مطلوب بائعة حسنة المظهر

[دعاء شديد]

جمله بنشوفها كلنا
وعادى بنمر عليها ولا بتفرق معانا


بس انا امبارح قررت انى اقتحم المجال ده
اه اصل انا بدور على شغل ;)


بس طبعا ليا هدف من انى اشتغل الشغله دى تحديدا
ايه هى بقى ؟؟؟؟؟؟؟؟؟؟؟؟؟
هقولكوا


اول محل هشتغل فيه
"محل جزم"

You can see links before reply

مفيش حاجة اسمها الزبونه تختار الجزمه
وانا اروح اجيبها والبسهالها
وتفضل تمشورنى رايح جاى وتقيس كل جزمه
وتقوم تاخد بيها لفه وفى الاخر
"تبتسم ابتسامه مستفزه وتقولى شكرا"
لااااااااااااااااااااااااااااااااااا
كان زمان قبل مشتغل انا


انا نظامى هيكون
الامورة تختار الجزمه ... وتيجى معايا
اوريها مكانها فين وهى تاخدها
ونرجع تعد وتقيسها هى ولو معجبتهاش
تقوم تانى معايا ترجع دى وتجيب واحده تانيه
او مقاس تانى او لون تانى


المهم هى الي هتروح وتيجى
علشان تحس هى كانت بتعمل ايه فى "البياع"
علشان لما تدخل اى محل تبقى عارفه انها مش هتدخل تريح وتطلع عين الي بيبيع


ثانى محل هشتغل فيه
"محل ملابس"

You can see links before reply


كل واحده تختار
كل الحاجات الي عايزه تقيسها وماله حقها
تاخدها وتقيس براحتها
وترجعها تانى مكانها ... وطبعا انا الي هقولها على مكان كل حاجة


ليه هيكون ده نظامى
:31:
علشان نحس ان المهنه دى زى اى مهنه محترمه
مهو لما نقوم بدورهم
هنعرف انها حاجة مش مهينه ولا هم اقل مننا
كمان نعرف اد ايه بيتعبوا من ترتيب المحل بعد ما الزباين بيبهدلوه
:20:
هى دى مشكلتنا وده سبب البطاله
نظرتنا لكتير من الوظايف على انها اقل او ان اصحابها
مواطنين درجه رابعه
لااااااااااااااااا
بس كل واحد بيعمل حاجة بيحتاجها غيره
محدش اقل من حد انما كل واحد له قدره
وقبل كل ده "نصيب ربنا"


مثلا

الراجل الي بيعدى علينا فى بيوتنا علشان ياخد "القمامه"
مهو لو هو مش هيعدى هنضطر احنا نشيلها ونروح نتخلص منها
يبقى بدل منشكره ونعرف قيمته لاااااااااااااا
ده احنا لما نحب نهين حد ونشتمه نقوله "انت زبال"


طيب منجرب نلغى الوظيفه دى
وكل واحد يبقى مسئول عن لم قمامه العمارة الي هو ساكن فيها ؟؟؟؟؟؟؟؟؟؟؟
ساعتها هتحس انك بتعمل فيهم جميل
وان المفروض يشكروك


يا ترى وقتها هتحب حد يشتم حد ويقولا انت "زبال" ؟؟؟

طيب هتحب الناس تبصلك فى اليوم ده بس نظره مش حلوه ؟؟؟؟؟؟؟؟؟؟؟


للاسف احنا مسئولين عن البطاله بشكل كبير


يعنى لما تروح مطعم علشان ترتاح يوم
من تجهيز الاكل وشيل الاطباق وغسها
وتلاقى الي بيخدمك
تشكره ولا تحس انه اقل منك
ويا حرام نظرات الشفقه والصعبانيه الي تلاقيها فى عيون بعض الناس
او العجرفه والتعالى والصوت العالى من البعض الاخر


مهو لو محدش اشتغل فى المطاعم هتخدم نفسك بنفسك يا حلو


طيب ليه؟؟؟؟؟؟؟؟؟؟


منحترم شغل بعض
ونقدر قدرات بعض
ونتأكد ان كل واحد فينا محتاج شغل التانى


بروح للدكتور يشفينى من مرض
فمش عيب اخدمه فى مطعم


بصراحه
الموضوع ده لانى حسيت ان اغلب الشعب
عايز يتربى


معرفش انا صح ولا غلط
بس بتمنى كل وظيفه الناس شايفاها مهينه ... تتلغى
يمكن نحس اننا محتاجين بعض بجد


صحيح
انا صح ولا غلط ؟؟؟
:43:
بس

[دعاء شديد]

معلومات الموضوع
الذين يشاهدون الموضوع الآن: 7 (1 من الأعضاء و 6 زائر)
دعاء شديد


منورين يا جماعه والله
تحبو تشربوا ايه ؟؟؟؟ :D
الحمد لله خير ربنا كتير

شرفتونى والله

[نعمه محمود]

فكرة الموضوع تحفه ومابين السطور رائع افوق بس كده وارجع نتناقش

[دعاء شديد]

فكرة الموضوع تحفه ومابين السطور رائع افوق بس كده وارجع نتناقش


ماشى يا جميله

وبجد الموضوع اغلق بدون قصد

وفى انتظار مناقشتك

[زهره المدائن]

مطلوب عقل متفتح يقدر ويقيم الامور صح وبعد كده يصون
برغم العلم والثقافة الواسعه والمعرفة
الا في مواضيع كتير وامور حياتية
بعيد عنك العقل بيقفل ولا كأنه عمره مر عليه معلومة ولا عرف اي حاجه
وده للاسف موجود كتير بينا في حاجات كتير
مغلق ومقفول بقفل مصدي
سوري في الالفاظ دي لكن هي دي الحقيقة
فعلا انا بشوف وبمر مواقف كتير مشابهه لحاجه زي كده
بس نعمل ايه يمكن بعد الثورة حاجه تتغير وتتعدل ....مع اني اشك مش لاني دبوس
ولكن لاني انسانة بسيطة عايشة في مصر
مجتمع بيتكلم كتير اوي عن حاجات ميقدرش ينفذها كلها
جيتي علي الجر ح يا دعاء
كالعادة رائعه في افكارك واسلوب حوارك

[سنا مصر]

إنتِ صح يا دعاء
فالنظرة القصيرة والمتعالية
والثقافة المعكوسة والمغلوطة
كلها من عوامل زيادة البطالة
والدليل أننى أعمل مدرسة بالحصة منذ 12 عاماً
و لا أقبض مرتب شهرى ورغم ذلك مستمرة فيها
لماااااااااااااااااااذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟
لأن الجميع ينظر إليها على أنها مهنة محترمة تستحق الخروج من البيت
لا أكثر من هذا ولا أقل!!!!!!!!!!!!!!!!!!!!!!!!!!!!!!!!!!!!!!!!!!
ليتنا نحاول أن نبدأ بأنفسنا
شكراً لكِ على هذا الموضوع الرائع وتقييمه ممتاز

[دعاء شديد]

مطلوب عقل متفتح يقدر ويقيم الامور صح وبعد كده يصون
برغم العلم والثقافة الواسعه والمعرفة
الا في مواضيع كتير وامور حياتية
بعيد عنك العقل بيقفل ولا كأنه عمره مر عليه معلومة ولا عرف اي حاجه
وده للاسف موجود كتير بينا في حاجات كتير
مغلق ومقفول بقفل مصدي
سوري في الالفاظ دي لكن هي دي الحقيقة
فعلا انا بشوف وبمر مواقف كتير مشابهه لحاجه زي كده
بس نعمل ايه يمكن بعد الثورة حاجه تتغير وتتعدل ....مع اني اشك مش لاني دبوس
ولكن لاني انسانة بسيطة عايشة في مصر
مجتمع بيتكلم كتير اوي عن حاجات ميقدرش ينفذها كلها
جيتي علي الجر ح يا دعاء
كالعادة رائعه في افكارك واسلوب حوارك


على فكره يا زهره
مشكلتنا مش اننا بنتكلم اكتير ومش بنقدر ننفذ
مشكلتنا الحقيقيه
اننا بنقنع نفسنا بكده
جمله سمعناها وبقت مبرر لاننا منفذش

هفضل اقول لحد مموت
المشكله فينا احنا
فى ذات نفساويتنا ... مش فى اى حد ولا اى ظروف

[دعاء شديد]

إنتِ صح يا دعاء
فالنظرة القصيرة والمتعالية
والثقافة المعكوسة والمغلوطة
كلها من عوامل زيادة البطالة
والدليل أننى أعمل مدرسة بالحصة منذ 12 عاماً
و لا أقبض مرتب شهرى ورغم ذلك مستمرة فيها
لماااااااااااااااااااذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟
لأن الجميع ينظر إليها على أنها مهنة محترمة تستحق الخروج من البيت
لا أكثر من هذا ولا أقل!!!!!!!!!!!!!!!!!!!!!!!!!!!!!!!!!!!!!!!!!!
ليتنا نحاول أن نبدأ بأنفسنا
شكراً لكِ على هذا الموضوع الرائع وتقييمه ممتاز


لو اعرف انك هتنورينى وتردى فى الموضوع
كنت اشتغلت بياعه من زماااااااااان
وحشتنا ردودك ومشاركتك على فكره
وشكلى هحقق معاكى قريب استعدى

وفعلا نظرة الناس بتفرق كتير وبتأثر فى حياة ناس كتير
وسبب فى البطاله بشكل بشع
بتمنى من ربنا ان الناس تتغير بجد
والله فى وظايف كتير شكلها حلو والناس بتبصلها بصه انبهار
وادخلى جوا عالمها تجدى ما لا يسرك

نورتى يا قمر

[Mr:M.Kamal]

فعلا مطلوب بائعة حسنة المظهر...............لية انا بس اللى يعرف

هههههههههههه
موضوع فعلا الواحد مكانش واخد بالة منه
احييك ا/ دعاء على اثارة هذا الموضوع
وفى انتظار المزيد من مواضيعكم الجبارة
بارك الله فيكى

[دعاء شديد]

فعلا مطلوب بائعة حسنة المظهر...............لية انا بس اللى يعرف

هههههههههههه
موضوع فعلا الواحد مكانش واخد بالة منه
احييك ا/ دعاء على اثارة هذا الموضوع
وفى انتظار المزيد من مواضيعكم الجبارة
بارك الله فيكى


ميرسى جدا يا مستر محمد
واتمنى فعلا تكون موضوعاتى مفيده
وبجد سعيده بتواجد حضرتك فى القسم العام
وعقبال منشوف موضوع كده يكسر الدنيا

شكلى مش هلاقى تهم ولا ايه !!!!!!!!!!!

[سنا مصر]

لو اعرف انك هتنورينى وتردى فى الموضوع
كنت اشتغلت بياعه من زماااااااااان
وحشتنا ردودك ومشاركتك على فكره
وشكلى هحقق معاكى قريب استعدى

وفعلا نظرة الناس بتفرق كتير وبتأثر فى حياة ناس كتير
وسبب فى البطاله بشكل بشع
بتمنى من ربنا ان الناس تتغير بجد
والله فى وظايف كتير شكلها حلو والناس بتبصلها بصه انبهار
وادخلى جوا عالمها تجدى ما لا يسرك

نورتى يا قمر

الله يكرمك على ردك الجميل
إنتِ عارفة الظروف
وربنا يسهل الأجازة تيجى ونبدأ نتابع من جديد
وعلى فكرة
إنتِ تنفعى مؤلفة أو مخرجة , لإنك هتبدعى
فطريقة عرضك للموضوعات مبتكرة
بارك الله فيكِ

[احمد الشلقامى]

دائما يا دكتورة موضوعاتك اكثر من رائعة
وكلامك صح كل الصح
وده الفرق بينا وبين الدول الاوربية
وهو ما يجعلنا نتاخر وهم يتقدمون
واى عمل طالما شريف هو عمل محترم
والدليل انبياء الله اللى احنا ما نجيش ذرة فيهم
اللى اشتغل حداد واللى اشتغل راعى غنم واللى اشتغل ترزى وده بالنماسبةسيدنا ادريس للعلم الخ
لكن احنا طالعة معانا شوية
يلا ربنا يصلح الحال
تمنياتى لك بالتوفيق

[عزة المصرى78]

معك حق دعاء قد يكون أقوى سبب للبطالة فى مجتمعنا هو احتقار بعض المهن لنوعها أو عائدها المادى

نحن فى حاجة إلى تقدير العمل فى حد ذاته فى أن نجعله هدفا وعائده الحافز وليس أن نجعله وسيلة والمكسب هدف أن نشعر بمعنى كلمة العمل عبادة ونطبقها فنتقن عملنا فليست العبادة جزاءها دنيوى فقط

أن نعى أن شرف العمل فى اتقانه وليس فى نوعه فأيهما مجالا للفخر مديرا مرتشيا أم ساعيا شريفا


ومن رأيى

مطلوب بائعة حسنة المظهر

هذه العبارة هى المشكلة فى حد ذاتها وهى ما تجعل البعض ينظر لهذا العمل نظرة ريب وشك فى نوعية العمل والغرض منه وألا تقترب من هذه الأعمال
فالوظائف الحكومية لا تضع هذه العبارة ولا تضع هذه الشروط

نحن نحتاج إلى تقدير أكثر للعمل أن نسعى للعمل أولا ثم للكسب وليس العكس أن يشعر ويعى الشاب أن العمل ولو بأجر ضئيل طالما شريف أفضل مئات المرات من أن يعيش عاطلا عالة على غيره
وعلى فكرة لو الزبائن اتبعوا طريقتك فى الحصول على ما يحتاجونه فسوف تزداد البطالة ولن يصبح صاحب العمل فى حاجة إلى عمالة بما أن الكل يتبع أسلوب help your self

[دعاء شديد]

دائما يا دكتورة موضوعاتك اكثر من رائعة
وكلامك صح كل الصح
وده الفرق بينا وبين الدول الاوربية
وهو ما يجعلنا نتاخر وهم يتقدمون
واى عمل طالما شريف هو عمل محترم
والدليل انبياء الله اللى احنا ما نجيش ذرة فيهم
اللى اشتغل حداد واللى اشتغل راعى غنم واللى اشتغل ترزى وده بالنماسبةسيدنا ادريس للعلم الخ
لكن احنا طالعة معانا شوية
يلا ربنا يصلح الحال
تمنياتى لك بالتوفيق


فى الاول طبعا منور القسم العام
بعد كده بقى
اتفق معك تماما ان ده سبب من اسباب تخلفنا فعلا
والغريب الي يغيظ بجد
ان نفس الاشغال دى ممكن يشتغلوها بره
يعنى العيب فى نظرة المجتمع والناس

عقول ربنا يرحمنا منها بجد

سعيده جدا انك شرفت موضوع ليا ورديت فيه
ويا رب نشوف تفاعل كده علطول
وياه لو موضوع جديد ... نورت يا مستر احمد

[دعاء شديد]

[QUOTE=عزة المصرى78;588817]


هذه العبارة هى المشكلة فى حد ذاتها وهى ما تجعل البعض ينظر لهذا العمل نظرة ريب وشك فى نوعية العمل والغرض منه وألا تقترب من هذه الأعمال
فالوظائف الحكومية لا تضع هذه العبارة ولا تضع هذه الشروط

نحن نحتاج إلى تقدير أكثر للعمل أن نسعى للعمل أولا ثم للكسب وليس العكس أن يشعر ويعى الشاب أن العمل ولو بأجر ضئيل طالما شريف أفضل مئات المرات من أن يعيش عاطلا عالة على غيره
وعلى فكرة لو الزبائن اتبعوا طريقتك فى الحصول على ما يحتاجونه فسوف تزداد البطالة ولن يصبح صاحب العمل فى حاجة إلى عمالة بما أن الكل يتبع أسلوب help your self



شوفى اتفق معك تماما ان العباره دى مستفزه جدا
واؤيد كلامك جدا ومعترضه على الجمله شكلا وموضوعا
واتمنى انها تتبدل وتبقى "مطلوب للعمل اشخاص جادين"

لكن اختلف معك ان اسلوبى هيزود البطاله
لان الهدف من اسلوبى
ان الزبون يخدم نفسه تحت اشراف "العامل"
لكن لو تركنها من غير اشراف هتبقى ((( فوضى)))
ده رايي

نورتينى بردك ورأيك

[susu]

البطالة.. الفقر ... التعليم هى مشكلاتنا لكنكيف نتغلب عليها.. وبالمرة وحشتنى مواضيعك يا أ/ دعاء

[عزة المصرى78]

كن اختلف معك ان اسلوبى هيزود البطاله
لان الهدف من اسلوبى
ان الزبون يخدم نفسه تحت اشراف "العامل"
لكن لو تركنها من غير اشراف هتبقى ((( فوضى)))
ده رايي

نورتينى بردك ورأيك

بما أن دور العامل محفوظ ولا مساس به وهى دعوة لتكريمه وتقديره فعذرا للفهم الخاطىء

و لا اختلاف بيننا

واتفق معك فى أن نكون أكثر اهتماما وتقديرا لهذا العامل ورحمة به
وان كان طبيعة هذان العملان صعبة وهو ارضاء الزبون وتلبية ما يروق ذوقه

وجائز دعاء تكون طريقتك حل لمشكلة أعانى منها
أحيانا اضطر لشراء هذه الأشياء بدون اقتناع تام بها لشدة حرجى مما سببته للعامل من تعب
ففيها رفع للحرج عنى وتخفيف للعناء على العامل

المنتدى كله منور بك / دعاء وخاصة القسم العام وبموضوعاتك الرائعة وأفكارك الراقية وآرائك الصائبة لا حرمنا الله نورك

[susu]

كن اختلف معك ان اسلوبى هيزود البطاله
لان الهدف من اسلوبى
ان الزبون يخدم نفسه تحت اشراف "العامل"
لكن لو تركنها من غير اشراف هتبقى ((( فوضى)))
ده رايي

نورتينى بردك ورأيك

بما أن دور العامل محفوظ ولا مساس به وهى دعوة لتكريمه وتقديره فعذرا للفهم الخاطىء

و لا اختلاف بيننا

واتفق معك فى أن نكون أكثر اهتماما وتقديرا لهذا العامل ورحمة به
وان كان طبيعة هذان العملان صعبة وهو ارضاء الزبون وتلبية ما يروق ذوقه

وجائز دعاء تكون طريقتك حل لمشكلة أعانى منها
أحيانا اضطر لشراء هذه الأشياء بدون اقتناع تام بها لشدة حرجى مما سببته للعامل من تعب
ففيها رفع للحرج عنى وتخفيف للعناء على العامل

المنتدى كله منور بك / دعاء وخاصة القسم العام وبموضوعاتك الرائعة وأفكارك الراقية وآرائك الصائبة لا حرمنا الله نورك
انا اتفق معك تماما