المساعد الشخصي الرقمي

مشاهدة النسخة كاملة : ايه اللي هيحصل لو مدخلتش اختبار 25 مارس


sondok2
03-03-2011, 05:08 PM
السلام عليكم ورحمة الله وبركاته
اخواني و اخواتي عندي سؤال مهم اوي
انا كنت اخدة اجازة لاداء العمرة وانا دلوقتي فيالسعودية و الظروف غير سامحة لي انى انزل اقدم ورقي دلوقتي ... وعلى ما الاقي حجز وانزل يكون ميعاد التقديم فات

ايه اللي هيحصل لو مدخلتش اختبار 25 مارس ؟؟؟

انا سالت ناس قالولي ان الاختبار ده مالوش علاقة بالتعيين ده لصرف الكادر

وانا غير متأكدة وعايزة افهم اعمل ايه ...
علما انى يهمني التعيين فقط وليس الكادر
سؤال اخر هل اذا تعينت بالفعل لازم انزل استلم العمل ولا ممكن يتأجل اسمع ان في غرامة لكن معرفش بالظبط

ياريت المعلمين اللى عندهم خبرة في المسائل دي يفيدوني...!!!
مدرسة علوم
03-03-2011, 06:35 PM
اللى عرفناه اليوم من مديرية التربية و التعليم بالسويس
ان الكادر تاجل بصورة مؤقتة لهذ العام
و لو فيه كادر يبقى مالوش اى علاقة بالتعيين بس اللى بينجح فيه هايترقى من معلم مساعد لمعلم
و الله اعلم
sondok2
03-03-2011, 07:01 PM
طيب كلامك متناقض ازاي ملوش علاقة بالتعيين
واللى هينجح فيه هيترقى من معلم مساعد لمعلم
عموما انا بدعى ليل نهار يلغوا الاختبار ده ويارب يتقبل دعائي
مشكووورة حبيبتي لردك
الشوربجى112
03-03-2011, 07:25 PM
لو لاحظت انهم قالوا الامتحان استثنائى يعنى اللى حيقدم الأول لحد يوم 8/3 حيدخل امتحان يوم 25/3 واللى هيتأخر لحد يوم 20/3 حيدخل بتاريخ 19 / 7
والله اعلم
مدرسة علوم
03-03-2011, 08:31 PM
طيب كلامك متناقض ازاي ملوش علاقة بالتعيين

واللى هينجح فيه هيترقى من معلم مساعد لمعلم
عموما انا بدعى ليل نهار يلغوا الاختبار ده ويارب يتقبل دعائي
مشكووورة حبيبتي لردك



يا استاذة التثبيت لمن امضوا ثلاث سنوات بدون شروط و منها شرط الاكاديمية
يعنى اللى عاوز يتعين من غير مايدخل الكادر هو حر و تثبيته هايكون على معلم مساعد و اللى عاوز يدخل هو برضه حر لانه لانه بعد ماينجح و هو متثبت هايترقى و يكون معلم يعنى الحمد لله مافيش تناقض
و الكلام ده انا نهيته بالله اعلم لاننا سمعناه من مسئول عسكرى فى المديرية ان الكادر تم تاجيله لمدة عام و ليس شرطا للتثبيت لكن فيه ناس عاوزة الكادر علشان تترقى من معلم مساعد مثيت لمعلم مثبت اى الامتحان و هو مثبت

لكن اللى الراجل قاله ربنا يكرمه انه تم الغاء الكادر مؤقتا لمدة عام و نحن فى انتظار نشر و توزيع النشرة على الادارات و المدارس

و الله الموفق
أسماء عبد اللطيف
03-03-2011, 09:35 PM
يعني إيه تم إلغاء الكادر لمدة عام؟؟؟
يعني إمتحان 25/3 إتأجل؟؟
البحيرى
03-03-2011, 09:35 PM
لو لاحظت انهم قالوا الامتحان استثنائى يعنى اللى حيقدم الأول لحد يوم 8/3 حيدخل امتحان يوم 25/3 واللى هيتأخر لحد يوم 20/3 حيدخل بتاريخ 19 / 7
والله اعلم
الكلام اللى موجود على موقع الاكاديمية معناه
امتحان 8/3 للمعلمين المساعدين
أما امتحان 15 /7 للمعلميــــــــــــــــــــــــــــــــن
You can see links before reply
sondok2
03-03-2011, 11:43 PM
انا في حيرة لكن مفيش في ايدي غير الانتظار
وربي يصلح احوالنا جميعا ياااااااارب
مدرسة علوم
04-03-2011, 06:56 AM
ده اللى انا سمعته من المسئول العسكرى اللى كان موجود "انه تم ايقاف الكادر مؤقتا لمدة عام و ان الكادرليس شرطا للتثبيت"
و لازم تاخدى فى اعتبارك ان ده الكلام اللى بلغته الاكاديمية للقائد العسكرى
و الافضل ان حضرتك تحاولى تتصلى باالكاديمية الرئيسة علشان تتاكدى من التفاصيل كلها

لكن بصراحة انا زى زيك لازم يكون فيه قرار او نشرة رسمية بالكلام ده
بس ان شاء الله خير
Mr:M.Kamal
04-03-2011, 11:06 AM
قل اللى اقدر اقولهولك دلوقتى عمرة مقبولة ان شاء الله وعقبالنا كلنا يااااااااااااااااااااااااااااارب
sondok2
04-03-2011, 07:29 PM
آمين ربنا يتقبل منا ومنكم صالح الأعمال
لكن انا مش ناوية انزل غير لما اشوف بعيني قرارة تعيني لاني تعبت وزهقت من كثرة القرارات و تضاربها
مدرسة علوم
04-03-2011, 07:55 PM
طيب ادعى لنا دعوة حلوة و انتى هناك ان ربنا يفرجها علينا ان شاء الله
و ترجعى لنا بالسلامة ان شاء الله
لــؤلــؤة
05-03-2011, 11:09 AM
الأفضل والأحسن انك فعلا تتصلي بالأكاديمية

هما هيفيدوكي اكتر مننا

هما المسئولين ويقدروا يفهموكي بالضبط موقفك لو مدخلتيش الامتحان

وعمرة مقبولة ان شاء الله

ولا تنسينا من دعواتك
sondok2
05-03-2011, 11:35 AM
كلمتهم قالولى لا علاقة للاختبار بالتعيين انما الاختبار فقط لصرف 50 % زيادة على المرتب
وربي يجعل تعبكم وتعبنا كله بفايدة و ينصرنا ويثبت اقدامنا ويتقبل صالح أعمالنا