خدى من الصعايدة اللى فيه الفايدة [الأرشيف] - المنتديات التعليمية

مشاهدة النسخة كاملة : خدى من الصعايدة اللى فيه الفايدة

شمس بياض

13-05-2009, 01:42 PM

بسم الله الرحمن الرحيم

حبيباتى وصحباتى نون النسوة

بجد بتوحشونى
وبعدين هاقولكم على شويه
حاجات سهله

انا

بعملها بنفسى وبتبقى
نتايجها هايله
بس اوعى تقولوا
دى صعيديه
ايش فهمها هيه

لا دى متجربه وعلى عهدتى

نبدأ
بقى
1- لما تاجى تعملى الكبدة بالدمعهـ أوطبيخ الكوسة أو صينية المسقعة فى الفرن
هاتضيفى نصف ملعقه سكر
وقرنين فلفل حار للطماطم يعنى كل كيلو طماطم له نصف ملعقه سكر وتتبلى الطعام عادى بتوابلك الى بتحبيها وشوفى الفرق
2- بعد الانتهاء من قلى السمك
ضعى فى الطاسة ملعقة شاى ناشف
جاف هاتمتص الريحه من الشقه
3-لما تاجى تسوى الرز او المحشى او الاشياء
القابله للانفجار كحمام محشى او مثل ذلك
ضعى غطاء للحله اصغر
من غطائها الاصلى
حتى تسمح للبخار بالخروج
وحتى يستوى المحشى دون ان ينفجر
5- لاتكتفى بغسل الخضار فقط لكن
قومى بنقعه فى 10لتر ماء مذاب فيه
نصف ملعقه صغيرة بيكربونات الصوديوم
ليه؟
لان الخضار معظمه مرشوش مبيدات
والعمليه دى
بتعمل له تعادل كميائى لاخراج المبيدات من القشرة للنبات
ولمده خمس دقائق لاتزيد ولا تقل
6-لاتكثرى من اكل العيش الفينو ولا المخبوزات الموضوع فيها محسنات خبز
وخاصه للاطفال
لانها تسبب والعياذ بالله فشل كلوى
وعلى الماشى كدة
عند شرائك برفان لزوجك او لك قومى بتعتيقه
بوضعه فى الفريزر لمده شهر وكل يوم
قومى برجه صباحا ومساء
سوف يتم تعتيق البرفان وتثبيت رائحته وايضا ضعيه فى مكان مظلم
اخيرا
انظرى فى عينى
زوجك
طويلااااااااا
:6:فهذا يزيد الحب بينكما :6:
تمنياتى بالتوفيق

نعمه محمود

13-05-2009, 02:39 PM

ايه الحلاوة دى .تسلمى يانور الصعيد. سوف اقوم بتجربة المعلومات كلها ومنتظرين المزيد

dream

13-05-2009, 03:15 PM

وصفات جميله

تسلم ايدك يا قمر

مسيو وليد عسكر

13-05-2009, 03:48 PM

اخيرا

انظرى فى عينى
زوجك
طويلااااااااا
:6:فهذا يزيد الحب بينكما :6:
تمنياتى بالتوفيق

يااااااااااخوفي بعد النظره الطويله دي تقوله
التلاجه فاضيه يا حبيبي
نسينا طعم اللحمه يا روح قلبي:6:
ساعتها ابقي قابليني لو فكر يبص تاني:16:

طارق ممدوح ذكي محمد

13-05-2009, 05:15 PM

ما شاء الله نصائح متميزة استاذة نور

ربنا يباركلك وهحاول انقل النصائح دي لاخواتي

بس بجد تسلم ايدك
:27:

monpere66

13-05-2009, 09:20 PM

بس يا ريت النظرة دة ما تطول شوية عن الاكل يشيط وبدل النظرة تصبح علقة تمام

امة الرحمن

13-05-2009, 09:46 PM

تسلم ايدك استاذه شمس

شمس بياض

14-05-2009, 01:09 AM

ايه الحلاوة دى .تسلمى يانور الصعيد. سوف اقوم بتجربة المعلومات كلها ومنتظرين المزيد

داجمالك الزايد ياقمر العاصمه

يا ستى انت ام المعرفه كلها

جبرالله خاطرك كما تجبرى خاطرى
نورت الصفحه يانور عيونى:38:

نداء الجنة

14-05-2009, 01:11 AM

جزاكى الله كل خير
نصائح طيبة
ولكن كان لى السبق بمعرفتها
من حضرتك من فترة
اكرمك الله واعزك

شمس بياض

14-05-2009, 01:11 AM

وصفات جميله

تسلم ايدك يا قمر

سلمت لنا وشكرا لمروركم العطر :6:

غفران

14-05-2009, 01:12 AM

ما شاء الله لا قوة إلا بالله
موضوع رائع مثلك تماما ونصائح غالية ومفيدة جدا
سأطبقها إن شاء الله لأنى لم أكن أعرف الكثير منها
بارك الله لك على هذا الموضوع المميز :38:

شمس بياض

14-05-2009, 01:17 AM

يااااااااااخوفي بعد النظره الطويله دي تقوله
التلاجه فاضيه يا حبيبي
نسينا طعم اللحمه يا روح قلبي:6:

حيرتنى توهتنى طب قولى بجد اعمل ايه
ساعتها ابقي قابليني لو فكر يبص تاني:16:
لاوالف لا مش ها سمح للياس يدب هانكرر المحاوله

ويكفينا شرف المحاوله ولا ايه راى حضرتك

تعليقك استفزنى

هى مش غبيه صحيح صعيديه لكن بتفهم شويه

وبعدين بصراحه الصراحه
الرجاله مش بيخلوا عن جهدهم جهد
شايفين مصالح بيتهم وقايمين بيها على اكمل وجه
نستخسر فيهم نظرة يعنى

نظرة يام هاشم ههههههه

شمس بياض

14-05-2009, 01:21 AM

ما شاء الله نصائح متميزة استاذة نور

ربنا يباركلك وهحاول انقل النصائح دي لاخواتي

بس بجد تسلم ايدك
:27:

الله يعز حضرتك ياكبير الصعايده

ا ن شاء الله عقبال لما تعلمها للمدام

هو انت مش ناوى تساعدها فى المطبخ
ولا ايه شكرا لمروركم

شمس بياض

14-05-2009, 01:23 AM

بس يا ريت النظرة دة ما تطول شوية عن الاكل يشيط وبدل النظرة تصبح علقة تمام

لالالالالالا

ان شاء الله خير

من ابتغى رضا الله ارضاه
ولم ينل سخط من والاه

شمس بياض

14-05-2009, 01:26 AM

تسلم ايدك استاذه شمس

شكرا لمروركم العطرة استاذة سمسمة

شمس بياض

14-05-2009, 01:30 AM

[quote=نداء الجنة;36457]جزاك الله كل خير
جزانا واياكم كل الخير
نصائح طيبة
انت الاطيب
ولكن كان لى السبق بمعرفتها
من حضرتك من فترة
وانتظرى المزيد والجديد باذن الله تعالى
اكرمك الله واعزك
نحن وانتم وجميع المسلمين
نورت ياغلى الغاليين :6:

شمس بياض

14-05-2009, 01:33 AM

ما شاء الله لا قوة إلا بالله
موضوع رائع مثلك تماما ونصائح غالية ومفيدة جدا
سأطبقها إن شاء الله لأنى لم أكن أعرف الكثير منها
بارك الله لك على هذا الموضوع المميز :38:

شكرا لتشجيعك الدائم لى وبارك الله فيكم

واتمنى ان تكون فعلا مفيده لا مجامله :6:

نورت الصفحة

شمس بياض

14-05-2009, 12:19 PM

بما ان الموضوع لاقى بعض القبول

يبقى نكمل
واتمنى ان تكون فعلا اشياء مفيده لكم

1- قبل ما تسلقى الفراخ

قطعيها وضعيها فى الثلاجه لمده 3ساعات او انقعيها فى ماء مثلج لنفس المده

ليه ؟
لان الثلج يجعل انسجتها سهله التقطيع بعد السوا
ويسهل تمزيقها بالاسنان للاطفال وكبار السن اللى زيى
2- لاتشترى الطعميه الجاهزة (لاحتوائها على بيكربونات صوديوم وهذه الماده كثرتها ضارة بالصحه كمان الزيت غير مضمون )

هاتقولولى( احنا بناكل الحاجات دى اصلا)
هاقول لوحبيتى تطرقعى فكرة وتبقى من الشعب الاكل للطعميه
المهم
هاتجيبى عجينه الطعميه وضعيها فى الخلاط اوفى طبق غويط وضعى فوقها بيضتان وانزعى قشرة حبيتين تلاته حبهان (هيل يعنى )وضعيهم على العجينه واضربى بالخلاط او مضرب سلك
واقدحى الزيت واقلى (كباب ياخواتى )
3- همسه فى اذنك بس اوعى حد يسمع
ودعى زوجك باعظم كلمة فى الوجود

لا اله الا الله
سيرد عليك
محمد رسول الله
والنتيجه هاتبقى بفضل الله:17:
استنونى

نداء الجنة

14-05-2009, 01:11 PM

MohammeD el_SadaT

14-05-2009, 01:30 PM

هههههههههههههههههههه
ياعينى ياعينى

اخيرا
انظرى فى عينى
زوجك
طويلااااااااا
:6:فهذا يزيد الحب بينكما :6:
ياليلى ياليلى

ودعى زوجك باعظم كلمة فى الوجود

لا اله الا الله
سيرد عليك
محمد رسول الله

ههههههههههههههههههههه
بجد موضوع أكتر من رائع تسلم إيدك بجد بشاور عقلى أجيب ماما تقرأه
ههههههههه

أشرف السيد

14-05-2009, 03:45 PM

بأذن الله هطبق كل حاجة بنفسي

مع اني مش بعرف في الطبيخ

بس لما الاقي أم آدم بتطبخ هعمل الوصفات دي

ولو في حاجة باظت هقولها الاستاذة شمس هي اللي قالت ما ليش دعوة

وبجد موضوع رائع جداااااااااااااااا

شكرا لحضرتك عليك

اروح اطبق موضوع المحشي علشان بكرة فيها محشي

شمس بياض

14-05-2009, 03:52 PM

[quote=MohammeD el_SadaT;36766]
هههههههههههههههههههه

ياعينى ياعينى

ياليلى ياليلى

فيه ايه بس يا اخ محمد
متغاظ ليه
شد حيلك علشان ربنا يرزقك الزوجه الصالحه
ان شاء الله

ههههههههههههههههههههه
بجد موضوع أكتر من رائع تسلم إيدك بجد بشاور عقلى أجيب ماما تقرأه

لا -اتوكل على الله وخلى الحاجه تشرف الموضوع
سيزيد اشراقا
ونتعلم منها نحن
ههههههههه
e][/quot

اسعدك الله فى الدارين

امل لاشين

14-05-2009, 03:55 PM

معلومات مفيده جداااااااااا يا شمس ...

لوطبخت ثصدقيني هحاول اطبقها ...........ههههههههه

بجد تسلم ايديكي ....واضح جداااا انك استاذه في المطبخ ......

مش بحسد ........ههههههههه

بارك الله فيكي ....

شمس بياض

14-05-2009, 03:57 PM

بأذن الله هطبق كل حاجة بنفسي

مع اني مش بعرف في الطبيخ

بس لما الاقي أم آدم بتطبخ هعمل الوصفات دي
دى حاجه تسعدنا يا ابا ادم

ولو في حاجة باظت هقولها الاستاذة شمس هي اللي قالت ما ليش دعوة

ان شاء الله خيرا مافيش حاجه هاتبقى وحشه خد منى نصيحه كفايه وجودك جنبها فى المطبخ اكيد انفاسكم هاتدى للاكل الطعم الاجمل
بلا محسنات بلا توابل وجودكم مع بعض هى التوابل بعينها

وبجد موضوع رائع جداااااااااااااااا

الاروع مروركم يا فندم

شكرا لحضرتك عليك

اروح اطبق موضوع المحشي علشان بكرة فيها محشي

بالهنا والشفا مقدما

غادة عبدالسلام

21-05-2009, 03:27 PM

بجد موضوع رائع ونصائح مفيدة جدا

شكرا يا نوارة المنتدى ربنا يخليكى لينا

وننتظر المزيد من الوصفات والنصائح الغالية

وسامحنى شفت الموضوع متأخر

شمس بياض

24-05-2009, 05:24 PM

amolaمعلومات مفيده جداااااااااا يا شمس ...

ياريت ياغاليه لو عندك معلومات تضيفيها مافيش مانع

وكله للافادة بجد نورت الموضوع:6:

.................................................
ghada55بجد موضوع رائع ونصائح مفيدة جدا
الاروع مرورك ياغادة

وانا عارفه انك ماقصرتى

وشكرا لمرورك الكريم

.................................................. ......

نتكلم فى الموضوع

انا عارفه انكم عارفين معظمها لكن للبنوتات

الجميلات

الرقيقات
ياريت يدخلن المطبخ ويعرفن اسراره

لان اقصر طريق لقلب الرجل معدته

زى مابيقولوا
ولو انى كنت بفتكر ان اقصر طريق هو عقله

لكن :006et4::bosyht9:

يالا بقى
نكمل
1-عند شرائك الخضروات كالجرجير والسبانخ وخاصه الورقيه

اشترى الخضروات التى خضارها فاتح

لان اللى خضارها اى لونها اخضر غامق

بتكون مليانه كيماوى

وتسبب انتفاخات وبلاوى

2-لاكتشاف العسل السليم من المغشوش

بللى طبق غوبط بالماء

وضعى فيه قطرات العسل
اذا تكونت اشكال سداسيه فوق السطح كان هذا دليلا على سلامة العسل - وايضا اغمسى عود ثقاب فى العسل
واشعليه اذا اشتعل
فالعسل سليم

3-لاستخراج اللبان من ملابس اطفالك
ضعى قطعه من الثلج

خلف النسيج الملصق به اللبان

واتركيه فتره ثم انزعى اللبان
سيخرج بسهوله كررى المحاوله

اذا بقيت بقايا صغبره انهى عليها
بمذيب عضوى كالكيروسين والتنر

4- همسه بسيطه كده عند خروج زوجك من المنزل لاتنسى ان تبخريه
وترقيه من العين
بقراءه المعوذتين

لا نه كنز وكتير غيرك يحسدوك على النعمه ديه :28:

شمس بياض

14-11-2009, 09:46 PM

معلهش ياجماعه رجعت بيكم للموضوع دا هوت
تانى علشان اذكركم ببعض اشياء
قد تكون غافله عن بعضكن
حبيباتى صحباتى
احنا داخلين على موسم شتا وتخزين الزبده الفلاحى
هاتعملى ايه اثناء تحويلها لسمن للتخزين؟
قومى بوضع الزبدة فى اناءعميق
واتركيها على النار حتى تتحول الى سائل ويخرج الريم الابيض على الوجه
ثم نزليها من فوق البوتجاز وضعيها تتجمد على رف التلاجه
ثم قومى باستخراجها
واثقبى قشرة السمن سيخرج لك سائل هو لبن
هذا اللبن لو تم تسويته مع الزبده يحرق السمن ويجعل لونه داكنا
غير انه يعطى طنه للسمن اذا استوى مع الزبده
صفيه فى اناء اخر
ثم قومى بتسويه الزبدة مرة اخرى حتى تتحول الى سمن
وضعيها فى برطمانات جافه واتركيها حتى تبرد ثم احفظيها مقفوله وبالهنا والشفا

ممكن صناعه الطعميه بسهوله
عند سفر احدافراد العائله وكان يحب الطعميه
قومى باحضار الفول الجاف
ثم قومى بسحقه فى المطحنه
واحفظيه
لو حبيتى ان تصنعى عجينه الطعميه خذى مقدار من المسحوق كوب مثلا وضعى عليه كميه من الماء ورغيف فينو مبلول
ثم اخلطيهم واتركيهم فتر ه
ثم ضعى الملح وكمون وكسبرة وفلفل
وشويه بقدونس اخضر وشبت وكسبرة واضربى الجميع فى الخلاط وضعى حبه بسيطه كربوناتو
يبقى كده معاك عجينه جاهزة

بتعانى من النمل بالمنزل
ضعىورشىفى اركان من المطبخ وبجوار الحائط
مسحق الجبس او الجير الحى مخلوط بصودا
سوف يمنع النمل ولا يلوث الارض بالمبيدات الضارة

اثناء غلى اللبن
اغسلى الاناء بماء مثلج
من الثلاجه ثم ضعى اللبن واتركيه يغلى
ان شاء الله يغلى ولا يفور خارج الاناء

همسه خفيفه فى اذنك
اختى الفاضلة
قبل ان يلبس اسم النبى حارسه وصاينه
جوزك ملابسه (الاندر وير)الجديده المشتراه حديثا
قومى بغليها
وغسلها جيدا
حتى تتخلصى من المواد الكيماويه التى تسبب له حساسيه
وهو حساس خلقه
وايضا لقتل حشرات لاترى بالعين المجردة تسبب امراضاجلديه

سلام بقى وابقوا استنونى
:38::38::38:

أحمد البرجينى

09-12-2009, 11:13 PM

على فكرة يا أستاذه أنا كدة إن شاء الله هخلى المدام مستقبلا تصاحب على حضرتك علشان أنا بموت فى الأكل بصراحه بس يا ريت ألاقى المدام الأول علشان أعرفها بيكى بس ان شاء الله فى أقرب فرصة

شمس بياض

05-01-2010, 08:12 PM

اخواتى
السلام عليكم:18:
رجعت لكم
النهاردة ومعاى بعض الملاحظات

ياريت ناخد بالنا منها واحنا بالمطبخ

1- وانت بتقلى اى شئ فى المطبخ فى قلايه لها يد طويله
لاتجعلى يد القلايه عند حافه البوتجاز الخارجيه
حتى لا يحركها طفلك بدون قصد او عندما تتحركين دون
اخذ الحيطه قد تنقلب فى اى لحظه لاقدر الله على الطفل او عليك

ولكن اجعليها من الناحيه الداخليه لسطح البوتاجاز

2- -عند قيامك بتدميس الفول
او طبخ اى بقوليات عليك
بنقعها فى الماء على الاقل لمدة ساعتين
لان بالقشرة فيها مادة تعمل على عدم امتصاص الحديد
وبنقعها نتخلص من هذه المادة

3-عند استخدام فصوص الثوم حاليها بها زريعه
انزعى هذه الزريعه واستخدمى فصوص الثوم دونها
لان الزريعه الخضراء التى داخل فص الثوم تعمل على انتفاخ القولون

4-عندسلق القرنبيط او الكرنب
يخرج منهما رائحه غير مستحبه
للتخلص منها ضعى
قطعه خبز فى ماء السلق اثناء السلق

5- ضعى حول سلة القمامة
مسحوق نشادر سوف لاتتجرأ حشرة غريبه او قريبه من مطبخك او سله الفضلات

6-بتحصل معاى كتير ههههههههه

عند ازدياد الملح فى اى طعام قومى بسرعه بتقشير بطاطسايه وغمسيها فى الطعام اثناء طهيه
ستمتص
الملح الزائد

همسة فى اذن حبيبتى فى الله
أقارب زوجك
وخاصه والدته تحتاج منك بعض الوقت للزيارة والود
وحتى المكالمة البسيطه المعبرة عن مودتك لهن ومحبتك فى الله
اختاه من احب الشجرة احب فروعها
والى لقاء قريب باذن الله
تحياتى:6:

احمد الشلقامى

05-01-2010, 10:36 PM

المدام مبسوطة منك وكتبتلك السطر التالى
حقتهم يجيبوكى فى التليفزيون بدال منى عامر
اختك فى الاسلام

شمس بياض

14-01-2010, 11:39 PM

المدام مبسوطة منك وكتبتلك السطر التالى
حقتهم يجيبوكى فى التليفزيون بدال منى عامر

اختك فى الاسلام
شكرا

لاختنا الفاضله
والله بعض ما عندكم نفعنا واياكم والمسلمين بكل ما هو نافع ومفيد:18:

عبدالله حسن رياش

13-03-2010, 01:00 AM

انت ما خلتيش حاجة ما شاء الله عليك
هي دي الزوجات وإلا فلا
ربنا يحفظك ويكثر من أمثالك

صفيه سعداوى

29-03-2010, 02:10 AM

الله ينور عليكى ياشمس الشموس
على فكره الصعايد دول احسن ناس علشان انا صعيديه زيك
كل النصائح جميله بس ياريت بلاش موضوع النظره فى عيون زوجك
وكمان طويلا..
حرام عليكى ياشيخه هوأنا فاضيه

ريان عمر

09-04-2010, 12:09 PM

مشكووووووووووووووووووووورة كتيررررررررررررر على الموضوع

عبدالله حسن رياش

12-05-2010, 06:24 PM

You can see links before reply

عزة المصرى78

17-05-2010, 10:37 PM

الله الله على الصعايدة وبدون تحيز الست الصعيدية خاصة والستات المصريات عامة ممتازات فى المطبخ و فى حاجات كتير جدا
ربنا يبارك فيهم وينورون المنتديات ويفيدون كمان وكمان

أدام الله نورك يا شمس مع خالص تحياتى

You can see links before reply (You can see links before reply)