احنا بنتحاور )) الحلقة الثالثة ... مع نجم المنتدي

[شريف]

السلام عليكم

بدأت الحلقة الاولي مع حبيبنا باشمهندس هشام و الحلقة الثانية مع اختي العزيزة جدا نعمة محمود ... و ها أنذا أستشعر القلق ... لأني سأمارس دور المحاور أمام هامة عملاقة من هامات الأناقة الفكرية و الثقافية ... و الذي _ أعلن لكم بكل صدق _ أنني لن أستطيع مجاراة بلاغته و ثقافته و آرائه السديدة ... فضلا عن شياكته الحوارية العالية ... و لغته الجميلة ... و اتزانه و براعة أفكاره و جميل منطقه و حلو أسلوبه و عذب أنهار كلماته الرقراقة

معنا

نجم المنتدي الزاهر
و سراج المنتدي المنير

أستاذ جمال سراج
في حوار مفتوح
في مختلف جوانب الحياة

ملحوظة :
لم أعرض عليه الفكرة ليقبل أو يرفض
و آثرت أن تكون مفاجأة

و أسأل الله ألا يرفض طلبي
و يوافق علي حوار طويل
قد يمتد اسبوعا أو اكثر

[دعاء شديد]

احنا نخلى الموضوع بالانتخاب علشان تبقبى ديمقراطيه

وانا اول الموافقين والمؤيدين

وطبعا مستر جمال نزولا على رغبه الجماهير

هيواااااااااااااافق

كون موافق .. لنكون بخير
ههههههههههههههه

[موناليزا]

واو والله مااحلي اختيارك مستر شريف

اوافق وبالثلث واضم صوتي مع الموافقين

ننتظر مستر جمال

[شريف]

تسلم ايديكم ... دعاء و موناليزا

ربنا ما يحرمنا منكم ابدا

زهرتين في المنتدي

خليتوا العطر الفواح يملأ اركان المنتدي

بس الموضوع مش محتاج انتخاب و لا موافقة

استاذ جمال .... هيوافق يعني هيوافق

حق المنتدي عليه بقا

منتظرينه ينور الموضوع

[نعمه محمود]

اختيار موفق طبعا ياشريف ومعتقدش ان مستر جمال هيكسف جموع الشعب اللى عمال يقول الشعب يريد مستر جمال:27:

[شريف]

شكرا يا نعمة

و همتك معانا بقا

عايزين اسئلة جامدة

[دعاء شديد]

تسلم ايديكم ... دعاء و موناليزا

ربنا ما يحرمنا منكم ابدا
زهرتين في المنتدي
خليتوا العطر الفواح يملأ اركان المنتدي
بس الموضوع مش محتاج انتخاب و لا موافقة
استاذ جمال .... هيوافق يعني هيوافق
حق المنتدي عليه بقا
منتظرينه ينور الموضوع



طبعا يا شريف انا متأكده من كلامك
بس عايزين نوضح لمستر جمال

اد ايه احنا منتظرين حوار معاه
ويا ريت ميرفضش يعنى

[دعاء شديد]

جموع الشعب اللى عمال يقول الشعب يريد مستر جمال:27:


وبتقول كمان
هو هيقبل
احنا هنشارك

[موناليزا]

ان شاءالله لازم يقبل

يااما نعمل ثوره في ميدان التحرير

ههه

[المهندس هشام كمال الدين]

شكرا لأختيارك أ/ شريف
ومنتظرين أ/ جمال سراج
وهو موافق طبعا بإذن الله
ونحن بإنتظار الحوار والمشاركه.

[جمال سراج]

السلام عليكم ورحمة الله وبركاته




كلمات و معانى تداعت فى نفسى عند دخولى هذا الموضوع



حيث شرعت فى الرد فيه أو التحاور .


ولم أكن أعلم أنه سيكون التحاور معى



إستوقفتنى عبارات الإطراء الجميلة والرقيقة من صديق مهذب وخلوق




أكن له فى نفسى وقلبى كل احترام ومحبة فى الله



وبالتأكيد لا أستحق أبدا هذا الوصف الرقيق لشخصى




فأنا من البساطة والوضاعة ما يجعلنى أبعد كل البعد عن عبارات الإطراء الجميلة والصفات الرائعة




لولا تواضع هذا الشخص الرائع مستر شريف وكرمه وذوقه الفريد




وإذا كنت أحظى بالنجاح وبالثقة عند أحبابنا وأصدقائنا من رواد هذا المنتدى الكريم فإن الفضل لله عز وجل ثم لإستنادى عليكم جميعا




فأنتم لكم فضل كبير فى تهذيبى وتعليمى وإثراء ثقافتى



بل ومشاركتى همومى وأحزانى وتفاعلى مع الجمال



وإضافة حياة إلى حياتى بالقرب منكم والأنس إليكم




أحبابى وأصدقائى




ما أروع أن تحب وما أروع أن يكون حبك فوق الإدراك فيجبرك على الإشتياق لمن تحب فى كل لحظة




وإنى أشهد الله أنى أحبكم فى الله ولا أحمل لأحد منكم غلا أو حقدا



ولن يكون بإذن الله




وأشتاق للتواصل معكم فى كل حين



نختلف ونتفق ولا نبتعد



ولكن يكمل بعضنا بعضا لتنمو الفكرة وتصاغ العبارات




و فى الحديث الشريف



" من لا يشكر الناس لا يشكر الله "





و من حقكم جميعا وأنتم أصحاب فضل على شخصى المتواضع



أن أقدم لكم الشكر الجزيل




وأتمنى من الله أن أكون دائما عند حسن ظنكم جميعا




خالص الود




كونوا بخير ... لأكون




You can see links before reply

[جمال سراج]

الرائعة الغالية
دعاء شديد
التى دائما ما تضحى لأجل الجميع هنا بوقتها وراحتها
وأغدقت بعطائها الوافر أرجاء المنتدى

المخلصة الرائعة
نعمة محمود
التى تقوم بتوصيل أواصر الصداقة والمحبة بين الجميع ، صغيرا كان أم كبيرا

المثقفة المتواصلة دوما
موناليزا
التى أمطرتنا بباقة من الموضوعات السهلة والجميلة وتسعدنا بحواراتها وردودها

الفاضل المهذب
المهندس هشام كمال الدين
العملاق الفنان الذى يحمل قلبا كبيرا يكن للجميع كل محبة وتقدير

سطور الشكر والثناء لا تفى بحقكم ولا تفى روعتكم وفضلكم على من هو مثلى
فلكم منى خالص الشكر والتحية

وللجميع المحبة .. والسلام

You can see links before reply

[دعاء شديد]

يعنى نجهز الاسئله ؟؟؟؟؟؟؟؟؟؟؟
وتسير نورماندى على بركه الله

[جمال سراج]

أهلا وسهلا بحواركم
أستسمحكم فى أننى سأقوم بالرد على أى سؤال باللغة العامية السهلة على الجميع
يارب يكون الأسئلة سهلة
ولو احتجت مساعدة من حد عارف إنكم أهل الكرم ومش هتبخلوا عليا
ويارب يسهل حسابنا دنيا وآخرة ويحنن قلوبكم عليا قادر يا كريم
هههههههههههههههههه
فى انتظار أسئلتكم
وخفى يا دعاء انتى ونعمة وبردو شريف
انتوا عارفين ان انا غلاوى
أنا بس
هههههههههههه
مساكم الله بالخير

[نعمه محمود]

أهلا وسهلا بحواركم
أستسمحكم فى أننى سأقوم بالرد على أى سؤال باللغة العامية السهلة على الجميع
يارب يكون الأسئلة سهلة
ولو احتجت مساعدة من حد عارف إنكم أهل الكرم ومش هتبخلوا عليا
ويارب يسهل حسابنا دنيا وآخرة ويحنن قلوبكم عليا قادر يا كريم
هههههههههههههههههه
فى انتظار أسئلتكم
وخفى يا دعاء انتى ونعمة وبردو شريف
انتوا عارفين ان انا غلاوى
أنا بس
هههههههههههه
مساكم الله بالخير

لا معلش غلاوى على مين
مش على ريا وسكينة وعب العال
منورنا بجد

[حبيبه المصريه]

مرور للترحيب بمستر جمال

You can see links before reply
دمتم جميعا بكل خير

[ياسر الدقاق]

السلام عليك ورحمة الله وبركاته
بصراحة أستاذ شريف إختيار ولا أروع
بأن يكون هذا الحوار المطول مع مستر جمال
الذي لا يُمل حديثه وإن طال
أهلاً بك مستر جمال
وعندي سؤال صغير جداً
بداية يعني

نريد أن نعرف أكثر مستر جمال ؟

[جمال سراج]

يعنى نجهز الاسئله ؟؟؟؟؟؟؟؟؟؟؟
وتسير نورماندى على بركه الله
ماشى يا دعاء

بس بلاش نورماندى دى الله يخليكى
أنا متعقد منها
ههههههههههههههه

[عزة المصرى78]

شكرا لك أ / شريف على حسن اختيارك أ / جمال سراج

وشكر وتقدير أ / جمال سراج على تلبيةالدعوة وموافقته على اجراء الحوار

وكلنا يقين فى إنه سوف يكون حوار جميل ورائع وهادف يحمل الكثير من المعانى والأفكار ممن يقومون عليه وفقكم الله وأعانكم

[جمال سراج]

مرور للترحيب بمستر جمال

You can see links before reply
دمتم جميعا بكل خير




ربنا يبارك فى حضرتك أستاذة حبيبة
أسعد دوما عندما أشاهد مشاركة لحضرتك ليقينى أنها ستكون مجدية ونافعة وأيضا صالحة
خالص ودى

[شريف]

أهلا بالجميع ... لا حرمنا الله الاستئناس بإطلالاتكم

1

نصحنا شكسبير أن نتكلم هامسين حينما نتحدث عن الحب !
و عملاً بنصيحته الغالية ... أهمس فى أذنك جمال بك سراج
و أقول : الحب جحيم يطاق ... و الحياة بدونه نعيم لا يطاق .

مقولة لا يؤمن بها الكثير ... أخص بذلك من انقضت السنون من أعمارهم تحت وطأة الزواج ... حيث يكفرون بكل عبارات الحب حتي قبل أن يستمعوا إليها ! ربما ... هم كذلك ... نتيجة لسطوة
الماديات و أرق الأفكار الواقعية في العقول ... التي تقضي علي كل ما تبقي من همسات الحب في قلب نازف طعنته الأيام !!

أما أنت
و أحب أن أستثنيك
فعفوا ... أراك مختلفاً

هل تستشعر قوة العبارة هذي
أم مثل الباقين ... تحسها مراهقة قلبية زائفة ؟؟؟!!

[جمال سراج]

السلام عليك ورحمة الله وبركاته

بصراحة أستاذ شريف إختيار ولا أروع
بأن يكون هذا الحوار المطول مع مستر جمال
الذي لا يُمل حديثه وإن طال
أهلاً بك مستر جمال
وعندي سؤال صغير جداً
بداية يعني


نريد أن نعرف أكثر مستر جمال ؟




أهلا بالرجل الذى يعمل بكل تفانى واخلاص فى صمت


ويجامل الجميع ويأسرهم بذوقه ورقيه


الأستاذ / ياسر الدقاق





أما عنى يا سيدى وأتمنى ألا يكون كلامى مكررا فلربما ذكرته فى حوارات أخرى فى بعض الموضوعات


جمال سراج


من مواليد الغربية - سمنود فى 28/7/1967


معلم ومشرف الرياضيات بمدارس اللغات بالغربية وعضو المكتب الفنى للرياضيات والجمعيات الخاصة بالتدريس والتقويم


وأيضا أقوم بالتدريب الأكاديمى والتكنولوجى وفى Intel


لدى دراسات فى التكنولوجى والانجليزية بجانب الرياضيات وحظيت ببعثات إلى الخارج وزرت عدة دول أخرى أجنبية وعربية - عملت بالسعودية لفترة وجيزة


معلم رياضيات بحب مادتى جدا وأرفض العمل الإدارى ولا أميل له مطلقا وإن كنت أجيد إدارة الوقت والعمل داخل الفصل وفى قاعات التدريب بكفاءة بحمد الله


هذا مهنيا


اجتماعيا متزوج ولدى ثلاث أولاد عبد الرحمن ، محمد ، مصطفى .. أعمارهم 13 - 11 - 6 سنوات على الترتيب وزوجتى سيدة عاملة


شخص بسيط - عادى جدا - لا أميل للبهرجة أو المنظرة أو التعالى على الناس


دائما أشحذ حب الناس وأتمنى رضاهم عنى بعد رضا المليك


كغالبية الناس أقوم بتأدية فرائض الله ما أمكننى دون مغالاة وكانت أولى نشأتى كغالبية أقرانى فى كتاب من كتاتيب مدينتنا الصغيرة والتى كانت نواة لحفظى كتاب الله واستمريت فى المحافظة على ذلك حتى بعد تخرجى فى الجامعة وعملى





أميل إلى الهدوء ولكننى عند غضبى للحق أكون عصبيا جدا ويزيد انفعالى


أحب القراءة جدا ومن الرياضات التى أهواها رياضة العدو وأيضا السباحة وأشاهد مباريات المنتخب دون تعصب


أحب الصدق وأكره النفاق


نشأت علاقتى بالتكنولوجى عندما عملت بالسعودية ولاحظت امكانات الحاسب الرهيبة مع قصورها فى ذلك الوقت سنة 95 ثم درست الرخصة الدولية وحصلت عليها عندما كانت لها سمعة طيبة وعلمت نفسى بنفسى كثيرا ولا أزال


وأحترم الحكمة التى تقول : الحاجة أم الإختراع


ثم بدأت علاقتى بالانترنت عموما ثم المنتديات التعليمية والخاصة بالرياضيات سواء عربية أو أجنبية


حصلت على جوائز فى مسابقات ثقافية وتدريبية على مستوى الدولة وصرت عضوا بمعسكرات الشباب ولى عدة أبحاث ثقافية غير منشورة


متواضع فى طعامى جدا وقانع بحياتى وأحب السمك المشوى جدا مع السلطة والأرز الأبيض


أعتقد أننى قد أجبت على سؤال حضرتك


وكل الأسئلة اللى جاية وراه


ههههههههههههههه


شكرا لك مستر ياسر واتشرفت بك والله


احترامى لحضرتك وللجميع

[جمال سراج]

شكرا لك أ / شريف على حسن اختيارك أ / جمال سراج

وشكر وتقدير أ / جمال سراج على تلبيةالدعوة وموافقته على اجراء الحوار

وكلنا يقين فى إنه سوف يكون حوار جميل ورائع وهادف يحمل الكثير من المعانى والأفكار ممن يقومون عليه وفقكم الله وأعانكم

شكرا لحضرتك أستاذة عزة
أكيد هيكون حوار جميل بوجودك وتشريفك بما نعلمه عنكى من لباقة ورقة وإخلاص
ربنا يجيب العواقب سليمة يارب
هههههههههههه
تسلمى حضرتك

[جمال سراج]

أهلا بالجميع ... لا حرمنا الله الاستئناس بإطلالاتكم



1

نصحنا شكسبير أن نتكلم هامسين حينما نتحدث عن الحب !
و عملاً بنصيحته الغالية ... أهمس فى أذنك جمال بك سراج
و أقول : الحب جحيم يطاق ... و الحياة بدونه نعيم لا يطاق .

مقولة لا يؤمن بها الكثير ... أخص بذلك من انقضت السنون من أعمارهم تحت وطأة الزواج ... حيث يكفرون بكل عبارات الحب حتي قبل أن يستمعوا إليها ! ربما ... هم كذلك ... نتيجة لسطوة
الماديات و أرق الأفكار الواقعية في العقول ... التي تقضي علي كل ما تبقي من همسات الحب في قلب نازف طعنته الأيام !!

أما أنت
و أحب أن أستثنيك
فعفوا ... أراك مختلفاً

هل تستشعر قوة العبارة هذي
أم مثل الباقين ... تحسها مراهقة قلبية زائفة ؟؟؟!!


بل إنى أحترم تلك العبارة وأقدرها

تعلم سيدى أنه ...


ما كل من غاص البحر جاب درّة ... ولا كل خيال يعرف المتاهات



الحب بحر عميق ليس لعمقه قرار



يشعرك بلذة الحياة ، وبأنك تملك الشىء الجميل من الدنيا


يهذب الروح ويفلتر الإحساس مراعاة للحال والمقام



مقام ما تحب و من تحب وتهوى



الحب يزهر عندما تستنبت حب الله فى نفسك وروحك


وقتها تمضى قدما نحو أهدافك بكل ثقة واقتدار



ليس للحب مكان ليبدأ أو زمن لينتهى ولكنه صالح عبر كل الأماكن والأوقات



وعندما تكون صادقا فى الحب وتصدق فى مشاعرك تجاه من تحب


لا ترى فيمن تحب سوى الجمال


ولا تسمع منه سوى همس ندى


ولا تشعر تجاهه إلا بروح مفعمة بالسكينة



فهو يعطيك نشوة البقاء لأجل الحبيب ولذة الأحاسيس


وبقدر ما يمتلأ قلبك حبا بقدر ما يمتلأ شوقا واحتراما وإجلالا لمن تحب



الحب شرف وعفة وتفانى ولذا فهو يشعرك بالمعاناة من أجل حرصك على من تحب



ومن روعة الحب أنه يدوم عندما يكون عفيفا شريفا بعيدا عن عوالق الظنون



ولذا فكثيرا ما تدارى حبك وتخفى مشاعرك ولا يردع إحساسك سوى الدموع حرصا على من تحب



ولكـــــــــــــن



يجب ان يكون الحب
بعد محبة الله عز وجل والذى لا يضاهيه حب


فهو الذى وهبنا المشاعر والأحاسيس



وهو الذى منحنا من نحب


فعندما تحب الله حقا

فاعلم يقينا أنك ستحب كل من حولك !

أتمنى أن أكون وافقتك سيدى

وأن يكون لسطورى المتواضعة صدى جميل عندك

وعذرا لتواضعها

فلقد سطرتها بلسان الإمكان لا بقلم التبيان

خالص ودى

You can see links before reply

[شريف]

ردك الرائع لم يترك لي مجالا لنزع الاسئلة القادمة
من بين الاجابات بعد تصيد الكلمات من بين السطور !
أسأل الله أن يملأ حياتك حبا

2

يقولون أن الطفل الثائر ... يهدأ في مراهقته و شبابه
و الطفل الهادئ يثور فيما بعد في مراحل أخري

بغض الطرف عن صحة تلك المقولة أو خطئها

نري اليوم أطفالا ... يتعاملون مع التكنولوجيا الحديثة
كمحترفين ... بأطراف أصابعهم يتخطون سرعة الصوت

في حين نري شيخا كبيرا لا يكاد يفقه من ذلك قولا
و لا يجيد التعامل مع كل ما هو حديث من تكونولوجيا

و حيث أنه كانت تخلو طفولتنا من كل هذه الضجة التكنولوجية
فلا تبخل علينا بالاسهاب في الحديث عن طفولتك

كيف كانت ؟ و ما هي أجمل ذكرياتك؟
و ما هي طقوسك؟
و ما هي أجمل المواقف التي مررت بها في هذه المرحلة؟
و هل كنت شقيا ام هادئا

و كيف كنت تقضي معظم وقتك

عذرا ... أنا لا أجيد هذه النوعية من الاسئلة المباشرة و لا أحبذها

و لكني أردت أن أستقي من إجابتك

ما سيجعل للأسئلة القادمة طعما و لونا و رائحة زكية

[جمال سراج]

نري اليوم أطفالا ... يتعاملون مع التكنولوجيا الحديثة
كمحترفين ... بأطراف أصابعهم يتخطون سرعة الصوت


فلا تبخل علينا بالاسهاب في الحديث عن طفولتك


كيف كانت ؟ و ما هي أجمل ذكرياتك؟
و ما هي طقوسك؟
و ما هي أجمل المواقف التي مررت بها في هذه المرحلة؟
و هل كنت شقيا ام هادئا


و كيف كنت تقضي معظم وقتك


عذرا ... أنا لا أجيد هذه النوعية من الاسئلة المباشرة و لا أحبذها


و لكني أردت أن أستقي من إجابتك


ما سيجعل للأسئلة القادمة طعما و لونا و رائحة زكية


[/COLOR][/SIZE]
[/QUOTE]
اسمح لى بداية أن أبدى حقيقة وهى أننى لست ذات قيمة أو مثاليا أو قدوة يحتذى بها أو مهم يعنى أو غريب عن كل الناس فأنا أبدو أقل من العادى وردى هنا ما هو إلا نوعا من الدردشة أو التواصل مع أصدقائنا عبر المنتدى ...
أرد الوقتى
زى ما بيقولوا ( كل وقت وله أدان ) [/CENTER]



يعنى لا ألوم ابنى مثلا على مطالبه الزائدة من الأطعمة والملابس ووسائل الترفيه المشروعة أو التعامل مع التكنولوجى لأنها مكنتش موجودة فى طفولتى والموجود كان غاية البساطة ومكنش حد بيبص لحد أبدا زى الوقتى



كانت طفولتى كغالية أقرانى طفولة هادئة



مش بمزاجى والله



ههههههههه



يعنى الحياة كلها كانت بسيطة – مكنش تقدم تكنولوجى زى الوقتى – ولا حتى دخل الأسرة المادة زى الوقتى – كان هناك فقر عام – وكانت طبقة الأغنياء منعزلة عن الناس حتى من الجيران لذا مكنش هناك تمرد من حد – أكل زهيد تعود الجميع عليه دون أنفة أو طلبا للتغيير – كان الجميع يحترم نظرية ( كل يوم خس وجزر)



مكنش فيه لا طبق اليوم فى التليفزيون ولا فيه الطفرة الرهيبة حتى فى وسائل اغراء الأطفال من الأطعمة والحلويات والمسليات



حتى بتوع التليفزيون فى الأفلام كانوا بيكلوا زينا إلا الطبقة الأرسطوقراطية اللى كانت الناس اصلا لا تلقى لها بالا باعتبارهم فوق البشر كما هم فى كل حين حتى الوقتى!!!!!!!!!



فهم فوق البشر وفوق القانون وفوق كل حاجة!!!!!!!!!!!!!!



هههههههههههه ( رأيى مش أكتر)



الالعاب كانت بسيطة ووقتية يعنى فى الشتا مثلا البلى وفى الصيف العجلة ( الدراجة) مع الاستغماية والألهاب اللى اسمها غريب يعرفها الكبار



مكنش فيه نوادى ولا حدائق عامة ولا كدا لأنه مكناش محتاجين فالأماكن الفضاء كثيرة نلعب فى أى مكان والزراعات كثيرة وكثيرا ما كنا نذاكر حولها ونتجول أثناء مذاكتنا – والدوم كان موجود بديل الكورة نلعبه بدلا منها فى المدرسة قبل وبعد الجرس



ههههههههههههه



التليفزيون مكنش متوفر كتير وكان بيشتغل 6 او 7 ساعات بس عشان كدا كنا ننتبه الى دراستنا



وكنا حريصين على التميز فى الدراسة ولو نقصنا درجتين تلاتة نتجنن ومكنش فيه لا دروس خصوصية ولا كلام من دا



وكان هناك اهتمام بحفظ القرآن – دا كان أساسى فى الكتاتيب بالاضافة الى حضور الدروس الدينية بالمساجد



انتقلت فى طفولتى إلى أكثر من مدينة مثل المنصورة والاسكندرية ومرسى مطروح بجانب مدينتنا الصغيرة واكتسبت ثقافات الألعاب فى كل منها



ههههههههههه



حتى لكنة اللسان بتاع البلاد دى



مكنتش شقى وكنت هادى فى الغالب ولو شقاوة مكنتش دايمة أو ملحوظة ولكنها وقتية يعنى كنت ممكن مع شلة اصحاب نزوغ بعد المدرسة بس مش كتير او بطريقة لا تلاحظ



مرة زوغت من المدرسة مع 3 اصحاب ورحت السيما فى المحلة ودخلت فيلم لبروسلى ومعاه فيلم عربى ويمكن مكنش معايا غير ثمن التذكرة ( 3 قروش) شوف بقا انتا رحت المحلة اللى بتبعد 7 كيلو عن بلدنا ازاى!!!!!!!!



مسطح عالقطر طبعا



ههههههههههه



المهم كلت بعدها علقة موت وقلبوا عليا الدنيا لانى مقلتش حتى أنا فين



وموقف غريب بردو حصلى لما أخدت أرنب من العشة بتاعنا من ورا أمى وخبيته فى الشنطة بتاع المدرسة ورحت بعته لعيل صاحبى ب ( قرشين) وجات أم العيل دا سألت على بيتنا ورجعت لأمى الأرنب



كلت يومها علقة لتانى يوم



هههههههههههه



فى حاجات كتير زى كدا بس كنا بنعملها بالفطرة دون قصد أو أسباب أو من اللى كنا بنشوفه من أفلام أحمد مظهر واسماعيل يس ورشدى أباظة وزينات صدقى وغيرهم




كنت أحب القراءة جدا وكنت أقرا الجنرال ( الأهرام دا أساس) من سنة ستة ابتدائى وبعد الكتب الدينية والمجلات الشهرية مصرية وعربية والقصص والروايات ثم كتب الأدب والتراث وغالبية فروع الثقافة فى مراحل لاحقة



القراءة كانت تقريبا أهم مصدر للثقافة وأعتقد أنها إلى الآن هى المصدر الرئيس لها



ربما كانت بديلا عن الوسائل الحديثة مثل الكمبيوتر والنت والفضائيات وغيرها



لكنها ما زالت وإلى ما شاء الله هى منبع المعرفة ولا يمكن أن تغنى عن أى مصدر حديث بأى حال من الأحوال



عشت مراهقة زى كل الشباب دون انحراف ويمكن التربية اللى تربينا عليها والتدين الفطرى كانت سبب فى عدم الإنحراف يعنى مثلا علاقتى مع البنات جيران او زملا فى الدراسة كانت لا تتعدى حدود اللياقة - اعجاب بادب وربما كتم للمشاعر والأحاسيس لأنه كان فيه تقارب أكتر بين الناس وكنا نعتبر البلد كلها أسرة واحدة والكل حريص على الناس كلها



وطبعا كنت مع غيرى ندرك إنه كتير قوى حبوا بنات مثلا ولم يصرن أزواجا لهم إلا قليلا!



وأنه لابد أن تتدخل عوامل أخرى فى بناء أسرة جديدة عن طريق الزواج منها الامكانات المادية وكذا طبيعة الاختلاف بين الولد والبنت فغالبا تتزوج البنت فى سن مبكر عن الولد حتى ولو كان الفارق صغيرا 4 او 5 سنوات فدا مدة مهمة وقد تكون فارقة فى زيادة الامكانات المادية للشاب مثلا



وكانت البنات تدرك هذا أيضا



ومع هذا كل كان يحب باعتبار أنها مرحلة وهتعدى



المهم تعدى بخير ودون انحراف



ومعايا عدت بخير الحمد لله وبالتأكيد مكنتش ولى يعنى أو منغلق ولا أحبز الإنغلاق أبدا لكنى أحبز تعقل الأمور الواقعية فى التعامل مع مجريات الأمور



كفاية كدا عشان الرقابة



ههههههههههههههههههه




الوقتى أرد على سؤالك حول التكنولوجيا وأن غالبية مستخدميها من الأطفال وأن الكبار لا يلقون لها بالا



وأقول إن الإرادة والحاجة هى المحفز الأساسى لاستخدام الشىء وأذكر أننى عندما عملت بالسعوددية وجدت وكلاء مصريين كانوا يقتربون من ال ستين عاما بالمدارس يتقنون استخدام الحاسب الآلى بينما كنت فى اوائل الثلاثينيات ولا أجيده مما دفعنى إلى تعلمه واتقانه بعد ذلك رغم أن ذلك كان مكلفا فى ذاك الوقت



وبرأيى أن كثيرين من رجال الأعمال وأصحاب المهن مع كبر سنهم يجديدون الحاسب ويستخدمونه فى أعمالهم من أطباء ومحامين ومهندسين وغيرهم



فالحاجة أم الإختراع



بينما يعد استخدام التكنولوجى فطريا عند الأطفال نظرا لأنها أصبحت وسيلة طبيعية وحاجة من الحاجات الأساسية مثل الطعام والشراب ولا تبدو غريبة مثلما كانت تبدو عند الكبار .




يارب أكون جاوبت كويس



ممكن بس أعرف العداد هيعد لحد كام



دا ( 2) بس مش نورماندى



ههههههههههه



باقى كام سؤال



حد يعرفلى مالكنترول



ههههههههههههههههههه



أنا سعيد وشكرا يا مستر وفى انتظار القادم وربنا يستر



ودى لك مستر شريف



وللجميع

[نعمه محمود]

أنا دخلت أبدى اعجابي باجابات مستر جمال التى يغلفها صدق العاطفة وطرافة الأسلوب حقيقى اجابات رائعه باسلوب رائع
وكله كوم والأرنب أبو قرشين ده كوم تانى ههههههههههه

[شريف]

و الله يا استاذ جمال
طريقة سردك زي العسل
استمتعت جدا بقراءة ردك
و خفة الدم و البساطة و الصدق

بس في شكوي صغيرة من معظم القراء

كبر الخط الله يكرمك

انا عيني باظت

هههههههههههههههههههههههه

كبر الخط ... ان شاالله تاخد الصفحة كلها

هيا بتاعتك

ههههههههههههههههههههه

و علي فكرة العداد لسه هيعد كتير
أهم حاجة انت ماتزهقش مننا

استعد للسؤال القادم

[شريف]

3

السؤال التالت ده ... هناخد فيه وقت شوية

هنعيش شوية مع بعض الامثال الشعبية

هقول لحضرتك المثل الشعبي

هتدخل تعلن موافقتك أو رفضك له

اقتناعك بالمثل أو عدم اقتناعك

مع ذكر سبب اقتناعك او عدم اقتناعك

و تدينا من تجاربك و خبرتك

مع التوضيح بالرسم :o

هههههههههههههههههههههههههه

A
آكُلْ فول ... و اخرج قفايا عرض و طول
و لا آكل كباب .. ووقفة الدَّيَانَة ورا الباب !

[جمال سراج]

أنا دخلت أبدى اعجابي باجابات مستر جمال التى يغلفها صدق العاطفة وطرافة الأسلوب حقيقى اجابات رائعه باسلوب رائع
وكله كوم والأرنب أبو قرشين ده كوم تانى ههههههههههه



ههههههههههههههههههه
إوعى تكونى فكرتى إنها عدت كدا على الواد اللى بعتله الأرنب وأمه رجعته
دا أنا مسكته كلته علقة بعدها وشرحته أنا وأصحابى ولو كانت أمه تعرف اللى هيجراله كانت خلتنى بعتله الأرانب اللى فى العشة كلها
هههههههههههههههههههههههههههههه
منورة يا نعمة
أنا حكيت الطرفة دى عشان أوضح سلوكيات الناس زمان وحرصهم على الحلال
شوفى الست رجعت الأرنب رغم إن أن بايعه
هههههههههههههه
بس بايعه بكام؟!!!!!!!!!!!!!!!!
وهل بموافقة امى ولا لا
طبعا لا ... دى كانت سرقة
ههههههههههههههه
تحرت الحلال فى داخلها وعارفة ان احنا عيال
الوقتى لو عيل لقا حاجة وروح بيتهم كتير بيتبسط ويمكن أمه تقوله متقلش لحد
ههههههههههههههه
مش بس الولاد
دا احنا الوقتى لو فرخة ولا بطة طارت من السطح فى الشارع او عند الجيران بيقفلوا عليها ويستحلوها
أقسم بالله إنه زوجتى كتير بتلاحظ لبس ولادى على الولاد جيرانا - طبعا بيكون واقع مالبلوكة أو من الغسيل - لحد السجادة كمان
معرفش سلوكيات الناس راحت فين
وفيه ناس معدتش بتفرق بين الحلال والحرام
ربنا يهدينا جميعا ويصرفنا عن الحرام

[دعاء شديد]

ههههههههههههههههههههههههههههه
بجد الاجابات مفاجأه
ودمها خفبف

وبما ان شريف طالب تعليق على الامثال
فهروح اجيب شويه كده واجى طوالى

منورين والله كلكوا

[دعاء شديد]

معرفش سلوكيات الناس راحت فين


تعليق رفيع جدا

سلوكيات الناس
راحت مع الي راحوا فى 67 ومرجعتش
هههههههههههههههههه

[جمال سراج]

3

السؤال التالت ده ... هناخد فيه وقت شوية

هنعيش شوية مع بعض الامثال الشعبية

هقول لحضرتك المثل الشعبي

هتدخل تعلن موافقتك أو رفضك له

اقتناعك بالمثل أو عدم اقتناعك

مع ذكر سبب اقتناعك او عدم اقتناعك

و تدينا من تجاربك و خبرتك

مع التوضيح بالرسم :o

هههههههههههههههههههههههههه

A
آكُلْ فول ... و اخرج قفايا عرض و طول
و لا آكل كباب .. ووقفة الدَّيَانَة ورا الباب !





بداية قبل تعليقى على هذا المثل أود أن أنوه





الأمثال الشعبية تعمق القيم الاجتماعية والاقتصادية وترسخ المعايير الأخلاقية للناس على اختلاف ميولهم واتجاهاتهم وسلوكياتهم وهى نتاج طبيعى للتفاعل مع الحياة واكتساب خبراتها وهى تعكس أحزان الناس وآلامهم ولواعج أنفسهم على ضوء المآسي والمفارقات التي يمرون بها عبر حياتهم فى مراحلها المختلفة .


لكنى أعتقد أنها ليست جميعها مثالية أو صالحة





فمثلا هناك أمثال تتعارض مع الدين ولا يمكن القبول بها





زى المثل اللى بيقول





( كتر السلام يقل المعرفة) ...





هذا المثل يخالف قول المصطفى


صلى الله عليه وسلم : ".... ألا أدلكم على شىء إذا فعلتموه تحاببتم ، أفشوا السلام بينكم "





وهناك أمثلة زرعها الإستعمار فيها وكانت نابعة من الجبن والرعب الذى عاش الشعب فيه وما يزال!!!!!!!!!!!!





زى المثل اللى بيقول





" ودن من طين وودن من عجين"





وأيضا





" يا عين لا شفتى ولا رأيتى ...."





وهكذا








الوقتى أعلق على المثل الجميل اللى عرضته





آكُلْ فول ... و اخرج قفايا عرض و طول
و لا آكل كباب .. ووقفة الدَّيَانَة ورا الباب !





طبعا آكل فول ونص وأقل من كدا ومستلفش - الدين كرب طبعا للمحتاج بصحيح





وبصراحة أرى أشخاصا تستدين من أجل تفاهات مثل الكماليات كشراء مكيف أو سيارة وخلافه فى حين ان ذلك ليس مهما لكثيرين ( مثلى )





كما أتمنى أن يكون هناك تكافل بين الناس وأن يقرض الغنى ذو الحاجة من الأصدقاء والجيران والزملاء ونحو ذلك ...





ففى الحديث " من أقرض أخاه مرة فكأنما تصدق مرة ومن أقرض أخاه مرتين فكأنما تصدق بكل ماله "





كذلك يجب أن يكتب الدين إذا رغب المقرض فى ذلك





وأن يعيد المقترض المال إلى أصحابه فى موعده وفقا لكلام ربنا





" يا أيها الذين آمنوا إذا تداينتم بدين إلى أجل مسمى فاكتبوه ...."





إلى غير ذلك مما دعت إليه آية التداين ( أطول آية فى القرآن الكريم)





تقديرى واحترامى لك مستر شريف





وأيضا ودى للجميع

[جمال سراج]

ههههههههههههههههههههههههههههه
بجد الاجابات مفاجأه
ودمها خفبف

وبما ان شريف طالب تعليق على الامثال
فهروح اجيب شويه كده واجى طوالى

منورين والله كلكوا
تنورى يا دعاء
يا خوفى من الناس بتاع الفوووول كلووووور دول
اللى أعرفه فول بالزيت ... فول وطعمية
يلا
ربنا يستر

[دعاء شديد]

استكمالا لاسئلة الامثال

B
اكفى الطاجن على اخوه ... يطلع الواد لابوه

فعلا فى حد من ولادك ينطبق عليه المثل ده ؟؟؟
ولا كل واحد واخد صفه او طبع معين ؟؟؟
ولا هم ولاد زمنهم بطباع العصر والاوان الي احنا فيه ؟؟؟؟؟

[حبيبه المصريه]

أقسم بالله إنه زوجتى كتير بتلاحظ لبس ولادى على الولاد جيرانا - طبعا بيكون واقع مالبلوكة أو من الغسيل - لحد السجادة كمان
معرفش سلوكيات الناس راحت فين
وفيه ناس معدتش بتفرق بين الحلال والحرام
ربنا يهدينا جميعا ويصرفنا عن الحرام




ده على أساس إن رزقهم بقى
ونازل من الناس اللى فووووق
رزقهم بقى ونازل من السما
طبعا لسان حالهم يقول
والله بقى ما إحنا مرجاعينه
زمانهم بيدعووووو ربنا يزيد ويبارك
وينزل كمان وكمان
وكمان السجاده
طيب ما يخدوا كمان الستاير والنجف
حتى يعملو لوك جديد لشقتهم
بجد ربنا يكون فى عونكم
الحمد لله الجيران عندنا
مش كده خالص
والا كنا هاجرنا
الموضوع جميل بجد
مرور لتسجيل إعجاب
بأسئلة المشاركين والاجابات
دمتم أستاذنا بوافر الصحة والعافيه
وبارك الله بأهلك وأولادك
وأنبتهم نباتا حسنا
وأقر عينك بصلاحهم وفلاحهم

[جمال سراج]

استكمالا لاسئلة الامثال

B
اكفى الطاجن على اخوه ... يطلع الواد لابوه

فعلا فى حد من ولادك ينطبق عليه المثل ده ؟؟؟
ولا كل واحد واخد صفه او طبع معين ؟؟؟
ولا هم ولاد زمنهم بطباع العصر والاوان الي احنا فيه ؟؟؟؟؟




ولادى واخدين الصفات الوحشة منى بس - إنما الحلوة لا
ههههههههههههههههه
يعنى النرفزة كتير - التوتر لدرجة الوسوسة - كدا
وفيه حاجات وحشة وحلوة زى تبويظ الأجهزة ومحاولة تصليحها
إنما أحترم فيهم حاجات حلوة وهى الإهتمام بشياكتهم وطريقة لبسهم
ابنى الصغير لازم يلمع الجزمة قبل ما يروح المدرسة ودائم الاعتراض على أمه فى محاولة لتوفيق البنطلون مع التى شرت أو القميص
لكن بفضل الله ملتزمين بآداء الصلاه ولا يكذبون
وأتمنى من الله لهم الهداية ولكل أبناء المسلمين

[جمال سراج]

دمتم أستاذنا بوافر الصحة والعافيه
وبارك الله بأهلك وأولادك
وأنبتهم نباتا حسنا
وأقر عينك بصلاحهم وفلاحهم[/CENTER]



[/QUOTE]

شكرا أستاذة حبيبة و هنيالك جيرانك
ههههههههههههههههه
معلشى بقا كل واحد وجيرانه
هههههههههههههههههه
لا بس بيعملوا الحركات دى بطريقة عفوية مش مقصودة
هههههههههههههه
انتى عارفة ان البلد الوقتى البلطجة شغالة على ودنه ومفيش كبير لحد
ههههههههههههه
ربنا يستر علينا
شرفتى ونورتى

[Nm100]

موضوع غاية في الروعة
لشخصيات أروع بكثير
أعتبرنفسي محظوظة لوجودي في هذا المنتدى
الذي أستفيد كل يوم بمعرفتي لشخصيات محترمة ومهذبة مثلكم
أستاذ جمال ربنا يجازيك كل خير

[شريف]

اهلا و سهلا بكل الاحباب اللي بينورونا بمشاركاتهم في الموضوع

ربنا ما يحرمنا منكم

[شريف]

الاستاذ جمال

قابل يا ريس ههههههههههههههههه You can see links before reply

هل بتؤمن بطبايع أهل البلاد المشهورة عنهم ؟

يعني مثلا لؤم المنايفة و كرم الشراقوة و جرأة الاسكندرانية

و المخ المقفل بتاع الصعايدة You can see links before reply

(( زي ما بيقولوا يعني أنا ماليش دعوة )) You can see links before reply

حتي في مثل بيقول :

c


إذا غضب الله على قوم أسكنهم بنها و شبين الكوم You can see links before reply



!

[جمال سراج]

الاستاذ جمال

قابل يا ريس ههههههههههههههههه You can see links before reply

هل بتؤمن بطبايع أهل البلاد المشهورة عنهم ؟

يعني مثلا لؤم المنايفة و كرم الشراقوة و جرأة الاسكندرانية

و المخ المقفل بتاع الصعايدة You can see links before reply

(( زي ما بيقولوا يعني أنا ماليش دعوة )) You can see links before reply

حتي في مثل بيقول :

c


إذا غضب الله على قوم أسكنهم بنها و شبين الكوم You can see links before reply



!




هههههههههههههه
وأنا من سمنود
وعندنا مثل بيقول : عاشر يهودى ولا تعاشر سمنودى!!!!!!!!!
يعنى خد بالك منى
ههههههههههههههههههه


بالتأكيد لا أؤمن بمثل هذه الأمثال سواء كانت ناقدة أو مادحة لشعوب بلاد بعينها من بلاد مصر
فى كل مكان الحلو والوحش
ومهم جدا نعرف أصل المثل جه منين والمثل يأتى نتيجة خبرة حياتية ليست بالضرورة أن تكون جماعية حتى يصير تعميما
مثال : عندنا فى الغربية مثل على أهالى زفتى وميت غمر بيقول:
ما أزفت من زفتى إلا ميت غمر
حاولت أشوف أصل البلد لقيته جه من أنه الإنجليز عند وجودهم بالمدينة ( زفتى) أيام الاحتلال وجدوا من أهلها ممانعة شديدة فرحلوا إلى ميت غمر على الجانب الآخر من النيل فوجودا ممانعة أشد فتحدث الناس بهذا المثل على لسانهم
للأسف مثلا إذا حدث موقف سىء من شخص من زفتى او ميت غمر تلاقى الناس تضرب المثل ده وهى مش عارفة حاجة!!!!!!!
وهكذا
عبر أيام حياتى تعاملت مع أشخاص من كل محافظات مصر قبلى وبحرى فى فترة خدمتى بالجيش ووجدت الغالبية ممتازة ومن الكرم والأخلاق والذكاء والقلة طبيعى لديها عيوب تنتقد كما هو حال الجميع فى أى مكان
إذا العبرة بالمواقف وليس المناطق وكما أسلفت إذا وجد تناقض بين المثل وبين الدين يكون خاطئا ولا يعتد به ويقال فقط على سبيل الدعابة التى يتحلى بها المصريين والتى تعد أحد سمات الشخصية القومية المصرية
شكرا مستر شريف

[دعاء شديد]

ندخل بقى على الاسئله المطرقعه

كل واحد فينا عباره عن اتنين
واحد برانى ... ده الي مصدره للناس كده وش
وواحد جوانى ... حاجات كتير بتمنع ظهوره

امتى بقى جمال الجوانى بيظهر ؟؟؟؟؟؟؟؟؟؟
وامتى عمل حاجه مطرقعه ومقالش لحد عليها ؟؟؟ وايه هى اصلا ؟؟؟

ملحوظه :
"مطرقعه يعنى حاجه ميعملهاش جمال البرانى بتاتا"

[عزة المصرى78]

أسجل استمتاعى واعجابى بهذا الحوار الممتع والشيق بارك الله فيك أ / جمال سراج وأدام عليك نعمه وآلائه

حضرتك صاحب موهبة أدبية وتمتلك قدرات أدبية جمة من جمال الأسلوب واتساع للثقافة والمعارف وإلمام بمفردات اللغة وحس مرهف وصاحب قلم متميز

كيف نمت هذه الموهبة ؟ولماذا لم تسع لأن تكون أديبا ؟

[جمال سراج]

ندخل بقى على الاسئله المطرقعه

كل واحد فينا عباره عن اتنين
واحد برانى ... ده الي مصدره للناس كده وش
وواحد جوانى ... حاجات كتير بتمنع ظهوره

امتى بقى جمال الجوانى بيظهر ؟؟؟؟؟؟؟؟؟؟
وامتى عمل حاجه مطرقعه ومقالش لحد عليها ؟؟؟ وايه هى اصلا ؟؟؟

ملحوظه :
"مطرقعه يعنى حاجه ميعملهاش جمال البرانى بتاتا"





شوفى يا دعاء
جمال الظاهر هادى جدا ووديع جدا طالما بيتعامل مع الناس باحترام متبادل
أما جمال الجوانى بيظهر ( غضب صارخ - أحيانا مكر) لما ألاقى اللى قصادى يستهبلنى عيانا بيانا أو يستغبانى أو يريد انتقاص حقوق الآخرين عن طريقى وما إلى ذلك فى الحالة دى أتعامل بما يحفظ حقوقى والآخرين
كمان فى علاقتى بأسرتى فيه حاجات أعملها مش مهم أذكرها لأهلى لأن الحاجات دى مش عيب ومش غلط بس بسبب حرص الناس الزائد بتقلق
ولما بتتعرف الحاجات دى بعد كدا بتكون وسيلة دعابة ومزاح
زى اشتريت حاجة ومقلتش لزوجتى وطلعت وحشة أو غالية فممكن أكذب كذب مباح ومقلش ثمنها الحقيقى عشان متهزأش
هههههههههههههههههههه
أو اديت لحد حاجة ومرجعهاش او تعبنى على ما رجعها وممكن تجيلى البيت بصورة غير مباشرة واللى ميعرفش يعرف
وقتها اكون مصدر انتقاد وممكن أثور

حاجات تانية مقدرش اذكرها صراحة مثل اعجابى بشخصيات نسائية مثلا ( اعجاب بفكر وثقافة ) أثناء تدريب او دراسة رغم الثقة الكبيرة بينى وبين أهلى وبين كل الناس لكن برأيى أظن اننى أفضل كتمان مثل تلك الأمور
وكله بيعدى
يعنى مفيش طرقعة جامدة تبوظ الدنيا ولا حاجة
دا من ستر ربنا بيا
هههههههههههههههههه
ماشى يا دعاء استنينى بس لما ييجى عليكى الدور فى الموضوع دا
والله لتشوفى !!!!!!!!!!!!!!!!
قال طرقعة قال
الطرقعة دى فى الأقسام
هههههههههههههه

[دعاء شديد]

شوفى يا دعاء
جمال الظاهر هادى جدا ووديع جدا طالما بيتعامل مع الناس باحترام متبادل
أما جمال الجوانى بيظهر ( غضب صارخ - أحيانا مكر) لما ألاقى اللى قصادى يستهبلنى عيانا بيانا أو يستغبانى أو يريد انتقاص حقوق الآخرين عن طريقى وما إلى ذلك فى الحالة دى أتعامل بما يحفظ حقوقى والآخرين
كمان فى علاقتى بأسرتى فيه حاجات أعملها مش مهم أذكرها لأهلى لأن الحاجات دى مش عيب ومش غلط بس بسبب حرص الناس الزائد بتقلق
ولما بتتعرف الحاجات دى بعد كدا بتكون وسيلة دعابة ومزاح
زى اشتريت حاجة ومقلتش لزوجتى وطلعت وحشة أو غالية فممكن أكذب كذب مباح ومقلش ثمنها الحقيقى عشان متهزأش
هههههههههههههههههههه
أو اديت لحد حاجة ومرجعهاش او تعبنى على ما رجعها وممكن تجيلى البيت بصورة غير مباشرة واللى ميعرفش يعرف
وقتها اكون مصدر انتقاد وممكن أثور

حاجات تانية مقدرش اذكرها صراحة مثل اعجابى بشخصيات نسائية مثلا ( اعجاب بفكر وثقافة ) أثناء تدريب او دراسة رغم الثقة الكبيرة بينى وبين أهلى وبين كل الناس لكن برأيى أظن اننى أفضل كتمان مثل تلك الأمور
وكله بيعدى
يعنى مفيش طرقعة جامدة تبوظ الدنيا ولا حاجة
دا من ستر ربنا بيا
هههههههههههههههههه
ماشى يا دعاء استنينى بس لما ييجى عليكى الدور فى الموضوع دا
والله لتشوفى !!!!!!!!!!!!!!!!
قال طرقعة قال
الطرقعة دى فى الأقسام
هههههههههههههه


لالالالالا معلش
الاجابات الدبلوماسيه دى متنفعش
ولذلك نقول سؤال تانى

كل واحد فينا بيكون عمل عمله كده ايام الدراسة
وربنا سترها معاه وعليه ومحدش فى البيت عرف
خصوصا لو ملتزم دراسيا ومش معتاد فشل
او مش مشاغب يعنى

ومن غير دبلوماسيه بقى
اكيد ولزما ولابد من كل بد
عملت حاجه ... ايه هى بقى ؟؟؟؟؟؟؟؟؟؟؟؟؟

[جمال سراج]

أسجل استمتاعى واعجابى بهذا الحوار الممتع والشيق بارك الله فيك أ / جمال سراج وأدام عليك نعمه وآلائه

حضرتك صاحب موهبة أدبية وتمتلك قدرات أدبية جمة من جمال الأسلوب واتساع للثقافة والمعارف وإلمام بمفردات اللغة وحس مرهف وصاحب قلم متميز

كيف نمت هذه الموهبة ؟ولماذا لم تسع لأن تكون أديبا ؟


أولا شكرا لحضرتك أستاذة عزة على الإطراء والمديح لشخصى المتواضع

وأود أن أذكر بكل تواضع أننى على مر الزمان كنت متميزا بحول المليك
فقد كنت متميزا فى دراستى وكان بامكانى دخول أى كلية أريدها - أقصد لم يحل مجموعى بينى دخولى كلية معينة مثلا

أما عن اللغة العربية التى أحبها جدا وأعشقها فلسبب رئيس وهو أنها لغة القرآن الذى حفظته بحمد الله صغيرا فى كتاتيب عديدة ثم اتجهت إلى تجويده ودراسة التجويد فى مرحلة الجامعة
ولا أزال أتعلم وسبحان علام الغيوب فنحن جميعا لاشىء أمام علم المليك

بالفعل كنت سألتحق باحدى الكليات الأدبية لكنى عدلت عن الفكرة لحبى الشديد للعلم بصفة عامة من كيمياء وفيزياء ورياضيات فقلت لنفسى وما المانع أن أكون متخصصا فى الرياضيات مثلا ومحبا للعربية أو الإنجليزية وغيرها
وقد كان التابعون عليهم رضوان الله
كان منهم العالم الراعى والأديب الفقيه وبرعوا بجانب علوم الدين فى كل مجالات العلوم ولم يتخصص كثيرين منهم بفرع معين

فدرست الانجليزية واجدتها ببراعة وتعلمت الايطالية وبعض الفرنسية وغيرها

ولكنى أعتز باللغة العربية وأفخر بها ودائما حتى فى تدريباتى أذكر مزحة أقول : الأسد فى اللغة العربيه له 100 اسم بينما لا نعرف له فى الإنجليزية مثلا سوى Lion

وفى تاريخ الأدب المعاصر وجدنا عمالقة فى الأدب العربى مثل العقاد وأيضا الرافعى لم ينالوا حظا وافرا من التعليم ولم يحصلوا على شهادات دكتوراه من فرنسا أو أمريكا وصاروا للدنيا علامات نتباهى بهم دون غيرهم الكثير ممن حصلوا على شهادات من فرنسا او امريكا من دعاة المنظرة والنفاق!!!!

وخلال دراستى حصلت على جوائز فى مسابقات ثقافية وبحوث ومنها بحث مقدم إلى الاليسيسكو
( المنظمة العربية للتربية والعلوم والثقافة ) إلا أننى فى النهاية أفضل دائما أن أقوم بدور المتعلم فى المجال الأدبى وليس دور المعلم والذى له رجاله المتخصصين فى هذا المجال

شكرا لحضرتك ونورتى الموضوع
كل الود والاحترام أستاذة عزة

[نعمه محمود]

ليا سؤالين هسألهم بس لما تجاوب على سؤال عزة ودعاء مش عاوزين نتعبك
شوفت احنا طيبين ازاى

[حبيبه المصريه]

كل واحد فينا عباره عن اتنين
واحد برانى ... ده الي مصدره للناس كده وش
وواحد جوانى ... حاجات كتير بتمنع ظهوره




بعد إذن مستر جمال
غريب أوووووى يا دعاء تعبيرك ده
صراحه استوقفنى شويه وسرحت معاه كده
مش كل إنسان بيبقى إثنين
يعنى التعميم هنا مش قاعده
أعتقد الناس اللى زى دى
بتبقى خارج قاعدة الانسان السوى
فى ناس فعلا للناس بوجه
ولنفسهم واهلهم بوجه تانى
بس مش عارفه دول بقى
بتبقى حكايتهم حكايه
لانهم بيعيشوا شخصيتين
وبتبقى حيرانه طيب ليه الأقنعه دى
مش عارفه بتبقى شخصيه غير سويه
انها تتعايش مع جميع البشر بشخصيه واحده
يعنى لو شايف فى نفسه قصور
ومش عاجبه شىء فى نفسه
ليه ميكونش سوى
ويحاول يعدل من نفسه
لكن يبدو ان تغيير الاقنعه عندهم
اسهل من تغيير انفسهم
أصلى قابلت من النوعيه دى
صراحه شخصيات بحاجه لدراسه
وتصدقى انهم ليسوا بأسواء نفسيا
يعنى عندهم تخبط كده وتناقضات

شوفى اعتقد ان الانسان السوى الطبيعى
هو اللى بيكون شخص واحد بس
جوه زى بره للناس كلها
لكن ده ميمنعش اننا نحتفظ
ببعض الخصوصيه لانفسنا
وبعض القدرات الخاصه والامتيازات
اللى منحها الله للبشر
لنفسنا او تظهر للمقربين جداااااا جدااااا
عشان الحسد بقى معلش
أصلى واخده منه كتيييييير
يعنى ميمنعش ان الواحد
يحتفظ بخصوصيات لنفسه
شايف ان ظهورها مش فى صالحه
أما لو قصدك انه قدام الناس بالوجه الصالح التقى
وبينه وبين نفسه غير كده
فربنا يهديهم دوول ويصلح نفوسهم

مع الاعتذار التام لمستر جمال
على تعليقى على العباره دى
لا اخص بيها شخص احد
لكنى اعلق تعليق عام من وجهة نظرى

[جمال سراج]

بعد إذن مستر جمال
غريب أوووووى يا دعاء تعبيرك ده
صراحه استوقفنى شويه وسرحت معاه كده
مش كل إنسان بيبقى إثنين
يعنى التعميم هنا مش قاعده
أعتقد الناس اللى زى دى
بتبقى خارج قاعدة الانسان السوى
فى ناس فعلا للناس بوجه
ولنفسهم واهلهم بوجه تانى
بس مش عارفه دول بقى
بتبقى حكايتهم حكايه
لانهم بيعيشوا شخصيتين
وبتبقى حيرانه طيب ليه الأقنعه دى
مش عارفه بتبقى شخصيه غير سويه
انها تتعايش مع جميع البشر بشخصيه واحده
يعنى لو شايف فى نفسه قصور
ومش عاجبه شىء فى نفسه
ليه ميكونش سوى
ويحاول يعدل من نفسه
لكن يبدو ان تغيير الاقنعه عندهم
اسهل من تغيير انفسهم
أصلى قابلت من النوعيه دى
صراحه شخصيات بحاجه لدراسه
وتصدقى انهم ليسوا بأسواء نفسيا
يعنى عندهم تخبط كده وتناقضات

شوفى اعتقد ان الانسان السوى الطبيعى
هو اللى بيكون شخص واحد بس
جوه زى بره للناس كلها
لكن ده ميمنعش اننا نحتفظ
ببعض الخصوصيه لانفسنا
وبعض القدرات الخاصه والامتيازات
اللى منحها الله للبشر
لنفسنا او تظهر للمقربين جداااااا جدااااا
عشان الحسد بقى معلش
أصلى واخده منه كتيييييير
يعنى ميمنعش ان الواحد
يحتفظ بخصوصيات لنفسه
شايف ان ظهورها مش فى صالحه
أما لو قصدك انه قدام الناس بالوجه الصالح التقى
وبينه وبين نفسه غير كده
فربنا يهديهم دوول ويصلح نفوسهم

مع الاعتذار التام لمستر جمال
على تعليقى على العباره دى
لا اخص بيها شخص احد
لكنى اعلق تعليق عام من وجهة نظرى





أؤيدك تماما أستاذة حبيبة
الشخصية لا تتغير برة زى جوة
بس ممكن الشخصية دى لا يدركها تماما إلا من عايش الشخص نفسه
يعنى قد أكون عصبيا ولا يلاحظ ذلك كثيرين - لأنه لا توجد مواقف بينى وبينهم أدت إلى ظهور تلك العصبية مثلا
هذا ما أدركته من كلام دعاء وأخدت الكلام بنوع من الدعابة النفسية
لكنى أوافقك تماما
ربنا يبارك فى حضرتك

[دعاء شديد]

بعد إذن مستر جمال
غريب أوووووى يا دعاء تعبيرك ده
صراحه استوقفنى شويه وسرحت معاه كده
مش كل إنسان بيبقى إثنين
يعنى التعميم هنا مش قاعده
أعتقد الناس اللى زى دى
بتبقى خارج قاعدة الانسان السوى

لاااااااااااااا انتى كده موصلكيش الي انا اقصده
قصدى وضحه رد مستر جمال

ومع ذلك اوضحلك انا اقصد ايه
العباره الي انا كتبتها تبعد كل البعد عن الازدواجيه الشخصيه
انا بتكلم عن الناس الطبيعين

يعنى لايمكن مثلا تهريجى مع اهلى
هيكون زى تهريجى مع اى حد خارج البيت ؟؟؟؟
ودى مش ازدواجيه ... بالعكس ده الطبيعى

ومستر جمال اصاب مقصدى من خلال رده
وبامثله بسيطه جدا

وعايزه اقولك ان الانسان كتله متناقضات
بيختار مجموعه صفات تكون شخصيته وهى الي بتميزه
لكن احيانا تضطره الظروف لاظهار العكس
فتستغربى وتقولى ده اول مره اشوفه كده ؟؟؟؟؟؟؟؟
ده عمره مكان عصبى
اه فعلا طبيعته هاديه ... لكن جوه العصبيه
هو اختار الهدوء سمه لشخصيته
بس لما حد يعصبه ... يتعصب

انتى بس كبرتى الموضوع
انا كنت اقصد حاجه وانت فهمتى العكس تماما

عموما حصل خير

[حبيبه المصريه]

انتى بس كبرتى الموضوع
انا كنت اقصد حاجه وانت فهمتى العكس تماما

عموما حصل خير


لا لا مقصدش خالص انى اوجه الموضوع لناحيه تانيه
انا بس سرحت كده فى الجمله
وطبقتها على نفسى
وعلى المحيطين ممن تعاملت معهم
فطلع التحليل ده للعباره
حسب ماعقلى وجهها
فعلا انا كتبت ردى واعتمدته
وماراجعت رد من قبلى
وفعلا انا فهمت غير اللى انتى تقصديه
معلش ياجماعه مقصدش والله اى حاجه
مجرد سرحان فى الجمله لناحيه تانيه
لا ده كده سرحانى حيعمل حرب اهليه فى الموضوع
آآآآآآآآآسفه جدااااا مقصدش حاجه والله
متخدوش على سرحانى ده
فهمت قصدك
ومعاكى جداااااااااا فى كل اللى وضحتيه
وده فعلا بيحصل مع الغالب
انه يكون من طبعك الهدوء
لكن ساعات مواقف تخليكى تتعصبى
فتظهر صفه وجودها عندك ثانوى
محدش شافك بيها قبل كده
فهمت كويس دلوقتى
وبعتذر عن سوء فهمى
واكرر اعتذارى لو فهمتوا تحليلى كمقصد تانى
لا اقصد اى شىء
خالص الشكر للجميع

[جمال سراج]

لالالالالا معلش
الاجابات الدبلوماسيه دى متنفعش
ولذلك نقول سؤال تانى

كل واحد فينا بيكون عمل عمله كده ايام الدراسة
وربنا سترها معاه وعليه ومحدش فى البيت عرف
خصوصا لو ملتزم دراسيا ومش معتاد فشل
او مش مشاغب يعنى

ومن غير دبلوماسيه بقى
اكيد ولزما ولابد من كل بد
عملت حاجه ... ايه هى بقى ؟؟؟؟؟؟؟؟؟؟؟؟؟


برىء يا بيه
شوفى أيام إعدادى وثانوى دى فترات مراهقة وبيكون فيها تحول للشخصية
يعنى طبيعى جدا يكون هناك اعجاب ببنات الجيران أو زملا فى دراسة لكن لم أتعدى حدود الاعجاب المصاحب للتغير النفسى للمرحلة العمرية
أيضا فى الجامعة
طب أقولك حاجة كانت فيه بنات قمرات زمايلى بييجوا عندنا البيت ويقعدوا مع أمى وتضايفهم وأنا مش موجود وبعلم أهاليهم رغم أنى كنت أوقات بوبخهم على كدا
هههههههههههههه

كانوا بيخدوا تلخيصات لمواد دراسية
اقولك حاجة حتى بعد تخرجى كان فيه زملا فى دفعات بعدى فى كلية العلوم يذاكروا من تلخيصاتى
فى بعض المواد
أصلا يا دعاء الجيل بتاعنا كان محترم والعلاقة بين الولد والبنت كانت فى معظمها علاقة احترام
اما كنت فى الجامعة كان عندى سكاشن فيزيا وكيميا ورياضة من 5 الى 7 وفى الشتا وكان ليا زملا من البلد بنات ومنهم من كان معى بالسكشن كنت لازم اروحها او اروحهم يعنى على ما نروح كانت الساعة توصل 9 فى الشتا يعنى نص الليل
فالحمد لله لم أكن أبدا مشاغبا ولم أخفى شيئا سوى الاعجاب الذى أخفيه فى نفسى حياءا لصاحبته وحرصا عليها

اضحكى بقا
من يومين ضرب جرس الباب فتحت زوجتى ( إيمان)
هى واحدة بس اسمها كدا لحد يفكر انى عندى اكتر منها
هههههههههههههههههه
المهم لقت بنت جميلة تبارك الله فى عمر ابنى الصغير 6 سنوات
قالتلها مصطفى موجود قالتلها لا إنتى مين يا حبيبتى قالت أنا رنا صحبته
كانت طالعة منها زى العسل
ردت قالتلها آه هى دى الاصحاب ولا بلاش
ههههههههههههههههه
دايما الدين ثرموستات يؤدى لنجاة الانسان
واذا مرت مرحلة الدراسة بثبات تقريبا بتعدى المراحل اللى بعدها
هذا عنى سابقا
اللى جاى ربنا يستر ومتمردش او اشاغب او انحرف بقا
ههههههههههههههههه
بس بقا يا دعاء
الرحمة شوية
هههههههههه

[جمال سراج]

ليا سؤالين هسألهم بس لما تجاوب على سؤال عزة ودعاء مش عاوزين نتعبك
شوفت احنا طيبين ازاى

أكيد يا نعمة أتشرف بيكى وبأسئلتك
وربنا يستر عليا منكوا
دا انتوا والله ما صدقتوا
هههههههههههههههههههه
ماشى يا أم عمر
مستنى

[نعمه محمود]

اضحكى بقا
من يومين ضرب جرس الباب فتحت زوجتى ( إيمان)
هى واحدة بس اسمها كدا لحد يفكر انى عندى اكتر منها
هههههههههههههههههه
المهم لقت بنت جميلة تبارك الله فى عمر ابنى الصغير 6 سنوات
قالتلها مصطفى موجود قالتلها لا إنتى مين يا حبيبتى قالت أنا رنا صحبته
كانت طالعة منها زى العسل
ردت قالتلها آه هى دى الاصحاب ولا بلاش
ماشاء الله الواد طالع لابوه
بس بدأ بدرى بدرى ههههههه ربنا يخليهولك

[دعاء شديد]

[CENTER]برىء يا بيه
اللى جاى ربنا يستر ومتمردش او اشاغب او انحرف بقا
ههههههههههههههههه
بس بقا يا دعاء
الرحمة شوية
هههههههههه


[SIZE="4"]هههههههههههههههههههههههههههه
ربنا يستر

المهم
انا سؤال مكنتش اقصد بيه العلاقه بين الولد والبنت فى المرحله دى

واضح ان السؤال مكانش واضح

انا اقصد
مثلا انا نزلت من سنه رابعه ابتدائى لسنه اولى ابتدائى
يوم كامل هههههههههههههههههههههه وربنا سترها
ومحدش عرف لحد مخلصت الجامعه
وقلتلهم هههههههههههههههه طبعا اتقلبت ضحك
لكن وقتها كان ممكن تقلب على دبلون تشيجاره
ما علينا

دى المواقف الي اقصدها
ها عندك مواقف زيها وعدت بسلام
[COLOR="#9acd32"]ولا ندور على سؤال تانى
على نعمع متسأل
وشريف يجى يكمل
هههههههههههههههههههههههه
مفيش رحمه عندنا

[جمال سراج]

هههههههههههههههههههههههههههه
ربنا يستر

المهم
انا سؤال مكنتش اقصد بيه العلاقه بين الولد والبنت فى المرحله دى

واضح ان السؤال مكانش واضح

انا اقصد
مثلا انا نزلت من سنه رابعه ابتدائى لسنه اولى ابتدائى
يوم كامل هههههههههههههههههههههه وربنا سترها
ومحدش عرف لحد مخلصت الجامعه
وقلتلهم هههههههههههههههه طبعا اتقلبت ضحك
لكن وقتها كان ممكن تقلب على دبلون تشيجاره
ما علينا

دى المواقف الي اقصدها
ها عندك مواقف زيها وعدت بسلام
ولا ندور على سؤال تانى
على نعمع متسأل
وشريف يجى يكمل
هههههههههههههههههههههههه
مفيش رحمه عندنا


أكيد كان فيه ومكنتش بقول
أفتكر وأنا فى اولى اعدادى أخدت قلم على وشى سورنى مش عشان غلطت فى الانجليزى اللى كنت بجيب درجة نهائية فيه ولكن عشان رحت اعلم وكان فيه كلمة مشفتهاش من عالسبورة فمكتبتهاش قالى خدنى المستر عالسبورة وورالى الكلمة وقالى دى ايه قلتله Window قالى هيا فين وراخ بقمة الغباء سفخنى قلم مشفتش بعدها ودا كان مفاجئة بالنسبة لى
طبعا روحت مقهور ومحكتش الموقف ربما كنا بنحترم الاساتذة لدرجة الرعب منهم رغم ان كنا شاطرين
فيه مواقف زى كدا عدت ومقلتش لحد عليها
وكدا بيعدى
اللى بعده
ههههههههههههههههههههه

[جمال سراج]

ماشاء الله الواد طالع لابوه
بس بدأ بدرى بدرى ههههههه ربنا يخليهولك

إوعى تغيرتى نظرتك فى الواد
هزعل
ههههههههههههههههه
دا زى العسل
بس انتى ابقى خل حبيبة تتصل عليه
وابقى قولى لأبوها زى بعضه
هو محترم مش هيقول حاجة
أصله صاحبى وعارفنى
ههههههههههههه

[نعمه محمود]

إوعى تغيرتى نظرتك فى الواد
هزعل
ههههههههههههههههه
دا زى العسل
بس انتى ابقى خل حبيبة تتصل عليه
وابقى قولى لأبوها زى بعضه
هو محترم مش هيقول حاجة

أصله صاحبى وعارفنى
ههههههههههههه


تتصل هههههههههه والله ده باباها يطخنا احنا الاربعه ولا هيهمه هههههههههههه
يوقفنا طابور وهى رصاصة واحدة

[جمال سراج]

تتصل هههههههههه والله ده باباها يطخنا احنا الاربعه ولا هيهمه هههههههههههه
يوقفنا طابور وهى رصاصة واحدة

الله المستعان
هههههههههههههه
على ايه يا ستى
براءة
ههههههههههههههه
معتش خير فى الدنيا
هيه ... دنيا

[دعاء شديد]

تتصل هههههههههه والله ده باباها يطخنا احنا الاربعه ولا هيهمه هههههههههههه
يوقفنا طابور وهى رصاصة واحدة


ههههههههههههههههههههههه
عجبتنى اوى هيطخكوا بطلقه واحده
ههههههههههههه منكن اتفرج
لا طبعا بعد الشر عنكوا
شالله العدوين

[موناليزا]

منور جدا مستر جمال

الله عليك

طب انا هسال يااستاذ جمال بقي مليش الدعوه

ده بدايه بسيطه الاول قبل التقيل


بما اني بحب الشعر جدا انا كتبت لحضرتك مجموعه من الابيات الشعريه

ممكن تقولنا الابيات ده ممكن تهديها لمين


البيت ده تهديه لمين

صاحب إذا صاحبت حراً مبرّزا *** يزين ويزرى بالفتى قـرنـاؤه



وده تهديه لمين


المرء يجمع و الزمان يفرق ويظل يرقع و الخطوب تمزق


وده كمان تهديه لمين

لقد رسخَت في القلبِ منك مودةٌ


كما رسَخَت في الرّاحتينِ الأصابِعُ


كل بيت من ده ممكن تهديه لمين ؟


لغاية لما اروح اجيب تاني

[جمال سراج]

منور جدا مستر جمال

الله عليك

طب انا هسال يااستاذ جمال بقي مليش الدعوه

ده بدايه بسيطه الاول قبل التقيل


بما اني بحب الشعر جدا انا كتبت لحضرتك مجموعه من الابيات الشعريه

ممكن تقولنا الابيات ده ممكن تهديها لمين


البيت ده تهديه لمين

صاحب إذا صاحبت حراً مبرّزا *** يزين ويزرى بالفتى قـرنـاؤه

أهديه لأصدقائى فهم بحق فخر لى وأكثر من الأخوة بما يكون بينى وبينهم من الثقة فى أمور قد لا يعلمها أبناء أمى وأبى

وده تهديه لمين


المرء يجمع و الزمان يفرق ويظل يرقع و الخطوب تمزق
أهديه لكل جشع طماع لا يدرك حقيقة الدنيا الزائلة والمفرقة والتى لا تبقى شيئا مما جمعه بحق أو بدون حق

وده كمان تهديه لمين

لقد رسخَت في القلبِ منك مودةٌ


كما رسَخَت في الرّاحتينِ الأصابِعُ
أهديه لأختى الصغرى صاحبة الفضل الكبير على شخصى وتوأم روحى بحق
وأيضا زوجتى التى لا تدخر وسعا لإسعادى وأبنائى


كل بيت من ده ممكن تهديه لمين ؟


لغاية لما اروح اجيب تاني







منورة يا موناليزا وصاحبة ذوق وحس عالى وفريد
خالص ودى

[موناليزا]

منورة يا موناليزا وصاحبة ذوق وحس عالى وفريد
خالص ودى





الله يكرمك استاذ جمال هيدا من ذوقكم والله

انا متشكره لحضرتك علي الاجابه

دول بقي اخر اسئله بالنسبالي


اكتر شخصيه رجاليه اثرت في شخصيتكم ؟؟؟؟؟؟؟



صفه تريد ان تنتزعها من مستر جمال؟؟؟؟؟؟؟


متي مستر جمال يعلن الحزن ؟؟؟؟؟؟؟



خيال يراودكم كل ليله لمصر؟؟؟؟؟؟؟؟


واخيرا


الحياه حلوه يامستر جمال؟؟؟؟؟؟؟


طابت اوقاتك بذكر الله

وبجد استفدت من الحوار والاسئله اللي كانت معكم

دام الله عليكم محبة الجميع والرضا من رب العالمي

[جمال سراج]

اكتر شخصيه رجاليه اثرت في شخصيتكم ؟؟؟؟؟؟؟

المفروض أن قدوتنا هو المصطفى صلى الله عليه وسلم
وما دونه من البشر يؤخذ من كلامه ويرد
وفى حياتى أنس أحاول الإقتداء بهم ما بين أساتذة علمونى وأصدقاء شملونى بكل عطف وحنان وكل له مذاق مختلف ولون جميل من ألوان ومظهر من مظاهر الإقتداء

صفه تريد ان تنتزعها من مستر جمال؟؟؟؟؟؟؟
العصبية الزائدة عند الغضب مع يقينى بعدم جدواها . .. لكن ذلك ليس بخطرى ولكن الهداية من المليك

متي مستر جمال يعلن الحزن ؟؟؟؟؟؟؟
عندما تضيع القيم ويتخلى ذوى الأخلاق والضمائر عنها بدعوى تغير الحياة أو لمجاراة ما يدعونه من المدنية والتقدم



خيال يراودكم كل ليله لمصر؟؟؟؟؟؟؟؟
أتمنى أن أجد العدل سائدا فى ربوع مصر - الكل يحترم كونه بنى آدم - تزال الفروق الرهيبة فى دخول الأفراد وينعم الجميع بحياة كريمة - تحترم المبادىء والأخلاق من الجميع وتكون هى السائدة .


واخيرا


الحياه حلوه يامستر جمال؟؟؟؟؟؟؟
نعم الحياة حلوة بطاعة الله وتجنب نواهيه والعمل باتقان واحترام الكبير والعطف على الصغير وبمعرفة كل فرد بما له من حقوق وبما
عليه من واجبات






ربنا يبارك فيكى موناليزا
سعدت بأسئلتك وأتمنى أن أحظى دائما بثقة الجميع فهذا زادى فى الدنيا حب الناس واكتساب رضاهم بعد رضا المولى عز وجل
خالص احترامى لكى وللجميع

[نعمه محمود]

سؤالى أنا بقى
التردد فى حياة مستر جمال مساحته أيه؟
يعنى لما بتقدم على قرار مهم بتاخده على طول ولا بتتردد شويه
السؤال التانى
مين هو:
كاتم أسرارك
مستشارك الخاص
عدوك اللدود

[جمال سراج]

سؤالى أنا بقى
التردد فى حياة مستر جمال مساحته أيه؟
يعنى لما بتقدم على قرار مهم بتاخده على طول ولا بتتردد شويه

لازم أتأنى كتير وأدرس أبعاده من كافة النواحى
فيه قرارات مهمة بكون محتاج أنفذها ولكن صعوبة التطبيق وأبعاد التنفيذ على مدار الزمن تدعونى للتردد وممكن كنسلة الموضوع
زى مثلا السفر للعمل بالخارج لاشك أنه لو نجح هيبقى حلو لكنى لا أغامر على حساب عملى هنا ووضعى أيضا الذى يمكن أن يضيع إذا فشلت فى العمل بالخارج ويبقى لا حصلت هناك ولا هنا
يعنى التأنى مطلوب جدا
إنما فيه قرارات لازم تتاخد بلا تردد وخاصة فيما يتعلق بحقوق الناس أو حقوق العمل وهكذا

السؤال التانى
مين هو:
كاتم أسرارك
مستشارك الخاص
عدوك اللدود


أختى الصغرى كاتمة أسرارى أما عن عدوى اللدود فهى نفسى الأمارة بالسوء طبعا
وسبحان الذى خلقها فسواها




شكرا يا نعمة ويارب أكون أصبت الإجابة
ودى للجميع

[دعاء شديد]

طيب نكمل
اوعى تكون فاكر ان الاسئله خلصت
احنا بس مش عايزين نتقل عليك
قلنا نتسلى بس
هههههههههههههههههههههه

السؤال
بتحب تلعب ايه ؟؟؟؟؟؟؟؟
كوتشينه - دومنو - شطرنج - طاوله - بلي

يعنى لما تحب تتسلى بأى لعبه تختار ايه ؟؟؟؟؟؟؟؟؟؟

[جمال سراج]

بتحب تلعب ايه ؟؟؟؟؟؟؟؟
كوتشينه - دومنو - شطرنج - طاوله - بلي

يعنى لما تحب تتسلى بأى لعبه تختار ايه ؟؟؟؟؟؟؟؟؟؟



أنا كل دول بعرف ألعبهم ولكن بحب الطاولة المحبوسة اكثر
مين هيلعب
ههههههههههههههه

[شريف]

يا مساء الجمال ع الناس اللي زي العسل
ازيك يا استاذ جمال ...منور الدنيا يا جميل

اسمحلي بقا أبدأ اسئلة تخص منتدانا و موضوعاته
و بما ان ترقيم الاسئلة باظ ... لان اللي بيسأل ما بيرقمش

فخليها علي الله
و ماتزهقش مننا

الحوار معاك مستمر باذن الله
لغاية يوم : الأحد الموافق 12 /6
و يوم الاثنين ان شاء الله 13 / 6 هنختار الضيف اللي بعد حضرتك

فعدد الاسئلة مترتب علي سرعة حضرتك في الاجابة عليها
فشد حيلك

السؤال :

في القسم العام : ايه نوعية الموضوعات اللي بتحبها
و ايه نوعية الموضوعات اللي مش بتطيقها

و ايه رأيك في الاسلوب الساخر في الكتابة و استخدام اللغة الدارجة لتوصيل فكرة ببساطة
هل بتلوم علي النوعية دي من الموضوعات تحت اي مسمي او اي هدف ؟

و ايه رايك في عناوين الموضوعات الملفتة اللي بتجذب القارئ للقراءة ؟
و هل تري انه يجب ان يكون في حدود للعناوين دي
و ان هناك خطوط حمراء ؟؟

و هل ممكن ماتشاركش في موضوع برغم جودته عشان مختلف مع كاتب الموضوع
باي شكل من الاشكال او مش عاجبك الشخصية نفسها ؟

ولا جودة الموضوع بتفرض عليك المشاركة بغض النظر عن صاحب الموضوع ؟؟

ياريت الاجابة باسهاب يا مستر

عشان الاجابات الدبلوماسية القصيرة مش هتاكل معانا

ههههههههههههههه

[نعمه محمود]

أنا كل دول بعرف ألعبهم ولكن بحب الطاولة المحبوسة اكثر
مين هيلعب
ههههههههههههههه


مين اللى حبسها؟؟؟؟؟؟؟
جاى دومينو امريكانى

[جمال سراج]

يا مساء الجمال ع الناس اللي زي العسل
ازيك يا استاذ جمال ...منور الدنيا يا جميل

اسمحلي بقا أبدأ اسئلة تخص منتدانا و موضوعاته
و بما ان ترقيم الاسئلة باظ ... لان اللي بيسأل ما بيرقمش

فخليها علي الله
و ماتزهقش مننا

الحوار معاك مستمر باذن الله
لغاية يوم : الأحد الموافق 12 /6
و يوم الاثنين ان شاء الله 13 / 6 هنختار الضيف اللي بعد حضرتك

فعدد الاسئلة مترتب علي سرعة حضرتك في الاجابة عليها
فشد حيلك

السؤال :

في القسم العام : ايه نوعية الموضوعات اللي بتحبها
و ايه نوعية الموضوعات اللي مش بتطيقها

و ايه رأيك في الاسلوب الساخر في الكتابة و استخدام اللغة الدارجة لتوصيل فكرة ببساطة
هل بتلوم علي النوعية دي من الموضوعات تحت اي مسمي او اي هدف ؟

و ايه رايك في عناوين الموضوعات الملفتة اللي بتجذب القارئ للقراءة ؟
و هل تري انه يجب ان يكون في حدود للعناوين دي
و ان هناك خطوط حمراء ؟؟

و هل ممكن ماتشاركش في موضوع برغم جودته عشان مختلف مع كاتب الموضوع
باي شكل من الاشكال او مش عاجبك الشخصية نفسها ؟

ولا جودة الموضوع بتفرض عليك المشاركة بغض النظر عن صاحب الموضوع ؟؟

ياريت الاجابة باسهاب يا مستر

عشان الاجابات الدبلوماسية القصيرة مش هتاكل معانا

ههههههههههههههه








مساء الورد عليك يا مستر شريف
وعلى كل حبايبنا

شوية أسئلة فى الجوووول
أرد بصراحة
القسم العام أصله عشان الموضوعات العامة ( الحياتية) سياسية كانت - اقتصادية أو اجتماعية
مش بتاع موضوعات عامة أو ثوابت ممكن أجبها من مواقع ثابتة ومتخصصة مثلا!!
كدا يبقى عرفت أنا مبحبش أى الموضوعات
أما عن الأسلوب الساخر فى الكتابة فدا جميل وكذا استخدام اللغة الدارجة ولكن برأيى أنه فيه موضوعات بتفرض عليك العامية لانها بتكون أقرب والموضوع مش هتيفهم ويوصل غير بيها زى الموضوعات اللى فيها دعابة كدا

عناوين الموضوعات ممكن أوافق بحدود على استخدام أسلوب التشويق للقارىء وميكنش مباشر ولكن مش كل موضوع ينفع فيه كدا
مينفعش اوصف الكذب بالجمال مثلا واقول " جمال الكذب" مع أنه قد يباح أحيانا كما هو الحال بين الرجل وأهله
أنا شخصيا أتعجب وأنفعل عندما أبحث عن موضوع على النت وأجد من بين النواتج موضوعات تحمل عكس الموضوع
مثال مكن تيجى تبحث عن أغنية لفيروز يديك ناتج اسمه اغانى فيروز وتبص تلاقيها قرآن -- حتى دى متعجبنيش
لأن اللى بيستخدم النت مثلا عارف بيعمل ايه وعاوز ايه
وبالتالى قد تجد العكس الآن مثلا تيجى تبحث عن احاديث الشيخ الشعراوى يديك نفس العنوان وتلاقيه رقص شرقى
اسم الموضوع عامل زى الاعلان عنه ولا يقبل المغامرة لانه مش كله بيفهم بطريقة واحدة او بنفس القدر وبخاصة لو كان موقع زى بتاعنا بيشوفه اطفال وشباب وكبار
عملوا اعلان فى امريكا للأطفال خاص بالشيكولاته كان فيه الولد او البنت لما ياكل الشيكولاته يطير
كتير من الولاد انتحرت بعد ما كلت الشيكولاته وطبعا البركة فى الاعلان اللى طيرهم!!!!!
وهكذا

مسألة اختلافى مع شخص ممكن تحجمنى عن تفاعلى معاه شىء عادى دا بيحصل مع كتير طالما ممكن اتفاعل مع غيره وبدون انتقاص من حقه او الخوض فى اعراضه
لكن هذا لا يمنع الرضا النفسى عن الشخص
والتحدث عنه بكل ذوق اذا دعيت الى هذا

كما أنه يكون احجامى عن الموضوع احيانا فيه شيء من الحرفنة المهنية لو اعتبرنا أننا مطالبين فى منتدانا بالتعامل مع قاعدة كبيرة وتشجيع الجديد
فليس شرطا ان يكون عدم ردى على مستر شريف او نعمة او دعاء وهكذا فيه انتقاص من حقوقهم ولكن ربما يكون السبب هو منح الآخرين من الجدد ردا لتشجيعهم على حساب الاصدقاء الذي أعلم أن ردى عليهم او عدم الرد لا يضرهم او يثنيهم عن التواصل والمشاركة بينما عدم ردى على الآخرين ممن هم جدد او دون الاصدقاء مثلا قد يحبطهم ويقلل عزائمهم والعكس بالعكس

أتمنى أكون وفقت فى الرد على أسئلتك الجميلة
تحياتى لك مستر شريف وللجميع

[جمال سراج]

مين اللى حبسها؟؟؟؟؟؟؟
جاى دومينو امريكانى

هههههههه
ربنا يفك حبستها يا نعمة
اشمعنا هى
ومالو نيجى دومينو
بس هو الامريكانى ورانا ورانا
ايه الاستعمار دا
من التفاح للدمينو
امال ثورة 22 يناير ايه بقا
هههههههههههههههههههههههه

[شريف]

استاذ جمال ... صباح الورد

هسألك شوية أسئلة من نوعية
الاسئلة السريعة السهلة اللذيذة
عقبال ما تشرب الشاي و تجهز للأسئلة الجامدة
......................

ايه اسم الدلع بتاعك اللي تحب المقربين ينادوك بيه ؟
و ايه اكتر أكلة تحب تفرش كده و تقعدلها و تشمر كمامك ؟

و ايه نشاطك المنزلي ؟ بتعرف تطبخ ؟
ليك ف المطبخ ؟
و ايه برنامجك اليومي
اثناء الدراسة و في الاجازة ؟
بدون تطفل يعني

خد كوبي من الاسئلة و جاوبها علي الوورد الاول يا مستر
و خلي بالك ... عشان السيرفر مزدحم جدا جدا جدا

صباح القشطة

[شريف]

............................................

[جمال سراج]

استاذ جمال ... صباح الورد

هسألك شوية أسئلة من نوعية
الاسئلة السريعة السهلة اللذيذة
عقبال ما تشرب الشاي و تجهز للأسئلة الجامدة
......................

ايه اسم الدلع بتاعك اللي تحب المقربين ينادوك بيه ؟

تقريبا مش متعود على إسم معين
كثير بيقول بمزاجه زى جيمى - جيمو كدا
بس اتعقدت مالاسماء دى لان كلب الجيران بينادوه بكدا بردو
ههههههههههههههههه
و ايه اكتر أكلة تحب تفرش كده و تقعدلها و تشمر كمامك ؟

أفرح جدا لو عندنا سمك أو صينية محشى

و ايه نشاطك المنزلي ؟ بتعرف تطبخ ؟
ليك ف المطبخ ؟
أكيد بعرف أطبخ لأنى اتغربت فى شغل برا وقبلها جيش وقبلها كنت متنقل مع والدى بين بلدنا وكلا من اسكندرية ومرسى مطروح فكنت بعرف أطبخ
وأكتر أكلة بعملها عشان سهلة المكرونة والخضار باللحمة
و ايه برنامجك اليومي
اثناء الدراسة و في الاجازة ؟
بدون تطفل يعني
فى أيام المدرسة
الصلاة - المدرسة - الغدا - الشغل - ممكن بالليل اقرا شوية او نادى شوية صغيرين أو نزور حد كدا يعنى

فى الاجازة فترة النت والنادى ممكن اكتر شوية وبردو تجهيز شغل الدراسة - امتحانات او ورقيات للتدريب كدا يعنى الشغل ورايا ورايا ممكن اودى الولاد مصيف واطل عليهم يوم او اتنين وارجع انا

خد كوبي من الاسئلة و جاوبها علي الوورد الاول يا مستر
و خلي بالك ... عشان السيرفر مزدحم جدا جدا جدا

صباح القشطة


فعلا السيرفر ينقط وبجد بتعب على ما انجح وانقل رد
شكرا يا مستر ومساء الفل عليك وعالناس كلها

[شريف]

ههههههههههه
انا برضه اعز اوي الناس اللي بتحب السمك
و احترمهم و اقفلهم تبجيلا و احتراما كده

طيب

بتشارك في منتديات تانية يا مستر ؟
و ايه المعايير اللي تخليك تختار منتدي معين بعينه
عشان تشارك فيه

هل نوعية الموضوعات ؟
و لا كاتبي الموضوعات ؟

و لا اسباب أخري ؟

[جمال سراج]

ههههههههههه
انا برضه اعز اوي الناس اللي بتحب السمك
و احترمهم و اقفلهم تبجيلا و احتراما كده

طيب

بتشارك في منتديات تانية يا مستر ؟
أكيد بشارك فى كتير
و ايه المعايير اللي تخليك تختار منتدي معين بعينه
عشان تشارك فيه
لو بشارك تعليمى أفضل مبدأديا المنتدى ذو العدد الأكبر عشان يستفيد ناس كتير وأنا بردو استفيد من مشاركات غيرى
لو بشارك عام المعيار هو جودة المواضيع من وجهة نظرى مش عشان اجامل حد
صحيح المجاملة مطلوبة لكن بضوابط
عندك منتدانا دا اكتر مشاركات عام ليا فيه بينما لم انجح او احجمت عن المشاركة عام فى منتديات اكبر منه عددا فى الأعضاء والموضوعات لان نوعية الموضوعات او التعليقات هناك لا ترضينى ومعظمها لفئات شبابية وليس لكثيرين منهم حنكة التعامل مع كل الفئات العمرية او الثقافية

ممكن شخصية الفرد تخلينى اشارك فى منتدى معين
يعنى باختصار مثلا فيه ناس سابوا المنتدى ورحلوا إلى منتديات أخرى ومن وجهة نظرى أراهم مبدعين وأعجب بموضوعاتهم مما يدعونى الى المشاركة فى منتداهم الجديد

مثلا يعنى ودا خطأ كتير بيفتكروا مثلا اننى بمشاركتى حديثا فى منتدى تانى بينهم وبين اعضاء فى ادارته خلاف ان دا تمهيد لخروجى من هنا
بالتأكيد محدش عنده وقته لمنتديات كتير يشارك فيها عام على طول
كما اننى افضل فى موضوعات العام انها متتنقلش منتدى تانى حتى لو كانت لنفس الشخص
لا افضل عمل جديد ومناسب باستمرار



يارب بس اخد درجة كبيرة فى الاجابة على اسئلتى دى
علما باننى أؤمن بالحكمة اللى بتقول
صراحتى لم تترك لى صديقا
شكرا يا مستر

[شريف]

عجبني جدا جدا ردك و رأيك و أتفق معاك تمام الاتفاق

طيب ...

ايه رايك في قضية العفو عن مبارك ؟

[جمال سراج]

عجبني جدا جدا ردك و رأيك و أتفق معاك تمام الاتفاق

طيب ...

ايه رايك في قضية العفو عن مبارك ؟




شوف حضرتك
مبارك كان من 4 شهور رئيس لمصر وله شنة ورنة لمدة 30 سنة
وله أخطاء كثير محدش قال حاجة
وأنا مع المحاكمة طبعا
بس هى ازاى المحاكمة
وهل اصلا تمت محاكمة لغيره
ايه 7 سنين و5 سنين فى سجن 5 نجوم وتسديد شوية ملايين من مليارات نهبوها
برايى ان العملية بسيطة تأميم لكل الأملاك والفلوس مع ترك سبل العيش زى كل الناس
دا الاول
ثانيا انا مع المحاكمة دون الرحمة بسبب سن او مرض او غيره لان دا يبقى تمييز - فيه الاف من المجرمين مرضى وكبار ومسجونين اشمعنا دا او غيره
لكن بصراحة مش عاجبنى الطريقة الحاصلة من اغفال التاريخ بتاع الراجل خالص وكانه لم يكن له شنة ورنه
لازم ننصف التاريخ
يعنى مثلا هناك من ورطوا البلد فى ديون واحتلال ولا تزال اسمائهم موجودة مثل سلسلة بور--- سعيد وتوفيق وفؤاد
احنا فى لحظة مصدقنا
طب فرضا ان دا الصح بصراحة يا مستر كان يبقى ايه الوضع لو لم تفلح الثورة وتنجح وظل مبارك حاكما ومن ورائه جيمى كان ايه هيكون الوضع
كنت هتلاقى المسقفتية كتير بردوا والتليفزيون شغال غنا ليل ونهار لمبارك وجيمى
علما بان الثورة لم تنجح الى الان والحاصل هو عملية ترقيع لسد او معالجة امور الهمجية والبلطجة الحاصلة بعد الثورة من جانب اعداد الثورة
تعداد مصر عندنا 85 مليون وبحسب منظمة الصحة العالمية 120 مليون
حضرتك مش ملاحظ معايا ان عندنا منهم 80 مليون محلل سياسى وناقد سياسى
وبقا عندنا 200 مليون عضو فى ائتلاف الثورة
ائتلاف ايه وكتير متعرفش يعنى ايه حقوق ولا واجبات وزى ما بيقولوا مشيت مع الهبل دبل!!!!!!!!!!
هى هوجة او موجة او زى ما تقول كدا موديل جديد كدا طالع
على راى نعمة البلطجية بيبلطجوا باسم ثورة
22 يناير
ههههههههههههه
ربنا يصلح الحال يا مستر
تحياتى

[شريف]

اعتقد انه اصابه في الفترة الاخيرة غباء سياسي
أضر بكل تاريخه

و بعدين كمية الفساد دي بصراحة تلغي اي تاريخ بل و تشكك فيه كمان

ده مجرد رأيي

ــــــــــــــــــــــــــــــــــــــــــــــ

هل حضرتك صديق لاولادك ... أم يغلب الاحترام و الخوف علي الصداقة

[جمال سراج]

اعتقد انه اصابه في الفترة الاخيرة غباء سياسي
أضر بكل تاريخه

و بعدين كمية الفساد دي بصراحة تلغي اي تاريخ بل و تشكك فيه كمان

ده مجرد رأيي

ــــــــــــــــــــــــــــــــــــــــــــــ

هل حضرتك صديق لاولادك ... أم يغلب الاحترام و الخوف علي الصداقة






معك حق أنا بس بتكلم عن الواقعية
يعنى لو كانت دى طريقتنا دايما يبقى كدا اوكى انما اتعمل فيه كدا عشان وقع مش اكتر
طب ما هو وزرا كانوا حرامية كتير ورجال اعمال وغيرهم وعدا وفات ولا حد سائل فيهم
وهل كل اولوا الامر الان كويسين!!!!!!!!!!!
المهم
سؤالك الجديد
الحمد لله بحاول اكون صديق لولادى وخصوصا انهم ولاد مش بنات ولكن فيه حدود طبعا
كان نفسى يكون عندى حد حنين يشلنى فى كبرى لكن ادى الله وادلى حكمته
ربنا يحنن قلبهم علينا
هههههههههههههههههه
ويبارك فيهم وفى كل ولاد المسلمين

[شريف]

بتحس بالخوف من مرور الزمن و السنين يا مستر و بتخاف علي فترة الشباب انها تجري بسرعة
و لا بتشوف ان الزيادة في السن زيادة في الحكمة و العقلانية
و الهدوء النفسي

يعني بمعني تاني
بتحن للحظات الطفولة و المراهقة و الشقاوة
و تبقا فرحان لما تسمع مثلا اغنية سمعتها و انت صغير
و لا بتهتم اكتر بما يهتم به الرجال في الاربعين
من العمر (( اللي هوا برضه عز الشباب ))

[جمال سراج]

بتحس بالخوف من مرور الزمن و السنين يا مستر و بتخاف علي فترة الشباب انها تجري بسرعة
و لا بتشوف ان الزيادة في السن زيادة في الحكمة و العقلانية
و الهدوء النفسي

يعني بمعني تاني
بتحن للحظات الطفولة و المراهقة و الشقاوة
و تبقا فرحان لما تسمع مثلا اغنية سمعتها و انت صغير
و لا بتهتم اكتر بما يهتم به الرجال في الاربعين
من العمر (( اللي هوا برضه عز الشباب ))




شوف حضرتك
أنا برد وأنا بسمع مسلسل دموع السواقى فى اذاعة البرنامج العام 5.15 وبهوا الراديو جدا
وبستمتع معاه وبمارس حياتى كما لو كنت طالب بالاعدادى
الراديو بنام وهو مفتوح
اما عن زعلى على مضى العمر او فترات الشباب او كدا ابدا مزعلش على كدا لإنه ببساطة سنة الحياة ومحدش هيبقى وسبحان المليك
من الضعف الى القوة الى الضعف والشيبة بنص القرآن
والأيام تزيد من خبرة الانسان وانفعاله وتأثره بالجمال
المهم انها بس تكون فى طاعة الله وتكون زخر لينا يوم القيامة
انما لا صغير هيبقى ولا كبير
بل انه من الاساس محدش يعرف هيعيش قد ايه او مين هيموت قبل مين
وهل الصغير قبل الكبير ولا الكبير قبل الصغير
دى من رحمة ربنا
والحل يكمن فى انك ترضى ربنا دايما وتخلى عملك وايامك كلها لله
وتداوم على الاستغفار والتوبة لان محدش يعرف امته معاده
كما مهم جدا الا تكون متكبرا وان تعترف بذنوبك دون تكبر او تطاول على المليك
يعنى بسمع اغانى احيانا مع علمى واقتناعى بانها حرام واتمنى لو اعرض عنها واوقات بعرض عنها لكن فى النهاية والبداية اجزم بحرمانيتها وعلى هذا النظم اسير
افرق بين الحلال والحرام ولا أؤذى احدا غير نفسى
حتى يكون الامر يسيرا يوم العرض عليه باذن الله
نسأل الله التوبة وحسن الخاتمة
آمين

[شريف]

جميل .... هل بتمارس اي رياضة يا مستر
بصيغة اخري : ايه سر رشاقتك ههههههههههههههه
عشان اتعلم منك

[جمال سراج]

جميل .... هل بتمارس اي رياضة يا مستر
بصيغة اخري : ايه سر رشاقتك ههههههههههههههه
عشان اتعلم منك




أهم رياضة بمارسها من وجهة نظرى هى البطن الخاوية
نحن قوم لا نأكل حتى نجوع ، وإذا أكلنا لا نشبع

كمان عندما تكون الظروف متاحة السباحة والوقتى أكتر حاجة المشى كتير بعدما كنت أعدو حتى مرحلة الجامعة او بعدها بقليل

إنما إنت زى الفل وربنا يديك الصحة مش حقد والله
هههههههههههههههههه

[شريف]

ههههههههههههههههههههه
تمام يا مستر

طيب

لو خيروك بين رحلتين
واحدة لملاهي كبيرة جدا و زحمة مع اولادك و مع ناس كتير زي اعضاء منتدي مثلا

و بين قعدة علي شط البحر ساعة الغروب مع شخص واحد انت تحبه

تختار الدوشة و الونس و لا الهدوء ؟؟؟؟

[جمال سراج]

ههههههههههههههههههههه
تمام يا مستر

طيب

لو خيروك بين رحلتين
واحدة لملاهي كبيرة جدا و زحمة مع اولادك و مع ناس كتير زي اعضاء منتدي مثلا

و بين قعدة علي شط البحر ساعة الغروب مع شخص واحد انت تحبه

تختار الدوشة و الونس و لا الهدوء ؟؟؟؟



أختار الهدور والبحر طبعا
مش مع الحبيب
تبقى خلصت
الصراحة راحة
مضحكش عليك يا مستر

[شريف]

أختار الهدور والبحر طبعا
مش مع الحبيب
تبقى خلصت
الصراحة راحة
مضحكش عليك يا مستر



الله عليك
و بتقول ما كونتش شقي و انت صغير ؟
ههههههههههههههههههههههه

كل شيجن انكشفن و بان ههههههههههههههه

يعني لو عملنا رحلة لاسكندرية السنة دي تبع المنتدي ... مش هتيجي معانا ؟
انا ممكن اوعدك اننا مش هنعمل دوشة
هههههههههههههههه

[المهندس هشام كمال الدين]

أستاذنا الكبير جمال سراج
أستمتعت كثيرا بردود سيادتكم المتزنه كثيرا والمرحه وكم كانت مفاجئه
أسمحلي بسؤال:
شخص تكن له معزة واحترام ولكنه أرتكب جرم ما........... هل تقف بجانبه وتناصره
ولو من باب المجاملة؟ أم تتركه يلقى مصيره... أم تكتفي بتوكيل من يدافع عنه؟.

[جمال سراج]

الله عليك
و بتقول ما كونتش شقي و انت صغير ؟
ههههههههههههههههههههههه

كل شيجن انكشفن و بان ههههههههههههههه

يعني لو عملنا رحلة لاسكندرية السنة دي تبع المنتدي ... مش هتيجي معانا ؟
انا ممكن اوعدك اننا مش هنعمل دوشة
هههههههههههههههه




خلى نيتك حلوة يا مستر
ههههههههههههههههههههههههههه
معطلش رحلاتى مع نفسى وبيتى
ههههههههههه
وسرية للغاية

[جمال سراج]

أستاذنا الكبير جمال سراج
أستمتعت كثيرا بردود سيادتكم المتزنه كثيرا والمرحه وكم كانت مفاجئه
أسمحلي بسؤال:
شخص تكن له معزة واحترام ولكنه أرتكب جرم ما........... هل تقف بجانبه وتناصره
ولو من باب المجاملة؟ أم تتركه يلقى مصيره... أم تكتفي بتوكيل من يدافع عنه؟.





الأول شكرا يا باشمهندس هشام تشريفك للموضوع
منور والله

ثانيا أنا شخصيا أقف جمب هذا الشخص بشدة طالما اعترف بجرمه لأنه لا يعلم ظروفه اللى دفعته لكدا إلا الله
وبالتأكيد لو اعترف هذا الشخص بجرمه هيرد الحقوق لصحابها لو ممكن وهيكون نادم
القلوب لا يملكها إلا الله وسبحان مصرف القلوب ومحدش أبدا ضامن ظروفه والمفروض انه فيه خير فى الدنيا
مش عشان حد غلط غلطة منقفش جمبه
لكن لما نقف جمبه لا ننتقص الاخرين حقوقهم أو ننكر جرم هذا الشخص
لقد صلى رسول الله على الزانية التى تابت واعترفت بجرمها وأقيم الحد عليها وقال لقد تابت توبة لو وزعت على أهل الأرض جميعا لوسعتهم
فما لنا لا ننبذ من أخطأ أو عمل جرما ثم اعترف وتاب

أتمنى أكون وفقت فى الرد يا باشمهندس
شكرا لحضرتك على سؤالك الرائع
تحياتى

[شريف]

منور يا باشمهندس والله

ماشي يا مستر جمال
تبيعنا كده ف اول محطة ؟

ههههههههههههههههههه

طيب خد السؤال ده بقا


المرأة طبعا سر كبير

هل قدرت من خلال تجاربك و خبراتك في الحياة
انك تفهم السر ده

[المهندس هشام كمال الدين]

كل الشكر لسيادتكم
وكم كنت محتاج فعلا لحل هذا السؤال الذي يؤرقني كثيرا
أشكرك مره اخري وسأعمل بهذه الاجابه الشافيه المقنعه
تحياتي لشخصكم الكريم.

[المهندس هشام كمال الدين]

والله أنت اللي منور ا/ شريف
وحشني جدا ومستمتع بالحوار الجميل اللي دخل في الجد
والإجابات الرائعه من أستاذنا/ جمال سراج
ومنتظرين نعرف سر المرأه من وجه نظر أ/ جمال.
تحياتي لكما ومتابعكم

[شريف]

أستاذنا الكبير جمال سراج
أستمتعت كثيرا بردود سيادتكم المتزنه كثيرا والمرحه وكم كانت مفاجئه
أسمحلي بسؤال:
[COLOR=red]شخص تكن له معزة واحترام ولكنه أرتكب جرم ما........... هل تقف بجانبه وتناصره
ولو من باب المجاملة؟ أم تتركه يلقى مصيره... أم تكتفي بتوكيل من يدافع عنه؟.[/COLO


باشمهندس هشام
معلش
لفت نظري سؤالك جدا لانه سؤال عويص
لا يمكن تسأله الا لما تكون فعلا واقع في مشكلة زي دي
و بتتكلم علي شخص معين
هههههههههههههههه
و انا عارف انك مابتخبيش
قولي بقا

الشخص ده صاحبك بعيدا عن الوسط المنتدياتي
ولا ايه النظام

اعترف

[جمال سراج]

منور يا باشمهندس والله

ماشي يا مستر جمال
تبيعنا كده ف اول محطة ؟

ههههههههههههههههههه

طيب خد السؤال ده بقا


المرأة طبعا سر كبير

هل قدرت من خلال تجاربك و خبراتك في الحياة
انك تفهم السر ده







ههههههههههههه
لا منكن أبيعكوا أبدا
بس الشىء لزوم الشىء يا مستر
كل وقت وله أدان
هههههههههههههههههه


شوف يا مستر
المرأة مخلوق جميل وديع ورقيق
خلقها الله كالأزهار فى القفار ولا يمكن الاستغناء عنها
فهى الأم والحبيبة والإبنة
ويجب على المرأة أولا أن تكتشف سر وجودها فإن صلح اكتشافها لسر وجودها صلح اكتشاف الرجل لسرها

يجب أن تتفهم الأمور بعقلانية وتقر بالفروق بينها وبين الرجل وأن هذه الفروق جعلها الله منحة لها وتقديرا واجلالا لها وليس لانتقاصها
وعندما قال الرسول صلى الله عليه وسلم " هن ناقصات عقل ودين" لم يترك الأمر مبهما أو لم يترك للناس التعميم وإنما أفصح وبين صلى الله عليه وسلم واستطرد فقال : أليست شهادتها نصف شهادة الرجل -- قالوا بلى ... قال ذلك لنقص عقلها وبين قلة دينها فى قوله" هل يجب على المرأة الحائض صلاة --- قالوا لا ... قال فذاك لنقص دينها
إذن يخبرنا الرسول أن نقص العقل هذا ونقص الدين ما هو فى الحقيقة إلا هبة ومنحة من المليك وليس تمييزا للرجل

فهل يدرك كل النساء ذلك؟!
والله لو وعوا وفقهوا لصلحت الدنيا

عنى فقد اكتشفت سر المرأة والذى هو فى حقيقته اتفاق مع كلامه صلى الله عليه وسلم من رقة المرأة ووداعتها وجمالها وهدوئها الذى يجب أن تخبر به دائما لتنال رضاها
عندما تكون حبيبة تكون علة الكيان ورفيقة الأحزان وحافظة العهد إلى أن تكون باكية فوق اللحد
وعندما تكون إبنة فهى من تتبسم بثغرها وتمرح بمرحها وتطيل عمرك بحياتها وتوسع وجودك بوجودها



رزقنا الله جميعا محبته ورضاه

[شريف]

الله علي ردك يا استاذ جمال

اقول ايه انا بعد الرد ده

و الله ما لاقي حاجة اقولها

[شريف]

سؤال كمان يا استاذ جمال
و انا عارف اني تعبتك و تقلت عليك اوي النهاردة
بس من عشمي يعني معلش



في مثل ايرلندي بيقول :
لا يغلق الله باباً إلا ويفتح آخر
و طبعا المثل ده له شواهد كتير بتأيده في ديننا الحنيف

و اكيد حضرتك طبعا مؤمن بيه
السؤال : كيف تحقق هذا المثل في حياة ا/ جمال سراج ؟

[نعمه محمود]

ماذا ستكتب لنا لتعبر عن حياتك التي عشتها الى الان في كلمات قليله ؟


اعتذار تريد ان تقدمه لمن؟
من ستختار ليمسح دموعك ؟

(( اللي راح راح وماتفيد كلمة ياريت )) إذا أردت ان توجه هذه العباره لنفسك* فماذا

تقصد بها ؟

[جمال سراج]

سؤال كمان يا استاذ جمال
و انا عارف اني تعبتك و تقلت عليك اوي النهاردة
بس من عشمي يعني معلش



في مثل ايرلندي بيقول :
لا يغلق الله باباً إلا ويفتح آخر
و طبعا المثل ده له شواهد كتير بتأيده في ديننا الحنيف

و اكيد حضرتك طبعا مؤمن بيه
السؤال : كيف تحقق هذا المثل في حياة ا/ جمال سراج ؟



طبعا سبحان الذى يريد لنا اليسر ولا يريد العسر
لكن الشيطان يعدنا الفقر ويأمرنا بالفحشاء بنص كلام ربنا والله يعدكم مغفرة منه وفضلا
والإنسان قد لا يصبر على تحديات حياته ويصاب بالقلق واليأس أحيانا
وهذه أمور أجزم أنها انتابنى خلال مراحل عمرى
من الحرص الزائد الذى يؤدى إلى عدم النجاح الوقتى
ولكن عندما يكون الأمر بيد الله فلا يجب أن يحزن الإنسان

هناك أمور لازمتنى من القلق من ضياع فرص العمل بالخارج فى السعودية مثلا ولكنى عندما ذهبت للعمل تمنيت لو أنى لم أذهب أصلا لكنى سعدت بآدائى للحج
وعدت وسافرت حيث تميزت واجتهدت واختيارى للتدريب فى أماكن عدة واختيارى لأنال ثقة فى مجالى
كذلك ساورتنى شكوك بتركى مكان العمل الذى عملت فيه لفترة طويلة الى مكان آخر حفاظا على الرزق
مع يقينى أن الرزق بيد الله لكنه الحرص
ومع هذا ما وجدت قتورا فى الرزق قط بل على العكس ولا أزعم تميزى عن غيرى ولكنى أوقن أن كل شىء بيد المليك واهب النعم وأيضا مانعها !
فقد تعرفت على أناس أكثر - تعاملت مع أشخاص أكثر - تعلمت كثيرا - انفعلت كثيرا وهكذا
فتوكل على الله سبحانه وتعالى وكن مصراً على تحقيق اهدافك ولو اغلقت امامك جميع الابواب فلا تيأس واستمر في الكفاح والصبر وتاكد ان الله تعالى لايضيع آجر من احسن عملاً .
شكرا لك يا مستر

[جمال سراج]

ماذا ستكتب لنا لتعبر عن حياتك التي عشتها الى الان في كلمات قليله ؟
جد - اجتهاد - معرفة يقينية بالغاية التى من أجلها خلقت وهى عبادة الله بالعمل والتواصل والقناعة والرضا والسعى فى الأرض ومحاولة عمل الخير- نجاح وكبوات واصرار
مع قليل من اليأس والتمرد أحيانا لكنى لا أضر غير نفسى

اعتذار تريد ان تقدمه لمن؟
لكل من أخطأت بحقهم بقصد أو دون قصد أو حتى ساورهم شك أننى أنتقص من حقوقهم أو أهملهم أو لا أقر بفضلهم - فكل من تعاملت معه عن قرب أو عن بعد له فضل على شخصى المتواضع حتى لو لم يكن هذا الفضل مباشرا
يكفى أننا تعارفنا حتى ولو إسما
من ستختار ليمسح دموعك ؟
من اختارها قلبى لتكون رفيقة أحزانه ومصدرا لسعادته بكل تأكيد

(( اللي راح راح وماتفيد كلمة ياريت )) إذا أردت ان توجه هذه العباره لنفسك* فماذا

تقصد بها ؟
منحة لمدة عامين من اليابان ومثلها من أمريكا للدراسة والعمل
أحيانا بزعل لما بعرض أسباب اعتذارى
وكذا اعارات لدول ناطقة بالإنجليزية أخرها جنوب أفريقيا للعمل
مع أنى بحب المغامرات بس خوفونى من البلطجة هناك مع إننا عايشين الوقتى فى كنف أحلى بلطجة
ههههههههههههههه





واضح إن التساهل معاكوا بقا وحش
الأسئلة كل مادا بتخش فى الغامق وبتتصعب
ههههههههههههههههههههه
ماشى يا نعمة
هلاقيها منك ولا من دعاء ولا شريف
حتى صاحب القلب الكبير الباشمهندس هشام
بس إما اشوفكوا كلكم
هههههههههههههههه
هسلم عليكوا فردا فردا طبعا
دا أنا غلباااااااان
تسلموا

[موناليزا]

هشوف سؤال تانى

[شريف]

واضح إن التساهل معاكوا بقا وحش
هلاقيها منك ولا من دعاء ولا شريف

ههههههههههههههههههههه
عسل

فعلا ... الطيبة وحشة ف الزمن ده

ههههههههههههههههههههه
استعد للسؤال الجاي

و معلش استحملنا سبت و حد
و خلاص

[شريف]

يقال : أن الحب ينتهي بمجرد كتابة عقد الزواج !! You can see links before reply

ايه رأيك في المقولة دي ؟

و لو مقتنع بيها و لو بنسبة بسيطة

ايه الحل من وجهة نظرك لاحياء القلوب الصدأة
و المشاعر الفاترة بين الزوجين ؟؟؟

و هل تؤمن أن هناك قصص حب كبيرة مازال بعض الازواج يحياها ؟؟؟
و تنصح اللي عايز يتجوز
تقوله ايه ؟

يتكل علي الله
ولا ينفد بجلده؟


من الناحية الدينية طبعا عارفين
لكن عايز رأيك انت
بشكل واقعي
متعلق بالحياة الفعلية
اللي عايشينها دلوقتي

يعني الاجابة تبقي بالعامية عدم المؤاخذة
ههههههههههههههه

[جمال سراج]

يقال : أنالحبينتهي بمجردكتابة عقد الزواج !! file:///C:/DOCUME%7E1/XPPRESP3/LOCALS%7E1/Temp/msohtml1/01/clip_image001.gif

ايه رأيك في المقولة دي ؟

و لومقتنعبيها و لو بنسبة بسيطة

لا أظن أبدا – دا ممكن يبدأ عند اللى محبش بجد لأن مشاعر الحب الجميلة

من عطف وحنان وتوحد فى المصالح والغايات وبر وتراحم وشياكة وكل حاجة حلوة بتتنفذ عملى بانتقالك للحياة الجديدة

دا طبعا للى حب بجد أقصد لو كان حب حقيقى وزوجين متوافقين فكرا وروحا

ايه الحل من وجهة نظرك لاحياءالقلوب الصدأة
و المشاعر الفاترة بين الزوجين؟؟؟

التزام كل طرف بحقوقه ومعرفة واجباته

دى أهم حاجة من وجهة نظرى

يعنى الراجل اللى مش عاوز يشتغل ويوفر لزوجته سبل العيش الأساسية المقبولة واللى اتفقوا عليها – عمر الراجل دا ما هيكون سعيد ولا هتبقى دى حياة

بردو الزوجة الأنانية اللى مطالبها كتير ومش بتقف جمب زوجها وتعرف امكاناته وتقدره وتسامحه لو قصر فى مصروف نتيجة ظروف أو تبقى عاوزة متطلبات خيالية وهى عارفة حدود جوزها أو تطمع فيه وكل همها راحتها ولا تفكرش فى جوزها وكأنه حيوان أليف بتربيه أو دايما طماعة وبتتأثر بشياطين الإنس من صديقاتها أو اللى بتشوفه فى شارع او تليفزيون وخلافه عمرها ما هتبقى سعيدة أصلا ولا عمر حياتهم هتبقى حياة

الحياة كفاح وتعاون وتقاسم بين الزوجين يأتى من وضع قواعد مبدأية تضمن للرجل القوامة وتتيح له توفير مصاريف بيته من جهة

ومراعاة المرأة لزوجها ومساعدته من جهة أخرى بطريقة غايتها الود والألفة والالتزام بتعاليم ربنا
و هل تؤمن أن هناكقصص حب كبيرةمازال بعض الازواج يحياها؟؟؟

مش فاهم قصدك

وهجاوب فى محورين

الأول لو تقصد حب الزوجة لزوجها أو العكس بالتأكيد دا حاصل وهو الأساس حتى لو تمردت الزوجة على العيشة واللى عايشنها أحيانا أو العكس

فى النهاية كل منهما هياكل الخس والجزر وهو مسرور ومش هيلاقى حد يعبره إلا التانى

هههههههههههههههههه

أما لم تقصد حب خارج نطاق الزوجية يعنى الزوجة تعيش بذكرياتها مع حبيب لم تتزوجه أو العكس

فدا بردو بيحصل كتير وبيظهر أكتر لما تحصل مشاكل بين الزوجين أو لما تكون الحياة صعبة أو بردو سهلة وبسيطة ومغرية ( فضا يعنى وفى الحياة دى مبيكنش فيه احترام من كل منهما للآخر ولا يراعى حقوق الآخر)

عاوز بس أقول يا مستر إن ربنا لما قال وجعل بينكم مودة ورحمة

إن المودة والرحمة دى بتيجى بعد الزواج مش قبله

لان كل واحد ممكن يتخدع فى التانى دا لو كل منهما كان بيتصنع المودة والرحمة قبل الزواج

لكن المودة الحقيقية تأتى من العشرة والتوافق ولذا كانت هناك شروط للزواج وأولويات وأفضليات أيضا

عندك دين ومال وجمال ونسب واختار ويفضل الدين
و تنصح اللي عايز يتجوز
تقوله ايه ؟

يتكل علي الله
ولا ينفد بجلده؟


من الناحية الدينية طبعا عارفين
لكن عايز رأيك انت
بشكل واقعي
متعلق بالحياة الفعلية
اللي عايشينها دلوقتي

يعني الاجابة تبقي بالعامية عدم المؤاخذة
ههههههههههههههه



أقول احنا فاهمين الدين غلط ومش معنى الباءة من وجهة نظرى تحمل نفقات الزواج وقت الزواج ولكن معناها من وجهة نظرى بردو الاستمرار فى الانفاق على الزوجة وبعد كدا الاولاد باستمرار او وضع استراتيجيات للمشكلة دى

يعنى بلاش تتجوز بالتقسيط هو انت هتسدد قسط الشقة ولا العفش ولا هتصرف عالاكل والشرب

اللهم الا كان دا ممكن بسهولة ودون تعارض مع مصاريف البيت

كمان اعمل حساب القادم لو جالك عيل او اكتر هتصرف عليه ازاى لو مش بتشتغل او مفيش فى دماغك شغل

وعيب قوى اللى مش بيشتغل ورامى الحمل على زوجته لو هما الاتنين بيشتغلوا ويتقاسموا العيشة دا المطلوب

انما الست تشتغل والراجل لا عيب

كمان على الفتاة انها تختار كويس صاحب الدين واللى بيشتغل او جاد فى الشغل والعمل ومتفرحش بان العريس جايب وجايب قصدى يعنى ابوه او امه جابوله لانه محدش هيعيش لحد بعد كدا وفى الاخر سيتخمض الجبل ومش نحب يكون تحته فار !!!!!!!!!

وعاوز بردو أقول للبنات بالذات لانهم اكتر من الشباب رغبة فى الزواج

عاوز اقول انه كل تاخيرة وفيها خيرة وانه افضل للبنت انها تقعد فى بيت ابوها معززة مكرمة ولا تتزوج من هو سىء السمعة أو لا يصونها أو يحميها

فكم عانى نساء من مثل تلك الامور وتزوجن لمدة شهور او سنوات قليلة ثم انصلن عن ازواجهن مع وجود اطفال لتبدا مراحل اخرى فى سجلات الشقاء

اتمنى البنات تتعقل الامور كويس جدا وتعرف انه باخلاقها الجميلة هيجلها رزقها لان الجواز دا رزق

واقول للشاب بردو خليك جاد وانوى خير وبلاش تشعطط بنات الناس معاك وحدد لك شخصية واعرف حدودك وخلى لك فكرك وكيانك بعيدا عن فكر الأب أو الأم أو الأسرة عموما .


أصلح الله لنا الأحوال
وهدانا إلى سواء السبيل
احترامى

[شريف]

اشكرك جدا يا مستر علي اجابتك المستفيضة
تسلم ايدك بجد
منور القسم العام والله و الموضوع بردودك

سؤال كمان

رجب و شعبان و رمضان قرب خلاص
كل سنة و انت و الجميع بخير
طقوسك ايه في رمضان ؟

من زمان و حضرتك صغير الي الان
و انهي رمضان كان له طعم ... زمان ولا دلوقتي ؟؟؟

[جمال سراج]

رجب و شعبان و رمضان قرب خلاص
كل سنة و انت و الجميع بخير
طقوسك ايه في رمضان ؟

من زمان و حضرتك صغير الي الان
و انهي رمضان كان له طعم ... زمان ولا دلوقتي ؟؟؟
كل سنة إنت والجميع بكل خير
شهور مفترجة وجميلة شخصيا أحس فيها بالبركة والأمان والونس والسرور
رمضان وأنا فى الدراسة صغيرا كان اليوم يبدأ بعد صلاة التراويح
مش متعود اتفرج على مسلسلات أو فوازير او كلام من دا
باتثناء المسلسلات التاريخية الاسلامية لو معادها مناسب لان انت عارف الاستعمار الثقافى عندنا مش عاوزين حد يتعلم ولا يتدين تلاقى يجيبوا الرقص والمسخرة حتى فى الشهر الفضيل ومسلسل تاريخى يتعمدوا يجيبوه اما الصبح والناس فى الشغل او قبل الفجر بساعة والناس نايمة
المهم كنت ازاكر لحد ما اصلى الفجر وفى اثناء مزاكرتى اللى بتكون مع اصحابى كنت بسمع راديو والى الان برامج جميلة ومفيدة وخفيفة
ثم الصلاة وبعدين انام شوية لحد ما اقوم قبل الظهر كدا ومن العصر الى المغرب قراءة قرآن
أما الوقتى فبردو بيكون شهر مجهد جدا لانى مش بنام غير ساعتين او تلاثة
التراويح بعدها ربما مقرأة قرآن أو اتنين اقرا فيها مع الناس ثم صلاة القيام من 1 الى 2 ثم السحور والفجر بعدها نوم ساعة واروح الشغل وارجع شغل بردو وليا حوالى 5 سنوات احكم فى مسابقات قرآن كريم ممكن بعد الظهر لحد العصر وممكن من العصر للمغرب بحسب الظروف
أشيك حاجة ان الفطار بنبقى كتير وسعات بعزم اصحابى وهما بردو بيعزمونى ولولا اعتذارى لكنت طول الشهر افطر برة البيت
على فكرة احلى حاجة فى الشهر دا ان بفطر مع ولادى لانى كتير مش بنتجمع على اكل لاختلاف مواعيدى مع ظروفهم

أما عن رمضان زمان ولا الوقتى عاوز اقول ان احنا اللى نقدر نستمتع به الوقتى زى زمان
يعنى الناس تسيبها من الفوازير والافلام والكلام المسخ دا اللى بيضحكوا علينا بيه ويبقى زى الفل وتاخد روح رمضان العمل والعبادة والتكافل والرحمة
يمكن ضيق اليد الوقتى منعت الناس انها تبعد شوية عن اخلاق زمان من الكرم وفيه ناس للاسف بتخاف الفقر
لكن المثل بيقول الجود بالموجود --- مش اكتر مش لازم يكون اطعامى لفقير لحمة وفراخ طالما مش بقدر اكلها شخصيا
وبالطبع لو الفقير عاوز لحمة وفراخ او بيحدد اللى عاوزة يبقى طفس
هههههههههههه
اصل والله بقت فيه مشكلة بردو احيانا تلاقى اللى بيشحت بيحدد هو عاوز كام يقولك هات جنيه واحيانا هات 5 جنيه
بقت حاجة غريبة ودا بيحجم الناس انها تجود بالقليل المتاح لكن دا خطأ- فقط ادى الحاجة للمحتاج وفق امكاناتك وظروفك ومتستخصرش خير فى حد حتى لو لم يستحقه هتاخد الثواب دى مفيش فيها كلام
احمد ربنا ان اهلى وولادى محدش متعلق بتليفزيون ولا افلام وكلام من دا
اخرنا نشرة الاخبار وبعض برامج الرياضة عند الولاد وخصوصا المصارعة عن ابنى الصغير
كل سنة انتوا طيبين ( بدون ال و ) الواو حرف عطف مينفعش هنا
ههههههههههه دى حته كدا كالمشاشى ياريت متبقاش لازمة عندنا
تسلم يا مستر
حابب أعرف بقا مين عليه الدور فى الحلقة الجاية لو ممكن
عشان استحضر
ههههههههههههه

[شريف]

استاذ جمال
مساء الفل

هوا سؤال كمان و هنرحمك

بعده من التحقيقات دي

هههههههههههههههه



لو ثورة 25 يناير محصلتش
كنت تتمني انها تحصل ؟

و لا كنت تحب ان النظام السابق
يظل في الحكم ؟

بمعني آخر

تختار

ثورة تتبعها مراهقة سياسية
في طريقها للبلوغ
مع صخب و فوضي متوقعة
في طريقها للزوال

أم تختار

نظام فاسد مقترن باستقرار
و أمن و هدوء سياسي

يتبعه إرث من الفساد
لا نهاية له
أو وراثة للحكم غير شرعية


؟

[جمال سراج]

استاذ جمال

مساء الفل

هوا سؤال كمان و هنرحمك

بعده من التحقيقات دي

هههههههههههههههه



لو ثورة 25 يناير محصلتش
كنت تتمني انها تحصل ؟

و لا كنت تحب ان النظام السابق
يظل في الحكم ؟

بمعني آخر

تختار

ثورة تتبعها مراهقة سياسية
في طريقها للبلوغ
مع صخب و فوضي متوقعة
في طريقها للزوال

أم تختار

نظام فاسد مقترن باستقرار
و أمن و هدوء سياسي

يتبعه إرث من الفساد
لا نهاية له
أو وراثة للحكم غير شرعية


؟






الأول يا مستر شريف
اسمحلى أحييك على بلاغتك ووصفك الرائع للأحداث
بجد وصف شيك أقدره وأحترمه

أرد بقا
بديهى طبعا إنى ضد الفساد والطغيان يعنى أؤيد الثورة وكنت وما زلت أعانى من ضياع الفرص والحقوق نتيجة لمبدأ التوريث اللى حاصل فى مصر الى الآن فى كل ميادين العمل
من اساتذة جامعة الى سلك القضاء فمراكز القيادة واعلام حتى الوظائف البسيطة
لكنى كنت أود أن تدار الثورة بشياكة أيامها الأول زى ما قلت قبل كدا
أتمنى يكون زى ما حضرتك بتقول كدا فوضى فى طريق الى زوال مع تغيير فى الاحوال للافضل ولو انى اظن انه ربما مش هيحس بيها الجيل الحالى لان لسه انصار العقد البائد المكرشين باموال الشعب واقوات الغلابة لسه متغلغلين وماسكين البلد او غالبيتهم لان مش معقول كله يتغير من يوم وليلة لكن نامل ان الناس كلها تعرف حقوقها وتاخدها بذوق بعيد عن البلطجة وباحترام كامل لسيادة القانون والشرعية الدستورية اللى نامل انها تكون موجودة الاول
يعنى دستور وقواعد نمشى عليها وننتخب برلمان على اساسها ورئيس مهذب يفخر به كل مصرى ويقدره عند رحيله
واتمنى ان يكشف الناس الفساد ولن ينصلح حالنا الا بالحب - حب لاخيك كما تحب لنفسك ومتبقاش حريص انك تاخد حق حد او طالما مرتاح يولع الباقى
لان دا طبعا من اسباب انهيار الطغاة حول العالم أجمع

شكرا جزيلا هذا الحوار الجميل
الذى سعدت بتحاور باقة رائعة من المثقفين الواعيين محبى الوطن وداعمى الخير أينما وجد
وشكر خاص لصاحب الموضوع الجميل والعملاق
مستر شريف
لا حرمنا الله من الجميع
كل عام أنتم بخير ونراكم دائما على خير
خالص الأمانى

[شريف]

إجاباتك رائعة دايما يا استاذ جمال
بجد تسلم ايدك
استمتعنا جدا باجاباتك و أرائك
و ان شاء الله نكرر التجربة فيما بعد

كل الشكر والتحية و التقدير لك علي وقتك و صبرك و لباقتك

تسلم ايدك

[concor73]

شكرآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآ