صدمان -- عدمان -- تلفان ما تختشيش !!

[شريف]

:bosyht9:يا سلام يا اخى على أيام زمان
ايام فى اللذيذ ... ايه رايك فى التلاتينيات و الاربعينيات ؟
تحب تعيش فى الزمن ده و لا مرارتك هتتفقع ؟


و الله ساعات يا جدع بقارن بين حوارتنا


(( كأصدقاء يعنى )) و بين


حوارات الناس زمان أيام يوسف وهبى و هوا صغير
و بمجرد ما ابدأ المقارنة الاقى حوارتنا دلوقتى واطية واطية
(( و من غير سورى ))


بجد لو عملت مقارنة هتلاقيهم بيتكلموا باسلوب محترم جدا


و دلوقتى تلاقى فى كلامنا العادى كلام
كان ممكن يكون بالنسبة للناس دى
زمان شتيمة ... و شتيمة قبيحة كمان ...
بالرغم من اننا بنقول الكلام ده


بشكل يومى عادى جدا و لا كأننا بنقول حاجة غريبة


بجد زمن تحفة ... بس مش عارف لو كنت عايش فى الزمن ده


كنت هتكلم ازاى.... ! بطريقة الحوار بتاعتهم دى ؟


تفتكر الكلمات بتاعتهم بتاعة زمان ؟
دى احيانا كانت بتبقا مليانة عربية فصحى


طب ايه رايك في القاهرة زمان


You can see links before reply



يا سلاااااااااااااااام


طب ايه رايك لو قمت م النوم لاقيت مصر كلها لابسين طرابيش !!!


عندك استعداد تلبس طربوش ؟


You can see links before reply
كان هيبقا ايه احساسك ساعتها ؟ !
ههههههههه دانا كانت مرارتى تتفقع صح


طب فاكر اللغة بتاعتهم زمان ؟


خد عندك يا سيدى


واحد عايز يقول لواحد ... ميرسى يا باشا ... او شكرا ...


يقولهاله ازاى ؟ ههههههه بيقوله ممنون جدا


و خد عندك بقا


كتر خيرك


اذا سمحت
صدقينى (( بتعطيش الصاد )) !


نينا (( يعنى ماما ))


واحد بيعاكس واحدة دلوقتى هيقولها ايه ؟


زمان كان ممكن يقولها


ما أجملك !!!!!!!!!!! ههههههههههه


ياللهول


سى فوزى


سعيدة
العواف


احمد افندى


You can see links before reply


حتى يا اخى الشتيمة بتاعتهم كانت لذيذة خالص


خد عندك


عدمان صدمان: و دول كانوا بمعني هزيل او مش مهندم في نفسه كده..


- ابن الرفضي: هي اصلها ابن الرافضي وهو من الشيعة الروافض..


- ابن الارندلي: الشتيمة دي صحيت تاني بعد مسلسلة الباشحكيم يحيي بك الفخراني.. بس بالحق مش عارف لها اصل..


- ابن الاديمة: ودي باعتقد انها كانت كناية عن الجزمة الأديمة يعني.. اللي هي الكتانيلا.. :)


- تلفان متختشيش: مستهتر وهمجي و اهوج و ارعن


- بارد: و دي لسة بتستخدم في الاسكندرية


- كروديا: بمعني علي نياته و طيب خالص.. و اصلها كلمة افرنجي بمعني خام


- فلاتي و ألعبان: ودول بمعني راجل غاوي يلعب بديله و زير نساء..و غاوي نسوان
عدم المؤاخذة


- أروبة و أرشانة: بمعني لئيمة و كثيرة المشاكل


- صعلوك: وهو الفقير


- حيزابونة: ودي معناها الطاعنة في السن.. مرضعة قلاوون يعني..


- سليط: حاد اللسان


- دنيء منحط دون: و التلاتة بمعني واطي عدم المؤاخذة




ههههههههههههه


مش قولتلك زمن لذيذ خالص ؟


تحب تعيشه ولا انت حابب زماننا ده ؟


ياللا ... أقعدوا بالعافية


You can see links before reply

[نعمه محمود]

هههههههههههههههههههههه
موضوع في اللذيذ ياشريف يعوض غيبة الكام يوم اللي فاتوا
بص ياسيدى بالنسبة ليا انا بصراحه محبش ارجع اعيش زمان خلاص بقي ومعنديش مرارة للروقان اللي كانوا عايشين فيه
وبعدين ولا هيبقي في منتدى ولافيس بوك لا ياعم دى مش عيشة بس الحاجة اللذيذة واللي نفسي اشوفها ان القاهرة تبقي فاضية كده ومفيش زحمة وكل الحريم تلبس يشمك
شكرا ياشريف على الموضوع اللذيذ

[شريف]

بص ياسيدى بالنسبة ليا انا بصراحه محبش ارجع اعيش زمان خلاص بقي ومعنديش مرارة للروقان اللي كانوا عايشين فيه

الحاجة الصعبة اوى بقا اللى الواحد مش متخيلها
واحدة مثلا عايزة تطمن على جوزها و هوا فى وسط البلد
و عنده مشاوير كتير
و هيروح البيت بالليل
تكلمه ازاى ؟
لا فى موبايل و لا اى وسيلة اتصال
و ياسلام بقا
يصيع براحته
و اجمل حاجة
انه مش هيستقبل مكالمة فيها خبر وحش فجأة
ولا حد هيتصل بيه يطلب منه حاجة
ولا حد هيعرف هوا فين
هينطلق بجد

مش متخيل الدنيا من غير موبايلات و لا نت !!

بس بصراحة كان هيبقا فى وقت كتير نعمل حاجات كتير أفيد

بس بينى و بينك

فعلا
معندناش مرارة للمراوح اللى كانت على قلوبهم دى

[مسيو وليد عسكر]

مبدع كالعادة يا شريف بموضوعاتك الرشيقة خفيفة الدم واسلوبك الذي تنفرد به
رمضان كريم يا حبيب قلبي وكل عام انت والاسرة الكريمة وسائر المسلمين بكل خير

[ياسر الدقاق]

مش قلت لك
مبدع وفنان حتي في إختيار المواضيع
ويا سلام علي التنسيق مقولكش
ولا الصور شيئ معبر
بس موضوع جميل صراحة
وبالنسبة للعيشة في الزمن الماضي
لا لا لا لا
إزاي هنعيش من غير نت وموبايل وشتيمة مودرن
زي ................................
حاجات روشه كده
مش عدمان وأروبة وكلام فاضي
ههههههههههههههههه
سيبك إنت المودرن مودرن والروش روش طحن يعني
كل عام وأنت والمسلمين بالف خير
وحمد لله علي سلامة المبدع الآخر مسيو وليد عسكر
إل نور المنتدي بطلته الجميلة

[شريف]

مبدع كالعادة يا شريف بموضوعاتك الرشيقة خفيفة الدم واسلوبك الذي تنفرد به
رمضان كريم يا حبيب قلبي وكل عام انت والاسرة الكريمة وسائر المسلمين بكل خير
لا لا

مش ممكن

انا بحلم ولا ده بجد ؟

حد يقرصنى

طب حد يزغزغنى

وليد عسكر ؟؟؟؟؟؟

ولا حد سارق عضويته ؟

يالهوى لو هوا

و النبي لاعمله ليلة ترحيب ولا الف ليلة وليلة

واحشني جداااااااااااااااااااااااااااااااااااااااااااااااا اااا

و عيب عليك الغيبة دى كلها

[Madame/Basmalh]

لا لا

مش ممكن

انا بحلم ولا ده بجد ؟

حد يقرصنى

طب حد يزغزغنى

وليد عسكر ؟؟؟؟؟؟

ولا حد سارق عضويته ؟

يالهوى لو هوا

و النبي لاعمله ليلة ترحيب ولا الف ليلة وليلة

واحشني جداااااااااااااااااااااااااااااااااااااااااااااااا اااا

و عيب عليك الغيبة دى كلها




مش قولت ليك يا شريف وليد حيرجع ورجع
صديقى واخوى واستاذى رجع الف حمد على السلامة مفتقدينك جدااااااااااااااااااااااا:5::5:

[عزة المصرى78]

كل زمان وله إيجابياته وسلبياته وناسه
وأكيد لم نكن نستطيع أن نعش فيه لأنه ليس زماننا
وإن كان جميلا لنا لأننا نفتقد فيه بعض الأشياء التى لا نجدها فى زماننا من احترام وبعض الأخلاقيات التى اندثرت كمراعاة الجار وإعطائه حقوقه .......................................
وأكيد زمانا فيه إيجابيات تمناها الآخرون " السابقون " وسيتمناها اللاحقون

موضوع جميل وقيم وسرد جميل متميز كعادتك أ / شريف دام إبداعك وتميزك

[همس الحنين]

كالعاده مستر شريف

موضوعات لذيذه راقيه بتعبر فعلا عن اشياء مفتقده

واعتقد ان فعلا ايام زمان كانت جميله

ولكن عصرنا الحاضر له ميزاته

الف شكر لموضوعك الجميل

[دعاء نجم]

موضوع ممتاز يا أ\شريف أحييك عليه
وأنا عن نفسي أحب أعيش أيام زما بأسلوبه في الاحترام
وبالاخص الشتايم اللي كان ليها معنى وفي نفس الوقت محترمة
هههههههههههههههههههههههه
بس أعيشه بتطورات زمانا ده
يعني ما استغناش عن الموبايل والنت
من الاخر
أخلط بين الماضي والحاضر
هي الحياه ايه غير ماضي وحاضر ومستقبل وشوية حاجات فوق بعض
هههههههههههههههه
تسلم ع الموضوع الجميل

[شريف]

مش قلت لك

مبدع وفنان حتي في إختيار المواضيع
ويا سلام علي التنسيق مقولكش
ولا الصور شيئ معبر
بس موضوع جميل صراحة
وبالنسبة للعيشة في الزمن الماضي
لا لا لا لا
إزاي هنعيش من غير نت وموبايل وشتيمة مودرن
زي ................................
حاجات روشه كده
مش عدمان وأروبة وكلام فاضي
ههههههههههههههههه
سيبك إنت المودرن مودرن والروش روش طحن يعني
كل عام وأنت والمسلمين بالف خير
وحمد لله علي سلامة المبدع الآخر مسيو وليد عسكر

إل نور المنتدي بطلته الجميلة



تسلم يا استاذ ياسر
المواضيع مالهاش طعم الا بيك و بردودك

كل زمان وله إيجابياته وسلبياته وناسه
وأكيد لم نكن نستطيع أن نعش فيه لأنه ليس زماننا
وإن كان جميلا لنا لأننا نفتقد فيه بعض الأشياء التى لا نجدها فى زماننا من احترام وبعض الأخلاقيات التى اندثرت كمراعاة الجار وإعطائه حقوقه .......................................
وأكيد زمانا فيه إيجابيات تمناها الآخرون " السابقون " وسيتمناها اللاحقون

موضوع جميل وقيم وسرد جميل متميز كعادتك أ / شريف دام إبداعك وتميزك
و رد اجمل و اجمل يا استاذة عزة تسلمى




كالعاده مستر شريف


موضوعات لذيذه راقيه بتعبر فعلا عن اشياء مفتقده

واعتقد ان فعلا ايام زمان كانت جميله

ولكن عصرنا الحاضر له ميزاته


الف شكر لموضوعك الجميل

يااااااااااه
فينك يا همس ؟
ايه الغياب ده كله ؟
عايزين نشوفك فى الردود و الموضوعات و فى القسم العام
و فى المسابقات
ايه الحكاية ؟
منتظرينك
شكرا على مرورك الجميل



موضوع ممتاز يا أ\شريف أحييك عليه
وأنا عن نفسي أحب أعيش أيام زما بأسلوبه في الاحترام
وبالاخص الشتايم اللي كان ليها معنى وفي نفس الوقت محترمة
هههههههههههههههههههههههه
بس أعيشه بتطورات زمانا ده
يعني ما استغناش عن الموبايل والنت
من الاخر
أخلط بين الماضي والحاضر
هي الحياه ايه غير ماضي وحاضر ومستقبل وشوية حاجات فوق بعض
هههههههههههههههه
تسلم ع الموضوع الجميل
و تسلمى على الرد اللذيذ
و اتمنى اشوف ردودك فى كل الموضوعات
من القسم العام لحد قسم المكرر و المحذوف :)

[عبدالله حسن رياش]

شوف يا أسد البوابة يا مبدع
كل وقت وله أذانه
السؤال
الناس اللي كانوا عايشين أيام الجنيه الجبس دول
لو واحد سألهم تحبوا تعيشوا في عصر وبدأيوصف عصرنا ده
هل كانوا هيوافقوا
مش عارف
لكن اللي أعرفه إن بعد كام عشرتاشر سنة كده
هنلاقي واحد اسمه شيري منزل موضوع عن الناس الرايقة الهادية اللي كانوا عايشين في 2010
وهيسأل نفس السؤال تحبوا تعيشوا أيامهم
هتلاقي الإجابة واحدة
يا ساتر يارب دول ناس فظيعة ومركبين تكييف على مرارتهم ومتسمرين مكانهم لدرجة إن صاحب القهوة في زمانهم بقاله حاجة وعشرين سنة هو وولاده ماسكين القهوة وما حدش من الزباين بيتكلم
مش زي أيامنا الحلوة دي احكم نفسك بنفسك
ههههههههه
تقبل مروري

[المشاغب الأول]

You can see links before replyاقتباسYou can see links before reply You can see links before reply (You can see links before reply) المشاركة الأصلية كتبت بواسطة شريفYou can see links before reply


الحاجة الصعبة اوى بقا اللى الواحد مش متخيلها

واحدة مثلا عايزة تطمن على جوزها و هوا فى وسط البلد
و عنده مشاوير كتير
و هيروح البيت بالليل
تكلمه ازاى ؟
لا فى موبايل و لا اى وسيلة اتصال
و ياسلام بقا
يصيع براحته
و اجمل حاجة
انه مش هيستقبل مكالمة فيها خبر وحش فجأة
ولا حد هيتصل بيه يطلب منه حاجة
ولا حد هيعرف هوا فين
هينطلق بجد


مش متخيل الدنيا من غير موبايلات و لا نت !!


بس بصراحة كان هيبقا فى وقت كتير نعمل حاجات كتير أفيد


بس بينى و بينك


فعلا
معندناش مرارة للمراوح اللى كانت على قلوبهم دى


You can see links before reply


يصيع براحته بقى

[dalila7777]

الزمن والرقى اخلاق مش لبس والفاظ بس والحضاره زمان كانت فى النفوس لكن بعد ما الموازيين اتقلبت والانفتاح بعد الاشتراكيه وصلوا وظهر زمن النوفو ريش والقطط السمان بقم صفوه المجتمع طبيعى ان الزمن يفضل ينحدر الرقى مستمد كان وقتها من رقى الناس التى تقلد زى الممثلين وعليه القوم دلوقتى تلاقى اللى يسوى واللى ما يسواش مسلط عليه الاضواء فانحدرت الاخلاقيات وطرق التعامل