نزيهة ماتت وشفافية فى ال ان عاش

[سمير الجابرى]

النهاردة انتخابات الاعادة
قابلت " صدفة " حكيم بلدنا
صاحب نظرية " عربية بعجل "
سالته : سمعت ان الاعادة نزيهة ايه رايك ؟
رد عليا وكانه عالم ببواطن الامور وبثقة يحسد عليها :

نزيهة ماتت وشفافية فى ال ان عاش

ولان الاجابة كانت مفاجاة ليا
نظرت له نظرة قوية
مع اتساع فى حدقة العين
وتكشيرة كبيرة على الوجه
وقلت له بقوة :
ازاى


ثم بدات اثبت له كذب ادعاءه بالدليل

انا سمعت النهاردة المتحدث باسم لجنة الانتخابات بيقول وردت شكوى عن منع مندوبين المرشحين من دخول اللجان وبالفحص تبين ان المرشح عاوز يدخل اكثر من مندوب فى اللجنة وده مخالفة للقانون
يبقى مرشح طماع وده دليل على النزاهة
وكمااااااااااااااااان
فيه مرشح وطنى انسحب من انتخابات الاعادة قال ايه الحكومة بتزور لصاح مرشح حزب التجمع
شفت التجنى وال...........
معقولة حكومة الوطنى تزور لصالح المعارضة
دليل تانى على نزاهة الانتخابات
صاحبنا الحكيم
سمع كل كلامى
ورد بجملة واحدة قال

نزيهة ماتت وشفافية فى ال ان عاش


ايه رايكم مين على صواب انا ولا هو ؟؟؟؟؟؟

حوار مع حكيم بلدنا "2 "

[نعمه محمود]

تصدق يا استاذ سمير أنا سمعت فى رواية اخرى إن نزيهة ماتت محروقة بفعل ماس كهربائي اتسبب فيه واحد مجنون وشفافية ركبت عبارة الموت من زمان

[شريف]

اسمع كلامه يا استاذ سمير
الجدع ده عالم ببواطن الامور
و من غير ما يبقا عالم ولا حكيم
برضه اسمع كلامه
عارف ليه ؟
عشان هو أحد أفراد الشعب المصري
اللي شايف اللي بيحصل و فاهم كل حاجة
و ساكت بمزاجه

قول سلبية ... قول خنوع ... قول الشعب المصرى عليه رحمة الله
اللي انت عايزه قوله
لكن في النهاية
مصر هيا اللي باقية
و شعبها و اجيالها
اللي أذكى من أذكى شعوب العالم

و لن يقف التاريخ طويلا
أمام أسماء كثيرة لامعة الان
حيث لم تسطر في تاريخ مصر الحديث
سوي التزوير
و البلطجة
و الاستهزاء بالناس
الي درجة البرود
و اتباع سياسة
انبح كما تشاء

و تكلم بكل حرية
و القرار لنا في النهاية

[ياسر الدقاق]

لا لا لا يا أستاذ سمير

أنا أعترض علي كلام حكيمكم

متسمعشي كلام حكيم بلدكم

شكله عايش في الأحلام والأماني مسيطره عليه

لا نزيهه ماتت ولا شفافية في ال إن عاش

دا نزيهه وشفافية قتلوا علي يد معلوم

قتلوا عمداً مع سبق الإصرار والترصد

قتلوا علي مرأي ومسمع من الجميع

قتلوا في ميدان عام

قتلوا وأعتقد إن إستمر الحال

فلن يكون لهم نسل أو أجيال أخري

قتلوا بفعل فاعل

ولقد شهدت جنازتهم

البقاء لله

[سمير الجابرى]

You can see links before reply


شد حيلك .... كلنا لها
هه........ دنيا


You can see links before reply

[Mr:M.Kamal]

:28::28::28::28::28::28::28:

[Mr:M.Kamal]

حرام عليك دى نزيهة سيرتها على كل لسان فى التلفزيون والشارع والجرايدو..............

خليها تموت هى وبنت عمها شفافية

لحد ما يتوبوا ويعرفوا الادب

[دعاء شديد]

استاذ سمير
المفروض الاول نعرف مين كبرات العيله عندهم
وطلعوا "السلطة والمال"
ولما سألت كبرات العيلة قالولى ان
نزيهه وشفافيه كانوا من اغنياء العيلة بس افتقروا
وان عندهم عزة نفس ومبيقبلوش اى مساعدات من حد
علشان كده اصابهم المرض وممعهومش حق العلاج

وللاسف بلغونى خبر سيء جدا
ان "مصداقيه" بتعمل فحوص واشاعات ويمكن تحصلهم

شكرا على الموضوع الرائع استاذ سمير