مشاهدة النسخة كاملة : عايزين دكر ـــــــ untraditional man
السلام عليكم
وحشتوني
ــــــــــــــــــــ
زي ما قلت لحضراتكم .. هعمل موضوع او اتنين كل فترة عشان حق المنتدى
طبعا مش قادر أوصف لحضراتكم ... أد ايه انا استفدت و انجزت بتنظيم الوقت ...
و اعطاء كل ذي حق حقه ... الحمد لله
ــــــــــــــــــــــــــــــــــــــــــــــــــ ـــــــــــــــ
ندخل ف الموضوع :
أطرح سؤال .. أتمني أن أجد له اجابة !!!
هيا مصر مافيهاش دكر ؟؟؟؟؟؟؟؟
ــــــــــــــــــــــــــــــــــــــــــــــ
بمعني : أين العقول المصرية ؟؟؟ عايز أشوف حد عبقري يحل و يربط !!
ايه ؟؟؟ مافيش ؟؟؟
اللي أعرفه ... و أفهمه ... و أستوعبه ... إن اللي أد وظيفة يشتغلها
و اللي مش أدها ... يروح يقعد جنب أمه !
شايف أدامى زخم رهيب ... مصر كلها مترشحة لرئاسة الجمهورية
و لم أر واحد منهم لديه حل غير عادى لمشكلة من مشاكل مصر الغير عادية !!
مليون واحد عايز يبقا رئيس جمهورية ... مليون واحد عايز يبقا رئيس وزرا
مليون مصري عايز يبقا نقيب معلمين ... وزير تعليم ... وزير داخلية ...
مليون مصري عايز يعمل حزب ... مليون مصري عايز يباشر حقوقه السياسية
ملايين مملينة ... صفر ع الشمال
حكومة ... (( سواء كانت تسيير أعمال أو غيره ))
هتموت ع المناصب ... أخرهم السفيه يحي الجمل ... اللي بيقول
انه وتد مستحيل يتشال من منصبه !!!!!!!!!!
غريب جدا لما تفشل في حل مشكلة بطريقة معينة خاطئة
تيجي تحاول تاني تحلها تقوم تستخدم نفس الطريقة الخاطئة !!!
نفس الوجوه و العقليات القديمة تحتل كل الوزارات المصرية الآن !!
ــــــــــــــــــــــــــــــــــــــــــــــــــ ــــــــــــــ
عصام شرف ... على راسي من فوق
راجل محترم ... رومانسي ... هادي ... مطاطي راسه
حلو أوي
ينفع قديس ...أو شيخ في جامع
ما ينفعش رئيس وزرا
هوا مافيش وسط في مصر ؟
يا يحكمنا ديكتاتور .... يا يحكمنا حد لا يحل و لا يربط ؟؟؟
ــــــــــــــــــــــــــــــــــــــــــــــــــ ــــــــ
مصر عايزة دكر
راجل يعرف يمسك العصاية م النص
و معاه فريق وزرا غير عاديين
عندهم حلول غير عادية
لمشاكلنا الغير عادية
تيجي تسأل حكومة تسيير الاعمال
عملتوا ايه
يقولك ... احنا تسيير !!!!!!!
هنعمل ايه يعني في الظروف اللي احنا فيها
ــــــــــــــــــــــــــــــــــــــــــــــــــ ــــــــــــــــــ
طب حضرتك شايف انك مش بايدك حاجة
قاعد ليه ؟؟؟؟؟؟؟؟؟
معتقدش ان مصر مافيهاش راجل
... ينفع رئيس ... و بيعرف يحلم !!!!!!!!
حد عنده طريقة تانية
ــــــــــــــــــــــــــــــــــــــــــــــــــ ــــــــــــــــــــــ
يا جماعة
الأوقات الغير عادية ...
تحتاج إلي أشخاص غير عاديين
untraditional man
رجل غير تقليدي
ــــــــــــــــــــــــــــــــــــــــــــــــــ ــــــــــــــــ
البلد عايزة انجاز
مش عايزة عجزة فاشلين
بما اننا في وقت غير عادي ك
فنحن نحتاج شخص غير عادي ... ملهم ... زعيم بمعني الكلمة
لا عمرو موسي و لا برادعي و لا ايمن نور
و لا بسطاويسي و لا صباحي ولا غيره
يدخلوا دماغي بنكلة
دول اشخاص عاديين ... ماينفعوش لمرحلة غير عادية
و اقول لكل المتشائمين
تعالوا بصوا لليابان بعد زلزال كارثة مدمر
محي قري من علي وجه الارض و دمر اقتصاد اليابان
تعالوا شوفوها بعد شهر من الزلزال رجعت اقوي ازاي
ايه السر ف الناس دي ؟؟؟
الحكومة اليابانية و شركات التأمين
اتعلمت من الدروس السابقة
زي اي حد طبيعي بيتعلم من الماضي
شجعت بسرعة الشركات علي رسم خطط للاستمرار لخفض الخساير
و مساعدة اقتصاد اليابان في الانتعاش
ــــــــــــــــــــــــــــــــــــــــــــــــــ ـــــــــــــــــــــــ
عايز حد ف مصر غير عادي يحل مشكلة المرور اليومية المزمنة
عايز حد في مصر ياخد خطوات و يحل مشاكل التعليم و يغير الفكر السائد و بسرعة
عايز حد بتاع أزمات ... يعرف يتعامل ... مش يتنح ... و يروح ياكل فول من عند التابعي
و محدش يقولي احنا طالعين من ثورة !!!!!!!!!
و محدش يقعد يلعن ف الثورة
قولولي مشكلة النظافة في مصر و رصف الطرق و نظافة القاهرة ايه علاقتها بالثورة
و ليه مافيش وزير يتبني القضية دي و يعمل انجاز و طفرة بطرق غير عادية
بعيدة عن الروتين و الورق ... و يعلن حملة مثلا لتنضيف القاهرة و يخليها بتبرق في خلال شهر
ايه المااااااااااااااااااااانع
مش عايز حد يرد ف الموضوع يا جماعة بجملة يائسة كده و خلاص
أصل مستحيل يكون مافيش أمل
ــــــــــــــــــــــــــــــــــــــــــــــــــ ــــــ
شايف ناس كتير كتير عاديييين جدا ... بل أقل من العادي
و مرشحين نفسهم بكل بجاحة لكل المناصب
هل عقمت النساء في مصر ... أن تلد شخص مختلف ؟!!!!!!!!!!!!!
محمد بن عباس
20-05-2011, 11:18 AM
نورت مكانك يا زعيم الموقع وأتمنى من الله أن يبارك لك فى والدتك وأسرتك
الموضوع ال حضرتك بتتكلم فيه يا شريف مهم جداً ولكن لا ننكر إنجازات على وشك الخروج للنور
من ديقراطية حقيقية وتعديل دستور ومحاسبة المقصرين ال نهبوا الشعب كل ده يحسب للدكتور عصام شرف
ولكنى أرى العيب فى بعض أفراد الشعب الموالين للنظام السابق من إثارة للفتن ونشر البلطجة وهروب للمساجين
وعصام شرف جه فى وقت صعب جدا والناس ال فى سجن طره مش هيستسلموا بسهولة
الدور يا شريف دلوقتى على الشعب أكتر من الحكومة وأنت فاهم أنا أقصد إيه
ومرشحو الرئاسة أنا معاك فعلا ولا واحد فيهم ينفع للمرحلة دى
عزة المصرى78
20-05-2011, 11:34 AM
عودا محمودا وقويا أ / شريف لا حرمنا الله هذا التواجد
الذكور كثيرين جدا فى مصر وفى كل مكان ولكن الرجال قليلون
مصر محتاجة رجالة محتاجة ذوى مروءة وشجاعة وشهامة وشرف ونزاهة وخلق ودين
محتاجة من يعيد لها أصالتها ورقيها من ينجدها من محنتها وهؤلاء أكيد موجودين لا يمكن أن تخلو مصر منهم ولكن تائهون وسط كل هذا الزخم نتمنى أن يسعوا إلى مكانهم الصحيح ويظهرون على ساحة المنافسة ويلقون بهؤلاء
لا أتصور إن مصر ممكن تضيع إنه لا يوجد وسط هذه الملايين رجال لا يستطيعون تولى القيادة والمسك بزمام الأمور
ونتمنى عندما ينعم الله بهؤلاء الرجال أن نساندهم ونتعاون معهم ولا نترك لهم مصر بهمومها وخيراتها يفعلون بها كيفما يشاءون أو نلقى بالمسئولية عليهم لوحدهم فمصر مسئولة من كل مصرى يعيش على أرضها
لا أعلم كيف أوصل ما بداخلى نحن نحتاج قدوة فى الشرف والنزاهة والتفانىوالتضحية والعدل حتى نقتدى به ونحتذى حذوه فمصر لن يصلحها حاكم أو أفراد وإنما سوف تنلح لو انصلح الحاكم والشعب
يارب ولى أمورنا خيارنا واجعل مصرنا عامرة بمثل هؤلاء الرجال
لا تحرمنا منك دائما منتظرين مشاركاتك القويه
نورت مكانك يا زعيم الموقع وأتمنى من الله أن يبارك لك فى والدتك وأسرتك
الموضوع ال حضرتك بتتكلم فيه يا شريف مهم جداً ولكن لا ننكر إنجازات على وشك الخروج للنور
من ديقراطية حقيقية وتعديل دستور ومحاسبة المقصرين ال نهبوا الشعب كل ده يحسب للدكتور عصام شرف
ولكنى أرى العيب فى بعض أفراد الشعب الموالين للنظام السابق من إثارة للفتن ونشر البلطجة وهروب للمساجين
وعصام شرف جه فى وقت صعب جدا والناس ال فى سجن طره مش هيستسلموا بسهولة
الدور يا شريف دلوقتى على الشعب أكتر من الحكومة وأنت فاهم أنا أقصد إيه
ومرشحو الرئاسة أنا معاك فعلا ولا واحد فيهم ينفع للمرحلة دى
ربنا يخليك يا استاذ محمد واحشني والله
المكان مكانك و النور نورك ... احنا نيجي ايه في بحر اخلاصك و صبرك و جديتك
عايز أقول لحضرتك ... اني مش بنكر ان طبعا بقا في نسبة ديمقراطية و محاسبة للفاسدين و و و
لكن ده مش تفضل و لا منة من حد علينا
لا حكومة عصام شرف و لا غيره هي السبب
و انما الثورة نفسها هيا دي متطلباتها ... اللي كانت لازم تحصل بشكل بديهي
مش ههاجم عصام شرف من اجل الهجوم .... أبدا .... أنا عارف ان التراب اللي بيمشي عليه انقي و انضف
من وجوه كثيرين من النظام السابق الفاسد
لكن برضه ... مصر تستاهل حد أقوي من كده
و انا مع حضرتك ... ان المسألة مش مسألة قيادة بس
و ياما نادينا و نادي الجميع ان لازم التغيير يبدأ من كل فرد في الشعب المصري
من الشعب نفسه
كيفما تكونوا يولي عليكم
أكيد طبعا
لكن برضه محتاجين و ده الاهم ... قيادة شعبية عتيدة و زعامة قوية
الناس تأيدها و تمشي وراها و تدافع عنها و تقف جنبها
زعامة تملك افكار غير تقليدية لمصر
حاسس بنفس الجو اللي كان ايام مبارك
نفس الوجوه
نفس الاساليب
نفس المشية
و نفس طريقة الكلام
و بالتالي نفس النتيجة
عايز حد مختلف يوقف مصر علي رجلها يا استاذ محمد
عارف الزعماء الكبار في العالم الملهمين اللي غيروا شعوب
زي غاندى و جيفارا و غيره
ناس من النوعية دي يكونوا مختلفين
يجتمع عليهم الشعب
عودا محمودا وقويا أ / شريف لا حرمنا الله هذا التواجد
الذكور كثيرين جدا فى مصر وفى كل مكان ولكن الرجال قليلون
مصر محتاجة رجالة محتاجة ذوى مروءة وشجاعة وشهامة وشرف ونزاهة وخلق ودين
محتاجة من يعيد لها أصالتها ورقيها من ينجدها من محنتها وهؤلاء أكيد موجودين لا يمكن أن تخلو مصر منهم ولكن تائهون وسط كل هذا الزخم نتمنى أن يسعوا إلى مكانهم الصحيح ويظهرون على ساحة المنافسة ويلقون بهؤلاء
لا أتصور إن مصر ممكن تضيع إنه لا يوجد وسط هذه الملايين رجال لا يستطيعون تولى القيادة والمسك بزمام الأمور
ونتمنى عندما ينعم الله بهؤلاء الرجال أن نساندهم ونتعاون معهم ولا نترك لهم مصر بهمومها وخيراتها يفعلون بها كيفما يشاءون أو نلقى بالمسئولية عليهم لوحدهم فمصر مسئولة من كل مصرى يعيش على أرضها
لا أعلم كيف أوصل ما بداخلى نحن نحتاج قدوة فى الشرف والنزاهة والتفانىوالتضحية والعدل حتى نقتدى به ونحتذى حذوه فمصر لن يصلحها حاكم أو أفراد وإنما سوف تنلح لو انصلح الحاكم والشعب
يارب ولى أمورنا خيارنا واجعل مصرنا عامرة بمثل هؤلاء الرجال
شكرا يا استاذة عزة ربنا يخليكي
عندك حق فعلا ... ما أكثر الذكور و يالقلة الرجال !!
انا فاهم حضرتك عايزة تقولي ايه و كلام حضرتك معبر طبعا جدا و مفهوم
المشكلة الاساسية يا استاذة عزة
ان لو وزير الداخلية مثلا ... مش عارف يعالج الانفلات الامني
يبقا وزير لييييييييييييييه ؟
و ايه الفرق بينه و بيني انا شخصيا ؟؟؟ انا شريف
مافيش فرق
هوا فاشل
و انا طبعا لو مسكت الوزراة دي هبقا فاشل
لانه مش تخصصي و لا شغلي طبعا
و بالتالي في الحالة دي انا و وزير التعليم زي بعض
مافيش فرق بينا
يبقا يقعد في بيتهم
عايزين عقلية مفتحة تعرف تعالج مشكلة الانفلات الامني و البلطجة
حد عنده حل غير عادي ؟؟؟؟؟؟؟؟
حد يعرف يدير الوزارة اثناء أزمة ؟؟؟؟؟
يتفضل يمسك الوزراة فورا
و الانسان التقليدي
يركن علي جنب
مش عايزين واحد يمسك الوزارة ... يبرر فشله و يقول
معلش يا جماعة
احنا في ظروف صعبة
ساعدوني
لا يا حبيبي مش هنساعدك
عندك حل غير تقليدي ... و دماغ تحل المشكلة
اهلا و سهلا
معندكش سيبها
للاسف يا استاذة عزة
معندناش ابدا الفكر ده في مصر
اي حد ربنا ينوله كرسي
ما يسيبوش و لا بالطبل البلدي !!!!!!!!!
حتي بعد الثورة !!!!!!!!
و ده اللي هيجنني
شكرا جزيلا لمرورك الرائع أختي استاذة عزة
ربنا ما يحرمنا من مشاركاتك الجميلة و ايجابيتك
لا تحرمنا منك دائما منتظرين مشاركاتك القويه
و انا كمان منتظر مشاركاتك القوية ... ايه رأيك بقا ؟؟؟
حبيبه المصريه
20-05-2011, 07:03 PM
عودا حميدا أستاذنا الفاضل
إستنار المنتدى بقدومك
مرور ترحيب بحضرتك ولى عوده
للإدلاء برأيى فى موضوعكم الراقى
عودا حميدا أستاذنا الفاضل
إستنار المنتدى بقدومك
مرور ترحيب بحضرتك ولى عوده
للإدلاء برأيى فى موضوعكم الراقى
المنتدي مستنير بكِ أستاذة حبيبة
جزاك الله عني و عن المنتدي كل خير
في انتظار رأيك الذي أستأنس به دوما
Nm100
20-05-2011, 07:47 PM
عود أحمد مسترشريف
وياريت متغبش عن المنتدى تاني
"إن الله لايغير ما بقوم حتى يغيروا ما بأنفسهم"
طالما إحنا متغيرناش طبيعي الوزراءوأصحاب المناصب هما كمان متغيروش
البلد هيتصلح حالها لما كل الناس تتغير للاحسن لان اللي حصل تغيير بس للاسوا
الناس لم تستفد من الثورة بأي شيء غير ان اللي يعمل اعتصام او مظاهرة هتتحقق مطالبه سواء كانت مشروعة او استهبال وبس
وكل شوية نلاقي اعتصام بسبب او من غير سبب.
اليابان قدرت تتخطى ازمتها لانها محددة اهداف لازم توصلها
احنا كل حياتنا تتم بطريقة عشوائية
علشان كده الحل هو اننا نتغيرونظم حياتنا
فبالتالي هيبقى عندنا شخصيات منظمة تقدر تتحمل المسؤلية وتكون قدها
عبدالله حسن رياش
20-05-2011, 07:48 PM
حبيب قلبي مستر شريف
وحشتني ووحشتني مقالاتك الرائعة
بجد لا حرمنا الله منك
وعلى فكرة أمس كان اول دخول لي من مدة وقرأت كلامك في مقال أستودعكم الله ما أوصف لكش شعوري وتأثري بكلامك عارف إنت حالة نادرة
سلامي لك ولكل الأخوة والأخوات في البوابة من هنا من السعودية
دعاء شديد
20-05-2011, 08:44 PM
طبعا وللاسف وبكل زعل مضطره ارحب بيك فى بيتك
بس نعمل ايه للضرورة احكام بقى
يلا خليها علينا
بجد بجد نورت
وربنا ميحرمنا من موضوعاتك القيمه
ولا عناوين موضوعاتك الاعلاميه اللوذعيه
***********************************
ندخل بقى فى الموضوع
يا شريف مطلب تغيير الناس احنا قلناه من
بعد الثورة بكم يوم
وقلنا ان التغيير لا يسير فى اتجاه واحد
التغيير يكون للرئيس والمرؤوس
لكن للاسف
من حكم جبار لحكم ضعيف
يا قلبى لا تحزن
والي خلا الصورة غامقه اكتر
النفوس الحقوده الغلاويه السودويه
الي بدات تظهر
للاسف اصحاب الاصوات العاليه المجعجعين
يفتقدون للعقل
يفتقدون التفكير المنظم
يفتقدون الاحساس ان بين ايديهم مستقبل شعب
كل واحد عايز يختار الرئيس
محدش انتبه ان اصلا ولا حد يصلح يكون رئيس
يوم مسكتوا واقتنعوا بشخص
مع كامل احترامى له ... ضعيف الشخصيه
مش هو بس
ده الطقم كله بسم الله ما شاء الله
اللهم لا حسد ولا أر
الناس عندنا ميقدروش ينضبطوا الا بالسيف
اول متشيل السيف فوضى مستفزة
فاكر الجمله الشهيره "اربط الحمار مكان ميقول صاحبه"
والي كنا بنسمعها حوالينا فى الشغل كتير
مهى اشغالنا دى محصله الشعب
ولما مبقاش للحمار صاحب يربطه
الحمار طااااااااااااااااااااااااااح ومحدش عارف يلجمه
للاسف لا تعودوا ينضبطوا من نفسهم
ولا تعودوا ياخدوا قرارت صح من نفسهم
وحتى امنيه انهم يتحرروا كانت مجرد امنيه
ولما جه وقت الجد واتحرروا ... معرفوش
تحس ان فى حاله من الكلام فقط
كله بيتكلم محدش عايز يسكت ولا يسمع ولا يفهم
محدش مؤهل للقياده
ولا حد عايز يتحمل مسئولتها
اتمنى يظهر جيفارا المصرى
الموضوع يتقال فيه كتير جدا جدا
بس هكتفى بكده
وخلينى ساكته وكاتمه فى قلبى
بس
*********************************
حبيبه المصريه
20-05-2011, 10:29 PM
المنتدي مستنير بكِ أستاذة حبيبة
جزاك الله عني و عن المنتدي كل خير
في انتظار رأيك الذي أستأنس به دوما
أعزك الله أستاذنا الفاضل و رفع قدرك
و بارك بك و بأهلك
ورزقك المولى كل ما تتمنى
بداية أتفق جداااااا
مع رأى مستر محمد عباس
بالنسبه لموضوعك القيم
ينفع قديس ...أو شيخ في جامع
ما ينفعش رئيس وزرا
قرأت هذه الجمله من قبل وسمعت بها
ولاحظت الهجوم فى هذا التوقيت
على حكومة الدكتورعصام شرف
وهجوما عليه شخصيا
واستوقفتنى هذه الجمله
من صاحب قناه فضائيه مرشح نفسه للرئاسه
كان مدعيا فى برنامجه مناصرة الغلبان
وكان ذو لسان لاذع فى نقد الحكومه
لكن سرعان ما ظهر له على اليوتيوب ماده
وهو يقبل يد وزير اعلام سابق
وعليه سقط القناع
كيف لنا أن نثق ونحترم كلام شخص
وهو أصلا ينافق السلطه وقتها
برر أنه كان لابد أن يفعل هذا
حتى يهاجم الحكومه بحريه
أى هراء هذا
المقصد من هذا أستاذى
أن الناقدون كثييييييييييرون
لكن لنقف عند كل منهم
ما تاريخه وماذا قدم
سنجد العجب العجاب !!!
بمعنى أن هذه الحكومه فى هذا الوقت
الذى تمر به البلد فى موقف لا تحسد عليه
لا شك أنهم يحاولون إصلاح ما أفسده السابقون
لكن للآسف الفساد كثيييييييييير
والمفسدون أكثر
أستاذى لنناقش ماذا غيرت الثوره
ما غيرت سوى خلع رئيس وحل وزاره
وحل مجلسى شعب وشورى
وحل قطاع أمن الدوله
وهذا شىء عظيم جداا لا نقلل منه
لكن ما زالت القيادات فى جميع القطاعات
بسياساتها السابقه المعهوده
فى اماكنها لم يصبها التغيير
ما زال رؤساء الجامعات
وعمداء الكليات بأماكنهم
ما زال رؤساء المجالس المحليه
ومديرى القطاعات والشركات بأماكنهم
ما زالت الرشوه والمحسوبيه
ببعض القطاعات موجوده
أستاذى نحن بحاجه لتغيير منظومه
تغيير رؤؤس فساد فى كل القطاعات
وليست حكومه ورئيس ومجالس نيابيه
حتى يحل فى هذه القطاعات روح جديده
تسعى لخدمة البلد بصدق ووفاء
بطهارة يد وصفاء نفس
لكن مازال الفاسدون موجودون
هم الآن فى بيات محدود
قل نشاطهم عن ذى قبل
طبعا نظرا للثوره العارمه فى جميع القطاعات
لكنهم لسياساتهم مستمرون ومنفذون
نحن بحاجه إلى تغيير جذرى فى جميع القطاعات وتوليه المخلصون الصالحون
لتنصلح المنظومه كلها حكومة ومصادر بلد
لكن أن يقع الحل على الحكومه وحدها
فهذا ظلم فادح
حتى نحن كأشخاص لابد ان نتغير
لكن كم منا تغير ؟؟؟
القله القليله ومازالت الانتهازيه موجوده
واستغلال غياب الرقيب موجود وبفظاعه
وكاننا وللأسف شعب همجى
يخشى من يحكمه ولا يخشى ربه
الضمائر مازالت منعدمه
واستغلال الفرص شىء بشع وفظيع
هل تعودنا ان نعمل تحت رقابه وعقاب
من اشخاص بشر مثلنا
وان زالزوا عمت الفوضى والنهب والاستغلال
للأسف انعدم الضمير ومراعاة الله
الا من رحم ربى
ولابد ان نضع فى الحسبان
فلول النظام السابق وحاشيته
ومن داخل سجن طره ومن خارجه
كل المستفيدين من النظام السابق
لن يجعلونا نهنأ بقسط ولو ضئيل من الحريه والديمقراطيه وصلاح البلد
فصلاح البلد هلاك لهم
فهم اصحاب قاعدة
يا اسرقك يا احرقك
وهم فعلا يطبقونها بمهاره
ناهيك عن الفتن التى تخرج كل يوم
لزعزعة استقرار البلد
الذى انهكه فساد السابقون
ويحاول استرداد عافيته
لا يلبث الا ان يسقط مغشيا عليه من جديد
واضرابات فئويه عديده
فى كل القطاعات مشاكل واشياء تهد الجبال
ناهيك عن الايدى الخارجيه قبل الداخليه
للأسف الكثير منا يساهم فيما فيه مصر الان
استغلاليه وانتهازيه
صدق استاذى ان فى ظل ازمة السولار
بعض السائقين زاد فى سعر الاجره
معللا انها غير موجوده
ويشتريها باعلى من سعرها
وعليه فزادت الاجره
أليست هذه انتهازيه واستغلال علنى واضح
لما تمر به البلد والذى يدفع الضريبه هو المواطن
هل من معترض وقتها والايام ايام امتحانات
والكل طلبة جامعات واساتذه
وطلبه مدارس ومراقبين وموظفين بحاجه
الى ان يصلوا الى اعمالهم
ليمارسوها هل يمتنع هذا العدد الرهيب
عن الركوب احتجاجا على الانتهازيه والاستغلاليه
التى استشعر انها أصبحت سمه
فى بعض الشعب المصرى
وللأسف الاستغلال فى اشياء عده
واصبح الشعب يريد اسقط الشعب
والشعب يريد مص دم الشعب
لا انكر ان رد فعل الحكومه
فى بعض القرارات والموضوعات يتسم
بعدم الحسم والانضباط
لكن يبدو انهم يتعاملون مع الشعب المصرى
كما يتعامل الطبيب النفسى مع المريض
يتعاملون مع الشعب المصرى
الذى كممت افواهه بالقوه 30 عاما
بنوع من الليونه المفرطه
بعدما طفح بهم الكيل
وانفجروا فى كل حدب وصوب
واصبحوا الان لا يعرفون سوى
ثقافة الصوت العالى والعنف والتجمهر
يبدو انهم يراعون تلك الحاله
التى يمر بها الشعب
فيتعاملون بنوع من اللين
المبعد عن الحسم والربط
خشية من انقلاب الشعب عليهم
للأسف
حتى الشعب اما ان يقهر جبرا
أو إن تنسم الحريه فيراها دون قيود
وكأن الحبل على الغارب
هى حاله صعبه تمر بها مصر
وفعلا بحاجه لحسم قيادات وبحاجه لتفهم الشعب
ان الحسم مطلوب ليس نوعا من القهر والجبر
بقدر انه نوع من ضبط الامور فى مواضعها الصحيحه
لكن هل سيتفهم الشعب تلك الخطوه
ان نفذ صبر القيادات واتخذت الحسم الحل الاوحد
اتمنى ذلك واتمنى الا يخرج من يندد بتلك القيادات
وانها تقمع الحريه وتقمع الشعب مثل من سبقوهم
نسأل الله ان تمر تلك الفتره العصيبه على مصر بسلام
وان يتفهم الشعب معنى المسئوليه
والحريه المضبوطه لا المنفلته
وبالنهايه نريد شعب متحضر لا منفلت
خالص الشكر لموضوع حضرتك
نعمه محمود
20-05-2011, 11:29 PM
موضوعك جاء على الجرح ياشريف فعلا اتعجب من هذا التزاحم على رئاسة مصر من اناس لايملكون أى مؤهلات لهذا المنصب أتسائل من ياترى سيحكم مصر وماهى رؤيته للأمور فى المستقبل القريب ماهى الحلول الغير تقليدية التى سيتبناها للقضاء على مشاكلنا المزمنة ماهى اقتراحاته للقضاء على مشكلة أطفال الشوارع لا ليس فقط أطفال الشوارع بل ايضا رجال الشوارع ونساء الشوارع الذين يتسولون العيش الحاف اتمنى أن أجد رؤية واضحه بتوقيتات زمنية للقضاء على مشكلة العشوائيات التى تفرخ لنا البلطجية الذين يرهبوننا ليل نهار
أصدقك القول إن اعترفت لك أن أيا من المرشحين لايرقى لأن يكون رئيس مصر القادم
شكرا شريف وعود أحمد لاحرمنا الله من روعة موضوعاتك
عود أحمد مسترشريف
وياريت متغبش عن المنتدى تاني
ربنا يخليكي ... ألف شكر
"إن الله لايغير ما بقوم حتى يغيروا ما بأنفسهم"
طالما إحنا متغيرناش طبيعي الوزراءوأصحاب المناصب هما كمان متغيروش
البلد هيتصلح حالها لما كل الناس تتغير للاحسن لان اللي حصل تغيير بس للاسوا
الناس لم تستفد من الثورة بأي شيء غير ان اللي يعمل اعتصام او مظاهرة هتتحقق مطالبه سواء كانت مشروعة او استهبال وبس
وكل شوية نلاقي اعتصام بسبب او من غير سبب.
اليابان قدرت تتخطى ازمتها لانها محددة اهداف لازم توصلها
احنا كل حياتنا تتم بطريقة عشوائية
علشان كده الحل هو اننا نتغيرونظم حياتنا
فبالتالي هيبقى عندنا شخصيات منظمة تقدر تتحمل المسؤلية وتكون قدها
طبعا رأيك علي عيني و راسي
و مؤمن و مقتنع بيه جدا
يسلم لسانك
و نورتي الموضوع
و ياريت ماتحرمنيش من مشاركاتك دايما
حبيب قلبي مستر شريف
وحشتني ووحشتني مقالاتك الرائعة
بجد لا حرمنا الله منك
وعلى فكرة أمس كان اول دخول لي من مدة وقرأت كلامك في مقال أستودعكم الله ما أوصف لكش شعوري وتأثري بكلامك عارف إنت حالة نادرة
سلامي لك ولكل الأخوة والأخوات في البوابة من هنا من السعودية
و الله انت واحشني اكتر يا استاذ عبد الله
ربنا يخليك و يكرمك و يبارك لك في اهلك و مالك و عمرك
ألف شكر يا استاذي علي مجاملاتك الرقيقة ربنا يخليك
و ان شاء الله ترجع لنا بالسلامة عشان تشوف مصر بقت عاملة ازاي بعد الثورة
(( هيا هيا متغيرتش علي فكرة ))
هههههههههههههه
منتظرينك اخي الحبيب
و يارب ماتحرمناش من طلتك الجميلة أبدا
طبعا وللاسف وبكل زعل مضطره ارحب بيك فى بيتك
بس نعمل ايه للضرورة احكام بقى
يلا خليها علينا
بجد بجد نورت
وربنا ميحرمنا من موضوعاتك القيمه
ولا عناوين موضوعاتك الاعلاميه اللوذعيه
***********************************
ندخل بقى فى الموضوع
يا شريف مطلب تغيير الناس احنا قلناه من
بعد الثورة بكم يوم
وقلنا ان التغيير لا يسير فى اتجاه واحد
التغيير يكون للرئيس والمرؤوس
لكن للاسف
من حكم جبار لحكم ضعيف
يا قلبى لا تحزن
والي خلا الصورة غامقه اكتر
النفوس الحقوده الغلاويه السودويه
الي بدات تظهر
للاسف اصحاب الاصوات العاليه المجعجعين
يفتقدون للعقل
يفتقدون التفكير المنظم
يفتقدون الاحساس ان بين ايديهم مستقبل شعب
كل واحد عايز يختار الرئيس
محدش انتبه ان اصلا ولا حد يصلح يكون رئيس
يوم مسكتوا واقتنعوا بشخص
مع كامل احترامى له ... ضعيف الشخصيه
مش هو بس
ده الطقم كله بسم الله ما شاء الله
اللهم لا حسد ولا أر
الناس عندنا ميقدروش ينضبطوا الا بالسيف
اول متشيل السيف فوضى مستفزة
فاكر الجمله الشهيره "اربط الحمار مكان ميقول صاحبه"
والي كنا بنسمعها حوالينا فى الشغل كتير
مهى اشغالنا دى محصله الشعب
ولما مبقاش للحمار صاحب يربطه
الحمار طااااااااااااااااااااااااااح ومحدش عارف يلجمه
للاسف لا تعودوا ينضبطوا من نفسهم
ولا تعودوا ياخدوا قرارت صح من نفسهم
وحتى امنيه انهم يتحرروا كانت مجرد امنيه
ولما جه وقت الجد واتحرروا ... معرفوش
تحس ان فى حاله من الكلام فقط
كله بيتكلم محدش عايز يسكت ولا يسمع ولا يفهم
محدش مؤهل للقياده
ولا حد عايز يتحمل مسئولتها
اتمنى يظهر جيفارا المصرى
الموضوع يتقال فيه كتير جدا جدا
بس هكتفى بكده
وخلينى ساكته وكاتمه فى قلبى
بس
*********************************
صح
عندك حق يا دعاء
حاسس بهوجة كلام و بس ... كتييييييييييير جدا
رغى رغي رغي
علي مفيش
مفيش حد راضي يعمل حاجة
مفيش حد ناوي يقدم لمصر حاجة
و كله قاعد يصرخ بعلو صوته
و معندناش للاسف لحد دلوقتي غير الكلام
ربنا يستر عليكي يا مصر
نورتيني يا دعاء
أعزك الله أستاذنا الفاضل و رفع قدرك
و بارك بك و بأهلك
ورزقك المولى كل ما تتمنى
بداية أتفق جداااااا
مع رأى مستر محمد عباس
بالنسبه لموضوعك القيم
قرأت هذه الجمله من قبل وسمعت بها
ولاحظت الهجوم فى هذا التوقيت
على حكومة الدكتورعصام شرف
وهجوما عليه شخصيا
واستوقفتنى هذه الجمله
من صاحب قناه فضائيه مرشح نفسه للرئاسه
كان مدعيا فى برنامجه مناصرة الغلبان
وكان ذو لسان لاذع فى نقد الحكومه
لكن سرعان ما ظهر له على اليوتيوب ماده
وهو يقبل يد وزير اعلام سابق
وعليه سقط القناع
كيف لنا أن نثق ونحترم كلام شخص
وهو أصلا ينافق السلطه وقتها
برر أنه كان لابد أن يفعل هذا
حتى يهاجم الحكومه بحريه
أى هراء هذا
المقصد من هذا أستاذى
أن الناقدون كثييييييييييرون
لكن لنقف عند كل منهم
ما تاريخه وماذا قدم
سنجد العجب العجاب !!!
بمعنى أن هذه الحكومه فى هذا الوقت
الذى تمر به البلد فى موقف لا تحسد عليه
لا شك أنهم يحاولون إصلاح ما أفسده السابقون
لكن للآسف الفساد كثيييييييييير
والمفسدون أكثر
أستاذى لنناقش ماذا غيرت الثوره
ما غيرت سوى خلع رئيس وحل وزاره
وحل مجلسى شعب وشورى
وحل قطاع أمن الدوله
وهذا شىء عظيم جداا لا نقلل منه
لكن ما زالت القيادات فى جميع القطاعات
بسياساتها السابقه المعهوده
فى اماكنها لم يصبها التغيير
ما زال رؤساء الجامعات
وعمداء الكليات بأماكنهم
ما زال رؤساء المجالس المحليه
ومديرى القطاعات والشركات بأماكنهم
ما زالت الرشوه والمحسوبيه
ببعض القطاعات موجوده
أستاذى نحن بحاجه لتغيير منظومه
تغيير رؤؤس فساد فى كل القطاعات
وليست حكومه ورئيس ومجالس نيابيه
حتى يحل فى هذه القطاعات روح جديده
تسعى لخدمة البلد بصدق ووفاء
بطهارة يد وصفاء نفس
لكن مازال الفاسدون موجودون
هم الآن فى بيات محدود
قل نشاطهم عن ذى قبل
طبعا نظرا للثوره العارمه فى جميع القطاعات
لكنهم لسياساتهم مستمرون ومنفذون
نحن بحاجه إلى تغيير جذرى فى جميع القطاعات وتوليه المخلصون الصالحون
لتنصلح المنظومه كلها حكومة ومصادر بلد
لكن أن يقع الحل على الحكومه وحدها
فهذا ظلم فادح
حتى نحن كأشخاص لابد ان نتغير
لكن كم منا تغير ؟؟؟
القله القليله ومازالت الانتهازيه موجوده
واستغلال غياب الرقيب موجود وبفظاعه
وكاننا وللأسف شعب همجى
يخشى من يحكمه ولا يخشى ربه
الضمائر مازالت منعدمه
واستغلال الفرص شىء بشع وفظيع
هل تعودنا ان نعمل تحت رقابه وعقاب
من اشخاص بشر مثلنا
وان زالزوا عمت الفوضى والنهب والاستغلال
للأسف انعدم الضمير ومراعاة الله
الا من رحم ربى
ولابد ان نضع فى الحسبان
فلول النظام السابق وحاشيته
ومن داخل سجن طره ومن خارجه
كل المستفيدين من النظام السابق
لن يجعلونا نهنأ بقسط ولو ضئيل من الحريه والديمقراطيه وصلاح البلد
فصلاح البلد هلاك لهم
فهم اصحاب قاعدة
يا اسرقك يا احرقك
وهم فعلا يطبقونها بمهاره
ناهيك عن الفتن التى تخرج كل يوم
لزعزعة استقرار البلد
الذى انهكه فساد السابقون
ويحاول استرداد عافيته
لا يلبث الا ان يسقط مغشيا عليه من جديد
واضرابات فئويه عديده
فى كل القطاعات مشاكل واشياء تهد الجبال
ناهيك عن الايدى الخارجيه قبل الداخليه
للأسف الكثير منا يساهم فيما فيه مصر الان
استغلاليه وانتهازيه
صدق استاذى ان فى ظل ازمة السولار
بعض السائقين زاد فى سعر الاجره
معللا انها غير موجوده
ويشتريها باعلى من سعرها
وعليه فزادت الاجره
أليست هذه انتهازيه واستغلال علنى واضح
لما تمر به البلد والذى يدفع الضريبه هو المواطن
هل من معترض وقتها والايام ايام امتحانات
والكل طلبة جامعات واساتذه
وطلبه مدارس ومراقبين وموظفين بحاجه
الى ان يصلوا الى اعمالهم
ليمارسوها هل يمتنع هذا العدد الرهيب
عن الركوب احتجاجا على الانتهازيه والاستغلاليه
التى استشعر انها أصبحت سمه
فى بعض الشعب المصرى
وللأسف الاستغلال فى اشياء عده
واصبح الشعب يريد اسقط الشعب
والشعب يريد مص دم الشعب
لا انكر ان رد فعل الحكومه
فى بعض القرارات والموضوعات يتسم
بعدم الحسم والانضباط
لكن يبدو انهم يتعاملون مع الشعب المصرى
كما يتعامل الطبيب النفسى مع المريض
يتعاملون مع الشعب المصرى
الذى كممت افواهه بالقوه 30 عاما
بنوع من الليونه المفرطه
بعدما طفح بهم الكيل
وانفجروا فى كل حدب وصوب
واصبحوا الان لا يعرفون سوى
ثقافة الصوت العالى والعنف والتجمهر
يبدو انهم يراعون تلك الحاله
التى يمر بها الشعب
فيتعاملون بنوع من اللين
المبعد عن الحسم والربط
خشية من انقلاب الشعب عليهم
للأسف
حتى الشعب اما ان يقهر جبرا
أو إن تنسم الحريه فيراها دون قيود
وكأن الحبل على الغارب
هى حاله صعبه تمر بها مصر
وفعلا بحاجه لحسم قيادات وبحاجه لتفهم الشعب
ان الحسم مطلوب ليس نوعا من القهر والجبر
بقدر انه نوع من ضبط الامور فى مواضعها الصحيحه
لكن هل سيتفهم الشعب تلك الخطوه
ان نفذ صبر القيادات واتخذت الحسم الحل الاوحد
اتمنى ذلك واتمنى الا يخرج من يندد بتلك القيادات
وانها تقمع الحريه وتقمع الشعب مثل من سبقوهم
نسأل الله ان تمر تلك الفتره العصيبه على مصر بسلام
وان يتفهم الشعب معنى المسئوليه
والحريه المضبوطه لا المنفلته
وبالنهايه نريد شعب متحضر لا منفلت
خالص الشكر لموضوع حضرتك
أشكرك جزيلا علي ردك القيم جدا يا استاذة حبيبة
و كم أتمني أن يشارك الجميع في كل الموضوعات بمثل هذه الحماسة
طبعا انا ماليش دعوة بصاحب القناة الفضائية و لا اعرف اسمه حتي
و لا سمعت الجملة دي منه والله هههههههههه
زي ما جات علي بالي كتبت
مجرد تشابه اسماء ههههههههههه
كثيرين هم الذين سقطت أقنعتهم
البلد مليئة بهؤلاء للاسف
الثورة فضحت الكثير
و لو لم نخرج من الثورة إلا بهذا لكفي
أنا معك أن الفساد كثير و الحكومة تفعل ما تستطيعه
لا أزعم أن عصام شرف و من معه لا يحبون مصر
أو أنهم علي خطأ
و لكن فقط ما أحببت أن ألفت انتباه حضراتكم اليه
أنه للأزمات رجال !
لكل أزمة رجل يستطيع أن يتحكم في دفة الامور ببراعة وسط أعتي أنواع الازمات
لا شك بمساعدة الناس
و لكنه يملك رؤية Vision
له تفكير مختلف
له خطط و برامج محددة زمنيا
يملك هدف محدد بالارقام و التواريخ
شخص مختلف
لديه حلم
لن نجد منه الكثير
لكني لا أعدم أملا في وجود عشرة من هذه النوعية في مصر علي الاقل
و عن مثل هذا كنت أبحث من خلال موضوعي
و كما قلتي حضرتك ... نحن بحاجة فعلا الي تغيير جذري علي كل المستويات و القطاعات
و نحتاج المخلصين بشدة
و لكن ... ليس المخلصون فقط
فالاخلاص وحده لا يكفي
مصر تحتاج بشدة المختلفين أيضا
ذوي الرؤي الغير عادية
أؤيدك ... نحن بحاجة الي تغيير منظومة بأكملها
و لكن .... قائد الاوركسترا عليه أكبر دور في تغيير أمة بأكملها
عندما يكون مختلفا و محبوبا ... كلمة منه تلهب حماس شباب مصر
و يقومون بتغيير العالم كله و ليس مصر فقط
أؤيدك في كل ما قلتيه الي نهاية مشاركتك في كل حرف
و أعي تماما الازمة التي تمر بها مصر
أعجبتني عبارة
((( يتعاملون مع الشعب المصرى
كما يتعامل الطبيب النفسى مع المريض )))
قد يكون هذا صحيحا
و لكن ... هل يتطلب هذا التعامل مع البلطجة و التجمهر الغير مبرر
و الثورة المضادة بنفس المنطق و بنفس الرأفة التي يتعامل بها الاطباء النفسيين !
تلك هي المعضلة استاذة حبيبة
لا تصلح هذه الرقة مع هؤلاء
لابد و أن يري كل من تسول له نفسه أن يضر بأمن و مصالح البلد
أن هناك حكومة لن تعرف معه الرحمة حينما يؤذي مصر في فراش مرضها
تلك هي المعادلة الصعبة
الحكومة المعتدلة الرحيمة بالناس الرقيقة القلب بالضعفاء
الراعية للديمقراطية
و في نفس الوقت
الضاربة بيد من حديد ... علي يد كل كلب من كلاب النظام القديم
و كل بلطجي يرهب الامنين
استاذة حبيبة
أعجز عن شكرك علي وقتك الذي منحتيه للمشاركة في موضوعي
فقد زادني هذا عظيم الشرف
و لذلك
سأدعو لمليونية في ميدان التحرير قريبا
للمطالبة بمشاركتك في كل موضوع لي
و أدعو الله في ميدان التحرير و في صلاة الجمعة هناك
ألا يحرمنا حماستك و ايجابيتك فضلا عن حبك و اخلاصك لمصر
الواضح جدا بين سطورك
خالص الود و التقدير
[/CENTER]
موضوعك جاء على الجرح ياشريف فعلا اتعجب من هذا التزاحم على رئاسة مصر من اناس لايملكون أى مؤهلات لهذا المنصب أتسائل من ياترى سيحكم مصر وماهى رؤيته للأمور فى المستقبل القريب ماهى الحلول الغير تقليدية التى سيتبناها للقضاء على مشاكلنا المزمنة ماهى اقتراحاته للقضاء على مشكلة أطفال الشوارع لا ليس فقط أطفال الشوارع بل ايضا رجال الشوارع ونساء الشوارع الذين يتسولون العيش الحاف اتمنى أن أجد رؤية واضحه بتوقيتات زمنية للقضاء على مشكلة العشوائيات التى تفرخ لنا البلطجية الذين يرهبوننا ليل نهار
أصدقك القول إن اعترفت لك أن أيا من المرشحين لايرقى لأن يكون رئيس مصر القادم
شكرا شريف وعود أحمد لاحرمنا الله من روعة موضوعاتك
عجبتني أوي (( رجال و نساء الشوارع )) دي
عارفة
في ميني باص بركبه باستمرار
كل ركابه حفظوا شكل راجل عامل عاهة مستديمة في رجله
و بقاله خمس سنين يطلع بنفس المظهر
كل يوم
ما بيزهقش
يقول نفس الكلام
انجدوني يا عالم
و يصرخ و يقول يااااااااااااااااااااااارب
بطريقة تخلع القلب
و يقول رجلي مفتوحة و مليانة مش عارف ايه
و لازم اعمل عملية بسرعة
و يصررررررررررررررخ
تخيلي العملية دي بيتكلم عنها بقاله خمس سنين
و الله ما اشك ابدا انه باني عمارات
لقيت شاب فجاة صرخ فيه و قاله
يا راجل حرام عليك قرفتنا
بقالك خمس سنين بتشحت علي رجلك
و كل يوم تقولنا عملية
بتستعمانا يعني
الشاب ده قرر انه يقول البوقين دول كل يوم
عشان الناس اللي مش عارفة تعرف
لاقينا الراجل خد ديله في سنانه و قال يا فكيك
مشاكل لا حصر لها
محتاجة أدمغة تانية خالص تحلها غير الادمغة العادية
و مافيش فعلا اي مرشح للرئاسة حاسس بجد بمشاكل مصر الحقيقية
اللي في الشوارع و الحارات
مالقتش واحد من المرشحين دول
طلع في مؤتمر صحفي
و قالنا : يا جماعة ... انا عندي حل غير تقليدي للمرور في مصر
انا عندي فكرة مختلفة
محصلش
كله رايح يخطب ود دول و دول
و يلمع نفسه هنا و هنا و يرغي هنا و هنا
و محدش قال حاجة مفيدة
عشان كده
انا قررت اني مش هروح اصلا ارشح حد
نهااااااااااااائي
لا شعب و لا شوري و لا رئاسة و لا نقابة معلمين حتي
لاني مش لاقي حد مختلف عن الوجوه القديمة
كلهم شوية ورق قديم مقطع عليه نفس الختم
شكرا يا نعمة علي ردك القوي و ربنا ما يحرمنا منك
حبيبه المصريه
21-05-2011, 09:52 PM
أتفق مع حضرتك تماما فيما قلته
يشرفنى أستاذنا المرور بموضوعاتك
ذات الفكر والمضمون العالى
ثق حضرتك أننى أستفيد منها عظيم الفائده
خالص الشكر لذوقك الرفيع
وانا برضوه بتفق مع حضرتك يا سلاااااااااام على الفكر العالى ده
رانيا المصرى
25-05-2011, 06:17 AM
شكرا على المجهود الراااااائع
Powered by vBulletin® Version 4.2.2 Copyright © 2025 vBulletin Solutions, Inc. All rights reserved, TranZ by Almuhajir