عاوزة أعرف الفرق بين العقد المميز ، والعادي ؟

[نسائم الأمل]

السلام عليكم ورحمة الله........

متعاقدة جديدة من ضمن ال 1400 اللي خدوهم من شهر 5 اللي فات

مش عارفة يعني ايه عقد مميز من عقد عادي ؟

والصراحة من كلامكم وطول صبركم على التثبيت أنا نفسي زهقت واستعجبت من طول صبركم ؟؟؟؟؟

دا غير طلباتهم اللي مبتخلصش عشان نكمل الورق .........نفسي أعرف بس التعب دا وبعد دا كله هناخد كام عشان نعيش حياة كريمة ؟؟؟؟؟

بحضر الماجستير و دلوقتي باخد ال icdl وجالي التسكين على مدرسة بعيدة محتاجة مواصلات كتير وأكيد المرتب مش هيكفي بس مواصلات .............


انا عن نفسي بكل صدق اذا لاقيت الحكاية مش جايبة همها معنديش طولة بال على التثبيت مثلكم ممكن أسيبها وأشتغل في أي مستشفى أخصائية نفسيةأو حتى مشتغلش واقعد في البيت أبرك لي وانتظر لحد ماخد الماجستير وربنا يحلها بعد كدا:confused:

[نسائم الأمل]

13 مشاهدة ولا رد ! .......... انا فعلا مش عارفة الفرق يا جماعة بين الاثنين ؟؟؟


ياريت تفيدوني بارك الله في الجميع

[naylovepoet]

كل العقود الآن مميزة ولا توجد عقود عادية

[حازم دهب]

العقد المميز بيبقى مع المديريه لكن العادى بيبقى مع المدرسه و الفرق مش كبير اوى
ومن وجهة نظرى العقد المميز هيه عقود لاعيبة الكورة وربنا معاك وتلاقى مواصلات

[الأمير باشا]

ههههههههههههههههههههه

[عماد عبد الحميد]

العقد المميز هو حاليا عقد المعلم المساعد وبيكون بين المتعاقد والمديرية والوزارة طبعا معترفة بيه وبيكون بشروط وهو جزء من منظومة الكادر.
العقد العادى بيبقى بين الأدارة بس والمتعاقد لسد العجز وده طبعا مبيكنش عقد معلم مساعد والمديرية والوزارة مبيبقاش عندهم علم بيه .

[وطنى]

كل عام وانتى بخير اخت نسائم
اولا ربنا يوفقك وتاخد الماجيستير
بس الفرق بين العقد المميز والعادى بيظهر فى كم نقظه مثلا
العقد العادى كويس وجميل وامور بس مفهوش فلوس
العقد المميز ده بقى ايه مميز يعنى الفلوس اكتر شويتين بس للاسف انك بتحط عليهم كمان علشان تلبى
طلباته وشروطه زى اى سى دل وامتحان كادر ومحو امية وكده
العقد العادى مش بيكفى او قليل
اما العقد المميز الظاهر كده والله اعلم هنطلع من وراه مديونين
لكن فى حاجه بيتفق فيها العقدين حاجه مهمة جدا
هى انك اثناء عملك بالعقدين مش بتقول الا حسبى الله ونعم الوكيل

[نسائم الأمل]

بارك الله فيكم جميعا على ردودكم والله يبشركم بالخير :bosyht9:

أخي وطني :

بعد العشر سطور اللي كتبتهم مطلعتش غير بمعلومة واحده اني مفييش فرق بين الأثنين:(:confused::4: