الهتيفه ...2010

[المهندس هشام كمال الدين]

بسم الله الرحمن الرحيم



الهتيفه

يبدو أن موسم الهتيفه بدأ

مع قرب الإنتخابات الحسبيه

وهؤلاء الهتيفه تجدهم منتشرين في جميع الاماكن

مثلا تجدهم وراء المرشح يهللون ويهتفون وربما لم يعرف احدهم شكله.

وتجدهم يملاؤن صفحات الجرائد بالتهاني

للوزير الفلاني بسلامه عودته من رحله العلاج

الناجحه... معلش كان شعر حواجبه بيوجعه.

وتجدهم ايضا في العمل

يصفقون للمدير او عضو مجلس إداره

واذا سألت أحدهم عن سبب تصفيقه

تجده يقول لك صفق صفق وبعدين اقولك.

فعلا هذه النوعيه منتشره في المجتمع

ولكن بنوعيات مختلفه وعصريه

وانت عزيزى القارئ

هل قابلت هذه النوعيه من الناس

هل تعاملت معهم

في الشارع – في العمل

او حتي في المنتديات

وما أكثرهم !!

وياريت تكلمنا عنهم

تحياتي للجميع.

[شريف]

يااااااااااااااااااه ... انا بعتبرهم منزوعى الكرامة
دايما دلاديل ماشيين ورا الناس
دايما تابع
و بسمع اخبار غريبة عن تاييد المرشحين بطرق عجيبة الشكل
منها قطع صباع الايد مثلا و الكتابة بالدم
مش عارف انا ... ده لو المرشح ده نبى ... لا يجوز ان حد يعمل كده عشانه
قمة النفاق

قطيعة تقطعهم كلهم

[صفيه سعداوى]

أولا يا بشمهندس الهتيفة دول مالهمش مواسم
دول موجودين بصفة مستمرة

بنقابل هذه النماذج للأسف كتير جداااااا
من الهتيفة والسقيفة
نماذج متعدده من البشر وكل واحد له رؤية مختلفة
واحد شايف ان الهتافات للمسئول تخلى الناس تنظر له ان من اتباع السلطه
وممكن يمارس عليهم اى نوع من الضغوط
ونوع اخر من الهتيفة شايف ان وجوده بجوار الحاشية تعطى أحساس بالاهمية
وينتظر نظرة رضا من المسئول يرضى بها نفسة
وللأسف هذة النماذح اصبحت كثيرة ومتعددة فى عصرنا هذا
نوع من انواع التملق والوصول الى صانعى القرار
وبكل اسف هذه النماذج لاتؤمن بغير مبدأ واحد فقط
هو
عاش الملك مات الملك

[عبدالله حسن رياش]

يا سلام يا باش مهندس
بجد موضوع جه على الجرح
ما افظع هؤلاء الفئة
وخاصة في الغربة
ربنا يهديهم

[شمس بياض]

ههههههههههههه
تعرفيا باشمهندس
انى لم اعرف معنى
العنوان الا لما دخلت الموضوع
قصدقك اللى بيهتفوا للى يسوا ومايسواش ؟
ربنا يصلح حالهم
هو احنا بقينا من العالم الثالث من شويه
عشان مش بنحترم نفسينا ولا بنفكر بعقولنا
للاسف وكثير من هذه الامثلة
متواجد بالمجتمع وبيطبقوا مقوله فوت على حيطة عدوك حط فيها قالب
بيك مبنيه من غيرك مبنيه
وانا من رايى ان الهتيفه او الهييفه دوله ماليهم لازمة الان
لان بقانون الانتخابات الجديد
اللى عايزاه الحكومة هو اللى هاينجح
صح ولا لع ؟؟؟؟؟؟؟؟؟؟؟؟؟؟؟؟؟؟؟؟