♥♥ ♥♥ استنى كده ــــ يمكن ماقعش ! ♥♥ ♥♥

[شريف]

السلام عليكم
ازيكم .. بتوحشونى و الله يا جماعة

مش قلتلكم مش هقدر استغنى عنكم ؟
ههههههههههههه
اكتشفت ان بيجري ف دمي كرات بيضا و كرات حمرا
و بوابة التعليم المصرى
أصل العشرة ماتهونش الا على ولاد الحرام
المهم ما علينا

ـــــــــــــــــــــــــــــــــ
فى فيلم (( اللي بالي بالك )) بتاع اللمبى
الراجل مسك اللمبي قدام مراته فى الصحرا
و ضربه بقبضة ايده علي راسه بعزم ما عنده
اللمبي قال له : ((( استني كده يمكن ماقعش )))

و دي فى حد ذاتها دعوة للتفاؤل ... في ظروف طين ... أخرتها سودة
و طبعا التفاؤل في حالة زي دي ... نوع من انواع البلاهة و السذاجة
لانه طبيعي بعد الضربة دي هيقع هيقع ... مافيهاش جدال
ـــــــــــــــــــــــــــــــ

و هوا ده بالظبط اللي حاصل لمصر دلوقتي
كل ما اجي اتفائل شوية ... افتكر مقولة اللمبي المأثورة
و اتخيل ان مصر هيا اللي بتقولها
بعد كل الضربات الموجعة اللي بننزل بيها علي دماغك يا مصر

و الغريب ... ان بعد كل ضربة من دول , مصر بتقول و هيا بتصرخ
(( استنوا كده يا مصريين .... يمكن ماقعش )) !!
و تحاول تتماسك ... و بتحاول تفضل واقفة علي رجليها
لانها لو وقعت .... مافيش اكتر من الشمتانين اللي علي حدود
شمالها و جنوبها و شرقها و غربها

مش هتقوملها قومة و لا بعد قرن
ـــــــــــــــــــــــــــ

السؤال : ليه مصممين نجيبها الارض ؟؟؟

ليه مليونية كل جمعة .... ليه ثورة علي الثورة ؟؟
ليه تشويه صورة الجيش ؟؟ ليه قلة ادب بعض ممن يطلق عليهم الثوار
و بقا مالهمش كبير ؟

ليه بنت في سن اولاد المشير طنطاوي او احفاده ... تقول طنطاوي حاف كده
و تتهم الجيش بالتواطؤ ؟؟؟
فاضلنا مين بعد الجيش؟؟؟
اومال لو جيشنا زي جيش ليبيا و لا سوريا و لا اليمن
كانوا عملوا فيه ايه و قالوا عليه ايه ؟؟؟

ـــــــــــــــــــــــــــــ

يا جماعة حرام سيبوا الجيش في اللي هوا فيه و بلاوي الثورة المضادة
و اقتصاد مصر الخربان
و لا البلطجة !! يا سلام ع البلطجة
اشغلوا الجيش بميدان التحرير و خلوا البلطجة تنتشر اكتر في الشوارع


You can see links before reply 1%D9%85.jpg
ـــــــــــــــــــــــــــــــ

قلبي حاسس ان البلطجة هتبقا مادة اساسية
في منهج الاعدادي بتاع السنة الجاية
و انا قلبي مايكدبش ابدا

يا سلام
تخيلوا بقا مادة اسمها ((مادة البلطجة ))

و ممكن تبقا مادة سقوط و نجاح كمان
و هيبقا فيها عملي
و احنا كمدرسين ان شاء الله
هندرس فيها ـــ انواع البلطجة
ادوات البلطجة
من سنجة و ساطور و قرن غزال و سيوف و موازة و مية نار
و مش بعيد كمان الاولاد يدرسوا أشهر الحيوانات المستخدمة في البلطجة

من جمل و كلب و حصان و حمار
و أسد كمان
اه والله أسد
الشرطة راحت تقبض اول امبارح علي بلطجي مشهور
سيب عليهم اسد كان مربيه عنده في بيته !!

You can see links before reply
و كمان الاولاد هيتعلموا مصطلحات البلطجة
و يكونوا جمل مفيدة من فاعل و فعل و مفعول زي مثلا :

داحنا برضه اللي زعفنا السما من براغيت الرعد الماطر
و سلكنا البحر من السمك اللي كان سادد الشبك في القلعة


و الاولاد هيتعلموا برضه اشهر موقعه للبلطجة
و اشهر البلطجية ف مصر
كل ده هيبقا في مادة البلطجة
يا سلام مادة لذيذة اوي

You can see links before reply

هيا فيها شوية معادلات رياضية بسيطة كده هتحبوها

زي مثلا :

سنجة + ساطور . الجزر التربيعي لقرن الغزال = يديك ايه ؟؟؟

قالك : يديك بالمطوة ف وش اهلك علي طول !!

You can see links before reply

و هيعملوا فصل اخير في كتاب البلطجة
اسمه (( سلوكيات البلطجة ))

بيشرح فيه
لو مثلا طلع عليك واحد بلطجي و انت ماشي ف شارع ضلمة انت و المدام
و راح رافع المطوة في وشك بزاوية قايمة 90 درجة كده

هتعمل هنا ايه ؟ لازم بقا تخليك صايع
افهم هتتعامل ازاي مع البلطجي المحترف

لو قالك ترمس ... من سكات كده تطلع كل اللي ف جيوبك و تديهوله
... مانت معاك المدام
لو قالك حمص ... تقلع هدومك كلها و تسيبهومله ... مانت معاك المدام
المصيبة بقا لو قالك ... فستق ... ساعتها لازم تسيبله المدام نفسها

ــــــــــــــــــــــــــــــــــــــــــــ
هل هتبقي هيا دي مصر ؟؟
يبقا نلم نفسنا بقا من مظاهرات كل جمعة
اللي البلطجية فيها بينتعشوا في باقي شوارع مصر

يا جماعة ماسخة اوي اوي اوي
ان يقولوا في ثورة يوم الجمعة الجاية
و احنا اصلا طالعين من ثورة

ثورة علي ثورة ؟؟؟؟؟؟؟؟
ثورة علي مين ؟؟؟؟؟؟؟

ــــــــــــــــــــــــــــــــــــــــ

نفسي في رئيس لمصر زي مهاتير محمدفي ماليزيا

اللي اتحولت في عهده احلام ماليزيا الي واقع
برغم الازمات و المشاكل العاتية اللي كانت بتمر بيها اكتر من مصر كمان
المشكلة مش ف المشاكل
المشكلة هي وجود او عدم وجود شخص
يعرف يشتغل باحتراف و جرأة في وسط المشاكل

ـــــــــــــــــــــــــــــــــــــــ

و مازلت مصر تنادي باعلي صوتها
يمكن حد عاقل يسمع و يفهم

و هيا بتقول _ و يارب ما تقعش _ :

((( استني كده يمكن ماقعش )))

[susu]

على فكرة كده مش ينفع انا بوجهلك تهمة التقصير :12: فى حق القسم العام وعلى العموم موضوع جميل

[شريف]

على فكرة كده مش ينفع انا بوجهلك تهمة التقصير :12: فى حق القسم العام وعلى العموم موضوع جميل
البركة فيكى يا سوسو
منورة دايما

انا بعترف طبعا بتقصيرى
و بحاول اعوض اهو

بس انا بقا اللي بتهمك بالتقصير
ايه رايك
مش بتقولي رايك ليه في الموضوعات ؟؟؟
كنت عايز اعرف رايك في القضية المطروحة
موافقة علي مليونيات التحرير تحت مسمي ثورة غضب ثانية
ولا رايك ايه ؟؟؟؟؟

[susu]

انا عمرى ما كنت مقصرة وقولت رايي فى الموضوع وقولت انه جميل وطبعا مش موافقة على المليونيات دى لانها خطر اوى على مصر

[شريف]

وقولت انه جميل
لا يا انسة سوسو ... احنا مش عايزين جميل و بس
عايزين مناقشة و حوار جميل يدور بينا في القسم العام
و يتم طرح وجهات النظر المختلفة عشان نستفيد من خبرات بعض

و انا عارف طبعا انك مش مقصرة ...
انا بنكشك بس

بس برضه عايزين الكيف .. مش الكم
عايزين ارائك في كل الموضوعات

و يارب ان شاء الله تبقي قريب نجمة نجوم المنتدي
و برافو عليكي
رأيك فعلا صح ... ع الاقل من وجهة نظري
المليونيات الغير محسوبة المشوشة المضمون و المحتوي و العنوان و الاهداف
أكبر خطر علي مصر

شكرا يا سوسو
تسلم ايدك

[susu]

العفو لكن سؤال هى نجمة النجوم رتبة عضو مثلا زى عضو فضى او ماسى كده يعنى

[شريف]

ههههههههههههههههه لا مافيش لقب في المنتدي اسمه نجمة النجوم

انا اقصد معنويا .... مش لقبياً هههههههههه

و عموما نعملك مخصوص اللقب ده

بس نوري المنتدي انتي بس بوجودك
و ورينا موضوعاتك النار في القسم العام و مشاركاتك (( مش عدد ... لا .. نوعية ))

و احنا تحت أمرك

[susu]

ميرسى والله ثم ان واقفه هنا طالما موضوعاتى نار ماعمرى شوفت لحضرتك مشاركه واحده عندى:3: انا زعلانه:patch_pleur:

[شريف]

لا ما تزعليش يا سوسو
عنينا ليكي

بس عايز اقولك علي حاجة

انا عايز موضوعك يجبرني اني اشارك فيه

و يكون معمول عشان نشغل مخنا و نتناقش فيه

حاجة تخليني امسك الكيبورد و ابدأ اكتب و ارد

لكن مش معقولة طبعا حد يعمل موضوع عبارة عن صورة

او كلمتين مالهمش معني

و يبقا ليا نفس انا او غيري نشارك فيه

الموضوع يا سوسو هوا اللي عليه العامل الكبير

يا اما يخلي الواحد مجبر انه يشارك
يا اما يخليه مش طايق يشوف عنوان الموضوع ادامه

فلازم تكون كل موضوعاتنا كده

مش عشان نزود المشاركات و خلاص

لا

عشان نتبادل الخبرات
و نستأنس باراء بعضنا البعض
و نستفيد من تجارب الاخرين

ساعتها نضرب لموضوعك تعظيم سلام
و تاخدي كمان احلي وسام

فاهماني يا سوسو ؟؟؟

[susu]

ايوووووووووة شكرا

[جمال سراج]

عند حق يا مستر
تناقضات رهيبة تدعو للقلق
ركوب موجة باسم الثورة رهيب
برأيى أن ما يحدث الآن ليس بثورة وأنها هوجة وكل عاوز يكون ليه دور حتى البلطجية!!!!!!!!!!!!
تسلم يا مستر شريف ومتحرمناش من روايعك دى وتحليلاتك
احترامى وودى

[محمد بن عباس]

يا شريف يا حبيبى زى ما قلتلك قبل كده الدور الأن على الشعب المخلص المحب لبلده بجد


كلامك صحيح مليون فى المية إننا لازم نترك الجيش يؤدى عمله وكفاية المؤمرات ال بتم داخل وخارج مصر


لنشر الفوضى والجيش بيواجهها بكل حزم وقوة


وياريت وبتمنى من قلبى ألاقى دعوة مليونية لزراعة القمح أو القطن أو لجذب السياح لمصر وزيادة الإنتاج


ساعتها الواحد يجرى فعلا يشارك بكل جهده وطاقته لخير مصر


والمفروض الأيام دى بالذات نضاعف الجهد والعمل والإنتاج لمصلحة الوطن الجبيب مصر


وعلى فكرة أنا متأكد ومتفائل وعايز الكل يتفائل إن شاء الله بمستقبل مشرق لمصر والأيام هتثبت كده


ولأن كل ثورة لازم يكون ليها ثورة مضادة يبقى لازم كلنا كشعب نواجه الثورة المضادة بالعمل والجهد والإخلاص


لأننا نحمل مسئولية وطن غير عادى هو مصر الحبيبة


ومصر محفوظة بفضل الله وفى كل محنة منحة كبيرة لمصر وربنا ذكر مصر فى القرأن فى مواضع عديدة


تحياتى لفكرك العالى يا شريف وموضوعاتك الراقية وحسك الوطنى ال تتحسد عليه ويا بخت مصر بيك

[شريف]

ايوووووووووة شكرا
العفو يافندم

[شريف]

عند حق يا مستر
تناقضات رهيبة تدعو للقلق
ركوب موجة باسم الثورة رهيب
برأيى أن ما يحدث الآن ليس بثورة وأنها هوجة وكل عاوز يكون ليه دور حتى البلطجية!!!!!!!!!!!!
تسلم يا مستر شريف ومتحرمناش من روايعك دى وتحليلاتك
احترامى وودى

شكرا يا استاذ جمال علي مرورك الجميل اللي أسعدني
و مجاملتك الرقراقة

خالص الاحترام

[شريف]

يا شريف يا حبيبى زى ما قلتلك قبل كده الدور الأن على الشعب المخلص المحب لبلده بجد


كلامك صحيح مليون فى المية إننا لازم نترك الجيش يؤدى عمله وكفاية المؤمرات ال بتم داخل وخارج مصر


لنشر الفوضى والجيش بيواجهها بكل حزم وقوة


وياريت وبتمنى من قلبى ألاقى دعوة مليونية لزراعة القمح أو القطن أو لجذب السياح لمصر وزيادة الإنتاج


ساعتها الواحد يجرى فعلا يشارك بكل جهده وطاقته لخير مصر


والمفروض الأيام دى بالذات نضاعف الجهد والعمل والإنتاج لمصلحة الوطن الجبيب مصر


وعلى فكرة أنا متأكد ومتفائل وعايز الكل يتفائل إن شاء الله بمستقبل مشرق لمصر والأيام هتثبت كده


ولأن كل ثورة لازم يكون ليها ثورة مضادة يبقى لازم كلنا كشعب نواجه الثورة المضادة بالعمل والجهد والإخلاص


لأننا نحمل مسئولية وطن غير عادى هو مصر الحبيبة


ومصر محفوظة بفضل الله وفى كل محنة منحة كبيرة لمصر وربنا ذكر مصر فى القرأن فى مواضع عديدة


تحياتى لفكرك العالى يا شريف وموضوعاتك الراقية وحسك الوطنى ال تتحسد عليه ويا بخت مصر بيك

بأيدك في كل حرف يا مستر
و بشكرك جدا علي ذوقك و لسانك اللي بينقط سكر

ربنا ما يحرمنا من ردودك

[نعمه محمود]

الله يبارك فى عمرك ياشريف قلت كل اللى عاوزة اقوله وعبرت عن اللى جوايا
عارف ياشريف اجمل حاجة انى انا وانت رغم اختلاف مواقفنا من الثورة الا اننا متفقين اننا لازم نبنى مصر وهو ده هدفنا كلنا ويارب احمى مصر

[Nm100]

You can see links before reply

[حبيبه المصريه]

إستنار القسم العام
بموضوعات حضرتك من جديد
رغم مافى الموضوع من روح فكاهه
لكنه يعرض واقع مر تعيشه مصر الآن
فعلا اصبح الامر اكثر مما يحتمل
واصبحنا نعشق الشارع والبقاء فيه
اصبحنا لا نعقل ولا نتعقل
اصبح الكثير لا يعرف ماذا يريد
يساق من اجل شواعلامى وخلاص
والادهى كل واحد يطلع يقول
انا ائتلاف مش عارفه ايه
وعاوزين ايه
المركب اللى فيهاريسين بتغرق
ومصر فيها 80 مليون ريس
لولا حفظ الله ليها
لحدث مالا يحمد عقباه
اتفق مع مستر محمد عباس تماما
اننا بحاجه للعمل الان
ثورات يعنى تعطيل اقتصاد وخراب
فلنترك الجيش يعمل
ولنترك القضاء يعمل
ولنعمل نحن فى رفعة مصر
وليس فى خرابها
ولا مجال للمزايده على جيش مصر
وقيادته الشريفه
التى أبت ان تطلق
طلقه واحده على ابنائها
لولا عناية الله لمصر
وجهود جيشهاالجبار
لحدث مايتمناه المغرضون
لكنها محفوظه دوما بحفظ الله
لست قلقه بهذا الشأن
مصر محفوظه ممن قال عنها
إدخلوا مصر إن شاء الله آمنين
ان شاء الله مصر آمنه
وكل من يدخلها
لكنها كبوات تمر بها مصر
ان شاءالله تزول قريباااا
اماالبلطجه فحدث ولا حرج
فعلا اصبحنا نخشى الشارع
واصبح وجودنا فيه بحدود و مواعيد
لم يصبح الشارع آمان كذى قبل
تناسيت الوضع الحالى
وكنت أتحدث من ايام مع امى
كيف سنقضى الاجازه
بعدما انتهى العام الدراسى
معلنه عن الذهاب للكورنيش
والاستمتاع بالطبيعه
لكنها صدمتنى
محال ان يكون كذى قبل
ويبدو ان الاجازه حتى
ستكون فى البيت جبرا لا خيار
وستكون التنقلات بحساب
ان شاء الله
تمر تلك الفتره على مصر بسلام
وكلى ثقه ان مصر دائما قويه
بمخلصيها ومحبيها
وستتحمل تلك النكبات
وستخرج منها فى عزة وإباء

نورت المنتدى والقسم العام
خالص الشكر لموضوعك الواقعى

[شريف]

الله يبارك فى عمرك ياشريف قلت كل اللى عاوزة اقوله وعبرت عن اللى جوايا
عارف ياشريف اجمل حاجة انى انا وانت رغم اختلاف مواقفنا من الثورة الا اننا متفقين اننا لازم نبنى مصر وهو ده هدفنا كلنا ويارب احمى مصر
محدش عاقل طبعا يختلف علي ان اللي بيحصل في البد من همجية و فوضي ضد مصلحة مصر
أيوة بنأيد الثورة

بس في ناس هايصة في الهيصة مش راضية تصدق ان الثورة قامت و خلصت
عايزين يفضلوا في ثورة الي ما لا نهاية

شكرا يا نعمة علي مشاركتك المشجعة
و تسلم ايدك

[شريف]

You can see links before reply

الله يفتح عليكي اختي الغالية

صورة معبرة جدا

توجز بين سطورها الكثير من المعاني التي لن يعيها الا العقلاء

لا حرمنا الله فطنة اختياراتك و ذكائها

[شريف]

إستنار القسم العام
بموضوعات حضرتك من جديد
رغم مافى الموضوع من روح فكاهه
لكنه يعرض واقع مر تعيشه مصر الآن
فعلا اصبح الامر اكثر مما يحتمل
واصبحنا نعشق الشارع والبقاء فيه
اصبحنا لا نعقل ولا نتعقل
اصبح الكثير لا يعرف ماذا يريد
يساق من اجل شواعلامى وخلاص
والادهى كل واحد يطلع يقول
انا ائتلاف مش عارفه ايه
وعاوزين ايه
المركب اللى فيهاريسين بتغرق
ومصر فيها 80 مليون ريس
لولا حفظ الله ليها
لحدث مالا يحمد عقباه
اتفق مع مستر محمد عباس تماما
اننا بحاجه للعمل الان
ثورات يعنى تعطيل اقتصاد وخراب
فلنترك الجيش يعمل
ولنترك القضاء يعمل
ولنعمل نحن فى رفعة مصر
وليس فى خرابها
ولا مجال للمزايده على جيش مصر
وقيادته الشريفه
التى أبت ان تطلق
طلقه واحده على ابنائها
لولا عناية الله لمصر
وجهود جيشهاالجبار
لحدث مايتمناه المغرضون
لكنها محفوظه دوما بحفظ الله
لست قلقه بهذا الشأن
مصر محفوظه ممن قال عنها
إدخلوا مصر إن شاء الله آمنين
ان شاء الله مصر آمنه
وكل من يدخلها
لكنها كبوات تمر بها مصر
ان شاءالله تزول قريباااا
اماالبلطجه فحدث ولا حرج
فعلا اصبحنا نخشى الشارع
واصبح وجودنا فيه بحدود و مواعيد
لم يصبح الشارع آمان كذى قبل
تناسيت الوضع الحالى
وكنت أتحدث من ايام مع امى
كيف سنقضى الاجازه
بعدما انتهى العام الدراسى
معلنه عن الذهاب للكورنيش
والاستمتاع بالطبيعه
لكنها صدمتنى
محال ان يكون كذى قبل
ويبدو ان الاجازه حتى
ستكون فى البيت جبرا لا خيار
وستكون التنقلات بحساب
ان شاء الله
تمر تلك الفتره على مصر بسلام
وكلى ثقه ان مصر دائما قويه
بمخلصيها ومحبيها
وستتحمل تلك النكبات
وستخرج منها فى عزة وإباء

نورت المنتدى والقسم العام
خالص الشكر لموضوعك الواقعى


أنار الله حياتك بمصابيح رضا الله غاليتنا ا/ حبيبة
أسأل الله أن يجعل لكِ من اسمك نصيبا كبيرا
فيحبك أهل الأرض و السماء ... آمين

أعجز دوما عن التعقيب علي مداخلاتك القيمة
حيث لا أجد ما أقوله
فدوما مشاركاتك تستوفي كل ما في عقلي من أفكار
و أقف حائرا لا أجد ما أقول بعدها

لذا أعلن فقط تأييدي لكلماتك العاقلة
و لن أضيف عليها شيئا

و لكن رجاءا .. لا تحرمينا ومضات اراءك في كل الموضوعات
لكي تنير لنا مصباحا في كل طرح
فنبصر طريقنا

خالص الاحترام

[mr.hisham]

إن شاء الله مش هنقع و مصر مش هتقع أبداً طول مافيها اللى خايفين على مصلحتها

والأمل موجود

إن شاء الله القادم أفضل

بس إحنا نبطل مليونيات ونخصص يوم الجمعة للصلاة فقط وإلا سنضطر لإستصدار قانون بإلغاء الأجازة يوم الجمعة

هههههههههههههههههههه



موضوع رائع وجاى فى وقته

[شريف]

شكرا استاذ هشام علي مرورك الباسم

جزاك الله خيرا

و الأروع حقا أن لا تحرمنا تواجدك

[hanaa sayed]

ان شاء الله مصر مش هتقع ابدا.........بس الاهم من انها مش تقع انها تبقي اقوي من الاول ......
ربنا يحفظ مصر ويصونها بشعبها واهلها

[شريف]

امين ... شكرا جزيلا استاذة هناء
نورتي المنتدي

[مستر محمد يوسف]

اللهم احمي مصر وشعب مصر يا رب استودعتك مصر و أهل مصر


يا رب اختار لهم الخير،يا رب اللهم ألف بين قلوبهم ووحد صفوفهم


اللهم انصرهم فقد صبروا و عانوا
اللهم احفظهم بعينك التي لا تنام واجعل بأسهم على من ظلمهم


اللهم أبر لهم أمر رشد يعز فيه أهل طاعتك ويذل فيه أهل معصيتك


اللهم إحفظهم بحفظك وأستر عليهم بسترك اللهم ارفع مقتك وغضبك عنا


اللهم ادرء عنا وعن بلدنا الفتن ما ظهر منها وما بطن لا اله الا انت سبحانك انى كنت من الظالمين
اللهم احفظ مصر من كل سوء