قلبى واجعنى عليكى يامصر ......... خاطرة من وحى الأزمة

[نعمه محمود]

دى خاطرة كتبتها تنفيسا عن مشاعر تجتاح قلبي ونفسي


قلبى واجعنى عليكى يامصر
قلبى واجعنى عليكى ياأمى
ياللى بتجرى فى روحى ودمى
أعمل أيه لأجل تعيشى أبية قوية حبيبتى يا أمى
روحى بتبكى وقلبي بيشكى
وانتى معايا فى فرحى وهمى
قلبي واجعنى عليكى يا أمى
ياللى بتجرى فى روحى ودمى
كان صوت غاضب عنده مطالب
مين حوله لصراخ ودموع
كان شاب واعى لأمنه مراعى
طالب هدمة ولقمة عيش
قاموا قالوا له اطلب اطلب
واحنا نساعدك اطلبب يلا وارفع صوتك
ما احنا لينا مصالح برضه
يمكن بطريقتك تتحقق
يلا ياشاب يلا ياشابة
كسر احرق دمر انهب
خلى بلدك بكرة تخرب
قلبي واجعنى عليكى يا أمى
ياللى بتجرى فى روحى ودمى
راح الأمن وراح الحب
حل محله قتل ونهب
خايف بكرة ييجى يلاقي مصر بحالها فى حالة حرب

[أشرف السيد]

قلبي واجعنى عليكى يامصر
فعلا بجد

[ياسر الدقاق]

والله هذا ما شعرنا به أستاذه نعمه
أن قلبنا واجعنا علي مصر
مش مهم الأشخاص
مش مهم المناصب
المهم مصرالتي وإن وقعت
وقع الجميع معها

[أستاذ السيد على]

ادعو من قلوبكم ادعو فى سجودكم ربنا يحفظ مصر

[شريف]

عبرتي بصدق و ببساطة شديدة و باسلوب رائع عما يختلج صدورنا
و يعبر بوضوح عن نزيف القلوب المستمر علي حال مصر

اللهم رحماك بمصر

اللهم برحماك ببلد يوسف عليه السلام
اللهم رحماك بأرض موسي
اللهم رحماك بأرض وطأتها أقدام أنبياء هم أشرف الخلق عندك

[حبيبه المصريه]

حمدا لله على سلامتك أم حبيبه الغاليه

قلبى واجعنى عليكى يامصر


أكيد مصر حاااااااااااااسه بكل مصرى وطنى قلبه موجووووووووع عليها أد إيه

لكن لن نتركها للمخربين
مهما يكن الامر
ندعو الله ان يرفع تلك الغمة عنا
وسنقف جميعاااااا لتعووود مصر
أفضل مما كانت عليه

[رضا الله]

"اللهم احفظ بلدنا مصر وأهلها من كل سوء " أعجز عن التعبير عن الاحساس بالحزن والأسى من جراء ما أرى وأسمع
لكنك أستاذتي الفاضلة : عبرت عما بقلوبنا بكلمات معبرة وبسيطة وجميلة جزاك الله عنا خيرا ومحا تلك الغمة