شريف
07-09-2010, 02:52 PM
اسمحولى ادردش معاكو شوية
الشعب المصرى من اكتر الشعوب المتمسكة بعاداتها المتوارثة من ايام العصر الحجرى
و أحلى (( أو أوحش بقا )) ميزة (( أو عيب )) ...
ان الشعب المصرى من طيابته و غلبه
بيتوارث العادات دى كأنها قرآن منزل من السما ... لا يقبل النقاش ... مع ان الثابت بس فى حياتنا كمسلمين هو القرآن و السنة الصحيحة ... انما تقول ايه بقا ... خصوصا الناس القدام جدتى و جدتك .... تلاقى عهندهم عادات غريبة جدا ما أنزل الله بها من سلطان ... و يا أخى الغريب ان مافيش حد فيهم بيثور على الماضى حتى و لو كان الماضى ده كله غلط فى غلط .
طبعا العادات اللى الشعب المصرى متمسك بيها إلى الان لا تعد و لا تحصى
... يعنى مثلا :
ليه الفرح بيبقا بالليل ؟ لو عملت فرحى بالنهار مثلا ... ايه اللى يحصل ؟
عادات الزواج عندنا ما تغيرتش من ايام توت عنخ امون (( الفراعنة عموما أقصد ))
فدبلة الخطوبة كانت فى تشريعات قدماء المصريين ... و كانوا بيسموها (( حلقة البعث )) !!
و كانت برضه بتتحط فى الايد اليمين ! حتى ايام الفراعنة ...
شوف يا اخى التمسك بالتراث؟
و بعد الجواز كانت بتتنقل للشمال برضه !! مش عارف ايه الحكمة فى كده
... لكن الاعجب اصرار
المصريين على انهم يلتزموا بكده و اللى يخالف ده ..
يبقا مش طبيعي
انا مثلا خالفت ده ... و مش لابس دبلة اصلا ... لا ف اليمين و لا فى الشمال ...
و مش حتة الدبلة دى هتبقا دليل على تمسكى بزوجتى او تعبيرا عن حبى ليها
ما ازواج كتير بيبقوا لابسينها و بيخونوا مراتاتهم !
بس تيجى بقا تقول لواحدة دلوقتى انا مش هلبس الدبلة
تقولك اه ... اصل انت ما بتحبنيش ... عايزة تقلع دبلتى !
و النبى ماليها علاقة
المهم ... برضه اعياد الميلاد و المولد النبوى و الموالد عموما
كل دى عادات متوراثة الناس اتعودت عليها
لو جيت تقول لواحد منهم دلوقتى ... الكلام ده مالوش اصل فى ديننا مثلا
على سبيل المثال ... ممكن يتهمك بالكفر
متوراث عند البنات مثلاا انهم يجيبوا نيش في الجهاز يملوه كوبايات و اطقم
و دباديب ... مع ان البعض بيشوف ان مالوش لازمة اصلا
لكن نعمل ايه في المنظرة ؟
السفرة مثلا ... هل قانون انك تجيب فى بيتك سفرة ؟
افرض المساحة لا تسمح ... او انت عايز تستغل المساحة فى حاجة تفيدك فعلا
و ايه المانع لما ييجى ضيوف ياكلوا علي ترابيزة عادية بتتحط و تتشال و توفر مكان ؟
لا طبعا ازاي؟ ما ينفعش ......... لازم طبعا السفرة و النيش ....
طب و الله انا ما جايب سفرة فى بيتى ...
ووفرت مساحة حلوة و جبت اتنين انتريه لذاذ كده ...
ايه المانع ... كل واحد يعمل اللى يريحه و ما يتمسكش بعادات بالية حتى لو كانت
العادات دى غير مناسبة له اطلاقا ...
طيب التحف و الانتيكات اللى الواحد بيشتريها ولا ليها لازمة خالص
ايه لازمتها ؟ تلاقى البيت مليان منها ...
و ما بينوبناش منها غير الكسر ووجع القلب
طب اقولك حاجة تضحك
عندنا (( المصريين يعنى )) عادة غريبة جدا
اننا بنحتفظ بكل حاجة و ما بنرميش حاجة ابدا
لما تفتح نملية المطبخ تلاقى تلتوميت برطمان مربى فاضى
و ازايز و علب و كراتين .... ممكن يحتفظ بيهم عشرات السنين
و ما يستخدمهمش !!!!!! طب ليه ؟ ما تعرفش
طبعا مش كل العادات وحشة ... فى عادات قديمة كتير جميلة جدا و مطلوب
التمسك بيها
من العادات الجميلة ... انك بمجرد ما تعزم واحد فى رمضان
تلاقيه بيقولك هتجيلي بقا امتى ؟
احنا شعب كريم والله
عزمت ناس صحابى امبارح بمدامتهم ....
و بكرة ان شاء الله معزوم عند نفس الناس
طب ليه يا جدعان
طب والله الواحد بيعزم مابيبقاش فى دماغه انه يتعزم عند نفس الشخص
مش شرط يعني
بس احنا بنشوفها واجب ان الواحد يرد العزومة
مع ان الواحد والله نيته اطعام الطعام و صلة الرحم ليس الا
داخل فيها بقا الافراح الشعبية و النقطة فى الافراح اوعى وشك
بيبقا الراجل عامل عيد ميلاد لابنه مخصوص عشان يلم النقطة
مع ان عيد ميلاد ابنه ممكن يكون عدى بقاله شهر مثلا ....
متميز الشعب المصرى بعادات مش موجودة فى اي مكان فى الدنيا
ساعات الواحد بيفتخر انه مصرى
و ساعات افكر اهاجر لموزمبيق ... لعل و عسى
عندك عادات تانية غريبة بتندهش منها ؟
عندك القدرة على الثورة على عادة ليست من الاسلام ؟
و لا بتحب كل العادات المصرية بمختلف اشكالها و متمسك بيها حتى لو غلط ؟
الشعب المصرى من اكتر الشعوب المتمسكة بعاداتها المتوارثة من ايام العصر الحجرى
و أحلى (( أو أوحش بقا )) ميزة (( أو عيب )) ...
ان الشعب المصرى من طيابته و غلبه
بيتوارث العادات دى كأنها قرآن منزل من السما ... لا يقبل النقاش ... مع ان الثابت بس فى حياتنا كمسلمين هو القرآن و السنة الصحيحة ... انما تقول ايه بقا ... خصوصا الناس القدام جدتى و جدتك .... تلاقى عهندهم عادات غريبة جدا ما أنزل الله بها من سلطان ... و يا أخى الغريب ان مافيش حد فيهم بيثور على الماضى حتى و لو كان الماضى ده كله غلط فى غلط .
طبعا العادات اللى الشعب المصرى متمسك بيها إلى الان لا تعد و لا تحصى
... يعنى مثلا :
ليه الفرح بيبقا بالليل ؟ لو عملت فرحى بالنهار مثلا ... ايه اللى يحصل ؟
عادات الزواج عندنا ما تغيرتش من ايام توت عنخ امون (( الفراعنة عموما أقصد ))
فدبلة الخطوبة كانت فى تشريعات قدماء المصريين ... و كانوا بيسموها (( حلقة البعث )) !!
و كانت برضه بتتحط فى الايد اليمين ! حتى ايام الفراعنة ...
شوف يا اخى التمسك بالتراث؟
و بعد الجواز كانت بتتنقل للشمال برضه !! مش عارف ايه الحكمة فى كده
... لكن الاعجب اصرار
المصريين على انهم يلتزموا بكده و اللى يخالف ده ..
يبقا مش طبيعي
انا مثلا خالفت ده ... و مش لابس دبلة اصلا ... لا ف اليمين و لا فى الشمال ...
و مش حتة الدبلة دى هتبقا دليل على تمسكى بزوجتى او تعبيرا عن حبى ليها
ما ازواج كتير بيبقوا لابسينها و بيخونوا مراتاتهم !
بس تيجى بقا تقول لواحدة دلوقتى انا مش هلبس الدبلة
تقولك اه ... اصل انت ما بتحبنيش ... عايزة تقلع دبلتى !
و النبى ماليها علاقة
المهم ... برضه اعياد الميلاد و المولد النبوى و الموالد عموما
كل دى عادات متوراثة الناس اتعودت عليها
لو جيت تقول لواحد منهم دلوقتى ... الكلام ده مالوش اصل فى ديننا مثلا
على سبيل المثال ... ممكن يتهمك بالكفر
متوراث عند البنات مثلاا انهم يجيبوا نيش في الجهاز يملوه كوبايات و اطقم
و دباديب ... مع ان البعض بيشوف ان مالوش لازمة اصلا
لكن نعمل ايه في المنظرة ؟
السفرة مثلا ... هل قانون انك تجيب فى بيتك سفرة ؟
افرض المساحة لا تسمح ... او انت عايز تستغل المساحة فى حاجة تفيدك فعلا
و ايه المانع لما ييجى ضيوف ياكلوا علي ترابيزة عادية بتتحط و تتشال و توفر مكان ؟
لا طبعا ازاي؟ ما ينفعش ......... لازم طبعا السفرة و النيش ....
طب و الله انا ما جايب سفرة فى بيتى ...
ووفرت مساحة حلوة و جبت اتنين انتريه لذاذ كده ...
ايه المانع ... كل واحد يعمل اللى يريحه و ما يتمسكش بعادات بالية حتى لو كانت
العادات دى غير مناسبة له اطلاقا ...
طيب التحف و الانتيكات اللى الواحد بيشتريها ولا ليها لازمة خالص
ايه لازمتها ؟ تلاقى البيت مليان منها ...
و ما بينوبناش منها غير الكسر ووجع القلب
طب اقولك حاجة تضحك
عندنا (( المصريين يعنى )) عادة غريبة جدا
اننا بنحتفظ بكل حاجة و ما بنرميش حاجة ابدا
لما تفتح نملية المطبخ تلاقى تلتوميت برطمان مربى فاضى
و ازايز و علب و كراتين .... ممكن يحتفظ بيهم عشرات السنين
و ما يستخدمهمش !!!!!! طب ليه ؟ ما تعرفش
طبعا مش كل العادات وحشة ... فى عادات قديمة كتير جميلة جدا و مطلوب
التمسك بيها
من العادات الجميلة ... انك بمجرد ما تعزم واحد فى رمضان
تلاقيه بيقولك هتجيلي بقا امتى ؟
احنا شعب كريم والله
عزمت ناس صحابى امبارح بمدامتهم ....
و بكرة ان شاء الله معزوم عند نفس الناس
طب ليه يا جدعان
طب والله الواحد بيعزم مابيبقاش فى دماغه انه يتعزم عند نفس الشخص
مش شرط يعني
بس احنا بنشوفها واجب ان الواحد يرد العزومة
مع ان الواحد والله نيته اطعام الطعام و صلة الرحم ليس الا
داخل فيها بقا الافراح الشعبية و النقطة فى الافراح اوعى وشك
بيبقا الراجل عامل عيد ميلاد لابنه مخصوص عشان يلم النقطة
مع ان عيد ميلاد ابنه ممكن يكون عدى بقاله شهر مثلا ....
متميز الشعب المصرى بعادات مش موجودة فى اي مكان فى الدنيا
ساعات الواحد بيفتخر انه مصرى
و ساعات افكر اهاجر لموزمبيق ... لعل و عسى
عندك عادات تانية غريبة بتندهش منها ؟
عندك القدرة على الثورة على عادة ليست من الاسلام ؟
و لا بتحب كل العادات المصرية بمختلف اشكالها و متمسك بيها حتى لو غلط ؟