المساعد الشخصي الرقمي

مشاهدة النسخة كاملة : حتى لا نظلم الفيس بوك



مستر أحمد حمدى
06-02-2011, 05:51 AM
بسم الله الرحمن الرحيم


والصلاة والسلام على خير الخلق سيدنا محمد عليه الصلاة والسلام


يتكرر فى الاعلام اليوم الحكومى والمستقل كلمة أصبحت مكررة


وغير دقيقة وكأنها كلمة جديدة راح المحللون ومقدموا البرامج ترديدها


ألا وهى " شباب الفيس بوك "


ويظهر من يقول ان الفيس بوك هو سبب الثورة


حتى ان الحكومة نفسها صدقت ذلك وحجبت الفيس بوك وتويتر


فى بداية الأزمة ثم قطعت النت نهائيا حينما علمت أن الشباب يستخدمون البرروكسى لفتح المواقع المحجوبة


والحقيقة من وجة نظرى المتواضعة أنه ليس الفيس بوك هو السبب


فالنت موجود من سنوات والفيس بوك وتويتر كذلك


بل وأن المجموعات التى تدعوا لأفكار معينة تربوا على المليون


فلما التوحد للتظاهر مع العلم بأن الشعب المصرى قلما يشارك فى تظاهرات


وهو الشعب الذى خبر أجهزة القمع فى دولته وعلم بأنها ستهينه لو تظاهر فآثر السلامة ولم يخرج الا فى حالات الاضراب عندما يخصخصوا مصنع مثلا


ولكنى أعتقد أن السبب هو الحكومة نفسها


فهى اعتقدت كما اعتقد الكثيرون ان الشعب المصرى قد مات


وبلغة ابسط انه شعب طيب وبينضرب على قفاه وعايز يربى العيال وماشى جوه الحيط


وعارف ان لو حد فيهم اعترض ففيه مليون ونصف شخص فى جهاز الشرطه


وقوات مسلحة تابعة للشرطة تسمى امن مركزى


ومخزون كبير من قنابل المسيلة للدموع المحرمة دوليا الا فى اسرائيل


وقد اعتاد النظام المصرى أن يصفع المصريين ولا يتفوهوا بكلمة ولو أف


حتى أن كرتون ذى بتاع بسنت ودياسطى فى احدى حلقاته قال دياسطى اللى اصبح نائب فى مجلس الشعب ان هناك علاوة
تانى يوم ارتفع سعر السكر من 2 جنية ل 8 جنيه فقال باقى ابطال الكرتون مش عايزين علاوات تانى


طبعا الموقف دا حصل بالفعل فى الواقع حيث ارتبطت العلاوات
بارتفاع الاسعار الجنونى والذى يساوى العلاوة ثلاث مرات دا بفرض اننا شغالين فى القطاع الحكومى اصلا عشان ناخدها


فالشعب المصرى أصبح مثل انبوبة البوتجاز التى يقوم النظام بضغط الغاز فيها ويظل يضغط يضغط وليس معه عداد لمعرفة الضغط


حتى حدث الانفجار


فالشعب المصرى تعرض لألوان العذاب من هذا النظم


ونعرض لبعض منها


1- التعامل الغير انسانى مع اى شخص يدخل القسم ولو كان ليبلغ عن انه سرق


ففى كثير من المرات ورأيت ذلك بنفسى


احدهم دخل القسم ليبلغ ان شخصا بلطجيا ضربه وسرقه فرد علية امين الشرطة " ليه هو انت خ... ل عشان تتسرق "


يعنى الراجل يعمل ايه يضرب البلطجى يقتله ويروح فى داهية ؟؟



انا عن نفسى فى احدى الايام قارسة البرد اقتحمت المباحث دارى واخذونى انا واخى لتشابه فى الاسماء كنت وقتها فى 3 كلية وكان اخى عنده امتحان تركوه بالعافية واخذونى يومين سفر من كفر الدوار لاسكندرية للساحل الشمالى وكان ذلك تحت قيادة مفتش الامن العام حسام الصيرفى الذى اصبح الان مدير مباحث الاسكندرية على ما اذكر وفى النهاية وبعد الاهانات والبهدلة طلع كل ده عشان تشابهه فى الاسماء بيننا وبين شخص فقد اخذوا كل من هو من عائلة لقبها حماد حتى انى وجدت مدرسى للفيزياء كان اسمه محمد حماد وكل دا عشان سيادة اللواء اغتصبت ابنته من شخص اسمه 000 حماد يقوموا يلموا كل اللى اسمهم حماد معقولة ؟؟؟؟؟؟؟


معقولة اتهان وتتبحتر كرامتى عشان تشابه فى اسم بين عائلتى وبين عائلته



غير بقى التعذيب والضرب واكيد شوفتوا التعذيب فى اقسام البوليس واللى ماتوا تحت التعذيب


عشان كده فى المظاهرات ناس اقتحموا قسم الازبكية اللى جنب رمسيس وزبحوا المخبر قنديل اللى كان مفترى وبيتبلطج على الناس ويبهدلهم


غير الناس اللى حرقت أقسام الشرطة - بالرغم من عدم اقرارى لذلك - من غلهم عليها وعلى الظلم اللى كان بيحصل فيها



2- عدم العدل فى توزيع الثروة


فألاقى ناس بتغتنى فى الدولة وهما عندهم 47 سنه ذى احمد عز و محمد ابو العنين و سمير موسى اللى شركته بتبيع الغاز لاسرائيل وناس مش لاقية تاكل


حتى ان عائلة مبارك يقدر مجموع مدخراتها فى البنوك والتى اغلبها فى بنك سويسرى 70 مليار دولار يعنى قد بيل جتس مرة ونصف ودا خبر فى الجارديان اللى طبعا صعب نشكك فى مصداقيتها


نشرت صحيفة «ذا غارديان» البريطانية تقريراً عن ثروة عائلة الرئيس المصري حسني مبارك، نقلت فيه عن خبراء تقديرهم لها بحوالي 70 مليار دولار أميركي، مشيرين إلى أن مبارك يمتلك أرصدة في البنوك البريطانية والسويسرية، إلى جانب بعض الممتلكات الخاصة به في الولايات المتحدة، على غرار عقارات باهظة الثمن في مانهاتن وبيفرلي هيلز. وبحسب التقرير تتركز معظم ثروة عائلة مبارك في بنوك بريطانية وسويسرية، وجزء منها موظف في صورة عقارات في كل من لندن ونيويورك ولوس أنجليس ومناطق باهظة الثمن على ساحل البحر الأحمر. وأوضحت الصحيفة أن نجلي مبارك علاء وجمال من المليارديرات، وأن الرئيس المصري بعد 30 عاماً في الحكم، حصل على صفقات استثمارية حقق منها مكاسب تقدر بمئات الملايين من الجنيهات.


فلو كنا دولة فقيرة وهناك صدق - او بالمعنى الذى يستخدمة النظام واللى صدعنا بيه كلمة شفافية لدرجة انى كرهت وانا بدرس الضوء وانكساره لأنه فيه شفافيه - لما وجدت تزمر أو غضب



3- سوء استخدام الموارد


فالشعب يرى ان بلادة ليست فقيرة


* فنجد ان هناك عوائد من قناة السويس تبلغ 17 مليون دولار يوميا وهذا بحسب تصريح الهيئة



وقالت الهيئة إن القناة حققت 18.7 مليون دولار مع مرور 65 سفنة تتجاوز شحناتها الثلاثة ملايين طن الجمعة الماضي، وذلك في أكبر دخل يومي منذ ديسمبر كانون الأول 2008.



* وكذلك الدخل من السياحة الذى بلغ 10.8 مليار دولار خلال عام 2009 كما قال وزير السياحة السابق


«جرانة»: 10.8 مليار دولار دخل مصر من السياحة خلال 2009


وأوضح جرانة، فى تصريحات صحفية أن عدد السياح الذين وفدوا إلى مصر فى 2009 بلغ 12.5 مليون شخص قضوا 126.5 ليلة سياحية.



* وكذلك الدخل من الغاز و الكهرباء والضرائب وغيرها



4- الاحساس بأننا أغراب فى اوطاننا


فقد كنت اعمل فى شركة بترول اسمها ميدور وكنت اسمع دائما كلمة " خيرنا لغيرنا " طبعا الشركات اللى بتاخد مشروعات الغاز فى مصر هى شركات اجنبية بتدخل براس المال للتنقيب ثم تأخذ احتكار 40 سنه يكون البئر نضب او قارب على النضوب


وللأننى كنت اعمل مع احد من كانوا مدراء " سوبر فيزر " فى شركات فى ليبيا قال لى ان معمر القذافى يطلب الشركات الاجنبية ثم بعد التنقيب يعطيهم ما انفقوه ثم يكون الغاز لليبيا مما يختلف عن مصر التى لا تعطى مقابل مادى بل تعطى المقابل عقد احتكار بسنوات


مثال آخر لما تلاقى اجنبى فى بلدك واخد حقة كامل وزيادة وبينضرب له تعظيم سلام وانت صاحب البلد مهان


5- الاحساس بأننا نسرق


* فنجد ازمة فى انابيب البوتجاز ويتم تصدير الغاز لاسرائيل
دا غير السعر اللى بيتباع بيه بنبيع لاسرائيل ب دولار ونصف وللشعب المصرى ب 5 دولار طب حد يفهمنى ازاى ؟؟؟ يعنى السعر العالمى واللى بتبيع بيه روسيا 14 دولار


* الضريبة اللى بتدفعها هنا مش بتحس انها حترجعلك خدمات فلا يثق احد فى الحكومة


* محدش عارف فلوس البلد بتصرف فى ايه يعنى كان علينا 1.1 مليار دولار ديون خارجية فى بداية عهد مبارك مديونات لتجهيزات الحرب وغيرها فنجد يمر 30 عام بلا حرب فتقفذ المديونية الى 84 مليار دولار


أمال لو كنا بنحارب كان يبقى علينا ديون قد ايه ؟



6- عدم الحرية فى الاختيار


* فالشخص لا يستطيع اختيار المهنه التى يحبها الا بواسطة ورشوى


* ولا يستطيع اختيار رئيسة ولا نوابة


وذلك بالطبع للتزوير


وهذه هى القشة التى قسمت ظهر البعير


فلو نزل سيدنا محمد و سيدنا عيسى وسيدنا موسى مش حياخدوا النسبة اللى اخدها مبارك


اللى بيصوت له حتى الاموات


ولو كانوا عملو حزب هما الثلاثة مكانش حياخد 90 % ذى الحزب الوطنى


اللى يغيظك انهم بيقولوا انه حزب الاغلبية


طيب لما اتحرق الحزب فين المليونين ونصف اعضاءة


مسمعناش حد حزب وطنى دافع عن حزبه


على اى حال الاسباب كتييييييييييير


لكن فى النهاية


مش الفيس بوك السبب


طبعا احمد فؤاد نجم قال الاسباب فى قصيدة جميلة اسمها كأنك مفيش

وهى قصيدة كنت اتمنى أن اكون من قالها وهى تعبر عن رأى فى الوضع


وها هى يمكنكم قرائتها


برغم إن صورك فـ كل الدواير




وكل المداخل وكل المحاور



ومليا الشوارع على كل حيط ..



مطنش علينا وعامل عبيط ..



كأنك مفيش ..



***



يا فرحة قلوبنا رئيسنا ظريف ..



فُكهي ..



إبن نكته ودمه خفيف



فـ عهدك سيادتك فَرَشنا الرصيف



وآخر مُنانا الغُموس والرغيف



وكل أمَّا تُخنُق ندوَّر ..



مفيش !!



***



مسيِّب علينا عصابة حبايبك



فضايح وسرقة ونهب بسبايبك



مابين حزب نجلك .. وهانم جلالتك



وجيش الغوازي إللَّي داير يجاملك



وناملك وقاملك .. وحارسك وأمنك



شبعنا مهانه .. شبعنا لطيش ..!



وأنت .. مفيش !!



***



باعونا فـ حضورك ..



ببركة عِبـيدك وغالي وسرورك



باعوا الأراضي .. وكل المصانع



وباعوا البنوك ..



وقدَّام عِنيك .. صوتنا إتـنبح ..



ننادي عليك ..



إلحق يا ريس : ده باعوا الحديد !!



وأنت منشِّف دماغك عنيد !!



.. كأنك مفيش !!



***



دوشتوا دماغنا " بجمال " طلعتك



ومن يومها وإحنا عَبـيد حضرتك



ما تزعلش إني مواطن أبيح



ورافض كلابك فـ شعبك تطيح



فسادهم يا ريِّس واضح .. صريح



قوم بينا صلّح وفتَّش .. وثور



ح نكتب تاريخك ياريِّس بنور



مش تبقى عايش كأنـَّك مفيش !!



***



ورحمة أبوك .. مادام أنت قاعد



عيب لمَّا عُصبة نَـوََر يسحبُوك



م تُقبض عليهم .. م تقطع إيديهم ..



م تعمل عليهم يا ريِّس شاويش



بدل م انت ساكت وقاعد مفيش



***



ياريس علىّ الطلاق تعبانين !!



ياريس علىّ الحرام كفرانين !!



صبرنا سنين ..



سيادتك مسلطن



وشعبك وناسك بتاكل مسرطن



وتشرب مجاري وميت سم هاري ..



ومش دريانين !!



ما تنهض يا ريس تلم الديابه ؟!!



ده شعبك غلابه ..



ومليان طيابه ..



وهوَّ الشفاعة ف يوم الحساب



وهما البطانة الحُثاله الكلاب



ما يملاش عنيهم غير التراب



وليهم ضوافر



وميت ألف ناب



وواقفين لشعبك ورا كل باب



لإمتى ح تسكت وليه الغياب ؟



ده ياما ممالك طواها التراب



حياتنا ياريس تعب فوق عذاب



يا ريس " شريفك " ماهوَّاش شريف !!



" نظيفك " يا ريس ماهوَّاش نظيف !!



وحتى " حبيبك " ماهواش حبـيب !!



وأنا غصب عني .. خلاص إستويت ..



بـ غـُلبي إنحنيت ..



وطلعان عنيا .. وصعبان عليا



بحسبة بسيطة ومن غير خريطه ..



وكونك مفيش .. لقيت متساويش



ومش فارقه أعيش ..



نويت أشتكيك للِّي فوقي وفوقك



وأصلي الفرايض ..عسى يفـُك طُوقـك



قالولي إللي يسجد عدو النظام !!



حاولت أحكي حالي ..!!



قالولي الحكاوي نميمة وحرام !!



فكرت أكتب ..



لقيتكم سيادتك منعتوا الكلام !!



فقررت أحلم ..



هاحلم سيادتك وأفُك اللِّجام



ولو مش هيعجب سيادتك يا فندم



وصِّي العساكر .. تاخُدني أمَّا انام !!



***



حلمت إني شعب ..!



حلمت إني شعب ومصلوب بطولي



على أرض سمرا



ودمي بينـزف ومليان جروح



وفوق صدري جمرة



يميني مربّط على أرض طابا



شمالي ممسمر فـ "أولاد علي"



ورجلي على جزع نخلة فـ "حلايب"



ومرتاح براسي على حِجْر مصر



وشوفتك ياريس ..كأنك ولي ..



كأنك نبي ..



فـ إيدك عصاية وليك معجزات



وشايل صليبي وبتفـُكني ..



وانا فـ جنَّه خضره .. وتحتي جداول ..



ومن فوقي نور .. وريحة بخور ..



همست ف ودانك بآخر وصيّة :



إنسى إللي فاتك ..



هننسى الأسية .. !!



أمانه عليك ..



حُط الوطن جُوَّه نِنِّي عينيك



كرامة عيالنا أمانة ف إيديك



بحق إللي بينّا يا ريِّس وبـينك



وحَق اليَمِين و" ألكتاب " فى يمينك



بحق الشهيد .. إللي رافع جبينك



وجيش إنتصارك فى يوم العبور



وجيل حُر طالع .. وعدته بدور



لملم عيالك .. وجمَّع فـ مالك



وإسحب " جمالك " وسيبنا وغور