فاصل ويمكن نواصل وبرنامج <<< مواقف ليها العجب >>>

[دعاء شديد]

You can see links before reply ipart_image.jpg
ورجعنا بعد اجازة العيد
ومعانا برنامح
((( مواقف ليها العجب )))


طبعا واكيد ومما لا يدع للشك
ان كل واحد فينا بيتعرض لمواقف ليها العجب فعلا
فى الشغل
فى المواصلات
مع اصحابه
يعنى مواقف متنوعه فعلا والواحد بيقف ادامها
مسنتح ومتنح وبيستغرب جدا وبيعمل حركات غريبه عجيبه مريبه
You can see links before reply
مطلوب ايه فى برنامجنا بقى
كل واحد هيقوم بدور المراسل وهو معدى كده يدخل يحكي معانا
عن موقف من دول وطبعا مينساش يعرف نفسه
مثلا
ابو سويلم من امام القيراط الملك حدانا فى البلد
ابله ظاظا من نادى روتارى سيدات الفراغ الكونى


وينهى كلامه بجمله
You can see links before reply
كان معكم فلان الفلانى من امام ....
فاصل ... ويمكن نواصل ومواقف ليها العجب
بس

[المهندس هشام كمال الدين]

معاكم مواطن من الزجازيج وعايز يحكي موجف ليه العجب..............يالا نواصل
لي صديق سرقت شقته قرب الفجر اثناء نومه هو والاولاد قبل العيد يايام قليله ولما تقابلنا حكي لي الحكايه
ان حافظة النقود والموبايل وبنطلون ابنه هما بس اللي اتسرقوا لوجودهم في صالة الشقه أثناء تواجد الحرامي
بعد ان عمل محضر في القسم ويأس ان الحرامي سوف يقبض عليه خليت صديق لنا أخر يكتب له رساله علي الموبايل رقم أخر له ويقول له (لو عايز أرجعلك الموبايل وبنطلون ابنك أدفع الف جنيه) طبعا انا
مطمن انه لن يعرف الرقم لان الموبايل اللي عليه الارقام سرق. وتركته في حيره الي ان وجدته مصمم ان يتوجه الى قسم الشرطه للأبلاغ عن الرساله وكي تتمكن الشرطه من معرفة السارق
وقتها أعترفت له بالمقلب.
كان معكم أبو محمد من امام الكمبيوتر
فاصل ... ويمكن نواصل ومواقف ليها العجب

[نهاد فؤاد]

عندى كتير جدا

ولانها ليها العجب لا اعرف كيف اسطرها

لكن هحاول اجمعها واسجلها هنا

كانت معكم
نهاد فؤاد
امتحدث الرسمى لمعلمات رياض اطفال بمحافظة المنوفية

[نبيل حزين]

فكرة موضوع رائع متجدد ومتبكر في أسلوب عرضه استراتيجية تقديمه
جزيت يا أستاذنا المذيعة اللامعة دعاء شديد
وإن شاء سوف أحكي لكم بعض مواقف طريفة ممرت بها
بعد الانتهاء من إعداد كتابي
بعنوان سيرة وذكرى

[نعمه محمود]

موضوع حلو اوى افوق بس واحكى لك كل يوم موقف شكرا يا مبدعه

[نعمه محمود]

الكلام طبعا اليومين دول على الانتخابات طبعا وهى حديث الساعه المهم الصبح جالى تليفون من مدرسة حبيبة عشان انتخاب مجلس الأمناء وكانوا بيسألونى إذا كنت هرشح نفسي لمجلس الأمناء ولا لأ
المهم انا قلت لهم انى رشحت نفسي وكده كل ده فى الموبايل المهم الزملاء والزميلات سامعينى انا بس
والانتخابات واكلة دماغهم ولأنهم طيبين أوى افتكرونى بتكلم عن انتخابات مجلس الشعب طبعا انا فهمت وبصراحه عجبتنى الحكاية قالولى نعمه انتى فعلا رشحتى نفسك قلت لهم آه وانا مش بكذب انا بتكلم عن مجلس الأمناء وبعد كده كان عندى حصة نزلت من الحصة لقيت المدرسة كلها بتبارك لى ههههههههههه وناقص شوية ويعملوا لافتات اعلانات هههههههههه ومكنتش عارفه ارد من الضحك
قلت لهم ياجماعه انا نطقت كلمة مجلس شعب انا قلت مجلس أمناء
فاصل ويمكن نواصل ومواقف ليها العجب

[صفيه سعداوى]

موضوع جميل يادعاء
بس أنا هحكيلك موقف له العجب
بس ده عجب العجاب
وأنا قاعده امام الكميوتر كالعاده ومركزه أوى
بنتى قاعده بالقرب منى بتجرب نغمات الموبايل وتسمعها
وكررت أكثر من مرة نغمة معينة خاصة بموبايل اختها الكبرى
بس ياستى لغايه هنا تمام ..... قولى تمام
واذا باختها تتصل بى من بره كانت فى زياره لواحده صاحبتها
واخده بالك اتصلت بيا من موبايلها على موبايلى( يبقى أكيد مش نسيته)
واسمها ظهر عندى..... عادى
لقتنى بقولها ليه ياماما ناسية موبايلك ده بيرن من بدرى
شوفتى العجب !!!!!
ههههههههههههههههه
طيب ماهى مكلمانى من موبايلها
واضح انها حاله زاهيمر
فاصل ويمكن نواصل ومواقف ليها العجب

[زهره المدائن]

ما شاء الله ابداعك في تجدد دائم مستمر
انا مش بحسد ولا اي حاجة
بس بجد فكرة حلوة اوي
بص يا ستي كل يوم في شغلنا
بنمر بمواقف عجب العجاب
شوية بس ارتبها
وفاصل ونواصل
كان معكم " الليدي زهره المدائن
من امام الحاسوب
عاجبني اوي اللقب ده
وده من ابداعك طبعا

[نبيل حزين]

سوف أقص عليك موقفا طريفا مررت به
أنا لا أحب دخول المطبخ
وعمري ما عملت أي شيء بالمطبخ والمرة الوحيدة
كنت لوحدي بالامارات أردت إعداد طبقا من الأرز
بناء على وصفة من الأنتر نت ونسيت الأرز على النار
ونمت وحدث خروج دخان كثيف
مما جعل جهاز الانذار في البرج
يطلق صافرته فحضر الحراس والامن
وكادوا يكسرون الباب فاستيقظت على طرق الباب
وفتحت وحمدت الله أنه
لم يحدث أي مكروه وهذا كان العام الماضي

[دعاء شديد]

انا اقولكوا بقى موقف بس ... احب انوه واحذر تحذيرا شديدا
كل واحد ياخد باله من "المرارة" انا مش مسئوله

وانا فى فى احدى نوادى المحروسة العريقه
وجدت مجموعه سيدات تجلس على حمام السباحه
لمتابعه تدريب اولادهم وقت التمرين ... عادى
والحقيقه انهم مش مقصرين ولا واحده ملتفته للاولاد اصلا
المهم طبعا انا مطيقتش المنظر الغبى ده
لان الطبيعى ان اى ام تتابع ولادها خصوصا فى حمام السباحه
لاقدر الله ممكن يحصل حاجة ... ما علينا
طبعا انا اعدت لمده ساعه اتابعهم بعينى فقط
الابشع بعد التمرين ما خلص
فى فئه قليله مندسه دخيله على عالم الامومه والطفوله
تركت ولادها يدخلوا غرفه تغير الملابس لوحدهم
اولاد يتراوح عمرهم ما بين 5-7 سنوات
والمكان له اكثر من 3 مخارج وغير مؤمن ولا رقابه عليه
يعنى بعون الله اى حد ياخد اى طفل ويخرج ومحدش هيكلمه والله

طبعا النتيجه المنطقيه انى كنت هقوم بعد الساعه على كرسى بعجل اه وربنا
بس ربنا ستر
المهم
قررت انى اتباع مجموعه من هؤلاء السيدات بالاذن بقى
يا سيدى ... ودنى اتخانقت معايا يوميها وكانت مصممه تمشى وتسيبنى
ههههههههههههههههههه طبعا من الي سمعته

مدح فى ملابس بعضهن البعض واماكن الشراء
ولو دققت فى حوارهم هتلاقيهم بيجيبوا من منافذ البيع
الي بجوار كل مصنع شهير من مصانع الماركات المعروفه ... اه والله
بس هى منظره والسلام وفشر وحوارات هايفه
واكلات طنط لولو واااااااااو ... لالالالالا كان يوم صعب بصراحه

فين متابعه الاطفال راحوا فين او جم منين ... انسى
طيب ايه المفيد فى حوارهم ... ولا الهوا ولا كلمه

بجد حاجة تخنق
فاصل ويمكن نواصل ومواقف ليها العجب
كان معكم "وحده مخنوقه من الناس"
من امام ترابيزه ستات عايزه الحرق