في اسكندرية ..مرتبي ناقص جدا ..ساعدوني

[midniss]

بعد طول انتظاررررررررر
المفاجأة اللي ما كانوا خايفين علينا من جمالها
قبضنا النهاردة...هييييييييه
شهر 7 .....كام زيادة مهولة...مش ممكن تتخيلوها...
كله كله بعد العلاوة و البدلات و اللي و اللي 280 جنيه...بحالهم
مع العلم ان مافيش مرة مرتبنا زاد قبل كده عن 315 و لا 310
يعني ماتقلوليش انهم بيخصموا علشان زدت قبل كده و لا حاجة
و كمان بقي إيه ......شهر 6 ما قبضنهوش برده
هو مش برده أخذنا في المدرسة في أولي ابتدائي ان شهر يونيو قبل شهر يوليو ؟؟؟؟
أحب أقول إن الكلام ده لغوه ..أكيييد ...
زي ما كوكب بلوتو اختفي من المجموعة الشمسية تمام.
يا ريت كل اللي من اسكندرية يقولي مرتبه كام و لشهر ايه لو سمحتم

[مدرسة علوم]

هو انا مش من اسكندرية لكن بيتهيألى ان المرتب واحد او على الاقل متقارب فى كل المحافظات
يعنى احنا فى السويس مرتب يوليو اصبح 342 تقريبا بالفكة 343

[حازم دهب]

واحد صاحبى بقوله هتاخد 385 جنيه قاللى ليه انا وزير

[دعاي]

انا من اسكندريه ادارة المنتزة قبض 7 كان 322 تقريبا بس المكافئه كانت ناقصه 1512

[عبير الزهور]

يا جماعة اكنا كده في اسكندرية الناس مرتباتها بتزيد في شهر سبعة و احنا مرتبنا بيقل انا كنت باخد 310 و في شهر سبعة اخدت 276 في ادارة شرق الاسكندرية ايه رايكم ؟؟؟؟؟؟؟؟؟؟

[mohamed elaraby]

انتى شكلك كنت معايا النهاردة انا بردة قبضت 280 شهر سبعة
ادارة العامرية انت ادارة اية بالظبط

[mohamed elaraby]

على فكرة همة خصمو الحوافز ال30 جنية علشان العجز الى فى الميزانية الى فى الادارة وهتقبض ال30 جنية الى ناقصين
شهر 7 2011 ان شاء اللة

كل سنة وانتى طيبه شهر رمضان فرحتة تعوض اى فلوس

[mosaid]

انا بقبض 314 تقريبا من حوالى سنة كاملة
واعتقد ان ده اقل مرتب ف اى محافظة فيك يا مصر بالمقارنة باللى بسمعه
عامة كله بثوابه اعتبرته صدقة جارية على روح المرتب
انا ف ادراة برج العرب
بس مع كده الحمد لله اخدنا مرتبنا شهر بشهر وكامل

[midniss]

برده العامرية .. و علي فكرة المنتزه أعلي 326 باين و شرق أقل 276 و حاجة أخر لخبطة في محافظة و احدة

[عبير الزهور]

اقتباس:
المشاركة الأصلية كتبت بواسطة mohamed elaraby You can see links before reply (You can see links before reply)

على فكرة همة خصمو الحوافز ال30 جنية علشان العجز الى فى الميزانية الى فى الادارة وهتقبض ال30 جنية الى ناقصين


شهر 7 2011 ان شاء اللة


كل سنة وانتى طيبه شهر رمضان فرحتة تعوض اى فلوس




كل سنة و انت طيب فعلا يكفينا فرحة رمضان و كويس اننا هنخدهم في 7 2011 هيكون العيد قرب و اشتري بهم لبس العيد ان شاء الله هههههههههههههههه:bosyht9::bosyht9::bosyht9:

[محمد توفيق جودة]

المرتب مفروض 385 جنيهاً بعد الزيادات مطروح منه 16 جنيه للنقابة ( للمديريات التى يتم خصم النقابة منها زى عندنا فى بورسعيد ) يكون صافى المرتب 367 جنيهاً ، وغير كده مفروض عدم السكوت والمطالبة بالتساوى واعملوا فاكس وامضوا عليه وابعتوه للوزير وطالبوا بحقكم بأثر رجعى وهتحصلوا عليه بإذن الله

[الشيماء محمد]

احنا في ادارة المنتزة قبضنا 311.25

[أسماء عبد اللطيف]

إيه دة يعني كمان الإدارات جوه المحافظة مرتباتهم مختلفة
ماشاء الله
كنت مفكرة الإختلاف بينا وبين المحافظات بس

أنا كمان من إدارة شرق
وشهر 7 مرتبه 276 مخصوم منه الحوافز
والله دي حاجة تحير
وتغييييييييييييييييييييظ
حسبي الله ونعم الوكيل