مهو يا كده ... يا كده

[دعاء شديد]

ايه كده وكده دي
:patch_balon:
(أول كده)
مهو يا انا خاين ... يا انت جاهل !!!!!
ايون
دى الاتهامات الي على الساحة الايام دى
اذا خالفتنى فى الرأى
واحد فينا يقول للتانى انت خاين
فطبعا ميصحش يسكت اوووووووووم ايه
يقوله انت الي جاهل
وتقوم العاركه
:33:
طيب ليه ميكونش كل واحد فينا ... صح
محدش فكر كده ان الراي ده مش بيتكون بسهوله
وان فى حاجات كتير جدا بتأثر على تكوين الراي
الثقافه والتعليم والبيئة الاجتماعيه بعلاقاتها المتشعبه
وظيفه الانسان وطبيعه شخصيته
سنه ومسئولياته
:11:
يعنى فى امور كتير اوى تتدخل وتتداخل فى تكوين الرأي
ولا يعنى مخالفتى لرأي الاخرين قصور عقلى عند حد فينا

حتى لو حد فينا رأيه غلط ... اكيد مش متعمد يكون راي غلط
انما فى خبرات متراكمه هى المحرك الاساسى
فى تكوين الراي
فى حاله نفسيه وضغوط عصبيه وحياتيه
:31:
يعنى علشان تكون صاحب رأى وتوصل لمرحله الاقتناع برأى آخر
بيكون فى مليون مؤثر اتحدوا وحركوا عقلك نحو الاقتناع برأى الآخر

مش سهل ابدا سواء تكوين الرأى او تغييره
الا
لو انسان معندوش شخصيه
تقدر تحركة زى قطعة الشطرنج
والحمد لله
المصريين ماشاء الله ولا قوة الا بالله
شبابهم وشيوخهم واطفالهم وبناتهم واى حد معدى فى الشارع عندهم
عنده شخصيه ... اللهم الا قلة قليله

لكن الغالبيه عندها شخصيه وتعرف تكون رايى

يعنى لا انا خاين ولا انت جاهل
لكن
انت عندك عقل وانا عندى عقل
وكل واحد عقله مريحه ... بس تاعب الي حواليه

*****************************
:patch_balon:
(تانى كده)
يا نسكت خالص ... يا منبطلش كلام نوهائى !!!
:13:
الاول مكنش حد بينطق
كل ساكت وماشى فى نور الله
لا يبص يمين ولا يبص شمال
:patch_comm:
فجأه
بقى حقك تتكلم
وعنها والناس مبقتش تبطل كلاااااااااام
كلام ... كلام ... كلام
وكأنهم فجأة اكتشفوا ان ربنا خلقلنا "بق" وبس
لا افتكروا زماااااااان الي هو من قريب ده
كان فى "ودان" كمان
ايه خلاص نسيتوها بسرعه كده

مينفعش اى حاجة واحده منهم ... متنفعش
جه الوقت بقى الي لازم نعرف فيه
امتى نسمع ... علشان بعدها نتكلم
مين يسمع مين ... ومين يقول لمين
:25:
والله مش عيب فى حقى ان فى حد انا اسمع منه
ولا يقلل منك ان ابقى انا الي بقول

يبقى لا "ودان" وبس ... ولا "بق" وبس

*************************
:patch_balon:
(تالت كده)
يا تختار اختيار واحد ... يا تختار من متعدد
:41:
زمان كان الاختيار المتاح
يا ابيض ... يا ابيض
دلوقتى بقى بسم الله ما شاء الله
كل مواطن له اختيارته الخاصه
:8:
هو مفيش وسط ابدا
يعنى مينفعش يبقى المتاح تلات او اربع اختيارات
لازم يكون لكل واحد اختيار شخصى فردى نفساوى

طيب ليه ؟؟؟؟؟؟؟
ليه ميبقاش كل واحد ملتزم فى مكان
ونعرف ان فى ناس مهمتها وضع عناصر الاختيار
وان فى ناس مهمتها الاختيار نفسه

*****************************

ربنا سبحانه وتعالى
خلق لكل عضو فى جسم الانسان ... وظيفه
رغم ان قدرته عز وجل تقدر تخلى كل الاعضاء تقوم بكل الوظائف
لكن سبحان الله
اذا حدث خلل فى وظيف عضو ... يأثر على باقى الاعضاء

احنا بقى كبشر
مش عايزين ليه نلتزم كل منا بمكانه المناسب ليه
ونعرف ونتأكد ان اذا حد فينا عمل خلل فى وظيفته او ساب مكانه
هيأثر تأثير سلبى على باقى الي حواليه

كمان ربنا قال وجعلناكم امه وسط
يعنى طرفى النقيض الي احنا متمسكين بيهم
ضد اراده ربنا الي ارادها لينا

الحياة مش زى لعبه الكراسى الموسيقيه
الي بتسابق فيها علشان مين يلحق ياخد مكان
لاااااااااا
الحياة فيها لكل واحد مكان
وقانون الكراسى الموسيقيه
ما هو الا لعبه للخروج عن مألوف الحياة
انما لا يمكن يكون قانونها ابدأ

****************************
:19:
اتكلمت بالعاميه
وقلت الي شفته
ومستنيه اعرف انتو رأيكوا ايه
الي شوفته صح ولا غلط ؟
وانتو شوفتوا ايه طيب ؟

بس

[شريف]

ههههههههههههه
موضوع حلو اوي
جامع بين اكتر من صفة

مضحك ...لذيذ ... عقلاني جدا ... واقعي ... بديهي ... صادق ... واضح ... واصف بدقة حالنا بالظبط

عشان كده انا مش هتناقش كتير لاني فعلا مقتنع بكل كلمة

كلامك صحيح بنسبة 99.9 %

الكل فجأة بقا بيتكلم

و الكل بيغلط الطرف التاني

و الكل مش مقتنع بالكل

امنية حياتي اننا نسمع بعض و نفهم بعض

مش مهم نقتنع بكلام بعض

المهم ندي فرصة للطرف التاني يتكلم و يعرض وجهة نظره

و امنية حياتي نفهم ان الاختلاف شئ طبيعي ... مش معضلة

طبعا .. انا بعلق علي كده واحدة من الكداهات بتاعتك

لان الرد عليهم باستفاضة عايز كذا موضوع

و بحييكي جدا علي اسلوبك الجميل اللي دمه خفيف في عرض الفكرة

و متحرميناش من موضوع ليكي كل يوم

[امل لاشين]

سواء كان كده او كده او كده يادعاء

ده تاكيد علي ان في تغيير وتغيير مش وحش اوي

لكن لو استمرت حاله الضبابيه في التغير وعدم وضوح الرؤيه هيكون اسوء تغير

وتوضح الؤيه دايما بالثقه المتبادله والاحترام بين الشعب بكافه طوائفه

بالثقه اقدر افهم وجهه نظر اللي امامي واحترمها وان مفيش اي مصالح غير مصلحه مصر

وفي الاخر موضوع جميل كده وكده وكده.....ههههه

[محمد بن عباس]

يا دعاء يا أبهه إيه العظمة دى كلها موضوع يفوق الوصف الرائع لسلسلة موضوعاتك الرائعة

والمهم إننا بفضل لله نتغير للأفضل وللأحسن بعد سنوات كنا سلبيين جداُ جداً

ولكن الإختلاف فى الرأى لا يفسد للإستفتاء قضية

[زهره المدائن]

بسم الله الرحمن الرحيم
اولا هو لازم يكون فيه كده ..... وكده......واكتر من كده
وانا معاك في كل كده
قولي ليه
اقولك .....
عشان لما نشوف كل كده
نعرف نحدد .... ونقرر...... اي كده هتكون هي اللي كده
عرفتي قصدي من كل ده
عندك حق في كل تصوراتك بس نعمل ايه
ربنا عايز كده
ربنا يهون علينا الايام اللي جاية
عرض اكثر من رائع كما تعودنا من شمعتنا
دمتي لنا ودام عطائك ونفسويتك اللي ديما شغالة
:24::24:

[حبيبه المصريه]

موضوع جميل يا دعاء
مش عارفه اليومين دول ليه واخده اجازه عقليه
عموما لما الاجازه تخلص اكيد حدخل اناقش
مريت عشان الموضوع جميل
ربما ما يحرمنا من الموضوعات الجميله
وصاحبة الموضوعات الجميله
دمتى بكل خير وسلام

[mr.osama]

احييكي د/ دعاء على موضوعك المميز وهذا ليس بجديد عليكي ..
فالموضوع ممتع ومعبر بشكل لذيذ وبصدق عن الواقع الذي نعيش فيه حالياً
فالجميع بقى ليه رأي .. ودي ميزه

زمان كنت تجيبها كده تجيلها كده .. هي كده .. غصب عنك

ولكن اليوم الوضع مختلف ..
تجيبها كده .. تبقى هي كده زي ما تحبها

لكن المهم ما تكونش اجبار وصلابه رأي

لازم نسمع بعض ونعرف ازاي نتحاور ونتناقش ونختلف ..

You can see links before replyهل-شاركت-في-الاستفتاء-الخاص-بالتعديلات-الدستورية؟ (You can see links before replyهل-شاركت-في-الاستفتاء-الخاص-بالتعديلات-الدستورية؟)

[نعمه محمود]

شوفى يادعاء للأسف إحنا معندناش ثقافة الاختلاف كانوا دايما بيعلمونا ان الكبير لازم رأيه يبقي صح مع انه مش شرط . ثقافة الحوار عند المصريين بتعتمد على الصوت العالى كلما كان صوتك أعلى هتكسب من أول جولة لأن اللى مش هيقتنع هيضطر ينهى الحوار عشان يخلص من الصوت العالى ولاحظت إن كل خلاف فى الرأى لازم يتحول لخلاف شخصي ماعلينا هى تربية وثقافية ومحتاجة وقت طويل لتعديلها وللاسف الناس مش قادرة تفهم ان الخلاف فى الرأى لايهين .
ثانى حاجة الناس اللى فجأة مش بيبطلوا كلام تعرفى إنها ظاهرة صحية جدا من وجهة نظرى الناس بالبلدى كده كانت مكتومة ماصدقوا اتكلموا بينفسوا عن نفسهم وهتلاحظى بعد فترة قصيرة ان العنف قل بين الناس لان الكبت اللى كانوا عايشين فيه كان بيولد عنف لفظى وبدنى
ثالث حاجة موضوع الاختيارات ده شىء حلو مش وحش لان كل ما اتسعت قاعدة الاختيار كل ماكان المنتج النهائي أفضل
إذن اتفق معكى فى الأولى واختلف فى الاخرييين والاختلاف بداية المعرفه

[جمال سراج]

بصى يا دكتورة
هاخدها من الجانب الللى سايد الوقتى وانتى عندك حق طبعا
اقولك حاجة احنا او كتير مننا متعودش على كدا
كتير مننا بيفترض ان رايه هو الأصوب والأوحد فى الدقة
كتير مننا بيسىء الظن ويتهم الآخرين زورا وعدوانا إنهم أقل خبرة أو ثقافة لأنهم متمسكين بثوابت زى التأنى وعدم الخوض فيما لا يعنيهم
كتير مننا يدعم الأسلوب الدائرى للثقافة .... مجموعة تتبنى مجموعة من القيم والمطالب الصالحة تسعى لتحقيقها ثم تجد معارضة شديدة ثم تفوز فى النهاية لتتكون ضدها مجموعة معارضة وهكذا
كتير مننا معندوش أصلا طريقة للتفاهم ( كنوع من الكبر ) حاسس انه هو السوبر مان وغيرة فرافير ومعندوش استعداد يعرف اكتر من كدا
كتير واخد انطباع سىء عن كتير لجهله اصلا أو لعناده وكبره ودا بيبان اصلا لو حصل ودار نقاش كدا بسرعة ربما تجدين ثقافة مضمحلة وفكر عقيم وستخرجى من ذلك بحسرة شديدة ليس على نفسك ولكن على الدنيا بأسرها.
ربما كلنا نحاول ندى فرصة لغيرنا ونتعايش مع كل الآراء ونقتنى منها ما يناسب قيمنا وظروفنا الثقافية والاجتماعية وحتى الاقتصادية
يعنى مالآخر بلاش كبر ... بلاش عصبية ... بلاش تطفل .... بلاش منظرة !!!!!!!!!!!!!!!
شكرا دكتورة دعاء موضوعك الجميل كعادتك دايما متألقة ومبدعة ومتجددة فكرا وثقافة ووعى
خالص ودى
كووووووونوا بخير .... لأكووووووووووووون

[دعاء شديد]

ههههههههههههه
موضوع حلو اوي
جامع بين اكتر من صفة

مضحك ...لذيذ ... عقلاني جدا ... واقعي ... بديهي ... صادق ... واضح ... واصف بدقة حالنا بالظبط

عشان كده انا مش هتناقش كتير لاني فعلا مقتنع بكل كلمة

كلامك صحيح بنسبة 99.9 %

الكل فجأة بقا بيتكلم

و الكل بيغلط الطرف التاني

و الكل مش مقتنع بالكل

امنية حياتي اننا نسمع بعض و نفهم بعض

مش مهم نقتنع بكلام بعض

المهم ندي فرصة للطرف التاني يتكلم و يعرض وجهة نظره

و امنية حياتي نفهم ان الاختلاف شئ طبيعي ... مش معضلة

طبعا .. انا بعلق علي كده واحدة من الكداهات بتاعتك

لان الرد عليهم باستفاضة عايز كذا موضوع

و بحييكي جدا علي اسلوبك الجميل اللي دمه خفيف في عرض الفكرة

و متحرميناش من موضوع ليكي كل يوم


ميرسى يا شريف
بس احقاقا للحق ... فاكر
لما كنت بخاف ادخل القسم العام
ههههههههههههههه
مش انت ونعمه الي شجعتونى
فا ده من بعض مما تعلمته منكم

اما عن تأيدك فمينفش تعلق على كده واحده
وباقى الكدهات تزعل ... ينفع كده ؟؟؟؟

نورت الموضوع يا شريف

[دعاء شديد]

سواء كان كده او كده او كده يادعاء
ده تاكيد علي ان في تغيير وتغيير مش وحش اوي
لكن لو استمرت حاله الضبابيه في التغير وعدم وضوح الرؤيه هيكون اسوء تغير
وتوضح الؤيه دايما بالثقه المتبادله والاحترام بين الشعب بكافه طوائفه
بالثقه اقدر افهم وجهه نظر اللي امامي واحترمها وان مفيش اي مصالح غير مصلحه مصر
وفي الاخر موضوع جميل كده وكده وكده.....ههههه



يا امولا انا مش ضد التغيير
لكن التغيير باعتدال ووسطيه

ميرسى يا جميله على مرورك الي مش كده وكده
لااااااااا ده كدهوااااااااااا

[دعاء شديد]

يا دعاء يا أبهه إيه العظمة دى كلها موضوع يفوق الوصف الرائع لسلسلة موضوعاتك الرائعة

والمهم إننا بفضل لله نتغير للأفضل وللأحسن بعد سنوات كنا سلبيين جداُ جداً

ولكن الإختلاف فى الرأى لا يفسد للإستفتاء قضية


ربنا يخليك يا استاذ محمد ولا يحرمناش من تشجيعك
هو كده بالظبط نتغير للاحسن والافضل
ويا خوفى من نتيجه الاستفتاء ورد فعل كل من يا كده ... يا كده

نورتنى يا استاذ محمد

[دعاء شديد]

بسم الله الرحمن الرحيم
اولا هو لازم يكون فيه كده ..... وكده......واكتر من كده
وانا معاك في كل كده
قولي ليه
اقولك .....
عشان لما نشوف كل كده
نعرف نحدد .... ونقرر...... اي كده هتكون هي اللي كده
عرفتي قصدي من كل ده
عندك حق في كل تصوراتك بس نعمل ايه
ربنا عايز كده
ربنا يهون علينا الايام اللي جاية
عرض اكثر من رائع كما تعودنا من شمعتنا
دمتي لنا ودام عطائك ونفسويتك اللي ديما شغالة
:24::24:


ههههههههههههههه
قصيده كده لزهره المدائن
ايه الرد التحفه ده ... مواهب
ويا رب يهون علينا الايام الي جايه وتعدى على خييييييييير

بجد ردك رائع ... نورتينى يا جميلة

[عزة المصرى78]

كل كده وكده وكده أنت وضحتيهم بمهارة وسلاسة وبساطة وجمال فكرى وعقلى وأسلوبى كما تعودنا منك

وانى اكتشفت أن أصحاب كل كده اختلاف ظاهرى فقط ولكنهم مترابطين متحدين فى جوهرهم وهو حب البلد والخوف عليها لأجل ذلك تجدين لا اختلاف على النتيجة بما إنها لصالح للبلد " اختلفت الطرق والوسائل والهدف واحد "

ولذلك عندما نصل للهدف نكن كلنا رضا وفرحة لوصولنا إليه

ولأن الله يعلم النوايا فانه يوحد الجهود ويوضح الطريق ويقرب الهدف

أتمنى ألا أكون خرجت عن الموضوع

موضوع جميل وراقى ومتميز لا حرمنا الله من هذا الجمال الفكرى والتحليلى والأسلوبى ................

[شريف]

ما هو يا كده يا كده يا كدهون :)