هل تؤيد محاكمة مبارك و أولاده أم لا ؟

[شريف]

هل تؤيد محاكمة مبارك و أولاده أم لا ؟


استطلاع رأى

في أعلي الموضوع

مع الأخذ في الاعتبار

أن رسول الله صلي الله عليه و سلم قال

لو أن فاطمة بنت محمد سرقت لقطعت يدها !



ابد رأيك

[دعاء شديد]

اسمحلى يا شريف
انا عندى اختيار رابع

( يحاكم مع الاخذ فى الاعتبار انه ... لا يهان)

اوضج بقى رايي
اولا
لا كلام بعد كلام الرسول صلى الله عليه وسلم

ثانيا
من اخطأ يحاسب ... ويحاكم على قدر الخطأ

ثالثا
لا ننهى عن فعل ونأتى بمثله
بمعنى
نستنكر من يهيننا ان حدث خطأ منا
وحينما نحاسب الاخرين ... نهينهم
بغض النظر عن مكانة من نحاسبه
يجب ان تكون قاعده عامه نرسيها ونتبعها
"حقى وحقك بدون اهانه"
وان كان هذا قد حدث فى الماضى
فالان لابد وان يتغير مثل كل ما تغير
لان ما سنطبقه الان سنطالب بتطبيقه معنا لاحقا

مثال للتأمل فقط
((( يعنى كل واحد يفكر مع نفسه ويحتفظ بالاجابه لنفسه )))
حدث وان ثار طلاب مدرستك على احد المعلمين
وهو بالفعل اخطأ
هل ستسمح لهؤلاء الطلاب باهانته وسبه
امامك وامام باقى الزملاء ؟؟؟

بس

[شريف]

بحترم رايك جدا

بس انا ما قولتش نهينه يا دعاء

انا حاطط في الاستطلاع محاكمته و ليست اهانته

لازم تختاري بند من التلاتة :)

[امل لاشين]

هل تؤيد محاكمة مبارك و أولاده أم لا ؟


استطلاع رأى

في أعلي الموضوع

مع الأخذ في الاعتبار

أن رسول الله صلي الله عليه و سلم قال

لو أن فاطمة بنت محمد سرقت لقطعت يدها !



ابد رأيك




راي ايه بقي بعد اللي الكلام اللي قلته

بتحذرنا وفي الاخر تقول قول رايك ........هههههههه


انا مع دعاء في انه لا يهان ...وكفايه اللي حصل له من حكم الناس عليه ..

مش اذلاله واهانته ومحاكمته هي اللي هترجع حق الشعب ..

وعلشان يتحقق العدل لازم نحاكم نفسنا لانه سمحناله انه اصبح كده ..

كفايه اللي حصل ...وندعه يعيش في سلام ..

وان كان ما معه من اموال كما يقول الناس يتم ردها بهدوء ..

ارحموا عزيز قوم ذل ..

[دعاء شديد]

انا عارفه انك مقلتش نهينه

بس كمان لو اخترت محاكمته هيبقى الاختيار مطلق

فانا حبيت احدد الاختيار واوضحه
بس

[شريف]

راي ايه بقي بعد اللي الكلام اللي قلته

بتحذرنا وفي الاخر تقول قول رايك ........هههههههه


انا مع دعاء في انه لا يهان ...وكفايه اللي حصل له من حكم الناس عليه ..

مش اذلاله واهانته ومحاكمته هي اللي هترجع حق الشعب ..

وعلشان يتحقق العدل لازم نحاكم نفسنا لانه سمحناله انه اصبح كده ..

كفايه اللي حصل ...وندعه يعيش في سلام ..

وان كان ما معه من اموال كما يقول الناس يتم ردها بهدوء ..

ارحموا عزيز قوم ذل ..


انا مش بحذر ... انا بذكر بحديث للرسول

ده اولا
ثانيا

هيا الفلوس المسروقة هترجع ازاي في هدوء يا أمل ؟ هههههههههه

في حد بيرجع الفلوس اللي هوا سرقها في هدوء ؟ ليه ؟ طيب اوي للدرجاتي ؟

في حد يقدر ياخد من سارق فلوس بدون محاكمة ؟؟؟


لا مش فاهمها دي

و بعدين يا امل ... و الله اقسم بالله ... تالله ... و بالله ... انا مقولتش نهينه

المحاكمة ...غير الاهانة

انا بقول محاكمة

محاكممممممممممممممممممممممة

مش اهانة

ههههههههه اعمل ايه تاني طيب؟

[محمد بن عباس]

تصدق بالله يا شريف أنا النهاردة الصبح كنت بتكلم مع زمايلى فى المدرسة قلت إن ثورة 25 يناير إن لم تحاكم مبارك وأسرته فهى ثورة لم تحقق أهم أغراضها

وأنا من أشد المؤيدين لمحاكمة مبارك ومننساش إنه هيتحقق معاه الأول لو برىء خلاص ولو مش برىء لازم نطبق عليه أشد أنواع العقاب ومعلش هتضيف

بعض الروابط المهمة
You can see links before reply (You can see links before reply)

وده كمان

You can see links before reply (You can see links before reply)

وده كمان
You can see links before reply (You can see links before reply)

[شريف]

انا عارفه انك مقلتش نهينه

بس كمان لو اخترت محاكمته هيبقى الاختيار مطلق

فانا حبيت احدد الاختيار واوضحه
بس




أوك
ميرسي يا فندم ع المداخلة

بارك الله فيكي

[شريف]

تسلم ايدك يا استاذ محمد
هوا ده الكلام

[محمد بن عباس]

تسلم ايدك يا استاذ محمد
هوا ده الكلام



ربنا يخليك يا شريف والله أنا عندى محاكمة مبارك وأسرته أهم من العادلى وجرانة والمغربى وغيرهم لأن مبارك هو ال عينهم

[امل لاشين]

انا مش بحذر ... انا بذكر بحديث للرسول

ده اولا
ثانيا

هيا الفلوس المسروقة هترجع ازاي في هدوء يا أمل ؟ هههههههههه

في حد بيرجع الفلوس اللي هوا سرقها في هدوء ؟ ليه ؟ طيب اوي للدرجاتي ؟

في حد يقدر ياخد من سارق فلوس بدون محاكمة ؟؟؟


لا مش فاهمها دي

و بعدين يا امل ... و الله اقسم بالله ... تالله ... و بالله ... انا مقولتش نهينه

المحاكمة ...غير الاهانة

انا بقول محاكمة

محاكممممممممممممممممممممممة

مش اهانة

ههههههههه اعمل ايه تاني طيب؟





عادي ياشريف ..وفيها ايه لما ترجع في هدوء ......ههههههه

علي الاقل هيكون اول رئيس يرجع ماخذه بكرامه ...

لان لاتغني عنه امام الله فلوس الكون كله ..

لوفهم كده ..هيرجعها بهدوء او ماكنشي خدها اصلا ........ههههههه


وخلاص انت مقولتش اهااااااااااااااااااااااااانه فهمت وربنا :18:

وانا اخترت عدم محاكمته ..

[شريف]

ربنا يخليك يا شريف والله أنا عندى محاكمة مبارك وأسرته أهم من العادلى وجرانة والمغربى وغيرهم لأن مبارك هو ال عينهم

بالظبط كده

و في كل الحالات ... السيد الرئيس السابق مسئول

سواء كان يعرف او مكانش يعرف

اصل هتلاقي واحد يقولك ... اصل هوا مكانش يعرف

كأن مثلا اللي بيحكم مصر واحد لا يري و لا يسمع

ده اي طفل صغير بيتفرج بس علي الفضائيات هيفهم البلد ماشية ازاي

فما بالك بالتقارير اللي كانت بتوصله ... و المخابرات و امن الدولة

كل الاجهزة دي و كل العيون بتاعته ... و ما يعرفش البلد كانت منهوبة ازاي !!

كلام ما يخشش ذمة اي واحد عاقل بتعريفة ... مش كده ولا ايه ؟

الحمد لله ان ديننا مافيهوش واسطة و لا محسوبية و لا رموز و لا غير رموز

اللي غلط يتحاسب

اللي غلط يتحمل نتيجة غلطه

اللي سرق تتقطع ايده عشان يبقا عبرة

بس ما تهينوش الرمز ... حاضر ... مش هنهين الرمز

بس حرام الرمز يسرق و ما يتحاكمش

و الفلوس مش هترجع الا بمحاكمة

و اذا كان البعض بيعتبر المحاكمة في حد ذاتها اهانة

فهوا اللي اهان نفسه

بالعكس المحاكمة مش اهانة

لانه لو طلع برئ

هيخلي سبيله و لن يسجن و لن يحاكم !!

يبقا ايه المشكلة ؟؟؟؟

في بلاغات متقدمة

بأي معني يتم تجاهلها !!! عشان الرمز ؟

مش عايزين يسري فينا حديث الرسول لما حذر المسلمين ان الاحكام يتم تطبيقها علي الفقراء و الضعفاء

و لا يتم تطبيقها علي الاغنياء و الاقوياء

دي تبقا دولة ظلم ...

[شريف]

ع
وانا اخترت عدم محاكمته ..


طب ليه كده ؟؟؟؟؟؟ :)

[محمد بن عباس]

يا شريف ال عايز يبقى رمز يعرف الأول يعنى إيه رمز ويراعى النقطة دى كويس

[شمس بياض]

بسم الله الرحمن الرحيم

جزاكم الله خيرااخوى على هذا الموضوع
واسمح لى اقول وجهه نظرى


طبعا ولا بد ان يحاكم محاكمه عادله

ويارب تكون عادله فعلا

ونطبق كلام الرسول صلى الله عليه وسلم
وانا لست مع محاكمته هو فقط ولكن مع محاكمة ولديه وزوجته

فى تطبيق قول الرسول صلى الله عليه وسلم
-------------
هانقول نحاسب نفسينا الاول

مثلما قالت الاخت امل

ارد عليها بما ياتى
سيدنا عمر ابن الخطاب جاء له خراج اليمن م مجوهرات وكنوز ليس لها مثيل
مع عدة جنود من اليمن فبكى وقال
هؤلاء مجرد جنود فى صحراء
كان يمكنهم ان ياخذوا منها دون ان يراهم احد
فرد عليه احد الحاضرين قائلا
عففت فعفوا
ولو رتعت لرتعوا
-------
واخدة بالك يامل من العبارة السابقه؟؟؟؟؟؟

وتكو ن محاكمه حتى ياخذ الكبير والصغيرالعبره والعظه
الرسول صلى الله عليه وسلم
اقام الحد علانيه على من سرق وزنى

وانا لست مع من يقول ارموا عزيز قوم زل وذل
وهو واذنابه لم يرحموا الامهات اثناء قتل ابناءهن
او الفقر لمدقع لليتامى والفقراء
انت لم ترى يا امل العشوائيات والناس التى تعيش فى القبور وهو يعيش فى القصور
العدل لابد ان ياخذ مجراه
ولو العدل والقصاص يطبق ليحكم عليه هو واسرته
بالعيش فى احدى غرف العشوائيات
حتى فى لقرى الفقيرة يعيش اناس غرباءفى منزل واحد واستخدام حمام واحد لعدة اسر
تصورى ماذا يحدث بقى عند اختلاط الحابل بالنابل؟؟؟؟؟؟؟؟؟؟؟؟؟؟؟؟

[شريف]

يسلم فمك يا شمس الحق .... انا عارفك شجاعة في الحق من قبل الثورة كمان
و اشهد علي ذلك

[امل لاشين]

طب ليه كده ؟؟؟؟؟؟ :)



من غير ليه ..........:)

لكن حقيقي...لانه مهمها اتحاكم في الدنيا مش هيكون مثل محاكمه

ربنا ليه ومحاسبته ومسائلته عن كل الم مس 86 مليون مصري ..

علشان كده ارفض محاكمته وتركته للخالق عز وجل ..

وانا علي يقين انه هياخد منه حقنا ..

[شمس بياض]

ملحوظه 000على فكرة اانا لما بتكلم عن العشوائيات

بفضل الله اكرمنى بعيش وستر وحاله افضل بكثير اناواخوتى

لكن تطبيقا لقول الرسول صلى الله عليه وسلم من لم يهتم بامر المسلمين فليس منهم

والناس اللى قامت بالثورة اناس على مستوى عال من العلم والحاله فوق المتوسط ومع ذالك ثاروا على الظلم
وبعدين انا مستغربه قوى من اللى بيقولوا لا لاهانته
ياخوووووووووووووووووووووووواتى
هو اهان نفسه بنفسه
عندما ترك لابنه وزبانيته ان يفعلوا بالشعب وما اراده
ولما ترك حاشيته يعيثون فسادا
ولم ينزل للشعب
عشان كده لابد وان يكون الرئيس شابا ينزل زيارات ميدانيه
ويشوف بعينه احوال شعبه متخفيا
ياخيتى دا لما كان بياجى
عندينا المدارس تغلق وتجيش بالجيوش عشان فرد
اين هو من سيدنا عمر ؟؟؟؟
بلاش سيدنا عمر
مهاتير محمد
الذى صنع النمر الاندونيسى وكان فى عز ه
استقال من الرئاسه ؟
اللهم ارحمنا برحمتك ولا تجعلنا يوما ما فى مكان المتنحى مبارك

[شريف]

من غير ليه ..........:)

لكن حقيقي...لانه مهمها اتحاكم في الدنيا مش هيكون مثل محاكمه

ربنا ليه ومحاسبته ومسائلته عن كل الم مس 86 مليون مصري ..

علشان كده ارفض محاكمته وتركتهللخالق عز وجل ..

وانا علي يقين انه هياخد منه حقنا ..





طبعا يا امل ربنا هيحاسبه اكيد علي كل مثقال ذرة
لكن ربنا برضه عز و جل عمل احكام شرعية لازم تتنفذ و تتطبق في الدنيا
و الا هنعيش في غابة بقا
و ينضحك علينا بقا و حقوقنا تضيع
و كل واحد يسرقنا نقول ... نسيبه للاخرة و ليوم القيامة !

طب هقولك مثال بسيط

واحد دخل بيتك و سرق الكمبيوتر و هرب

هتقولي اسيبه للاخرة و لا هتروحي تعملي محضر ؟؟؟؟؟؟؟ :14:

[المنشاوية]

لابد ان يحاكم وذلك تنفيذا لوصايا رسول الله -صلى الله عليه وسلم- فقد نهانا الرسول عن التهاون فى اقامة الحدود مع الاغنياء
فقد قال انما أضاع الامم من قبلكم انهم كانوا اذا سرق فيهم الشريف تركوه واذا سرق فيهم الضعيف أقاموا عليه الحد

[شريف]

ملحوظه 000على فكرة اانا لما بتكلم عن العشوائيات

بفضل الله اكرمنى بعيش وستر وحاله افضل بكثير اناواخوتى

لكن تطبيقا لقول الرسول صلى الله عليه وسلم من لم يهتم بامر المسلمين فليس منهم

والناس اللى قامت بالثورة اناس على مستوى عال من العلم والحاله فوق المتوسط ومع ذالك ثاروا على الظلم
وبعدين انا مستغربه قوى من اللى بيقولوا لا لاهانته
ياخوووووووووووووووووووووووواتى
هو اهان نفسه بنفسه
عندما ترك لابنه وزبانيته ان يفعلوا بالشعب وما اراده
ولما ترك حاشيته يعيثون فسادا
ولم ينزل للشعب
عشان كده لابد وان يكون الرئيس شابا ينزل زيارات ميدانيه
ويشوف بعينه احوال شعبه متخفيا
ياخيتى دا لما كان بياجى
عندينا المدارس تغلق وتجيش بالجيوش عشان فرد
اين هو من سيدنا عمر ؟؟؟؟
بلاش سيدنا عمر
مهاتير محمد
الذى صنع النمر الاندونيسى وكان فى عز ه
استقال من الرئاسه ؟
اللهم ارحمنا برحمتك ولا تجعلنا يوما ما فى مكان المتنحى مبارك




:27::27::27::27::27:

...........................................

[شمس بياض]

لا ياموووووووووله ياغاليه
ان لم يحاسب فسوف ياتى من بعده مايفعل مثله ويقول
طيب اللى قبلى الشعب سامحه
وانا الشعب هايسامحنى
احنا مش مغفلين
لا يرضيك ناخد على قفاناونسكت
دا رسولنا قال من قتل دون ماله فهو شهيد

دون ماله وهو سمح بسرقه مال الشعب كلاته

-----------------
جزاكم الله خيرا اخوى شريف على تشبيهك الذى ادعو الله عز وجل ان يكون لدى ربعه فعلا

[امل لاشين]

بسم الله الرحمن الرحيم

جزاكم الله خيرااخوى على هذا الموضوع
واسمح لى اقول وجهه نظرى


طبعا ولا بد ان يحاكم محاكمه عادله

ويارب تكون عادله فعلا

ونطبق كلام الرسول صلى الله عليه وسلم
وانا لست مع محاكمته هو فقط ولكن مع محاكمة ولديه وزوجته

فى تطبيق قول الرسول صلى الله عليه وسلم
-------------
هانقول نحاسب نفسينا الاول

مثلما قالت الاخت امل

ارد عليها بما ياتى
سيدنا عمر ابن الخطاب جاء له خراج اليمن م مجوهرات وكنوز ليس لها مثيل
مع عدة جنود من اليمن فبكى وقال
هؤلاء مجرد جنود فى صحراء
كان يمكنهم ان ياخذوا منها دون ان يراهم احد
فرد عليه احد الحاضرين قائلا
عففت فعفوا
ولو رتعت لرتعوا
-------
واخدة بالك يامل من العبارة السابقه؟؟؟؟؟؟

وتكو ن محاكمه حتى ياخذ الكبير والصغيرالعبره والعظه
الرسول صلى الله عليه وسلم
اقام الحد علانيه على من سرق وزنى

وانا لست مع من يقول ارموا عزيز قوم زل وذل
وهو واذنابه لم يرحموا الامهات اثناء قتل ابناءهن
او الفقر لمدقع لليتامى والفقراء
انت لم ترى يا امل العشوائيات والناس التى تعيش فى القبور وهو يعيش فى القصور
العدل لابد ان ياخذ مجراه
ولو العدل والقصاص يطبق ليحكم عليه هو واسرته
بالعيش فى احدى غرف العشوائيات
حتى فى لقرى الفقيرة يعيش اناس غرباءفى منزل واحد واستخدام حمام واحد لعدة اسر
تصورى ماذا يحدث بقى عند اختلاط الحابل بالنابل؟؟؟؟؟؟؟؟؟؟؟؟؟؟؟؟







ياشمس مبارك مش سيدنا عمر

ولا الشعب المصري هو نفس الشعب اللي حكمه سيدنا عمر

مبارك مش غلطان لوحده ..الشعب كمان غلطان ..

انه كان بيشوف الخطا ويسكت

يتحمل ضيق العيش ويستمر في حياته دون تغير ..

لغايه لما خلاص انفجر وحصل تغير ونطق الشعب ..

واتغير النظام ومشي مبارك ...

يعيش الشعب ويفرح بتغيره ويحسن وضعه

ولا يرجع للخلف ويبحث كيف ينتقم من مبارك

لا محكامه مبارك هتلغي العشوائيات ولا هتشيل اثر جرح او ذل حدث في الماضي ..

ياريت نعرف نترك من جرحنا للخالق عز وجل

هو القادر علي رد الحقوق

[امل لاشين]

لا ياموووووووووله ياغاليه
ان لم يحاسب فسوف ياتى من بعده مايفعل مثله ويقول
طيب اللى قبلى الشعب سامحه
وانا الشعب هايسامحنى
احنا مش مغفلين
لا يرضيك ناخد على قفاناونسكت
[COLOR=blue]COLOR]


مش معاكي ياشمس في كده

من يحضر مكانه سوف يكون بااختيارنا

لو لا يستطيع ان يفعل ذلك ميدان التحرير موجود ..........ههههههههههه

[شمس بياض]

مثال للتأمل فقط
((( يعنى كل واحد يفكر مع نفسه ويحتفظ بالاجابه لنفسه )))
حدث وان ثار طلاب مدرستك على احد المعلمين
وهو بالفعل اخطأ
هل ستسمح لهؤلاء الطلاب باهانته وسبه
امامك وامام باقى الزملاء ؟؟؟

بس
---------

اختى الغاليه د\ دعاء
ياست البناويت محدش قال اننا نسبه
فالمسلم ليس شتاما ولا لعانا
احنا بنقول نحاكمه
ياغالية
عشان محدش يجرؤبعد كده ويعمل زيه
امال ربنا شرع القصاص ليه
=====ولعلمك بقى اللى بيشتموا دوله هما من زبانيته واتباعهم اللى اتلونوا
وربنا يصلح حال الجميع
------
الله يسامحك ياشريف كل مادخل اكتب موضوع مش عارفه

لازم ارد على مواضيعك نعمل ايه؟؟؟؟
لاحرمنى الله من ابداعكم ياخوى

[شمس بياض]

يا اموله
انا انا كنت عارفه انك هاتردى
وتقولى كده
اقولك ياغاليه
انا احنا لابد وان نقتدى بهؤلاء فى الحكم وقولت بلاش
سيدنا عمر وقولت مهاتير محمد

هو شعب اندونيسيا
احسن من مصر؟؟
وبعدين قلت لك الرجل اللى ر دعلى سيدنا عمر فى المشاركه السابقه
لو سرق الراعى لسرقت الرعيه ولو عف الراعى لعفت الرعيه وبعدين فين الراعى مسئول عن رعيته
انت طيبه قووووى يامووووله وانسانه مسالمه لكن لابد ان تكونى مخربشه ههههههههه
مخربشه ايه مخربشه دهيت قصدى
شوفى الدنياعلى حقيقتها دا الشعب كان مكمما
وكل من ينطق بشئ حق عينك ماتشوف الا النور
الامن رحم ربىالشعب مظلوم اولا واخرا

[امل لاشين]

طبعا يا امل ربنا هيحاسبه اكيد علي كل مثقال ذرة
لكن ربنا برضه عز و جل عمل احكام شرعية لازم تتنفذ و تتطبق في الدنيا
و الا هنعيش في غابة بقا
و ينضحك علينا بقا و حقوقنا تضيع
و كل واحد يسرقنا نقول ... نسيبه للاخرة و ليوم القيامة !

طب هقولك مثال بسيط

واحد دخل بيتك و سرق الكمبيوتر و هرب

هتقولي اسيبه للاخرة و لا هتروحي تعملي محضر ؟؟؟؟؟؟؟ :14:



هههههههههههههه ..مش هدخل البيت تاني ....:18:

[شمس بياض]

المحاكمه فى ان يرجع حقوق الشعب المنهوبه والفلوس ياستى
وبعدين العشوائيات تتغير
ان شاء الله لو صدقت
بلاش لو خليها اذا صدقت النوايا فى التغيير والاصلاح
قولى لى كان من مصلحه مين

عدم تكمله مشروع توشكا وشرق العوينات
لو طبق المشروع كنا نهينا عن العشوائيات
وربك يسهلها والامل فى الله كبير ثم فى الشباب اللى زيكم
كل واحد يعمل اللى عليه وربنا يصلح الحال جميعا

[امل لاشين]

خلااااااااااااااص ياجماعه

خلاص يا شريف وخلاص يا شمس

الموضوع استفتاء

انا راي عدم محكامته

وانتم رايكم يتحاكم

اوك مفيش مشاكل

انا مقتنعه براي وفاهمه والله وجهه نظركم

ومعنديش اعتراض عليها ..لكن مش بايدها

بس كده ..

لكن حقيقي حسيت انكم عاوزين مش تعرفوني وجهه نظركم

انتم عايزين اغير راي واوافق علي رايكم ..

وهذا ليس ديمقراطيه يا شعب 25 يناير .....ههههههههه:patch_no:

[شريف]

ههههههههههههههه

راجعي نفسك يا امل

غيري موقفك بسرعة قبل ما تطلعي م الموضوع

دي فيها رقاب

ههههههههههههههه

[محمد بن عباس]

You can see links before reply

[مسيو وليد عسكر]

ولكم في القصاص حياة يا أولي الألباب
صدق الله العظيم
بسم الله الرحمن الرحيم الاجابة محاكمة عادلة

[عادل أبوجليل]

إن ثورة 25 يناير إن لم تحاكم مبارك وأسرته فهى ثورة لم تحقق أهم أغراضها
هذا هو رأيي بالضبط
بارك الله فيك

[المهندس هشام كمال الدين]

محاكمة الريس بدون إهانه
أنا أسف ضحكت كتير لما قرأت هذه الجمله على لسان د/ دعاء
فتخيلت النائب العام عندالمحاكمة وهو يلقي بيان التهم الموجه
لحسني مبارك وكذا القاضي حين النطق بالحكم
النائب العام:أحنا أسفين ياريس علي فعلت العيال في ميدان التحرير وكمان اسفين علي جرأتنا في محاسبه سيادتك ونعتذر
عن توقف سيادتكم عن السرقه ودعني من فضلك القي بيان الاتهام
بس ياريت مش تزعل نفسك ................
القاضي:بعد الاستماع لمرافعة النيابه حكمت المحكمه بشد أذن
سيادة الريس وتحذيره لما ييجي يسرق محدش يشوفه
بصراحه مش عارف يعني إيه
محاكمه لص دون إهانه
!!!!!!!!!!!!

[أشرف السيد]

يحاكم ويحاكم ويحاكم

بلا رمز بلا بتاع

وبعدين هو اصلا في تبوك
كيف المحاكمة

[ياسر الدقاق]

لابد من محاكمته محاكمة عادلة
وياريت تكون مذاعة علي الهواء مباشرة
لأنهه كان راعي علي الأمة وخان الأمانة
فلابد من محاكمته وكل من نهب أموال الغلابة من الشعب المصري
ويجب إسترداد جميع الأموال المنهوبة في الخارج
ورد جميع الأراضي التي وزعوها محاباة وترضيه فيما بينهم
فهذا هو القصاص العادل
فهل حسني مبارك لي إنسان حتي يحاكم ويعاقب

[شريف]

شكرا المنشاوية و استاذ عادل و استاذ محمد عباس و باشمهندس هشام و اشرف و استاذ ياسر
علي الايجابية و المشاركة
و بنتيجة التصويت حتي الان ... فالاغلبية الساحقة مؤيدة لمحاكمة السيد الرئيس السابق مبارك
و ننتظر مزيد من المشاركات

[جمال سراج]

باختصار
يحاكم محاكمة عادلة جدا باعتبار أن المتهم برىء حتى تثبت إدانته
ونقصد بمحاكمة عادلة أن نتجنب الغل والحماقة والكيد والمكيدة
بكل تأكيد سيدان مبارك وآل مبارك على ما اقترفوه فى حق شعب مصر -- بس زى اللى فاتوا كلهم كله له عيوب وله مميزات ولو كانوا اتحاكموا كانوا هيدانوا هما كمان بالمناسبة ... حكمة ربنا
أصل فيه مثل ولا مآخذة بيقول تقريبا : إن وقعت الجاموسة كترت سكاكينها !!!!!!!!!!
أما عن كون مبارك رمز فهو رمز طبعا ودا مش بمزاجنا
للأسف الناس مش قادرة تفرق بين كلمة رمز وكلمة قدوة
الناس بتعتبر الرمز هو القدوة
لا طبعا
الرمز معناه من وجهة نظرى إنه أخذ مساحة كبيرة جدا وشارك كثيرا فى صنع تاريخ لمصر حتى لو كان هذا التاريخ ليس مشرفا من وجهة نظر الكثير
مش هندخل فى جدال أو نقاش عفوا يعنى ---- دى مجرد وجهة نظرى
شكرا لكم
خالص ودى

[حبيبه المصريه]

صدق نبينا الكريم صلى الله عليه وسلم حين قال :

«إنما أهلك الذين قبلكم، أنهم كانوا إذا سرق فيهم الشريف تركوه، وإذا سرق فيهم الضعيف أقاموا عليه الحد»
[رواه البخاري].



ربما أستطيع أن أسامح فى حقى
أو أترك حكمه لله
لكنى لا أستطيع أن أتحكم فى حق
85مليون
ما دام هناك ثواب وعقاب
وجنه ونار
وموت وبعث وحساب
وعليه تم التصويت على نعم يحاكم
هو وكل مسئول فرط بحق مصر
وحق كل مصرى
لعل محاكمته فى الدنيا تخفف عنه
حال وقوفه يوم العرض
مسئولا عن 85 مليون
ليسأل عن فرد فرد فيها