النهاردة اتصلت بالاكاديمية

[*امل*]

ياجماعة انا النهاردة اتصلت بالاكاديميةورد عليا المدير بنفسه
وسالته مفيش اخبار عن المعلمين المساعدين اللى نجحوا فى الكادر وكمان سلموا الافادة رد عليا بكل بساطة وبكلمة واحدة وهى ادعيلهم
سالته يعنى اية مفيش اى اخبار جديدة رد عليا وقال لسه مفيش اى حاجة وصلت لينا وقال احنا بعتنا المرحلة السادسة امبارح سالتة طيب فى مراحل تانى تم الاعلان عنها
قال لسة برضو مفيش حاجة من دى وصلت ولما لقينى كترت فى الكلام قالى الصبر دة انتو لسة شباب خلو نفسكم طويييييييييييييييييييييييل
طب حد يقولنا نجيب الصبر منين وبيتباع فين ولا اقولكم الاحسن من الصبر الانتحار
محدش يعرف طريقة للانتحار تكون سهلة وبسيطة والاهم تكون غير مكلفة
اصلى لسة مقبطش شهر 7 ولا حتى المكافئة علية العوض ابقى ياخدوهم الورثة
:19::19::19::19::19::19::19::19:

[mr.hisham]

شكراً يا أستاذة أمل على المعلومات

ومفيش داعى للكلام ده الصبر مفتاح الفرج

وبعدين أهو مرتب شهر 7 والمكافأة متحوشين يعنى هيروحوا فين

إن الله مع الصابرين

[بنت سيناء]

ادعولهم....
ده على اساس ان احنا في العنايه المركزة؟؟
ازاي يا امل ماقبضتيش المكافأة لحد دلوقتى ؟ كنتي قولتيله ...عاوز صبر اكتر من كده ايه؟
محافظة ايه دي اللى لسه ما قبضتش؟

[الأمير باشا]

لا حول ولا قوة إلا بالله
خلينا في شهر العبادة ونعمل لآخرتنا أحسن
بدل ماتروح منينا الدنيا والآخره
وحسبي الله ونعم الوكيل في كل راع لم يراعي رعيته

[ayman3body]

حسبي الله ونعم الوكل
حسبي الله ونعم الوكل
حسبي الله ونعم الوكل

[عماد عبد الحميد]

جزاكى الله خيرا أستاذة أمل وشكرا على مجهوداتك واسمحيلى أقتبس من كلامك بعض الكلمات وأعلق عليها.
(ادعيلهم)دى معناها إن إحنا فى حالة ميؤوس منها
(لسه مفيش اى حاجة وصلت لينا )ده معناه إن الحكومة تدير البلد باليومية يعنى مفيش خطة مدروسة طويلة الأمد أو حتى قصيرة الأمد يقدر منها كل شخص يعرف بيعمل أيه لكام سنة قدام يعنى ولا مدير الاكاديمية عارف حاجة ولا الوزير عارف حاجة ولا الرئيس حتى عارف حاجة كله سمك لبن تمر هندي .
(خلو نفسكم طويييييييييييييييييييييييل)لو طول أكتر من كده هيتقطع .
(الانتحار)حرام هنخسر دنيتنا وأخرتنا .
(لسة مقبضتش شهر 7 )وأنا كمان
وكل سنة وانتم طيبين

[دعاي]

الحمد لله الذي لا يحمد علي مكروه سوه

[معلم زميل]

متزعليش نفسك يا أستاذة أمل وبعدين ممكن أنتي وزمايلك تبعتي شكوي للرقابة الادارية بسبب تاخير المرتب والمكافاة كانوا ساعات بياخروا المرتب ولما بعتنا فيهم شكوي احترموا نفسهم وبعدين اغلب الظن ان التاخير من سكرتير المدرسة اوالادارة وبعدينالكلام عن الانتحار حرام وبعدين انتي مستعجلي ليه لسه الوزير هيشلنا الاول وبعدين يموتنا بحسرتنا

[لــؤلــؤة]

دا انتي اسمك حتى امل

يعني خلي عندك امل

يبقى عدوا معايا

1- خلي نفسك طويل

2- تدعيلنا

3- خلي عندك امل

حد هيزود يا جماعة

الباب مفتوح قبل ما نقفله

والله حاجة تحير

الحمد لله قبضنا مرتب 7 والمكافأة

ويارب تقبضوها انتوا كمان

[ايمان ابو الفتوح]

اولا شكرا على المعلومه
ثانيا متياسيش من رحمه ربنا وتقولى الانتحار دا ربنا كريييييم اوى وبيحبنا اوى واكيد هيعوضنا خير
خلى عندك امل فى ربنا يا امل وباذن الله خير

[*امل*]

ادعولهم....
ده على اساس ان احنا في العنايه المركزة؟؟
ازاي يا امل ماقبضتيش المكافأة لحد دلوقتى ؟ كنتي قولتيله ...عاوز صبر اكتر من كده ايه؟
محافظة ايه دي اللى لسه ما قبضتش؟

محافظة اسيوط وكل ما نسال عليها يقولنا لسة فى الحسابات

[*امل*]

جزاكى الله خيرا أستاذة أمل وشكرا على مجهوداتك واسمحيلى أقتبس من كلامك بعض الكلمات وأعلق عليها.
(ادعيلهم)دى معناها إن إحنا فى حالة ميؤوس منها
(لسه مفيش اى حاجة وصلت لينا )ده معناه إن الحكومة تدير البلد باليومية يعنى مفيش خطة مدروسة طويلة الأمد أو حتى قصيرة الأمد يقدر منها كل شخص يعرف بيعمل أيه لكام سنة قدام يعنى ولا مدير الاكاديمية عارف حاجة ولا الوزير عارف حاجة ولا الرئيس حتى عارف حاجة كله سمك لبن تمر هندي .
(خلو نفسكم طويييييييييييييييييييييييل)لو طول أكتر من كده هيتقطع .
(الانتحار)حرام هنخسر دنيتنا وأخرتنا .
(لسة مقبضتش شهر 7 )وأنا كمان
وكل سنة وانتم طيبين

شكرا استاذ عماد على هذا التحليل

[احمد الكوامي]

وإذا كانت الأكاديمية تؤكد على وجود مراحل أخرى تالية لتجميع هذه الشهادات ، إلا أنها تؤكد أيضاً على أهمية الإسراع في الحصول على هذه الشهادة ؛ لأن التعيين في وظيفة معلم سيكون على أكثر من مرحلة في ضوء استكمال الملفات.

[ayman3body]

خير إن شاء الله

[بنت سيناء]

بجد ربنا معاكو يا أمل ويصبركو
يا بنتي المكافآت جت واتصرفت
لا حول ولا قوة الا بالله العلي العظيم

[دينا احمد]

ادعى على الظالمين دول وانت صايمة وادعى لنفسك وان شاء الله هتفرج