دعوة هامة لكل مدرسين مصر

[elseidy2002]

دعوة هامة لكل مدرسين مصر



دعوة لعمل اضراب بجميع المدارس لمدة يوم كل اسبوع علشان ناخد حقوقنا وصوتنا يوصل بداء بيوم كل اسبوع لمدة شهر ثم يومين كل اسبوع وهكذا حتى يتم تنفيذ مطالبنا وهي رفع مستوى المعلم المادي علشان يعرف يعلم ولدنا كويس وكمان نبطل الدروس الخصوصي ونرفع العبئ على الاسر المصرية احنا من اهم الوظائف في مصر


You can see links before reply!/home.php?sk=group_190299521003921&ap=1

[شمس بياض]

طبعا انا مش معاك ابدا فى هذه الدعوة

هو دا وقت مطالب ياخوى

ياريت قبل ما تطلب فكر وكلنا نفكر احنا اعطينا قد ما اخدنا ؟؟؟؟؟؟؟؟؟؟؟؟؟؟؟؟؟؟

ان شاء الله ناخد حقوقنا دون اعتصامات تنقص من العمل مش كفايه اجازة ؟؟؟
انا لست مثاليه لكن دى وجهه نظر
ليه متعملش مطالب جماعيه على صفحة الفيس بوك وتعرضها للمسئولين اظن ان المسؤلين هايشفوها
او عن طريق النقابه
هى اكيد مطالب مشروعه لكن مش بالاعتصام الفئوى
ولا ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حقيقى راودتنى هذه وسالت نفسى ليه المعلمين م ش عملوا اعتصام ؟؟؟
ووجدت الرد
اطلبوا الدنيا بعزة الانفس مش ركوب الموجه واظن معظم الناس لو سالوا نفسيهم هما اعطوا قد ما يطلبوا ؟؟؟؟؟؟؟؟؟؟

[m_sh]

بجد والله أنا حزنت جدا لما قريت الموضوع ده
يعني بدل من التضامن للنهوض بالعملية التعليمية نقول اعتصامات .

كان من المفروض الدعوة دي تكون لإيجاد أفكار جادة وتفعيلها في العملية التعليمية

وبعدين لو كل واحد حاسب نفسه التعليم هيبقى أحسن

مش لازم أبدا تاخد مرتب كبير علشان تشرح كويس وإلا معلش سامحني اللي عاوز فلوس فقط يبقى التدريس مش مكانه

المفروض يا جماعة نتحمل كلنا علشان خاطر البلد ولا نبخل عليها ولا على أهالينا بأي مساعدة

وده ما يمنعش بعد كده نطالب بحقوقنا لكن بطريقة هادئة ومنظمة

مش كدة ولا إيه ؟

وفق الله مصرنا الحبيبة

[شوكت العباسي]

نحن مع هذه الفكره لان مطالب المعلم مطالب جزريه ماديه واجتماعيه وايضا سياسيه ولن تاتي هذه المطالب اطلاقا بتركها للمسئولين بالتفكير فيها ثم تقريرها ثم اعتمادها بعد سنوات وسنوات وانا كنت الوم كل من يقومون بالتظاهرات الفئويه فى هذه الظروف لكن من قامو بهذا يااخوان انهم فئات المبسوطه فى المجتمع من موظفى الشركات والبنوك والبريد فهل المعلم يحصل على ماده اوكرامة ربع هؤلاء وهو يتقلد اسمى وظيفه لابد ان نطالب بحقوقنا والمزيد ونكون افضل وافضل ومدير المدرسه ليه مايكون افضل من مدير بنك والمعلم ليه مايكون زي نظيره في البنوك وقناة السويس ووووووو الخ ليه نقول حد ادنى 1200 ليه مانقول 3000جنيه ليه الكافئه ماتكون 500يوم ليه مانتسواش باساتذة الجامعه ليه مانكون نضاف ومظهرنا كويس قدام الطلبه ولينا شخصيه بعد اهانتنا وبالتالي احنا اللي نحارب الفساد والدروس الخصوصيه

[عزة المصرى78]

معك أستاذى أن هناك حقوق مهدرة كثيرة للمعلم وإهمال فى جوانب كثيرة منه وقوانين تعسفية ظالمة وضعت وفساد أكثر للضمائر متفشى فى مدارسنا
ولكن ليست هذه الطريقة المجدية أن نعطل سير العملية التعليمية لأولادنا ونتسبب فى ضياع عام دراسى على أبنائنا وفصل دراسى يحسب عليهم دون أن يستفيدوا منه بشىء ألا يكفيهم التوتر الذى يحدث من حولهم ويسبب لهم الفزع والقلق

مما لا شك فيه بما إننا نبحث ونسعى لحكومة نزيهة شريفة وطنية ترعى شئون وطننا سوف نحصل على حقوقنا وإن ما نعانيه من آثار النظام السابق سوف يزول ونرى تطورا ملحوظا للتعليم والقائمين عليه من مسئولين واداريين ومعلمين وطلبة ومنشآت تعليمية باذن الله

أستاذى علينا أن نجعل هدفنا الأول لعملنا صالح الوطن وصالح أبنائنا ثم صالحنا المعلمين فلو قدر عملنا بالمال ما قدر حق قدره فقدرنا يرتفع بعملنا وما نزرعه فى نفوس وعقول أبنائنا وأجرنا أن ننال رضا الله ونرى نظرة الاحترام والتقدير فى عين طلابنا ونفخر بجيل صالح أعددناه لوطننا

جزاك الله خيرا أستاذى وحقق أمنياتنا وآمالنا ووقانا ضلال الطريق ووصل بنا وبأمتنا إلى بر الأمان

[أشرف السيد]

ليس هذا وقت الاعتصامات او الاضرابات بالمرة

[أشرف السيد]

ليس هذا وقت الاضراب او الاعتصام

[أشرف السيد]

ليس هذا وقت الاضراب او الاعتصام بالمرة

[hona]

الان ليس وقت الاعتصامات يا اخى الفاضل