ياترى رأيك هيكون ايه ؟

[Miss Sara]

السلام عليكم ورحمت الله وبركاته


معلمين ومعلمات المنتدى الكرام
كلنا شاركنا فى ثوره 25 يناير سواء نزلت التحرير او شاركت بقلبك أوشاركت عبر الفيس بوك


كلنا لدينا شعور بالتغيير و تحسين الاوضاع التى بين يدينا
ياترى ايه الى عاوزين تغيروه فى مدارسكم ؟؟؟
ياترى هترد وهتكتب ايه؟

[أخصائى مكتبات]

الكوسة الجامدة والكتابة على السبورة فى امتحانات الشهادة الابتدائية (النقل)
المسألة دى غيظانى جداااااااااااااا..

[قلبك حنين]

تفتكرى هنقدر نقوم هذه الافات
1/ عدم اجبر التلاميذ على الدروس او المجموعات المدرسيه لان هنالك من لا يمتلك الامكانيات الماديه ويت اجبار التلميذ ام بالضرب او التهديد بالرسوب وهو اعطاء التلاميذ درجات قليله فى ملف الانجاز
2/ عدم قول كلمة اشمعنى بمعن لا احد ينظر الى الاخر سواء هو ذهب الى المدرسه لا ينظر الى الذى يجى متاخر
وليه بيتاخر اساس الاعه كذا الحضور فيبقى الساعه بالطبط .
3/ هاتى مدرسة فيها ادارة حكيمه او فاهمه مفيش بجد وده واقع اليم ويجب الاعتراف بهذا
4/ مراعاة الضمير فى الفصل والعمل ويجب الاخذ فى الاعتبار ان الله رقيب علينا وليس احد اخر
كفايه وللحديث باقيه

[دينا احمد]

الكوسة فى المعاملة مع ناس وناس صحيح الكوسة غالية بس موجودة

[Miss Sara]

علشان ينجحوا
ههههههههههههههههه
وانا من رائى اننا نبدا بنفسنا ونرفض الموضوع دة
انا برفض اى تلميح فى الموضوع فى اى لجنه انا براقب عليها
محدش سمعلك اشتكى
شكرا لردك

[Miss Sara]

انا بتفق معاكم جميعا الاستاذه دينا و قلب حنين وأخصائى مكتبات
انا كمان نفسى الكثافه تقل حتى لو اضطرينا اننا نعملها فترتين
نفسى ندى المدرس فرصه انه يتعامل مع الاعداد القليله علشان يعرف يدى
نفسى نغعل كل من مادة التربيه الرياضيه والفنيه والموسيقيه فى المدارس
نفسى يكون فى أنشطه فى المدرسه
اكيد هتفرق مع الطالب
شكرا للمشاركه ومستنيه المزيد

[هبة البيومي]

أنا مدرسة رياض اطفال وحاسه انى مضغوطة من عمل سجلات ووسائل ولا التحضير الطويل والممل الي نفسي يتلغي وأوامر موجهين وطلبات أولياء أمور وكمان الموجهة بتلزمني بالميزانية والمشتروات ومحاضر التشغيل نفسي كل دا ينتهي وأتفرغ للطفل وتعليمه وتقويم سلوكياته

[قلبك حنين]

دا استحاله يحصل استاذه ساره تعرفى ليه علشان مثل محافظة القاهرة التعدد كام وكمان 5نين هيوصل كام ده ممكن يحصل فى المدن الجديدة ومع التواسعات العمرانيه مش تقولى انى متشائم بالعكس المفروض نفكر بالمنطق
ثانيه الانشطة المدرسيه لا تتطبق فى المدارس مفيش مكان مفيش امكانيات ويجى البيه المدير واحد بيكون بيعطى دروس يقوله انا محتاج حصة النشاط كذا فيأخذه والمظلوم التلميذ
انا اتمنى انى يكون هنالك فعلا نشاط ثقافى ونشاط اجتماعى ونشاط فنى على ارض الواقع مش مجرد جلات وشغل روتين فقط
تعرفى الحل ايه الاهتمام بثلاثة اشياء
1/ وزراة الصحه
2/ وزراة الداخليه
3/ وزراة التربيه والتعليم
اذا تم الاهتام بهذه الوزرات اتفرج على مصر انشاء الله هتكون ايه
اتمنى اننا لا اكون ضيف ثقيل عليكوا

[Miss Sara]

السلام عليكم
أستاذه هبه: انا مدرسه رياض أطفال زيك واتكلم معاكى بصى ياستى( بالنسبه للوسائل التعليميه ممكن تتحل انك تبدى تفكرى وتعمليها فى الاجازه نصف او اخر العام
اما بالنسبه للتخضير انا معاكى انه ممل وانا بصراحه مش بلاقى ليه لازمه بس انا عذرتهم لسبب هو الدليل الوحيد الى بيثبت انك بتحضرى وكمان المنهج الى انتى بتشتغليه
انا معاكى انه طويل وده عاوزينه يتحل وناقشه فى ركن الرياض ان شاء الله
اما بالنسبه للماليات انا معاكى فيها والله خصوصا انى متعينه جديد وعرضه انى اكون ضمن لجان الشراء الفحص الاستهلاك ...........
والكلام دة عرضه فى ركن رياض الاطفال فى المنتدى وقلت لازم يخصصوا حد بيفهم فى الماليا وهم طبعا الموجهين المالين ) والله المستعان

اما بانسبه للاستاذ\ قلبك حنين اعتقد اننا ممكن نتعب شويه ونقسهمها زى ما كنا عملنا فى حاله الطوارى ساعت الانفلوونزا الله لا يعدها
السنوات الدراسيه اتقسمت واللاعداد قلت فى الفصول ، اعتقد اننا ممكن نتعب ونطبق النظام دة لحد ما يوفروا مدارس
ومتنساش ان مفيش حاجه اسمها استحاله بعد 25 يناير
شكرا للجميع ومستنيه المزيد

[hdaa]

بحلم ان اول مدخل الفصل واعمل الاحتبار التشخيصى يبقى موجود من 4:6تلاميذ ضعاف مش 30او20وكمان نفسى يبقى فيه مساواة فى المعاملة ونفسى أحس ان مدير المدرسة يعاملنا كأننا زى اولادة ويفتح لنا مجال لمناقشة القصور الموجودة فى المدرسة وبحلم ان تقييم مدير المدرسة ميكنش مقتصر على سجلات المعلم وبس وكمان يكون فيه وسائل تعليمية متاحة وان يكون لكل مدرس كمبيوتر خاص به يكون عليه كل شغله بدل كل السجلات اللى بيدخل بيها الفصل وخاصة مدرس اللغة العربية

[دينا احمد]

ياريت نغير الروتين الممل اللى احنا لحد دلوقتى محافظين عليه ونبطل نخاف بقىويكون عندنا ثقة بنفسنا

[Miss Sara]

ان شاء الله الاحلام كلها تتحقق

[Miss Sara]

إن شاء الله الاحلام كلها تتحقق