يوميات ولا في كوابيس الأحلام... فضفضه بقى..

[المهندس هشام كمال الدين]

هتكلم على يومياتى............. أقصد على يوميات واحد صاحبى.......هههههههههههههههههه
محدش يفهمنى صح
انا .. قصدى هو ساكن فى الدور الخامس فى أحدى منازل الزقازيق.............. المهم
وعشان فى صعوبه ان حد ينادى علينا من الشارع عامل جرس في مدخل البيت
اللى يدوس عليه يضرب الجرس داخل الشقه نعرف ان في حد تحت عايزنا... مش مشكله
امال ايه المشكله................. المشكله بقى لما حمايا ييجى عندنا.
النهارده الثلاثاء وطبعا عندنا سوق كبير يقام في هذا اليوم وطبعا حمايا بيستيقظ بدرى أوى
أو بمعنى أصح لا ينام بعد صلاة الفجر........... طبعا قام بدرى وراح السوق وأشترى لينا خضار وطماطم
وبطاطس وجبنه قريش وفجل وجرجير وبرتقال............. الشيله كبيره
جاب كل ده وحضر أسفل المنزل................. كل ده جميل.. الشيله ثقيله مش مهم ماهو صحته حلوه
هههههههههههههههه المهم بدأ بالضغط على زر الجرس المسكين في تمام الثامنه صباحا
أنا سمعت الجرس ومراتى عملت نفسها نايمه......... حركات انا عارفها
المهم قمت وبصيت من بير السلم اللي كان مظلم ومش شايف مين اللي تحت
اذا بصوت جهورى بيهلل من تحت.... نزل السبت
عرفت انه حمايا وصل.... فضلت أنادى على أم العيال تصحى ....أبدا مستهبله
قولت لا مفر دورت على السبت ونزلته من بير السلم واذا بالسبت يركن على سلالم الدور التالت
وانا مش شايف وحمايا يهلل من تحت ............ نزل السبت ...وانا أقوله السبت عندك
وفين وفين لما فهمت ان السبت راكن في الدور التالت
منا لسه صاحي وفاصل خالص
وهو يهلل من تحت وانا ارد عليه من فوق..... وبنته لسه مستهبله وعامله نايمه
والجيران صحيت على صوتنا.
روحت عامل حاجه حلوه......................... ايه بقى
روحت داخل على مراتى وقولت ليها ... ألحقي في ناس بتقول أن أبوكى مات
طبعا صحيت بسرعه وقالت فين قولت لها تحت البيت بصت هي من بير السلم وجدت أبوها مازال يهلل من تحت وتولت هى المهمه بدالي وكملت نوم .
دي أول حاجه حصلتلى النهارده..............ههههههههههههههههه
ولسه اليوم طويىىىىىىىىىىىىىىىىىىىىىىىىىىىىىىىل.
تحياتى
الثلاثاء
7-12-2010

[شريف]

هههههههههههههههههههههه
ههههههههههههههههههههههههههههه
ههههههههههههههههههههههههههههههههه

عسل
و ربنا زي العسل

اقسم بالله القسم ده هيولع على ايدك
ههههههههههههههههههههههههه
ههههههههههههههههههههههههههههههه

يالهوي يا جدعان

هيا دي اليوميات ولا بلاش
منتظرين باقي اليوم علي احر من الحر

[نعمه محمود]

هههههههههههههههههههههههههههههههههههههههه

اهم حاجة الحاجات اللى في السبت يابختك بحماك
اللهم لاحسد يعنى

[المهندس هشام كمال الدين]

You can see links before replyاقتباسYou can see links before reply You can see links before reply (You can see links before reply) المشاركة الأصلية كتبت بواسطة نعمه محمودYou can see links before replyهههههههههههههههههههههههههههههههههههههههه

اهم حاجة الحاجات اللى في السبت يابختك بحماك
اللهم لاحسد يعنى
You can see links before reply
يعنى برضو المهم اللي فى السبت
وأزعاج السكان مش مهم
دنا جالى تليفون من واحد ساكن في بنها
قاللى وطو صوتكم شويه مش عارفين ننام
ههههههههههههههه

[دعاء شديد]

هههههههههههههههههههههههههه
زوار الفتره الصباحيه دول دمااااااااااااااغ

عموما يا ريت حضرتك تكتب الموضوع باللون الابيض
اذ ربما حد يدخل المنتدى يبقى الدنيا امان

انا بنصح لوجه الله طبعا
يلا كله بثوابه

فى انتظار باقى اليوميات
خصوصى كل يوم "ثلاثاء"
هههههههههههههههههه
بدل ونيس حديث الثلاثاء هنخليها "لقاء الثلاثاء"

[المهندس هشام كمال الدين]

You can see links before replyاقتباسYou can see links before reply You can see links before reply (You can see links before reply) المشاركة الأصلية كتبت بواسطة دعاء شديدYou can see links before replyهههههههههههههههههههههههههه
زوار الفتره الصباحيه دول دمااااااااااااااغ

عموما يا ريت حضرتك تكتب الموضوع باللون الابيض
اذ ربما حد يدخل المنتدى يبقى الدنيا امان

انا بنصح لوجه الله طبعا
يلا كله بثوابه

فى انتظار باقى اليوميات
خصوصى كل يوم "ثلاثاء"
هههههههههههههههههه
بدل ونيس حديث الثلاثاء هنخليها "لقاء الثلاثاء"
You can see links before reply
هههههههههههههههه
شكرا على النصيحه
احنا مش بيهمنا
ولكن لدواعى أمنيه أنا أكتب من خارج البيت.

[نبيل حزين]

والله فكرة حلوة وربنا يعنيك يا باشمهندس
على يوم الثلاثاء والدور الخامس
يوميات جميلة رسمت البسمة على شفاهنا جزيت خيرا
بمناسبة هذا الموقف الطريف
واحد من بلد بجوار بلدنا
راحت مراته السوق ، ولما رجعت من السوق طرقت الباب
قال لابنته: افتحي الباب لأمك فرفضت
فطلب من الابن فرفض
فقال لمراته :روحي ،أنت طالق

[المهندس هشام كمال الدين]

You can see links before replyاقتباسYou can see links before reply You can see links before reply (You can see links before reply) المشاركة الأصلية كتبت بواسطة نبيل حزينYou can see links before reply
والله فكرة حلوة وربنا يعنيك يا باشمهندس

على يوم الثلاثاء والدور الخامس
يوميات جميلة رسمت البسمة على شفاهنا جزيت خيرا
بمناسبة هذا الموقف الطريف
واحد من بلد بجوار بلدنا
راحت مراته السوق ، ولما رجعت من السوق طرقت الباب
قال لابنته: افتحي الباب لأمك فرفضت
فطلب من الابن فرفض

فقال لمراته :روحي ،أنت طالق

You can see links before reply




شكرا لمرورك أ/ نبيل
ونصايحك الغاليه هههههههههههههه
ويكفينى رسم الابتسامه على شفاهك
شكرا لمرورك.

[نعمه محمود]

فين مذكرررررررات النهاردة يلا نزلها بسرعه عشان كازنوفا يسرقها
بس بالمناسبة ياترى هياخد كل مذاكرتنا وينسبها لنفسه

[المهندس هشام كمال الدين]

الاربعاء 8-12- 2010
اليوم كان يوم كازانوفا
هذا السارق المحترف يسرق موضع حمايا
يا دى المهزله الفضيحه بقت انترناشونال
الواد عامل تتبع لمواضيع المنتدى وهو زي الباشا
المواضيع بتوصله دليفارى لكن مش هسيبه إلا كوابيس أحلامى
شاغلني طول اليوم ولسه مش عارف الدعم الفنى ساكت ليه
انا بعد كده هكتب بالسين عشان لا قدر الله لو أنتشرت المواضيع
تبقى الفضيحه من غير جلاجل............. مبسوط يا عم جوجل
انتهى البيان

[نعمه محمود]

You can see links before replyاقتباسYou can see links before reply You can see links before reply (You can see links before reply) المشاركة الأصلية كتبت بواسطة المهندس هشام كمال الدينYou can see links before reply
الاربعاء 8-12- 2010

اليوم كان يوم كازانوفا
هذا السارق المحترف يسرق موضع حمايا
يا دى المهزله الفضيحه بقت انترناشونال
الواد عامل تتبع لمواضيع المنتدى وهو زي الباشا
المواضيع بتوصله دليفارى لكن مش هسيبه إلا كوابيس أحلامى
شاغلني طول اليوم ولسه مش عارف الدعم الفنى ساكت ليه
انا بعد كده هكتب بالسين عشان لا قدر الله لو أنتشرت المواضيع
تبقى الفضيحه من غير جلاجل............. مبسوط يا عم جوجل

انتهى البيان

You can see links before reply


هههههههههههههههههههههههههه
معلش بقي واضح ان حماك فيه شيء لله

[زهره المدائن]

:27::27:

ما شاء الله انا قولت الابداع مش محتاج كلام

يوميات عشرة علي عشرة

ياريت بلاش تبخل علينا بيها يا باشمهندس

وانت بقي ربنا معاك

مفيش حد من الزقازيق يشوفها

يبلغ الحاج بيها

وتتحرموا من سبت يوم الثلاثاء

هو السبت كان فيه ايه ؟؟ يا باشمهندس

ده مش تتطفل لا سمح الله

اوعي تفهمني صح

بس عشان اليوميات تكون واضحه للقراء

يعني ضمان الشفافيه في الموضوع

مش اكتر من كده

[المهندس هشام كمال الدين]

You can see links before replyاقتباسYou can see links before reply You can see links before reply (You can see links before reply) المشاركة الأصلية كتبت بواسطة زهره المدائنYou can see links before reply
:27::27:


ما شاء الله انا قولت الابداع مش محتاج كلام


يوميات عشرة علي عشرة


ياريت بلاش تبخل علينا بيها يا باشمهندس


وانت بقي ربنا معاك


مفيش حد من الزقازيق يشوفها


يبلغ الحاج بيها


وتتحرموا من سبت يوم الثلاثاء


هو السبت كان فيه ايه ؟؟ يا باشمهندس


ده مش تتطفل لا سمح الله


اوعي تفهمني صح


بس عشان اليوميات تكون واضحه للقراء


يعني ضمان الشفافيه في الموضوع


مش اكتر من كده


You can see links before reply
انا ذكرت اللى فى السبت:وأشترى لينا خضار وطماطم
وبطاطس وجبنه قريش وفجل وجرجير وبرتقال............. الشيله كبيره
شكرا لمرورك يا زهره
الشفافيه موجوده بس ربنا يستر

[المهندس هشام كمال الدين]

الخميس 9-12-2010
يوم عادى جدا
سافر حماى الى منزله فى القاهره
وأنقطعت المعونه الأمريكيه ومازال السبت فاضي من ساعتها
في انتظار الفرج ... عايزين نجيب التموين قبل أنتهاء الشهر
وعشان أهرب من الحكايه ديه كنت مضطر للمساعده فى أعمال المنزل
وطبعا عايزين تعرفوا ساعدت ازاى.......................
بلاش إحراج مفيهاش حاجه لما الرجل مثلا........... مثلا يغسل مواعين
مش عارف ايه الصراحه التفصيليه اللى انا فيها
بس دى الحقيقه
والله الستات دى بتتب أوى والرجاله ولاد...........................
كفايه عليكم لغاية كده.
سلام

[المهندس هشام كمال الدين]

الجمعه 10-12-2010
يبدأ اليوم قرب آذان الفجر
فتحت النت والأيميل وجدت الاستاذ/ نبيل حزين متواجد
تكلمنا شويه على الايميل بعدها صليت صليت الفجر ونمت شويه
وفي تمام الثامنه صحيت على صوت بيقول مش هتنزل تجيب عيش
طبعا نزلت من غير كلام وانتظمت فى طابور العيش ولما نلت شرف اقتنائه
اشتريت الطعميه وروحت فطرت وبدا التجهيز للغداء طبعا سمك
صليت الجمعه ورجعت للمساعده قلي جز وشوى جزء أصلى عندى العيال فريقين
فريق عايز مقلى وفريق عايز مشوى
المهم لا جديد عادى كل شئ حتى انتهى اليوم اللهم من تحميص شويه سودانى
لزوم القعده وانتهى يوم الجمعه
سلام

[المهندس هشام كمال الدين]

السبت 11-12-2010
يوم عمل وشاق
يتخلله لحظات اختلسها لمتابعة البوابه ثم اعاود العمل
مررت على والدتى وجدت الغساله عندها عطلانه وكانت منتظرانى
وعدتها للمرور عليها بدرى شويه عشان اصلحها
اصل الجو كان برد جدا وكان لبسي خفيف روحت لقيت محشي سخن
اتفضلوا معايا أصل الاكله دي تنفع في البرد ومش عايز حد يقول كان فى ايه مع المحشي
عشان مش هقول ولو مصممين تعرفوا كان فى شوربه ساخنه ...............
ايون بتفكروا صح شوربة لحمه اه والله لحمه لحمه بجد مش بلاستيك كان فى كيس لحمه غطسان في التلاجه من العيد وبرضو حماى اللى كان جايبها.... مش عايز قر
وانتهى اليوم.

[المهندس هشام كمال الدين]

الأحد 12-12-2010
بدا اليوم ببرد شديد.............................
شكل الشتاء هذا العام فظيع قصدنى جار لي لأصلاح السخان الكهربائى له
اصله كان بيكهرب اللي بيستعمله... السخان عمره عشرين سنه
د اول صيانه له....... بالذمه مش حرام كفايه عشرين سنه استعمال
المهم تم العمل فيه وتمت عملية الصيانه على خيروالناس هتستم وكله تمام
روحت للغداء بس القائمه اليوم شوربه وارز فقط.... اصل اللحمه خلصت امبارح
مش مهم ماهو فاضل على العيد الكبير القادم ايام وهناكل لحمه تانى
المهم دخلت على بوابه التعليم المصري بعد الاكل مش لاقي حد
المواضيع واقفه مش عارف الناس فين سقعانه ولا أيه
قوم قولت اكمل مذكراتي وادينى انا معاكم الان وحاسس انى في صحراء
وناسها نيام
سلام

[نعمه محمود]

You can see links before replyاقتباسYou can see links before reply You can see links before reply (You can see links before reply) المشاركة الأصلية كتبت بواسطة المهندس هشام كمال الدينYou can see links before reply
الخميس 9-12-2010

يوم عادى جدا
سافر حماى الى منزله فى القاهره
وأنقطعت المعونه الأمريكيه ومازال السبت فاضي من ساعتها
في انتظار الفرج ... عايزين نجيب التموين قبل أنتهاء الشهر
وعشان أهرب من الحكايه ديه كنت مضطر للمساعده فى أعمال المنزل
وطبعا عايزين تعرفوا ساعدت ازاى.......................
بلاش إحراج مفيهاش حاجه لما الرجل مثلا........... مثلا يغسل مواعين
مش عارف ايه الصراحه التفصيليه اللى انا فيها
بس دى الحقيقه
والله الستات دى بتتب أوى والرجاله ولاد...........................
كفايه عليكم لغاية كده.

سلام

You can see links before reply
وماله الشغل مش عيب ياباشمهندس
بس بجد بجد لو فعلا بتساعد يبقي ربنا يبارك فى حضرتك
ولو مابتساعدش ............ ربنا يبارك لك برضه

[نعمه محمود]

غطسان في التلاجه من العيد وبرضو حماى اللى كان جايبها.... مش عايز قر
وانتهى اليوم.



ربنا يستر على حماك والله

[المهندس هشام كمال الدين]

You can see links before replyاقتباسYou can see links before reply You can see links before reply (You can see links before reply) المشاركة الأصلية كتبت بواسطة نعمه محمودYou can see links before replyربنا يستر على حماك والله You can see links before reply
معلومه بسيطه
عشان حماتى توفاها الله منذ اكثر من عشرين سنه
عشان كده وعشان زوجتى هي كبرى اولاده فمتوليه والدها من كافة شئ
ودا سبب المعونات المتواليه.

[المهندس هشام كمال الدين]

You can see links before replyاقتباسYou can see links before reply You can see links before reply (You can see links before reply) المشاركة الأصلية كتبت بواسطة نعمه محمودYou can see links before reply


وماله الشغل مش عيب ياباشمهندس
بس بجد بجد لو فعلا بتساعد يبقي ربنا يبارك فى حضرتك
ولو مابتساعدش ............ ربنا يبارك لك برضه




You can see links before reply

منذ كنت فى الكلية في حلوان واسكن بمفردى
خمس سنوات وانا اطبخ لنفسى بل وعلمت زملائى المغتربين كيفيه عمل الارز والطبيخ
وكنا نتسابق ونتراهن اللي يعمل الارز ولا يلصق منه في الحله
وفى المنزل الان بناتى بيحبوا اكلى عن اكل والدتهم.......... المهم النفس...
والمدام مبسوطه طبعا مرتاحه وتقول كفايه عليا طول الاسبوع أخدمونى ولو يوم فى الاسبوع
والله بشفق على الستات بيتعبوا جدا.

[شــريف]

استمر يا باشمهندس
يوميات زي العسل

هتتعمل مسلسل تليفزيوني ان شاء الله