" الليله على مين " هنشيل الليله لمين " ؟!!

[MohammeD el_SadaT]

بسم الله الرحمن الرحيم

السلام عليكم ورحمه الله وبركاته


موضوعى النهارده سهل وبسيط جداااً
" الليله على مين " هنشيل الليله لمين "
؟!!
:giljotiiniug3:
تعالوا نتكلم وندخل فى الموضوع على طول
الواحد مننا طول عمره بيتعلم كل يوم كل ساعه كل لحظه بيمر بمواقف فيها دروس وفيها عبر المفروض يتعلم منها
ويراجع نفسه ويعيد حساباته ويتعلم من أخطاؤه
" كل بنى آدم خطاء وخير الخطائين التوابون "
العيب مش فى إننا نغلط لكن العيب إننا ننكر غلطنا ونتمادى فيه وأقنع اللى حوليا بيه
العيب إنى " ألبس الناس العمم "
تعالو نتكلم بشكل أوضح شويه عشان اللى مفهمش يفهم واللى مسمعش يسمع
بص ياسيدى فيه ناس كده طول ما فيه مصلحه هما فيها وعاوزين يبقو فى الصوره ويبقى هما أصحاب الفضل
الأول والآخير فيها وتلاقى الحرب على مين له فيها أكتر
وأول لما المصلحه دى تتسب فى مشكله تلاقى الكل " يفلق " ويقول يلا نفسى " إن جالك الطفان حط إبنك تحت رجليك "
واللى كان بيقول أنا أنا أنا بقى بيقول هو هو هو
اللى كان بيقول أنا صاحب الرأى الأول والأخير بقى بيقول برىء يا بيه مخبرش معرفش عن الليله دى حاجه
وتلاقى الكل بيتهرب وزيد بيرمى الحمل على عبيد وعبيد بيرمى الحمل على محمدين
لحد ما يلاقى " جردل " يشيل الليله ويبقى هو كبش الفدا
بجد العاده دى بقت منتشره أوووى
:16:
دى عباره عن صوره بسيطه من ألبوم كامل بيصور أشكال وطرق كتير للعاده دى
اللى أنا بجد بعتبرها من أسوأ العادات اللى فى مجتمعنا
" نفسى كل واحد يتحمل مسؤليه اللى عمله نفسى ألاقى راجل يعترف بغلطه ويقول بصوت عالى أنا غلط "
نفسى نبطل نرمى الحمل على بعض وكل واحد يتحمل مسؤليته
مش ألاقى محمد بيعتمد على أحمد وأحمد بيعتمد على محمود وفى النهايه ألاقى الحاجه متعملتش وكله بيرمى الغلط على كلو
دى قصه بجد من أجمل ما قرأت فى الموضوع ده
( كل أحد -لا أحد -أحد ما-أي أحد. )
كانت هناك وظيفة مهمة لابد من كل أحد أن ينجزها .
كل أحد كان متأكد أن أحد ما سيقوم بها .
أي أحد كان يستطيع أن ينجزها لكن لا أحد أنجزها
أحد ما غضب لذلك لأنها كانت وظيفة كل أحد .
كل أحد ظن أن أي أحد يستطيع أن ينجزها
لكن لا أحد أدرك أن كل أحد لن ينجزها
و انتهى الأمر بأن كل أحد ألقى اللوم على أحد ما عندما لم ينجز كل أحد ما كان يستطيع أي أحد أن ينجزه
:26:
بيتهيألى كده الرؤيه بقت أوضح والهدف المفروض يكون وصل من الليله دى ولا إيه النظام

قال الله جل جلاله
: { وَبَرَزُواْ لِلّهِ جَمِيعاً فَقَالَ الضُّعَفَاء لِلَّذِينَ اسْتَكْبَرُواْ إِنَّا كُنَّا لَكُمْ تَبَعاً فَهَلْ أَنتُم مُّغْنُونَ عَنَّا مِنْ عَذَابِ اللّهِ مِن شَيْءٍ قَالُواْ لَوْ هَدَانَا اللّهُ لَهَدَيْنَاكُمْ سَوَاء عَلَيْنَا أَجَزِعْنَا أَمْ صَبَرْنَا مَا لَنَا مِن مَّحِيصٍ{21} وَقَالَ الشَّيْطَانُ لَمَّا قُضِيَ الأَمْرُ إِنَّ اللّهَ وَعَدَكُمْ وَعْدَ الْحَقِّ وَوَعَدتُّكُمْ فَأَخْلَفْتُكُمْ وَمَا كَانَ لِيَ عَلَيْكُم مِّن سُلْطَانٍ إِلاَّ أَن دَعَوْتُكُمْ فَاسْتَجَبْتُمْ لِي فَلاَ تَلُومُونِي وَلُومُواْ أَنفُسَكُم مَّا أَنَاْ بِمُصْرِخِكُمْ وَمَا أَنتُمْ بِمُصْرِخِيَّ إِنِّي كَفَرْتُ بِمَا أَشْرَكْتُمُونِ مِن قَبْلُ إِنَّ الظَّالِمِينَ لَهُمْ عَذَابٌ أَلِيمٌ}." إبراهيم آية : 21، 22".

وقال عز من قال
: {أَلَمْ تَر إِلَى الَّذِينَ نَافَقُوا يَقُولُونَ لإِخْوَانِهِمُ الَّذِينَ كَفَرُوا مِنْ أَهْلِ الْكِتَابِ لَئِنْ أُخْرِجْتُمْ لَنَخْرُجَنَّ مَعَكُمْ وَلا نُطِيعُ فِيكُمْ أَحَداً أَبَداً وَإِن قُوتِلْتُمْ لَنَنصُرَنَّكُمْ وَاللَّهُ يَشْهَدُ إِنَّهُمْ لَكَاذِبُونَ{11} لَئِنْ أُخْرِجُوا لا يَخْرُجُونَ مَعَهُمْ وَلَئِن قُوتِلُوا لاَ يَنصُرُونَهُمْ وَلَئِن نَّصَرُوهُمْ لَيُوَلُّنَّ الْأَدْبَارَ ثُمَّ لَا يُنصَرُونَ{12} .... إلى قوله : {كَمَثَلِ الشَّيْطَانِ إِذْ قَالَ لِلْإِنسَانِ اكْفُرْ فَلَمَّا كَفَرَ قَالَ إِنِّي بَرِيءٌ مِّنكَ إِنِّي أَخَافُ اللَّهَ رَبَّ الْعَالَمِينَ }. " الحشر آية : 10ـ 16"

لحد إمته هنفضل هنشوف القذاره دى ماليه مجتمعنا وساكتين لحد إمته هنشوف الغلط قدام عنينا ونقول ملناش فيه لحد إمته هنكون شياطين
" الساكت عن الحق شيطان أخرس "

[رودينا]

بجد بجد يامحمد انا بحييك على الموضوع الاكثر من رائع

ماشاء الله عليك بجد افكارك هايلة جدا بالنسبة للموضوع

بص ياسيدى الحياة طول عمرها فيها الحلو وفيها الوحش

" الساكت عن الحق شيطان أخرس

بالكلمة دى انت كدة جبت الخلاصة ان فعلا لو انا

شفت غلط ومحاولتش اصلحة واضعف الايمان الدعاء

كمان يبقى كانى والعياز بالله شيطان اخرس هستفا ايه

هاخدفلوس هتخلص (الرشوى) هاخدمنصب(هينتهى)

كل حاجة من غير الحلال ملهاش طعم طبعا

[المهندس هشام كمال الدين]

أخي العزيز بارك الله فيك وأحييك علي الموضوع ولك كل الحق.
فالساكت شيطان أخرس وقاني الله وأياك شر السكوت عن الحق.ولكن هل في كل الأحيان
نستطيع التغيير المضمون في هذه الأيام هو أستخدام أضعف الايمان.
لي سؤال لك لماذا لم تشترك برأك في موضوعي الاخير شكرا لك.

[محمد عبد العظيم وسية]

الساكت عن الحق شيطان أخرس

امتلأ مجتمعنا بالشياطين
ـــــ
أحيانا تملك أن تكون إنسانا له لسان كالسيف لا يسمح بالباطل قولا وعملا

ولكن كثيرا ما نكون شياطين رغما عنا في مواقف الحياة ...

من يجرؤ أن يقول لرئيسه في العمل أنت على باطل ؟ وما تفعله هو الظلم بعينه ؟

وبموضوعك الرائع
تذكرت كلمات لشاعر عراقي كبير يقول :

زار الرئيس المؤتمن
بعض ولايات الوطن
وحين زار حيّنا
قال لنا
هاتوا شكاواكم بصدقٍ في العلن
ولا تخافوا أحدا فقد مضى ذاك الزمن

فسكت الجميع وقام صديقي حسن ........ وقال :
يا سيدي الرئيس
أين الرغيف واللبن؟
وأين تأمين السكن؟
وأين توفير المهن؟
وأين من
يوفر الدواء للفقير دونما ثمن؟


قال الرئيس في حزن
أحرق ربي جسدي
أكلّ هذا حاصل في بلدي؟
شكرا على صدقك في تنبيهنا يا ولدي
سوف ترى الخير غدا

****
وبعد عام زارنا الرئيس المؤتمن
ومرة ثانية قال لنا
هاتوا شكاواكم بصدق في العلن
ولا تخافوا أحدا
فقد مضى ذاك الزمن


فسكت الجميع وقمتُ أنا وقلت :
يا سيدي الرئيس
أين الرغيف واللبن ؟
وأين تأمين السكن ؟
وأين توفير المهن؟
وأين من
يوفر الدواء للفقير دونما ثمن؟
ومعذرة يا سيدي
وأين صديقي حسن ؟

ـــــــ
فإن عرفت يا سادات ....... مكان صديقي حسن .... فأخبرني فقد اشتقت إليه كثيرا .

[سقراطه]

جزاكم الله خيرا

استاذ محمد حقيقى بارك الله فيك

واحلى رد من اجدع معلم لغه عربيه

وانا عارف فين حسن
اكيد فى معتقلات الغير مؤتمن

وما اكثرهم الغير مؤتمنين فى بلادنا يا اسيادنا

[س ا يوسف]

يا باشمهندس
نخن في اخر الزمان
شئ طبيعي تكون الاكثرية كما تقول
شئ طبيعى تنقلب الدنيا رأس على عقب
الم تعلم ان الدجال ستكون فتنته اقوى فتنة وسيق فيها الكثير رغم انه مكتوب عليه كافر يقرأ الكاتب وغير الكاتب
الساكت عن الحق الان شيطان
طب الذي لا يسكت ويفعل الافاعيل بالباطل دا ايه
تقبل مروري

[نعمه محمود]

فعلا يامحمد النجاح له آباء كثيرين ولكن الفشل دائماً لقيط لا أحد يعترف به . عندما يكون هناك عمل ناجح تجد الجميع يتسارعون لنسبه لهم وعندما يفشل عمل ما يتبرأ الجميع منه
وزى ماقلت دى
مجرد عادة من سلسلة عادات ذميمة استشرت في المجتمع المصرى ولو قرأت كتاب جلال أمين الذى عنوانه ماذا حدث للمصريين لأحسست أن هناك سلوكيات مريضه امتلأ بها المجتمع

[غفران]

بارك الله لك يا أستاذ محمد
أفكار جميلة وعميقة المعنى تدل على
شخصية مثقفة وواعية ودائما أستمتع
بكتاباتك وتعليقاتك وأسلوبك الشيق
حماك الله ورعاك وأكثر من أمثالك

[Mr Gomaa Ashour]

والله يا محمد يا خويا
موضوعاتك فى الصميم
الساكت عن الحق شيطان أخرس
أن يحاول الناس نسب العمل الجيد لهم موجود
أما العمل الفاشل يتبرأ الكل منه

[Blanche Neige]

ماهو دا حال الناس فى مجتمعنا دلوقتى
كله بيبعد ويطنش ويقول وانا مالى خلينى فى حالى
كله خايف على مكانه وعلى نفسه ... قليلين جداااااا
من يخافون من الله وحده ويقولون الحق ابتغاء مرضاة الله
فقط لا غير. الناس دلوقتى عايشين على النفاق والرياء
مش عاملين حساب للاخره زى ماهما عاملين الف حساب
كده للدنيا . بس هانقول ايه لله الامر من قبل ومن بعد
ربنا يهدينا والمسلمين جميعا للخير . باحييك يامحمد على
موضوعك الاكثر من رائع بارك الله فيك .

[عز وحيد]

بجد يا محمد
هو ده زمنا دلوقتى
زمن كبش الفدا
مين الى نقدر نرميه عليه
وكل واحد مابقاش بيعمل الى عليه
انما فى الاخر نقول نتمنى ان ينعدل هذا الزمن
ولن يتعدل الا بنا احنا الى نقدر نعدله
وقولتها كتير
ولسا بقولها
انت يا محمد بجد
اجمل ما فى مواضيعك انها مواضيع عصرية
يعنى بجد بتناقش مشاكل حالية

[MohammeD el_SadaT]

بجد بجد يامحمد انا بحييك على الموضوع الاكثر من رائع

ماشاء الله عليك بجد افكارك هايلة جدا بالنسبة للموضوع

بص ياسيدى الحياة طول عمرها فيها الحلو وفيها الوحش

" الساكت عن الحق شيطان أخرس

بالكلمة دى انت كدة جبت الخلاصة ان فعلا لو انا

شفت غلط ومحاولتش اصلحة واضعف الايمان الدعاء

كمان يبقى كانى والعياز بالله شيطان اخرس هستفا ايه

هاخدفلوس هتخلص (الرشوى) هاخدمنصب(هينتهى)

كل حاجة من غير الحلال ملهاش طعم طبعا

عندك حق يا رودينا الدنيا فانيه ومفيش حاجه دايمه غير وجه الله
تسلم إيدك على مرورك الأكثر من رائع

[MohammeD el_SadaT]

أخي العزيز بارك الله فيك وأحييك علي الموضوع ولك كل الحق.
فالساكت شيطان أخرس وقاني الله وأياك شر السكوت عن الحق.ولكن هل في كل الأحيان
نستطيع التغيير المضمون في هذه الأيام هو أستخدام أضعف الايمان.
لي سؤال لك لماذا لم تشترك برأك في موضوعي الاخير شكرا لك.

عند حضرتك حق بس لحد إمته هنفضل نستخدم أفضل الإيمان إمته هنقف فى وش الظلم ونصرخ بصوت عالى
ونقول لاء
لحد إمته هنقول وأنا مالى لحد إمته هنقول إدعو له بالهدايه

أما من حيث موضوع حضرتنك فللأسف الموضوع قديم وأنا مش بقيت عارف حضرتك تقصد أى موضوع
ياريت تدينى اللينك

[MohammeD el_SadaT]

الساكت عن الحق شيطان أخرس

امتلأ مجتمعنا بالشياطين
ـــــ
أحيانا تملك أن تكون إنسانا له لسان كالسيف لا يسمح بالباطل قولا وعملا

ولكن كثيرا ما نكون شياطين رغما عنا في مواقف الحياة ...

من يجرؤ أن يقول لرئيسه في العمل أنت على باطل ؟ وما تفعله هو الظلم بعينه ؟

وبموضوعك الرائع
تذكرت كلمات لشاعر عراقي كبير يقول :

زار الرئيس المؤتمن
بعض ولايات الوطن
وحين زار حيّنا
قال لنا
هاتوا شكاواكم بصدقٍ في العلن
ولا تخافوا أحدا فقد مضى ذاك الزمن

فسكت الجميع وقام صديقي حسن ........ وقال :
يا سيدي الرئيس
أين الرغيف واللبن؟
وأين تأمين السكن؟
وأين توفير المهن؟
وأين من
يوفر الدواء للفقير دونما ثمن؟


قال الرئيس في حزن
أحرق ربي جسدي
أكلّ هذا حاصل في بلدي؟
شكرا على صدقك في تنبيهنا يا ولدي
سوف ترى الخير غدا

****
وبعد عام زارنا الرئيس المؤتمن
ومرة ثانية قال لنا
هاتوا شكاواكم بصدق في العلن
ولا تخافوا أحدا
فقد مضى ذاك الزمن


فسكت الجميع وقمتُ أنا وقلت :
يا سيدي الرئيس
أين الرغيف واللبن ؟
وأين تأمين السكن ؟
وأين توفير المهن؟
وأين من
يوفر الدواء للفقير دونما ثمن؟
ومعذرة يا سيدي
وأين صديقي حسن ؟

ـــــــ
فإن عرفت يا سادات ....... مكان صديقي حسن .... فأخبرني فقد اشتقت إليه كثيرا .

كلام حضرتك فعلاً للأسف صح كان نفسى أقول لاء ده مش بيحصل
لكن للأسف أنا شوفت ده بعينى
كنا ساعات بنروح نحضر ندوات لقاء مفتوح وساعات بلاقى إن ضيف الندوه اللى المفروض هيتكلم ويوعينا نص كلامه غلط
ومش فاهم أى حاجه فى ميه البطيخ كل ما أجى أتكلم وأقول غلط إيه ده والصح كذا ألاقى اللى موجودين مقعدنى إقعد متوديش نفسك فى داهيه
الهدف الرئيسى من الندوات دى يصطادو اللى زيك وبيقولو ليه وعشان ايه وده صح وده غلط

بس بردو لحد إمته هنفضل كده
أنا مؤمن إن لكل حرب خسائر بس لازم الحرب تستمر وأنا مستعد إنى أكون أول الخسائر لو فعلاً هتستمر

[MohammeD el_SadaT]

جزاكم الله خيرا

استاذ محمد حقيقى بارك الله فيك

واحلى رد من اجدع معلم لغه عربيه

وانا عارف فين حسن
اكيد فى معتقلات الغير مؤتمن

وما اكثرهم الغير مؤتمنين فى بلادنا يا اسيادنا

جزاكى الله أستاذتى الفاضله خيراً
على المرور الكريم
اللى بجد شرفنى

[MohammeD el_SadaT]

يا باشمهندس
نخن في اخر الزمان
شئ طبيعي تكون الاكثرية كما تقول
شئ طبيعى تنقلب الدنيا رأس على عقب
الم تعلم ان الدجال ستكون فتنته اقوى فتنة وسيق فيها الكثير رغم انه مكتوب عليه كافر يقرأ الكاتب وغير الكاتب
الساكت عن الحق الان شيطان
طب الذي لا يسكت ويفعل الافاعيل بالباطل دا ايه
تقبل مروري

مين اللى قال إننا فى آخر الزمان لا يعلم معاد الساعه سوى الله
وربنا سبحانه الله وتعالى مقالش أبداً إننا نكون كده ونقول خلاص هانت كل حاجه فانيه المفروض الانسان فى عمل ومحاربه الشر
ومناصره الفضيله لآخر نقطه دم فيه وآخر نفس بيتنفسه

من حيث الشخص اللى حضرتك بتتكلم عنه فده بينطبق عليه الآيه القائله
" أتأمرون الناس بالبر وتنسون أنفسكم "

[MohammeD el_SadaT]

فعلا يامحمد النجاح له آباء كثيرين ولكن الفشل دائماً لقيط لا أحد يعترف به . عندما يكون هناك عمل ناجح تجد الجميع يتسارعون لنسبه لهم وعندما يفشل عمل ما يتبرأ الجميع منه
وزى ماقلت دى
مجرد عادة من سلسلة عادات ذميمة استشرت في المجتمع المصرى ولو قرأت كتاب جلال أمين الذى عنوانه ماذا حدث للمصريين لأحسست أن هناك سلوكيات مريضه امتلأ بها المجتمع


فعلاً عند حضرتك حق بس أنا نفسى مره ألاقى راجل يقف ويقول أنا غلط ويتحمل مسؤليه غلطه وكل واحد يعتمد على نفسه
نبطل نطلع على كتاف بعض ونسرق مجهود
بعض ميبقاش ياعينى الموظف اللى بياخد 250 جنيه طالع عين أهله شغل ومش شايف قدامى والمدير بتاع مش بيمكس القلم فى إيده ولا بيتحرك من مكانه
وغالباً مش بيخرج من بيته ويقول أنا اللى عملت وينسب الفضل كل الفضل لنفسه وهو الوحيد المستفيد من العوائد
ووقت التقصير يقول الموظف ده هو السبب والموظف الوحيد هو اللى يتحاسب وهو يطلع زى الشعره من العجنه فى شرع مين ده

[MohammeD el_SadaT]

بارك الله لك يا أستاذ محمد
أفكار جميلة وعميقة المعنى تدل على
شخصية مثقفة وواعية ودائما أستمتع
بكتاباتك وتعليقاتك وأسلوبك الشيق
حماك الله ورعاك وأكثر من أمثالك

بجد كلام حضرتك وسام أنا لا أستحقه ربنا ما يحرمنى من مرور حضرتك الجميل

[MohammeD el_SadaT]

والله يا محمد يا خويا
موضوعاتك فى الصميم
الساكت عن الحق شيطان أخرس
أن يحاول الناس نسب العمل الجيد لهم موجود
أما العمل الفاشل يتبرأ الكل منه


فعلاً عند حضرتك حق وردى على حضرتك نفسى رد على ميس نعمه



فعلاً عند حضرتك حق بس أنا نفسى مره ألاقى راجل يقف ويقول أنا غلط ويتحمل مسؤليه غلطه وكل واحد يعتمد على نفسه
نبطل نطلع على كتاف بعض ونسرق مجهود
بعض ميبقاش ياعينى الموظف اللى بياخد 250 جنيه طالع عين أهله شغل ومش شايف قدامى والمدير بتاع مش بيمكس القلم فى إيده ولا بيتحرك من مكانه
وغالباً مش بيخرج من بيته ويقول أنا اللى عملت وينسب الفضل كل الفضل لنفسه وهو الوحيد المستفيد من العوائد
ووقت التقصير يقول الموظف ده هو السبب والموظف الوحيد هو اللى يتحاسب وهو يطلع زى الشعره من العجنه فى شرع مين ده

[MohammeD el_SadaT]

ماهو دا حال الناس فى مجتمعنا دلوقتى
كله بيبعد ويطنش ويقول وانا مالى خلينى فى حالى
كله خايف على مكانه وعلى نفسه ... قليلين جداااااا
من يخافون من الله وحده ويقولون الحق ابتغاء مرضاة الله
فقط لا غير. الناس دلوقتى عايشين على النفاق والرياء
مش عاملين حساب للاخره زى ماهما عاملين الف حساب
كده للدنيا . بس هانقول ايه لله الامر من قبل ومن بعد
ربنا يهدينا والمسلمين جميعا للخير . باحييك يامحمد على
موضوعك الاكثر من رائع بارك الله فيك .

طب ولحد إمته هنقول وأنا مالى ولحد إمته إحنا هنقف نتفرج على الفساد ده وهو عمال يتفشى فى المجتمع
لحد إمته وأنا بشوف قوتى وقوت عيالى بيتسرق قدامى وأغمض عنيا
لحد إمته هنفضل خايفين وخاضعين وساكتين
لحد إمته هنفضل عاملين خدنا مداس للى يسوى واللى ميسواش

[MohammeD el_SadaT]

بجد يا محمد
هو ده زمنا دلوقتى
زمن كبش الفدا
مين الى نقدر نرميه عليه
وكل واحد مابقاش بيعمل الى عليه
انما فى الاخر نقول نتمنى ان ينعدل هذا الزمن
ولن يتعدل الا بنا احنا الى نقدر نعدله
وقولتها كتير
ولسا بقولها
انت يا محمد بجد
اجمل ما فى مواضيعك انها مواضيع عصرية
يعنى بجد بتناقش مشاكل حالية


خلاص فات وقت التمنى مبقاش ينفع نقول بنتمنى كذا ونفسنا فى كذا الكفروض نكون دلوقتى بنقول
عملنا كذا وهنعمل كذا

نبطل نحلم وبس لكن نحلم ونحقق حلمنا
ونمشى فى طريق الخير ونقف إيد واحده قدام الشر منخفش ولا نخشى فى الحق لومه لائم
والحق أحق أن يتبع
وربنا سبحانه وتعالى ميرضاش بالظلم ونبطل نقول وأنا مالى
لأن بالحال ده المستقبل بقى عتمه