أهداء الي اعضاء منتدانا

[جمال الدين عوض]

خش بسرعة يلا وقول *** رد في كلمة أو موضوع
كل ولد مولود ووليد *** له عندنا قسم ومواضيع
أشرف ناس تلاقيها ويانا *** وانت ياسيد حبك واقع
شمس حياتنا دايما طالع *** وبياضها في قلوبنا ساطع
نعمة ربك صونها ياباشا *** وحافظ دايما خليك خاضع
*********
لازم نحلم كل دقيقة *** وتكون احلامنا دي عظيمة
ودعاء ربك ثانية بثانية *** كل الوقت ووقت الشدة
وأحمد ربك على اتاه *** حمدي لربي ببغى رضاة
أوعى الوحدة تصيبك تاني *** دحنا في عز يناس واللهِ
خليك دايما فاكر ربك *** وأطمع في رحمتة ورضاه
*********
تشريفك عندنا يسعدنا *** ووسية ربك بتفدنا
أفنان الجنة اتمناها *** وأحمد ربك وأنت معانا
ونداء الجنة أستناها *** وأنهل من علمها ويانا
وأفخر دايما وانت حدانا *** ومشاكلك حلها شفناها
وجمال الدنيا يامحلاها *** والخير طالع من منتدانا
********
طارق الخير أدعولوا معايا*** ربنا عالم اية جوايا
وعلى دينك خليك ماشي *** تحيي وتنسى م الي أساءوا
واحنا سادات الدنيا ياناس *** ربك يعلم بالاحساس
ونعيم ربك مالي الكون *** حج وزمزم صلي وصوم

[مسيو وليد عسكر]

الله عليك يا استاذ:27:
هي الحاجات الحلوه دي ماتطلعش الا لما تمسك ميكروفون الازاعه ولا ايه؟
ايه التالق ده
كلمات عذبه جميله
تسلم ايدك وربنا يبارك في عمرك:18:

[جمال الدين عوض]

شكرا استاذ وليد

[محمد عبد العظيم وسية]

يعني كماااااااااااااان موهبة شعرية

بالراحه علينا يا عم شويه

يا حاج جمال يا أغلى هديه

[دعاء شديد]

تسلم ايدك يا استاذ جمال :27:

ده شعور طيب من حضرتك وطبعا شعور متبادل

انما كل يوم بجد ............ نكتشف ابداع آخر لحضرتك

فى انتظار المزيد والمزيد ....... ويا رب دايما من ابداع لأبداع

[جمال الدين عوض]

شكرا أستاذ محمد وشكرا دكتورة دعاء

[نعمه محمود]

ماشاء الله عليك يا أستاذ جمال عملاق في كل حاجة ربنا ما يحرمنا من ابداعاتك تسلم ايدك

[dream]

ما شا ءالله

ايه الكلام الجميل ده


تسلم ايد حضرتك

وربنا يبارك فيك

وشكرا على ذكر اسمى فى القصيدة الرائعه دى

[أفنان أحمد]

بارك الله فيك أستاذ جمال

موهبة رائعة

جميل جدا تجميع حضرتك لهذه الأسماء بهذا الشكل الجميل

و جمال هذا المنتدى بتواجدكم معنا

دمتم فى أمان الله وحفظه

[شمس بياض]

جمال اشعارك ياحاج جمال
والله كلامك ماله مثال
كله فن ورقه وذوق
ما يختلف عليها مخلوق
انت الأخ انت الأب
دعوات فى قلوبنا
سمعها الرب
:18::18::18:

[جمال الدين عوض]

أشكر الاستاذة نعمة والاستاذة أحلام والاستاذة أفنان على مرورهم الكريم

[جمال الدين عوض]

جمال اشعارك ياحاج جمال

والله كلامك ماله مثال
كله فن ورقه وذوق
ما يختلف عليها مخلوق
انت الأخ انت الأب
دعوات فى قلوبنا
سمعها الرب

:18::18::18:

شكرا استاذة نور على ثناءك الجميل وفعلا انا هنا أخ للجميع بارك الله فيكي

[ممدوح الأنصارى]

زكريا ابنى قالها
من زمان
عمى الحاج جمال
مالوش حل .
ربنا يكرمك يا
استاذى
ويزيدك جمال على جمال.

[جمال الدين عوض]

زكريا ابنى قالها

من زمان
عمى الحاج جمال
مالوش حل .
ربنا يكرمك يا
استاذى

ويزيدك جمال على جمال.

مرحب بعمدتنا الكبير والله حسمحك بس علشان خاطر زكريا منورنا ومنور منتدانا وربنا يخليلك زكريا

[شريف]

أقول ايه بس يا استاذي؟؟؟؟؟
زعلان بجد والله
تخبي عننا الموهبة و الجمال ده؟
رائعة بجد
و مش هنسيبك الا لما تقول كل اللي في قلبك
في ابيات جميلة زي دي

[نداء الجنة]

السلام عليكم ورحمة الله وبركاته
يعجز لسانى عن الشكر أستاذى الفاضل
انه لشرف لى أن حضرتك تذكرنى
امس استمعت لحلقه حضرتك
والله يعلم كم استفدت كثيرا من كلام حضرتك
اعزك الله واكرمك
وجعلك ذخرا ومعطاءا للخير دائما
فى امان الله أستاذى

[MohammeD el_SadaT]

قولى بقه أحسدك أنا دلوقتى ولا أعمل إيه
بجد يا أستاذ جمال حضرتك إنسان رائع بكل المقايس
ربنا ما يحرمنا من حضرتك

وبجد ليا كل الشرف إن حضرتك تذكر إسمى
بارك الله لنا فيك أستاذى الفاضل

[أشرف السيد]

اهلا اهلا

ايه ده

جمال الدين عوض

يبقي على الموقع العوض

ادارة شغال

اذاعة ضيف كبير

علاقات خارجية ماشي

مبادرات ماشي

وشعر كمان

لا احنا ربنا رزقنا بأجمل هدية

وعجبتني قوي حلقتك في الردايو امس

[جمال الدين عوض]

يا أجمل صحبة عرفتها في حياتي أشكركم جميعا على هذا الثناء الذي تخطى الحقيقة بمراحل

[عز وحيد]

ايه الجمال ده كله يا استاذ جمال

بجد يا حاج اشعار من الاخر

وليا الشرف بجد ان حضرتك تذكرنى مع الكوكبة الرائعة اوى من اساتذتى العظام

شكرا يا حاج جمال

[امة الرحمن]

هو حضرتك كنت مخبي عننا الجمال ده فين

صدق من سمي حضرتك جمال

ربنا يخلي حضرتك يارب

ويخليك لينا يارب

ربنا يكرمك ويجزيك عنا كل خير

وبجد بسم الله ما شاء الله علي حضرتك

ربنا يزيدك ويعم عليك بالخير والجمال عليك علي طول

[طارق ممدوح ذكي محمد]

طارق الخير أدعولوا معايا*** ربنا عالم اية جوايا
------------------------------
ما هذا الجمال الذي طوقت به عنقي ** فأصبح لك علي الدين الكبير

فخذ قلبي عوض عن عجز كلمي *** عساك ترضى يا ذو القلب الكبير

[امة الرحمن]

طارق الخير أدعولوا معايا*** ربنا عالم اية جوايا
------------------------------
ما هذا الجمال الذي طوقت به عنقي ** فأصبح لك علي الدين الكبير

فخذ قلبي عوض عن عجز كلمي *** عساك ترضى يا ذو القلب الكبير



الله الله علي حضرتك استاذ طارق

بجد بسم الله ماشاء الله عليك

[طارق ممدوح ذكي محمد]

الله الله علي حضرتك استاذ طارق



بجد بسم الله ماشاء الله عليك



ربنا يبارك فيكي ..مش قوي كده ...

انا تركت كتابة الشعر من فتره كبيره .. اكتر من سبع سنوات