مدحت صلاح (مصراوى22)
17-05-2011, 05:59 AM
هذه هي الحقيقة .. طالب التعليم االفنى في مصر حالياً يدخل لجنة الامتحان وغالبيتهم لا يعلم ما هي المادة التي سيمتحنونها وهغش هغش - بمزاجك غصب عنك هغش ، بمزاجك غصب عنك هنجح :
وهذا حوار الطالب بعد ما يكتب بياناته على ورقة الإجابة ويتسلم ورقة الأسئله (وهو حوار يعبر عن الواقع العام وما يدور في ذهن الطالب - وما أحسسته من خبره طويله مع الطلاب ) - طالب الفنى يتحدث بهذا الحديث إن لم يكن علناً فسراً
هي دي بقه ورقة الأسئلة ؟ وله يا احمد احنا هنمتحن إيه دلوقتي .. أنا لسه هقرا الأسئلة - دلوقتي اشوف العيال الفاضيه دي كتبت إيه وآخده منهم ... يا استاذ معاك قلم ؟ أصل قلمي وقع مني .. هو اسم الماده إيه ؟ تاريخ النهارده كام يا أستاذ ؟ .. الواد احمد ده شاطر هناخد منه الإجابة دلوقتي ... واللهي لو ما وزع الإجابة هدبحه بره ... واد يا احمد هات اللي انت كتبته !!! إيه يا استاذ عايز اكتب أي حاجه ؟ إيه مش عايزني أحل ؟ قال بيقول لي اسكت قال !!! دلوقتي الاستاذ سمعه مدرس العملي هييجي بالإجابه ولا ييجي الأستاذ حنكش مدرس النظري اللي خدت عنده درس الشهر الأخراني ، وكمان هييجي عبده بتاع البوابه والأبله عنايات بتاعة الإدارة - ويبقى يوريني الأستاذ المراقب ده هيمنعني ازاي ؟ وربنا أخللي وشه شوارع بره !!
-إيييييييييييييه ؟ من حقي أغش هو أنا يعني هتخرج أبقى إيه؟ - طيب هتخرج هشتغل فين ؟ يا أستاذ سيبها تسبح احنا شغالين بره لغاية الساعه واحده الصبح .. مذاكرة إيه قول يا باسط !! إحنا هناخد من المذاكره إيه ؟ هتشدها على إيه ؟ كل اللجان بتغش وتمشي بدري اشمعنى انت بقه اللي محبكها وشاددها علينا ؟ انت مستقصدنا ليه يا أستاذ ؟ سيبنا نكتب كلمتين في الورقة وبلاش تحبكها !!! طيب أقول لك أنا مزنوق موت وعايز أروح الحمام واوعة تقول لي دي كمان ممنوع ؟ - طيب هاتوا لي مدير المدرسة أنا مزنوق وتعبان ولازم أنزل الحمام !!! بص بقه هغش هغش - وبالعند فيك وهنجح كمان غصب عنك .... مش راضي تسيبها واللهي هوريك بره
- أما بقه المراقب لو عصلج معاه في اللجنة وشدها يبقى وقعته سوده بره وببساطه عربيته هتتكسر أو عجلته هتتسرق أو موتوسيكله هيتدغدغ - طيب لو كان مدرس شريف غلبان ليس عنده عجله أصلاً ، يبقى أسوأ وأسوأ يعني ببساطه هينضرب بره - هيأجروا له زمايل من مدرسه تانيه يشتمه أمام الناس في الشارع وممكن يتطاول عليه ويضربه - المهم يا أستاذ هتغشش هتغشش بمزاجك أو غصب عنك هتغشش وفي الآخر الطالب هينتصر هينتصر
- طيب مدرس جامد وشخصيته قويه وأصر على عدم الغش ، ييجي يعمل محضر غش أو شغب يلاقي زمايله الضعاف والإداريين والبوابين والبشر كلهم حواليه خايفين على نفسهم وعلى حاجتهم وعربياتهم (ومعلشي يا أستاذ ، وعديها يا أستاذ ، همه يعني هيتخرجوا دكاتره دول غلابه هيطلعوا يترموا في الشارع .... إلخ إلخ)
أنا آخر مره راقبت فيها دبلوم وليس الوقت بقريب كان في محافظة تانيه - خرجوني من المدرسه أنا وبعض زملائي الشرفاء في بوكس الشرطه - والضابط النابتشي سمعنا كلام فيه ناس من زملائي جالها السكر يومها - كل ده علشان عايزين نمشي صح في المراقبه على الأقل
فأين الخلل ؟ وما الحل ؟ أتمنى أن تصل هذه الكلمات للسيد الوزير والساده المستشارين - لأن من يجلس في الغرفه ولو كانت الملاصقه لنا لن يحس بما يحدث على أرض الواقع إلا إذا عاشه مثلما نعيشه نحن المدرسون ... حتى لو كان ملاكاً من السماء .. هو لن يحس بمعاناتنا ولا بتدهور التعليم ... وهذا هو الخطأ القاتل لمن يصدر القرارات .. أنه في غرف مكيفه وبياقات زرقاء فكيف له الإحساس بمعاناة المدرس ؟؟ اسمعونا قبل أن نغوص لأعماق التخلف فنحن الآن فيه ومن الممكن الإنقاذ .......... اسمعونا يا هووووووووووووو
وهذا حوار الطالب بعد ما يكتب بياناته على ورقة الإجابة ويتسلم ورقة الأسئله (وهو حوار يعبر عن الواقع العام وما يدور في ذهن الطالب - وما أحسسته من خبره طويله مع الطلاب ) - طالب الفنى يتحدث بهذا الحديث إن لم يكن علناً فسراً
هي دي بقه ورقة الأسئلة ؟ وله يا احمد احنا هنمتحن إيه دلوقتي .. أنا لسه هقرا الأسئلة - دلوقتي اشوف العيال الفاضيه دي كتبت إيه وآخده منهم ... يا استاذ معاك قلم ؟ أصل قلمي وقع مني .. هو اسم الماده إيه ؟ تاريخ النهارده كام يا أستاذ ؟ .. الواد احمد ده شاطر هناخد منه الإجابة دلوقتي ... واللهي لو ما وزع الإجابة هدبحه بره ... واد يا احمد هات اللي انت كتبته !!! إيه يا استاذ عايز اكتب أي حاجه ؟ إيه مش عايزني أحل ؟ قال بيقول لي اسكت قال !!! دلوقتي الاستاذ سمعه مدرس العملي هييجي بالإجابه ولا ييجي الأستاذ حنكش مدرس النظري اللي خدت عنده درس الشهر الأخراني ، وكمان هييجي عبده بتاع البوابه والأبله عنايات بتاعة الإدارة - ويبقى يوريني الأستاذ المراقب ده هيمنعني ازاي ؟ وربنا أخللي وشه شوارع بره !!
-إيييييييييييييه ؟ من حقي أغش هو أنا يعني هتخرج أبقى إيه؟ - طيب هتخرج هشتغل فين ؟ يا أستاذ سيبها تسبح احنا شغالين بره لغاية الساعه واحده الصبح .. مذاكرة إيه قول يا باسط !! إحنا هناخد من المذاكره إيه ؟ هتشدها على إيه ؟ كل اللجان بتغش وتمشي بدري اشمعنى انت بقه اللي محبكها وشاددها علينا ؟ انت مستقصدنا ليه يا أستاذ ؟ سيبنا نكتب كلمتين في الورقة وبلاش تحبكها !!! طيب أقول لك أنا مزنوق موت وعايز أروح الحمام واوعة تقول لي دي كمان ممنوع ؟ - طيب هاتوا لي مدير المدرسة أنا مزنوق وتعبان ولازم أنزل الحمام !!! بص بقه هغش هغش - وبالعند فيك وهنجح كمان غصب عنك .... مش راضي تسيبها واللهي هوريك بره
- أما بقه المراقب لو عصلج معاه في اللجنة وشدها يبقى وقعته سوده بره وببساطه عربيته هتتكسر أو عجلته هتتسرق أو موتوسيكله هيتدغدغ - طيب لو كان مدرس شريف غلبان ليس عنده عجله أصلاً ، يبقى أسوأ وأسوأ يعني ببساطه هينضرب بره - هيأجروا له زمايل من مدرسه تانيه يشتمه أمام الناس في الشارع وممكن يتطاول عليه ويضربه - المهم يا أستاذ هتغشش هتغشش بمزاجك أو غصب عنك هتغشش وفي الآخر الطالب هينتصر هينتصر
- طيب مدرس جامد وشخصيته قويه وأصر على عدم الغش ، ييجي يعمل محضر غش أو شغب يلاقي زمايله الضعاف والإداريين والبوابين والبشر كلهم حواليه خايفين على نفسهم وعلى حاجتهم وعربياتهم (ومعلشي يا أستاذ ، وعديها يا أستاذ ، همه يعني هيتخرجوا دكاتره دول غلابه هيطلعوا يترموا في الشارع .... إلخ إلخ)
أنا آخر مره راقبت فيها دبلوم وليس الوقت بقريب كان في محافظة تانيه - خرجوني من المدرسه أنا وبعض زملائي الشرفاء في بوكس الشرطه - والضابط النابتشي سمعنا كلام فيه ناس من زملائي جالها السكر يومها - كل ده علشان عايزين نمشي صح في المراقبه على الأقل
فأين الخلل ؟ وما الحل ؟ أتمنى أن تصل هذه الكلمات للسيد الوزير والساده المستشارين - لأن من يجلس في الغرفه ولو كانت الملاصقه لنا لن يحس بما يحدث على أرض الواقع إلا إذا عاشه مثلما نعيشه نحن المدرسون ... حتى لو كان ملاكاً من السماء .. هو لن يحس بمعاناتنا ولا بتدهور التعليم ... وهذا هو الخطأ القاتل لمن يصدر القرارات .. أنه في غرف مكيفه وبياقات زرقاء فكيف له الإحساس بمعاناة المدرس ؟؟ اسمعونا قبل أن نغوص لأعماق التخلف فنحن الآن فيه ومن الممكن الإنقاذ .......... اسمعونا يا هووووووووووووو