حوار على مائدة الحياة ــــــــــــــــ و مسيو وليد عسكر

[شريف]

8812



برنامج حوارى


جرئ مقروء ... أقدمه ...
في قسمنا العام على مائدة الحياة و الواقع الذى نعيشه
أستضيف كل فترة مبدع من مبدعى بوابة التعليم المصرى
... (( أو من خارجها ))
و نجرى حوارا اجتماعيا ثقافيا سياسيا
و ربما دينيا و سأسأل و سيجيب الضيف ..
بكل شفافية و وضوح و جرأة معبرا عن رأيه ...
و كم سيشرفنا مشاركة الجميع و تعليقاتهم
التي ننتظرها على أحر من الجمر



8813




8814



انتظروا معى .... الضيف الأول
و تابعونا

[شريف]

ضيفي الأول ان شاء الله

نجم المنتدي

الباشمهندس هشام

في انتظار موافقته

[نعمه محمود]

فكرة هايلة اسمح لى أحييك عليها ياشريف ومنتظرين معاك الباشمهندس هشام

[شريف]

شكرا يا نعمة
علي تشجيعك

و ان شاء الله اول ما تقوميلنا بالسلامة
هتكوني نجمة الغلاف

[نهاد فؤاد]

السلام عليكم ورحمة الله وبركاته


الموضوع جميل جدا واسلوب العرض راقى جدا

ماشاء الله

ننتظر م / هشام

وننتظر بفارغ الصبر كيف ستناقش مائدة الحياة مع اعضائها المتميزين خلقا وعلما

جزاكم الله خيرا

[شريف]

شكرا جزيلا عزيزتنا نهاد
تسلم ايدك علي مشاركاتك الجميلة
و اعملي حسابك
علي حلقة طويلة عريضة في برنامجنا

[مسيو وليد عسكر]

الله عليك يامبدع وعلي افكارك
ايوة كده ياعم شريف لعلع زي ايام زمان
بجد موضوع رائع يستحق كل اشادة وتقدير
أحييك عليه ياشريف ومنتظرين كلنا البشمهندس هشام عبقري المنتدي

[شريف]

يا وليد انت لو فضلت كده تشجعني
و تدخل المنتدي كتير
انا ممكن ابات ادام باب المنتدي
اربعة و عشرين ساعة
هههههههههههههههه
منور يا جميل
و جهز نفسك للقاء حواري ناري

[المهندس هشام كمال الدين]

طبعا موافق أ/* شريف
ومستعد للحوار وأسف للتاخير
ويارب تكون الأسئله من المقرر

[شريف]

يا مرحب يا زعيم
و الله انت اول واحد عشان كلنا بنحبك
و مش قادرين نتخيل المنتدي من غيرك

استعد يا بطل

[المهندس هشام كمال الدين]

مستعد
هي الاسئله على الهوا ولا ايه

[شريف]

أثق كثيرا بوجهة نظرك و برؤيتك و خبرتك
و من هذا المنطلق ... استاذ هشام أسألك

لماذا بعد عشرين أو خمسة و عشرين عاما من الزواج يظل الزوجين يعانون مرارة الاختلاف و الخلافات و المشاكل ؟
أليس هذا الوقت كافيا و هذه السنوات أدعي
أن تزول كل الخلافات ؟

[المهندس هشام كمال الدين]

من وجهة نظري
ان الخلافات بين الزوجين أساسا لا تنتهي حتي لو مر خمسين سنه
وعلي الرجل ان يكبر دماغه ويفوت احيانا ويستهبل احايين اخرى
فكرتني بالمثل القائل: أسد علينا وفي الحروب نعامة
وفي كثير من الأحيان مشاكل الحياه تكون السبب
مش هطول اكتر من كده
لما نسخن شوية

[المهندس هشام كمال الدين]

نصلي ونكمل بعد الفاصل

[شريف]

اذن بما أن المشاكل ستستمر ما استمرت الحياة
فهل هذا ينفي وجود الحب ؟

بمعني آخر

يتغني الكثير بالحب

هل تؤمن به ...

أم هل انت من التشاؤم بشكل قد يجعلك

تنكر وجوده بالمره !!

[شريف]

أجب بعد الصلاة يا باشمهندس

[ياسر الدقاق]

موضوع جامد وفكرة رائعة أستاذ شريف
وبداية موفقة مع المهندس هشام
وأسئلة نارية منذ البداية
ورد سياسي ( كما يسمونه ) من المهندس هشام السياسي الكبير
وحضور جميل لمسيو وليد
ومتابعة منا لنري النهاية الموفقة

[المهندس هشام كمال الدين]

أكيد الحب موجود
بس اسماؤه بتختلف
تخيل أنا متزوج من سنة. يا 86 ........... يا 87 مش فاكر بالظبط.............. ربنا يستر
ونحن الان في سنة 2011 شوفت كام سنه زواج........ يعنى استاهل جائزه الدوله التشجيعيه
ومع مرور كل هذه السنوات احب زوجتى ويارب تقرأ هي الجمله دي
فالحب موجود
أما حب الطلبه لا أعترف به هو اى شئ آخر غير هذا المسمى....( سمعاني يا ام محمد)
اما عن حب الأغاني ساذكر سرا أنا تعرفت علي زوجتي وهي في سنه أولى أعدادى وكنت وقتها في أولى ثانوي
ولكن عرفت والدتها رحمها الله وقولت لها حينما أنتهي من دراستي سأتزوج أبنتك وقد كان
ومسمعتش حكمه جحا وتزوجت بدري.

[شريف]

الموضوع جامد عشان انت موجود
و رديت فيه يا مستر ياسر
ربنا ما يحرمنا منك

[شريف]

. يعنى استاهل جائزه الدوله التشجيعية

هههههههههههههههههه
هههههههههههههههههههه
و الله زي العسل يا باشمهندس و بحب اثير
الموضوع ده معاك عشان انكشك هههههههههههه

الاهم

ايه رأيك في زن الستات ؟

[المهندس هشام كمال الدين]

مش رد سياسي ولا حاجه أ/ ياسر
انا متراقب

[ياسر الدقاق]

مش رد سياسي ولا حاجه أ/ ياسر
انا متراقب


أنا قلت كده برضوا
الله يكون في عونك يا باشمهندس
كلنا كده مش لواحدك متخافش
هي موته ولا إتنين
ههههههههههه

[المهندس هشام كمال الدين]

ايه رأيك في زن الستات ؟
كلمني عن الزن
ياباشا علي الصبح ولسه الواحد ما عمل سيئه ولا حسنه
تلاقي السؤال اليومي
- قولى قبل ما تنزل هتتغدوا ايه النهارده
وأرد الاجابه المعتاده:اي حاجه.... اسألي ولادك.... انا أتأخرت
انت عارف الفاصوليا كانت أمبارح بعشره جنيه
أرد: مش بحب الفاصوليا أعملي حاجه تانيه
-زي ايه
-ياست اي حاجه أنزل بقي
طب هتاكل كوسه
- مديحه مش بتحبها
-اه فكرتني مديحه عايزه فلوس الدرس
-يا فتاح يا عليم يا رزاق يا كريم ...........حاضر لما أرجع
أنزل بقي

وهكذا.....................

بس تعرف ....بعرف اضحك عليها
لا قولتلها تطبخ ايه ولا دفعت فلوس الدرس
والله مراتي دي بتصعب عليا
وتقوللي زن............... فين الزن ده

[شريف]

هههههههههههههههههه
و النعمة انا عامل الموضوع ده عشانك مخصوص
ههههههههههههه

الحمد لله
يبقا الزن ده صفة موجودة في الستات كلهم
ـــــــــــــــــــــــــــــــــــــ
بالنسبة للقعدة بقا علي الكمبيوتر
ادام المنتدي

طبعا دي حاجة ما بتعجبش اي ست في الدنيا
لما يكون جوزها له نشاط واسع ع النت

و خصوصا لما ما يكونش ليها اي علاقة بالتكنولوجيا
و اخرها الراديو علي اذاعة الشرق الاوسط

بتعمل ايه عشان تبرر موقفك يا باشمهندس !!
:)

[المهندس هشام كمال الدين]

الكمبيوتر والقعده عليه تماما زي العربيه
كان عندي سياره فيات 132 وكل يوم ارجع البيت متأخر
ولما تسألني كنت فين وايه اللي أخرك اتحجج كنت عند الميكانيكي
والحمد لله كرهت السياره وشجعتني علي بيعها
فاصبح الكمبيوتر الضره رقم اتنين
ولكن حين أتواجد في محل والدي أدخل علي النت براحتي
والله انا مش عارف هم عايزيين ايه مننا
أهو النت بيعالج الوطنيه

[شريف]

هوا الجواز كده
يخليك تبيع ما تشتريش
ههههههههههههههه

..........................................

تنصح بايه اي شاب مقبل علي الجواز ؟
اقصد يعني ازاي يدبح القطة من اول ليلة ؟

[المهندس هشام كمال الدين]

يدبح القطه....ههههههههههههههههههههههههههههههههههههه
يا سيدى الشباب بقوا قطط
دا معظم زيجات اليوم لا تستمر أكثر من كام شهر عشان الشباب معظمهم مستانس
تلاقي الواحد زي الحيطه وقطه ولا حاجه نافعه معاه فهيدبح القطه ازاى وهو عينه مكسوره
ولو فتح بقه هتلاقيها تبصله البصه وتقول ها هتسكت ولا أقول
يا أستاذ الشباب بينونو
الرجاله كانت زمان
ونصيحه للشباب المقبل علي الزواج
فكر ياأبني................... فكر تاني...................... يهديك تفكر
طيب أشرب بقي

[شريف]

ايه ده ايه ده ايه ده يا باشمهندس
انا احتج
انت كده هتبوظ سمعتنا
الحق يا وليد
اتصل بسرعة بالشربيني
في مؤامرة علي جيل بحاله
هههههههههههه
ــــــــــــــــــــــــــ
أحب اقولك يا باشمهندس
ان في شباب تشرف الحمد لله
اخوك اسد في البيت
زي بتوع زمان كده و اكتر الحمد لله

الشباب المصري زي الفل
لولاش بس الظروف المطينة اللي الناس عايشاها ههههههههه

بس الحمد لله
انا عن نفسي دبحت القطة لحد ما الفيران ملوا البلد ههههههههه

الراجل مش بس بكلمته
الراجل برعايته لبيته و لاسرته

بجد يا باشمهندس
احترام الست للراجل ينبع من
رجولته الحقيقية بمعني الكلمة
من نظرتها ليه و انه يملا عينها

و الحمد لله ناس كتير مالية عين زوجاتها بفضل الله
اخلاقا و سلوكا و رحمة و مودة و انفاق و كافة الحقوق

بالمناسبة يا باشمهندس

تفتكر الرجالة قوامون علي النساء بايه ؟

[المهندس هشام كمال الدين]

انا بتكلم عن الشباب اللي زيجاتهم لا تتعدي الست أشهر
يعني انت عديت ياريس
وبعدين انت مسمعتش عن الفئران الموجوده في الشرقيه وعماله تاكل الزرع
أخوك السبب سمعته خلت القطط تطفش من البلد ( لسه على أبريل بدري)
اما عن قوامة الرجل علي المراه متلقيش
لو علي الانفاق.. الست هي اللي معاها الانفاق
الرجل بقي مش قوام بقي كمسري يلم الفلوس وآخر اليوم يوردهم للمفتش
أما عن متطلبات الحياه... عن نفسي زوجتي تقوم بكل شئ من شراء الملابس ودروس الولاد ودفع ايجار الشقه
بصراحه احنا ضيوف غير مرغوب فيهم في المنزل
والله الست دي يتعملها تمثال دا كفايه انهم مستحملين وجودنا معاهم.

[شريف]

عندك حق والله يا باشمهندس

تحب تاخد راحة شوية

و لا اكمل اسئلة و انا سخن كده ؟

[نعمه محمود]

الحمد لله
يبقا الزن ده صفة موجودة في الستات كلهم


أحتج وبشدة فى ستات نسمة ملايكة بترفرف فى البيت ههههههههههههههههههه

[نعمه محمود]

تحية كبيرة لردود باشمهندس هشام بجد تلقائية ورائعه

[المهندس هشام كمال الدين]

كمل يااستاذ/ شريف
قبل ما مراتي تصحي

[شريف]

أحتج وبشدة فى ستات نسمة ملايكة بترفرف فى البيت ههههههههههههههههههه
ههههههههههههههههههههههههههه

[شريف]

كمل يااستاذ/ شريف
قبل ما مراتي تصحي
هههههههههههههههه
حرام عليك يا باشمهندس
انا جالي مغص م الضحك

طب بالمرة بقا قبل ما نخش في السياسة و نتحبس كلنا

ايه اكبر عيب في الست المصرية غير الزن طبعا
عشان الزن اساسي

و الراجل الذكي الخبرة المفروض يعمل ايه
عشان يعرف يتعامل مع مراته؟

[مسيو وليد عسكر]

حوار شيق جداا ومستمتع بكل حرف فيه
علي فكرة يا بشمهندس ردودك زي الفل
ربنا يسترها عليك النهاردة وتبات في البيت النهاردة ههههههه
كمل ياشريف ومتابع معاك حوارك الجميل

[شريف]

جهز نفس يا وليد ... عشان انا عارف انك هتولع الدنيا
باراءك و ردودك النار برضه

منور يا باشا

[المهندس هشام كمال الدين]

لا تخاف عليا ا/ وليد
لو لم ابيت في البيت عندي محل والدي شقه أربع غرف ممكن انام فيها واتجوز كمان.

[شريف]

لا تخاف عليا ا/ وليد
لو لم ابيت في البيت عندي محل والدي شقه أربع غرف ممكن انام فيها واتجوز كمان.

بتقولها كده بكل بساطة و انت متراقب !!
كنت لسه هسألك عن الجواز التاني
كده انا عرفت رأيك

بس ليه الستات بيعتبروا ان جواز الراجل الثاني خيانة ؟
مش شرع ربنا ده و حلال ؟ :patch_baskt:

[ياسر الدقاق]

الله ينور عليك يا باشمهندس هشام
بصراحة ردودك جميلة جداً وواقعية جداً
معاك للآخر لنستفيد من خبرة سنين طويلة
أصل إحنا لسه في البداية

[المهندس هشام كمال الدين]

ايه اكبر عيب في الست المصرية غير الزن طبعا
عشان الزن اساسي

و الراجل الذكي الخبرة المفروض يعمل ايه
عشان يعرف يتعامل مع مراته؟
علمتني الحياه
كيف اتعامل مع المرأه..................
أسمع علي قد ما تقدر بس تكون واخد حبايه ترامادول المسكنه
وبعدها نفذ عكس ما تسمع تجد نفسك في السليم.
في غضبها اسكت عن الاستمرار في الكلام وبعد ما تخلص
كلمه واحده تخليها تهدأ طبعا مش هقولك علي الكلمه دي ايه... أفهم لوحدك
لو عايز تخليها تشيل والدتك في عينيها.......... أسألها وانت متضرر.. ابوكي مش باين ليه
انا هروح أسأل عليه
تلاقيها بتقول وعدي على والدتك واسأل عليها وخليها تيجي تتغدى معانا
طبعا تروح لأمك ونفض لأبوها ولو سألتك رد بكل ثقه : روحت ولم أجده في البيت.
لو عايز تستلف منها فلوس.......... أسمع وأتعلم
أدخل البيت مكشر ولما تقولك هتاكل رد وقول ماليش نفس
هتسألك مالك... خش على طول في الموضوع هتلاقيها على طول بتخرج الفلوس
اللي مدكناها من وراك...........خبره بقي
لو عايز بيقى تعيش لحظات رومانسيه اهي دي بقي مش هقولك عليها
ولو مصمم تعرف أفتح ايميلك هههههههههههههههه

[المهندس هشام كمال الدين]

ا/ ياسر
تدفع كام واخليك دكتور في الحياه الزوجيه
أصل انا بقيت أستشارى...هههههههههه

[شريف]

ايه اكبر عيب في الست المصرية غير الزن طبعا
عشان الزن اساسي

و الراجل الذكي الخبرة المفروض يعمل ايه
عشان يعرف يتعامل مع مراته؟
علمتني الحياه
كيف اتعامل مع المرأه..................
أسمع علي قد ما تقدر بس تكون واخد حبايه ترامادول المسكنه
وبعدها نفذ عكس ما تسمع تجد نفسك في السليم.
في غضبها اسكت عن الاستمرار في الكلام وبعد ما تخلص
كلمه واحده تخليها تهدأ طبعا مش هقولك علي الكلمه دي ايه... أفهم لوحدك
لو عايز تخليها تشيل والدتك في عينيها.......... أسألها وانت متضرر.. ابوكي مش باين ليه
انا هروح أسأل عليه
تلاقيها بتقول وعدي على والدتك واسأل عليها وخليها تيجي تتغدى معانا
طبعا تروح لأمك ونفض لأبوها ولو سألتك رد بكل ثقه : روحت ولم أجده في البيت.
لو عايز تستلف منها فلوس.......... أسمع وأتعلم
أدخل البيت مكشر ولما تقولك هتاكل رد وقول ماليش نفس
هتسألك مالك... خش على طول في الموضوع هتلاقيها على طول بتخرج الفلوس
اللي مدكناها من وراك...........خبره بقي
لو عايز بيقى تعيش لحظات رومانسيه اهي دي بقي مش هقولك عليها
ولو مصمم تعرف أفتح ايميلك هههههههههههههههه


ههههههههههههههههه

الله الله ع الدرر
و الله العظيم درر

انت مثال للرجل المصري الأصيل
كلام زي العسل و الله
هههههههههه

المهم قولي يا باشمهندس
مفكرتش تتجوز ؟
قصدي ايه رايك في الجواز التاني ؟
اصلي نفسي اعملها

هههههههههههههههه

[المهندس هشام كمال الدين]

ا/ شريف

بس ليه الستات بيعتبروا ان جواز الراجل الثاني خيانة ؟
مش شرع ربنا ده و حلال ؟
أنانيه طبعا
والكلمه اللي لازقه في بوقهم
اللي خدته القرعه تخدوا أم الشعور
بس انت................... خليني اصيح قربت تصحي ومش هينفع كده


:patch_baskt:

[شريف]

بيقولك مرة واحد قعد يصوت و يعيط في جنازة مراته
فواحد صاحبه ميل عليه كده و قال له
ايه العياط ده كله ؟
اللي خلقها ما هو خلق غيرها يا اخي
قال له : اسكت ... اصل انا سمعت ان العياط بيعذب الميت

[المهندس هشام كمال الدين]

المهم قولي يا باشمهندس
مفكرتش تتجوز ؟
قصدي ايه رايك في الجواز التاني ؟
اصلي نفسي اعملها
طبعا فكرت وكل الرجال بتفكر زيي
الراجل لازم يدلع نفسه
تخيل معي لو انت متجوز اتنين وكانت امكانياتك تسمح
طبعا كل الامكانيات.....دا الواحد يدلع دلع
بس.................. ليت الشباب يعود يوما
بقولك استشارى يعني ي ي ي
بس بالنسبه للجواز التاني اللي اتقرص من الثعبان يخاف من الحبل
طب ايه رأيك أنا أعرف واحد متجوز اتنين ومسكنهم في بيت واحد كل واحده في شقه
هو عن نفسه متدلع ولكنهما في غيابه حرب نار يا حبيبي نار

[شريف]

المهم بقا ننتقل الي نقطة أخري

أسألك يا باشمهندس و أقولك

ليه احنا بلد نامي من دول العالم التالت

من وجهة نظرك ؟

[ياسر الدقاق]

ا/ ياسر
تدفع كام واخليك دكتور في الحياه الزوجيه
أصل انا بقيت أستشارى...هههههههههه

إل إنت عايزة يا باشمهندس
أصل الخبرة لسه سنتين بس
و بصراحة كلامك يعبر عن رئيس إستشاريين
المفروض نصائحك تجمع في كتاب يسموه فن التعامل مع الزوجه المصرية
ههههههههههههههه
الله ينور عليك

[شريف]

المهم قولي يا باشمهندس
مفكرتش تتجوز ؟
قصدي ايه رايك في الجواز التاني ؟
اصلي نفسي اعملها
طبعا فكرت وكل الرجال بتفكر زيي
الراجل لازم يدلع نفسه
تخيل معي لو انت متجوز اتنين وكانت امكانياتك تسمح
طبعا كل الامكانيات.....دا الواحد يدلع دلع
بس.................. ليت الشباب يعود يوما
بقولك استشارى يعني ي ي ي
بس بالنسبه للجواز التاني اللي اتقرص من الثعبان يخاف من الحبل
طب ايه رأيك أنا أعرف واحد متجوز اتنين ومسكنهم في بيت واحد كل واحده في شقه
هو عن نفسه متدلع ولكنهما في غيابه حرب نار يا حبيبي نار




يا بختتتتتتتتتتتتتتتتتتتتته

[المهندس هشام كمال الدين]

المهم بقا ننتقل الي نقطة أخري

أسألك يا باشمهندس و أقولك

ليه احنا بلد نامي من دول العالم التالت

من وجهة نظرك ؟

أحنا مش بلد نامي أحنا بلد نايم
الدنيا حولنا تتسابق تكنولوجيا اما نحن نستخدم هذا السباق عكس الاتجاه
نحن بلد مستهلك فقط يصنعون المحمول لسرعة اتمام الصفقات ونحن نستخدمه في كل ما هو تافه
اخر الأحصائيات علي لسان رءيس الوزراء متفاخرا ان الشعب المصري يستعمل المحمول اكثر من الشعب الامريكي
ولكن في الهيافه
والتعليم المنتهي من المدارس والدروس الخصوصيه
وعداله البلد بس في توزيع الفقر علي الشعب

[شريف]

بتميل لأنهي حزب مصري يا باشمهندس ؟

[المهندس هشام كمال الدين]

انا مهموم ببلدي
مش بقولك
وطني

[شريف]

ايه رأيك في أداء الحزب الوطنى ؟

[ياسر الدقاق]

يا أستاذ شريف خليك في الحب والزواج أحسن
خلينا في قفص الزوجية
بدل ما نروح قفص الحكومة

[المهندس هشام كمال الدين]

أعتقد ان آداء الحزب الوطني ناجح جدا
يكفي مهارتهم في الحفاظ علي الاغلبيه في المجلس الموقر
وعن مهاره التزوير حدث ولا حرج............ عباقره
بس للامانه في برامج مفيده للشباب مثل الدورات المختلفه
لو ننفذ برامجهم بامانه وبدون سلبيه
من الاخر حزب كويس بس لا يوجد ضمير

[شريف]

علي حسب ما الباشمهندس عايز
انا قولت عشان ما يزهقش بس
لازم ننوع :patch_balon:

[المهندس هشام كمال الدين]

يا أستاذ شريف خليك في الحب والزواج أحسن
خلينا في قفص الزوجية
بدل ما نروح قفص الحكومة

وماله قفص الحكومه
علي الاقل هيجيلك العيش وانت قاعد مكانك
مش احسن من طوابير العيش

[شريف]

تمام يا باشمهندس
تسلم ايدك يا ريس

بحييك جدا علي صبرك عليا

اتنقل لنقطة اخري مهمة اوي :)

لو طلعلك عفريت

و قالك اطلب مني اي حاجة

الا تلات حاجات

الحب ... الرضا ....

و اي حاجة ليها علاقة بسياسة الدولة العليا :)

هتطلب منه ايه ؟

[المهندس هشام كمال الدين]

هطلب من العفريت طلبات سهله خالص
-أعيش في مكان هادئ بعيدا عن الناس ومشاكلهم.......... فيلا على قمة جبل بس يكون فى ميه طبيعيه مش بموتور
أصل جيراني بيزعلوا لو فتحت موتور المياه عندى.
- هطلب طن الدهب اللي اخذته زوجه زين العابدين وهي بتهرب.
- هطلب أحج لاني غير متفائل بأن هذه الأمنيه صعبة المنال
- هطلب لو يقدر يرجعني طفل من جديد لاعيد حساباتي.

[شريف]

هههههههههه

بمناسبة اعادة الحسابات

لو رجعت 30 سنة لورا ... هتتجوز بدري ؟

و لا هتأجل شوية ؟

و ايه الحاجة الاساسية اللي كانت

هتتغير في حياتك ؟

[المهندس هشام كمال الدين]

هههههههههه

بمناسبة اعادة الحسابات

لو رجعت 30 سنة لورا ... هتتجوز بدري ؟

و لا هتأجل شوية ؟

و ايه الحاجة الاساسية اللي كانت

هتتغير في حياتك ؟

لو رجعت ثلاتين سنه
كنت هخلي فترة الخطوبه تلاتين سنه
كانت احلي ايام كلها خروج وفسح وسعاده وكان والدي بيتحمل كل هذه النفقات
كانت الحياه ورديه والاحلام كثيره
وكانت حماتي تكون لسه عايشه
بصراحه كانت بتحبني أكتر من بنتها وعن أمداتها الماديه تتعدي الخيال
ولكن ماتت وسابتني أعاني مع حماي.
والحاجات الاساسيه اللي كنت هغيرها في حياتي
كنت ألتحقت بالشرطه بعد قبلت فيها وفضلت الهندسه
اللي متأكلش عيش أو حت كنت تخصصت بالكهرباء التي كنت أعشقها بدل الميكانيكا
اللي خلت رائحتي جاز
وحاجات كتير
هات اللي بعده

[شريف]

واضح اني قلبت عليك المواجع

طب ننكش موضوعات تانية بقا

ايه رأيك في المناخ العام بتاع المنتديات التعليمية ؟

ايه السؤال الرخم ده ؟ :patch_punnch:

[المهندس هشام كمال الدين]

بصراحه انا كنت مستني السؤال ده
احنا عددنا تخطي المئة الف بكثير اوي
طب اللي محيرني كام واحد بيشارك؟
من اكثر من مائة ألف مش قادرين نحتفظ بألف فقط مشاركين
كنت متصور ان الموضوع الواحد علي الاقل سيشارك فيه الف علي الاقل
ولكن الحقيقه مره
يعني لو حضرتك كتبت موضوع. مين بيرد عليك
ممكن واحد ولا أتنين من المشرفين أو واحد من مجلس الإداره
هو كل دور المشرف انه يكتب موضوع وزملاؤه فقط هما اللي يردوا عليه
راجع كده المواصيع فين الاعضاء المشاركين في الموقع..طب هما ليه سجلوا ايضا في الموقع طالما لم يشاركوا
نفسي الاعضاء يكتبوا ويشاركوا
نفسي من كتر المواضيع اللي بتنزل أأجل تنزيل موضوع لي من كتر التنافس من ألف واحد فقط مش من مائة الف
شبابنا سلبيين ومش طالبين من النت الا التافه من العاب واغاني وافلام.

[شريف]

الله يفتح عليك
كلامك كله سليم ميه في الميه
بس عايز اقولك ان اعضاء كتير اوي بيسجلوا مخصوص
عشان ينزلوا مذكرات و يستفيدوا بالشغل
التعليمي اللي موجود
و ده في حد ذاته نجاح والله
الاقبال كبير الحمد لله
و عدد الاعضاء مهما كانوا سلبيين
هو مؤشر مهم جدا علي نجاح المنتدي
و في اغلب المنتديات حتي غير التعليمية منها
نسبة المشاركين الي الاعضاء الفعليين ضئيلة جدا

مش كل الناس بتستمتع بالمشاركة
و مش كل الناس عندها احتراف الكتابة و موهبة التواصل

و الله بحس كتير
ان الكيف اهم بكتير من الكم
فالعدد القليل الفعال افضل بكتير من عدد كبير
موضوعاته لا قيمة لها او منقولة كوبي و بيست


ايه الحاجة اللي لاقيتها هنا مالقتهاش
في منتديات تعليمية تانية ؟

[المهندس هشام كمال الدين]

انا لا ادخل منتديات تعليميه أخري إلا مجامله لاصدقاء هناك
ولكن غير مشارك
واري عندنا عمل هائل ومعلمون عباقره يعملوا لوجه الله
أنا وثقت في البوابه لثقتي بصديقي الفنان محمد وسيه ولمعرفتي بقدراته العلميه
وفعلا هنا وجدت أمثاله كثيرون.

[شريف]

ايه رايك في استايل المنتدي؟

[المهندس هشام كمال الدين]

عن نفسي دائما استعمل احدث متصفح
ولا توجد عندي مشكله
المشكله فعلا أن الاصدار الرابع من الاستايل لسه جديد وبالتالي هاكاته قليله فعلا
لان الهاكات القديمه لا تعمل علي الجيل الرابع فنصبر شويه هتسلك.

[شريف]

تعبتك يا باشمهندس النهاردة اوي معايا انا عارف
بس لاننا بجد مش بنشبع من الكلام معاك

هناخد فاصل طويل شوية لحد
بكرة الصبح ان شاء الله لو فاضي او بعد الضهر
او بالليل ... اللي يريحك

بس تأكد
ان الاسئلة دي مجرد تسخين
و اللي جاي اسخن بكتيييييييييييييير
ألف شكر علي اجاباتك الرائعة

و ليلتك زي الفل ان شاء الله

[المهندس هشام كمال الدين]

أشكرك ا/ شريف
سعدت بصحبتك اللية
واشكر كل من صاحبونا في رحلة الايام
ليلة سعيده يعقبها أحلام أسعد.

[سمير الجابرى]

بصراحه انا كنت مستني السؤال ده
احنا عددنا تخطي المئة الف بكثير اوي
طب اللي محيرني كام واحد بيشارك؟
من اكثر من مائة ألف مش قادرين نحتفظ بألف فقط مشاركين
كنت متصور ان الموضوع الواحد علي الاقل سيشارك فيه الف علي الاقل
ولكن الحقيقه مره
يعني لو حضرتك كتبت موضوع. مين بيرد عليك
ممكن واحد ولا أتنين من المشرفين أو واحد من مجلس الإداره
هو كل دور المشرف انه يكتب موضوع وزملاؤه فقط هما اللي يردوا عليه
راجع كده المواصيع فين الاعضاء المشاركين في الموقع..طب هما ليه سجلوا ايضا في الموقع طالما لم يشاركوا
نفسي الاعضاء يكتبوا ويشاركوا
نفسي من كتر المواضيع اللي بتنزل أأجل تنزيل موضوع لي من كتر التنافس من ألف واحد فقط مش من مائة الف
شبابنا سلبيين ومش طالبين من النت الا التافه من العاب واغاني وافلام.



احييك استاذ شريف مرتين
مرة على الفكرة الرائعة
ومرة على الاختيار الاروع للشخصية
واشكر المهندس هشام على صراحته وردوده الواقعية
وروحه الطيبة
اما بالنسبة للنقطة التى اثارها
فهى هامة جداااااااااااااااااااااااا
وبما انه عبقرى المنتدى
عاوزين فكرة او اقتراح
عشان يكون فيه الف عضو ايجابى فى البوابة

[شريف]

شكرا جزيلا استاذ سمير على مرورك العطر
سلمت يدك

و بخصوص السؤال الذى طرحته
انتهز الفرصة و ألقى أجمل تحية و أحلى صباح
علي باشمهندس هشام
و أسأله سؤالا يرتبط ارتباطا وثيقا بسؤالك
أو إن شئت فقل ... مبني عليه

ألا و هو :

ماهو من وجهة نظرك أخى استاذ هشام
الحل الناجع ... للسلبية التى تفشت
في المجتمع المصري كله
فضلا عن المنتديات التعليمية و اعضائها

؟

[المهندس هشام كمال الدين]

شكرا جزيلا استاذ سمير على مرورك العطر
سلمت يدك

و بخصوص السؤال الذى طرحته
انتهز الفرصة و ألقى أجمل تحية و أحلى صباح
علي باشمهندس هشام
و أسأله سؤالا يرتبط ارتباطا وثيقا بسؤالك
أو إن شئت فقل ... مبني عليه

ألا و هو :

ماهو من وجهة نظرك أخى استاذ هشام
الحل الناجع ... للسلبية التى تفشت
في المجتمع المصري كله
فضلا عن المنتديات التعليمية و اعضائها

؟




أصبحنا نرفع شعاروآنامالي ..خليني في حالي
وإن انهيارالقيم وسقوط المثل هما السمة الدالةعلى سلبية أي مجتمع ياسيدي
نحن أمة لاتنتج ولاتتفاعل مع مجريات الحياة
أمة تتغنى بالتاريخ والماضي ومازالت سجينة الذكريات الجميلة
وقد وصلنا إلى هذه الحالة لعده أسباب منها العزلة الفكرية والثقافية
والهروب من الواقع واليأس والتشاؤم من إصلاح الحال
ومن اخطرمظاهرالسلبية اللامبالاة والكسل والإتكالية
والتفنن في الهروب من المسئولية واستخدام نظرية المؤامرة
والحل هوعكس ماكتبت.

[Mr:M.Kamal]

ياجماعه حرام عليكم انا ميت من الضحك مش قااااااااااااااااااااااااااااااااااااااااااااااااا ادر

يارريتنى كنت معاهم

[المهندس هشام كمال الدين]

أكيد كنا مفتقدينك ا/ محمد كمال
بس ملحوقه تابعنا في الجزء التالي
ويكفينا شرف مجرد مرورك العطر
تحياتى

[شريف]

منور يا استاذ محمد و منتظرين يا باشا بكل فخر تواصلك معانا
و انتظر حلقة لك كاملة في برنامجنا تكون نار ان شاء الله

[شريف]

باشمهندس هشام
دعنى اتواصل معك يسؤال أخر

يصراحتك و شجاعتك المعهودة ...
ما هي أصعب اللحظات التى مرت عليك في حياتك

؟

[زهره المدائن]

السلام عليكم ورحمة الله وبركاته
ايه الموضوعات الجامدة دي يا مستر
ما شاء الله
:27::27:
واختيار موفق عشرة علي عشرة
وفعلا استفدنا كتير من ارائك يا باشمهندس
اراء سياسية ودبلوماسية ميةفي المية
بس خالي بالك نون النسوة صاحية
والشرقيه مش بعيد علينا خالي بالك

[شريف]

خالص شكرى لعبيرك الذى انتشر في بستاننا
يا زهرة المنتدي العطرة

(( استعدي لحلقة خاصة بك
في برنامجنا لنزداد فخرا ))

[المهندس هشام كمال الدين]

باشمهندس هشام
دعنى اتواصل معك يسؤال أخر

يصراحتك و شجاعتك المعهودة ...
ما هي أصعب اللحظات التى مرت عليك في حياتك

؟




أه جينا للأصعب
بكل تاكيد كانت أصعب اللحظات كانت في معهد السرطان وفي اليوم المحدد لخروج حماتي
بعد ان اجمع الأطباء أنه تم السيطره على المرض وكنا نستعد للخروج ولكن سبقتنا إرادة الله
فقد انتشر المرض بالمخ وحدثت الوفاه وانا كنت معها في الحجره
وأكيد يوم وفاة والدي كان صعب جدا
أسف للنكد ده................. إنها الحقيقة

[شريف]

اللهم رحماك بهما و غفرانك
أسأل الله أن يرزقهما الفردوس الأعلي
من الجنة و السامعين

السؤال المضاد الان ...
كي أصحح المسار الخاطئ الذى اتجهت أنا اليه
بسؤالى السابق

ما هي اللحظة التي تستطيع ان تسميها
اسعد لحظات عمرك
و ما الهواية التي تطير في السماء عاليا
من الفرحة و انت تمارسها


؟

[المهندس هشام كمال الدين]

اسعد لحظات حياتي يوم نجاح أولادي آخر العام
محمد وفاطمه الزهراء في السنة النهائيه في الجامعه ومديحه في الأعداديه
شوفت بقي بعاني قد ايه ثلاث شهادات في عام واحد..................... وعشان الحكومة لا تزعل
فأكيد يوم 22 يناير من أسعد أيامي عشان عيد ميلاد زوجتي يعني لايوجد زن اليوم
أما الهواية المفضله العمل على الفوتوشوب ولعب البلياردو سنوكر علي الكمبيوتر.

[شريف]

ربنا يخليهوملك و تشوفهم ان شاء الله أحسن ناس في الدنيا
....
لو جاتلك فرصة تغير الزمن اللي انت عايش فيه

تختار انهي زمن

؟

[المهندس هشام كمال الدين]

أفضل زمن الستينات أو السبعينات
تحس كده إن الحياه كانت حلوه وأفلام عبد الحليم وأم كلثوم
والحياه سهله والشوارع فاضيه وكانت تغسل ليلا والحب منتشر بين الناس
ليت الزمان يعود يوما.

[شريف]

معاك جنيه و نص رصيد في موبايلك :patch_comm:
متاح ليك تبعت رسايل

هتبعت لتلات اشخاص

هتبعت لمين و هتقول في كل رسالة ايه

؟

(( اسئلة خفيفة كده تسخين ))

و القادم أسخن

[شريف]

هاخد فاصل عشان في ضيوف ... هحاول اوزعهم او احطلهم ملح في الشاي

[المهندس هشام كمال الدين]

الرسالة الاولي:
هبعتها لأمي وقول فيها ادعيلي يا امي محتاج دعواتك
الرساله الثانيه:
هبعتها لزوجتي وقول فيها كل سنة وانتي طيبه بمناسبه عيد ميلادها
الرسالة الثالثه:
هبعتها للأستاذ/ شريف
وهقول فيها أنت ناوي تعمل قصة حياتى فيلم سينمائى.

[ياسر الدقاق]

السلام عليكم ورحمة الله وبركاته
عامل إيه يا باشمهندس
الله ينور علي الإجابات الصريحة اللذيذة
دائماً مبدع

[المهندس هشام كمال الدين]

السلام عليكم ورحمة الله وبركاته
عامل إيه يا باشمهندس
الله ينور علي الإجابات الصريحة اللذيذة
دائماً مبدع

الحمد لله أ/ ياسر
المهم لازم تتدخل الفيلم بتاعي بس رشحلي البطله اللي هتكون معايا.

[شريف]

طيب بما ان قصة حياتك

هتتعمل فيلم ان شاء الله يا باشمهندس :)

اختار لنا عنوان للفيلم
ثم اجب :

ما هونشاطك علي الشبكة العنكبوتية بخلاف المنتديات ؟

كوبي و بيست لقائمة المواقع المفضلة لديك :)

ثم
لمن تقرأ ؟

[المهندس هشام كمال الدين]

أفضل عنوان الفيلم:صابر على الايام
بطوله هشام وهيفاء
والمواقع المفضله لدي معظمها من محرك البحث جوجال فانا ابحث عما أفكر به خصوصا البرامج في شتى المجالات
اي ليس لدى موقع معين هذا بالإضافه للفيس بوك وموقع طريق الاسلام اما عن القراءه فافضل القراءه لمحمود السعدني
وقراءه أشعار احمد فؤاد نجم وأخيرا أشعار النجم القادم هشام الجخ

[شريف]

إذا أُتيحت لك الفرصة ... كى تقوم بتغيير كلمات النشيد الوطنى !
ماذا يمكنك أن تكتب من كلمات ...


؟

[المهندس هشام كمال الدين]

لو علي أختيار نشيد وطني
انا بحب جدا الكلمات دي:
همَ مين واحنا مين هم الأمرا والسلاطين

هم المال والحكم معاهم واحنا فقراء ومحكومين

حزر, فزر شغل مخك شوف مين فينا بيحكم مين

احنا مين وهم مين احنا الفُعَلا البنايين

احنا السنة واحنا الفرض احنا الناس بالطول والعرض

من عافيتنا تقوم الأرض وعرقنا يخضر البساتين

حزر, فزر شغل مخك شوف مين فينا بيخدم مين

هم مين واحنا مين هم الأمرا والسلاطين

هم الفيلا والعربية والنساوين المتنقية… طبعاً,

حيوانات استهلاكية شغلتهم حشو المصارين

حزر فزر شغل مخك شوف مين فينا بيأكل مين

احنا مين وهم مين احنا قرنفل على ياسمين

احنا الحرب حطبها ونارها احنا الجيش اللي يحررها

احنا الشهداء فِ كل مدارها منتصرين أو منكسرين

حزر فزر شغل مخك شوف مين فينا بيقتل مين

هم مين واحنا مين هم الأمرا والسلاطين

(بقلم أحمد فؤاد نجم)

[شريف]

و ده يتقال الصبح فى طابور المدرسة برضه يا باشمهندس ؟
و النبى شكلنا (( البوكس )) هيلمنا كلنا ههههههههههه
حابس حابس ... قالع لابس
انا ماليش دعوة
هوا اللي قال
يجعل كلامنا خفيف عليهم :patch_punnch:

انا بعترف من اول قلم

استعد يا زعيم للأسئلة الجاية اللي مش هتبقي من المقرر

[شريف]

باشمهندس

إذا أردت أن تبكى الآن ... فعلى من أو على ماذا ستبكى
و هل البكاء أحيانا ... يعيب الرجل

؟

[المهندس هشام كمال الدين]

لا بالطبع البكاء لا يعيب الرجل
تخيل مره كنت بشاهد فيلم وفي أحد المشاهد المؤثره دمعت عيني . الدموع دي حاجه متعود عليها خصوصا يوم الجمعه لما بساعد مراتي في تقشير البصل.
أما على من أبكى فبعد وفاة والدي لا بيكيني إلا ياسي
من حج بيت الله وزياره الحبيب المصطفى صلى الله عليه وسلم

[شريف]

هقولك مجموعة امثال يا هندسة

و تعلق علي كل واحد فيهم ... و هل بتؤمن بيه ولا لا
و لو مر عليك مواقف مشابهة بالمثل ياريت تفضفض

[المهندس هشام كمال الدين]

الامثال دي مسمعتهاش قبل كده ياه
الفراغ في الكتله.

[شريف]

عندما تتوقفون عن

التفكير بأنفسكم كعبيد
سيستحيل على أي شخص
أن يستعبدكم

[المهندس هشام كمال الدين]

عندما تتوقفون عن

التفكير بأنفسكم كعبيد
سيستحيل على أي شخص
أن يستعبدكم

هذه حكمة صحيحة جدا ورحم الله امرء عرف قدر نفسه
وإن هانت علينا أنفسنا فسنهون على اعدائنا
هذه الحكمه لو يعيها حكام العرب لاستعادوا المجد السابق ولاقلعوا عن الشحاته أو المعونه التي كسرت انوفنا واعيننا
ولنعلم أن من يملك قوته ..يملك حريته.

[شريف]

الله يفتح عليك
و نعم الرأي

طب خد عندك

(( إذا أحببتها فلن تستطيع أن تراها.. لماذا؟ لأن الحب أعمى.. :patch_galc:))

[المهندس هشام كمال الدين]

الله يفتح عليك
و نعم الرأي

طب خد عندك

(( إذا أحببتها فلن تستطيع أن تراها.. لماذا؟ لأن الحب أعمى.. :patch_galc:))


أه مرايه الحب عمياء وخرسه وطرشه
وسبحان مألف القلوب ولولاها ما تزوجت غير الجميلات اللي على الفرازه وزي ما بيقول الكتاب
لمن سبحان الله ممكن تلاقي واحده جميله جدا وزوجها يالطيف
وممكن تلاقي شاب حليوه وعنيه خضراء زيي كده وشعره نازل علي عينه برضو زيي
ومتجوز واحده تعلم أبليس الفضيله والدنيا ياما فيها.............. ارزاق

[شريف]

ههههههههههههه

منطقة الحب الخطرة دي أحب انكشها معاك اوي يا باشمهندس
بتعلمني حكمة الحياة هههههههههه

سؤال بقا

هل فعلا اللى اختشوا ماتوا ؟

[شريف]

ههههههههههههه

منطقة الحب الخطرة دي أحب انكشها معاك اوي يا باشمهندس
بتعلمني حكمة الحياة هههههههههه

سؤال بقا

هل فعلا اللى اختشوا ماتوا ؟

[المهندس هشام كمال الدين]

ههههههههههههه

منطقة الحب الخطرة دي أحب انكشها معاك اوي يا باشمهندس
بتعلمني حكمة الحياة هههههههههه

سؤال بقا

هل فعلا اللى اختشوا ماتوا ؟
بمناسبه اللي أختشوا ماتوا
بيقولك في ظابط وقف علي كوبري ومنع السيارات من عبور الكوبري وصمم مفيش حد هيمر الا لما ينضرب علي قفاه
وبالفعل فضل يضرب واحد واحد الي ان سد الكوبري وبدا زحام شديد
فخرج احدي سائقي السيارات وطلب من الظابط بدل ماهو بيضرب لوحده يجيب كام ظابط يضربوا معاه عشان الزحمة.
الراجل مش همه الضرب على القفا واللي مزعله انه تعطل.
فعلا اللي اختشوا ماتوا !!

[mr.osama]

بصراحة موضوع ممتع ..
أشكر مستر شريف على الفكرة والحوار الشيق
وعلى اختياره الرائع للباشمهندس هشام
اللي فعلاً كان متألق في اجاباته وقفشاته وردوده الرائعة ..
وفي انتظار باقي الحوار وباقي الضيوف ..

[شريف]

بمناسبه اللي أختشوا ماتوا
بيقولك في ظابط وقف علي كوبري ومنع السيارات من عبور الكوبري وصمم مفيش حد هيمر الا لما ينضرب علي قفاه
وبالفعل فضل يضرب واحد واحد الي ان سد الكوبري وبدا زحام شديد
فخرج احدي سائقي السيارات وطلب من الظابط بدل ماهو بيضرب لوحده يجيب كام ظابط يضربوا معاه عشان الزحمة.
الراجل مش همه الضرب على القفا واللي مزعله انه تعطل.
فعلا اللي اختشوا ماتوا !!

هههههههههه
هم يضحك و هم يبكي

إذا كان علي كدا فاللي اختشوا فعلا ماتوا من زمان

كم تحمل القفا ... في زمننا هذا

[شريف]

بصراحة موضوع ممتع ..

أشكر مستر شريف على الفكرة والحوار الشيق
وعلى اختياره الرائع للباشمهندس هشام
اللي فعلاً كان متألق في اجاباته وقفشاته وردوده الرائعة ..

وفي انتظار باقي الحوار وباقي الضيوف ..


الموضوع ممتع بمرورك الكريم اخي العزيز استاذ اسامة
فَبِمِثْلِكُم ... تُقام المنتدياتُ
و لِمِثْلِكُم تُنشأ الموضوعاتُ
و تُدَارُ الحواراتُ
و تحلو الردودُ و المشاركات

[شريف]

((( اصرف ما في الجيب يأتيك ما في الغيب )))

هل تؤمن بهذا المثل .. باشمهندس هشام ؟

و هل انت من النوع الموفر
الذي يستطيع أن يدخر من راتبه
ما يؤمن به مستقبله

أم أنت مثلي تدع الملك للمالك ؟

[المهندس هشام كمال الدين]

((( اصرف ما في الجيب يأتيك ما في الغيب )))

هل تؤمن بهذا المثل .. باشمهندس هشام ؟

و هل انت من النوع الموفر
الذي يستطيع أن يدخر من راتبه
ما يؤمن به مستقبله

أم أنت مثلي تدع الملك للمالك ؟


الحمد لله
أنا محقق نصف المثل.................. دائما بصرف ما في الجيب
اما إنتظار ما في الغيب.................. فأنا في إنتظار دائم له كي يصرف أيضا
هو أصلا في حد بيعرف يوفر حاجه في هذا الزمن في ظل أسرة مكونه من خمس أفراد
دعواتك ياريس نخرج منها بسلام
كل من عليها فاني.

[شريف]

اجاباتك بقت قصيرة يا باشمهندس
لو زهقت قول :)

[المهندس هشام كمال الدين]

يا باشا عمرى ماازهق منك بس اختلاف مواعيد دخولنا هي اللي مهبطه الهمه شويه
انا معاك.
المهم طمني على ا/ نعمه
وبلغها سلامى لو بتكلمها

[شريف]

ان شاء اله تقوملنا بالسلامة و تنور المنتدي تاني

في عالم المنتديات
أكيد قابلت يا باشمهندس شخصيات اشكال و الوان
كلمنا عن صفات شخصية منهم استفزتك و صفات شخصية منهم عجبتك

[المهندس هشام كمال الدين]

شخصيه أستفزتني جدا في احد المنتديات لشاب في العشرين من عمره وكنت وقتها المشرف العام للمنتدي وكانت صورتى الرمزيه عباره عن
فارس يمتطتى جواد. وكان لهذا الشاب تصرفات عجيبه مع الفتيات ولكونه مشرف أستغل صلاحياته وأخذ ايميلات بعض الفتيات وبدا في الترخيم عليه
وبالفعل جاءتنى رساله خاصه من احداهن بخصوص هذه المضايقات. فقمت بعزله من الاشراف فبدا بشن حرب علي وجاء بصورتي الرمزيه الموجوده في بوابه التعليم المصري ونزلها هناك وبدا في التحدي فأوقفته نهائيا.
شخصيه أعجبني في المنتديات
طبعا شهادتي فيك مجروحه ولهذا سأتكلم عن شخصيه أخرى لها منى كل التقدير والاحترام
الاستاذه/ شمس بياض
نعم الاخت أشعر حين تتكلم اني اعرفها منذ زمن بتلقائيتها وشفافيتها
يكفي سؤالها الدائم عني وعن اسرتي في جميع المناسبات وسؤالها الدائم عن اخبار الاستاذ/ محمد وسيه وعن أسرته
هذا بالإضافه للأستاذ أشرف السيد الذي يعجبني ذكاءه.

[شريف]

جميل

طب ممكن اعاكسك شوية و اسالك

هل دق قلبك بالحب الصادق فى فترة المراهقة او ما بعدها
You can see links before reply

[المهندس هشام كمال الدين]

لا معاكسه ولا حاجه
شخصيتي لم تتغير لا في فتره المراهقه او بعدها
المره الوحيده اللي عاكست فيها واحده اصبحت أم اولادي
فقدسبق وقولت أني تعرفت علي زوجتي وهي في أولى اعدادى ومن وقتها وانا تايب
بصراحه مش عارف ايه خصلة الأخلاص اللي فيا ديه حتي أصدقاء الطفوله مازلنا معا حتى الأن
أظاهر شأنى هو شأن الشعب المصرى الذي لا يهوى التغيير
كانت كل احلامي تنصب في الدراسه والارتباط بمن أحببت بس مش عارف اذا كنت صح او غلط
لي صديق دائما يقول ان النساء كالفاكهه وليس طعم التفاح مثل طعم البرتقال
بس انا كنت أفضل طعم الحرنكش هههههههههههه
شكلي هروح في داهيه بس اللي مطمني اليوم اني مسربهم خارج البيت اليوم

[المهندس هشام كمال الدين]

منور أ/ محمد كمال
وانا بقول الماوس عمال يرقص في ايدى ليه
أتاري نورك مزغلل العين

[شريف]

لا معاكسه ولا حاجه
شخصيتي لم تتغير لا في فتره المراهقه او بعدها
المره الوحيده اللي عاكست فيها واحده اصبحت أم اولادي
فقدسبق وقولت أني تعرفت علي زوجتي وهي في أولى اعدادى ومن وقتها وانا تايب
بصراحه مش عارف ايه خصلة الأخلاص اللي فيا ديه حتي أصدقاء الطفوله مازلنا معا حتى الأن
أظاهر شأنى هو شأن الشعب المصرى الذي لا يهوى التغيير
كانت كل احلامي تنصب في الدراسه والارتباط بمن أحببت بس مش عارف اذا كنت صح او غلط
لي صديق دائما يقول ان النساء كالفاكهه وليس طعم التفاح مثل طعم البرتقال
بس انا كنت أفضل طعم الحرنكش هههههههههههه
شكلي هروح في داهيه بس اللي مطمني اليوم اني مسربهم خارج البيت اليوم


هههههههههههههه

و الله بستمتع باجاباتك جدا يا باشمهندس

عايز اقولك
ان فعلا الموضوع عامل زي الفاكهة
و كل فاكهة ليها طعم

كذب اللي قال ان النساء كلها زي بعضها
ممكن يتشابهوا في صفات
لكن

لكل وردة رحيقها
و احيانا الواحد بيتوق انه يستنشق
عبير تلات اربع وردات
ههههههههههه
بس لما ربنا يدينا الفلوس اللي تكفي
ههههههههه


طيب

بأي العبارتين تؤمن ؟

الراجل لما يحب بيحب واحدة بس في حياته
حب صادق
و مستحيل يجمع قلبه بين حبين


أو


طبيعة الرجل و قلبه يستيطع أن يسع
أكثر من حب صادق في نفس الوقت

و بالتالي فحلال له الزواج أكثر من مرة

؟

[Mr:M.Kamal]

ياباشا النور نور حضرتك والاستاذ شريف بجد حوار اكثر من رائع
لقد قمتم بالقاء حجر فى الماء الراكد وقمتم بادخال الحياة للمنتدى والقضاء على روح الملل والرتابة
بارك الله فيكم

[المهندس هشام كمال الدين]

هههههههههههههه

و الله بستمتع باجاباتك جدا يا باشمهندس

عايز اقولك
ان فعلا الموضوع عامل زي الفاكهة
و كل فاكهة ليها طعم

كذب اللي قال ان النساء كلها زي بعضها
ممكن يتشابهوا في صفات
لكن

لكل وردة رحيقها
و احيانا الواحد بيتوق انه يستنشق
عبير تلات اربع وردات
ههههههههههه
بس لما ربنا يدينا الفلوس اللي تكفي
ههههههههه


طيب

بأي العبارتين تؤمن ؟

الراجل لما يحب بيحب واحدة بس في حياته
حب صادق
و مستحيل يجمع قلبه بين حبين


أو


طبيعة الرجل و قلبه يستيطع أن يسع
أكثر من حب صادق في نفس الوقت

و بالتالي فحلال له الزواج أكثر من مرة

؟



في اغلب الاحيان بميل الي المثل القائل صاحب بالين كذاب
طب بالله كيف تقول لزوجه أنا أحبك وفي نفس الوقت تقول للاخري نفس الكلام أكيد احداهن بها نفاق
وهذا يتوقف علي الرجل وماذا يريد من زواجه الثاني هل لتحقيق مثلا رغبة الانجاب هذا حقه
اما اذا اراد الزواج الثاني بدعوى امكانياته تسمح أظن انه لن يعدل بينهن
لى صديق زوجته استمرت عدة سنوات دون حمل فقرر الزواج الثاني وبالفعل تزوج
ولكن إرادة الله كانت هي الاعلى
فقد شاء الله أن تحمل الاولى قبل العروسه الجديدة وجاءت بالولد والجديده جاءت بالبنت
وتعرف انه يفكر بالثالثه بعد ان طلق الاولي ولكنه حياته غير هادئه ولايوجد بها مشاعر صادقه
لان المراة الشرقيه لا ولن تقبل زوجه اخري تشاركها زوجها.
ولكن نكد الزوجه هو ما يدعو الرجل للزواج باخرى
ياسيدى هن شر خلقن لنا بس نعمل ايه لا غنى عن الملح

[شريف]

بل هن رياحين خلقن لنا

أحترم رأيك يا باشمهندس

بس عايزك تكتبلي روشتة

مختومة بخبرتك

عنوانها : حياة زوجية بلا خلافات !!

[شريف]

ياباشا النور نور حضرتك والاستاذ شريف بجد حوار اكثر من رائع
لقد قمتم بالقاء حجر فى الماء الراكد وقمتم بادخال الحياة للمنتدى والقضاء على روح الملل والرتابة
بارك الله فيكم

الملل بيدوب طالما انت موجود يا مستر محمد

تسلم يا باشا

و يارب تفضل منورنا علي طول

[المهندس هشام كمال الدين]

بل هن رياحين خلقن لنا

أحترم رأيك يا باشمهندس

بس عايزك تكتبلي روشتة

مختومة بخبرتك

عنوانها : حياة زوجية بلا خلافات !!
لحياه زوجيه بلا خلافات
نخليها حياه زوجية سعيده لان الخلافات والأختلاف سيحدث مهما عملت
ولكن دعنا نحاول
الحاله الاولي: لو انت متزوج وحالتك ميسوره ومراتك بنت حلال بتحبك
في هذه الحاله ستنعم بتوفيق الله بحياه هادئه لأن نفسيتكما هتكون عال العال وهيطلع أحلي شغل
هتلاقي الحياه بمبي بمبي................. طبعا الحاله دي مع حور العين في الجنه.
الحاله الثانيه:لو حالتك ميسوره ومراتك نكديه
في هذه الحاله هتخرب بيتك هتبيعك اللي وراك واللي قدامك
النوعيه دي بقي بالجزمه بره
الحاله الثالثه والمنتشره: زوج عادي متوسط الحال بس عنده عيب( عادي عادي خالص) ومراته بتحبه
ده بقي عشان يعيش من غير مشاكل عشان عينه مكسوره يمسك ودنها بكلمات جميله حنونه - ينفذ كل اللي هي بتحلم بيه
حتى لو سرق عشان يرضيها وممكن يقلب الاوضاع عشان يرضيها ويعيش بدون مشاكل
الحاله الرابعه: زوج متوسط الحال بس راجل ومراته زيه متوسطة الحال
في الحاله ديه لازم يفوتلها شويه وتفوتله شويه
يأخذها على قد عقلها ولا مانع من الزن بكلمات حنونه متعاون في البيت
وهتكون احلي ايامه لما يسرب العيال بره البيت بيكون حاسس انه سرق لحظات حلوه من الايام
في النهايه هنجد أن الشروط التي وضعها رسول الله لاختيار الزوجه( فأظفر بذات الدين تربت يداك) هي أضمن طريقه
لحياه زوجيه سعيده

[شريف]

الله يفتح عليك يا باشمهندس
كلام زي الفل

ايه علاقتك بالمطبخ ؟
اعترف :patch_swit:

و ايه الاكل اللي بتفضله
:patch_cuisin:
و هل بتساعد في البيت باي عمل ولا ؟؟؟؟

[المهندس هشام كمال الدين]

الله يفتح عليك يا باشمهندس
كلام زي الفل

ايه علاقتك بالمطبخ ؟
اعترف :patch_swit:

و ايه الاكل اللي بتفضله
:patch_cuisin:
و هل بتساعد في البيت باي عمل ولا ؟؟؟؟
علاقتي بالمطبخ قديمه اوي
فقد قضيت فتره الكلية كلها لوحدي في حلوان
يعني كنت بخدم نفسي فقد كتبت لي امي كراسه بانواع الاكل وطريقة عمل كل نوع
فاصبحت شيف لايوجد أخوه.
طبعا أستمرت هذه الحاله معي حتي بعد الزواج فاصبحت اعدل علي زوجتي في الطبخ
لدرجه أنها بتستغلني عشان انوب عنها في عمل الاكل (نوع من المكر) وطبعا انا أعمل نفسي مش فاهم
أه كله توفير مجهودها لحاجه اهم وفي الاخر كله بيرجعلي
اما عن أنواع الاكل التي أفضلها فهي:
- الباذنجان باللحمه المفرومه
- المكرونه بالباشاميل
- الاسماك
- البسله
-الفاصوليا الخضراء والجافه
- اللوبيا الخضراء والجافه
- البطاطس المحمره
- اللحمه الثمينه المحمره.
هصلي وارجع تكون كتبت السؤال التالي

[شريف]

الله الله الله
فتحت نفسي

بس الحمد لله خطفت الغدا ع السريع
ـــــــــــــــــــــــ

بمناسبة بقا زمان و ليالي زمان

ايه رأيك في زمان ؟

دلوقتي ولا زمان ؟

ايه اللي اتغير في الناس ؟

طب الاسعار كانت عاملة ازاي؟
الجنيه كانت قيمته ايه ؟
الاخلاق كانت ازاي ؟

فاكر ولا انت من النوع اللي بيحب يعيش يومه
و بيحب الحاضر اكتر من الماضي و ربما اكتر من المستقبل !

فضفض يا نجم المنتدي

[المهندس هشام كمال الدين]

انا مواليد تسعه وخمسين او في اواخرها
يعني تقدر تقول جيل التليفزيون اللي حياه ايامها كانت جميله
فكان عندنا تليفزيون وكنا من اوائل من اقتناه وكنت أشاهد مباريات
الاهلي وانا عندي سنتين وكان مثلي الاعلي وقتها عادل هيكل حارس مرمى الأهلي آن ذاك كانت الحياه بسيطه وسهله
كانت اللحمه بالرطل والذبده ملهاش ثمن وعندما دخلت المدرسه
كان مصروفي قرش صاغ(عشره مليمات).
أتذكر وانا صغير كنا نسهر أثناء حفله ام كلثوم وكنا نجتمع علي فيلم السهره يوم الخميس ...كانت ايام.. وكانت الناس جميله بشوشه
لا توجد مشاكل كانت احلي الايام لما كان والدي يأخذنا ونساف الى
الاسكندريه للمصيف وندخل المسرح لحب والدي لفؤاد المهندس
آن ذاك وفي المسرح قابلنا عادل امام وكان لسه صغير
أيام بلد بتاعت شهادات صحيح ايام....................
أه والله فكرتني بايام جميله عرفت بعدها قيمه والدي
واد ايه كان بيحبني. لم انسي كميات السيكولاته اللي والدي كان بيجبهالي وانا بذاكر وازاي صرف عليا وانا طالب في الجامعه
كان كل زملائي ساكنين في شقه جماعيه عشره افراد علي الاقل وكان والدي مؤجر شقه لي بمفردى كي اتفرغ للمذاكره
هتقوللي زمان .......... ولا يوم من أيام زمان
دلوقتي العيل يقول لابوه عايز فلوس ولو مش عجبه
يقوله طب خلفتونا ليه مافيش اخلاق.

[المهندس هشام كمال الدين]

أهداء الى كل الاحبة


You can see links before reply

[شريف]

القدر ... أم الأسباب ؟


أم كلاهما و لكن بنسب !!





قضية خطيرة تمس العقيدة





لكل منا قناعة في هذه القضية


أتساءل عن رأيك








يقول أحدهم : اؤمن بأن الاسباب هي كل شئ ... !





و يقول آخر : أؤمن أن المسألة كلها قدرية بحتة ... فمهما فعلت أنا فلن تغير أفعالي من القدر شيئا





و هناك من يقول مستنكرا و العياذ بالله : لماذا كتب الله عليَّ الشقاء ؟


لماذا خلقني الله فقيرا ؟ لماذا خلق لي هذا الاب و تلك الام ... لماذا و لماذا و لماذا ؟








ماذا تقول قناعاتك أنت باشمهندس هشام ؟

[المهندس هشام كمال الدين]

القدر ... أم الأسباب ؟








أم كلاهما و لكن بنسب !!






قضية خطيرة تمس العقيدة






لكل منا قناعة في هذه القضية




أتساءل عن رأيك







يقول أحدهم : اؤمن بأن الاسباب هي كل شئ ... !






و يقول آخر : أؤمن أن المسألة كلها قدرية بحتة ... فمهما فعلت أنا فلن تغير أفعالي من القدر شيئا






و هناك من يقول مستنكرا و العياذ بالله : لماذا كتب الله عليَّ الشقاء ؟




لماذا خلقني الله فقيرا ؟ لماذا خلق لي هذا الاب و تلك الام ... لماذا و لماذا و لماذا ؟







ماذا تقول قناعاتك أنت باشمهندس هشام ؟





يحاول بعض الناس أن يجعلوا من القدر شماعة يعلقون عليها فشلهم وعجزهم
وقناعتي الشخصيه إني لابد ان أأمن بالقدر مع الاخذ باسباب النجاح
يقول الله تعالى:ما أصاب من مصيبة في الأرض ولا في أنفسكم إلا في كتاب من قبل أن نبرءها إن ذلك على الله يسير.
على ذلك ليس للإنسان أن يترك السعي لطلب النفع ودفع الضر مدعيا بذلك الاعتماد على القدر
وكما قال رسل الله صلى الله عليه وسلم:المؤمن القوي خير من المؤمن الضعيف وفي كل خير احرص على ما ينفعك واستعن بالله ولا تعجز وان أصابك شيء فلا تقل لو أني فعلت لكان كذا وكذا ولكن قل : قدر الله وما شاء فعل .
وعليه أتوكل على الله آخذا بالاسباب.

[شريف]

إذا صادفك يوم أنسان أجبرتك الايام أن تتعامل معه
برغم صفاته السيئة ... فهو متكبر و متعالي لأقصي درجة برغم
أنه لا يساوي في سوق الرجال شيئا

يتكبر علي كل من حوله و يتكلم دوما من طرف انفه
و كم يشمت في مصائبهم
فكيف ستتعامل معه و ما هو العلاج الناجح في القضاء علي هذا الكبرياء المزعوم

[المهندس هشام كمال الدين]

هذا المتكبر المتعالي لا اتعامل معه اصلا
لان كل انسان هو سلطان في نفسه وان كل من تخول له نفسه انه اعلي من البشر فهو واهم
فقد أمتلك قارون اموال الدنيا ولكنه بكبره خسف الله به الارض.
فالله تعالى يحب من عباده المتواضعين‚ لأنهم أقوام أرواحهم مشرقة‚ وافئدتهم عامرة فيدخلهم حصنه الحصين الذى من دخله فهو من الآمنين
ويكفي المتكبر انه اكتسب اهم صفة في ابليس ناهيك عن كون الكبر سبباً لحرمان صاحبه من الجنة ويحرم نفسه من أن ينظر رب العزة إليه
قال رسول الله صلي الله عليه وسم:لا يدخل الجنة من كان في قلبه مثقال ذرة من كبر ، قال رجل : إن الرجل يحب أن يكون ثوبه حسنا ونعله حسنة ، قال : إن الله جميل يحب الجمال ،
فاليتذكر هذا المتكبر وأن أوله نطفة قذرة وآخره جيفة نتنة وأنه بين ذلك يحمل العذرة ( أي البراز ) فبم يتكبر ؟!!
هؤلاء الفئه لا أحب التعامل معهم بل احب البعد عنهم واحتقارهم.

[المهندس هشام كمال الدين]

هدية لكل الاحبة



You can see links before reply

[شريف]

تسلم يا باشمهندس
احكي لنا ازاي اتعرفت علي بوابة التعليم ؟
و ازاي اتعرفت علي استاذ عبد العظيم وسية ؟

[مسيو وليد عسكر]

حوار في منتهي الروعة
بين محاور عبقري وذكي في اسئلته
وبين ضيف تلقائي وخفيف الدم للغاية
وحقيقي والله وبدون مجاملة حبيت البشمهندس هشام اكتر من خلال ردوده البسيطة الغير متكلفة والتي تشعر فها بمصريته الخالصة وكأنه واحد من الناس زي كل الناس
عايش همومهم
حلمه بسيط للغاية
فتشعر معه وكانك تعرفه من زمان
أو كأنه من عشيرتك
تقبلي سيدي الفاضل فائق احترامي وتقديري
ان شاء الله العام القادم نلتقي علي جبل عرفات
اللهم امين

[شريف]

شرفنا مرورك الغالي اخي الحبيب وليد
و حقا فقد وصفت الاخ العزيز استاذ هشام بما هو أهله
أشكرك جزيلا لكلماتك الرقراقة أخي الحبيب
سلمت يدك

[المهندس هشام كمال الدين]

طبعا البدايه كانت تعرفي علي أ/ محمد وسية
ا/ محمد فنان بمعني الكلمه وكانت مواهبه متعدده وكانت احدي هذه المواهب التصوير الفوتوغرافي بل واحترافه في منزله وكان ضمن مستلزمات هذه المهنه وضع خلفيات أو مناظر طبيعية متعدده
وقتها كنت قد قمت بتصنيع هذه المجموعة المتحركه وتم تصميمها
بحيث ان الخلفية تتحرك الي اسفل والى اعلى عن طريق ميكانيزم كنت قد نفذته بواسطه موتور مساحه السياره وقد جعلته يبدل اربع خلفيات أيهما تشاء أن تحركها حينها سمع بها الاستاذ محمد وطبعا عايز ينفذ واحده فسأل وعرف اني اقوم بتنفيذها فوجدته جاء الي
وطلب ان انفذ له هذه المجموعه وبالفعل ت المطلوب وذهبت معه الى منزله وقومت بتركيبها دون مقابل ومن حينها اصبحت صداقه بيننا وبين أسرتينا ثم علمته الفوتوشوب واعطي درس عربي لابنتي
ثم دارت الايام واصبح النت متاح وظهرت بوابه التعليم المصري
وحدثني محمد عنها بل وقام بتسجيل عضويتي في البوابه
وقام بعمل موضوع ترحيب بي في مارس 2009 .
هذه حكايتي مع الايام والاستاذ وسية.

[شريف]

و نعم الصداقة
مواقف لا تنسى يظهر فيها المعدن الأصيل لكل منا

أدام الله الود بينكما

و لكن !
لماذا أصبحت الصداقة الحقيقية عملة نادرة ؟
و هل خانك صديق قبل ذلك ؟
و هل يجب أن نثق في كل الاصدقاء بشكل مطلق
أم أن الحذر أصبح من ضرورات الحياة
مثله مثل الماء و الهواء ؟

[المهندس هشام كمال الدين]

الخيانة
فعل أكرهه كثيراً ولا أطيقه وأبتعد عنه
لانه يكون قاسي جدا من الصديق الصدوق الذي خانني
والذي تنطبق عليه هذه الكلمات :
قلب صديق


أبحث عنه


قلب يحتويني


يخفف آلامي


قلب صادق


وكان صديقا


تمنيته كي يساندني في مسيرة حياتي



اعتبرته رفيق دربي


وتوآم روحي


وكــــان صديقاً


ظننته اول من يكفكف دموعي


ظننته اقرب مني لقلبي


ظننته شمعة تنير لي حياتي


ظننته صديقا يظل معي آبد الدهر


ظننته .. وظننته


وفعل ما لم يكن ف الحسبان يوما

ياله منه لله.
هو عارف نفسه
وحاسس بجريمته

[شريف]

كفاية دعوتك عليه يا باشمهندس
و انت ما شاء الله دعوتك مستجابة
خصوصا بعد ما خنقتك اسئلة
بصراحة ليك الجنة
ههههههههههههه

[المهندس هشام كمال الدين]

سعدت بك طول اليوم ا/ شريف
فقد كنت نعم الرفيق اليوم
وشكرا جزيلا للاستاذ/ وليد
وعلى كلماته الرقيقه
مرة اخرى اشكركم

You can see links before reply

[شريف]

هل في سؤال كنت متوقع اسألهولك أو كنت منتظره و انا نسيت ؟
قولي عشان اساله
:)

[المهندس هشام كمال الدين]

هل في سؤال كنت متوقع اسألهولك أو كنت منتظره و انا نسيت ؟
قولي عشان اساله
:)

مش عايز أتعبك أكتر من كده
حضرتك قلبت في الماض والحاضر والمستقبل
واستعرضت تاريخ حياتي على مدى خمسة أيام
تعبتك كتير ولكن ساكون معك ومع ضيفك التالي
الذي ننتظره
شكرااااااااااااااااااااااااااااااااااااااااااااااا ااااااااااااااااااااااااااااااا.

[شريف]

مش عارف اشكرك ازاي ياباشمهندس علي الحوار الممتع
و الصراحة اللي اتعودنا عليها منك

بجد كنت مستمتع شخصيا بارائك و خفة دمك و تلقائيتك
اذا كان عليا ... نفسي اخلي الموضوع لنهايته معاك و نستمتع باجاباتك
لكن في ناس كتير معانا ليهم حق علينا لازم نستضيفهم
و احتمال نختم البرنامج بلقاء و لو لمدة يوم معاك تاني
عشان يبقا ختامها مسك
تسلم ايدك
و شكرا لوقتك

[شريف]

في انتظار موافقة الضيف الثاني
الغالي علي قلوب الجميع
حبيب الملايين

مسيو وليد عسكر
اتمني ما يرفضش استضافتنا :38:

[شريف]

You can see links before reply

............................

[tota girl]

مشكووووووووووووووووووووووور
موضوع روعه

[المهندس هشام كمال الدين]

منتظرينك أ/ وليد
لا تحرمنا صحبتك

[المهندس هشام كمال الدين]

You can see links before reply 51fabdf66d3b725g.jpg




منتظرينك أ/ وليد عسكر

[نعمه محمود]

ليه الموضوع ده هنا؟؟؟؟؟؟؟؟؟؟؟

[مسيو وليد عسكر]

تحت امرك يا شريف بس هحاول اظبط الجهاز الاول لاني بدخل نت الان بصعوبة

[شريف]

الامر لله تسلم يا وليد
اول ما تظبط الدنيا عندك بلغني و نرجع الموضوع لمكانه و نبدأ ان شاء الله