حرس سلاح كلمات من خيالى محمد خضر [الأرشيف] - المنتديات التعليمية

مدحت صلاح (مصراوى22)

23-11-2010, 02:53 AM

حرس سلاح2
صلى و سلم
محمد نبى ...... عيسى نبى ..... و كل اللى له نبى يصلى عليه
كلمة و قالها الحاوى زمان ....... لما كان يطلب الإحسان
و دلوقتى بتشرخ الكلمة فى الحلق ....... تقول يا خلق مين عليه الدور
أخويا قتل أخويا و يا حزنه علينا أبويا و أمى تشرب فى نارنا ..... و المر فى إنتظارنا لو ما فتحناش العينين
دا القلب واحد و الرب واحد ....... ةو الغدر لو راشق هنروح فيها إحنا الاتنين ...... سيبك يا عم سيبك
ده إبن بلدك هو حبيبك مسيحى ... مسلم ..... و الله ما تفرق .... صلى و سلم و كل اللى له نبى يصلى عليه

نفسى 3
نفسى نشيل من دماغنا كلمة ده مسيحى قال و ده مسلم عمل
و نبص لقدام بنظرة أمل ..... أمل يصالح محمود على دنيته
و يخلى إيميل يحب بلده أكتر من غربته
و نشيل بلدنا لفوق أوى و إحنا بنقول يا أوى
إرفع رايتنا و أنصب هامتنا ... و أنصر كلمتنا وأوى عزيمتنا بالأوى
ده إحنا من غير بعضنا و لا حاجة ... ريشة فى مهب ريح الدنيا الغلابه
و ببعضنا هنكون رمح فى قلب عدونا
و النصر لينا و كله جاى بوحدة أيادينا و يا رب دايما تكون راضى علينا
حرس سلاح 2
صلى و سلم
محمد نبى ...... عيسى نبى ..... و كل اللى له نبى يصلى عليه
كلمة و قالها الحاوى زمان ....... لما كان يطلب الإحسان
و دلوقتى بتشرخ الكلمة فى الحلق ....... تقول يا خلق مين عليه الدور
أخويا قتل أخويا و يا حزنه علينا أبويا و أمى تشرب فى نارنا ..... و المر فى إنتظارنا لو ما فتحناش العينين
دا القلب واحد و الرب واحد ....... ةو الغدر لو راشق هنروح فيها إحنا الاتنين ...... سيبك يا عم سيبك
ده إبن بلدك هو حبيبك مسيحى ... مسلم ..... و الله ما تفرق .... صلى و سلم و كل اللى له نبى يصلى عليه

دعاء شديد

26-11-2010, 03:15 AM

كلمات رائعه بسيطه ومعبره جدا
وعلى فكره
المسلم الذى يعلم كيف يكون الاسلام
والمسيحى الذى يتبع تعاليم المسيحيه
وكل انسان ينظر للاخر لانسانيته وليس لدينه
لا تستطيع الفتن ان تفرق بينهما

وتحدث الفتنه لغياب العقل
متعنا الله جميعا بالعقل

شكرا جزيلا لناقل الكلمات وكاتبها