قصه سمسه مع الحب الجرح و الدموع

[Drowns in a sea grief]

السلام عليكم
اولا انا مش عرفه الموضوع كنت اكتبوا فى انهى قسم
انا قلت احطوا هنا و لو محتاج انه يتنقل حد من المشرفين ينقلوا
الموضوع بقا
خليكوا معايا
هنحكى حكايه بنوته اسمها سمسمه
سمسه كانت بنوته فى الثانويه العامه ملهاش علاقه بحد خالص
غير اصحبها و حتى فى الدروس مش كانت بتكلم حد غير ناس قليله بتهزر و بتضحك عشان تدارى الحزن اللى جواها او اى حاجة وجعاها
المهم فى يوم جت سمسمه و فتحت النت وهى مكنش ليها فى موضوع النت دة خالص المهم اخوها قلها هعملك ميل و تدخلى عليه و كدة لكن هي مش كانت مهتما بالموضوع خالص ولا كانت حباه وفى يوم دخلت على النت كانت بدور على امتحانات و اسئله و حاجات من بتاعت الثانويه العامه دى المهم دخلت منتدى كدة و سجلت فيه طبعا كان العادى بتاع المنتديات ان اى حد جديد و خصوصا لما تكون بنت تلاقى بقا الرسايل الخاصه و التعارف و الحاجات دى المهم سمسمه مش كانت بترد على الرسايل دى خالص فا فى مرة دخلت المنتدى لقت رسايل و كدة بتفتحهااخوها جة و راح هو اللى رد على الرسايل دى و سمسمه بتقلوا ليه كدة قلها استنى بس انا عاوز اعرف هما عوزين ايه و رد عليهم على انو سمسمه وخد الايميلات و ضفهم و بقا يتكلم معاهم على انه سمسمه و هى طبعا مش مهتمه بالموضوع لان سمسمه اصلا كانت بتدخل المنتدى على ارشيف الامتحانات وبس و فى يوم بتفتح لقت اقسام تنيا و كدة فدخلت و قرءت و عجبتها اوى المواضيع و حست انه عالم تانى جديد عليها طبعا ابتدت ترد فى المواضيع و تعرف ناس و فى يوم كان سمسم و بندق و دة احد اعضاء المنتدى كان كاتب موضوع مش عجب سمسه و دخلت قلتلوا ايه دة و موضوع ملوش لزمه وايه اللى انت كتبوا دة و خبطت فى الحلل على الاخر المهم تانى يوم سمسه بتفتح لقت بندق منزل طقم موضوعات كلهم اجمد من بعض دخلت و ردت عليه و قلتلوا ان دول افضل بكتير من الموضوع بتاع امبارح طبعا ابتدوا يتكلم و اتعرفوا على بعض و على الرسايل الخاصه و خدوا ايميلات بعض و ابتدوا يتكلموا و يعرفوا بعض اكتر المهم سمسمه راحت جيه و سئلت بندق انت بتصلى ؟ بندق رد و قال بكل اسف لاء ابتدى حوار كبير بين سمسه و بندق فى الموضوع دة ابتدوا يقربوا لبعض اكتر كل مرة يتكلموا فيها مع بعض يعرفوا بعض اكتر و تقريبا عرفوا كل حاجة عن بعض سمسمه طبعا بيبقا جواها هموم كتيرة اوى بندق كان بيحس ان فيها حاجة مديقاها و كان يقعد يسئلها سمسمه مش كان عندها ثقه فى اى حد و مع الوقت بندق قدر يكسب ثقتها و ابتدت تحكيلوا وهو كمان ابتدى يحكلها على حياتوا و على اسرارو سمسه ابتدت تتعلق ببندق و بندق كمان قرب منها اوووووى و ابتدوا يحسو ببعض جامد بندق عرف سمسه على ناس من اصحابوا طبعا اصحبهم ابتدوا يحسوا ان فى حاجة بنهم سمسمه تكدب على نفسها و تقول مفيش حاجة
و سمسم نفس النظام و كل واحد منهم يقول للناس احنا اخوات و مش فى حاجة بنا المهم مرت الايام و بندق كان مسافرو قال لسمسه راحت سالتوا هتقعد اد ايه قلها اسبوعين سمسه اتجننت قلتلوا اسبوعين قلها اة عشان هروح اشوف الكليه و اعرف اخبار الامتحانات و كدة سمسمه قاعدة عماله تفكر مع نفسها عوزة تسالوا على رقم التليفون و فى نفس الوقت خايفه انه يفهمها غلط وراحت جت و قالتوا بندق ممكن اقلك على حاجة بس مش تفهمنى غلط بندق قلها اكيد
قلتلوا كنت عوزة رقم التليفون عشان اطمن عليك بس بندق راح قلها انا كمان كنت عاوز اقلك على نفس الموضوع وخدت سمسه رقم التليفون و ادتوا رقم تليفون بس مش كان بتعها و قلتلوا انها هتتصل بيه من الارقام دى
واتفقوا و قام بندق و قلها انا هقوم البس بقا عشان الحق اسافر و اتصلت بيه عشان تعرف هو وصل ولا لاء
وكانت اول مرة تسمع صوتوا حست ان فى حاجة بتتهز جواها و مش عرفه ايه السبب للى بيحصلها دة كلمتوا و اطمنت عليه و سالتوا هيوصل امته و قلتلوا انها هتتصل بيه تانى عشان تتطمن عليه و قفلت معاه
و الرد التانى هكمل فيه القصه

[zizo2_2]

اكمل ونحن متباعين معك ان شاء الله


اتمنى ان تكون نهايتها عظة وعبرة لمن يتعظ ويعتبر

[امة الرحمن]

اتمنى ان تكون نهايتها عظة وعبرة لمن يتعظ ويعتبر

متابعه معاكي

[Drowns in a sea grief]

اذيكم يا حلوين
يلا خليكوا معايا كدة و نكمل بقيت القصه الميؤس منها دى
جهزين
طيب يلا بينا نبداء
سمسمه راحت بعتت رساله لسمسم بتقلوا يارب تكون وصلت بالسلام
و تانى يوم بليل راحت اتصلت بيه عامل ايه و ازيك و كان الكلام بنهم تحس ان كل واحد فيهم مش عاوز يتكلم عشان يسمع صوت التانى
و قفلت سمسه و قلتلوا خلى بالك من نفسك و هو رد عليها وانتى كمان يلا يا سمسم لا اله الا الله و هو محمد رسول الله سلام سلام
سمسمه قفلت و مروحه البيت و مزجها عالى اوى يا سلام You can see links before reply
المهم سمسم مقعدش الاسبوعين ولا حاجة فى السفر و قعد حوالى 4 ايام
و رجع يا فرحك يا هناكى يا سمسمه You can see links before reply قعدوا يتكلموا و كل مرة يقربوا لبعض اكتر من الاول و يتعلقو ببعض اكتر سمسه تحكيلوا و هو يحكلها و الحياة لزيدة سيدى يا سيدى على العالم اللى عيشه حيتها من غير ما هى تقلوا بحبك ولا هو يقولها بحبك
جه سمسم و راح فى يوم باعت لسمسه رساله على المنتدى بيقولها وحشتينى اووووى و بشكر الظروف اللى عرفتنا على بعض و مش متخيل حياتى من غيرك و مش عارف لو بعدتى عنى هيجرالى ايه و ربنا يخلى اخوكى هو السبب فى تعرفنا على بعض و فى اخر الرساله كان فى نبرة حزينه كدة لو بعتى عنى هيجرالى ايه و كلام غيرب كدة
سمسه اول لما فتحت المنتدى و شافت الرساله فى الاول فرحت اوى
و بعدين زعلت من حكايه لو بعدنا عن بعض و الكلام دة و راحت فتحه الميل لقيتوا موجود اول لما فتحت
دخل و كلماه ووحشتينى يا سمسه و مستنيكى تفتحى من بدرى و شوق و لهفه جامد اوووووى سمسه راحت فتحه موضوع الرساله و سالت سمسم ايه اللى خلاك تقول اننا هنبعد عن بعض و الكلام دة قلها
لا مش تشغلى بالك انا بس اتعقت بيكى اوى و مش متخيل حياتى من غيرك و حسيت انى خايف لتبعدى عنى لى اى سبب
سمسمه زعلت و قلتولوا انسى الكلام دة خلاص انا كمان مش اقدر اعيش من غيرك و مش متخيله حياتى من غيرك ازاى تقول الكلام دة انت مش واثق فيا سمسم يوقل انا بثق فيكى اكتر من نفسى و خلاص انسى و بجد و حشتينى و غير الموضوع و سمسه وانت كمان و ابتدوا بقا الكلام مع بعض
هى تحكى اليوم من اول ماسبتوا امبارح على الميل لحد ما رجعت و هو نفس النظام المهم سمسه قعدت يويمن ولا تلاته سمسم مش بيفتح ولا تعرف عنه حاجة سمسمه هتموت من القلق تتصل الموبيل مغلق نهار اسود و مهبب جرالوا ايه هتموت من القلق بعد كدة بتتصل لقت الموبيل اتفتح و كان تعبان اوى و هى هتموت من خفها عليه و نفسها تكون جمبه
فى الفترة دى سمسم كان المفروض انه يسافر تانى عشان الامتحانات بقى
هو السفر دة ورانا و رانا ايه وجع القلب دة لابق الحكايه دى مش نفعهYou can see links before reply
معلش يا سمسمه استحملى شويه منتوا بتتكلموا فى التليفون يا ساتر عليكى
طبعا سمسم تعبان و فى نفس الوقت لازم يسافر عشان الامتحانات
سمسه خيفه عليه اوى ليسافر و هو تعبان كدة
المهم سمسم يعنى نقول ارتاح شويه و بعدين سافر
سمسه مش كانت عرفه تتصل بيه سالت عليه و احد من قريبوا فى المنتدى
قلها انه بقا كويس و مش تقلقى عليه و هو سافر و كدة
طبعا سمسه بتكلم قربوا على اساس ان هى و سمسم اخوات و اصحاب مفيش حاجة كدة ولا كدة بت يا سمسمه اطلعى من دول يا لقيمه You can see links before reply
جة بقا مين قربوا بيكلم سمسه على الخاص و قعد قلها انا شايف انكم ميلين لبعض و مش عارف ايه و سمسه تتشال و تتحط وتتنططYou can see links before reply
و تقلوا ميله ايه احنا مفيش بنا حاجة احنا اخوات طبعا عم الامور فاهم و حاسس عاوز يقولها انتى هتعمليهم عليا اطلعى من الحبه دول
سمسه ابتدت تمشى معاه للاخر و تقلوا انت تعرف حاجة هو قلك حاجة ( شغل اللقم بقا )You can see links before reply قلها من غير ميقول احنا اخوات و انا عرفه كويس و على العموم انا هجبلك اخر الموضوع دوت و هسئلوا و كدة و مش ليكى دعوة انتى الحجه سمسه بقا قاعدة على نار عوزة تعرف ايه الموضوع اصل سمسم كان صايع شويتين يفضل يقلها وحشتينىو يا حببتى وياروحى و فى الاخر يطين الدنيا و يقول زى اختى
شكلك كدة للتك دى مش هتعدى معانا يا عم سمسم
اما نشوف اخرتها معاك ايه
راح قريبوا بعتلوا رساله على المنتدى مش عرفه انا ايه المنتدى حمال الاسيه دة كل ما حد يتزنق يبعت من عليه You can see links before reply
المهم راح سالوا و قالوا ممكن اسئلك سؤال هو انت بتحب سمسه
سمسم بقا الحويط لقيم من يوموا قله وانت مالك You can see links before reply
الله على دى كسفه المهم جة عم سمسم و بيقول لى سمسه مش الواد قربى جة و بعتلى رساله و بيقولى هو انت بتحب سمسمه You can see links before reply
سمسه بتقلوا و بعدين بريقه يا سمسه ال متعرفيش حاجة
انتى اتعلمتى اللبط انتى كمانYou can see links before reply
المهم سمسم قلها قلتلوا وانت مالك
يادى النيله يا سمسه الواد سمسم ال لقيم دة قفلك السكه هتعملى ايهYou can see links before reply
سمسه راحت قيلالوا طيب ممكن انا اسئلك نفس السؤال ولا هتقولى انا كمان وانتى مالكYou can see links before reply
قلها لا يا ستى اانا بحب و بموت و بعشق حاجة اسمها سمسه
سمسه هتتنطط و بتزقطط لكن يا فرحه ما تمت
سمسم راح قايل بس حب من نوع تانى حب الواحد لى ابوة و امه واخ9وة واخته و بوظ الدنيا خالص You can see links before reply
سمسمه سكتت سمسم راح قيلها مالك نزل عليكى سهم الله كدة
قلتلوا لا ابدا انا بس بسمعك طبعا الحاجة مولعه نار
المهم خلص الموضوع على كدة و سمسه قامت عشان كان عندها درس
و فى الرد القادم بقا اقلكم ايه اللى حصل
؟؟؟؟؟؟؟؟؟؟\
؟؟؟؟

[Drowns in a sea grief]

اكمل ونحن متباعين معك ان شاء الله


اتمنى ان تكون نهايتها عظة وعبرة لمن يتعظ ويعتبر

اولا انرت الموضوع بقدومك
ثانيا ملحوظة بس
انا بنت مش ولد ( منه)
لو تفتكرنى
و النهايه فعلا حظة و درس كبير
بس اللى يفهم
و ان شاء الله تكمل معانا للنهايه

[Drowns in a sea grief]

متابعه معاكي

نورتى الموضوع يا قمر
و انا منتظرة درك دائما

[امة الرحمن]

هو انت مش لقتي غير اسم سمسمه

اسم سمسمه ده اسم جميل وهادي كده لا بيهش ولا بينش

مش بيعمل الحاجات ديه كلها

انا بهزر بس

اصله اسمي :6:

شكرا ليكي يامنه

ومتابعه معاكي

[Drowns in a sea grief]

السلام عليكم
ازيكم يا جماعه يارب يكون الجميع بخير
دلوقتى بقا انا عرفه انى وجعتلكم دماغكم
بس تقولوا ايه بقا عالم غلسهYou can see links before reply
يلا نبداء و نكمل
ها جزين
يلا بينا نبداء
الحجه سمسمه مشيت و راحت درسها و خالص و طبعا فى الطريق عماله تفكر فى اللى حصل الممهم راحت قالت كدة خلاص و انا هشيل الموضوع من دماغى عشان متعبش نفسى على الفاضى و خلينا اخوات افضل دل ما نخسر بعض خالص مرت الايام و راح سمسم مسافر عشان امتحاناتوا المهم سمسمه بقت بتتكلم مع سمسم عادى خاااااااالص و بداءت تشيل الموضوع من دمغها المهم لما سمسم سافر دخل سيبر و دخل يكلمها من على النت و قعدوا يتكلملو مع بعض و قاعدين سمسمه راحت خرجت من النت فجاءة بدون مقدمات خير يا حجه سمسمه خير فى ايه ؟؟ خناقه مع ماما الله اكبر
سمسمه اتعرفتت و اديقت و مخنوقه و معيطه والليله كملت
شويه و راحت متصله بسمسم سمسم اول ما رد ايه يا سمسمه روحتى فين كدة انا فضلت مستنيكى نص ساعه تفتحى تانى مش فتحتى و سمسمه و سمسم اصلا كانوا قاعدين ريغوا من الساعه 8 لحد الساعة 4.5 الفجر
يخرابى عليكى يا سمسمه و مزهقتيش
المهم سمسمه بتتكلم و هى على اخرها و كانت بتتكلم من تليفون البيت و مش عارفه تتكلم سالت سمسم معاك رصيد سمسم قال اه قلتلو اتصل بيا على موبيل بابا قلها هو معاكى دلوقتى قلتلوا اه
اتصل سمسم سمسمه معيطه فى ايه يا سمسمه راحت حكيالوا على الخناقه سمسم عمال يهدى فى سمسمه و هى على اخرها قلها سمسمه انا نازل نت دلوقتى مهمو يا عينى مش فى رصيد و هيفصل سمسمه قلتلوا لاء خلاص قلها لا افتحى نت دلوقتى انا دخل سمسه قلتلوا لا خلاص مش تنزل تانى دلوقتى سمسم صمم سمسمه قلتولوا خلاص هفتح و استناك
مشى سمسم و رجع تانى للسيبر و هناك الكارثه ؟؟؟
سمسم بيتصل على الموبيل سمسمه بتقلوا ايوة يا سمسم قلها سمسمه السيبر قفلYou can see links before reply يا قلت بختك يا سمسمه سمسمسه بتعيط قلتلوا خلاص انا قولتلك مش تنزل قلها لا مش تقلقى لقيت سنترال و حولت رصيد You can see links before reply
و معاكى لحد متروقى اهدى بقا كدة و احكيلى براحه ايه اللى حصل
حكت سمسمسه كل الى حصل سمسم راح مهديها و قلها خلاص مش تزعلى و كدة و لى اول مرة سمسمه قال لى سمسمه تعرفى انى بحبك اوى You can see links before reply
ظهر الحقYou can see links before reply و المرادى كان كلام سمسم انه بيحبها بيحبها مش نظام زى اختى و دول الاستعباط اللى كان عايش فيه دة You can see links before reply
المهم الحجه سمسمه نسيت بقا كل حاجة نسيت الخناقه و نسيت العياط و خلاص بقا You can see links before replyبتتنطط المهم سمسم فضل يتكلم مع سمسه لحد ما بقت بتضحك و نسيت اى حاجة مضيقاها فا سمسمه بتقول لى سمسم طيب خلاص بقا اقفل عشان رصيدك مش يخلص قلبك كبير يا بت يا سمسمسهYou can see links before reply
قلها لا ملكيش دعوة انا حولت رصيد كتير عشان اعرف اتكلم معاكى
و متجيش وحدة غلسه كدة و تقولى عفوا لقد نفذ رصيدكمYou can see links before reply
سمسمه قعدت تضحك و طبعا كان يوم جامد جدااااااا بالنسبلها
و بقوا بيقربوا لبعض اكتر واكتر
و يويميا بقا سعتين تلاته على الموبيل و خربيت بيت بابا و الحمد للهYou can see links before reply
و المرة الجايه نكمل بقا
لحسن تعبانه و نفسى انامYou can see links before reply

[Drowns in a sea grief]

هو انت مش لقتي غير اسم سمسمه

اسم سمسمه ده اسم جميل وهادي كده لا بيهش ولا بينش

مش بيعمل الحاجات ديه كلها

انا بهزر بس

اصله اسمي :6:

شكرا ليكي يامنه

ومتابعه معاكي

ههههههههههههههههههههههههههه
معلش بقا حظك جه كدة يا سمسمه
منورة الموضوع والله
بمرورك العطر دة
وانا منتظراكى دائما
:6:

[امة الرحمن]

ياعيني علي اسم سمسمه كااااااااان طيب

متابعه معاكي يامنه

بيعجبني تعليقاتك علي القصه

جميله يامنه

كملي متابعه معاكي

[الكنج داود]

ههههههههههههههههههههههههههههههههههه
سمسم :18: سمسمه:7:
هى حكايه مابين الواقع والخيال شويه دا راى :27:

[Drowns in a sea grief]

ازيكم يا حلوين
انا جيت تانى عشان اغتت و اكمل الغلاسه
و كمل دور الرزاله و اكمل
الحكايه الرزله دى
يلا بقا نبدا مع بعض
عوزة تركيز
You can see links before reply
سمسمه و سمسم يوميا يتكلموا و سمسم بيمتحن سمسمه مش بتنام و تفضل سهرانه طول الليل و قلقانه عشان حبيب القلب بقا بيمتحنYou can see links before reply
و تتصل بيه الصبح بدرى تتطمن ها ذكرت ولا لاء
و طمنى اول لما تخلص و كدة
سمسم حاضر يا سمسه و كلمتين حنيه قبل الامتحان و تفضل قاعدة لحد ما سمسم يخرج من الامتحان وتتصل بيه تتطمن عمل ايه فى الامتحان
وفى ايام الامتحان سمسمه بتكلم سمسم سمسم تعبان
نهار اسود و منيل فى ايه سمسم اكل حاجة تقريبا منتهيه الصلاحيهYou can see links before reply
يادى المصيبه المهم سمسم كان تعبان طولالليل و بعد كدة بتتصل بيه تانى يوم لقت الموبيل مقفلو نهار اسود و مهبب سمسم جرالوا ايهYou can see links before reply
الموبيل فضل مقفول 3 تيام و سمسمه هتموت من القلق عليه
المهم فى اليوم التالت سمسمه كان فى واحد من اصحبهم من على النت كان فى نفس الجامعه اللى فيها سمسم راحت سمسمه و كلمتوا وقلتلوا سمسم تعبان و سمسم لما كان بيكلم سمسم كان بيقلها اسماء الاماكن اللى قريبه من السكن وصفت سمسمه اللى تعرفوا لى صحبهم و قلتلوا رحلوا و شوفو
قلها يا سمسه دول عماير كتير قلتلوا اسئل البواب هو قلى انه عارفه بالاسم
و عشان خطرى قلها طيب خلاص سمسمه قالت انه هيطنشها و مش هيعمل حاجة المهم فى اليوم التالت دة سمسمه بتتصل لقت الموبيل مفتوح
سمسم اول ما سمسمه ردت فتح قلتلوا ايه فى ايه حرام عليك
قلها ثوانى بس هفهمك و هى مش عوزة تفهم حب بقا يثبتها
و يقلها وحشتينى يا سمسه و كدة قلتلوا انت بتهرج و متنرفزة و متعفرته
قلها طيب معلش كمان شويه كدة و كلمينى عشان مش هعرف اتكلم معاكى دلوقتى قلتلوا طيب ماشى و هى عرفيت الارض بتتنطط فى وشهاYou can see links before reply
المهم اتصلت بيه تانى و لسه هتزعق و هتتعفرت
راح قلها بوصى عارف انى غلطان بسو الله كان غصبن عنى اهدى براحه كدة و افهمى و هى بردوا افهم ايه انت جننتنى
قلها ثوانى بس افهمى وابقى اعملى اللى انتى عوزاة بعد كدة
قلها الموبيل بتاعى انا عمله كود واحد من اصحابى دخلوا غلط رحق الشريحه وانا مش معايا العقد قلولى هتستلما بعد 3 تيام
وادينا 3 ارقام من اللى بتتصل بيهم و بيتصلوا بيك
و لسه جايب الشريحه ساعت لما انتى اتصلتىYou can see links before reply
سكتت سمسمه قلتلوا طيب المهم انت كويس قلها اة وهى بتكلموا كان جالوا
صحبهم اللى سمسمه كلمتوا فا سمسم بيقولها كدة فضحتينى يا سمسه
وسمسم اكل حاجات منتهيه الصلاحيه سمسمه تقلوا منا كنت خيفه عليك اعمل ايه يعنى انا كنت هتجنن و مش عرفه اعمل حاجة You can see links before reply
قلها خلاص و مش تقلقى عليا وانا كويس وانتى عمله ايه
طبعا هى بقا كانت فى امتحانات ثانويه عامه و كان عندها امتحان انجلش
و فى التلت تيام دول مش فتحت كتاب ولا اكل ولا اى حاجة
راحت قلتلوا انا مش فتحت كتاب والامتحان بكرة و كلوا بسببك
سمسم قلها نعم مش فتحتى كتاب و بترغى معايا
يلا اقفلى وروحى ذكرى قلتلوا حاضر مطيعه البت سمسمه دىYou can see links before reply
و راحت عشان تذاكر وسهرانه طول الليل يميه عندها امتحان انجلش و هى عبقريه فى الانجلشYou can see links before reply
الله خير اتصلت بسمسم فى الفجر مش عرفه اذكر ولا عرفه افهم حاجة
و حسه انى هشيل المادة سمسم بقا ليه يا سمسمه يا حببتى كدة
اهدى بس و ركزى و مش تفكرى فى اى حاجة
وان شاء الله هتعرفى تحفظى و لو مش صلتى قومى صلى
و قبل ما تنزلى طمنينى انا هفضل صاحى مستنيكى قلتلوا حاضر و قفلت
وقعدت تزاكر وربنا هداها سرك باتع يا واد يا سمسم You can see links before reply
المهم قبل ما تنزل اتصلت بيه و قلتلوا انا زكرت شويه و ربنا يستر قلها طيب اول لما تتطلعى اتصلى بيا و طمنينى قلتلوا حاضر
بعد الامتحان اتصلت سمسمه عملتى ايه
يعنى الحمد لله بس مش حليت كويس اوى يعنى اعدى
قلها خلاص مش تزعلى و ركزى بقا فى المادة اللى جيه
قلتلوا حاضر و قفلت
و فى المرة اللى جايه استنونى هقلكم على مفاجئة جديدYou can see links before reply

[Drowns in a sea grief]

رجاء من الادارة حذف الموضوع

[colonel_she7a]

رجاء منك انتى كملى الموضوع بليز نفسى اعرف النهاية من فضللك

[colonel_she7a]

انا مسجل مخصوص عشان اقرا القصه