اللى قبض شهر اربعه يدخل يقول كام

[Miss Sara]

يا جماعه انا قبضت شهر أربعه و مش مضاف عليه الكادر وحتى الزياده مش مضافه على الاساسى يعنى الاساسى بتعنا لسه زى ماهو ، الى عنده جديد عاوزين نعرفه؟

[الصوصى]

لا انا قبضت شهر 4 مضافا اليه 50% بدل اعتماد و15%الاخيرة فاصبح الراتب 458 جنيه على فكرة انا من قنا

[mr_ms1985]

393 قليوبيه

[Mr:M.Kamal]

فى اسيوط ولا حس ولا خبر

[مدرسة علوم]

367 و قروش
السويس
1/10/2008 تعاقد
ياريت يا جماعة البيانات تكون كاملة من تعاقد او تعيين و التاريخ للتعاقد او التعيين و المحافظة

[البحيرى]

:patch_punnch:فى 6 اكتوبر
395
تعيين جديد

[triblexxx]

369 هو كده بيضحك علينا ولا ايه

بنها قليوبيه

[Miss Sara]

انا فعلا زيكم من القليوبيه ونفس الراتب
السؤال بقى ليه الزياده بتاعت 15% مضافتش على الاساسى ؟
وليه ماأخدناش ال50 % بتاعت الكادر ؟
الى عارف حاجه يقول
تعين جديد
مشكورين
( يارتنى من قنا من من إناك )ههههههههههههههه

[bebo_aref]

اسيوط قبضنا 366 وتعاقد 1/7/2008

[ام اسيل]

كفر الشيخ 353....................عندى استفسار لو سمحتوا انا متعاقدة من 1/1/2010وكان علينا الدور فى امتحان الكادر 15/7ودلوقتى بيقولوا امتحان الكادر اتلغى بس بردة اخر امتحان هيعقد هيكون 15/7 دا ...السؤال بقى الامتحان دا لينا ولا للمتخلفين من الامتحانات السابقه واللى كان عندهم مواد ...........انا مش فاهمه حاجه خالص

[الابلة سعاد]

انا تعاقد 1/1/2009 الغربية ولسا نتيجة الكادر مظهرتش لاننا امتحنا اول اربعة اللى فات
فبضنا شعر اربعة مضاف الية ال15 % بقى 387ونص

[محمد توفيق جودة]

احنا فى بورسعيد طلبنا من السكرتيرة مفردات مرتبنا الجديد فطلع بعد ال15% و ال 50% الكادر 461 جنيهاً وفى علاوة اجتماعية 2 جنيه للمتزوج و2 لكل ابن من الآبناء بحد اقصى ولدين يعنى الموضوع 6 جنيه ( زوجة وولدين اتنين ) تبقى الحسبة 467 جنيهاً قبضنا شهر 3 من غير زيادة وعملنا استمارة فردية بيها وهنبتدى نصرف مرتبنا بالزيادة ومع المدرسين القدامى بدءاً من شهر مايو ان شاء الله واتصل بى زميلى من الآسماعيلية بيقول ان مرتبهم أصبح 405 فقط لذا يجب علينا معرفة سبب هذه الفروقات ومعالجتها ياريت لوحدمن القاهرة يوضح لنا الصورة عندهم شكلها ايه

[دينا احمد]

انا قبضت شهر 4 من غير كادر 411 بس المسئول عن المرتبات عندنا قال ان المرتب بعد الكادر والزيادة وكله هيكون 445 وشوية فكة عشان الخصومات بتاعة التعيين انا من المنوفية

[دينا احمد]

على فكرة وزير المالية قال اللى هيتعينوا المرتب الخاص بيه هيكون عبارة عن الاساسى بتاعه اول ما اشتغل بالعقد ومعاهم خمس سنين العلاوة بتاعة يوليو والاعتماد اللى هو الكادر 76.40 صافى هيكون المرتب فعلا فى حدود443 وشوية فكة حلوين الحمد لله على العموم فى خطة لزيادة اجور العاملين قريبا جداااااااااا

[Miss Sara]

بشكرك أستاذه دينا على المعلومه والمشاركه
وشكرا للاستاذ محمد توفيق على التفاصيل الدقيقه ومشاركته
بس يا ترى يا أستاذ محمد ال15% تم أضافتهم على الاساسى ؟
لانهم قالولنا انهم مش هيضافوا للأساسى
انا محافظه القليوبيه تعين جديد (الحمد الله)
وقالولنا انهم هيضيفوا 50 % الكادر ان شاء الله
مشكورين جميعا على المشاركه الفعاله

[محمد توفيق جودة]

أهلا بك مس سارة
على حد علمى أن العلاوة تضاف للأساسى بعدمرور 5 سنوات من اقرارها يعنى السنة دى 2011 سيتم اضافى علاوة 2006 للاساسى يعنى تقريباً الآساسى هيوصل 220 جنيه بعد شهر يوليو
عامةً أنا باقترح كل استاذ أو أستاذة فاضلة من حضراتكم يروح المديرية ويستخرج مفردات مرتب مختومة ونبقى على اتصال علشان نوحد مرتباتنا على مستوى الجمهورية لأحسن الفساد عالى قوى فى المديريات بتاعتنا وربنا يخلصنا منهم

[صفاء الدميرى]

قبض شهر اربعة 394 جنيه مضاف اليه 15% وسمعت ان الكادر بتعنا هيكون 76 وشوية فكة هنخدهم باثر رجعى من شهر 3 الى فات

[Miss Sara]

ان شاء الله يا مس صفاء
وللأستاذ محمد توفيق احنا كل سنه كان فى علاوه كنا بناخدها على طول على الاساسى
فاكر لما كان عقدنا باساسى 148 ودلوقتى الحمد الله
اشمعنى العلاوه ده بقى ؟ هو ده السؤال
قلولنا كده العلاوه دة مش هتضاف على الاساسى .
مشكورين على التفاعل

[mr_ms1985]

ان شاء الله يا مس صفاء

وللأستاذ محمد توفيق احنا كل سنه كان فى علاوه كنا بناخدها على طول على الاساسى
فاكر لما كان عقدنا باساسى 148 ودلوقتى الحمد الله
اشمعنى العلاوه ده بقى ؟ هو ده السؤال
قلولنا كده العلاوه دة مش هتضاف على الاساسى .

مشكورين على التفاعل



الى الاستاذه الفاضله انا محافظة القليوبيه تعيين جديد

قبضنا شهر 4 393

والسكرتير عملنا شهر 5 446

[حسام الدين العوامرى]

انا من ادارة ملوى التابعة لمحافظة المنيا وقبضنا 422
وزملائنا من الادارات الاخرى التابعة لنفس المحافظة قد حصلوا على مرتب( 467+76.5 كادرشهر مارس)
وعندما توجهنا للمديرية كالعادة ساد نوع من التخبط وعدم الاهتمام
فالرجاء من معلم الدخول وكتابة مفردات المرتب لشهر ابريل
ويرجى ارسال صورة من مفردات المرتب ان وجد

[Mr:M.Kamal]

احنا فى اسيوط قبضنا شهر 4

366جنية فقط ولا اخدنا كادر ولا حاجة !!!!!!!!!!!!!!!!!!!