اللي اتعين يدخل يكتب اسمه ومحافظته هنا [الأرشيف] - المنتديات التعليمية

مشاهدة النسخة كاملة : اللي اتعين يدخل يكتب اسمه ومحافظته هنا

اسماعيل

22-02-2011, 02:54 PM

اولاً الف مبروك للي تعينوا ونأمل من اللي نزل اسمه في كشوف التعين يكتب لنا وهو تابع لاي محافظة ليطمئن الجميع ويكتب لنا الاجراءات لو طلبوا منه اي شئ

Miss Sara

22-02-2011, 03:04 PM

محدش رد .. عارف ليه... الاجابة واضحة

Mr:M.Kamal

22-02-2011, 04:17 PM

كلامك منطقى ومفيد لقطع الشك باليقين بدلا من كلام الاشاعات
علشان كدة انا هثبتلك الموضوع لعل وعسى يكون حد اتعين وشاف اسمة

اللاجئة الى الله

22-02-2011, 04:47 PM

طيب انا هرد
انا من بلقاس دقهليه .اسماء المثبين جت الادارة وشوفتها بعينى
وطلبو مننا فى الاداره طلبات كمسوغات تعيين وكمان طلبو اصول اول عقود 2005 - 2006 - 2007 عشان يضموا السنين دى لمده الخدمه
وطلبوا استمارات ودمغة واقرار ذمة ماليه

اللاجئة الى الله

22-02-2011, 04:54 PM

انا هرد واقول
انا من بلقاس دقهلية
تم اعلان اسماء من استوفوا الشروط عندنا فى الادارة التعليميه وكمان طلبو حاجات كمسوغات للتعيين منها استمارات ودمغه واقرار ذمة مالية وكمان طلبو اصول العقود القديمه قبل 2007 عشان يضموا المده لينا
ربنا يوفق الجميع

Mr:M.Kamal

22-02-2011, 05:02 PM

طيب ما اصول العقود دى موجودة عندهم فى الادارة وكذللك اقرارات الذمة المالية

اسماء عادل

22-02-2011, 05:08 PM

انا من الاسماعليلة
رحت الادارة النهاردة
كل اللى بالعقد اسمهم فى كشوف
وكل اللى طلبوه مراحعة البيانات زى تاريخ المؤهل وكمان الرقم القومى وكام سنه شغل وبس
واخرلخبطه كل الناس اللى بالعقد اسمائهم موجوده اللى امتحن الكادر واللى لسه واللى عقده جديد على القديم
كتبين اسم كل مدرسه وتحته اسامى كل اللى بالعقد فى المدرسه
يا رب سترك

زهره المدائن

22-02-2011, 06:37 PM

بسم الله الرحمن الرحيم
انا من محافظة دمياط
الاسماء نزلت النهاردة المديرية
لكن مش كل المتعاقدين
وفتحت صفحتي الخاصة علي موقع الاكاديمية
وجدت تهنئة بقرار التثبيت
وسالنا في الاكاديمية عن الاسماء اللي مش موجودة
رد علينا ده بسبب شهادة "ICDL"
حسب تاريخ صدورها

اسماعيل

22-02-2011, 07:35 PM

اشكر الاستاذ محمد لتثبيت الموضوع
وطالما فيها اقرار ذمة مالية يبقى وصلنا الى ما نسعى اليه وهو التثبيت والف مبروك

Mr:M.Kamal

22-02-2011, 11:20 PM

شكرا على المجهود الرائع ونتمنى التوفيق للجميع

كريمة على

23-02-2011, 10:00 AM

دينا احمد

23-02-2011, 12:49 PM

:27:انا من المنوفية ورحت الادارة التعليمية وشفت الكشف اللى فيه الاسماء واسمى كان فيه

دينا احمد

23-02-2011, 12:51 PM

:27:انا من المنوفية والكشوفات وصلت الادارات واسمى فيها الحمد لله عقبالكم

اسماعيل

23-02-2011, 01:16 PM

السلام عليكم انا من محافظة الفيوم شفت اسمى ف كشوف بالمديريه بس فيه موظف قال لابد من مرور 3 سنوات انا متعاقده 1/10/2008 واجتزت الكادر وكمان icdl بعدين رحت الاكاديميه قالوا ان ده تعيين لكل من استوفى الشروط هل لابد من مرور 3 سنين :27:

طبع كلام مش صحيح اللي بيقول 3 سنوات لان احنا في التربية والتعليم لينا قانون مختلف عن الاخرين وهو قانون الكادر وقرار الوزارة رقم 53 بتاريخ 14/2 بينص على التعين لمن استوفى الشروط والف مبروك التعيين

اسماعيل

23-02-2011, 01:21 PM

:27:انا من المنوفية ورحت الادارة التعليمية وشفت الكشف اللى فيه الاسماء واسمى كان فيه

الف مبروووووووووووووك يا استاذة دينا

mr.hisham

23-02-2011, 01:40 PM

مبروك أستاذة دينا

دينا احمد

23-02-2011, 02:19 PM

:27: الله يبارك فيكم وعقبالكم

سامح غريب

23-02-2011, 06:47 PM

أنا اسمى سامح غريب من طنطا رحت المديرية و لقيت اسمى فى الكشوف الحمد لله

mooaa

23-02-2011, 08:39 PM

انا من دمياط ومتعاقدة من 2004 يعني بقالي 7 سنين ومفيش ولا حس ولا خبر ونزل التثبيت للي امتحنوا كادر واحنا مرضوش يمتحنونا اصلا كادر نعمل ايه في حد من محافظات تانية زيينا ارجوكوا ردوا عليا

Mr:M.Kamal

24-02-2011, 12:09 AM

100000000000000مليون مبروووووووووك لكل اللى اتعينوا

سلامة الصعب

24-02-2011, 01:49 AM

الدقهلية مفيش حس ولا خبر

saber samy

24-02-2011, 01:48 PM

وكذلك محافظة الدكتور فتحى سعد
6 أكتوبر لا حس ولاخبر ولا حد فاكرنا اصلا

alboss

24-02-2011, 04:11 PM

للاسف الشديد محدش عارف مين الصادق ومن الكذاب انا متعاقد من 4 سنوات وتربوى ونجحت فى الكادر وسلمت افاده من مركز الهرم للرخصه الدوليه وهو مركز تابع للوزاره بتاريخ 19/2/2010 بانى اجتزت جميع الموديولات ثم ارسلت الشهاده الاصليه للرخصه فى 15/7\2010 ورغم كل ده اسمى منزلش انا من العياط من 6 اكتوبر وعجبى من الكلام بتاعكم :7: وعلى فكره انا شغال مدرب للرخصه وفيه ناس انا دربتهم ونجحوا وبعتوا افادات من اربع شهور س واسمائهم موجوده يعنى الاسماء شكلها بالبركه:39:

bbbssss

25-02-2011, 10:16 AM

ياجماعة مش لاقى حد اطالبه بحق

انا وزملائى استوفينا الشروط واخدنا الرخصه الدوليه وقدمتها 14/11/2010 قبل صدور القرار باكثر ب 3 شهور وامتحنت كادر بنجاح 20 فبرابر 2009 وانا خريج تربيه وتعاقد 1/7/2008
واسمى مانزلش مع المتعينيين بحجة ان الاكاديميه بتثبت على مراحل اخدت اللى قدموا شهادة الرخصه الدوليه حتى تاريخ 13/8/2010 من المرحلة الاولى حتى السادسة وانا اسمى طلع المرحلة العاشرة رغم انى مقدم قبل صدور القرار ب3 شهور مشاعرنا ايه قدام زملاءنا اللى اصغر مننا واحدث مننا واتعينوا قبل مننا حراممممممممممممممممممم عليهم

Mr:M.Kamal

25-02-2011, 10:31 AM

سيف رسول الله

25-02-2011, 05:26 PM

بيان تغيير الظلم

تاريخ الظلم:

لقد قال أحد الزملاء كلمة أعتقد أنها وافية لسرد ماحدث لنا :
لقد تعرض المعلمون المساعدون لكل أنواع الاهانة التي يمكن أن يتخيلها بشر ، فالكثير منهم اضطر للاستدانة و البعض الآخر باع شبكة عروسه ، و ذلك كله بهدف تغطية نفقات الحصول علي الدبلومة التربوية اللازمة للتعيين ، و بعدها تم اختراع موضوع شهادة Icdl ، ليس لهدف سوي تعطيل تنفيذ القانون ، و لقد انصعنا للامر الواقع و قلنا " آمين ".
و بعد أن كان المطلوب هو النجاح في أربعة موديولات فقط " أربعة امتحانات " ، عندها اكتشف السادة المسؤلون الجهابذة أن مخططهم لم يكبح جماح شباب المعلمين ، فذادوا الموديولات " الاختبارات " الي سبعة كاملة .
و لكن هيهات لهم أن يوقفوا النهر عن الجريان ، لقد اجتاز الآلاف من شباب المعلمين الاختبارات ليحققوا رقما قياسيا لم تحققه أي وزارة أخري .
و جاءت النهاية ، و نضبت الحيل ، فأخذ السيد الوزير الأسبق / احمد ذكي بدر .. يستخدم حيلة التسويف و التأجيل مرة بحجة أن الأوراق و المستندات تتم مراجعتها ، و مرة بحجة أن هناك بعض " القلة المندسة " التي قامت بتزوير أوراقها ، و مرة ......... تجر مرة ......
الي أن قامت الثورة
و استيقظت مصر
و فر الجبناء الفاسدون
و هبت رياح التغيير
و أخيرا هلت قرارت التعيين
و لكن .. و يالها من كلمة تقتل كل أمل و حلم
بدأت اللعبة من جديد
تم الاعلان عن أن رسائل التهنئة سوف ترسل لكل من استوفي أوراقه
و جاءت الرسائل بالفعل و لكن لبضع مئات
و الأغلبية الساحقة لم تجد شيئا
و تم ارسال أسماء من ستم تعيينهم الي الادارات التعليمية
و لكن ....
أين بقية الأسماء ، و هم قد استوفوا كل أوراقهم ، لدرجة أنني كنت عندما أشتري جريدة " جرنال " كنت أختمها بختم النسر و أحتفظ بها لعل جهابذة الأكاديمية يطالبونني بصورة منها شرط تكون "طبق الأصل"
لقد اكتشفنا أننا قد وقعنا ضحية موظف / ة مستهتر / ة
و لكن ما ذنبنا نحن !!!
انني أحذر من انفجار وشيك ، و ثورة ربما لن تكون سلمية تماما
اللهم و قد بلغت
اللهم فاشهد

مطالب تغيير الظلم كالآتي:
1-تثبيت جميع المعلمين المساعدين الذين استوفوا شروط التعيين فورا أسوة بزملائهم، وعدم الانتظار والتسويف الذي اعتدنا عليه من الحكومة
2-إلغاء شرط ال ICDL
3-التثبيت الفوري لكل من أمضى 3 سنوات بناءا على قرار رئيس الوزراء حيث أننا لسنا أبناء البطة السوداء ، تم تثبيت جميع المؤقتين الا المعلمين !!! هل لأننا أبناء البطة السوداء أم لأن قدرنا أن نكون معلمين في هذه البلد؟!

سوف يتم التجمع على حسب المحافظة والارسال عبر الايميل او التليفون ما سوف يتم فعله

عزيري المعلم السامي والعظيم كن ايجابيا وشارك في بيان تغيير الظلم :ياريت الكل يدخل ويشارك

You can see links before reply

دعاي

26-02-2011, 04:03 PM

اسكندريه نايمه ننه هوووووووووووووووووو

Mr:M.Kamal

26-02-2011, 04:32 PM

اسكندريه نايمه ننه هوووووووووووووووووو

دى البلد كلها نايمه مش اسكندرية بس

somabasem

26-02-2011, 10:16 PM

انا من سوهاج واسمى نزل اشكرك يارب

mr.hisham

26-02-2011, 11:11 PM

انا من سوهاج واسمى نزل اشكرك يارب

مبرووووووووووووووك

english

26-02-2011, 11:37 PM

انا من سوهاج واسمى نزل اشكرك يارب

انتة حضرتك ادارة اية

Mr:M.Kamal

27-02-2011, 12:29 AM

ان شاء الله خير يا جماعه

english

27-02-2011, 12:34 PM

الحمد للة انا من سوهاج ووجدت اسمى فى الكشوف

mr.hisham

27-02-2011, 01:04 PM

الحمد لله وجدت إسمى فى الكشوف فى إدارة أسيوط التعليمية

bebo_aref

27-02-2011, 01:40 PM

انا محافظه اسيوط والحمد لله رب العالمين لقيت اسمى ف الكشوف بس يا فرحه ما تمت الموظفه بتاعت التعينات الله لا يسامحها قالت ايوه الكشوفات جت بس دى مش اكيد انكم اتعينتو رحت لمدير شئون عاملين قلت له دا قرار اسمه 53 لسنه 2011 قالى روحى اقرى القرار وبعد كده تعالى نقشينا مفهوش اى حاجه تدل انكم تتسكنو على درجه ماليه ثالثه وعلى العموم هنبعت نسأل فى المديريه وبالتالى المديريه تبعت تسأل الوزاره ودوخينى يا لمونه

افيدوووووووووووووووووووونى؟؟؟؟

Mr:M.Kamal

27-02-2011, 02:07 PM

الحمدلله كشوف اسماء اسيوط نزلت بالفعل ووجدت اسمى
الحمدلله حمدا كثيرا طيبا مباركا فيه كما ينبغى لجلال وعظيم وجهك يا اكرم الاكرمين يارب

bebo_aref

27-02-2011, 03:42 PM

يا جماعه محدش رد عليا هو احنا فعلا كده اتثبتا على درجه ماليه ولا ايه طمنونى؟؟؟؟؟؟؟؟؟؟؟؟؟؟؟

Mr:M.Kamal

27-02-2011, 03:56 PM

يا جماعه محدش رد عليا هو احنا فعلا كده اتثبتا على درجه ماليه ولا ايه طمنونى؟؟؟؟؟؟؟؟؟؟؟؟؟؟؟

محدش دلوقتى يقدر يرد عليكى بس محدش ينكر ان دى خطوة ايجابية بنسبة كبيرة

bebo_aref

27-02-2011, 05:09 PM

يا مسهل بس عايزين تثبيييييييييييييييييييييييييييييييييت مش لسه هنستنى تانى

*امل*

27-02-2011, 07:18 PM

الحمد لله وجدت إسمى فى الكشوف فى إدارة أسيوط التعليمية

الف مبروك يا مستر

*امل*

27-02-2011, 07:22 PM

الحمدلله كشوف اسماء اسيوط نزلت بالفعل ووجدت اسمى
الحمدلله حمدا كثيرا طيبا مباركا فيه كما ينبغى لجلال وعظيم وجهك يا اكرم الاكرمين يارب
مبروك يا مستر محمد
بس الاسماء فين فى المديرية نفسها ولا
الادارات

وسام غانم

27-02-2011, 07:59 PM

الحمد لله اسمى موجود فى كشوف الاسماء
اللى هتتعيين ان شاء الله
و قالوا ان شاء الله نروح الاداره الاسبوع الجاى
علشان نخلص الورق اللى المفروض انه يخلص
محافظة الدقهليه

mr.hisham

27-02-2011, 08:14 PM

مبروك يا مستر محمد
بس الاسماء فين فى المديرية نفسها ولا
الادارات

كشوف الأسماء فى الإدارات

أنا شفت إسمى فى إدارة أسيوط التعليمية

معتز الجمل

27-02-2011, 09:46 PM

انا من سوهاج وتم تثبيتى اى واللة رحت الادارة وخلصت كل الاجلراءات وادونى اوراق التثبيت اوديها المدرسة بتاريخ القرار 24/2/2011 ويصرف بدل الاعتماد( الكادر)

المنشاوية

27-02-2011, 10:22 PM

احنا فى محافظة الاقصر لسه الكشوف موصلتش لغاية دلوقتى مش عارفين ليه
مبروك لكل اللى اتعين فى المحافظات الاخرى وعقبال باقي المحافظات

موناليزا

27-02-2011, 10:52 PM

مبرول ياجماعه انا قلت مش هدخل الا لما قرار التعييين ينزل ههههههه

الحمد لله انا اسمي برضو نزل في الكشوف

بس نفسي اعرف هو درجه ولا ايه

mr.hisham

27-02-2011, 11:27 PM

انا من سوهاج وتم تثبيتى اى واللة رحت الادارة وخلصت كل الاجلراءات وادونى اوراق التثبيت اوديها المدرسة بتاريخ القرار 24/2/2011 ويصرف بدل الاعتماد( الكادر)

ألف مبرووووووووووووك

mr.hisham

27-02-2011, 11:38 PM

مبرول ياجماعه انا قلت مش هدخل الا لما قرار التعييين ينزل ههههههه

الحمد لله انا اسمي برضو نزل في الكشوف

بس نفسي اعرف هو درجه ولا ايه

عود أحمد

وألف مبروك على التعيين

وإن شاء الله التعيين على درجة مالية

Mr:M.Kamal

28-02-2011, 12:10 AM

مبروك يا مستر محمد
بس الاسماء فين فى المديرية نفسها ولا
الادارات

الله يبارك فيكى وان شاء الله اسمك نازل معانا والاسماء معلقة فى الادارة

Mr:M.Kamal

28-02-2011, 12:12 AM

احنا فى محافظة الاقصر لسه الكشوف موصلتش لغاية دلوقتى مش عارفين ليه
مبروك لكل اللى اتعين فى المحافظات الاخرى وعقبال باقي المحافظات

ان شاء الله خيييييييييييير
خلى بالك المنيا اتعينوا الاول ثم اسيوط ثم سوهاج وان شاء الله الدور عليكم

Mr:M.Kamal

28-02-2011, 12:17 AM

الف مبروك لكل اللى اتعينوا ونتمنى التثبيت للجميع

sweethoney

28-02-2011, 08:44 AM

اسكندريه لا حياة لمن تنادي

Mr:M.Kamal

28-02-2011, 03:50 PM

ان شاء الله خير يمكن اللى ماخر موضوع اسكندرية هو استقالة المحافظ

غريبه الدنيا

28-02-2011, 09:37 PM

جميع المحافظات تتجمع فى القاهره عند وزاره التلابيه والتعليم لتثبيت للكل

bebo_aref

01-03-2011, 01:50 PM

تثبيت‏63‏ ألف معلم خلال‏48‏ ساعة‏..‏ و‏88‏ ألفا يدخلون امتحان‏25‏ مارسكتب ـ سيد مصطفي‏:‏ You can see links before reply
أعلن الدكتور أحمد جمال الدين موسي وزير التعليم‏,‏ أنه تقرر استكمال إجراءات تثبيت‏63‏ ألف معلم خلال‏48‏ ساعة‏,‏ وذلك عقب إبلاغ المحافظات المختلفة بأسمائهم‏,‏ مشيرا إلي أنه تم تحديد‏25‏ مارس الحالي‏,‏ موعدا لاجراء اختيارات المعلم المساعد لعدد‏88‏ ألف معلم‏,‏
وذلك بشكل استثنائي وعاجل‏,‏ علي أن يعقبه قرار تثبيتهم علي وظيفة معلم بعد استكمال باقي الشروط المطلوبة‏,‏ كما تقرر تأجيل شرط الحصول علي شهادة الرخصة الدولية لقيادة الحاسب الآلي‏iCDL‏ وذلك لمدة عام‏.‏
معنى كده ان خبر تثبيتا هينزل خلال ساعات يا مسهل

ابو هيف

01-03-2011, 08:00 PM

يارب سهلهااااااااااااااااااااااااااااااااااااااا

*امل*

02-03-2011, 12:27 AM

باركولى يا جماعة انا كمان وجدت اسمى فى الكشوف فى الادارة
انا من محافظة اسيوط

اسماعيل

02-03-2011, 07:28 AM

باركولى يا جماعة انا كمان وجدت اسمى فى الكشوف فى الادارة
انا من محافظة اسيوط

الف مبروك ومبروك لكل اللي اتعينوا

mr.hisham

02-03-2011, 08:16 AM

باركولى يا جماعة انا كمان وجدت اسمى فى الكشوف فى الادارة
انا من محافظة اسيوط

You can see links before reply

السنبسي

02-03-2011, 05:33 PM

احنا محافظة قنا تم تسليم المعلمين في مدارسهم بجوبات استلام العمل
ألف مبروك

اسماء عادل

03-03-2011, 04:50 PM

انا يوم الاحد روحت المديرية وهناك لقيت اسمى واستلمت جواب سلمته فى الادارة وفى الادارة مجموعة اجراءات وطلبوا منا اخلاء طرف من وظيفة معلم مساعد واقرار قيام بالعمل على وظيفة معلم يعنى الحمد لله اتثبت اخيرااااااااا وعقبال كل اخاتى وزميلى يا رب وفى زيادة فى المرتب بس لسه فى المديرية فى مفردات مرتب الجديده لسه ما عندهمش تعليمات بيها يعنى المرتب زى ما هو لحد اشعار اخر

السنبسي

04-03-2011, 12:41 AM

انا من محافظة قنا وتم وصول خطابات التعيين للمدرسة النهارده واستلمنا العمل من تاريخ 22/2/2011

معتز الجمل

04-03-2011, 10:16 AM

انامن سوهاج وخلاض اتعينت

شجر الصبار المر

05-03-2011, 06:24 PM

لو سمحتوا ممكن الرد
اللى اتعينن استلم فى مدرسته ولا اتغيرت؟؟؟؟؟؟؟؟؟؟؟؟

شجر الصبار المر

05-03-2011, 06:29 PM

مبروك للاستاذ معتز من سوهاج وياريت تقولنا استلمت فى نفس مدرستك ولا اتنقلت لما اتعينت؟؟؟؟؟؟؟؟؟؟؟؟؟؟؟؟؟؟؟؟؟؟؟

لــؤلــؤة

06-03-2011, 10:57 AM

انا كمان الحمد لله اتعينت

شجر الصبار المر

التعيين بيكون في نفس المدرسة الموجود بيها الآن

مفيش نقل ولا حاجة

لأنك بتعمل اقرار قيام بالعمل من مدرستك إللي انت فيها حاليا

Mr:M.Kamal

06-03-2011, 03:13 PM

You can see links before reply

نهاد فؤاد

10-03-2011, 12:40 AM

الف مليون مبروك للتعيين

bebo_aref

10-03-2011, 05:06 PM

خلاص يا معلم بقيت معلم وعلى درجه ماليه باااااااااااااااااااااااااااااااااااااركولى

اسماعيل

11-03-2011, 04:49 PM

الف مبرووووووووووووووووووووووك

khaledbkh1071972

11-03-2011, 07:24 PM

لا يوجد اخبار عن 6 اكتوبر

ابورقية

18-03-2011, 02:44 PM

لا تعيينات

أبوعمر الرافعي

19-03-2011, 12:49 AM

بسم الله الرحمن الرحيم
السلام عليكم ورحمة الله

أنا إبراهيم عمر من أسيوط استلمت جواب التعيين في وظيفة معلم بعد ما امتحنت كادر واخدت الاي سي دي ال وعقبالكم وكل الناس يا رب

alboss

20-03-2011, 03:06 PM

السلام عليكم
انا محمد احمد عبدالمعطى مدرس بادارة العياط التعليمية 6 اكتوبر
الحمد لله قرارات التعيين صدرت عندنا والاسماء وصلت الادارة واتعلقت
وعلى فكرة الشروط للتعيين هى
1-تربوى 2-النجاح فى الاكاديمية 3- مرور 3 سنوات على التعاقد وعلى فكرة الرخصة الدولية ليست شرط للتعيين والله
واتمنى لكم جميعا التوفيق والتتعيين

bebo_aref

20-03-2011, 04:02 PM

بس على فكره انا فى مدرستى الاصليه حصل اعاده توزيع بالنسبه لمدرسين الانجليزى وكمان جواب استلام العمل مكتوب عليه يسلم العمل بمدرسته لحين التوزيع