المساعد الشخصي الرقمي

مشاهدة النسخة كاملة : تعبت ياجماعه ... حد يساعدني


بنتك يامصر
05-01-2011, 11:58 PM
مشكلتي مازالت قائمه ارجو من اي شخص واجهته نفس المشكله ان يخبرني بالحل لاني بجد قلقانه جدا ومش عارفه اعمل ايه

انا معلم مساعد حاسب الي عقدي من 1-10-2009 ... واخده الكود والرقم السري من زمان وبدخل بيه .. وبعدين لما ظهرت حكاية الايميل اكتشفت ان انا بدخل بنوعية المستخدم مدرس/موظف .. ولما اجي ادخل بمدرس مساعد بيقولي ليس لديك صلاحية الدخول .. مع العلم ان زمايلي اللي عقدهم كان معايا ومقدمين ورقنا مع بعض في الاداره بيدخلو عادي بمعلم مساعد وخدو الايميل بتاعهم

انا دلوقتي ماليش ايميل ومش عارفه اعمل ايه وفي الاداره محدش عايز يفيدني

اللي عنده نفس مشكلتي يقولي الحل ايه
أسماء عبد اللطيف
06-01-2011, 04:03 PM
طيب جربتي تروحي لقسم الإحصاء؟؟!!
إنتي من محافظة إيه؟؟
وإدارة إيه؟؟
عازف الصمت
06-01-2011, 04:05 PM
مفيش تعب ولا حاجة اختى
ادخلى على موقع وزارة التربية والتعليم وارسلى شكوى على الرابط ده فى اعلى الصفحة حتلاقى لارسال شكوى بخصوص البريد الاكترونى
You can see links before reply
بنتك يامصر
07-01-2011, 04:14 PM
طيب جربتي تروحي لقسم الإحصاء؟؟!!
إنتي من محافظة إيه؟؟
وإدارة إيه؟؟

انا فعلا ذهبت لقسم الاحصاء بالاداره ولكن للاسف دون جدوى .. انا محافظة الغربيه ادارة شرق المحله .. رحت لهم قالولي المشكله دي مش من عندنا مع ان الكل بيقولي هما المسؤلين عن المشكله لان دي تعتبر غلطه في البيانات
بنتك يامصر
07-01-2011, 04:16 PM
مفيش تعب ولا حاجة اختى
ادخلى على موقع وزارة التربية والتعليم وارسلى شكوى على الرابط ده فى اعلى الصفحة حتلاقى لارسال شكوى بخصوص البريد الاكترونى
You can see links before reply


انا ارسلت شكوى من خلال ايميل احد صديقاتي وجائني الرد بس مافهمتش منه حاجه الرد اهو ياريت اللي فاهمه يفهمهولي



شكرا على الرد
يرجى مراجعة البيانات الخاصة بك جيدا
فى حالة وجود تعديل فى البيانات الخاصة بك يرجى مراجعة شئون العاملين بالادارة التعليمية
والحصول على اعتماد التعديل ثم التوجه الى قسم الاحصاء بالادارة لتنفيذ التعديل على الشبكة
مع تحيات الخدمات الالكترونية - وزارة التربية والتعليم
للحصول على المساعدة فيما يخص البريد الالكترونى يرجي مراسلتنا علي :
support@teacher.moe.edu.eg (support@teacher.moe.edu.eg)
الخدمات الالكترونية للمعلم المساعد
e.service@moe.edu.eg (e.service@moe.edu.eg)

ده الرد اللي وصلني منهم
عازف الصمت
11-01-2011, 03:03 PM
ان شاء اله تكون مشكلتلك لقيتى لها حل باذن الله
بالتوفيق ان شاء الله
dev_badawy
05-02-2011, 02:05 AM
يا استاذه انا من نفس المحافظة
اذهبى لشئون العاملين فى الادارة وهاتى ومايثبت تصحيح بياناتك
وبتاخدى الورقةة وتوديها الاحصاء فى الادارة وهما بيعدلوها فى بياناتك على الموقع
لو متحلتش المشكله
تعالى طنطا لمديرية التربية والتعليم قسم الاحصاء وبلغيهم بالوضع
وان شاء الله يحلولك الوضع