جمـعة الاستعبــــــاط

[شريف]

خبر من أغرب ما سمعت . ... ائتلاف الثورة هيعمل مظاهرات في ميدان التحرير ... الجمعة الجاية ليه بقا ؟ عشان رافضين التعديلات الدستورية !!!!!!! يعني شعارهم يوم الجمعة هيبقي ... (( الشعب يريد اسقاط الديمقراطية ! )) ...مش عارف أعلق ع الخبر أقول ايه بصراحة .... شئ يندي له الجبين ... كيف يثور القلة علي قرار الاغلبية ؟ ألا يفهم هؤلاء معني الديمقراطية التي نتغني بها ؟ايه قيمة الاستفتاء اللي حصل اذا كنا هنعمل مظاهرات بعده ؟ و هل المظاهرات أصبحت هيا الطبيعي ؟ أنا لا أفهم أي معني للمظاهرات إلا للثورة علي ظالم و الثورة علي ظلم و الثورة علي الضعف أمام الظلم إنما مظاهرات بعد استفتاء ؟ أعتقد أنهم شوية عيال في السياسة لسه مش فاهمين معني الديمقراطية ولا معني الشوري و لا قادرين يمارسوها و متخيلين ان القضية كلها وقفة في ميدان التحرير و فقط !! يا ناس ... احترموا آراء 77.2 % من شعب مصر ... عيب اللي هيحصل و أتمني من الله ألا يؤدي التجمهر يوم الجمعة إلي اشتباكات بين مؤيد و معارض ... و رأيى الشخصي ... لازم يتم القبض علي أي مثير شغب أو أي عطلة أو تعطيل لسير المرور في ميدان التحرير يوم الجمعة ... ده بقا كده تهريج يا جماعة ... في استفتاء حصل ... لازم يُحترم و إلا سنظل في حلقة مفرغة إلي الأبد ... و القلة دي عمرها لا هتحترم دستور و لا سيادة دولة و لا استفتاءات ... و بالتالي هنعيش في فوضي عارمة
9494

[دعاء شديد]

تصدق وصف دقيق لما يمكن ان يكون الجمعه القادمه
فعلا هو استعباط واليوم ده هيكون يوم مهرجان الاستعباط المصرى

للاسف يا شريف مش عايزين حتى يحاولوا البدء فى بناء ثقه
مع القائمين على شئون البلد حاليا

وثقوا فى العبقرى طارق البشرى ولجنته للقيام بتعديلات الدستور
ودلوقتى ... رافضين وبيشككوا فيها

طلبوا الضقاه تشرف على الاستفتاء لنزاهتهم
ودلوقتى يرددون ان هناك ... تزوير

الله
طيب لو انعدمت الثقه بالشكل الفظيع ده
هنوصل لفين ؟؟؟؟؟؟؟؟؟؟
وهنفضل كده لحد امتى ؟؟؟؟؟

الواحد بقى خايف نوصل ان
نص البلد فى التحرير متظاهر
والنص التانى فى العباسيه بيتعالج

الاحوال بتسير من صعب لاصعب

موضوع واقعى من قلب قلب الاحداث
وهيوجع قلب قلب الشعب
ربنا يستر يا شريف

[المهندس هشام كمال الدين]

أعتقد أن الجمعه لو حدثت مظاهرات
سيظهر الوجه الآخر للجيش وسيتعامل بقوه مع الموقف
حقا الموقف خطير ونتمني أن يلتزم الكل وينصاع لرأي
الأغلبيه حتي تبدأ مسيرة الديمقراطية وتدور عجلة الوطن
ويتفرغ الجيش لمهامه الاساسية.
وبناءا عليه نطالب عصام شرف بتغيير يوم الجمعه.

[أشرف السيد]

كما قلت لا مسبقا للتعديلات الدستورية

وقلت انني ساحترم رأي الاغلبية

اقول لا للمظاهرات يوم الجمعة ونحترم كلمة ديمقراطية التي ارتضيناها

والله المستعان والموفق

[نهاد فؤاد]

لا اله الا الله

بصراحة دا يبقى اسمه لعب عيال

ودى اول مرة اكون ضدهم

ومع انى كنت مقتنعه ب لا وصوت بنعم على آخر لحظة وايضا باقتناع لانى عارفة ان الشعب دا كل واحد عقلة هو اللى بيحكمة

!!!!

ف اقولهم اهمدوووووووووووووووووووووووووووووووووووووووا

كمان فية حاجه صغيرة

النصر كان من عند الله عشان الغلابه ودعوة المظلوم

[نعمه محمود]

انت بتتكلم جد ياشريف مش معقول هما اتهبلوا ولا أيه؟
أنا رأيي فى الموضوع ده إن الجيش يعمل حظر تجوال يوم الجمعه من بعد الصلاة واللى يخترق الحظر تتم محاكمته محاكمة عسكرية فى الميدان
هى البلد سايبة ولا أيه
أما صحيح بلد ملهاش كبير

You can see links before reply

[جمال سراج]

اسمحلى بقا أسميها أنا بالبلطجة
اللى قبل الاستفتا مالاول يقبل نتايجه ... دا المفروض
تعبير دقيق منك شريف فى إن اللى يخالف كدا يبقى عيل سياسة ... حاجة غريبة
باختصار فيه ناس كانت متوقعة ان النتيجة تكون بالرفض ولكن عندما انقلبت الآية .. انقلبوا ... والوقتى عاوزينها فوضى ... ودا فعلا استهبال وعبط
زى اللى كان يقولك انا مش هروح الاستفتا لانى مش موافق ... تقوله طب ما تروح وتقول لا مثلا!!!!!!!! ميعرفش يرد
تفتكر مثلا كثيرا من الانظمة العربية الفاسدة كانت دائما ما تخوف العالم وأمريكا من كل ما هو اسلامى ... الوقتى فى مصر للاسف بيخوفوا الناس ببتوع الحزب الوطنى الفاسد مع اللى كانوا بيخوفوهم منه زمان ... شوفوا المكر السياسى ( سياسة مات الملك ... يحيا الملك !!!)
انا معك تماما فى انه لابد من وقفة من كل الناس والدعوة للعمل والانتجاج والوعى السياسى والاجتماعى والقبض على اى مشاغب او بلطجى او معطل لمصالح الناس او البلد
هى دعوة لقبول الراى والراى الاخر واحترام الجميع
شفت يا عم شريف .... هذا ما كنا نقصده من انه لدينا منتل شورتيج فى فكرنا عن التظاهرات والاحتجاجات وطريقة المطالبة بالحقوق واخذها دون المساس بحقوق الاخرين ودون التفكير بطريقة معيشة الآخرين ايضا وحالهم كون الجميع متساوين فى الحقوق والواجبات وفى الحياة الكريمة كونهم بشر
ختاما لا لجمعة الاستهبال والاستعباط على حد تعبيرك الرائع .. ولتكن جمعة للعطاء وبذل الجهد من أجل رفعة شأن مصر
وأتمنى ألا تكون هناك أغلبية مطلقة فى برلمان او حتى نقابات حتى تتاح فرص لكل التوجهات لكشف عيوب بعضها وفى ذلك زيادة فى التبارى لصالح الوطن
نفسى يبقى عندنا رئيس من حزب ونائب من حزب تانى ووزير من حزب تالت وهكذا زى بتوع اوربا
نفسى الوزرا يبقوا من النزاهة انهم يقبلوا النقد البناء دون احتكار لاصحابه
نفسى تتلغى ما تسمى بالحصانة بتاع مجلس الشعب اللى استغلها الكثير فى العهد البائد فى السرقة والبلطجة
نفسى يتلغى مجلس الشورى دا اللى اعضاؤه فى غالبيتهم قمة فى التخصصية والخبرات ومع هذا ليس مجلسا ذات سلطة وسواء أيد او رفض لا يعتد برايه والنهاية ناس بتقبض الاف وخلاص ... ليه ما يزدش اعضاء مجلس الشعب مثلا ويبقى مجلس واحد مثمر وايجابى
نفسى الوزرا يبقوا من المتخصصين وميبقاش غالبيتهم مع المحافظين من الجنرالات المتقاعدة التى تهدى اليهم الوظائف للنهب والسرقة ويتقاضون اجورا خيالية وربما اجر واحد منهم زى ما سمعنا كان يكفى لتشغيل اكتر من 100 واحد بليسانس او بكالوريوس
الكلام كتير .. على كل حال اكيد مش انا وحدى اللى نفسى فى كدا ... أكيد كلنا أو غالبيتنا نفسنا فى كدا ..
فى الختام نحترم جميعا كل الآراء ولا نحتكر ابدا وجهة نظرنا
فالكل حر .. ما لم يمس حق غيره.
احترامى لحضرتك مستر شريف .. وللجميع
كوووووونوا بخير .... لأكووووووون

[محمد بن عباس]

لا أجد رد أبلغ من كلام فضيلة الشيخ الشعراوى رحمة الله عليه عندما تحدث عن الثائر الحق

وقال إن الثائر الحق هو من يثور على الفساد ثم يهدأ ليبنى الأمجاد

وللأسف أخى شريف أخشى أن يقول العالم عن المصريين أنهم شعب لا يعرفون الديمقراطية ولا معناها والأفضل لهم الديكتاتورية

وأخشى أن يغير هؤلاء معنى الديمقراطية الحقيقى إلى الفوضى والهبل والعبط وأخشى أن تنجح الثورة المضادة فى مصر

وأخشى وأخشى ....خلاص مش قادر أكمل ................

لك الله يا مصر

[ياسر الدقاق]

والله يا أستاذ شريف
بعد كلام السادة الفاضل مفيش كلام تاني أقوله
إلا أنه أصبح شيئ ممل
يعني إحنا رضينا بالديمقراطية وحصل إستفتاء علي الدستور
ودا كان رأي الأغلبية
خلاص المفرض الكل يرضي علشان المركب تسير
و طبعاً مش هما دول شباب الثورة
دول ناس عايزة تعمل إل علي مزاجها ومش مهم الملايين الأخري في البلد
بصراحة شيئ غريب إن يكون دا في مصر
بعد ثورة اذهلت العالم كله
ياريت نتجه للعمل ونسيبنا من المظاهرات وخاصة في الأمور
التي حسمها الصندوق بدون تزوير لكنها كانت رأي الأغلبية

[mr.osama]

في البدايه أحب أن أوضح بأنني ممن صوتوا بـ "نعم" .. وأعترض على أسلوب الاستهجان والسخرية .. فمن حق أي شخص التعبير عن رأيه بالطريقة التي يراها .. ومن حقنا أن ننصحهم ونحاورهم ونناقشهم بأسلوب راقي .. ارجو إلا يفهم البعض بأنني اوجه اتهام لهم بأن أسلوبهم غير راقي .. فالله أعلم ماذا أقصد؟ وانني لا أوجه اتهامات لأحد ولكني أناقش الموضوع معكم .. لنصل إلى حلول للتفاهم والتحاور مع هؤلاء المعترضون على الديمقراطيه ورأي الأغلبية .. هذا إذا ما كان الخبر صحيح ..

ولكني أعتقد أنه لن يكون هناك اعتصام بميدان التحرير .. وأن حدث أرجو أن يتم التعامل معه بأسلوب مختلف وأعرف أن هذا هو أكبر اختبار سيواجهه الشعب المصري .. إلا وهو كيفية التعامل مع الاعتصامات بكل صورها وأسبابها وكذلك أغراضها ونتائجها وتأثيرها على أمن وأمان البلاد ..

فرأيي أن هناك اعتصامات يجب أن تواجه بالاستماع والحوار والمناقشة للوصول إلى نقاط تلاقي ..

وأخرى يجب أن تواجه بالتجاهل التام طالما كانت سلمية ..

وأخرى يجب أن تواجه بشدة وحسم وتلك التي يحدث فيها تجاوزات وتخريب وضرر بأمن وسلامة المواطنين والمنشأت .....

واتمنى من مستر شريف أنه يطلع من جديد على مناقشتنا في هذا الموضوع عن الاختلاف في الرأي وتخوفي من آثر ذلك مستقبلاً .. وللأسف لم يكتمل الحوار بيننا ؟!!!

You can see links before replyهل-ستشارك-في-الاستفتاء-الخاص-بالتعديلات-الدستورية؟-وهل-توافق-على-نصوص-التعديلات؟ (You can see links before replyهل-ستشارك-في-الاستفتاء-الخاص-بالتعديلات-الدستورية؟-وهل-توافق-على-نصوص-التعديلات؟)

[ممدوح الأنصارى]

هو أحنا نخلص من نظام مستبد
نقع فى ناس اشد استبداد
طبعاً هذه التظاهرات مرفوضة
وستواجه بقمع واحتقار من كل طوائف الشعب
ودى تبقى بلطجة وارهاب فكرى بجد .

[شريف]

فعلا هو استعباط




فعلا استعباط و استهبال و خفافة و ظرافة والله لو فكروا يعملوا كده

[شريف]

أعتقد أن الجمعه لو حدثت مظاهرات


سيظهر الوجه الآخر للجيش وسيتعامل بقوه مع الموقف


حقا الموقف خطير ونتمني أن يلتزم الكل وينصاع لرأي


الأغلبيه حتي تبدأ مسيرة الديمقراطية وتدور عجلة الوطن


ويتفرغ الجيش لمهامه الاساسية.


وبناءا عليه نطالب عصام شرف بتغيير يوم الجمعه.


حتي لو غير الجمعة
هيتظاهروا السبت
و هيبقا سبت الاستهبال

دي بقت حجة صعبة يا باشمهندس

[شريف]

كما قلت لا مسبقا للتعديلات الدستورية

وقلت انني ساحترم رأي الاغلبية

اقول لا للمظاهرات يوم الجمعة ونحترم كلمة ديمقراطية التي ارتضيناها

والله المستعان والموفق

كده تعجبني ........

[شريف]

لا اله الا الله

بصراحة دا يبقى اسمه لعب عيال

ودى اول مرة اكون ضدهم

ومع انى كنت مقتنعه ب لا وصوت بنعم على آخر لحظة وايضا باقتناع لانى عارفة ان الشعب دا كل واحد عقلة هو اللى بيحكمة

!!!!

ف اقولهم اهمدوووووووووووووووووووووووووووووووووووووووا

كمان فية حاجه صغيرة

النصر كان من عند الله عشان الغلابه ودعوة المظلوم

شكرا لمرورك الجميل

[شريف]

انت بتتكلم جد ياشريف مش معقول هما اتهبلوا ولا أيه؟
أنا رأيي فى الموضوع ده إن الجيش يعمل حظر تجوال يوم الجمعه من بعد الصلاة واللى يخترق الحظر تتم محاكمته محاكمة عسكرية فى الميدان
هى البلد سايبة ولا أيه
أما صحيح بلد ملهاش كبير

You can see links before reply

فعلا مافيش حل منطقي غير كده

مع اني سمعت ان شباب الثورة نفوا الخبر ده

أما نشوف اخرتها

[شريف]

اسمحلى بقا أسميها أنا بالبلطجة
اللى قبل الاستفتا مالاول يقبل نتايجه ... دا المفروض
تعبير دقيق منك شريف فى إن اللى يخالف كدا يبقى عيل سياسة ... حاجة غريبة
باختصار فيه ناس كانت متوقعة ان النتيجة تكون بالرفض ولكن عندما انقلبت الآية .. انقلبوا ... والوقتى عاوزينها فوضى ... ودا فعلا استهبال وعبط
زى اللى كان يقولك انا مش هروح الاستفتا لانى مش موافق ... تقوله طب ما تروح وتقول لا مثلا!!!!!!!! ميعرفش يرد
تفتكر مثلا كثيرا من الانظمة العربية الفاسدة كانت دائما ما تخوف العالم وأمريكا من كل ما هو اسلامى ... الوقتى فى مصر للاسف بيخوفوا الناس ببتوع الحزب الوطنى الفاسد مع اللى كانوا بيخوفوهم منه زمان ... شوفوا المكر السياسى ( سياسة مات الملك ... يحيا الملك !!!)
انا معك تماما فى انه لابد من وقفة من كل الناس والدعوة للعمل والانتجاج والوعى السياسى والاجتماعى والقبض على اى مشاغب او بلطجى او معطل لمصالح الناس او البلد
هى دعوة لقبول الراى والراى الاخر واحترام الجميع
شفت يا عم شريف .... هذا ما كنا نقصده من انه لدينا منتل شورتيج فى فكرنا عن التظاهرات والاحتجاجات وطريقة المطالبة بالحقوق واخذها دون المساس بحقوق الاخرين ودون التفكير بطريقة معيشة الآخرين ايضا وحالهم كون الجميع متساوين فى الحقوق والواجبات وفى الحياة الكريمة كونهم بشر
ختاما لا لجمعة الاستهبال والاستعباط على حد تعبيرك الرائع .. ولتكن جمعة للعطاء وبذل الجهد من أجل رفعة شأن مصر
وأتمنى ألا تكون هناك أغلبية مطلقة فى برلمان او حتى نقابات حتى تتاح فرص لكل التوجهات لكشف عيوب بعضها وفى ذلك زيادة فى التبارى لصالح الوطن
نفسى يبقى عندنا رئيس من حزب ونائب من حزب تانى ووزير من حزب تالت وهكذا زى بتوع اوربا
نفسى الوزرا يبقوا من النزاهة انهم يقبلوا النقد البناء دون احتكار لاصحابه
نفسى تتلغى ما تسمى بالحصانة بتاع مجلس الشعب اللى استغلها الكثير فى العهد البائد فى السرقة والبلطجة
نفسى يتلغى مجلس الشورى دا اللى اعضاؤه فى غالبيتهم قمة فى التخصصية والخبرات ومع هذا ليس مجلسا ذات سلطة وسواء أيد او رفض لا يعتد برايه والنهاية ناس بتقبض الاف وخلاص ... ليه ما يزدش اعضاء مجلس الشعب مثلا ويبقى مجلس واحد مثمر وايجابى
نفسى الوزرا يبقوا من المتخصصين وميبقاش غالبيتهم مع المحافظين من الجنرالات المتقاعدة التى تهدى اليهم الوظائف للنهب والسرقة ويتقاضون اجورا خيالية وربما اجر واحد منهم زى ما سمعنا كان يكفى لتشغيل اكتر من 100 واحد بليسانس او بكالوريوس
الكلام كتير .. على كل حال اكيد مش انا وحدى اللى نفسى فى كدا ... أكيد كلنا أو غالبيتنا نفسنا فى كدا ..
فى الختام نحترم جميعا كل الآراء ولا نحتكر ابدا وجهة نظرنا
فالكل حر .. ما لم يمس حق غيره.
احترامى لحضرتك مستر شريف .. وللجميع
كوووووونوا بخير .... لأكووووووون


أؤيدك استاذ جمال
شاكر مرورك العطر

[شريف]

لا أجد رد أبلغ من كلام فضيلة الشيخ الشعراوى رحمة الله عليه عندما تحدث عن الثائر الحق

وقال إن الثائر الحق هو من يثور على الفساد ثم يهدأ ليبنى الأمجاد

وللأسف أخى شريف أخشى أن يقول العالم عن المصريين أنهم شعب لا يعرفون الديمقراطية ولا معناها والأفضل لهم الديكتاتورية

وأخشى أن يغير هؤلاء معنى الديمقراطية الحقيقى إلى الفوضى والهبل والعبط وأخشى أن تنجح الثورة المضادة فى مصر

وأخشى وأخشى ....خلاص مش قادر أكمل ................

لك الله يا مصر

انا سمعت الشيخ الشعراوي يا استاذ محمد
حسيت كأنه عايش معانا الايام دي
و بيتكلم عن الاحداث بالظبط

فعلا ... الثورة ان استمرت تفسد كل شئ جميل
تسلم ايدك يا استاذي

[شريف]

والله يا أستاذ شريف
بعد كلام السادة الفاضل مفيش كلام تاني أقوله
إلا أنه أصبح شيئ ممل
يعني إحنا رضينا بالديمقراطية وحصل إستفتاء علي الدستور
ودا كان رأي الأغلبية
خلاص المفرض الكل يرضي علشان المركب تسير
و طبعاً مش هما دول شباب الثورة
دول ناس عايزة تعمل إل علي مزاجها ومش مهم الملايين الأخري في البلد
بصراحة شيئ غريب إن يكون دا في مصر
بعد ثورة اذهلت العالم كله
ياريت نتجه للعمل ونسيبنا من المظاهرات وخاصة في الأمور
التي حسمها الصندوق بدون تزوير لكنها كانت رأي الأغلبية



و انا زيك يا استاذ ياسر اتمني الناس تفوق لنفسها
و ترجع لاشغالها
و تدور عجلة الانتاج
اتمني والله

ربنا يعديها علي خير
نورت الموضوع والله يا استاذ ياسر و ماتغيبش عنا

[شريف]

في البدايه أحب أن أوضح بأنني ممن صوتوا بـ "نعم" .. وأعترض على أسلوب الاستهجان والسخرية .. فمن حق أي شخص التعبير عن رأيه بالطريقة التي يراها .. ومن حقنا أن ننصحهم ونحاورهم ونناقشهم بأسلوب راقي .. ارجو إلا يفهم البعض بأنني اوجه اتهام لهم بأن أسلوبهم غير راقي .. فالله أعلم ماذا أقصد؟ وانني لا أوجه اتهامات لأحد ولكني أناقش الموضوع معكم .. لنصل إلى حلول للتفاهم والتحاور مع هؤلاء المعترضون على الديمقراطيه ورأي الأغلبية .. هذا إذا ما كان الخبر صحيح ..

ولكني أعتقد أنه لن يكون هناك اعتصام بميدان التحرير .. وأن حدث أرجو أن يتم التعامل معه بأسلوب مختلف وأعرف أن هذا هو أكبر اختبار سيواجهه الشعب المصري .. إلا وهو كيفية التعامل مع الاعتصامات بكل صورها وأسبابها وكذلك أغراضها ونتائجها وتأثيرها على أمن وأمان البلاد ..

فرأيي أن هناك اعتصامات يجب أن تواجه بالاستماع والحوار والمناقشة للوصول إلى نقاط تلاقي ..

وأخرى يجب أن تواجه بالتجاهل التام طالما كانت سلمية ..

وأخرى يجب أن تواجه بشدة وحسم وتلك التي يحدث فيها تجاوزات وتخريب وضرر بأمن وسلامة المواطنين والمنشأت .....

واتمنى من مستر شريف أنه يطلع من جديد على مناقشتنا في هذا الموضوع عن الاختلاف في الرأي وتخوفي من آثر ذلك مستقبلاً .. وللأسف لم يكتمل الحوار بيننا ؟!!!

You can see links before replyهل-ستشارك-في-الاستفتاء-الخاص-بالتعديلات-الدستورية؟-وهل-توافق-على-نصوص-التعديلات؟ (You can see links before replyهل-ستشارك-في-الاستفتاء-الخاص-بالتعديلات-الدستورية؟-وهل-توافق-على-نصوص-التعديلات؟)


اسلوب السخرية و الاستهجان من مين يا استاذ اسامة ؟ ارجو التوضيح
لو تقصدني انا .... او تقصد عنوان الموضوع
فانا عايز اقول لحضرتك ان لو الناس دي عملوا مظاهرات عشان ينددوا بالاستفتاء
فدول مش بس بيستعبطوا
دول يبقوا عالم مايهمهاش مصر .. و ناوية تخربها
لان ده مش تعبير عن الرأي !!!!!
ده اعتراض علي اغلبية من شأنه أن يسبب في فوضي بالغة الاثر السئ علي مصر
اما بخصوص حواري مع حضرتك فأنا اسف والله اني انشغلت و نسيت أكمله
و أشكر لك حرصك علي التواصل و استمرار الحوار
و أعدك بذلك من الان ان شاء الله

[شريف]

هو أحنا نخلص من نظام مستبد
نقع فى ناس اشد استبداد
طبعاً هذه التظاهرات مرفوضة
وستواجه بقمع واحتقار من كل طوائف الشعب
ودى تبقى بلطجة وارهاب فكرى بجد .

أؤيدك جدا يا استاذ ممدوح
نورت المنتدي و نورت الدنيا
و ياريت ما تغيبش عنا عشان بتوحشنا والله بجد

[رشا خالد]

كلام فاضى ولعب عيال بجد هما عايزيين البلد تمشى على مزاجهم ولا ايه هما عايزيين البلد تبقى فى فوضى ليه اكيد فى هدف من وراء ده {ربنا يحمى مصر من شر الفتن }9527

[mr.osama]

بالطبع لا لم أقصد أحد ولكن الكلام على وجه العموم وليس لأشخاص ..

وأحب أن أوضح أنني معترض أيضاً على أي تظاهرات أو اعتصامات في الوقت الحالي لأننا نمر بفترة حرجة تحتاج إلى العمل وتضافر الجهود من كافة الأطراف للرقي بوطننا والعبور به إلى بر الأمان ..

ولكن يجب أن أطرح وجهات النظر المختلفة .. فمثلاً:

إذا حدث تظاهر أو اعتصم البعض للاعتراض على شيء حتى وأن كان رأي الأغلبية ولكن يريد توضيح أعتراضه على نقطة ما .. فشل في توصيلها بطريقة شرعية وافق عليها الجميع إلا وهي الاستفتاء .. ولكنه يحب أن يوضح وجهه نظره بطريقة ما .. عن طريق البرامج التليفزيونية العديدة والصحف المختلفة .. وحدث ولا حرج عن بعض تلك البرامج والصحف الصفراء .. التي تنفخ في الكير
.. ومن أساليب الاعتراض الاعتصامات السلمية بدون الاضرار بشيء ولكن لتوصيل وجهه نظر فقط ..

والتساؤل هنا: ماذا تفعل إذا كنت مكانهم؟

رأيي كما وضحته .. أن هناك اعتصامات يجب أن تواجه بالاستماع والحوار والمناقشة للوصول إلى نقاط تلاقي ..


وأخرى يجب أن تواجه بالتجاهل التام طالما كانت سلمية ..


وأخرى يجب أن تواجه بشدة وحسم وتلك التي يحدث فيها تجاوزات وتخريب وضرر بأمن وسلامة المواطنين والمنشأت ..

[عزة المصرى78]

إذا حدث هذا فمصر لن تعرف الحرية ولن تذوق طعمها
فما وصلنا له هو أولى طرق الحرية والديمقراطية ويجب أن نواصل السير فى الطريق لنحصل عليها
أما هذا فما هو إلا عمل استفزازى انتهازى فوضوى رأيى يسود وإلا
ندعوا الله أن يهدى هؤلاء ويلهمهم الصواب والرشد ويصلح حالهم وينفع بهم مصر

[شريف]

كلام فاضى ولعب عيال بجد هما عايزيين البلد تمشى على مزاجهم ولا ايه هما عايزيين البلد تبقى فى فوضى ليه اكيد فى هدف من وراء ده {ربنا يحمى مصر من شر الفتن }9527
شكرا جزيلا اختي افاضلة علي مداخلتك الكريمة
خالص الشكر

[شريف]

خالص الشكر لك استاذ اسامة علي ابداء رايك بكل وضوح
و كم اتمني مشاركتك في الاستطلاع اعلاه
فيشرفني ذلك

[شريف]

شكرا جزيلا استاذة عزة علي مداخلتك الكريمة .. سلمت يدك

[mr.osama]

إذا كان الاستطلاع يسمح باختيار متعدد .. كنت اخترت الثلاثة لأن الاختيارات الثلاثة صحيحة .. ولكنني فضلت رأي الأغلبية الذي يناسب الموقف الحالي .. والحمد لله لم تكن هناك مظاهرات أو اعتصامات اليوم ضد الاستفتاء ..

المصوتون
12.


أدعو إلي منع اي تظاهر بخصوص التعديلات لاسترداد هيبة الدولة و احترام الاغلبية


12 100.00%

محمد بن عباس (You can see links before replyمحمد-بن-عباس)
المهندس هشام كمال الدين (You can see links before replyالمهندس-هشام-كمال-الدين)
العمدة (You can see links before replyالعمدة)
تطوير التعليم (You can see links before replyتطوير-التعليم)
جمال سراج (You can see links before replyجمال-سراج)
ياسر الدقاق (You can see links before replyياسر-الدقاق)
دعاء شديد (You can see links before replyدعاء-شديد)
mr.osama (You can see links before reply)
رشا خالد (You can see links before replyرشا-خالد)
شريف (You can see links before replyشريف)
نعمه محمود (You can see links before replyنعمه-محمود)
نهاد فؤاد (You can see links before replyنهاد-فؤاد)

لهم حق التظاهر و رفض التعديلات الدستورية بشكل سلمي


0 0%
أتمني ألا يتظاهروا .. و في نفس الوقت لا يتم منعهم


0 0%

[alyweb1]

عاوز اقلكم شىء مهم جدا يا جماعة :
يوم الثورة المصرية لم يخرج شباب الائتلاف فقط ليثور . الثورة المصرية كل الشعب المصرى خرج ليثور ويطالب بحقه.
ولو خرج هؤلاء للميدان لن يجدوا الا انفسهم وستصبح مطالبهم فئوية .
يعنى هناك فرق بين الثورة للحق . والمظاهرات الفئوية التى لا تخدم الا مصلحة القلة

[alyweb1]

تنوية هام للاستاده / عزه المصرى 78 رئيس القسم العام :

التوقيع به خطأ وهى ايه كريمة ارجو الدقة
والخطأ هو زيادة حرف ( و ) فى اخر الاية

والايه الصحيحة هى " الذين إن مكناهم في الأرض أقاموا الصلاة وآتوا الزكاة وأمروا بالمعروف ونهوا عن المنكر ولله عاقبة الأمور "
وللفائدة والمراجعه الصحيحة هناك موقع جميل جدا لهدا
You can see links before reply

[Nm100]

زي ما قال الشيخ محمد بكره نسمع مظاهرة شعارها الشعب يريد اسقاط الشعب
هي الناس دي عايزة ايه بالظبط؟؟؟؟؟؟؟؟؟؟؟؟
المفروض يتمنعوا عن التخريب اللي عايزينه دا
ودا مش تعدي علي حريتهم في ابداء رأيهم لأ كده بنحافظ عليهم وعلى الجميع

اللي هما عايزين يعملوه هيدمروا نفسهم تمام زي اصحاب السفينة
عن النعمان بن بشير رضي الله عنهما عن النبي صلى الله عليه وسلم قال: (مثل القائم في حدود الله والواقع فيها كمثل قوم استهموا على سفينة فصار بعضهم اعلاها وبعضهم أسفلها، وكان الذين في أسفلها إذا استقوا من الماء مروراً على من فوقهم، فقالوا: لو أنا خرقنا في نصيبنا خرقاً ولم نؤذ من فوقنا ، فإذا تركوهم وما أرادو هلكوا جميعاً ، وإن أخذوا على أيديهم نجوا ونجوا جميعاً) رواه البخاري
يا رب احفظ مصر من كل سوء

[rohelroh]

هيه دى ضريبة الديمقراطية . اللى عايزين نعيشها
لازم نفهمها صح . حتي لو كل اللى قالوا نعم غلطوا . ميغلطوش تانى ويقولوا نعم . ولكن لازم نحترم نتائج اى استفتاء . ونحترم نتائج اى انتخابات . لان اى مرشح ينجح عمره ماحيكون على هوي الناس كلها .
ولكن الديمقراطية يعنى نحترم راى الاغلبية حتي ولو كان مش علي هوانا . وتاكدوا ان بالديمقراطية الصح هوه اللى بيدوم . يعنى لو اللى الشعب اختارهم والناس لمست انهم معملوش اى حاجة ملموسة . الناس عمرهم ماحيختاروهم المرة الجاية .
اتمنى ان نفهم معنى الديمقراطية بكل معانيها . خايف احسن العالم يقولوا دول فراعنة مينفعشى معاهم الا العافية . ياريت نتحضر بفكرنا . ونهتم بالعمل ونترك الامور لاصحابها اللى اختارهم معظم شعب مصر .

[m7md ashraf]

بارك الله فيك