هل نرضى ان يبلغنا احدبعيوبنا؟؟؟؟

[رودينا]

" السلام عليكم ورحكة الله وبركاته ""


إن لكل إنسان مهما كان له أخطاء و عيوب , فهو محكوم في هذا بقدر من الله عز وجل أن خلق بشرًا

يعتريه النقص ' كل ابن آدم له خطاء ' .

وطبعاً أنا لا أقصد بالعيوب هنا ,, العيوب الخِلقَية ولكن أقصد

العيوب في التصرفات او الطباع ..

على سبيل المثال : لو كان لك صديق وهذ الصديق به من الصفات

الجميلة الشيء الكثير ولكنه نمّام

أو كذّاب أو كثير الكلام ,, هل ستواجهها ؟؟

واذا كانت هذه الصفات فيك ( مثلاً ) هل سترضى اذا واجهتك بها .

بصراحة هل ستعتبريها هدية ؟؟؟؟!!!!!

أم ستعتبيرها إهانة وتدخل فيما لايعنيني أم وقاحة؟

انتظر .. وفكىر قبل الإجابة قليلاً .

إذا كنت تعتبر المصارحة بالعيوب هدية كما قال عنها سيدنا عمر بن الخطاب رضي الله عنه : ( رحم

الله امرأ اهدى إلي عيوبي ) . فما هو لون الغلاف أو شكل الغلاف ( أقصد هنا الأسلوب ) الذي تحب أن

تغلّف به هديتك ؟


هل تعرف عيوبك بشكل واضح وجلي ؟ وأيهما أكثر وضوحا بالنسبة لك . عيوبك أو صفاتك الحسنة؟

بصراحة :

هل أنت مع هذه المقولة .. هل ترض أن يصارحك احد بعيوبك ؟


و أنــــــا أتمنى من الي يقرأ الموضوع إنه يقول هو مع هذه المقوله
و لا لأ....


تحيــــــــــاتي لكم

ارجو المشاركة فى الردود بما اننا بيت واحد

رودينا بقلمى؟

[MohammeD el_SadaT]

بجد فى بدايه ردى أحب أحيكى على موضوعك الجميل ده

عارفه يا رودينا
مفيش حد فى الدنيا دى مش بيحب يعرف عيوبه عارفه ليه
لأن العيوب نقاط ضعف ممكن يتمسك منها فكل شخص بيحب يكون خالى من نقاط الضعف
لكن المشكله فى تقديم النصيحه
أحياناً بتبقى النصيحه جايه فى صوره فضيحه مش نصيحه

وفيه ناس مش بتنصح للنصح لكن بتتكلم لكشف العيوب وتشويه الصوره
يعنى ماشيه بمنكاش بتقلب فى مصايب الناس وعيوبها
" عيوبى لا أراها وعيوب الناس بجرى وراها "

موضوع جميل جداااً تسلم إيدك

[رودينا]

فعلا يامحمد انا بشرك ع الاضافة وردك المفيد
انت اتكلمت فلى نقطتين الاولى انها نقاط ضعف ساعات الناس بتستغلها
للاوحش وان يمسكوها عليك زله فعلا
والحاجة الاهم بقى اللى لفتنا ليها
ان ممكن حد يشوف عيوب غيره بس عيوب نفسه لا
شكرا ليك يامحمد

[شريف]

عايز اشكرك
و مش عايز اشكرك
عايز أحييكي
و عايز ألومك


اشكرك علي نوعية الموضوع و فكرته
و مش هشكرك
لانه منقول
أحييكي علي الاختيار الجيد للموضوعات
و ألومك
علي عدم الكتابة بأسلوبك الشخصي
النقل مش عيب أبدا
عارف والله
النقل مفيد جدا في بعض الحالات
برضه عارف والله
لكن مش عايزين ننقل الموضوع بالنص علي الاقل
و اذا كنا مضطرين للنقل
و لا مفر
فلابد علي الاقل نكتب الفكرة لكن بأسلوبنا
مش بتكلم علي موضوعك ده بالذات طبعا
انا بتكلم عموما


اختيارك جيد جدا للموضوعات
نشاطك ملحوظ و فوق العادة منذ اشتراكك


روحك ماشاء الله حلوة و عندك ذكاء اجتماعي
لكن عايزين ((( الحلو يكمل )))
عايزين نثبت خطأ المقولة التي تقول
((( الحلو ما يكملش )))


عايزين موضوعات بقلم رودينا
باسلوبها الخاص
و كلامي ببعته نصيحة من القلب الي الجميع و ليس لرودينا فقط
عايزين حتي في النقل ....ننقل بابداع
ننقل باسلوبنا الخاص المتفرد


موضوع بقلمك الخاص يا رودينا و باسلوبك حتي و ان كان بسيطا
أفضل مليون مرة و أقيم من النقل


الموضوع طبعا جميل جدا والله و محتاجين نتكلم فيه كتير
عشان كده ليا رد تاني ان شاء الله
عشان انا خرجت بره الموضوع تماما
اسف جدا

[رودينا]

اولا يااستاذ شريف لو منقول يبقى انا اللى كتبته فى
منتدى تانى لانى مشتركة فى منتديات كتييييييييييييييير جدا
والحمدلله ومش هسمح لحضرتك انك تكدبنى او تقول انه منقول والمفروض
قبل ماتكتب حاجة زى دى تسالنى الاول
عموما شكرا ليك ولاتهامك ليا بس دة فعلا اسلوبى
والموضوع دة بتاعى ومش بتاع حدتانى ممن يكون حدنقله منى
فى منتدى تانى او انا كتبته فى منتدى تانى

اقسم بالله ان ده موضوعى واسلوبى

[شريف]

ااااااه
رودينا زعلت
و انا مش قصدي ازعلها خالص
يا رودينا
أولا : ((( مش هسمح لحضرتك تكدبني )))
دي جملة كبيرة اوي ييا رودينا علي النصيحة اللي انا قولتها
و بعدين مين قال اني كدبتك؟
هوا انتي قلتي ده موضوعك وانا كدبتك ولا حاجة لا سمح الله؟
كل الحكاية اني شوفته في منتديات كتيرة جدا
و موضوعات تانية كمان
و من حرصي علي منتدانا
كان نفسي نبقا متفردين في كل حاجة
فحبييت اقول الكلمات ديي لرودينا
علي اعتبار انها هتفهمني و تستوعب قصدي
انما انا ماكدبتكيش خالص
و بعدين والله يا رودينا الموضوع رائع و عجبني جدا
و ده اللي انا قلته فوق و ياريت ترجعي لكلامي تاني
بالعكس
انا سعيد جدا بموضوعاتك
سعيد جدا بدخولك واشتراكك في المنتدي والله
لان الاعضاء النشيطة مستحيل يتعوضوا او حد يفرط فيهم أو يزعلهم
كلمتك فوق في ردي من منطلق انك اخت ليا
في المنتدي
و بلفت انتباهك مش اكتر
لكن مستحيل طبعا اكدبك ابدا
وانتي لسه قايلة حالا ان ده موضوعك انتي و اتنقل في المنتديات
تصدقي بالله
لما قولتي كده
انا كنت سعيد جدا جدا
ان الموضوع باسلوبك انتي
وانتي اللي كتبتيه
برغم حزني انك فهمتيني غلط
عموما ما تزعليش لو كان اسلوبي ضايقك
لو لسه زعلانة
قولي
ساعتها مش هرحم نفسي
هنط من بلكونة المنتدي علي طول

[رودينا]

خلاص يااستاذ شريف محصلش اى حاجة
بس تبقى حاجة رخمة اوى لما انا اللى اكتبه
وياخدوه ينقلوه والاخر يتقال عليا انا اللى نقلاه
هههههههههههههه ضحكتنى بجد
ولالالالا اناعمرى مابزعل من اى حد خالص
انا طيبة ومش بشيل من حد وخلاص مش زعلانة
وبلاش موضوع النط دة عشان برضه حضرتك
عضو نشيط والمنتدى مش هيكمل غير بالعضو
دوت وباقى اعضاؤه يارب نفضل اعضاء مجتهدين ع طول

[Blanche Neige]

" السلام عليكم ورحكة الله وبركاته ""


إن لكل إنسان مهما كان له أخطاء و عيوب , فهو محكوم في هذا بقدر من الله عز وجل أن خلق بشرًا

يعتريه النقص ' كل ابن آدم له خطاء ' .

وطبعاً أنا لا أقصد بالعيوب هنا ,, العيوب الخِلقَية ولكن أقصد

العيوب في التصرفات او الطباع ..

على سبيل المثال : لو كان لك صديق وهذ الصديق به من الصفات

الجميلة الشيء الكثير ولكنه نمّام

أو كذّاب أو كثير الكلام ,, هل ستواجهها ؟؟

اكيد طبعا اذا انا بيهمنى هذا الصديق وحريصه جدا على علاقتى بيه اكيد هاواحهه بعيوبه.

واذا كانت هذه الصفات فيك ( مثلاً ) هل سترضى اذا واجهتك بها .

بصراحة هل ستعتبريها هدية ؟؟؟؟!!!!!


أم ستعتبيرها إهانة وتدخل فيما لايعنيني أم وقاحة؟

انتظر .. وفكىر قبل الإجابة قليلاً .

طبعا هارضى وهاكون فى منتهى السعاده كمان لانى كده اتاكدت من حب واحترام الصديق ده ليا وحرصه

هو كمان على استمرار علاقتنا ( صديقك من يصدقك القول )

إذا كنت تعتبر المصارحة بالعيوب هدية كما قال عنها سيدنا عمر بن الخطاب رضي الله عنه : ( رحم

الله امرأ اهدى إلي عيوبي ) . فما هو لون الغلاف أو شكل الغلاف ( أقصد هنا الأسلوب ) الذي تحب أن

تغلّف به هديتك ؟

لازم يكون الاسلوب كويس بيدل على حرصى على تعديل او تغير قدر الامكان ما بهذا الصديق من عيوب

مع المراعاه الكامله لعدم جرح مشاعر هذا الصديق وابداء الحب والاحترام فى التعبير عن النصيحه وتاكيدى

على اننى ارغب فى استرار الصداقه سواء تغيرت هذه العيوب ام لا حتى لا ينفر هذا الصديق من النصيحه.

هل تعرف عيوبك بشكل واضح وجلي ؟ وأيهما أكثر وضوحا بالنسبة لك . عيوبك أو صفاتك الحسنة؟

بصراحة :

اكيد عارفه عيوبى كويس جدا وكمان مميزاتى واحاول جاهده لتغير هذه العيوب والحفاظ على المميزات .

هل أنت مع هذه المقولة .. هل ترض أن يصارحك احد بعيوبك ؟

طبعا واكيــــــــــــــــــــد ارضى ان اصدقائى اللى بجد يصارحونى بعيوبى عشان هما كده يبقوا اصدقاء

مخلصين بجد مش منافقين ولا مرائيين والا كده هايبقوا اعداء وليسوا اصدقاء (اللهم اكفنى شر اصدقائى

اما اعدائى فانا كفيل بهم ) انا طبعا اقصد الاصدقاء المنافقيين .

و أنــــــا أتمنى من الي يقرأ الموضوع إنه يقول هو مع هذه المقوله
و لا لأ....


تحيــــــــــاتي لكم

ارجو المشاركة فى الردود بما اننا بيت واحد

رودينا بقلمى؟


تحياتى ليكى انتى على الموضوع الاكثر من رائع بجد بارك الله فيكى.

[رودينا]

جزاك الله كل خير على المرور الكريم
ومرورك اسعدنى جدااااااااااا