المساعد الشخصي الرقمي

مشاهدة النسخة كاملة : عــدة تقول آلــو


شريف
06-04-2011, 06:47 PM
بعد الثورة ( و قبلها طبعا ) بنعاني من موارد ضعيفة ... اقتصاد منهار ... نقص فى كل حاجة ... غلاء أسعار ... مشكلة مياه النيل اللى محدش حاسس بيها و يمكن قريب اوي نحس و هتتفاقم ... شكوي دائمة من الفقر و العوز و الحاجة .. بورصة متهالكة ... رعب دائم من المستقبل الحالك السواد و تخوف من اعلان مصر افلاسها !!! و انا بقول لحضراتكم ... لا

آسف ... مش منطقي مصر تبقي كده ...

اقدم حضارة فى التاريخ !اومال ايه المنطقي ؟ المنطقي ان مصر تبقا مكفية ولادها و زيادة كمان بكتيييييييير ..ازاي يا شريف ؟ اقولك ازاي ..إذا طبقنا مبدأ (( عدة تقول آلو ))
بمعني :
في دنيا الموبايلات ... تقدر حضرتك تدخل العالم ده (( علي سبيل المثال )) و تعرف أد ايه شعبنا يموت في المنظرة ... اللي يقولك انا معايا عدة ( موبايل ) باتنين كاميرا و اللي يقولك انا موبايلي بتلات خطوط ! و اللي شاشة تاتش و اللي بيتكلم لوحده ... و اللي معاه موبايل كذا و اللى معاه موبايل كذا ...

تسأل أي واحد فيهم ... بتستخدم كل الامكانيات اللى ف موبايلك ؟ . يقولك ولا بفتحه ! طب ليه بتصرف ع الموبايلات ؟
طب ما كفاية عدة تقول الو ... يعني مكالمات بس ... تتصل بناس و ناس تتصل بيك ... و ف النهاية هوا اسمه تليفون ... مش فيديو او راديو او جهاز كمبيوتر ... يعني للاتصال بالناس ...
اسراف مالوش لازمة ... و ده اللى خلى واحد زي (( احمد عز )) يكتب ف الاهرام في ايامه الاخيرة يقول ان الشعب المصري شعب مترف و عايش حياة كريمة و شوفوا بنفسكوا بيستهلك ايه و الموبايلات ايه و العربيات ايه ... و عنده حق ! ... احنا نصرف ف الفاضية و المليانة ... و بعدين نشتكي غلاء المعيشة ...

الحل من وجهة نظري ... اعتناق مبدأ (( عدة تقول آلو )) ... يعني تقول لنفسك يكفيني موبايل اسمع فيه صوت اللي بيتصل بيا و خلاص ... ايه المانع لما اشيل موبايل ب 200 جنيه ... نوكيا لذيذ كده و زغنطر و زي الفل ؟

هيقول لا ؟ انا معايا N73 طبعا و بقاله معايا حوالي سنتين ... و نادرا ما بستخدم كاميرا او نت او او او
اشتريت امبارح موبايل لذيذ خالص كده ... ما بيقولش غير الو ... مافيهوش اي ميزة تانية نهائي ...
غير راديو و كشاف و اظهار رقم الطالب !! ههههههههههههه و حاسس براحة نفسية عجيبة بعد ما اشتريته ... و هتصور جنبه كمان .. اشتريته لمجرد تدريب النفس علي الاخشوشان !! جاية من اخشوشنوا فإن عباد الله ليسوا بالمتنعمين ..عندك مثلا الاسراف الشنيع في الميه ..حوش المدرسة عندنا لازم يترش ميه كل يوم كاملا ...طب ليه يا جماعة ؟ ما تفهمش ..يا ناس هتندموا علي كمية الميه دي و اديكو شايفين دول حوض النيل و مصر بقت لعبة في ايديهم ..و قس علي هذا في كل شئ ..اسراف في الاكل و اكل بيترمي كل يوم و كل حاجة فوق حاجتنا و طاقتنا
و بعدين نشتكي الغلاء
مؤمن جدا اننا لو طبقنا مبدأ عدة تقول الو ...
في كل شئون حياتنا
أكيد وجه مصر هيتغير للافضل

You can see links before reply
دعاء شديد
06-04-2011, 07:02 PM
مبروك ع الموبايل الاول

وفعلا معاك حق فى كلام كلامك
يا رب فعلا الغالبيه تقدر تعمل كده
شريف
06-04-2011, 07:05 PM
لا يا دعاء
ده موبايل ما يتقالش عليه مبروك
يتقال عليه ... خالص الاسي هههههههه
نعمه محمود
06-04-2011, 09:22 PM
و تعرف أد ايه شعبنا يموت في المنظرة
هههههههههههه شعب لذيذ
بس مش شرط تكون منظرة

انا شخصيا بحب أدلع نفسي واجيب احدث موايل
مش منظرة ابدا بس بحب اساير التكنولوبيا


اعتناق مبدأ (( عدة تقول آلو )) ... يعني تقول لنفسك يكفيني موبايل اسمع فيه صوت اللي بيتصل بيا و خلاص ... ايه المانع لما اشيل موبايل ب 200 جنيه ... نوكيا لذيذ كده و زغنطر و زي الفل ؟


عارفاه الموبايل ال 1200 ابو كشاف عندى منه وزى العسل عملى جدا وبياخد وقعات جامدة موت

عندك مثلا الاسراف الشنيع في الميه ..حوش المدرسة عندنا لازم يترش ميه كل يوم كاملا ...طب ليه يا جماعة ؟ ما تفهمش ..يا ناس هتندموا علي كمية الميه دي و اديكو شايفين دول حوض النيل و مصر بقت لعبة في ايديه
وكله كوم وغسيل عربيات مصر كلها بالميه الحلوة انا قلبي بيتقطع لما اشوف العربيات بتتغسل من مية الشرب

طبعا متفقة جدا مع آرائك ياشريف وياريت كلنا نعمل زيك (ونشترى موبايل ابو 200 جنيه) ههههههههه قصدى طبعا نخشوشن
الا قولى بقي هى صورة الفلوس دى هى اللى اتبقت من تمن الموبايل
شريف
06-04-2011, 10:19 PM
اهو انا كان نفسي بقا في موبايل ياخد وقعات جامدة موت
بسمع عنه كتير و مكسوف اجيبه

قلت اجيبه منظره ههههههههههه

انا طبعا بدي مثال بس ع الموبايلات

بس خدي عندك بقا

مليون حاجة لو ركزنا فيها ... هنعرف اننا شعب يستاهل يتسرق 7000 سنة

لاننا لا نجيد استخدام امكاناتنا صح
شريف
06-04-2011, 10:33 PM
علي فكرة
توقيعك تحفة
لذيذ
نعمه محمود
06-04-2011, 10:50 PM
علي فكرة
توقيعك تحفة
لذيذ


اتفضله ياشريف مايغلاش عليك
ياسر الدقاق
06-04-2011, 10:57 PM
يااااااااااااااااااه
جيت علي الوجيعة
والله مبيفرسني في الشعب المصري غير المنظرة الكدابة
يعني الواحد ممكن يستلف الفلوس علشان يشتري موبايل فيه امكانيات معينة
ودا كله علشان يتفاخر بيه قدام أصحابة ومعارفه
ويمكن الموبايل يستني معاه باليوم ميرنش حتي رنه واحده يعني ملوش لازمه من أساسه معاه
وطبعاً زي حضرتك مقولت
الأمثلة كتير
منظره في الملابس يروح الواحد يدفع دم قلبه في فستان ولا كاب ولا ولا ولا
له ماركة معينة ودا كله علشان يتفاخر بالماركة وإنه مفيش حد في عينه
الأمثلة كتييييييير يا أستاذ شريف
بس علشان مطولش عليك بس
( بس بصراحة تليفونك فيه خاصية عبقرية وبتقول تخشوشن
ياراجل دا بيظهر رقم الطالب )
المهندس هشام كمال الدين
07-04-2011, 03:13 PM
طبعا الكل مركز على التليفون الجديد ومحدش سألك
السؤال المهم انك الأن تمتلك عدتين n73 والتاني اللي بيقول ألو
فين بقى الخوشنه.
يا ناس حرام معاكم عدتين
تبيع القديم ؟
بصراحه انا حاسس ان الموضوع ده معمول عشان تبيع العده القديمه
مجرد احساس
تحياتي يا باشا
شريف
07-04-2011, 05:17 PM
اتفضله ياشريف مايغلاش عليك
ميرسي

بارك الله فيكي
شريف
07-04-2011, 05:18 PM
يااااااااااااااااااه
جيت علي الوجيعة
والله مبيفرسني في الشعب المصري غير المنظرة الكدابة
يعني الواحد ممكن يستلف الفلوس علشان يشتري موبايل فيه امكانيات معينة
ودا كله علشان يتفاخر بيه قدام أصحابة ومعارفه
ويمكن الموبايل يستني معاه باليوم ميرنش حتي رنه واحده يعني ملوش لازمه من أساسه معاه
وطبعاً زي حضرتك مقولت
الأمثلة كتير
منظره في الملابس يروح الواحد يدفع دم قلبه في فستان ولا كاب ولا ولا ولا
له ماركة معينة ودا كله علشان يتفاخر بالماركة وإنه مفيش حد في عينه
الأمثلة كتييييييير يا أستاذ شريف
بس علشان مطولش عليك بس
( بس بصراحة تليفونك فيه خاصية عبقرية وبتقول تخشوشن
ياراجل دا بيظهر رقم الطالب )


شوفت بقا ؟
طبعا دي خاصية مش عند حد

اصل انا احب اشتري الموبايلات الغريبة اللي فيه اوبشن عالي

ههههههههههههههههه

نورت يا جميل
شريف
07-04-2011, 05:20 PM
طبعا الكل مركز على التليفون الجديد ومحدش سألك
السؤال المهم انك الأن تمتلك عدتين n73 والتاني اللي بيقول ألو
فين بقى الخوشنه.
يا ناس حرام معاكم عدتين
تبيع القديم ؟
بصراحه انا حاسس ان الموضوع ده معمول عشان تبيع العده القديمه
مجرد احساس
تحياتي يا باشا

هههههههههههههههههه

ماتفهمنيش صح

شاري ؟

هبيعهولك بعشين جنيه

هههههههههههههههههه
سميرة محمد بركات
10-04-2011, 09:41 PM
فعلن انتى ضربت مثال صح كل واحد عايز يكون معاة حاجة احسن من غيرة ومبروك على التليفون الجديد الى بيقووووووول الوووووووووووووووووووو
سميرة محمد بركات
10-04-2011, 09:43 PM
الشعب المصرى بيحب المنظرة ودة الى جيبنة للوراء