خل بالك من نفسك

[نهاد فؤاد]

السلام عليكم ورحمة الله وبركاته

كل يوم تقريبا ونحن خارجون من منازلنا يدعو لنا الآباء ويقولون لنا

خلى بالك من نفسك؟؟

فماذا يقصدون ؟؟؟؟؟؟

خلى بالك من العربيات وانت بتعدى الطريق ....ممكن،
خلى بالك على نفسك من الخطأ.... وارد وجايز كمان،
ولا ممكن بيفكروك انك خارج لهدف محدد يجب الاتجاه اليةدون غيره ..........ليه لأ

طيب ممكن نقول

ان النفس الانسانيه عبارة عن معنويات ودى اكتر حاجه ممكن تكون اما دافع واما مانع لسير الحياه بشكلها الطبيعى الايجابى


يعنى خلى بالك من انفعالاتك
من مراقبه ضميرك لحه بلحظه
وكمان خليك متميز عشان تكون نشيط دايما

ولا اقولك اوعى تضغط على نفسك وتحملها غلطاتك الكتير
ان كان هناك غلط او حصل سوء تقدير
مش مشكله عالج الامر وابدأ من جديد

وخلى بالك من نفسك

حد فاهم حاجه!!!!!!!!!

[شريف]

خلي بالك من نفسك
بتتقال في مصرنا العزيزة
لانك ممكن تلبس تهمة و انت ماشي ع الرصيف لا بيك و لا عليك
بتتقال
لانك ممكن ... تتخطف تروح ورا الشمس
بدون اي ذنب عملته في ظل قانون الطوارئ الجميل
خلي بالك من نفسك بتتقال
لان الناس مش لاقية تاكل فبتاكل في نفسها
فخلي بالك
ممكن ترجع البيت من غير دراع او ايد او صوباع
خلي بالك من نفسك و ماتمشيش ع الرصيف
لا
شوف مكان أأمن تمشي عليه
عشان ممكن سواق جزمة محشش يطلعلك
علي الرصيف تلبس في الكبوت
لان الغالبية العظمي مسطولين
او بمعني اصح
عايزين ينسوا
ينسوا ايه بقي؟
و النبي منا فاكر

[شــريف]

خلي بالك من نفسك
بتتقال في مصرنا العزيزة
لانك ممكن تلبس تهمة و انت ماشي ع الرصيف لا بيك و لا عليك
بتتقال
لانك ممكن ... تتخطف تروح ورا الشمس
بدون اي ذنب عملته في ظل قانون الطوارئ الجميل
خلي بالك من نفسك بتتقال
لان الناس مش لاقية تاكل فبتاكل في نفسها
فخلي بالك
ممكن ترجع البيت من غير دراع او ايد او صوباع
خلي بالك من نفسك و ماتمشيش ع الرصيف
لا
شوف مكان أأمن تمشي عليه
عشان ممكن سواق جزمة محشش يطلعلك
علي الرصيف تلبس في الكبوت
لان الغالبية العظمي مسطولين
او بمعني اصح
عايزين ينسوا
ينسوا ايه بقي؟
و النبي منا فاكر

[المهندس هشام كمال الدين]

خلى بالك من نفسك
خلى بالك من خطأ الغير............ عشان ملكش ديه
خلى بالك من عيالك................. عشان مش هتلاقى حد يربيهم بعدك
خلى بالك من الحوادث.............. مش هتلاقى اللي يوديك المستشفى
خلى بالك من قفاك.................. لوروحت القسم وأشتكيت حد
خلى بالك لو الموضوع ده متحذفش................ هنتحبس كلنا!!!!

[جمال سراج]

خلى بالك من نفسك
هى عاطفة جميلة أختى العزيزة وألفة وحميمية
هى ....
عقد وميثاق على التفكير بعقل الآخر والإحساس بقلب الآخر
هى ...
الإحساس بأن الآخر معك على البعد حتى لو لم تدركه العيون
وهى --
التراجع عما يغضب الآخر أو لا يرضيه فما دام هناك ود ومحبة وألفة وعهد فلا داعى للخيانة ونكران المعروف
باختصار أختى الغالية المتألقة ...
خلى بالك من نفسك ...
هى زركشة بالحروف عما يجول فى الخاطر من حب وود ، فينهمر كتباشير الندى
خالص ودى لحضرتك
وأيضا
احترامى للجميع
كونــــوا بخيــــر .. لأكــون

You can see links before reply