مشاهدة النسخة كاملة : الرخـامة ليها ناسها ــــــ أى ولله
أرخم حاجة ... ان الرخامة أنواع
و مشتقات الكلمة كتير للأسف
... يعنى تباتة ماشى
تناحة مافيش مانع ...
رزالة أوك
غلاسة برضو شغال
غتاتة
و رخامتها فى كدا !!
يعني تلاقي الواد نازل من بطن امه رخم
اه والله
العيال كلها تنزل على طول ... تلاقي ده رخم
لازم يرخم ع الدكتور قبل ما ينزل ..
يعني مثلا اول ما الدكتور يمسكه
يقوله اوعي ... ايدك لأقطعهالك
الواد يكبر شوية ...
مايعملهاش الا علي ايد واحد ضيف جاي
عندهم في البيت هههههههه
و سبحان الله تلاقي الرخامة دي وراثة
يعني تلاقي ابوه رخم و امه من ارخم خلق الله
You can see links before reply
الواد يكبر شوية
عمه يجي يزورهم ... تلاقي ابوه الرخم يقوله
تف علي عمه يا وله
اشتمه يا حبيبي
يا أم الرخامة !!!
و يكبر كمان شوية
تلاقيه يجيلنا احنا بقا في المدرسة
و يبخ رخامته في وش المدرسين
تلاقي دم أهله يلطش
و تعليقاته في الفصل ماسخة
و يفضل يكبر يكبر يكبر ... عمال ينشر سمومه
في انحاء مصر كلها
You can see links before reply
لما يكبر بقا تلاقيه انتشر في كل انحاء البلد
و في كل المجالات و الوظايف
تلاقيه مثلا موظف في مكتب ...
و ماسك المصحف و بيصلي الساعة عشرة الصبح
بيصلي ايه ما تفهمش !!
و معطل مصالح الدنيا و الاخرة بتاعة الناس
You can see links before reply
تلاقيه واحد رخم منفوخ عليك و علي الناس
و هوا ما يساويش بصلة و لا بيطمر فيه
و فاكر نفسه محصلش في تاريخ البشرية
و عامل نفسه القائد الاعلي للقوات المسترخمة
و بيفهم في كل حاجة
You can see links before reply
او تلاقيها واحدة عندها تمانين سنة و عاملة فيها
قطة زغنططة
و بتشحت اهتمام الناس حواليها
و عايزة فرقة حواليها
و اللي ما يرحبش بيها يبقا ليلة اهله بني
و المكان اللي محدش يهتم بيها فيه تخلع منه علي طول
تلاقيه واحد موجه مجنون رسمي
جنون العظمة و هوا صفر ع الشمال
و تلاقيه عمال يحكي عن نفسه
و انجازاته و صوته عالي و مفرج عليه المدرسة كلها
المهم الرخمين كتروا اوي في البلد
و الرخامة بقت مرض متفشي
عايز اسمع منكم قصص ارخم الشخصيات
اللي قابلتوها
و اللي يسمع بلاوي الناس تهون عليه بلوته
اصل ربنا ابتلاني بشوية ناس في مجال العمل
من أرخم ما يكون
كنت هحط صورة في اخر الموضوع
لكن
You can see links before reply
محمد بن عباس
24-01-2011, 07:01 PM
يا نهار أبيض يا شريف أنت بتكلم النهاردة عن موضوع رهيب جدا وعن أكتر صفة أنا مش بحبها
وهى صفة الرخامة والغلاسة والغتاتة والتناحة
وفعلا أنا تعرضت لمواقف من شخصيات رخمة كتير جدا
وفى المدرسة جالنا متابع من الإدارة يا ستار منه
عارف ياشريف جالنا متابعة امتى
جالنا اليوم ال قبل وقفة عرفات على طول
وأنت عارف بقى المدرسة فاضية والتلاميذ غايبين
واتهمنا إننا سربنا العيال وغيبناهم وكتب فينا مذكرة سودا ومهببة
ولكن وبفضل الله قلتله تعالى نروح أى مدرسة تانى وشوف فيها عيال ولا لأ
قال ماشى ورحنا مدرستين جنبنا والبيه المتابع ملقاش ولا تلامذة ولا مدرسين
وقالى عندك حق وراح مروح على بيتهم
وعلى فكرة احنا بنقابل شخصيات رخمة كتير ممكن عيال وممكن كبار
وأعتقد إن الرخم مريض نفسيا ويحتاج لعلاج نفسى
ولكن فى علاج حلو للرخم عارف إيه يا شريف إنك ترخم عليه ههههههههههههههههه
المهندس هشام كمال الدين
24-01-2011, 07:22 PM
طالما بقي ألبنا علي الرخامه فلازم تعرف إن في ناس رخمين بالفطره وفي كمان ناس بيصطنعوا الرخامة
أنا أعرف مؤسس ورئيس جمعية الرخامه العالمية
في يوم صمم يحكي لنا نكته وقبل ما يحكيها فضل يضحك ومات من الضحك قولنا خير اظاهر هنسمع نكته محصلتش.... قول يا أبو الرخامه... قال مره وانا صغير صممت اذاكر في الحمام واعترضت أمي بشده ومع تصميمي دخلت للحمام أذاكر وخرجت بعد دقيقه
فقالت لي امي خرجت ليه فرد في منتهى البرود
اصل الحنفيه مفيهاش ميه .... هههههههههههه
بالذمه لو أنت مكاني تعمل في الرخامه دي ايه.
وفي مره اخري كنا صحبه ورجع تاني للنكت
بيقولك مره واحد بقال شغل عنده صبي أسمه حسان وفي يوم
قال حسان لصاحب الدكان انا اعرف مأمور القسم وبالفعل جاء مامور القسم يشتري حاجه من عند البقال وسلم علي حسان
أعجب صاحب المحل بحسان وخلاه كبير العمال ثم عاد حسان وقال أنا اعرف رئيس الحي وفي ذهول الرجل حين وجد رئيس الحي يسلم علي حسان فقام الرجل بتزويجه بنته
ثم عاد حسان وقال لصاحب المحل .. انا أعرف أوباما لو مش مصدق تعالي نسافر أمريكا وبالفعل وصلوا الى امريكا وامام البيت
الأبيض فال حسان لصاحب المحل قف مكانك وانظر الى هذا الشباك وسالوح لك بيدي أنا و أوباما وبالفعل حصل ولكن الرجل وقع مغشيا عليه ولما سألوا الرجل عن سبب أغماؤه قال:
انا أغمى علي لما اثنين أمريكان مروا بالصدفه وقالوا لي
من هذا الذي يقف بجانب حسان ههههههههههه
بالذمه في رخامة اكتر من كده!!
مسيو وليد عسكر
24-01-2011, 07:39 PM
أه من الرخامة والغتاتة والتناحة يا شريف لما تتجمع في بني أدم
بيبقي سقيل بشكل غبي بالبلدي كده بيبقي معجون رخامة
جنبنا بلد مش هقول علي اسمها علشان أهلها مايزعلوش مني بيسموها بير الرخامة قبلها بشوية بلد تانية اسمها ((جديلة)) أهلهلها مشهورين انهم فقعوا القرد ودي قصة من التراث الشعبي
الغتت ده بيبقي له علامات أهمها انه مابيطقش نفسه وتحس انه كاره طوب الأرض وان هدومه كارهاه
الكارثة بقي لو متجوز واحدة من النوعية دي ...قول علي نفسك يا رحمن يارحيم ....
وبلدنا بالصلاة علي النبي مشهورة بالنوعيات دي
لما واحد يقلك دا انا مفيش زييي واحنا اللى دهنا الهوا دوكو .. قله احنا اللى عملنا الهوا كروهات ... ولبسنا السمك مايوهات ... وخرمنها لما حبينا نغرقوا
لما تلاقى شاب بيستظرف قله : ايه يلا العسل ده
أنت مولود ف بالاص ولا امك نحله ؟!!!!
بالمناسبة: نسيت أقولك ان الشباب الهيء والميء دول والطبلة والرق دول كتروا اوي أوي
نسيت أقولك كمان أني أصلا من جديلة !!!!!!!!!!!!!!!
يا نهار أبيض يا شريف أنت بتكلم النهاردة عن موضوع رهيب جدا وعن أكتر صفة أنا مش بحبها
وهى صفة الرخامة والغلاسة والغتاتة والتناحة
وفعلا أنا تعرضت لمواقف من شخصيات رخمة كتير جدا
وفى المدرسة جالنا متابع من الإدارة يا ستار منه
عارف ياشريف جالنا متابعة امتى
جالنا اليوم ال قبل وقفة عرفات على طول
وأنت عارف بقى المدرسة فاضية والتلاميذ غايبين
واتهمنا إننا سربنا العيال وغيبناهم وكتب فينا مذكرة سودا ومهببة
ولكن وبفضل الله قلتله تعالى نروح أى مدرسة تانى وشوف فيها عيال ولا لأ
قال ماشى ورحنا مدرستين جنبنا والبيه المتابع ملقاش ولا تلامذة ولا مدرسين
وقالى عندك حق وراح مروح على بيتهم
وعلى فكرة احنا بنقابل شخصيات رخمة كتير ممكن عيال وممكن كبار
وأعتقد إن الرخم مريض نفسيا ويحتاج لعلاج نفسى
ولكن فى علاج حلو للرخم عارف إيه يا شريف إنك ترخم عليه ههههههههههههههههه
ههههههههههههههههههه
ههههههههههههه
فعلا ... علاج المتكبر انك تتكبر عليه
و علاج الرخم انك تغلس عليه ( قدر المستطاع )
هههههههههه
تسلم يا مستر
طالما بقي ألبنا علي الرخامه فلازم تعرف إن في ناس رخمين بالفطره وفي كمان ناس بيصطنعوا الرخامة
أنا أعرف مؤسس ورئيس جمعية الرخامه العالمية
في يوم صمم يحكي لنا نكته وقبل ما يحكيها فضل يضحك ومات من الضحك قولنا خير اظاهر هنسمع نكته محصلتش.... قول يا أبو الرخامه... قال مره وانا صغير صممت اذاكر في الحمام واعترضت أمي بشده ومع تصميمي دخلت للحمام أذاكر وخرجت بعد دقيقه
فقالت لي امي خرجت ليه فرد في منتهى البرود
اصل الحنفيه مفيهاش ميه .... هههههههههههه
بالذمه لو أنت مكاني تعمل في الرخامه دي ايه.
وفي مره اخري كنا صحبه ورجع تاني للنكت
بيقولك مره واحد بقال شغل عنده صبي أسمه حسان وفي يوم
قال حسان لصاحب الدكان انا اعرف مأمور القسم وبالفعل جاء مامور القسم يشتري حاجه من عند البقال وسلم علي حسان
أعجب صاحب المحل بحسان وخلاه كبير العمال ثم عاد حسان وقال أنا اعرف رئيس الحي وفي ذهول الرجل حين وجد رئيس الحي يسلم علي حسان فقام الرجل بتزويجه بنته
ثم عاد حسان وقال لصاحب المحل .. انا أعرف أوباما لو مش مصدق تعالي نسافر أمريكا وبالفعل وصلوا الى امريكا وامام البيت
الأبيض فال حسان لصاحب المحل قف مكانك وانظر الى هذا الشباك وسالوح لك بيدي أنا و أوباما وبالفعل حصل ولكن الرجل وقع مغشيا عليه ولما سألوا الرجل عن سبب أغماؤه قال:
انا أغمى علي لما اثنين أمريكان مروا بالصدفه وقالوا لي
من هذا الذي يقف بجانب حسان ههههههههههه
بالذمه في رخامة اكتر من كده!!
ههههههههههههههههه
هههههههههههههههههههههه
لا ... رخامة بجد
علي ابوها
هههههههههههههه
أه من الرخامة والغتاتة والتناحة يا شريف لما تتجمع في بني أدم
بيبقي سقيل بشكل غبي بالبلدي كده بيبقي معجون رخامة
جنبنا بلد مش هقول علي اسمها علشان أهلها مايزعلوش مني بيسموها بير الرخامة قبلها بشوية بلد تانية اسمها ((جديلة)) أهلهلها مشهورين انهم فقعوا القرد ودي قصة من التراث الشعبي
الغتت ده بيبقي له علامات أهمها انه مابيطقش نفسه وتحس انه كاره طوب الأرض وان هدومه كارهاه
الكارثة بقي لو متجوز واحدة من النوعية دي ...قول علي نفسك يا رحمن يارحيم ....
وبلدنا بالصلاة علي النبي مشهورة بالنوعيات دي
لما واحد يقلك دا انا مفيش زييي واحنا اللى دهنا الهوا دوكو .. قله احنا اللى عملنا الهوا كروهات ... ولبسنا السمك مايوهات ... وخرمنها لما حبينا نغرقوا
لما تلاقى شاب بيستظرف قله : ايه يلا العسل ده
أنت مولود ف بالاص ولا امك نحله ؟!!!!
بالمناسبة: نسيت أقولك ان الشباب الهيء والميء دول والطبلة والرق دول كتروا اوي أوي
نسيت أقولك كمان أني أصلا من جديلة !!!!!!!!!!!!!!!
هههههههههههههههههه
أجدع ناس
لا يا وليد شهادة حق انت شخصية ظريفة جدا
و لذيذ و تتحب من أول وهلة :)
هههههههههههههه
بس مين اللي فقعوا القرد دول ؟
هههههههههههههههه
ههههههههههههههههههههههه
عسل
تخيل كمية الرخامة اللي ممكن تكون عندهم
بيبقا حلوين زي القمر و الدم واقف واقفة مطينة
هههههههههههه
أهو ده نوع من انواع الرخامة
لما تكون بتتصور
و ييجي واحد رخم يلزق فيك
عشان يطلع في الصورة
يالهووووي يا جدعان
You can see links before reply
و الاظرف بقا لما تقرا موضوع رخم !!
تقوم حاطط له ختم (( رخم ))
هههههههههه
You can see links before reply
المنشاوية
27-01-2011, 10:23 PM
بجد موضوع هايل
بس اسمع الرخامة دى واحدة وزنها اكتر من 90 كيلوبتقول لواحدة وزنها 50كيلو انتى تخنتى قوى ولازم تخسي:patch_punnch:
شمس بياض
07-02-2011, 11:12 PM
معلهش اسمح لى ارخم
وارد على الموضوع
ماشفتش اكتر من عمدتنا رخامة
عمالين نقوله
ياعم العمدة بطلت العموديه
وحل عن قفانا
عامل ودن من طين وودن من عجين
معندكش حل ؟
مافيش بقى غير
حل من عند ربنا
وبنقول يا
رب
mostawb
15-10-2018, 06:54 PM
الرخامة فينا بس ربنا هدينا :patch_joi:
azab888
16-08-2020, 12:53 PM
هاك VNHAX beta vip (You can see links before reply 8%b1-2020-%d9%85%d8%aa%d9%88%d8%a7%d9%81%d9%82-%d9%85%d8%b9-%d8%a7%d9%84%d8%aa%d8%ad%d8%af/)
معني كلمه ببجي PUBG (You can see links before reply)
هاك ببجي للكمبيوتر 2020 بدون باند (You can see links before reply)
هاك ببجي موبايل بدون باند (You can see links before reply)
اسعار شدات ببجي (You can see links before reply)
شحن يوسي ببجي مجانا (You can see links before reply)
شحن يو سي مجانا (You can see links before reply)
اسم انتصار في المنام (You can see links before reply)
لعبة ولف تيم للتحميل (You can see links before reply)
لعبة God of war (You can see links before reply)
تحميل لعبة Age of Empires 2 (You can see links before reply)
تحميل لعبه سيارات GRID 2019 (You can see links before reply)
الوقاية من السرطان 2020 (You can see links before reply)
اضرار صراصير البحر (You can see links before reply)
Powered by vBulletin® Version 4.2.2 Copyright © 2025 vBulletin Solutions, Inc. All rights reserved, TranZ by Almuhajir