هيئة الصرف الصحى تتحدث

[شــريف]

مش عارف ليه دايما المصرى شكّاى (( شكوته كتير يعنى ))
بدليل ... شكوته المستمرة من إن الأكل اللى بناكله مش صحى

لحد ما طلع الأستاذ (( علام كله تمام )) ... ! :)
رئيس قسم التغذية و المشروبات (( بهيئة الصرف الصحى ))

طلع فى برنامج اسمه (( كله بيطلع فى الغسيل )) و قال :
أكل مين اللى مش صحى يا جماعة ؟
بلاش افترا بقا

احنا بعون الله أكلنا كله تمام التمام

بدليل :

ان الجزر بيقوى النظر
و اليانسون بيهدى القولون
و الجرجير بيجيب تأثير
و الفول ... بيخليك غول
و الفسفور بيخليك فور باى فور
و المكرونة بتساعد ع المرونة
و الزعتر بيخليك عنتر

يبقى ايه بقي ؟
ليه الشكوى ؟
ما تحمدوا ربونا

ده كان كلام الفقرى الاخ الفاضل الاستاذ : علام كله تمام

و ده رأى معاليه
انتو بقا ... رأيكوا ايه في الاكل اللى الشعب المصرى بياكله
بكل امانة

و بلا خوووووووف

تكلم يا ابن الشششششششعب

[جمال سراج]

حمدا لله على سلامتك يا بطل
يارب تكون بخير ، ويطمنا دايما عنك
أما بالنسة للأكل والشرب فصدقنى احنا عايشين بستر من لا يغفل ولا ينام
وأما بالنسبة لتصريحات علام أو غيره فلا تلقى لها بالا
بقدر ما تثق وتجعل هاتان القاعدتان الغاليتان من معلم البشرية الأول صلى الله عليه وسلم نبراثا لك فى هذا الأمر
1- يا غلام ســـٌمٍ الله ، وكل بيمينك ، وكل مما يليك ...
2- نحن قوم لا نأكل حتى نجوع ، وإذا أكلنا لا نشبع
ولنؤمن جميعا بأن الحذر لا يمنع القدر وأنه لا رحمة بعد رحمة الله ولا قوة فوق قوة المليك
خالص ودى

[شــريف]

الله يسلم عمرك يا أستاذى
على رأيك فعلا
عايشين بستر ربنا
المعدة المصرية تعانى الأمرين

تيجي تفكر تاكل أكل بيتي عشان تضمن انه يبقا خالى من الميكروباصات هههههههههه
تلاقي الحنفية جايبالك ميه زي الفل ... تجيب الكلي علي طول
تفكر تاكل خضروات و فواكه أكتر بصفتهم أكثر فائدة
تفتكر الغيطان و المزروعات المصرية المرشوشة بأجود أنواع المبيدات الحشرية المسرطنة

تيجيلها كده تجيلك كده
بس انا بصراحة اتطمنت
بعد ما طمنا الاخ الاستاذ علام كله تمام

[المهندس هشام كمال الدين]

أبن الشعب يتكلم
وجود الفراوله حتى الأن ووجود الجوافه خضراء حتى الأن وغيرهم الكثير من أنواع الفاكهة والخضروات
يندرجوا جميع تحت مسمى الثوره الأنتاجيه التى تعم العالم الأن
واين نحن من المؤثرات التي دخلت طعامنا؟ من الملونات والمنكهات والمواد الحافظة والهرمونات والمضادات الحيوية الى فنون الهندسة الوراثية والاعيب الشركات ومسببات التسمم الغذائي وأكل المطاعم والوجبات السريعة والجاهزة التي باتت تعرف ب التيك أواى
فعلا لازم نسمى الله قبل الأكل ونضع وصيتنا أسفل المخده قبل النوم.
وحشتنا مواضيعك
أ/ شريف
تحياتى

[شــريف]

هههههههههههه
حبيب قلبى باشمهندس هشام
بيعجبنى فيك انك متفائل زيى ههههههههه
حتة الوصية اللى تحت المخدة دي
انا لازم اعملها

خصوصاا

لما نفسي بتروح للفشة و الكرشة و الكوارع
يالهوي ع الكوارع
اوعى وشك


و دوس ف الكولسترول يا زعيم
ههههههههه

[المنشاوية]

هههههههههههههههههههههههههههههه
فعلا احنا عايشين بالستر وبدعا الوالدين