بكر ان شاء الله هيكون احلى

[مصري حر]

اكسر حاجز الخوف واذهب الى التحرير لتتتعلم الرجوله والشهامه والتضحيه والفداء لا تخشى الا الله فالعمر مكتوب والرزق مكتوب فالرازق هو الله وليس مبارك وحزبه وما دمنا سنموت عاجلا ام اجلا فالموت الان شهاده وشرف وعزه لانك تموت لهدف تمنح حياتك من اجل ان يحيى الاخرين بعزه وكرام...ه وحريه نحن اقسمنا ان لاتعود مصر الى ماقبل ثورة 25 يناير فاما النصر واما الشهاده كن مع الثورة تنجو فى الدنيا والاخره >>>فى الدنيا تحى رجل بعزه وكرامه مرفوع الراس يد بيد نقضى على الطاغيه وحزبه ونبداء نبنى بلادنا لتصبح اول بلد فى العالم >>> فى الاخره اذا لم تشارك فانت شيطان اخرس لانك ساكت عن الحق وتصبح خائن للامانه فحق مصر عليك ان تحميها وتحافظ عليها وتنهض بها وهذا لن يحدث فى وجود الطاغيه وحزبه فواجبك الشرعى ان تصدع بالحق وتجاهد الباطل وتصحح النيه لعلك تنال الشهاده فى سبيل الله فى سبيل الحفاظ على مصر على اهلنا على اموالنا على اعراضنا
بالله عليكم شوفو كام واحد هيشاهد الموضوع وكام واحد هيعلق وتستنتجو اية دا اذا الموضوع كمان ما اتحذفش انا عارف اني في منتدى تعليمي بس اللي بيحدث في بلدنا مهم جدا وان شاء الله مصر النهرده غير غير حرية ديمقراطية وكمان عدالة اجتماعية

[lobna mosa]

ما مفهوم الحرية لديك هل الذهاب الى المجهول

[دينا احمد]

تروح فين احنا بنقول الى من يتجمعون فى ميدان التحرير عيب كده روحوا بيوتكم خلى الحياة تمشى والغلابة ياكلوا عيشهم الرئيس عمل كل اللى انتوا عايزينه انتوا طالعين فيها قوى مفيش حد اهبل دلوقتى كل الناس عارفين مين اللى فى ميدان التحرير دلوقتى وعايزين ايه الشباب اللى طلع يوم 25 قال مطالبه بالسلم وبعد كده هدى

[دينا احمد]

دلوقتى مبارك بقى الطاغية والديكتاتور والله حرام الراجل ده استلم البلد وكانت حالتها تعبانة وكل الدول العربية علاقتنا بيهم كانت سيئة جدا اولا حسن العلاقات وثانيا جلب استثمارات وثالثا بكل حكمة وعقل كمل مشوار السادات فى السلام ورجع طاباورابعا مشروعات الصرف الصحى ومترو الانفاق اللى بينقل 4 مليون مواطن كل يوم ده كفاية ان احنا عايشين فى امان من 30 حتى الان لو كان طاغية كان عجب امريكا اللى لم يساندها فى اى حرب من حروبها الطاغية على العرب والمسلمين عارف حضرتك امريكا اطلقت عليه اسم الحليف المتمرد مبارك ده اللى رفض اسلحة تووية من اسرائيل فى مقابل سفاجا ورفح انا مش حزبية ولا انتمى لاى حزب ولكن دى كلمة حق للراجل ده مش احنا اللى لسه مولودين امبارح اللى نحكم عليه ده رجل سياسى مخضرم ومحنك قادى ان يمر ببلده من كل الصعاب واخير ياأخى ارحموا عزيز قوم ذل

[دينا احمد]

واخيرا لازم اقول لحضرتك النصيحة دى وبراحتك ان تقبلتها او لم اولا الرسول صلى الله عليه سلم قال انا لم اتذكر الحديث ولكن معناه ان لو الاخوة تقاتلوا فيما بينهم فالقاتل والمقتول فى النار وعندما سأل الصحابة النبى وقالوا حتى المقتول فى النار ؟قال النبى نعم لانه كان ينوى القتل ايضا يعنى اللى هيموت فى التحرير اوغيره مش هيبقى شهيد ولا حاجة

[مصري حر]

الاستاذة لبنا
مفهوم الحرية عندي ان تحترم آدمية كل مواطن مصري يمكن ان انتي فتاه لم تعاني كثير مثلما يعاني الرجال وخاصة في ظل قانون الطوارئ كل شيئ مباح عند وزارة الداخلية طيلة 30 عام معقول يا استاذة فية دولة في العالم استمر فيها قانون الطوارئ هل عشتي لحظة في حياتك بدون قانون طوارئ وفي الحقيقة قانون الطوارئ دا لا يطبق إلا في حال دخول البلد في الحرب يعني الريس عيشنا 30 سنة حرب
اما استاذتي دينا
اللي بتقولي لهم عيب وكل الناس عارفة دول مين دول عظماء مصر وعلى رأسهم اثنين من علماء مصر حاصلين على جوائز نوبل العالم احمد زويل والبرادعي وكثير وكثير من المفكرين والعظماء لو ذهبتي الى هناك هتغيري رأيك وتقولي ان كل العظماء موجودين هنا وعلى فكرة كثير من نواب البرلمان ووبعض الوزراء السابقين وايضا المستشار السابق لمبارك اسامة الباز ايضا في ميدان التحريروكثير وكثيراما الغلابة والفقراء اللي عاشو في الفقر 30 سنة يصبروا كام يوم حتى يكون هناك عدالة اجتماعية ويأخذو حقوقهم اللي اتحرمو منها طيلة 30 سنة وهم عايشين 30 سنة بملاليم والحزب الوطني والمنتفعين من الحكم يملكو المليارات ويعيشو في قصور
اما من ناحية انجاذات مبارك سيناء رجعت بدم الشهداء اللي ماتو ولم يكن مبارك هو الذي انجذ الحرب لوحده ولكن هناك قيادات كثير وهذا واجب وطني على كل مصري ان يؤدي دورة في حالة الحرب بدون ان ينتظر ثمن ومصر ليس لمبارك او للحزب الوطني مصر لكل المصريين ولكن الفترة التي مضت كانت مصر لمبارك واولاده وللحزب الوطني والفتات من باقي الطرطة لوزارة الداخلية لكي يحموهم بأسم قانون الطوارئ النأب العام كل يوم يصدر قرارات حظر سفر وتجميد اموال لرجال اعمال ووزراء اين كان قبل الثورة طبعا كان الحزب الوطني مغطي عليهم
تعرفوا يا اساتذة انا عمري ما شفت مبارك يقرأ قرآن الا مره واحدة كانت مشكلة العراق والكويت وقال(( وان طائفتان من المؤمنين اقتتلوا فأصلحو بينهما فإن بغت احداهم على الاخرى فقاتلوا التي تبغي)) موافقين وراح رافع الموضوع لمجلس الامن وجأت امريكا تقود حف النيتو دكت العراق بكل انواع الصواريخ ونسي معنى الاية وهي تقول فقاتلوا مش تجيب احد يقاتل بدون رحمة وضاعت العراق
بعد ذلك نأتي للسودان وطبعا امنها من امن مصر دعم مبارك جنوب السودان استجابة لامريكا وقبل ان ينفصل السودان اعلنت اسرائيل انها سوف تقوم بعلاقات دبلماسية واقتصادية مع جنوب السودان الشئ الثاني ان هذه الدولة الجديدة في جنوب السودان لم توقع على اتفاقية مياه النيل يعني مفيش اي حد هيقدر يجبرها بأي التزام واسرائيل سوف تسرح وتمرح في جنوب السودان ونحنوا المتضررين الوحيدين من ذلك وضاعت السودان اما في مصر فالحوادث حدثو ولا حرج فساد طال كل المؤسسات القضاء لم تنفذ احكام كثيرة مثل الحد الادنى للأجور وتصدير الغاز لإسرائيل وتزوير الانتخابات اللي رد فتحي سرور بأن المجلس سيد قراره وكل عضو اصبح تحت الحصانة بمجرد اعلان نجاحه ولا يلتزم بأي احكام قضاء وكثير وكثير
اما من ناحية القاتل والمقتول فلا يوجد شخص واحد من بين الشرفاء اللي في الميدان يحمل اي شئ او ينوي ان يكسر شئ مش يقتل وعدد القتلى والكل شايف من المتظاهريين وضيفي كمان لإنجاذات مبارك 320شهيد على ايدي رجال حبيب العادلي بالاضافة لـ3 في الوادي الجديد اليوم اما من ناحية ان اللي هيموت وهو بيحارب الفساد والظلم فهو ان شاء الله شهيد وقالتها رابطة العالم الاسلامي بكل صراحة افيقو من نومكم وهبو لنصرة الحق وإليكم هذا الفديو المهم
You can see links before reply

[Mr:M.Kamal]

بارك الله فيك اوجزت فانجزت

[مصري حر]

اشكر شجاعتك يا مستر
وهذا فديو للشيخ محمد حسان يطلب من مبارك التنحي

You can see links before reply

[lotfy salama lotfy]

النهاردة قامت عدة مظاهرات امام ادارة شركة المياة بالقاهرة الكبرى برمسيس من العمال المؤقتين ثم قام وزير الاسكان بتعينهم فورا فى نفس اليوم
اين المعلم المساعد من الدولة

[Mr:M.Kamal]

اشكر شجاعتك يا مستر
وهذا فديو للشيخ محمد حسان يطلب من مبارك التنحي

You can see links before reply

لا شكر بين الاخوات وانى والله لاعتبر نفسى نكرة ولا شئ بجوار هؤلاء الابطال شباب التحرير شباب 25 يناير

[قلبك حنين]

يا اخت دينا
مرتبك كام بالمقارنه بمرتبات الدوله الاخرى
مش معاكى فلوس تقدرى تتعالجى
تقدرى تتدخلى القسم وتقولى عايز حقى
مبارك كان قائد القوات الجويه والرئيس الراحل انور السادات هو الذى دبر وخطط لانتصار اكتوبر
ايه رايك فى طابور رغيف العيش
ايه رايك فى طابور انبوبة البوتاجاز
ايه رايك فى فى وزير يدخلى ويسهزاء مديرين امام التلاميذ وزير توك شو
اكيد والله اعلم انكى من حزب الوطنى والله اعلم

[دينا احمد]

اولا مفيش حد مالوش اخطاء احنا مش ملايكة كلنا بشر وكلنا بنغلط انا مش حزب وطنى ولا انتمى مطلقا لاى حزب ثانيا ياأ ستاذ مصرى مع احترامى لحضرتك البرادعى مين ده اللى يحكمنا حسنى مبارك كان عايش فى مصر وسطنا ومش عاجبكم البرادعى اللى عمره ما وقف فى طابور العيش ولا شرب مية الصرف ولا اتبهدل فى المواصلات ولا خد ملاليم هو ده اللى انتوا عاوزينه ده بيشرب خمور وصوره على الفيس بوك عارف البرنامج الانتخابى بتاعه ايه هيعترف بالبهائية وبالشذوذ الجنسى والنبى فى دولة اسلامية يحصل فيها ده مبارك كان عنده حق لما قال ان التاريخ هو اللى هيحكم عليه كلنا دلوقتى راكبين الموجة والسكينة سرقانا بكرة نفوق وعلى راى المثل الشعبى معرفش قيمة امى غير لما اشوف مرات ابويا .......واختلاف الرأى لايفسد للود قضية

[مصري حر]

يا استاذة دينا انتي مصره ان تفهميني غلط انا لم اقل ان البرادعي يكون رئيس الرئيس هو من ينتخبه الشعب بأنتخابات حرة نزيهة وعندنا الكثير من الذين يصلحو لهذا الشأن وان سألتيني مين.. انا من رأي ان الرئيس القادم يكون من رجال القضاء لان كل الشعب المصري يثق في رجال القضاء
والحمد لله اللي اعترفتي ان الشعب في عهد مبارك بيشرب مياه الصرف الصحي ومتبهدل في المواصلات
اما عن كلامي عن البرادعي واحمد زويل فدا ردي لانك انتي بتقولي كل الناس فاهمة مين اللي ميدان التحرير تلميحك دا كان متبنيه الاعلام المصري في بداية الثورة الشعبية ولكن الاعلام بدء في تصحيح موقفة واعترافه بأنها ثورة شعبية يقودها الشباب ولا تنتمي لا للبرادعي ولا لاي احزاب ولكن حضرتك مصره على عدم تغير رأيك وبتقولي دول معروفين مين اللي في ميدان التحرير وللعلم البرادعي مرفوض من كثير من الناس اللي في التحرير وانا اولهم ولو مصر مش هتنفع غير لو كان مبارك رئيسها يبقى الشعب دا ما يستهلش يعيش والثورة والشعب ما بتحاربش مبارك لشخصة ولكن لكثرة الفساد اللي حولة وهو عارف الفساد وساكت فكل الناس فقدت الثقة فيه

[مصري حر]

مبروووووووووووووووك
والف مبروووووووووووووووووووك
والى عهد جديد من الحرية والديمقراطية والازدهار
ان شاء الله
انا واحد ممن يعشق تراب هذا الوطن مصري حر

[احمد الاقصر]

يا أيها الذين آمنوا أطيعوا الله ; وأطيعوا الرسول , وأولي الأمر . . منكم )

والنص يجعل طاعة الله أصلا ;
وطاعة رسوله أصلا كذلك - بما أنه مرسل منه -
ويجعل طاعة أولي الأمر . . منكم . . تبعا لطاعة الله وطاعة رسوله .
فلا يكرر لفظ الطاعة عند ذكرهم , كما كررها عند ذكر الرسولصلى الله عيه وسلم
ليقرر أن طاعتهم مستمدة من طاعة الله وطاعة رسوله -
بعد أن قرر أنهم(منكم)بقيد الإيمان وشرطه . .

" السمع والطاعة على المرء المسلم . فيما أحب أو كره . ما لم يؤمر بمعصية . فإذا أمر بمعصية فلا سمع ولا طاعة " .

وأخرج مسلم من حديث أم الحصين :
" ولو استعمل عليكم عبد . يقودكم بكتاب الله . اسمعوا له وأطيعوا " . .

بهذا يجعل الإسلام كل فرد أمينا على شريعة الله وسنة رسوله .
أمينا على إيمانه وهو ودينه .
أمينا على نفسه وعقله .
أمينا على مصيره في الدنيا والآخرة . .


اللهم لا تشمت فينا احد من خلقك اللهم انا نعوذ بك من شماتة الاعداء وعضال الداء وخيبة الرجاء وزوال النعمة وفجأة النقمة

اللهم يا الله يا الله يا الله

[بحبك يامصر]

بسم الله الرحمن الرحيم

You can see links before reply (You can see links before reply)
ابعث ارق واعذب التهاني لشعب مصر الحر الكريم ولسائر الامه العربيه والاسلاميه بهذا النصر العظيم الذي تشهده ارض الكنانه اليوم
واهنئ شباب مصر الاحرار الابطال الذين حققوا لنا هذا النصر وجعلوا مصر تعمها الفرحه من الاسكندريه الي اسوان
لكم مني ايها الابطال ارق التحية واخص اهالي شهدائنا بالتهنئه اسأل الله عزوجل ان يغمرهم برحمته ...
واتمني من الله ان تكون المرحله القادمه حياه جديده تعيشها مصر تسودها الحريه والكرامه فلنبدا عهد جديد نعمل فيه سويا علي النهوض بمصر وبشعبها وهذه هي البدايه وليست نهايه المشوار فالمستقبل امامنا ويحتاج الي العمل والتعاون
اللهم لك الحمد والشكر

[دينا احمد]

بكرة نبكى بدل الدموع دم على هذا البطل كل اللى بيحتفلوا دلوقتى السكينة سرقاهم منظرنا واحنا بنحتفل دلوقتى وسط الشعوب يدل على قلة الاصل على العموم هو اتنحى بمزاجه لانه مش انانى اهم حاجة مصلحة البلد لما عرف ان فى بوارج امريكية فى البحر الاحمر خاف اللى اتعمل فى 1973 يتهد فى لعبة عملها شوية عيال ان شاء الله وانا واثقة كل الثقة هتمر السنين وهيحكمنا ابنه وهنهيص ونفرح بس منظرنا هيبقى وحش عشان هنبان منافقين وكما قلت اختلاف الرأى لايفسد للود قضية لو فى حرية وديموقراطية فعلا ياريت المشاركة دى لا تحذف

[مصري حر]

الحمد لله ان مشاركتك ما اتحذفتش علشان نعرف مين في المنتدى.
اكيد حضرتك اما من الحزب الوطني البلطجي او من منتفعين النظام الفاسد
وإذا كان احد اقاربك ضاع منصبة من الحزب الوطني فمتزعليش مصر فوق الجميع اما اذا كنتي متعاقدة بالواسطة عن طريق الحزب الوطني او اعضائة ودا باين لان حضرتك مدرسة لغة عربية وما حفظاش حديث كل الطلاب عندي حافظينه
(القاتل والمقتول) فأنصحك ان لم تستطيعي اداء واجبك على اكمل وجه فقدمي استقالتك لان الحزب الوطني مش هنفعك يوم الحساب
ام ان جمال يحكم مصر فمصر لن تنظر خلفها وكل من اساء لها من المفسدين امثال جمال مبارك واحمد عز الصديق الحميم لجمال مبارك فقد ذهبوا الى مزبلة التاريخ بالله عليكي شوفي احمد عز اللي كان الامر الناهي في البلد بالله عليكي لتشوفي الفديو دا وتقوليلي يرضي مين دا من طبال إلى 18 مليار دي سرقة عيني عينك ولا لا
You can see links before reply

[احمد الاقصر]

نخطىء كثير فى التعبير عن الكلام واتخاذ الالفاظ فى غير موضعها

بخصوص تخلى الرئيس عن منصبه

نائب الرئيس فى بيانة الرسمى لجميع القنوات قال بصوته عن الرئيس الراحل محمد حسنى مبارك قال ( تخلى الرئيس محمد حسنى مباك عن اعماله...........)

وكل من تكلم و يتكلم بعد البيان يقول انه تنحى

فهناك فارق كبير بين ( تخلى --- وتنحى )

فتخلى الرئيس معناه قام باسناد كل ما أراده ومن انتقال السلطه برغبة منه طوعا لا كراهيه ولاا مجبرا
والتنحى معناه ترك السلطه جبرا ومكرها على ذلك متراجعا الى الوراء



واللهم لا شماته ( واقول لكم تذكروا قول فضيلة الشيخ الراحل محمد متولى الشعراوى وهو يقول له ( لو كنا قدرك فليوفقك الله وان كنت قدرنا فليعنك الله علينا )


فاعتبروا يا اولى الابصار ( انها لاتعمى الابصار ولكن تعمى القلوب التى فى الصدور )



فاحترام ولى الامر واجب شرعا وقانونا فلا يحب ان نستهزء او نسخر فلننظر الى الماضى ونتخذ منه عبرة ونعرف من معنا ومن علينا ومن ورائنا وما اهدافه ونقراء التاريخ جيدا ولنعمل على الاصلاح

[دينا احمد]

انا لا اقابل الاساءة باساءة ياأستاذ مصرى ولكن اذا كانت الاساءة لاى شخص فى عائلتى فأنا ارفضها فجميعهم كانوا يقومون بحمايتك وحماية غيرك فأغلبهم وانا افخر بذلك من رجال القوات المسلحة اى انهم لا ينتموا لاى حزب ولو كان عملى بالواسطة لما اخترت وزارة التربية والتعليم لاعمل بها فانا اقدر وبالواسطة ان اعمل فى اى مكان ولكن انا فضلت العمل فى تخصصى وعدم ذكرى للحديث كى لاأخطئ فيه وخلاص الموضوع انتهى وانا اتمنى ان يحكمنا رجل عقلانى يستطيع الحفاظ على هذا البلد

[مصري حر]

يا استاذة دينا فكري بعقلك انا لم اقدم اساءة لأحد
واهلك فوق رؤسنا من فوق وخاصة انهم يعملوا في القوات المسلحة فلم يتبقى لنا غير رجال القوات المسلحة ورجال القضاء الذين نثق فيهم في هذا الوطن وكل واحد بيقوم بدورة في هذا الوطن الحبيب اما الذين كانو يعملون لمصالحهم فقط من حكومة رجال الاعمال فليس لهم مكان بيننا حبيب العادلي ذل الشعب واحمد عز نهب فلوسنا ويوسف والي استورد لنا السرطان من اسرائيل مين مسئول عن الفساد دا كله اكيد الريس بتاعهم اللي باع البلد لاحمد عز وطلعت مصطفى ورجال الاعمال اللي اصبحوا وزراء وكانو يشرعو تشريع يخدم مصالهم تعرفي ان البنك العربي يمتلكه عاطف عبيد اقول لك حاجة بسيطة تعرفي ان وزيرة الخارجية الفرنسية طالبوها بتقديم استقالتها بسبب ركوبها طائرة خاصة اثناء عودتها من تونس ولولا اثبتت انها لا تعلم انها طائرة خاصة لكانت اجبرت على تقديم الاستقالة مصر لا تحتمل فساد ونهب اكثر من ذلك نتمنا ان يأتي رئيس يتقي الله فينا ويحكم فينا بما يرضي الله ورسوله ونتمنا ان يكون من رجال القضاء فنحن نثق فيهم وفي عدلهم واخيراً انا لم اقصد اي اساءة لاحد فالكل هنا اخواني واخواتي وزملائي واعتذر. اتمنا من الجميع ان يشارك في بناء هذا الوطن الحبيب بضمير ولا يصمت عن اي فساد ويزرع في طلابه القيم والمبادئ النبيلةويعمل بضمير لأننا اكيد كلنا بنحب مصر