هل تتزوج بفتاه تكتب بالمنتديات

[المهندس هشام كمال الدين]

You can see links before reply

هل تتزوج بفتاه تكتب بالمنتديات
جائت أم إلى إبنتها ووجهها يتهلل بالبشر تكاد اساريره ان تنطق فرحا وقالت بنيتي لقد جاء فلان وابنه لخطبتك الجم الفرح الفتاة اخرس لسانها ونطقت عيناها ببريق السرور : الان سيتحقق حلمي ابني بيتا من السعادة واربي جيلاً يكون قطعتا مني اربيه على ناظري يكون عونا لي في الدنيا وذخرا لي في الاخرة لم تبت تلك الليلة فهي لاتحتاج النوم بعد ان تحولت احلام نومها الى حقائق تداعب يقضتها.........................
وافق ابوها على الخطبة وتمت الرؤيه الشرعية سر بها العريس وسرت به وابتدى الجميع يوزعون رقاع الدعوة لليلة الفرح الموعودة ا ذهب العريس الى عملة اخبر بعض اصحابه بأنه سيتزوج ابنة فلان بارك له الجميع
وفي اليوم التالي جاءة احد زملائه وقال له الله الله انت اذن ستتزوج الكاتبة الفلانية التي تكتب في المنتدى الفلاني نظر العريس الى زميله متعجباً عن من تتحدث وماهذا الكلام؟؟؟؟؟؟؟ قال زميله خطيبتك كاتبه في منتدى بالاسم الفلاني ؟ قال وما ادراك ومن اعلمك ؟ قال اختي تعرفها واسرت لها بذلك ؟ وهي تكتب باسم مستعار اتريد ان ندلف الى المنتدى لنشاهد مواضيع خطيبتك ؟ قال العريس والعرق يتصبب ولما لا؟ فتح الزميل المنتدى استخرج بالبحث جميع مواضيعها ثم بدأ الاثنان في التصفح فهاهي ترد على فلان وتشكر فلان وتتناقش مع فلان وتضحك من طرفة فلان وهذا فلان يمدح ماتكتب ويثني على ماتقدم وهي ترد عليه بالثناء والشكر احمر وجه الخطيب وخرج من المكتب
واتصل ببيت خطيبته وقال لامها هل تسمحين لي ان اكلم خطيبتي قالت امها لامانع اخذت البنت الهاتف وقلبها يخفق ويداها ترتجفان تخشى من سماع الكلام المعسول او ان لاتملك القدرة على الرد وهو يحدثها عن بيت المستقبل؟ لكنه فاجاءها بسؤال واحد هل انتي الكاتبة الفلانية في المنتدى الفلاني ؟؟؟؟؟؟؟ قالت نعم انا هي قاطع حديثها وقال اسف انا لا اتزوج فتاة انترنت وأطبق السماعة
حالة قد تمر يوما ما على فتى او فتاة فما موقفكم ؟
بكل صدق وتجرد انت يا ايها الرجل؟
وياريت أخوانى الأعضاء يطرحون وجه نظرهم .. بانتظار ردودكم ..

[س ا يوسف]

له حق
لا يتزوج من كتبت في النت
من تحدث مع احد من غير النت
من تعلمت لانها رأت اناس ما كان يجب ان تراهم
ورأها ناس ما كان يجب ان يروها
عنده حق
ليبحث اذن فسيجد حتما
هي اللي بتكتب في منتدى تهمه
دا اللي اي ون - مش عارف يعني ايه اي -
من وراء حجاب

[دعاء شديد]

والله انا حسيت ان السؤال هل تتزوج من فتاه تاجرة مخدرات؟

او إنها ارتكبت كبيرة من الكبائر ... للأسف لا تعليق


:16:

[طارق ممدوح ذكي محمد]

حالة قد تمر يوما ما على فتى او فتاة فما موقفكم ؟
بكل صدق وتجرد انت يا ايها الرجل؟
وياريت أخوانى الأعضاء يطرحون وجه نظرهم .. بانتظار ردودكم..




انا من رأيي ان الكتابة في المنتديات قد تكون احدى وسائل التعرف على هوية الفتاة و شخصيتها وخاصة اذا ما كانت تكتب موضوعات لها اهداف ومضمون ، ويتوقف هنا الارتباط بها على محتوى ما تكتبه و ايضاً اسلوبها في الرد على الاعضاء واذا ما كانت مشاركتها وردودها تدل على شخصية جديرة بالاحترام والتقدير ام لا .

[نعمه محمود]

You can see links before reply


هل تتزوج بفتاه تكتب بالمنتديات
جائت أم إلى إبنتها ووجهها يتهلل بالبشر تكاد اساريره ان تنطق فرحا وقالت بنيتي لقد جاء فلان وابنه لخطبتك الجم الفرح الفتاة اخرس لسانها ونطقت عيناها ببريق السرور : الان سيتحقق حلمي ابني بيتا من السعادة واربي جيلاً يكون قطعتا مني اربيه على ناظري يكون عونا لي في الدنيا وذخرا لي في الاخرة لم تبت تلك الليلة فهي لاتحتاج النوم بعد ان تحولت احلام نومها الى حقائق تداعب يقضتها.........................
وافق ابوها على الخطبة وتمت الرؤيه الشرعية سر بها العريس وسرت به وابتدى الجميع يوزعون رقاع الدعوة لليلة الفرح الموعودة ا ذهب العريس الى عملة اخبر بعض اصحابه بأنه سيتزوج ابنة فلان بارك له الجميع
وفي اليوم التالي جاءة احد زملائه وقال له الله الله انت اذن ستتزوج الكاتبة الفلانية التي تكتب في المنتدى الفلاني نظر العريس الى زميله متعجباً عن من تتحدث وماهذا الكلام؟؟؟؟؟؟؟ قال زميله خطيبتك كاتبه في منتدى بالاسم الفلاني ؟ قال وما ادراك ومن اعلمك ؟ قال اختي تعرفها واسرت لها بذلك ؟ وهي تكتب باسم مستعار اتريد ان ندلف الى المنتدى لنشاهد مواضيع خطيبتك ؟ قال العريس والعرق يتصبب ولما لا؟ فتح الزميل المنتدى استخرج بالبحث جميع مواضيعها ثم بدأ الاثنان في التصفح فهاهي ترد على فلان وتشكر فلان وتتناقش مع فلان وتضحك من طرفة فلان وهذا فلان يمدح ماتكتب ويثني على ماتقدم وهي ترد عليه بالثناء والشكر احمر وجه الخطيب وخرج من المكتب
واتصل ببيت خطيبته وقال لامها هل تسمحين لي ان اكلم خطيبتي قالت امها لامانع اخذت البنت الهاتف وقلبها يخفق ويداها ترتجفان تخشى من سماع الكلام المعسول او ان لاتملك القدرة على الرد وهو يحدثها عن بيت المستقبل؟ لكنه فاجاءها بسؤال واحد هل انتي الكاتبة الفلانية في المنتدى الفلاني ؟؟؟؟؟؟؟ قالت نعم انا هي قاطع حديثها وقال اسف انا لا اتزوج فتاة انترنت وأطبق السماعة
حالة قد تمر يوما ما على فتى او فتاة فما موقفكم ؟
بكل صدق وتجرد انت يا ايها الرجل؟
وياريت أخوانى الأعضاء يطرحون وجه نظرهم .. بانتظار ردودكم ..


استاذ هشام هل تقصد ما كتبت؟؟؟؟؟؟
العنوان أوحى لى بأنك ستسأل هل تتزوج من فتاة لها ماضي
وما الضير في أن تكتب الفتاة في أى منتدى سواء بأسمها الحقيقي أو أسم مستعار .هل هى جريمة؟؟؟؟؟ طالما أنها تكتب موضوعات محترمة والردود حتى وان كان بها بعض التبسط مع الزملاء لاتخرج عن الاداب العامة فلا ضرر ومن يرفض فتاة لمجرد أنها تكتب في منتدى فهو حر ولكن مامعنى كلمة فتاة نت فهى تشبه إالى حد كبير فتاة...... وهل لو كانت هذه الخطيبة صحفية مثلاً ولها معجبيها من القراء هل هذا سيكون موقفه....مثل هذه العقليات المريضة لاتناسب أبداً لفتاة مثقفة ومتفتحة فالأحرى به أن يتزوج واحدة ست بيت فقط حتى تشبع غروره الذكورى ....

[لؤلؤة المحيط]

يبقي كده النت يقتصر علي الشباب والاولاد والرجاله بس
يبقي احسن من ده كله تقعدونا في البيت من التعليم والشغل
ده زي ما يكون واحده بتشغل في وظيفه بتخليها تتعامل مع ناس كتير ومن كل الفئات وكل االناس
يرفضها علشان كده؟؟
انا طبعا ضد الراي ده

[منار السيد]

لا حول ولا قوة الابالله هو فيه حد بيفكر كده

ازاى نكتب أو ننقل موضوع كده وياترى لو مدام حضرتك بتكتب في منتدى ده هيقلل من شأنها ..........
وبعدين فين رأيك عاوزين نعرفه

[غفران]

وما ذا فى هذا؟ !!!
أعرف أن حضرتك لست كاتب الموضوع بل
هو للأمانة منقول لأنى سبق وقرأته فى منتدى
آخر ولكن ماذا يضير الفتاة إذا كانت عضوة
فى منتدى محترم وتشارك فيه سواء بموضوعات
أو ردود مادام كل ذلك يتم فى حدود الأدب والاحترام
ولا يخالف الشرع .
فلقد اكتسبت العديد من الصداقات مع إخوة وأخوات
قمة فى الثقافة والاحترام ماكنت سأتشرف بهم لولم أكن
عضوة فى هذا المنتدى الجميل فليس كل مافى النت شر
وليس كله خير والأمر يتوقف على الانسان واختياراته
وهذا مجرد رأى شخصى وفى انتظار آراء بقية الزملاء
ولك خالص تحياتى

[Blanche Neige]

والله انا رايى مش هايختلف كتير عن الاراء السابقه للساده الاعضاء

غير ان ليا رأى بسيط اوى وهو ان اى بنت يتقدملها راجل بيفكر

بالسطحيه واللا منطقيه دى من غير تفكير ترفضه من الاول احسن

العالم كله بقى عباره عن قريه صغيره يعنى ممكن اى حد يعرف

اى حاجه فى اى مكان وهو قاعد فى بيته واحنا لسه عندنا رجاله

بيفكروا ياترى اقبل ارتبط بفتاة نت ولا لآ ؟ وبيقولوا علينا دول ناميه

متأخره دول عالم تالت طب ماكده يبقى عنهم حق طبعا .

عموما مواضيع الارتباط دى فالاول والاخر قسمه نصيب وربنا

يهدى الناس للخير والصواب .

[طارق ممدوح ذكي محمد]

رجاء من الزميلات عدم الغضب من الموضوع لانه مجرد وجهة نظر لكاتبه فقط

والموضوع ((( منقول ))) وان كنت اعتب على الاستاذ هشام في انه لم يعقب برأيه

وفي النهاية من يكتب يكتب ... ومن يقول يقول ... ولكل وجهة نظره ورؤيته الخاصة به

ولكن تبقى الثقة في النفس بنياناً ثابتاً شامخاً لا تزعزعه اية اراء معاكسة

طالما اننا على يقين من صواب ما نفعله

واؤكد على رأيي الذي ذكرته في المشاركة السابقة

[أشرف السيد]

شكرا لحضرتك على طرح موضوع كهذا

وبالتأكيد رائي كرائ بقية الزملاء السابقين الرد

ولا مشكلة في يكون ذلك ابداااااااااا

[عز وحيد]

انا ليا راى يكاد يكون مشابه للاستاذ طارق
يا جماعة انا بعتبر النت ده سكينة
ممكن نستخدمها فى القتل
وممكن نستخدمها فى اغراض تانية مضرة
يعنى كل شىء هتلاقى جواه الشر والخير
الخيير من اختار جانب الخير واستخدمه ونمى ذلك الجانب
يعنى مش كل حاجة فيها شر احنا بنستخدمها بالضرورة اننا نكون بنعمل بيها شر
واجابة على سؤال الباش مهندس
انا لا مانع عندى تماما من ان اتزوج فتاة تكتب فى المنتديات
طالما ان كتابتها لا تسىء اليها ولا يتعارض مع ديننا ولا اخلاقنا
فأكون انا محظوظ اذ وجدت فتاة بهذه المواصفات
لانه ببساطة ليست الثقافة عيب على الفتاة بل تحسب لها
ليست الكتابات شىء مشين طالما انها لا تتعارض مع ديننا واخلاقنا
المقياس فى كل ذلك
هو ديننا
هل ما يكتب مخالف
ام لا
موضوع جرىء يا باش مهندس
ربنا يستر عليك

[ahmedseyam]

باااااااااشاااااااا والله موضوع جامد جدا
بسى ناقصه شوية حجـــ................ــات

البنت دى نعدمها صح !!
ولا اقولك لالا
















لا
















لا نشنوقها احسن

















هل ارتكبت بذلك جرما اذا كانت محترمه في كل ماتكتب؟؟؟؟؟

ام ان المنتديات اصبحت في نظر الناس كالملهى او المكان المشبوه؟؟***؟؟

لماذا سميت منتديات أساسا؟؟!!؟؟؟




مستنيين راى حضرتك!&&

[moaz1993]

السلام عليكم ورحمة الله وبركاته

لية التسرع ده في الحكم يا اخواني / اخواتي في الله
اديكو نسيتو تردو السلام على الاستاذ المهندش كمال
ما علينا كل واحد حر

بالنسبة لــ راي حضرتك مش شوفناه - برضه حضرتك حر -
قبل ما اقول يا ريت مش تفهم حضرتك غلط ولا اي احد
يعني حضرتك بقى مفروض حاجة من الاتنين - بلاش حضرتك-
اي راجل من المنتديات -ب لاش اي راجل -
هبسطهالك
انا مثلا لو هرتبط بصديقة لازم مش تكون من النت - انا الحمد لله ليا اخوة واخوات من من نفس عمري او اكبر او اصغر ومدرسين اعتز بيهم -
تانيا الاحترام المتبادل بين الطرفين - اقصد علاقة اي اتنين في اي حتة مش لازمة وولد وبنت وكمان يكونو في الانترنت
ثالثا- هو لازم ان الفتاة تكون احتكتيت مع حد في الانترنت يبقى كده قلل من كرامتها اقصد اساء اليها
ما احنا في الدينا وعلى راي الفليسوفة (ههههههههههههه) حلوة فليسوفة هيفاء وهبي على الطبيعة كل شئ احلى
يعني الانحلال الاخلاقي موجود في كل حتة ومصر شاهدة على كده تاريخ مشرف بسم الله ماشاء الله -الا من رحم ربي-
رابعا افهم من كده مافيش اي حد يرتبط باي حد يعرفه من الانترنت على حد سواء فتاة او ولد
يعني الفاتة مش ليها حقك برضه انه يكون زوجها خام مش اقصد خام يعني غشيم ولا قتة مغمضة لكن يكون زي البفتة البيضا -حقها ولا لا- يعني مش بيكلم فتايات في المحادثات او ترد عليه واحدة ولا يرد على موبايل ولا ينزل الشارع
اما الولد اكيد برضه حقه كذكل الولد بيجب واحدة من بطن امها يربي بيها في غرفة مظلظمةعلشان محدش يشوفها

اه احنا 80 مليون- ربنا يزيد ويبارك ويخليه الحوكمة يا بيه - 21 مليون اختارو موبينيل , - على راي استاذ اشرف- اكيد في زيهم فودافون , اكيد اتصلاات لسة بتحاول يعني احصايائايات اللي معارفهم موبلات 3/4 من الشعب
اتبقى ربع الشعب اكيد دول متجوزين ومتطلقين وارامل
يعني 3/4 الشعب يفضل عانس - هههههههههههههههههه- شارع الهرم يشتغل للمصريين كمان بدل ماكان خلجيي واصحاب الاموال
يعني هتشيع الفاحشة يا استاذنا
نهاكيك - حلوة نهاكيك ديه- عن اغتصاب - ده للي معهوش فلوس للهرم -اشتغفر الله العظيم - يرحمنا ربنا
طيب ها حضرتك عايز اية ؟
ينفع اللي حضرتك قولته ده
عادي ينفع
بس بقى طلق اللي متوجزين وبيتكلمو على النت
وطلق كل واحدة مشيت في الشارع وقدمت مساعدو وحد رد عليها ربنا يجزيك خير يا بنتي
لو عملت كده حضرتك يبقى حضرتك هتخش موسوعة مصر للافعال القياسية

الراي يعبر عن وجهة نظر صاحبه
امل لا اكون اطلت عليكم وان حد يفكر ان يفكر ان كان بفكر او يكفر ان يفكر اين يكون زعلان
في رعاية الله
Messenger of Peace

[المهندس هشام كمال الدين]

You can see links before reply gif

أشكركم جميعا أخيرا خرجتم عن صمتكم.
أخيرا أتحدنا .أخيرا رد عليا ناس أستفزهم الموضوع.
أشكر كل من رد سواء وافق أو أختلف.
ولكني هوجمت قبل أن تعرفوا رأئى.بل منكم من ذكر أولادي وزوجتي هل ترضي لهم.....
يا جماعه بصراحه انا قرأت الموضوع ده وكمان قرات الردود كلها وأستغربت كثيرا منها
فحبيت أعرف الفرق بين تفكير أصدقائى الأخوه والاخوات في منتدانا العظيم وبين الأخرين
ولا يخفي عليكم إن الصحفي الشاطر هو اللي بيولعها عشان يجذب أكبر قدر من القراء
أخيرا
انا بحبكم جميعا واحترمكم أقدر تفكيركم الراقي.
اما رأيئ في الموضوع فهو....
أنا مختلف مع من صاحب الموضوع الأصلي لان تفكيره غير سليم ومتخلف.
أنا شخصيا لي بنتان مشتركين في منتديات محترمة وياخذوا رأئى في المواضيع التي يكتبوها في المنتديات
أشكركم مره أخري وبراحه عليا شويه.
ومنتظر رأي باقي الأحبة والأعضاء النشيطين .

[محمد عبد العظيم وسية]

أنا أعلنها صراحة أمام الجميع

نعم نعم نعم

أتزوج من فتاة تكتب بالمنتديات ( الشروط )

1ــ المنتديات المحترمة ( مثل منتدانا العملاق ).
2ــ نوع موضوعاتها ، وردودها على موضوعات الغير .
3ــ (((((( مضطر أراقبها وأمشي وراها جوه المنتدى كام يوم وأتابعها وأتابع أسلوبها ......... وبعد كده أشوف حد كبير في المنتدى وأكلمه ــ لا لا مش خاطبة والا حاجه ــ يعني حد ليه كلمته في المنتدى راجل محترم له ثقله في المكان ....... ويتوسط في الموضوع (( أرشحلك أستاذنا جمال الدين عوض (( عمدة المنطقة )) ........
4ــ ومادمت عندي شقة وشاليه في الساحل الشمالي وعزبة وأطيان وعربية وشهادة عليا ( دبلون صنايع فما فوق ) وعندي دادي ومامي وأنه ( يعني تيته يعني نينه يعني ستي ((( جدتي يعني ))) مفيش مانع أني أخطب وأتجوز فتاة تكتب في المنتديات

وبعدين هوه حد يطول فتاة تكتب في المنتديات ....... نحمد ربنا أنها بتكتب ......... مش أحسن ما تبصم .

ولكن إحقاقا للحق .

قبل أن أخوض على المستوى الشخصي في عالم المنتديات ، لم أكن أتوقع أن أجد فتيات على مستوى عال من الخلق ..
ولكن تم تصحيح كل هذه المفاهيم المغلوطة عندما تعاملت مع معلمات فضليات ومع بعض أزواجهن العظماء ، ومع فتيات مهذبات رائعات خلقا وعلما وتربية .

فلا يضر الفتاة أبدا أن تكتب في المنتديات :
ولكن ((((((((( ماذا تكتب ؟؟؟؟؟؟؟؟ )))
وفي أي ((((((( منتدى تكتب ))))))) ؟؟؟

(((((((( يعني مثلا تروح تتجوز فتاة بتكتب في منتدى سباركل للشعر الناعم ــــــ فاكر يا مسيو وليد ؟؟؟ ))))))
ــ لا طبعا اختر بنت تتزوجها من منتدى محترم ........ زي منتدانا الجميل بوابة التعليم المصري ـــــــــــ لكن احذرررررررررررر ...
وإيااااااااااااااااااااك ............ تقرب من أي فتاة عندنا في المنتدى ........ صاحي معايا والا اييييييييييه ؟؟؟
أولا : فتياتنا مش فاضيين للكلام دا ........ لسه قدامهم بدري يعني كام أسبوع كده مثلا .
ثانيا : فيه معلمين ومعلمات هنا ياكلوك بسنانهم لو قربت من فتاة وغلست عليها .
ثالثا : ادخل من الباب وبلاش من المنور زي الناس التانيين ..
واوعى تكون من الناس التانيين .

وأخيرا علشان ما اطولش عليكم ........ قولوا طوِّل .

أكرر أنني مستعد للزواج من فتاة تكتب في المنتديات .
بشرط أنها تكون الزوجة الثانية .. قصدي الثالثة .. ولو الرابعة يعني مفيش مشكلة .

المقصد .......
لا يعيب الفتاة أبدا أن تكتب في المنتديات
وهذا لم يقصده صديقي العزيز المهندس هشام .......
ولكني أرى أنه أراد أن يثير قضية غاية في الأهمية .
وبالمناسبة هذا الموضوع هام جدا وينبغي أن نهتم به .
فشكرا أستاذنا هشام على موضوعك الرائع
والكل ينتظر رأيك الخاص ..

والآن يا هشام باشا كمال الدين
هل تتزوج من فتاة تكتب في المنتديات ؟

أدلي بأقوالك .......... وبعدين امضي هنا ... وبعد كده خده يا عسكري على التخشيبه .

[غادة عبدالسلام]

You can see links before reply فتاة نت؟؟؟ أم فتاة لها عقل وتفكر وهذا مايخشاه بعض الرجال

ونعمة الراى واضيف :

ان هذا للاسف ما يخشاه البعض الاكثر من الرجال ولو حتى بعدت المراة عن المنتديات

يوجد نوع من الرجال يغار من عقل زوجته او من ينوى الارتباط بها يخاف ان تتفوق عليه

يرتعد اذا كانت ناجحة فى مجال عملها ولا دور مؤثر

لا يحتاج من زوجته الا الخدمة والخدمة فقط

هذا الصنف من الرجل احرى به ان يخجل هو من نفسه ولا يطرق باب

فتاه متعلمة مثقفة

يعنى ممكن يسال كده من بره بره بتفك الخط يشجع ويتقدم

معاها حتى ابتدائية يحترم نفسه ومش يبلى الناس بيه

ونحمد الله ان مجتمعنا به النوع الاخر من الرجال

النوع الارقى تفكير والاكثر استنارة امثال اخواننا الافاضل

فى بوابة التعليم المصرى

[غادة عبدالسلام]

You can see links before reply فتاة نت؟؟؟ أم فتاة لها عقل وتفكر وهذا مايخشاه بعض الرجال

ونعمة الراى واضيف :

ان هذا للاسف ما يخشاه البعض الاكثر من الرجال ولو حتى بعدت المراة عن المنتديات

يوجد نوع من الرجال يغار من عقل زوجته او من ينوى الارتباط بها يخاف ان تتفوق عليه

يرتعد اذا كانت ناجحة فى مجال عملها ولا دور مؤثر

لا يحتاج من زوجته الا الخدمة والخدمة فقط

هذا الصنف من الرجل احرى به ان يخجل هو من نفسه ولا يطرق باب

فتاه متعلمة مثقفة

يعنى ممكن يسال كده من بره بره بتفك الخط يشجع ويتقدم

معاها حتى ابتدائية يحترم نفسه ومش يبلى الناس بيه

ونحمد الله ان مجتمعنا به النوع الاخر من الرجال

النوع الارقى تفكير والاكثر استنارة امثال اخواننا الافاضل

فى بوابة التعليم المصرى

[ممدوح الأنصارى]

شكرا لحضرتك يا باشمهندس على الموضوع
الذى يعيد الامور الى نصابها الطبيعى وهو موضوع
لو منقول مش مشكلة لو قصة من وحى خيال كاتب ما فيش مشكلة ايضا .
هو السؤال حرم !!!!!
ولو الموضوع حقيقى والشاب رفض تزوج الفتاه ايه المشكلة ، دا قرار يخص هذا الشاب فقط.

الجميل
الخروج من الصمت
والتطرق الى موضوعات
قد تكون شائكة
وبموضوعية وبفكر راق
وانا شخصيا
كل اسرتى تشارك
فى المنتديات
(الزوج والابناء ذكورا واناثا)
فلا ضرر ولا عيب
ولا حرام ولا مكروه
ان يشارك كل افراد المجتمع
فى المنتديات.
وما يحل و يحرم على
الرجل
يحل و يحرم على المراة
فى غالبية الامور.
رأى الشباب ايه؟؟؟!!!!
من ناحية رد فعل
المجتمع على امر
من الامور اخشى من رأى
لانى امثل شريحة
عواجيز المجتمع واحاول
جاهدا التعرف
على رأى الشباب
المثقف المتعلم الواعى
وللحقيقة انا فى مجتمع
قروى شديد التمسك
بالعادات والتقاليد
لا يكاد شابا او فتاه
الا وقد ذهب الى كتاب القرية
حافظا لكتاب الله الكريم
وأرى شباب قريتى
يتواصلون على المنتديات
ويتقدمون لخطبة
بنات نشطاء بالمنتديات
وتتم الزيجات والسعادة
الشباب متقبل هذه الامور
ونحن نتقبلها معه
وان كان هناك ضابط
او تحفظ فهو للتواجد
بمنتدى او خارج منتدى
يجب ان يتواجد
كل منا فى وضع وموقف
يرضى عنه رب العالمين
فهذا كوب يحمل تمرا
وهذا الاخر يحمل خمرا
اكرر شكرى يا باشمهندس

[شريف]

طيب
نبص للموضوع من الناحية الشرعية و الدينية
هل كتابة الفتاة او المرأة للموضوعات في المنتديات حرام شرعا؟؟؟؟
لازم نجاوب علي السؤال ده
اللي بحله هينتهي النقاش تماما في الموضوع ده
لان العبرة عندنا حكم ديننا في الموضوع ايه
مش كده ولا ايه؟
مجرد ان البنت او السيدة تكتب موضوعات
في المنتديات المحترمة
و ردود حتي وان كانت باسمة احيانا
ده مش حرام شرعا
و اتحدي
فالنت نفسه مجرد وسيلة
زي التليفزيون و الدش و زي السكينة
السكينة؟؟؟؟؟؟؟؟
أيوة السكينة
هيا السكينة مش ممكن تكون حلال في وقت و حرام في وقت تاني؟؟؟؟؟
لما تستخدمها في تقطيع الخيار ((( حلال حلال حلال )))
لما تشق بيها بطن واحد ((( حرام حرام حرام )))
بالرغم من أنها نفس السكينة ماتغيرتش
اذن النت في حد ذاته ....سلاح له حد حرام و حد اخر حلال
علي حسب الاستخدام
بل بالعكس
ده الحد التاني اللي هوا الحلال
ممكن يصل الي مرتبة المندوب و المستحب بل و الواجب أحيانا!!!!!!
مجرد الكتابة في المنتديات
لا أري بها بأسا مادام في اطار من الاحترام
ولا حتي لما رجل و امرأة يردوا علي بعض في المنتدي
نقاش في موضوع معين
مش شايف فيها حرمانية

نيجي بقا للقصة اللي حضرتك نقلتها
و انا عارف ان رأيك من رأي الجميع

في رأيي بقا
ان العريس ده
متخلف عقليا ((( لا مؤاخذة )))
و عنده بله مغولي
و مهزوز
و ماعندوش ثقة في نفسه
و عايز واحدة غبية مابتفهمش
و خايف انه يرتبط بواحدة ليها فكر و ليها رأي و تقدر تجادله في كل حاجة
عنده نقص ما في شخصيته
لانه حتي مافكرش هيا بتكتب ايه في المنتديات
خد القرار لمجرد انها بتكتب
هوا الكتابة حرام شرعا يا جدعان؟
المشاركة الذهنية و الفكرية مع الناس حرام؟
السيدة عائشة رضي الله عنها
كانت في سن صغيرة جدا
و كانت بتشرح و تدرس للأمة كلها
و تشارك
و كل النساء أيام الرسول صلي الله عليه و سلم
احنا عندنا مشكلة جامدة جدا في فهم النقطة دي
مادام البنت التزمت بالزي المناسب الغير ملفت
من حقها تندمج في جميع المجالات و علي كل المستويات في المجتمع
و رحم الله امرأة كانت تحارب في ميدان المعركة مع رسول الله صلي الله عليه و سلم

الراجل ده مخه لاسع يا جدعان

[ممدوح الأنصارى]

فالنت نفسه مجرد وسيلة

زي التليفزيون و الدش و زي السكينة
السكينة؟؟؟؟؟؟؟؟
أيوة السكينة
هيا السكينة مش ممكن تكون حلال في وقت و حرام في وقت تاني؟؟؟؟؟
لما تستخدمها في تقطيع الخيار ((( حلال حلال حلال )))
لما تشق بيها بطن واحد ((( حرام حرام حرام )))
بالرغم من أنها نفس السكينة ماتغيرتش
اذن النت في حد ذاته ....سلاح له حد حرام و حد اخر حلال
علي حسب الاستخدام
بل بالعكس
ده الحد التاني اللي هوا الحلال
ممكن يصل الي مرتبة المندوب و المستحب بل و الواجب أحيانا!!!!!!
مجرد الكتابة في المنتديات
لا أري بها بأسا مادام في اطار من الاحترام



رؤية حضرتك اتفق
معها تماما
واحيك على هذا
العرض الراق
الموفق منك
فى القاء الضوء
على اهم جوانب الموضوع
كل التقدير والاعتزاز
لاخى
الاستاذ/ شريف