لو نيلك يا مصر صلصلة ... استمتع بكوسة زيرو

[شريف]

البعض من المتشائمين الغلسين يقول :
لو نيلك يا مصر صلصة ... ما يكفيش الكوسة اللي فيكي :)

أصبح السؤال الملح اللى بيفرض نفسه دلوقتى
يعني ايه (( كوسه زيرو )) ؟

قضية هامة مطروحة للنقاش
يعني ماتبقاش انت اول دفعتك في هندسة
و يعينوا ابن اخو العميد معيد في الكلية

مع انه خريج زراعة بتقدير مقبول

يعني ما تقفش انت في طابور طويل عريض عشان تطلع رخصة
و اللى بيفرتك في القراطيس و الاقماع
هوا اللي ياخدها

يعني ما تسهرش ليلة الامتحان أدام المسلسل
و تنجح لأن باباك هوا اللي حاطط الامتحان

و تبقي انت الوحيد في مصر اللي عارف
جيجي سابته في الحلقة الكام

يعني ماتبقاش مقدم في مشروع اسكان الشباب
و محدودي الدخل بقالك خمس سنين
و ياخد كل الشقق ولاد الموظفين الكبار و المسئولين

يعني ماتبقاش فايز فعليا بكل اصوات دايرتك لانك انسان نضيف
و يعلنوا تاني يوم فوز واحد مالوش علاقة بالنضافة

و هيا دي العيشة مع (( كوسة زيرو ))

[نعمه محمود]

اه حصل وبيحصل بس للأسف ياشريف كلنا بنلجأ للكوسة من وقت للتانى عشان نخلص مصالحنا اللى بتتعطل بفعل فاعل
حالة فريدة من نوعها رفضت الكوسة بنتت قريبتى خريجة الجامعه البريطانية والاولى على قسمها رفضت ان والدها يكلم لها حد مسئول عشان تتعين فى الجامعه رغم انه يقدر ولما سألتها باستنكار قالت لى لانى لو عملت كده هحرم اجيال جديدة من حد أحق منى وهيفيدهم!!!!!!!!!
طبعا هنا اتلجم لسانى وسكت

[أفنان أحمد]

أحلم باليوم الذى تختفى فيه كل الفصيلة القرعية
وعلى رأسها الكوسة
موضوعات حضرتك أستاذ شريف
خصوصا هذه الأيام ( من هذه النوعية) أقرأها ولا أستطيع الرد
تفتكر ليه ؟؟؟؟؟؟؟؟

[Mr:M.Kamal]

وحياة اغلى حاجة عندك بلاش الكوسة اليومين دول بالذات
علشان انت عارف ان اليومين دول ومعاك لحد 1/2السنة الجديدة هتلاقى الكوسة ببلاش الا 1/4
بس عايز اقولك مفيش حد فيكى يابلد ملجئش للكوسة صح ولا no